2003 年 8 月 18 日 星期一 【晴】

終於轉左黎show happy寫日記啦!!咁大家就可以留個言啦,比我知道邊個會睇人info嘛.
10/8 開始既日記都未出過街,有講我和同學既堔圳遊記,大家可以睇番.

傲遊回憶的夢

我最後的感覺,是帶著疲乏沉重的身體,沉睡去了......
眼前是一幕舊兆強小學門前的游樂場(現今啟田商場隔鄰的新巴士站).一大班一大班白衣藍扯褲的同學在追逐著,叫囂著.此時是下午一時,兆強上午校的放學時間.我跟著母親,與其他二,三位較要好,住處相近的同學(朱鈞泉,李穎潔,馬頌恆,許智聰等)和其家人慢慢步行離開學校.
鏡頭一轉,我來到了興田estate恩田樓4樓的大堂.這是我中三前一直住的地方.
轉入走廊,我媽忙開門,隔壁的劉太出來,和我寒喧了幾句.
我忽然全身都換了便服,在走廊踏著滾軸溜冰.這是我小學時期唯一比人好的運動.
我站在劉太家的門口,偷偷的窺望著劉太的兒子明謙.我很期待著跟他玩,因為他讀兆強下午班,平時沒多幾見面,現在他在聖言升中四.
鏡頭再一轉,我在劉太家玩超任博士.小學時期的我幾乎沒有接觸過任何遊戲機.一起玩著右衛門二,多麼令人回味.
不知過了多久,我獨個兒在家砌LEGO.LEGO是我小時候十分擅長的玩意,二年級時都已完成適合8-12歲的黑城堡(no.6086),我共有九副LEGO,最後一次買是中一時買的科技系列.所有LEGO我至今都保存著.
忽然變成某個返學日的早上.我六時起了床,開著電視看鄭少秋的乾隆皇.然後我和父親鋤D,這玩意我二年級都懂了.6時50分,樓下的學巴準時地響起倒車音樂,是童軍用樂曲,我可不知是什麼名字.7時左右,朱太打電話來說有事要早走,讓朱鈞泉和朱家聰下來一起上學.然後我聽到樓梯一陣響亮的跑樓梯聲,正是他們從14樓鬥快跑下來4樓.接下來就像是我媽媽開門的鐵閘聲
----'鏟鏟鏟鏟鏟.......'------閘開了......
我睜開我雙眼,身禮好像忽然又沉重起來了,回到我現在身處的康逸苑.原來剛才的聲音是我媽跌了一隻金屬鍋而已.


真是懷念我那單純的過去........

>>August 20, 2003 at 2:27:48 PM GMT+8

2003 年 8 月 17 日 星期日 【晴】

唉!呢個禮拜終於忙完啦......一身鬆哂~~
個sve既project都幾難做.....又要搵唔同類型按摩既資料,又要轉英文,仲要將三星期既工作縮成幾日(18/8交),真是熱鍋上的螞蟻......搞到我連續幾日做到三點幾,七,八點又起床,無覺好訓......等陣我終於可以舒服地訓番覺lu......
三點幾背住新羽毛拍比番d野nak去交...跟住就落左匯景遊蕩....跟住去買左本yes去麥記cafe買杯coffee坐左成個鐘,仲見到洪鋒,咁橋仕又話唔黎得,咁就同wwb,毛人,洪鋒去打羽毛球啦....哈哈,我同洪鋒都有三四年無一齊打過羽毛球lu,對比以前中一二個時一齊放學係學校打羽球,大家都勁左好多.打左一個鐘,累到不得了,再一齊去匯景行左一陣睇下CD,跟住走lu.
仲有o camp 既話劇(無奈地比人迫做主角)同SA既資料要跟......come on come on!!!!!!!

>>August 19, 2003 at 6:21:47 AM GMT+8

2003 年 8 月 10 日 星期日 【晴】

呢日朝早8點起身...可能比人搥完既關係,勁好訓......8.30左右姑丈車左我地去寶明城飲茶,又成班親係度,當我又同班差唔多年紀既表姐弟妹雞啄唔斷啦...食乜?無瀨粉喎,米粉囉......我小...第三餐米粉......T_T
食完野就去我婆婆度坐左一陣,咁橋我舅父又係度,咁就吹左陣水啦...跟住就去我祖母度,點知佢又去左大伯伯度,咁咪又去我大伯伯度囉...點知阿拉,麥嘉,詠湘佢地又係度大戰四方城,我唔係咁識打,睇算....=.=阿媽阿爸都唔知去左邊,咁咪同佢地一齊坐姑姐車去永記食燒味......果度既肉粒米粉.....妖,第四餐......又無瀨粉
跟住就係全日最精彩節目,就係去我二伯伯間新屋啦!!!話哂之前未去過ar ma.係佢門口落車,個閘自動開門.我地行入去,門口羅馬式樓梯,一個勁字.再轉入去轉左,就係個大廳,枱頭一望,四層樓高......一個嘩字.直望,一個小小金毛17,18歲既少女,坐係梳化度食野睇電視,正是我堂姐麥翠(麥脆?)也.呢間咩屋黎架...皇宮咩,淨係個落地窗簾都成十米長....入到去既感覺勁優雅,好舒服,54吋大電視,連個牙籤盒都玉造既.....旋轉開放式樓梯,另一個嘩字.跟住我地就叫麥脆帶我地參觀上面......
二樓轉右,gym room一間,4件運動器材,隔離一間客房,有大床有29寸大電視有冷氣有化粧桌.....=.=!轉左,二伯伯間主人套房,仲大過chilam屋企個廳.......第三個嘩字.
上三樓,三間客房,全部有29寸大電視+大床+獨立廁所+獨立空調........嘩唔出啦
上頂層,成層都係麥脆間房,全日式設計,日式木桶浴缸,木膠板地,6尺大床,隔離有半層露台....目瞪口呆中.睇佢部電腦,好野終於有野勁過佢啦,佢部腦係pentium4 2.4Ghz, 256DDR ram, 不過我512ddr ram,成間屋終於有野勁過佢啦嘩哈哈哈......
然後落去同佢地打麻雀,9局win 6局,仲要幾個鐘前先識玩,hahaha......麥脆話佢媽煲左雞湯喎,飲完去洗手,玻璃洗手盤........有錢都唔駛咁用下話......再望下個廚房...仲大過我個廳.....無耐昌哥(我堂哥)斬左燒鵝黎,我得個睇字......
過左一陣就去左我姑姐度,鋤左一陣d,五點幾,跟住二伯伯帶左我地去打波,我打羽毛球,佢地打網球,打左半個幾鐘,又成班人去食韓國餐.....超正,不過我淨係食左一個飯團.....因為無米粉...=.=!
七點幾,昌哥車我地出深圳,9點左右返到屋企(in HK).....繼續活於急速的城市中.

>>August 19, 2003 at 5:54:48 AM GMT+8

2003 年 8 月 9 日 星期六 【晴】

呢日真係好難忘既一日,因為呢日係我第一次將兩個生活圈子融合既日子......
朝早7點起床lu,皆因要返大陸,執衫.去到九龍塘,nak,超哥,仕,正楠都係哂度,yeah.跟住就開始我兩個圈子(同學+家人)融合既深圳旅程喇!!過左大陸海關未出關,居然見到我姑姐一家人(表弟表妹都係度),然後我地就一行11人走去停車場搵我姑丈部車,結果搵左成三個字,我老豆仲爆哂粗添......=.=!
好?總算上左車,跟住我姑丈就車左我地按摩既地方......
入到去,超哥竟然餚底話自己去搵經理訪問.....算!去到更衣室,話要除哂喎...唔係下fa?不過無所謂,日本都除過啦,不過我表弟都同我入黎,就咁肉帛相見囉....
我地先沖涼,跟住就試朝蒸桑拿(唔係煮?果d),入到入面d蒸氣係咁標出黎,能見度= 0,有d難頂添,nak仲流埋鼻血.....10分鐘就出左黎......然後又沖涼..
跟住就係戲肉啦!!我地去左細房度搥骨,當然我同麥嘉(我表弟)(光頭偵探??)一間房,佢地一間房啦.等左一陣,骨妹黎啦,叫我地返轉?係度.跟住就係長達一小時既中式搥骨,背肌,四肢,後頸(超痛呀...),太陽穴都比佢搥過黎,搥搥下果時仲聽到對面房仕同楠既笑聲.....我仲諗住問d骨妹關於人工既野添,不過我估超會問,咁就廢事lu...搥完,成身散哂...
然後我地最後去試乾蒸(芬蘭浴),超原來而家先入黎喎...係一間木板房入面,熱辣辣,仲有d?身鹽,真係想?下,不過無比毛巾我......係呢度就介紹下我一班6A7A既同學比麥嘉...
好啦焗完就走人,入到更衣室,有侍應?面巾黎,出現一個滑稽場面......仕?左條毛巾,跟住放張廿蚊紙落個毛巾盤度(我姑丈話每個人都應該比貼士),跟住自己?左條毛巾走...咁咪即係比廿蚊買毛巾?XDDDDD
比錢啦,仕無人民幣,幫佢比住先,齊頭數四蚊貼士,唔駛找.麥嘉寫個0落去,櫃台好無奈咁找番兩蚊比佢....
跟住就去食野,去左間去過幾次既酒樓,成?正野,不過除左個豆腐煲就乜都食唔到,鬼叫我呢個時候QOO牙....嗚,想食瀨粉又冇,又食米粉
跟住見有空閒時間剩,我地就提議去書城.入到去勁多人,逼餐死,不過超多書,大部份簡體字,無乜所謂既.4.30PM行左個幾鐘,人人都買左一兩本,總算有收獲.跟住就車番佢地返交通樓,教佢地點走,然後我就返去我鄉下lu...
回程既時候,我地兩家人係度講佢地,成班狀元,緊係多野講啦.又度係話超哥靚仔成績好運動掂,nak文科30分,仕又30,正楠斯斯文文....坐左45分鐘就到我鄉下lu,姐夫輝哥話去宏業食飯,去囉,又成?正野,.....頂,鬼有牙咬呀?!食我弟二餐米粉,又無瀨粉.....
食完飯,去左我姑姐屋企上網.??佢地講緊我班同學,由於成班靚妹(3個表妹1個妹1個大我十日既表姐)既關係,不得不提靚仔呢兩個字....佢地咁想睇無辦法,唯有online叫仕send超d相比佢地睇...變態架..仲做埋wallpaper,不過d相係謝師宴既,連我都有份.....
11點幾,成班人又去左大家都有份既兩層咖啡店消夜,我,麥嘉,詠湘,阿拉,琪der係度鋤d,叫左個香蕉船一齊食.點知鋤鋤下麥嘉又肚痛,乜咁玻璃肚上次係大埔食又係咁......點知到呀拉痛,唔係下fa?佢地個乜肚黎架....
12點幾,返反去自己間屋,沖涼開冷氣,仲有大床?,電視都懶得開,舒服死......

>>August 19, 2003 at 5:52:38 AM GMT+8

2003 年 8 月 5 日 星期二 【晴】

唔駛講都知今日要講d乜啦......
8月6日,呢一日真係驚天地泣鬼神......中學會考放榜日
係全港十幾萬考生既人生轉捩點...其實話考得唔好唔代表d乜係呃人既
朝早返到去班房等prefect派cert...我就攞左副啤牌出黎玩......緩和下心情咁啦...個個都玩得好投入喎,完全唔理等陣會發生乜事,haha
好..派cert lu...到我......一出到去,見到份cert...咁多DE既?!我數學D??講笑呀?!B都謙低啦!!望下個名...M字頭......拿拿縮開隻手指,嘩! 真係比佢嚇死,唔係我黎 .....乜咁大整蠱呀??跟住攞番自己張啦......
還算唔錯......28分,分數同我預期都差唔多,不過A既科目就有少少意外,PHY,CHEM,BIO竟然B哂,無奈...最意外就係中文A,其他三科數攞A都係意料之中既...最核突英文,C左=.= oral 仲 E 埋.......
跟住就一切順利,入左math 1 group, 以後真係對住d數字成日lu...
有好幾個成日玩開既frd入唔番聖言,有d心up...不過下晝入到消息話佢地搵到學校,咁都好d.不過以後真係會好少見面機會...
今屆聖言仔勁過以前好多,問親個個都25,26分,不嬲邊個理科math無A就係唔正常.....haha
不過問邊個英文有c以上就無乜人出聲......唉
今日我確切感到人生既無奈......一d努力溫書既人就要出去搵學校,一d嘻皮笑臉,玩世不恭既人又入得番黎....
今年有一個8A,兩個7A,兩個6A,三個5A,7個4A......但係計8科總分我仲高過果兩個5A架...但係5A先有得上台攞獎......搞錯呀......

>>January 3, 2004 at 9:40:33 AM GMT+8

2003 年 8 月 2 日 星期六 【晴】

隨?放榜日期越來越近,我的心情都慢慢感到一股危機即將來臨....
我並唔係擔心我唔夠分升讀原校,我?而擔心我入唔到我好好好好好好想入既math 1 group....論中四五我係學校既成績我當然足夠,不過會考math竟然失左手,都應該冇A架啦...死啦,連MATH都?唔到A,(不過AMATH應該有)仲駛指望入MATH 1 ?
神呀!請你賜我一個MIRACLE!!雖然會考己經過去了,但請你給我一個有信心,有勇氣既姿態去迎接星期三所面臨的挑戰,不論是好是壞,我都希望事情都能順順利利,人人得到他應得的回報,有他應得既前途,讓我們就所撒的種取得應得的收成.奉主取穌之名而求,阿們.
放榜?來吧


>>August 19, 2003 at 3:09:59 AM GMT+8

2003 年 7 月 28 日 星期一 【晴】

嘩!!何解咁耐都無寫日記?(不過都無人睇架啦)我都唔想,要怪就怪blizzard出左diablo2 1.10patch 啦......
呢個星期主要埋首於企業實習計劃,聽左幾個talk之後,便要?手搞一個虛擬企業.我地一班人諗左書店,中介服務,二手買賣,電台,不過都係無乜新意,咁?郭粥話有個新idea喎,咪約左同佢傾下囉.佢既提議就係.....按摩店!!仲話可以搵基金比我地北上實地考察添!!!!咪即係校長比錢我上去尋歡????!!!!!


>>August 19, 2003 at 3:09:38 AM GMT+8

2003 年 7 月 20 日 星期日 【晴】

20-21/7 日記
呢幾日唔係好多野做,都無游水,乖乖地留係屋企打機(笑)
20/7呢日,我去左教會,??有個鬼佬神父Al Furey黎左,同個中國人神父譯音一唱一和,真係風趣幽默...不過我都好全神慣注聽佢講野,講完之後,諗左好耐,最後我決定信教(唔好問我點解)呢晚約左人打羽毛球,後尾諗起要返sa開會,諗住下晝約阿刁去屋企砌船架啦,點知聽日下什又要去ibrary prefect既賽...唉
21/7,返左學校開SA會議10am開會,9:45起身...諗住去銀行?錢,不過M事托人手掙遲到啦,不過唔?錢又還唔到書喎(四本書遲還6日)算!!返學校先!!有個副財政做,都好?,不過唔係正,唉......跟住12:30pm知道要去圖書館,點知得得又話要著校服...洗左嘛,冇計,又去唔到.下晝?,走落去啟田?錢,不過又唔想行番上去圖書館...退而求其次,打電話比阿刁,點知又打唔通....咁唯有返屋企......可惡的一天


>>August 19, 2003 at 3:09:06 AM GMT+8

2003 年 7 月 18 日 星期五 【晴】

15/7-19/7日記
最近睇番紀念冊,阿依瑪話我um到風都吹得郁,之前又見到佢橫左咁多,於是把心一橫自己去游水.己往我都有游水,不過玩居多,呢個星期我日日去游,連續五日,點知又唔係好累喎,星期五呢日我仲破左自己紀錄添,游左1000米(每五十米一抖)......
開始追射雕英雄傳,一開電視見到個梅超風,有冇咁靚呀?小說係話佢靚?,都唔使成個BoA咁既樣下話?反之韓小螢我就expect 21,22歲咁,點之就成個師奶咁,同梅超風掉轉就差唔多.但總之成套戲都唔錯,好過無線d羊頭狗肉古裝片.
又有d白痴理論想講.呢次講自我中心既問題.我發覺我既中心唔係我自己,好似集中係人地度咁.猶其是呢個年紀,16,17歲,我既中心好似於左係學校度咁.學校變左我既中心,我一直諗住'我'參與'學校'.但其實,學校係協助我地喎,何解我會當左學校係我中心?我發覺我有呢個思想己久,己且係好蝕底既想法,令到我沒有主見,往往跟隨別人,更不為自己切想.最近我嘗試以自己為中心以思索,因為跟隨別人所想往往埋沒了自己的過人之處(雖然我仍沒有發掘到).講真如果經常與別人一起進退未必係好事,這只會使自己把中心移開到別人處,不為自己?想,也保護不了自己.因此呢個暑假內,我都想為自己做d野.
你話我自我中心,自戀狂都好,我覺得無呢個諗發就難以'為'自己.


>>August 19, 2003 at 3:08:40 AM GMT+8

2003 年 7 月 13 日 星期日 【晴】

12-14/7
仲諗住旅行完有幾日抖下...點知呢幾日真係累到腳軟.呢幾日去左校聽人講關於放榜既野,又同人游水,同埋去左會chok墨魚...
chok墨魚個日,下午五點鐘就上船,隻船成30人都有,我估都好難chok到,果真如我所料.坐係度睇住班女仔係度玩truth or dare,又依嘩鬼叫,不過睇佢地d dare...咁都叫dare?相對我地個?黎講簡直....小巫見大巫.臨上船時見到有新舊同學都有同我同船,唔知點解感到有一點雀躍咁...點知我又竟然爭?認唔出邊個係我舊同學,observe左好耐認到時又唔肯定係唔係喎,鬼叫我咁深近視咩.認到又唔敢叫佢,因為佢擺明認得我,佢唔叫我緊有佢既原因...唔緊要,遲d都有機見面.
臨走時佢地好似開左兒唱歌卡拉OK大會咁,唱歌由頭唱到尾,LSCC同SYSS鬥唱校歌,諗番起都好笑.有時真係羡慕她們一群人彼此都是真心朋友,咁好感情.


>>August 19, 2003 at 3:08:20 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76653

Design & Scripting by ShowHappy.Net