2005 年 3 月 17 日 星期四 【晴】

Showhappy 死既第一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1455年3月18日　文藝復興前期佛羅倫斯畫派著名畫家安吉利科去世，享年五十五歲。
　　　　　　　　安吉利科遺留的著名作品有：
　　　　　　　　「最後的審判」、「聖母加冕」、「基督受難」、「基督升天」等。
1662年3月18日　法國巴黎的世界第一家公共運輸機構舉行營運典禮。
1745年3月18日　英國第一任首相華爾波爾去世，享年六十九歲。
1869年3月18日　英國前首相張伯倫誕辰
1871年3月18日　巴黎公社革命爆發
1890年3月18日　德國皇帝威廉二世解除俾斯麥的宰相職務
　　　　　　　　結束俾斯麥長達二十四年的「鐵血宰相」霸權。
1902年3月18日　義大利的男高音歌手：恩利科 - 加爾佐在米蘭灌錄十首詠嘆調
　　　　　　　　這是為英國的留聲機唱片所灌錄、最早由一流音樂家灌錄的鑑賞用唱片。
　　　　　　　　5月在倫敦發行時，銷售量突破1百萬張
　　　　　　　　光是加爾佐在世時，銷售額已高達到2百萬美金。
1914年3月18日　袁世凱在北京召開約法會議，制定中華民國約法。
1922年3月18日　中共創辦上海大學
1926年3月18日　北京政府段祺瑞衛隊槍殺到天安門請願的學生民眾
　　　　　　　　死者四十七人，傷者一百六十人，是為「三一八慘案」。
1929年3月18日　美國汽車製造商GM公司買下德國最大汽車製造商奧培公司80%的股份
　　　　　　　　成立新的公司「AG」。
　　　　　　　　由GM公司所設計的第一部模型車，在此公開發表。
　　　　　　　　後來，GM公司完全將奧培公司買下。
　　　　　　　　處在GM公司控制下的奧培公司，此後進入大量生產的時代。
1932年3月18日　蔣中正就任國民政府軍事委員會委員長兼參謀總長職務。
1936年3月18日　南非總統德克勒克誕辰
1937年3月18日　美一教會學校發生天然氣爆炸
1940年3月18日　墨索里尼同希特勒會晤
1942年3月18日　抗日戰爭滇湎路戰役開始
1943年3月18日　新四軍生擒韓德勤
1944年3月18日　德軍進駐匈牙利控制赫魯迪政權
1949年3月18日　美國與西歐國家成立「北大西洋公約組織」。
1949年3月18日　北大西洋公約組織成立
1962年3月18日　國劇大師齊如山因心臟病猝發逝世於台北，享年八十六歲。
1965年3月18日　蘇聯發射二號太空船
　　　　　　　　太空人阿力克謝 - 列奧諾夫中校完成首次人類在太空中的飄浮試驗。
1978年3月18日　全國科學大會召開
1983年3月18日　「熊貓之鄉」臥龍自然保護區建立
1990年3月18日　東德舉行第一次自由選舉。
1996年3月18日　中國人民解放軍在台灣海峽進行陸海空聯合演習
1997年3月18日　南昆鐵路全線鋪通
1998年3月18日　美國第二、第三大證交所合併
1998年3月18日　1架國華航空B-12255客機由新竹飛往高雄途中，墜落新竹外海
　　　　　　　　機上13人全部罹難。交通部及民航局19日宣布，國華航空全面停飛。
1998年3月18日　德國拜耳台灣分公司指台中縣府阻撓拜耳案的證照核發
　　　　　　　　拜耳公司於是停止這項總金額高達新台幣500億元的在台投資案。
2000年3月18日　中華民國第十任總統、副總統選舉揭曉
　　　　　　　　民進黨籍陳水扁、呂秀蓮當選總統、副總統。
　　　　　　　　民進黨首度成為執政黨。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十年樹木，百年樹人。
《管子》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返到屋企, 同好多人傾尋日既比賽
一邊傾一邊打日記
奈何太多野傾, 搞到打日記進度嚴重窒礙
堅持到 04:18 先被迫放棄

卡卡以中阮既身份走出黎叫人 tune A
始終都係覺得有少少遺憾
我想做這個角色好多年架啦！
奈何身為中阮人, 應該無乜機會咁做
佢尋日咁做, 實在係一個新嘗試

同一傾番
佢覺得「朝勝」年年都博
乜都加大細聲, 慢起漸快, 加柳琴, 冇低嗩
就知佢博得好勁

佢年年都博得好盡
今年輸左尤其明顯
加上今年既水平似乎較往時為遜
可惜

「朝勝」真係指乜歌都係差唔多 style
儘管已經有少少分別
但係唔可以令到其他學校覺得佢有藏私既感覺
評判一唔喜歡佢既處理就點都無用
結果一子錯, 滿盤皆落索
佢旗下玩得最好既沙官都只能拎第三
慘畀邱「小」彬乘虛屈機

同卡卡傾
佢有少少激動
仲同士多啤梨蘋果橙等既水果名黎掩飾內心既不滿
客觀少少
至少撇除主觀成份之後既我依舊會覺得應該係 DB 冠軍
第九段環顧咁多間學校, 都係得 DB 有認真 D 執
其他學校比較 hae 過

最後想講下鄭旭指既沙崇
覺得鄭旭好慘
就算係業餘水平既人 (例如我) 都覺得佢果隊玩得唔好
何況佢咁專業
望著佢, 隱約望到有少少被迫上馬既感覺

第二朝訓醒已經十二點三
點半鐘落堂
返到去都唔使上啦
結果又走左堂

等到三點幾就出門口
今日畀人 con. 英文
居然畀人讚
上次 test 仲名列前茅
份卷太淺, 所以無乜興奮既感覺

con. 完又返屋企
勾留到六點幾先返 YCO
坐坐下 89X 收到一既電話
佢響屋企樓下準備返 YCO
成功畀當時身處大老山隧道既我叫左等埋我

短褲長袖衫
街坊裝得佢咁串
凍死佢......

無左卡卡響度, 真係缺少左 D 返 YCO 既原動力
Arli 唔見左, 剩返三個中阮 + 0 大阮
唉......
又練果兩隻歌
不過今日加埋 D 琵琶揚琴二胡齊來打敲擊
無得打
> . <

練完
就快離開香港既卡卡搵埋我地食飯
一行六人
卡卡多數同雲先生一齊行 + 傾
一, 我, 黃寄泓同謝四個就另外傾講
又去沙角邨大排檔
原來尋日沙官同學們賽後都係去果度食飯
真蹺

食完四[食送]一飯
唔係好夠
結果去左食甜品
食完先走
同一行去「有錢佬」花園搭 89X
繼續 hae 講野

等車期間收到仔仔電話
好對某 D 人既賽後評論好大反應
聽完之後好失望
大家既評論點解可以「客觀」得咁主觀？
可惜

十二點半先返到屋企

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1871年3月18日　巴黎公社革命爆發

巴黎公社是法國無產階級1871年建立的工人革命政府，也是人類歷史上第一個無產階級政權。

1870年，法國為爭奪歐洲霸權發動了普法戰爭，結果法軍慘敗。
9月，巴黎革命推翻了第二帝國，第三共和國宣告成立，建立了資產階級國防政府。
當時普軍侵佔了法國1/3以上的領土，10萬普軍直逼巴黎。巴黎工人奮起抗戰。
以工人為主體的國民自衛軍在三個星期裡就發展壯大到約30萬人，還購置了數百門大炮。
但國防政府害怕工人武裝甚於害怕普魯士軍隊。
它在鎮壓了巴黎人民的兩次武裝起義後，同普魯士簽訂了停戰協定。
1871年2月，賣國賊梯也爾組織了新政府，繼續執行出賣民族利益和反對無產階級的政策。

3月18日凌晨，梯也爾政府派兵偷襲蒙馬特爾高地的停炮場，企圖解除工人武裝。
巴黎工人在國民自衛軍中央委員會領導下擊潰了政府軍，舉行武裝起義，佔領了巴黎市政府。
梯也爾政府逃往凡爾賽。
巴黎公社革命取得了勝利，國民自衛軍中央委員會成為實際上的臨時革命政府。
但中央委員會沒有乘勝向凡爾賽進軍，卻忙於公社的選舉，給反動派以喘息之機，犯下致命的錯誤。
3月28日，新當選的公社委員朗維埃莊嚴宣佈：「我以人民的名義，宣告公社成立！」
人類歷史上第一個無產階級政權誕生了。

巴黎公社成立後的兩個月裡施行了許多具有深遠影響的重大措施：
宣佈公社委員會是取代舊政府的唯一政權，新建10個委員會以取代過去政府的各部；
取消徵兵制和常備軍，宣佈以工人為主體的國民自衛軍是唯一的武裝力量；
實行民主選舉與群眾監督相結合的民主制度；
廢除高薪，實行兼職不兼薪的制度。
公社還頒布了一系列保護勞工的法令。
這些措施為無產階級政權建設提供了寶貴經驗，豐富和發展了科學社會主義理論。

正當巴黎沉浸在起義勝利的歡樂中時
梯也爾政府重新糾集武裝力量，並勾結普魯士軍隊於5月21日攻入巴黎市區。
經過一周激烈的巷戰
5月28日凌晨，巴黎公社戰士彈盡糧絕
最後的147名社員在拉雪茲神甫公墓東北角的牆下全部被反動軍隊屠殺。
拉雪茲神甫公墓的這段牆被後人稱為「巴黎公社戰士牆」
它是巴黎公社精神的永恆歷史見證。

巴黎公社雖然失敗了，但公社的歷史功績不可磨滅。
馬克思曾說：
「工人的巴黎及其公社將永遠作為新社會的光輝先驅受人敬仰。
　它的英烈們已永遠銘記在工人階級的偉大心坎裡。」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看到以下賽後感受
好心痛
亦好氣憤
僅備錄如下：

──────────────────────────────────────
評判的公正去了哪裡？
他們的良心去了哪裡？

_________________________________________________________
當你付出左一切，
卻得唔到應有既野，
個種感覺，
我尋日真真正咁感受到啦。
大家尋日上車個一刻既個句口號，
真真正正咁打左入去我心裡面。
ｓｔｇｓｓｃｏ　ｄｏｅｓ　ｔｈｅ　ｂｅｓｔ，
我永遠都會記住。
再次感受大家係向同一目標前進。
會場既後台比預期中既仲要細幾倍，
要ｔｕｎｅ鼓就更加係難上加難。
係呢度真真係係非常之感謝ｒｏｎａｌｄ哥，
唔該曬你幫我ｔｕｎｅ好其中好多鼓呀，
無左你，
我ｄ鼓都可能ｔｕｎｅ唔切！
再一次感受到你既專業精神。
準備既過程並無想像中咁順利，
不過對我地呢班有雄心壯志黎講，
根本完全唔係問題。
係忙亂之中聽ｄｂｓ玩，
佢地個管子係唔岩音既＠＠
同埋有一ｄａｔ地方個排鼓係唔齊既，
ｔｓｉｔ左一下出黎。
唔知點解，
我心裡面好似有種好開心既感覺，
可能係我黑心啦．．．
－－－－－－－－－－－－－－－－－－－－－－－－
出場，
見到吳朝勝出黎既個一刻，
再次發覺個人既靈魂已經再唔係依附係我自己到，
我已經完完全全咁放左個ｓｏｕｌ落去首歌度，
我都估唔到自己會咁。
玩完之後既感覺係好想喊。
唔知點解。
被自己的音樂感動了。
不過我之前應承左自己，
我今日唔喊。
完既時候我係聽到有人嗌好架，
不過肯定唔係班舊生嗌。
頒獎，＜－－－以下既野開始好多粗口，唔想睇既就唔好睇啦。
當個三條仆街ｓ係度互相推搪邊個頒獎既時候，
我其實已經有ｄ危機感架啦，
估唔到真係。
當佢宣佈第三係５號既時候，
我真係有點愕然，
我唔敢相信我地係５號囉。
但當歐銘佢地上去羅既時候，
我先知道，
第三原來真係我地。
８３分，
第二梁球居８４
ｄａｍｎ　ｂｏｙ　ａｓｓ８５（眾麻甩佬一齊作既）
個種感覺真係唔好受。
當ｄｂｓ係度歡呼既時候，
我好似感覺到我個心俾人狠狠咁打左一搥咁。
我估唔到不公平竟然會伸延到呢ｄ咁野事上面，
我唔敢一口咬定話佢地真係內定係ｄｂｓ，
但係有好多證據都足以證明個三條仆街ｓ係造馬，
佢地個ｄ評語根本就係自相矛盾既，ｏｎ９。
如果你一早內定係ｄｂｓ既話，
咁你寫黎做咩姐？
你有資格擔當評判呢個位置咩？
我可以話俾你聽，
係冇呀！仆街！
同埋我唔相信ｄ分數可以８３８４８５咁上囉，
邊有可能呀？
你地唔係內定既，
我打死都唔信。
我好慨嘆，
就係因為我地唔係名校，
我地唔係有錢仔，
我地出身係唔係個ｄ死白痴家長追捧個Ｄ所謂既名校，
我地無錢去買枝低音管，
所以就冇俾個１ＳＴ我地？
如果你地班仆街Ｓ係以咁既準則去決定邊個係第一既話，
咁，
我可以好清楚咁話你聽，
我，一定會頂爆你地個肺。
唔係，
你地個咁既黑心肺無資格受我頂。
我開始好慶幸自己唔係讀男拔萃書院ｄｉｏｃｅｓａｎ　ｂｏｙｓ’　ｓｃｌ，
我好慶幸自己係讀沙田官立中學，
我好慶幸我真心付出過努力同汗水，
雖然換返黎既唔係冠軍，
但係我地換到既係觀眾既一致好評與掌聲。
去到呢到，
我忽然覺得，
我慶幸我地得唔到獎。
因為如果評判內定冠軍係我地既話，
我諗呢個獎，
我一ｄ都唔稀罕。
起碼我既人格，
比起呢個獎，
更加係站於更高既層次。
我想同ｄｂｓｃｏ既仝人講，
你地既對我地既歡呼同暗串，
對我地黎講，
係一ｄ作用都冇。
因為你地得到既只不過係一個內定既獎同一張寫哂廢野既分紙。
而我地得到既，
係觀眾既認同同埋我地發自內心既喜悅。
我地並冇直正輸左，
輸既只不過係我地鬥唔過呢個社會既黑暗與不公平。
ｗｅ’ｒｅ　ａｌｒｅａｄｙ　ｗｏｎ

──────────────────────────────────────
好失望！
好心痛！！
好氣憤！！！

大家學音樂為乜？
難道只係為左比賽？
難道唔係為左聽好既音樂？
點解唔可以互相比較先去作評論？
不知己不知彼, 有乜好嘈？？

如果係一時衝動講左呢 D 咁不負責任既野
我覺得無所謂
人總有情緒
如果冷靜左都係咁諗
我好失望
如果呢 D 係友方同學既一致評論
我無話可說！！！

音樂比賽只係為左提高音樂水平既一個工具
如果話音樂唔應該有比賽
咁做乜要報名參賽？
報左名, 就要輸得起
唔係曾經付出過就一定會贏
如果係咁, 沙崇一定冠軍！

至於上面既言論
我有少少野想回應：
i) 有付出唔一定就拎到冠軍, 道理甚明, 無需多言
ii) 有人嗌好, 唔一定係所有人都嗌好, 唔好用 sample 當左係 population, Statistic 唔係咁做
iii) 點解話唔公平？有乜野證據話係內定？
iv) 響自己既音樂造詣未能夠高過評判既時候, 不宜對評判的專業水平表示懷疑
v) 分數只係為左數目管理獎項, 唔一定要畀得咁精確 (音樂唔係數學, 無得計分)
vi) 玩得中樂既唔係有錢仔, 名校都唔代表係乜
vii) DB 支低音管好似都係借架喎, 關有錢乜事？
viii) 從來無暗串過！如果知道邊個咁做, 煩請相告, 且代本人親身打佢一鑊！

如果大家仲係堅持用呢 D 態度去睇一個比賽
想進步, 畫餅而已
要進步, 就要諗下自己係咪真係無可挑剔
同埋聽下人地有乜優勝之處
呢 D 先係學習之道
太計較勝敗, 但係未能從人地 (無論勝敗方) 學野
浪費時間
就算係當日表現不佳的沙田崇真, 也有地方值得學習
希望大家明白

唔講咁多
不過最後一句
贏既就為下年為衛冕努力
輸既為復仇而奮鬥
多謝收看

>>March 20, 2005 at 3:10:56 PM GMT+8

2005 年 3 月 16 日 星期三 【晴】

1766年3月17日　英國國會投票通過廢止殖民地稅，項目包括美國殖民地區人民強烈反對的印花稅。
1866年3月17日　荷蘭畫家梵谷來到巴黎，邁出他偉大藝術生涯的學習與發展；
　　　　　　　　四年後，梵谷因精神病在巴黎自殺身亡，年僅三十七歲。
1906年3月17日　嘉義、斗六間發生強烈地震，延續四、五日
　　　　　　　　造成一千一百多人死亡，近兩千人輕重傷，房屋倒塌六千七百餘戶。
1906年3月17日　俄國成立勞工法
1912年3月17日　梅蘭芳首演京劇《木蘭從軍》
1919年3月17日　首批勤工儉學學生啟程赴法
1939年3月17日　南昌會戰中國軍隊傷亡慘重
1946年3月17日　國民政府軍事委員會調查統計局局長戴笠，於青島飛南京途中因飛機失事罹難。
1948年3月17日　人民解放軍攻克洛陽
1954年3月17日　台灣發生吳國楨事件
1963年3月17日　印尼峇里島火山爆發，一萬一千多人死亡。
1966年3月17日　兩艘宇宙飛船首次在太空對接成功
1969年3月17日　以色列國會選出第一位七十高齡、祖母級的女總理戈達 - 梅爾。
1970年3月17日　蓋亞那共和國選出第一任新元首，華裔鍾亞瑟任總理。
1985年3月17日　日本筑波萬國博覽會開幕。
1990年3月17日　國內大學院校學生數千人為抗議國大濫權，在中正紀念堂廣場舉行靜坐活動。
1995年3月17日　菲律賓女傭弗洛爾在新加坡被判絞刑
1998年3月17日　1架TH-55型教練直升機，在陸軍歸仁航空基地操演時墜毀，造成2名軍官喪生。
1998年3月17日　聯勤弊案前工程署長沃機高遭收押禁見，全案移交最高檢察署偵辦。
　　　　　　　　行政院長蕭萬長指示檢討軍方採購制度；
　　　　　　　　於20日成立專責小組，調查國防弊案，貫徹4大措施。
1998年3月17日　朱鎔基任中華人民共和國國務院總理
2000年3月17日　十年花在飛機、遊艇、汽車和珠寶的錢，高達二十七億五千萬美元。
　　　　　　　　汶萊親王傑夫瑞 - 包奇亞被控挪用公款一百五十億美元
　　　　　　　　目前，他的資產已遭凍結。已由法院判決。
2003年3月17日　傑出的數學家、教育家蘇步青逝世

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
良馬期乎千里，不期乎驥驁。
《呂氏春秋》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
為左打爆機
不惜搞到四點幾先去訓
過份

十一點幾就起身
不過繼續打機
Contract Law 呢 D 機超難打
畀佢打到屈左機
> . <

屈屈下唔繼續打機
真係走左去打《大富翁 6》
自從上次同肥仔響 Hugo 場上打《大富翁 2》之後
周圍搵番以前 D 大富翁系列打
滿有童真的
呵~~~

玩得太開心
結果今日又走埋堂
成個星期好似行屍走肉咁上堂 (儘管上堂時間唔多)
據非正式統計, 今個星期我淨係上左星期一既兩個鐘英文

走既堂如下：
10 / 3：三個鐘 Development Economics, 三個鐘 Modern Architecture
11 / 3：兩個鐘 Building Science, 三個鐘 University English (test 呀！)
14 / 3：由於有上英文, 加上無 lab 做, 所以是日無走堂
15 / 3：三個鐘 Contract Law (去左 test 嘛)
16 / 3：Dayoff
17 / 3：同 10 / 3 一樣
總共走左 20 個鐘
一個鐘大約要畀 $ 200
浪費左 $ 4000 蚊

四點幾出門口
到左荃灣就去牡搵 Konnie
專誠要畀兩本英文 past paper 佢
畀完佢就行去書局 hae

到咁上下就行落荃灣大會堂
陳倫一見到我就放低件褸落我膊頭, 逕自去洗手間
真自助
> . <

正式入場
只見肥仔好揚地周圍拎住部 notebook 耀武揚威
慌死無人知佢盜錄同識用 notebook 收數咁
=.=

好多老鬼黎聽
且按屆數黎講：
199X：趙慶中
1998：侯「很揚」(伉儷)
1999：肥婆, 牛眼, 嘻嘻
2000：豬 ray, 朱哥哥, 一, 我, Tim (唔係中樂都黎聽, 呵~~~)
2001：o者喱仔
2002：謝, 肥仔
2003：蔡 9 (拔左尖, 無啦啦都做左老鬼)

聽左六隊比賽
六隊都唔係可以屈機地贏人
不過發現左某 D 問題
姑且試下講出黎聽

先講冠軍 DB：
i) 笛子音準危危乎 (徘徊 arm 音同唔 arm 音之間, 好彩勉強 arm 音)；
ii) 彈撥完全唔夠聲 (連玩得最差既崇真 D 彈撥都有聲過 DB)；
iii) 三角同 Timpani 既表現比較令人擔心 (因為之前表現唔太好)

再講亞軍梁球琚：
講真, 唔明佢地憑乜拎亞軍
i) 對頭鈸二鈸打得唔好聽, 打到開晒, 唔似打溜子既聲；
ii) 由於彈撥 (尤其琵琶, 揚琴) D 噪音無加以控制, 令成首歌變得好燥 (亦可以話太多雜音)；
iii) 音準問題好似無乜點解決到......

輪到季軍沙官：
i) 唔夠低音, 無晒低音 support, 再上亂咁加梆笛同柳琴, 成個團太高音, 死證；
ii) 入敲擊 solo 出花姐成名技──慢起漸快, 睇怕玩過呢隻歌既評判都畀吳生屈左機；
iii) 吹管音準...... > . <

講完問題, 點都要講 D 好野
首先 DB：
i) 仔仔今日表現在水準之內, 不特別出色, 所以唔係咁想讚佢 (儘管屈晒全部學校機)
ii) 陳穎軒吹 solo 笛無之前聽咁好, 不過佢好努力, 抵讚
iii) 彭彭好努力, 抵讚 (儘管都係畀其他學校屈機)
iv) 飯飯簡直係屈盡學界既 Bass (單係單項居然輸畀 DBSPD 小三同學, 命運)
v) 第九段慢板處理, 絕對係止此一家, 相對其他學校既 hae 過, 實在差好遠
vi) 由細聲漸大聲, 成個意識足足做左十幾個 bar, 簡直係大手筆之作
vii) 敲擊仝人, well done

接著係朝勝黨：
i) 舊年《酒歌》亂加大細聲, 今年某部份大細聲係做得好既 (隻歌較複雜同重複, 適量地加少少會好 D)
ii) 彈撥 (尤其中阮 + 琵琶) 屈左機

場中趣事不少：
i) 卡卡好似小紅帽咁出場, 仲畀人讚可愛, 屈機 x 1
ii) 第一次見到係中阮走出黎 tune A, 屈機 x 2
iii) 明明得幾個中阮, 居然要突卡卡一個出黎坐 1st desk, 屈機 x 3
iv) 沙官同學既肢體動作異常有趣 (痙攣狀地既二胡首席, 大猩猩狀既排鼓......)
v) 唔記得邊間學校既吊鈸亂咁打, 搞到我慶到想揀死佢

走既時候托卡卡個妹打佢地學校分紙既內容上網
事後佢打畀我 (儘管諗左好耐先知係佢)
突然諗起完全唔記得佢叫乜名
問佢, 佢話佢叫陳思「彤」
問佢個彤字點寫
電話接收問題, 差 D 以為「彤」字係左邊三撇, 右邊三撇......

慶功食火鍋
班小朋友瘋狂叫罐裝汽水
D 著校服既大佬又隊啤
成何體統？

都係我地一檯人正常 D
肥婆, 嘻嘻, 一, 我, Tim, o者喱仔, 謝, 肥仔, 蔡 9
另加非 DB 仔既陳倫, 豆, 談, Vanessa (庇記同學會)
隊啤既隊啤, 隊忌廉既隊忌廉
呵~~~
埋單 $ 4460
比肥婆原先估計既過萬平得多~~~

擔心~U左既蕉返唔返到屋企
不過佢住粉嶺, 無法
同肥仔, 飯飯, 談, Vanessa (庇記同學會) 搭地車歸家
返到屋企已經 00:40 咯~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1966年3月17日　兩艘宇宙飛船首次在太空對接成功

1966年3月17日，雙子星座8號的宇航員進行了首次太空對接。
之後不久，由於飛船損傷系統突然失靈，宇航員們不得不進行緊急著陸處理。

宇航員尼爾 – A - 阿姆斯特朗和戴維 – R - 斯考特
在計劃為期3天的飛行使命中的第5圈飛行時
操縱其雙子星座封艙與阿根納號宇宙飛船對接成功。
半小時後，雙子星號密封艙開始旋轉並失去控制。
接著，宇宙飛船上12只小型助推火箭中的一隻原因不明地起火。
宇航員隨即將其飛行器與阿根納號分離，並成功地在太平洋上濺落。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
收到黃暐傑既 E-mail
內容如下：

－－－－－－－－－－－－－－－－－－－－－－－－－－－－－－－－－－－－－－
"The return of the king"----from Wong Wai Kit

Dear All,

I am delighted to announce that DBSCO has just recaptured the Champion title of the Chinese Orchestra!

1st DBS (85pts)
2nd Leung Kao Kui
3rd Shatin Govt' Sec Sch

It is regrettable that as i was sick i was not able to support the orchestra in person tonight.
As I was informed by Mr. Cho, our orchestra won as we were indeed the best performer of the night!
Let me use this opportunity to congratulate the boys for their success.

I am planning to organize a dinner in celebration of this in early April- likely to be on a Saturday night.


Wong Wai Kit
class of 95'

>>March 18, 2005 at 6:35:33 AM GMT+8

2005 年 3 月 15 日 星期二 【晴】

1802年3月16日　美國西點軍校成立。
1815年3月16日　奧蘭治王室親王成為荷蘭國王，稱威廉一世。
1859年3月16日　俄國物理學家波波夫誕辰
1915年3月16日　上海發起抵制日貨運動
1916年3月16日　現代文學流派達達主義在法國誕生
1917年3月16日　俄國沙皇退位
1918年3月16日　英法義三國外長在倫敦開會討論西伯利亞問題
1914年3月16日　法國財政部長約瑟夫 - 卡約夫人
　　　　　　　　在「費加洛報」編輯部開槍射殺該報主編加斯頓 - 卡爾梅特
　　　　　　　　抗議「費加洛報」誹謗她丈夫的名譽。
1925年3月16日　雲南昆明、大理發生強烈地震，造成四千餘人死亡，房屋倒塌無數。
1926年3月16日　美國麻薩諸塞州物理學家羅伯特．格達特發明的液體燃料火箭發射成功。
1935年3月16日　德國元首希特勒不顧凡爾賽和約限武約定
　　　　　　　　恢復義務徵兵制，擴充軍力，為發動武力侵略做準備。
1945年3月16日　美軍攻佔日軍據守的硫磺島。
1950年3月16日　數學家華羅庚回國
1950年3月16日　全國展開大規模剿匪鬥爭
1955年3月16日　美國國務院公布一九四五年三巨頭史達林、邱吉爾和羅斯福
　　　　　　　　在雅爾達會議中劃分世界的「雅爾達密約」全部文件。
1967年3月16日　中共中央通知要求保護國家財產，節約鬧革命
1967年3月16日　製造「61人叛徒集團案」　打擊劉少奇
1978年3月16日　意大利總理莫羅遭綁架
1982年3月16日　國務院發佈《合理化建議和技術改進獎勵條例》
1983年3月16日　「文革」風雲人物被判刑
1985年3月16日　在日本筑波舉行的一九八五年萬國博覽會開幕。
1999年3月16日　歐委會委員集體辭職
2000年3月16日　國務院西部開發辦公室正式成立　
2001年3月16日　石家莊發生特大爆炸案　造成108人死亡38人受傷
2003年3月16日　十屆全國人大一次會議決定溫家寶任國務院總理

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
察己可以知人，察今可以知古。
《呂氏春秋》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好疲累地講左三個鐘野
一收線就失左落張床度長眠
不過如果能夠令人開心 D 的話
訓少陣都無所謂既
橫掂今日 dayoff

隔著個電話聽自己隻歌
好多都聽唔到
不過就好緊張
緊張到拎電話隻手幾乎抽筋

畀人話隻歌有 feel 當然開心
不過好順利地畀人話我唔夠聲
=.=

十點幾就醒左
打左好耐機
好疲累

下晝等到四點半先出門口
好似我約學生四點半上堂架喎......
匆忙之間淨係食左 1/4 罐藍罐曲奇
匆忙到連 iPod 都無拎就走

五點去到
七點鬆人
正常得很
本來仲要過沙田學生果邊
結果佢話畀人罰留堂, 取消補習
下周再續

補補下習 Tim 同一搵我過沙田食飯
原先要同沙田學生補習, 食得黎都十點幾
之後唔使補, 可以早 D 食
呵~~

八點過到沙田
響第一城會合一
諗左一陣, 決定去沙角邨大排檔食飯
於是打電話叫行到黃屋既 Tim 行著等我地
由於 Tim 住博康既關係
實際上係點左佢行黎會合我地
呵~~~~

一拎左我部 iPod 聽
一路聽一路講佢媽媽勸佢諗清楚先買 iPod
查實我覺得佢成日過美國, 又去咁多日
似乎佢需要多過我需要

三個人食四[食送]一飯
外加三支汽水
總計 $ 175
不過就食得好飽

估都估唔到 Tim 係第一次食蠔餅
不過今日既蠔餅唔多好食
唔夠脆 + 唔夠熱
可惜了 Tim 的第一次

成日最好笑既都係一
話說叫飯食既時候, 佢無啦啦講左星洲炒「飯」
佢異常堅持有呢種飯之餘, 仲話果 D 飯麵粉其實都可以亂咁黎煮
結果我同 Tim 就響張餐牌度指左幾個「飯」出黎叫佢嗌
例如：
豉油皇炒「飯」(就咁淋 D 豉油落 D 炒飯度？聽落有 D 求其)
干炒牛「飯」(飯都可以乾炒？？)
......
完全屈左我同 Tim 機

三個粉人聚埋一齊
自然離不開 hae 吹
不過多數都係講女, 其次就係講旅行
講到大長今都做完先走

接到趙慶中電話
唔講唔記得同佢有

佢兩個送我去 89B 總站
等到有車就散

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1917年3月16日　俄國沙皇退位

1917年3月16日下午3點，俄國皇帝尼古拉二世退位。
他在普斯科夫陸軍司令部的軍官們面前簽署了讓權文件，他說「願上帝幫助俄國」。

退位使俄國結束了數月的混亂。俄國在德國前線的進攻招致了巨大傷亡。
僅在1915年就損失了200萬人。

沙皇對人民要求和平的呼聲置之不理
幾個月前他親自擔任軍隊指揮，表明他贊同這場戰爭。
飢餓折磨著這個國家，官僚的無能和貪婪使所剩無幾的一點糧食也難以到飢餓者口中。
這年冬天當工人舉行罷工要求「麵包和自由」時，沙皇軍隊開槍打死數百人。

3月12日
沙皇命令解散由溫和的自由黨人及沙皇統治支持者們組成的杜馬(議會)，遭到議會拒絕。
沙皇召來禁衛軍強行實施其法令，可是衛兵們卻起義了。

就在同一天，兩個集團都準備統治俄國：
杜馬左派進步集團，及彼得格勒工人和士兵代表組成的蘇維埃。
後者還包括工廠車間的領導，起義部隊的代表及社會主義者團體的領袖。

沙皇推薦了比他更具有自由思想，當大公的弟弟接替皇位，但他不大可能接受這個榮譽。
前王室現在要麼面對革命者，要麼就得出逃。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
到底「特濃可可朱古力」同「可可特濃朱古力」有乜分別？
估中有獎！
遊戲設計者及家屬不得參與

資料由「零食物語」提供

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
豈有此理 Copyright © 倪震 2005, all rights reserved


當我還是傻裡傻氣的小狗時，一舉一動都會令你樂不可支。
你稱我為自己骨肉，喚我作心肝寶貝。
雖然，我解剖過你幾個枕頭，咬爛過你不少鞋子，但我們還是成為了最親蜜的朋友。

每次我「壞」了，你都會指著我，大叫：「豈有此理！」
但轉眼又會按捺不住，眉開眼笑地把我反過來搓肚子。

我記得多少個晚上，我在被窩裏，鼻子哄著你，聽著你說秘密、說理想、說夢話。
噢，那是多美滿的日子。

我們一起散步，一起奔跑，一起遊車河，一起買雪糕
(每次你將雪糕吃光，把雪糕筒留給我，便開始說雪糕對狗有害)。
你上班，我會晒著太陽，半睡半醒的等你回家，有時夢見你，有時想著你。

你愈來愈忙了，除了工作，也開始拍拖。
我仍然每天等你，在你心碎、失意時安慰你；
無論你對或錯，我都只會默默支持你。
你回家，我當然雀躍；
嗅出你戀愛的喜悅，我更欣喜若狂。

她，現在是你的妻子了，並不太喜歡狗，但我仍然歡迎她。
我對她唯命是從，嘗試用熱情感動她。
你快樂，我便快樂。

嬰兒一個個出世，我和你同樣興奮。

看到他們嬌嫩粉紅的肌膚，嗅著他們的氣味，令我覺得自己也是父母，我也想照顧他們呀。
但她，和你，卻擔心小孩子的安全，最後，我不是被關在工作間，就是給困在籠子裏。
唉，我是這樣的愛他們；愛，卻把我囚禁起來。

小孩子慢慢長大，我終於成為他們的好朋友。
他們扯著我的毛，戰戰兢兢地走出第一步；
他們用小手指戳我的眼，好奇地拉開我的耳朵研究，又熱情地吻我鼻子。
他們怎樣搞，我都無任歡迎，畢竟，你已經很少和我玩。
我願意付出性命，來保護他們。
我會鑽進被窩，聽他們的小煩惱、小夢話
我又會和他們一起，等待著你每天回家開門的鑰匙聲。

從前，朋友問起你有沒有養狗，你會急不及待從銀包拿出我的照片，興奮地講我們的故事。
這幾年，你只會「嗯」一聲，就轉話題；
我也早從你的「心肝寶貝」，變回你養的「一條狗」。
我更留意到，你對養我的支出和費用，開始皺眉頭了。

現在，你要調去上海工作，公司為你租的大廈不准養寵物。
你為「家庭」，作出了理性的抉擇。
只可惜，沒有人提醒你，曾幾何時，我就是你的「家庭」。

很久沒遊車河了，我真有點興奮
直至，我進入了「愛護動物協會」，貓、狗、絕望、和恐懼的氣味湧進鼻子裏。
你填好文件，說：「我知你們會替牠找個好歸宿的。」
工作人員聳聳肩，一臉無奈。
他們都知道，就算有出世紙，為中年犬隻尋找一個家有多渺茫。

你的兒子尖叫著：「爸，不要讓他們帶走我的狗！」
你要撬開他手指，他才肯鬆開我的頸圈。
我實在替他擔心
我擔心你剛替他上的一堂課
會令他一生對友誼、忠誠、愛、責任，和所有生命都需要尊重的價值產生懷疑。

你留下了頸圈和皮帶，避開我的視線，拍拍我的頭當說再見。
趕著開會的你，看看錶，時間已無多；
我不用開會，但情況，似乎一樣。
你走後，兩位工作人員談起來，說你幾個月前就知自己要調職
為甚麼不自己嘗試替我找戶好人家？
她們搖搖頭，說：「豈有此理！」。

工作人員忙得要命，但很看顧我們。
當然，每天都有食物供應，但，我己經喪失食慾很久了。

起初，每有人走近「囚室」
我都以為是你回心轉意，連跑帶跳地衝向鐵欄杆，希望一切只是場惡夢。
後來，我開始期盼會是想收養我的好心人，任何人，只要把我從這夢魘救出去就好。

最後，我明白我不會是中心其他幼犬的對手
牠們活潑可愛，沒有包袱，我開始長期縮在「囚室」一角，靜靜等待。
有天，下班前，我聽到腳步聲來找我，跟著她，我蹓過長長的走廊，入了一個房間。
靜得像天國似的一個房間。

她把我放上桌子，揉著我耳朵，叫我不要怕。
我的心砰砰跳著，估量著下一步會是甚麼，暗地裏，卻有點如釋重負。
做囚犯的日子，似乎走到盡頭了。

我的天性不改，看見她邊拿起針筒邊流淚，又開始為她擔心。
我明明白白到她的情緒，正如我明明白白你的一樣。
我輕輕舔著她的手安慰她，就如從前安慰著你。

她專業地把針滑進靜脈，刺痛帶著一陣清涼的液體流遍我全身。
我累了，躺下，想睡了，抬頭望著她慈愛的眼睛，我喃喃怨道：「豈有此理！」

她不知是看得懂，還是聽得懂，抱著我，抱歉地說對不起。
又匆匆地解釋一切都是為了確保我不用受苦，不用受遺棄。
我去的地方充滿著愛，充滿光明，會比這個世界更適合我。

我用盡最後一分氣力，重重地擺了擺尾，想告訴她
那句「豈有此理！」，不是對她說的，是對我最愛的主人說的。
我會永遠想念你，也會永遠等你。
我希望你一生遇上的所有人，都和我對你一樣有情有義，都和我對你一樣忠誠。

註：
有人在美國，用七千美元在報紙買了全版廣告
來刊登 Jim Willis 寫的這篇《How Could You?》。
Jim 的英文版歡迎轉載，我這篇翻譯也是一樣。
有心人，先多謝了。

倪震

>>March 17, 2005 at 3:10:49 AM GMT+8

2005 年 3 月 14 日 星期一 【晴】

前44年3月15日　凱撒大帝被刺
220年3月15日　曹操逝世
1493年3月15日　哥倫布「發現新大陸」
1521年3月15日　第一個完成環球航行的葡萄牙著名航海家麥哲倫，在航行中發現菲律賓。
1854年3月15日　免疫學奠基人、德國細菌學家貝林誕辰
1903年3月15日　英國政府宣佈平定奈及利亞叛亂，並確立在該區的主權。
1909年3月15日　義大利提議召開國際會議，以求解決巴爾幹問題。
1913年3月15日　美國威爾遜總統突破傳統，首次會見記者。
1917年3月15日　聖彼得堡爆發「二月革命」，沙皇尼古拉二世退位。
1938年3月15日　德國吞併奧地利
1951年3月15日　伊朗國民議會通過石油國有化議案
1951年3月15日　由白善燁少將指揮的南韓第一師團渡過漢江
　　　　　　　　成功奪回在1月4日被共軍占領的漢城。
1954年3月15日　台北圓山貝塚考古挖掘工作正式展開。
1954年3月15日　美國哈林籃球隊在中華體育館作訪問表演。
1955年3月15日　原國民黨高級將領衛立煌回歸祖國大陸
1958年3月15日　中國人民解放軍軍事科學院成立
1961年3月15日　中央工作會議召開
1970年3月15日　一九七○年萬國博覽會在日本大阪揭幕。
1973年3月15日　中華民國外交部發表聲明
　　　　　　　　譴責日本政府擅將中華民國駐日大使館館產交由中共佔用。
1974年3月15日　西德政府取消高速公路汽車的時速限制。
1974年3月15日　尼克松被指控參與水門事件
1975年3月15日　希臘船王亞里士多德．歐納西斯在巴黎逝世，享年六十九歲。
1980年3月15日　國立台灣師範大學畢業旅行團三十二人所乘遊覽車在梨山墜崖
　　　　　　　　十七人死亡，十五人輕重傷。
1983年3月15日　國際消聯確定國際消費者權益日
1987年3月15日　哈爾濱亞麻廠發生爆炸大事故
1990年3月15日　戈巴契夫當選為蘇聯第一任總統，並隨即宣誓就職。
1992年3月15日　中國棋院建院
2003年3月15日　十屆全國人大一次會議選出新一屆國家領導人　胡錦濤當選國家主席

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
輕則寡謀，驕則無禮
《國語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚因為咪既問題無通話
可惜
但係都可以早 D 休息
hee~~~

起身
諗諗下自己今日既時間表
突然發現一樣野：
12:30 - 15:30　　上堂
13:30 - ？？　　英文補 test
尋日口快快 + 唔想留響 city 咁耐, 應承左今日補
宜家點算？？

最後決定
唔上 contract law, test 完英文就走
所以好悠閒地響屋企食完飯先出門口

響人地個門口等到人地老師入左去
仲唔係好肯定到底係咪同果一班人一齊 test
直到佢拎左 D 卷出黎先走入去

test 緊既時候有人 SMS 我
考左一個鐘多 D 就走
睇番電話先知係 Konnie 搵我

話開佢就慘咯
個 Cello 畀揚琴壓爆左
留低一條勁大既斷層
好可怕.....
好彩唔使用好多錢去整
不過可能會破相, 仲有機會五年內報廢咯~~~~

搵佢陪我上 SMSA 搞番張分紙
約左佢響旺角等
響旺角街頭, 同一個著緊校服既人一齊行
登時覺得自己後生左
^ o ^

同佢搵左一陣英文 past paper 不果
搭小巴上 SMSA
好奇怪架車行既路線同我以前搭既路線唔一樣
係我老人痴呆, 定係搭左另一架車？？

發現原來唔係陳中申寫錯分紙
係 SMSA 既內部失當
明明係我交左譜, 我比賽, 我拎冠軍
但係佢地既紀錄居然係何其樂交左譜
唔係咁搞笑呀嘛......

好彩乜都帶齊
好快就幫我搞好 D 電腦紀錄
不過張分紙就好搞笑地用改錯帶蓋過何其樂個名
然後寫我個名上去
如果唔係佢蓋左 SMSA 個印, 我都會以為係自己改既

壓爆左個琴, 搞到 Konnie 好唔開心
(不過佢成日都唔開心, 有時都唔知佢因乜無啦啦情緒低落)
安慰左佢好耐
好彩佢今日著校服, 顧及形象
所以唔會太肆無忌憚地發洩情緒
否則我都唔知點算好~~~

落山又去搵 past paper
搵唔到英文, 反而買左 Econ
望著份 AL Account 卷
居然識做一條
超開心

去荃灣 hae 食左個餡餅
響三聯搵到一本 99 年既英文 past paper
佢意猶未盡地離開
送佢走左之後又再戰三聯
打左半本《地動山移》
太疲累, 打唔晒就走
響地車大昏迷, 但係去到太子自己自動轉車
奇蹟

徘徊睡與醒之間
呢兩日好似訓左好多個鐘
但係仲唔夠喉
Z_Z

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
前44年3月15日　凱撒大帝被刺

公元前44年3月15日，古羅馬元老院傳出了驚人的消息：
「終身獨裁官」、「祖國之父」凱撒被他的政敵刺殺了。

凱撒是古羅馬著名的奴隸主政治家、軍事家、演說家和作家。
生於前101年。
從政初期，支持平民派反對蘇拉派。
歷任財務官、監察官、祭司長和大法官等職。
前60年與龐培、克拉蘇結成「三頭同盟」，左右羅馬政局。
這個羅馬從共和制向帝制轉變的過渡形式。凱撒不久出任高盧總督。
他征服了高盧，並越萊茵河攻擊德意志地區，兩次渡海侵入不列顛島，掠奪財富、奴隸無數
權力和影響迅速擴大。
同時，他還擁有一支強大的軍隊，佔有了軍事上的優勢。
前49年初，元老院勾結龐培，企圖解除其軍權並召其回國。
凱撒聞訊，以「保衛人民夙有權利」為理由率先回軍羅馬。
龐培偕大批元老貴族逃奔希臘。
凱撒受任為「狄克推多（獨裁者之意）」。
次年，在法薩羅斯一戰，徹底擊潰了龐培。
龐培在埃及被人殺死，他又借口追到埃及，推翻其國王；
又轉戰小亞西亞，征服龐培的支持者和龐培的兩個兒子，經北非重迫羅馬。
這時克拉蘇也已死去，前「三頭政治」結束。
凱撒集執政官、保民官、獨裁官等大權一身，實行個人專權。
元老院人數增至九百，但實際聽命於他。
他的羅馬公民權授予山南高盧與西班牙人；
將省土地分給曾經從征的老兵；
懲治貪官污吏，厲行革新；
改革曆法，制訂「儒略歷」；
制訂市政法，提高城市自治地位，下令建築廣場、劇院和神廟等。

但由於反對者的潛勢力未滅，終於被反對派布魯圖與卡西烏等人密謀刺殺。
當時凱撒是在出征帕爾提亞前出席元老院會議時遭到暗殺的，全身刀傷23處。
凱撒死後，他的養子屋大維（前27－公元14）等上台，出現了「後三頭政治」同盟執政的局面。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以下的故事，可能令你改變對生命的看法：


我和一位朋友傾談，他說雖然有兩份工作，而每月的收入僅僅稍逾一千元，但他已很高興了
我很奇怪他還可以那麼開心
因為他的收入微薄，要節衣縮食才可以供養他年邁的父母，他的岳父母，太太，兩個女兒
還有一般家庭的各項開支。

他解釋說，是因為一次在數年前他在印度目睹的事件
當時他因為一次重大的挫折、心情低落，所以到印度散心。
他說他親眼看到一個印度婦人，用割肉刀將她的兒子的右手切下了。
那婦人無助的眼神，那四歲的稚童痛苦的呻吟，至今仍令他難以釋懷。

你可能會問：「為什麼那母親要這樣做？是否她的孩子太頑皮，或是他的手受到感染？」
都不是。
原來只是為了行乞！
那絕望母親特意把孩子弄成傷殘，使他可以在街上行乞。

我的朋友嚇呆了，他把他吃到一半的麵包放下，隨即有五六個小孩湧至
爭著這片佈滿沙石的麵包，就如面對飢餓時的自然反應。

他對這情景很吃驚，他開著他的導遊開車把他送到最近的麵包店
他去到其中兩家，把它們所的麵包都買下來
麵包店的老闆很愕然，不過還是願意把所有都賣給他。
他花了不足一百元，就買到約四百塊麵包(即每塊少於25仙)，又用了一百元買一些日用品。

於是，他坐在一部載滿麵包的貨車往街上去
當他分發麵包和日用品給那些大部份是傷殘的兒童時，他們都報以歡喜和鞠躬。

就是這樣，他在生命中第一次想到：
人們怎麼可以為一片價值不足25仙的麵包而放棄自己的尊嚴。

他開始對自己說他是多麼的幸運──
他有個完整的身軀，有一份工作，有個家庭，有機會抱怨食品的好與壞，有機會穿衣服，
有機會擁有很多這些人沒有的東西。

現在，我開始想到，和感受到！
我的生命是否真的那麼差呢？
也許⋯我就覺得不是那麼差，你呢？

或者下一次你覺得自己的生命很差的時候，想想那個因為行乞失去了一隻手的小孩吧！

『滿足感』不是來自滿足於你想要的，而是了解到你所擁有的是那麼多。

當快樂之門關上時，另一道門就會打開
但很多時我們只盯著已關的門，而沒有看到已為我們打開的那道門。

的確，我們要到失去時才知到我們擁有，
但我們亦要等到東西來臨時，才知道我們沒有它們。

對人付出所有的愛，並不能確保他們同樣愛你！
不要期望愛人會有回報；
只管讓愛在他們的心中成長，
但如果沒有成長，
那便滿足於愛已在你心中成長。

一分鐘便可以摧毀一個人，
一小時便可以喜歡一個人，
一天便可以愛一個人，
但要一生才可以忘記一個人。

不要只看外表，因為它會欺騙你；
不要只看財富，因為它會褪色。

找一個能令你微笑的人，
因為一個微笑就可以令你心情變好，
找一個可以令你會心微笑的人。
有時候，你對一個人的掛念，
足以令你從夢想中抓他們出來，擁抱他們！

追尋你的夢想，
去你想去的地方，
做一個你想做的人，
因為你只活一次，
亦只得一次機會去做所你想做的事。

>>March 16, 2005 at 5:49:13 AM GMT+8

2005 年 3 月 13 日 星期日 【晴】

840年3月14日　《查理大帝傳》的作者艾因哈德逝世
1794年3月14日　美國發明家、機械工程師惠特尼獲得軋棉機專利。
　　　　　　　　此一軋棉機可輕易將棉花中的種籽去除，為棉花業者帶來莫大的便利。
1825年3月14日　奧地利作曲家約翰 - 斯特勞斯誕生
1879年3月14日　愛因斯坦誕辰
1883年3月14日　馬克思逝世
1897年3月14日　國畫大師潘天壽誕辰
1917年3月14日　中國與德國絕交，參與第一次世界大戰
1932年3月14日　柯達相機發明人、美國相機製造商伊士曼自殺身亡，享年七十八歲。
1934年3月14日　薩爾瓦多發生火車爆炸事件，兩百人死亡，一千人受傷。
1937年3月14日　羅馬教宗指示德國教團，需堅守天主教的信仰。
1947年3月14日　美國與菲律賓達成軍事合作協定，租借菲國軍事基地九十九年。
1948年3月14日　洛陽戰役告捷
1953年3月14日　台灣所出產的蝴蝶蘭在美國加州國際花卉展中榮獲國際組首獎。
1954年3月14日　台灣省山地九族中文名稱由內政部確定為：
　　　　　　　　泰雅、賽夏、布農、曹、魯凱、排灣、卑南、阿美、雅美。
1964年3月14日　涉嫌甘迺迪兇殺案的傑克 - 魯比被判處死刑
1972年3月14日　曾因出版「豹」與「齊瓦哥醫生傳」兩書聲譽卓著的義大利出版家－－
　　　　　　　　吉安吉阿科莫．菲爾特利乃利遭人暗殺，原因不明。
1979年3月14日　北京和東京結為友好城市
1988年3月14日　中共與越南軍艦在南沙群島開火，爆發武裝衝突。
1993年3月14日　最後一位辛亥革命老人喻育之先生逝世
1994年3月14日　《舒得拉的名單》獲七項奧斯卡獎
1995年3月14日　人類首次從恐龍蛋化石中獲得恐龍的遺傳物質
1996年3月14日　創作「在那遙遠的地方」等膾炙人口民族歌曲
　　　　　　　　有「西部民歌之父」之譽的中國大陸作曲家王洛賓病逝新疆烏魯木齊
　　　　　　　　享年八十三歲。
1997年3月14日　重慶直轄市設立
1998年3月14日　索尼亞被推舉為印度國大黨主席
2003年3月14日　衛生署證實台灣第一個嚴重急性呼吸道症候群（SARS）可能病例。
2004年3月14日　1200萬人怒吼西班牙大反恐。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人非聖賢孰能無過？
《左傳》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
頹做左份功課
完全唔知點做
就算有得抄都係咁話
睇黎要惡補下自己本身已經嚴重貧乏既知識先得咯

尋日訓左成日
無咁頭痛, 但係唔代表好精神
搞左陣野就訓

第二朝醒唔到
結果遲大到
十點四起身, 十點十先返到房
順利遲大到
咁就無左成個鐘出席率......

上完堂, 想快閃
不過臨走好唔好彩地畀波頓攔住
話幫我補 test 上星期五我無做既 test
面對住呢 D 咁盡責既好老師, 開心
但係早就預左佢會幫我做 D 係唔係都唔計分既野
有 D 無奈

尋晚約 Konnie 食飯
以為去旺角會合佢
結果佢搭左地鐵黎
無謂浪費金錢, 加上九龍塘無野食
於是叫佢唔出閘, 去葵興搵地方食野

點解去葵興？
查實今日佢去搵 AL 戰場
橫掂無野做, 順手陪佢去
好成功地發現佢有做「路盲」既潛質

去左兩間學校
好疲累又肚餓
結果走左番荃灣
畀個小巴司機陰左
以為間小巴會到地鐵站附近, 點知到既時候發現離地鐵站十萬丈遠
可怕

好彩有人識路
唔使驚自己唔知去左邊
就算無人識路都唔緊要
因為有人身攜香港地圖乙本
呵~~~

食飯
食到好疲累
背負重擔嘛
如果唔係今日要去北角, 而又幫左北角學生買野的話
今日就唔使揹咁重野周街走啦~~~
=.=

眼訓
結果搵出租床位訓
訓到五點先醒
好 hae 地 hae 左一陣
離開荃灣
不過又遲到......
> . <

畀左 D 書學生
卒之唔使揹咁重野咯
呵~~~
今日繼續對 Maths. MC
對左十幾條
好過無

返屋企打左兩日日記
好彩清到 D 日記債
唔係就大鑊咯~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1825年3月14日　奧地利作曲家約翰 - 斯特勞斯誕生

施特勞斯（1825-1899），奧地利作曲家。

1825年3月14日誕生於維也納一個音樂家家庭。
其父老施特勞斯寫過150多首圓舞曲，奠定了維也納圓舞曲的基礎，被譽為「圓舞曲之父」。
施特勞斯自學小提琴與作曲。

1844年自建樂團，演奏自己創作的圓舞曲，並任指揮。
1849年在國內巡迴演出，並赴歐美各國旅行演奏。
他創作圓舞曲達400多首，以具有旋轉舞步的快速律動為特徵，被譽為「圓舞曲之王」。

代表作有《藍色多瑙河》、《維也納森林的故事》、《春之聲》、《藝術家的生涯》等。
施特勞斯後半生主要從事輕歌劇創作
他創作的《綿蝠》、《吉卜賽男爵》等16部輕歌劇，創造了維也納輕歌劇這一特殊的藝術品
因此，他也是「輕歌劇之父」。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
50個唔交功課既藉口

1) 唔記得
2) 記得不過唔想做
3) 唔識做
4) 唔鍾意做
5) 老豆唔肯幫我做
6) 大哥尋日冇返屋企，冇人幫我做
7) 掛住打機，冇做
8) 掛住陪男 / 女朋友，冇做
9) 要陪隻狗，冇做
10) 乜要做咩？我唔知喎
11) 冇寫低要做
12) 尋日冇返學，唔知要做
13) 尋日走左堂，唔知要做
14) 上堂時訓左，聽唔到你話要做
15) 你話做我就做，咁我咪好冇面？
16) 我唔妥阿sir你所以至唔做，其他阿sir既功課我交齊架
17) 我唔鍾意呢科
18) 阿sir你樣衰
19) 我冇買書，做唔到
20) 我冇買簿，做唔到
21) 我有做，不過冇帶返黎
22) 我有做，不過俾隻狗食左
23) 我有做，不過俾細佬畫花左
24) 借左俾阿邊個抄，佢未還
25) 尋日屋企火燭
26) 尋日屋企水浸
27) 尋日格離屋火燭
28) 點解冇做？因為冇做
29) 今日要交？乜唔係下個月先要交咩？
30) 去左補習， 冇時間做
31) 我仲以為阿sir冇返唔使交阿sir你太令人失望啦
32) 太多其他功課，做唔哂
33) 冇乜其他功課，冇心機做
34) 尋日阿三叔公八姨婆五姑姐六舅父一齊生日，連續飲左五餐
35) 尋日阿三叔公八姨婆五姑姐六舅父一齊黎左我屋企打牌
36) 尋日阿媽打牌三缺一， 我冇理由唔孝順佢呀
37) 要搞open day
38) 要搞swimming gala
39) 要搞sport day
40) 要練校隊
41) 阿sir你細個讀書都試過唔交功課啦， 而家咪係咁
42) 唔交功課好小事，阿sir你唔好大驚小怪
43) 唔交功課冇所謂，會考考得好就得啦!
44) 之前個兩堂既阿sir睇實哂， 抄唔到功課
45) 冇人肯借功課我抄
46) 今朝太遲返， 抄唔切
47) 人生得意須盡歡所以我尋日去左玩
48) 整homepage， 冇時間
49) 做唔哂功課我都照返學， 阿sir你仲有咩不滿？
50) 律師黎之前我有權唔答你

>>March 14, 2005 at 6:44:03 PM GMT+8

2005 年 3 月 12 日 星期六 【晴】

1733年3月13日　英國化學家普利斯特列誕辰
1781年3月13日　英國天文學家赫歇耳發現天王星
1881年3月13日　俄國皇帝亞歷山大二世在彼得堡被炸身亡，享年六十三歲。
1901年3月13日　美國第 23 任總統哈里森逝世
1917年3月13日　中國宣布對德斷交
1930年3月13日　美國天文學家湯博發現冥王星
1943年3月13日　大約四千具波蘭軍官遭德蘇秘密警察殘殺
1947年3月13日　基隆、台北的戒嚴時間縮短，從夜間八時至翌日五時。
1947年3月13日　延安保衛戰開始
1949年3月13日　荷比盧三國簽署經濟統一協定。
1952年3月13日　在台、菲地區防務改由雷德福指揮，美援團改隸太平洋統帥部。
1954年3月13日　胡志明軍隊對越南西北部奠邊府展開攻擊。
1956年3月13日　高等法院對尹仲容及胡光麃的貪污案判決無罪。
1961年3月13日　高齡七十九歲的西班牙藝術家畢卡索
　　　　　　　　與芳齡三十七歲的模特兒雅格琳羅克結婚。
1967年3月13日　印度總理甘地夫人宣誓就職。
1969年3月13日　行政院核定在桃園境內擴建空軍基地為國際機場。
1972年3月13日　英國與中國同意交換大使，並關閉設在台北的總領事館。
1978年3月13日　印尼摩鹿加群島恐怖份子
　　　　　　　　在荷蘭德倫特省會阿森劫持荷蘭政府大樓中的七十二名人質
　　　　　　　　要求釋放早先被捕同志，警方於翌日救出人質。
1986年3月13日　台航直昇機於板橋迫降失事，一死七傷。
1989年3月13日　天主教神父，愛生勞工中心負責人馬赫俊神父，遭警政署限期離境。
1990年3月13日　民進黨國代赴中山樓開會受阻，引發衝突。
1991年3月13日　警方尋獲日籍女學生井口真理子命案兇器。
1991年3月13日　美國前助理國務卿克里斯多福訪台。
1991年3月13日　涉嫌走私並教唆中華人民共和國漁民挾持3保警之賴正男，於福建平潭咬舌自盡。
1992年3月13日　印度洋島國模里西斯宣布成為共和國，放棄獨立二十四年來與英國王室的關係。
1992年3月13日　土耳其東北部發生強烈地震，4千餘人喪生。
1992年3月13日　桃園縣平鎮鄉升格為平鎮市。
1992年3月13日　前蘇聯共黨機關報真理報宣佈停刊。
1993年3月13日　國民黨秘書長由許水德接任。
1994年3月13日　民進黨黨代表選舉產生，施明德表態參選黨主席。
1995年3月13日　總統李登輝頒贈大綬雲麾勳章給新加坡三軍總長黃維彬中將。
1995年3月13日　台北捷運南港線253B標發生地層下陷。
1995年3月13日　土耳其伊斯坦堡（Istanbul）發生暴動，警民衝突，百餘人死傷。
1997年3月13日　約旦士兵襲擊以色列學生

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
掛羊頭賣狗肉。
《晏子》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
頭痛
但係仲要做功課
之前接收唔到 Iris 既野
難怪咁耐都無要做野既資料啦~~
City 既網絡真差......
仲要用三年添
> . <

望著份野發呆
完全唔知要做 D 乜
就算對住份 source 都係一樣
好頭痛
但係無心睡眠
hae 到三點先去訓

晨早既補習好順利取消
不過今日唔使我同學生講
由專人代勞
謝謝 Konnie
^ ^

一訓訓到兩點
接近十二個鐘既睡眠
不但無令到我精神
仲搞到我疲累多兩錢重

無返 poly
無獨有偶地小澤延都同我講佢唔舒服唔返
大家身體真係有少少問題

成日無乜貢獻
除左 hae 左份功課, 同埋打機
做完功課之後就去訓
日記都無打

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1733年3月13日　英國化學家普利斯特列誕辰

1733年3月13日，約瑟夫 - 普利斯特列出生在英國約克郡一個農莊裡。
他的父親除種地外還加工毛織品。
約瑟夫是家裡最大的孩子。
他喜歡聽父親工作時唱的歌。
4歲時，約瑟夫已表現出非凡的記憶力：
他能記住父親所唱的歌，還能毫不費力地背誦出冗長的祈禱詞。
由於家庭人口不斷增加，生活入不敷出，作為長子的約瑟夫被送給姑姑薩拉撫養。
姑姑家生活富裕，約瑟夫不必去幹活，他能專心上學了。
姑姑下決心要把約瑟夫培養成一個神父。
約瑟夫頭腦聰明，而且十分勤奮。除了語言學、神學外，他還閱讀了大量哲學著作。
由於他學識淵博，剛剛20歲時，就已小有名氣了。

從事神職工作的普利斯特列雖然生活清貧，卻有充裕的時間用於科學研究。
他發現自己的知識只局限於哲學、神學和語言學，於是開始研究天文學、物理學及其它科學。
最先使普利斯特列感興趣的是電學。
在出版了兩卷《電的歷史》後，他感到自己化學知識的匱乏，轉而從事化學研究。

他首先對空氣產生了興趣。
他不明白，為什麼放在封閉容器裡的小老鼠幾天後就會死去。
他當時認為是供生物呼吸的純潔的空氣遭到了污染，在被污染的空氣中，生物就會死去。
他用植物來作實驗。
把一盆花放在罩子裡，花盆旁放一支燃燒的蠟燭來「污染」空氣。
蠟燭很快就熄滅了，然而幾個小時過去，植物安然無恙。
第二天，竟然又長出一個花蕾。難道植物能淨化空氣嗎？

普利斯特列反覆進行實驗，以便確定究竟存在幾種「空氣」。
當時的科學家把一切氣體都叫作空氣，蠟燭燃燒、動物呼吸產生的二氧化碳被稱為「固定空氣」。
普利斯特列證明二氧化碳能被水吸收，形成一種有酸味的溶液。
這就是普利斯特列的第一個化學成就——製成蘇打水。
因為這項發明，他被授予英國皇家學會最高獎——科普萊獎章。

普利斯特列還證明，植物吸收「固定空氣」放出「活命空氣」（氧氣）。
他成為植物「光合作用」的發現者。
在以後的實驗中
他還製成了一氧化氮、二氧化氮、氨、氯化氫、二氧化硫、氟化氫、氟化硅、一氧化碳等氣體。
最後，他把多年研究的成果寫成了一部著作《論各種不同的空氣》。

普利斯特列利用氣體進行的許多實驗都屬人類首創
他為奠定現代化學的理論基礎提供了重要數據
大大推動了18世紀的自由思想和實驗科學。

>>March 14, 2005 at 6:44:48 PM GMT+8

2005 年 3 月 11 日 星期五 【晴】

1782年3月12日　《四庫全書》編成
1898年3月12日　田漢誕辰
1913年3月12日　坎培拉成為澳大利亞首都。
1925年3月12日　國父孫中山先生因肝癌病逝北京協和醫院，享年五十九歲。
1926年3月12日　日本軍艦炮轟大沽口
1927年3月12日　南京紫金山國父孫中山先生陵墓舉行奠基典禮。
1929年3月12日　美國可口可樂飲料創始人亞沙．坎得樂去世，享年七十七歲。
1930年3月12日　甘地發動「食鹽進軍」，第二次不合作運動開始
1938年3月12日　希特勒的納粹軍隊攻占奧地利，奧地利成為德國的省份領土。
1947年3月12日　杜魯門主義提出，美蘇「冷戰」正式開始
1949年3月12日　台北「中央日報」創刊。
1967年3月12日　蘇聯獨裁者史達林的女兒斯維特拉娜．阿里魯耶娃抵達瑞士，請求政治庇護。
1968年3月12日　台北市國父紀念館破土興工。
1979年3月12日　我國重新恢復植樹節
1985年3月12日　台灣作家楊逵病逝
1990年3月12日　中共十三屆六中全會決定加強黨同人民群眾的聯繫
1990年3月12日　波羅的海立陶宛國會表決通過，脫離蘇聯獨立，改稱共和國。
1993年3月12日　王震逝世
1993年3月12日　北韓突然宣佈退出「禁止核子擴散條約」，東北亞局勢轉趨緊張。
1997年3月12日　鄉土文學作家劉紹棠在北京病逝
1999年3月12日　當代小提琴大師梅紐因逝世
1999年3月12日　北大西洋公約組織正式接納前華沙公約組織的波蘭、匈牙利及捷克等三國為會員國。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
得魚忘荃。
《莊子》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無通話
因為太疲累

又要晨早起身
今日早起唔係因為要聽比賽
而係要補習
好眼訓
=.=

仲有兩個月就會考既佢
居然從來無見過 Econ, Account 同英文既 past paper
可怕
結果要幫佢搵

同時, 由於無 Econ past paper 既關係
做 Maths. MC
佢有佢做, 我真係好悶
所以釣左好耐魚
問題係老闆響屋企我都係咁
好樣衰 > . <

19 / 54
我都唔知佢 Maths 會拎乜野成績
有心無力, 定無能為力？

對左一陣答案就走
去二手書店幫學生買 past paper
重到想死......

前往培正教育中心睇比賽
唔夠時間坐響度正正經經食飯
行過小食店, 買左條珍寶腸咬

響中華書局門口咬
咬咬下居然撞到巴斯光年
唔撞到佢都唔知下星期「也許」會有慶功
呵~~

吹左一輪就各散東西
佢有佢返 poly 做野, 我有我去睇比賽
今日係 Arli 同卡卡比賽既大日子
唔睇唔得
呵呵~~~
(查實係咁耐都無聽過卡卡 solo, 好想八下佢到底實力如何)

條長命斜果真係凶險
難怪侯「很揚」勸我打的
好彩揹住 D 書, 有番少少重量
咁先唔使搞到碌地收場

去到目的地
行左入座建築物
無啦啦有人叫我個名
好驚, 以為畀人尋仇
結果係徐小威同佢朋友

佢同我解釋長期無打畀我既原因
居然係打畀我既時候, 聽到我個電話好似停止服務
唔係呀化......
畀埋個戶口 no. 佢過數
希望快 D 有錢收啦~~

搵左一輪先搵到房
撞到睇徒弟比賽既肥婆
同佢吹左一輪水
之後正式睇阮深造

見到大玉
唔見唔知佢今日有份玩
sorry~~~

Arli 同卡卡玩得中規中矩
有獎拎, 但係唔會冠軍
呢個係我同肥婆既一致意見
不過卡卡 D 音色係全場之冠, 唯獨音量太細
可惜
至於 Arli, 佢成日郁動係令佢力點不準既致命傷
另外, 佢兩個既樂曲處理尚有斟酌既餘地

冠軍唔係我同肥婆諗既冠軍
我地諗既冠軍變左亞軍
居然一個所有音都玩得清脆乾淨既人會輸畀一個除左大聲無好既人
仲要樂曲處理比其他人優勝
可惜 * 2

完左就到高級組
卡卡個妹響無對手之下掄元
不過, 由於場務太弱智既問題
我聽唔到咯......

陪鄭卓鏗小朋友 (中阮, 白白淨既肥婆學生) 由油麻地行去 DB
行到皆旺佢先識路
如果我中途掉低佢, 佢都唔知點算

約左一響地鐵站等
回歸地鐵站, 同黃蜂 + 一會合
尋日一幫黃蜂袋既 report, 但係唔記得畀返佢
搞到黃蜂要專登約佢拎番
一齊去德州食飯

食飯吹水至七點
會合O者喱仔上 DB
今日黎左兩個稀客──David 同朱哥哥
超開心

玩得唔錯
但係好多野都好令我擔心
唉.....

食飯
響友誼小館食
食左一碗飯就無胃口食
畀一同謝屈左搭火車轉地鐵
......
我真係好疲累架......

一路頭痛一路同人 chat
好辛苦
唯一有趣既係卡卡以為肥婆係麥觀
原因係佢話肥婆唔肥喎......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1925年3月12日 孫中山逝世

是日 9時30分，中國偉大的革命先行者孫中山在北京逝世，終年59歲。
3月19日，孫中山靈柩移中山公園。
3月24日至月底前往致祭者達76800人。
4月2日出殯，靈柩暫放西山碧雲寺石塔中。
參加送靈到西直門的群眾達30萬人，步行送到西山的約2萬人。
1929年5月26日，孫中山靈柩由碧雲寺移到南京。
6月1日，安葬在紫金山。

孫中山名文，字逸仙。
1866年出生於廣東香山（今中山）縣翠亨村。
1892年畢業於香港西醫書院，有志反清。
1894年赴檀香山組織興中會。
1905年，在日本領導興中會聯合華興會和光復會組成中國同盟會，被推為總理；
確定「驅除韃虜，恢復中華，建立民國，平均地權」的政綱；
提出「三民主義」學說；主張用革命手段推翻滿清統治。
1911年，武昌起義後，被17省代表推選為中華民國臨時大總統。
1912年1月1日，在南京建立中華民國臨時政府，宣佈就職。
2月13日，因革命黨人與袁世凱妥協，被迫辭去大總統職。
3月，臨時參議院通過孫中山主持制訂的《中華民國臨時約法》。
8月，同盟會改組為國民黨，被選為理事長。
1913年3月，因袁世凱派人刺殺宋教仁，即主張起兵討袁。旋即失敗。
1914年在日本建立中華革命黨，次年發表《討袁宣言》。
1916年，發表《第二次討袁宣言》。
1917年，在廣州召開國會非常會議，組織護法政府，當選為大元帥，誓師北伐。
1918年因桂系軍閥和政學系的挾制，被迫去職。
1919年，將中華革命黨改組為中國國民黨。1921年，就任非常大總統。
1923年，驅走陳炯明，回到廣州重建大元帥府。
1924年1月，在廣州召開中國國民黨第一次全國代表大會，通過宣言
實行聯俄、聯共、扶助農工的三大政策，把舊三民主義發展成新三民主義；
改組中國國民黨成為工人、農民、小資產階級和民族資產階級的革命聯盟。
同年11月，應邀北上討論國事，提出「召開國民會議和廢除不平等條約」兩大號召
同帝國主義和北洋軍閥段祺瑞、張作霖等作鬥爭。
孫中山的遺囑主張「必須喚起民眾，及聯合世界上以平等待我之民族，共同奮鬥。」
孫中山在哲學上，提出「知難行易」論，批判了「知之非艱，行之惟艱」的保守思想。
孫中山的遺著有《中山全書》、《總理全集》、《孫中山全集》等。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
測你的自卑指數

1.和別人說話，眼睛總是會不經意的飄來飄去或不喜歡注視著別人的眼睛？
Yes＞2
No＞3

2.從小到大當過幾次班級幹部、學校司儀、團體活動主持人之類的工作？
五次以下＞4
多得記不得了＞5

3.覺得自己是個不愛八卦的人，那些八卦雜誌和狗仔隊都是揭人隱私的混蛋？
Yes＞5
No＞6

4.曾經買過瘦身或美容類的書籍或常看這類的電視節目及專欄嗎？
Yes＞5
No＞7

5.想買東西、想出國，就算沒存款，只要可以刷卡或預借現金沒什麼關係？
Yes＞8
No＞6

6.認為結婚後若和對方的家人住在一起，一定會非常不適應、不自由？
Yes＞9
No＞8

7.如果人的靈魂有顏色，你認為會和什麼顏色比較相近？
透明冷冽的灰色系＞10
柔和明亮的暖色系＞8

8.雖然說「天生我材必有用」，但你認為老天還是非常不公平？
Yes＞11
No＞10

9.如果有朋友對你的髮型、穿著打扮建議多多，你大部分都會？
沒什麼，一起聊聊＞12
感到很干擾、厭惡＞11

10從小到大你都不喜歡、也不常把同學、朋友帶回家，或是介紹給家人認識？
Yes＞13
No＞11

11.如果你有足夠的錢，又有朋友勸你，你會跑去整型嗎？
Yes＞14
No＞15

12.認為自己不能更有發展或是更上一層樓的原因是？
運氣不佳＞15
資質不好＞14

13.你之所以不常帶同學和朋友回家的原因是因為？
就是不喜歡＞A
感情沒那麼好＞C

14.為追求完美，光臉部你就有兩個地方想好好整一整？
Yes＞B
No＞13

15.你覺得大部分成功的人，最大的成功因素及助力是？
野心與謀略＞C
勇氣與直覺＞14


＊測驗分析＊

★A形 自卑來源：家庭
不知道你發現了沒？你的自卑因子大多與家庭或家人有關係哩！
這可不是說你的出身或家人不好呦！
可能是和父母家人的溝通一直有問題，可能是父母間的吵吵鬧鬧影響了家庭氣氛
總之你的壓力、不滿和自卑總與家庭脫不了關係。
但非常有趣的是，相反的，家庭也將成為你終身藉以奮鬥、努力上進的原動力呢！

因為你認為「家」是一個人最重要要的精神堡壘
因此就算沒有顯赫的家世，也沒有漂亮高檔的家具和裝潢
只要能建立一個完全屬於自己的、和樂溫暖的、自由自在又不受干擾的窩，就是人生最大的幸福。
加油！人一旦有了目標就絕對不會無聊自卑個不停啦！


★B形 自卑來源：外表
不管你是男是女、已婚未婚、學歷高低和人品如何，你的自卑因子大都是來自你的外型和長相。
呵呵呵～也許是你對美麗的事物標準太高吧！
不過，你可要知道，絕世美女或風靡全球的超級男偶像
也全都會有青春不再、年華老去的一天啊！

再說，年頭不一樣了，現今講求的可是「個性美」呦！
與其老是哀怨父母沒給你一個天生麗質和英俊外表
不如努力尋求並塑造自己獨特的風格、氣質或特色哩！
其他像美容整型、健身練肌肉都只是讓自己充滿魅力的附加配備而已啦！
相信大家應該也看過不少外表美麗冶豔的蛇蠍美女
或是那些腦袋像糨糊＋常識不足的白癡偶像吧！該自卑的應該是他們才對咩！


★C形 自卑來源：個性
不是我說你，人家A型和B型的人之所以自卑還有點道理，你這人的自卑可就全要怪你自己的個性了。
就是動不動就感到不順、不快樂和自卑的原因就是欠缺安全感加凡事龜毛又鑽牛角尖的個性
人生苦短啊！
如果再扣掉嬰兒期、睡覺和老得不能動的時間後，哇～分分秒秒都寶貴得很呢！

所以與其浪費時間與精力在那空抱怨、搞自卑，倒不如放寬心胸樂觀一點。
請對自己有信心一點，對別人的批評、找麻煩也別看得那麼重
你又不是政治人物，幹麻委屈自己討好所有的人啊？
多加強學識、增廣人生視野，結交正直的友人，自卑？
你以後的人生再也沒有這兩個字囉！

>>March 12, 2005 at 6:37:31 PM GMT+8

2005 年 3 月 10 日 星期四 【晴】

1161年3月11日　南宋發行紙幣：交子
1702年3月11日　世界第一份日報「每日新聞」在英國公開發行、銷售。
1820年3月11日　殖民時期北美洲歷史、宗教和神話題材畫家
　　　　　　　　同時也是英國皇家學院創始人之一的威斯特去世，享年八十二歲。
1907年3月11日　保加利亞首相尼可拉.貝德可夫遭無政府主義者暗殺身亡
1912年3月11日　《中華民國臨時約法》頒布
1912年3月11日　孫中山下令勸禁纏足
1912年3月11日　孫中山先生應日本「朝日新聞」邀請
　　　　　　　　在大阪青年會館講演大亞洲主義，提倡中日合作。
1918年3月11日　英法義三國通過英國政府提出由日本占領西伯利亞鐵路的共同備忘錄
1918年3月11日　蘇俄政府與芬蘭締結友好條約
1925年3月11日　孫中山簽署「總理遺囑」
1931年3月11日　報業巨頭魯伯特 - 默多克出生
1938年3月11日　德軍入侵奧地利
1941年3月11日　美國國會通過武器租借法案，援助二次世界大戰盟國
　　　　　　　　租借對象有中國、英國、俄國，武器內容包括坦克車、軍艦、彈藥及軍需品。
1945年3月11日　美軍登陸菲律賓民答那峨島，日軍在太平洋群島的戰爭中節節敗退。
1946年3月11日　音樂工作者張寒暉病逝
1954年3月11日　美國承認在馬紹爾群島舉行的氫彈試爆
　　　　　　　　造成兩百六十四名當地人及二十八名美國人受到輻射線照射。
1955年3月11日　一九二八年發現盤尼西林的英國細菌學家佛來明去世，享年七十四歲。
1974年3月11日　陝西臨潼農民發現秦始皇兵馬俑
1978年3月11日　國家投巨資興建寶鋼
1982年3月11日　台北縣議會議長陳萬富涉嫌議長選舉賄選被捕。
1985年3月11日　戈爾巴喬夫當選為蘇共中央總書記
1990年3月11日　被蘇聯兼併了半世紀的立陶宛共和國宣布脫離蘇聯，恢復全面獨立。
1991年3月11日　新聞界耆宿馬星野因腦部多發性梗塞病逝台北，享年八十二歲。
1995年3月11日　陳露獲中國首枚世界花樣滑冰金牌
1996年3月11日　韓國前總統全斗煥和盧泰愚出庭受審
1998年3月11日　陸委會主委張京育指大陸海協會回函，願邀請我海協會組團訪問
　　　　　　　　即為兩岸復談的開始。
2000年3月11日　江西萍鄉發生煙花爆竹爆炸事故　造成33人死亡

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
言之無文，行而不遠。
《左傳》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
浪費時間
唔想去諗野
通話至三點幾先訓

七點正, 被號稱好準時既卡卡電話嘈醒
唔該~~
之後呆左一陣, Konnie 就打黎
有呢兩位咁好人既朋友 morning call 我
如果仲會訓著既就擺明辜負左佢地啦~~

早過 Konnie 到金鐘
等埋佢一齊過銅鑼灣
早得滯, 食埋早餐先出發
今日係「中國器樂獨奏獎」(前名 Hugo) 既大日子
當然係擔定櫈仔霸定頭位聽啦~~

早上既賽事不大精彩
肥仔響第二個參賽者 (即係 poly – peater) 果陣先到
聽左幾首笛就好悶
無計啦, 咁多唔得既箏

悶到佢開左部 notebook 黎玩
佢起初想上網, 不過失敗
之後想打大航海, 不過似乎打得唔係好過癮
最後玩大富翁二
立即畀佢引誘到, 同佢一齊玩
夾響我地中間既 Konnie 好無奈咁睇住我地墮落既行徑

晏晝肥仔要返 HKU 交功課
無同我地食飯
結果我同 Konnie 就同一眾沙官同學去左食「大婆牛肉麵」
幾好食, 不過幾貴

要簽 contract 既一卒之黎到
為左要去接唔識路既一
拋棄左我食緊既麵, 出左去搵佢先
接完佢返到舖, 老闆居然講要清場
搞到我好唔開心地 hae 食左個麵同杯野飲
> . <

食完野既我同 Konnie 陪一去 Sogo 搵黃蜂
響商場 hae 左一陣先同遲到既黃蜂會合
去左陪佢兩個食 lunch, 搞到聽唔到一個笛
=.=

繼續打機既旅程
今次加埋O者喱仔
三條友一邊打機一邊聽比賽
side 晒 D 學業
好快就被擯出局
倒能專心聽佢地既演出

聽左咁多個, 淨係覺得床單應該入到決賽
佢 D 無瑕疪既泛音, 加埋屈機既流暢性, 緊張的氣氛躍然而起
表現實在不俗
係有 D 地方自己緊張得滯
無損其屈機度

其他人的表現有好有壞
值得記下的有敲擊太嘈, 搞到 D 評判要走去後面聽；
蕉的瘋狂緊張, 以致玩出「悲歌」的神緒 (玩到咁, 唔係唔悲嘛......)；
Larissa 既坐姿儀態大有問題
完全令我無法正視台上人士的演出
> . <

所有人比完賽
只見四個評判退庭商議既時候出左 Sports House
響室外瘋狂「充電」
可怕

電無錯係充左
但係之前淨係掛著充電
成班評判唔得閒傾入圍事宜
結果宣佈時間又要延遲

結果實在出人意表
完全唔知點評！
有乜理由 sight read 既關文浩會高分過 Kingsley？
有乜理由屈機到全場無應既床單會被人擯出局？
有乜理由蕉會同 Kingsley 同分？

自己無聽到其中一個入圍既人 (晏晝第一個玩既笛)
唔知佢玩成點
但係根據我觀察既其餘人士
似乎係無乜資格入決賽

玩柳琴既妹妹玩劍器玩到有神無氣
幸福渠亦無乜特別
仲有 D 因為緊張而出現既輪音不平均
差床單好多喎......

至於敲擊直頭不堪一提
完全唔覺佢有乜好！
左右手完全唔平均
同伴奏又唔夾
今年班評判經常批評其他參賽人士的伴奏跟獨奏者不配合
但對於夾敲擊既京胡同嗩吶既問題完全無關注
加上其參賽資格本已畀受質疑
賽果實在無法令人信服！！

據統計
三個入決賽既人同某人都有關係
難怪曾跟某人有關係的人也不禁後悔當年會考成績不佳
以致未能發揮跟某人有關係的關鍵作用！

實在對是次比賽的評判失望
這到底算是什麼一回事
對於我們這一群不再參與比賽的人
主觀因素早已被較客觀的音樂欣賞取代
自問仍對這結果感到難以理解

過尖咀食飯
同行既有一班 DB 仔同雲中君 + 床單
響輕鬆一下食左個飯就同一匆匆趕返 poly 練大合奏
唔講都唔記得下個星期表演

無中阮彈, 無所謂
玩大阮仲好
唔使帶琴, 仲可以將睇譜既責任交畀小澤延
^ ^

彈彈下好眼訓
結果彈到汪熾華指果隻就以得三弦譜為理由唔彈
深沉地睡
連侯「很揚」黎左都唔知

訓左成個鐘先醒
一醒就練完
練完無打過野既一 (佢無戴 con 睇唔到譜) 就同我講：
「我今次唔使出呀~~~」
灰晒

同侯「很揚」 + 一 + 黃寄泓 + 豆去茶軒
除左侯「很揚」食左個餐 + 一叫左杯野飲外
其餘既人就咁齋吹同睇大長今
返到屋企都接近十二點咯~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1974年3月11日　陝西臨潼農民發現秦始皇兵馬俑

1974年3月11日，陝西省臨潼縣農民在秦始皇陵園東側1公里處打井時
發現秦陶俑殘片及銅鏃、弩機等。

1974年7月， 陝西省文物考古部門組織考古隊開始對該地進行勘察和清理
先後發現4個兵馬俑坑，總面積為25380平方米，屬於秦始皇陵園的一個組成部分。
如此規模的隨葬人俑在人類歷史上絕無僅有，有極高的文物價值與考古價值。

已發掘了3號坑的全部和1號坑、 2號坑的一小部分，4號坑是未建成就廢棄的空坑。
據發掘部分可知，1號坑是東西長230米，南北寬62米，面闊9間
四周環繞迴廊、四邊各有5個門道的地下大廳。
2號坑呈曲尺形，分成各自獨立又互有聯繫的4個部分。

3號坑呈凹字形，是3個廂房相通的建築。各坑內均佈滿大型兵馬俑。
一號坑發掘部分只佔全坑面積的七分之一，出土木質戰車8乘，各類武士俑1087件。

這些兵馬俑排列有序，隊形整齊，組成前鋒、左右兩翼及中部車與步兵排成主陣的龐大陣容。
出土兵器多是實用的青銅兵器，個別的為鐵器。
種類有戈、矛、戟、鈹以及弓弩、銅鏃等。
前鋒和兩翼步兵俑手中多持弓弩，主陣中步兵俑則是弓弩和長兵器配合施用。
戰車上配備有遠射的弓箭和格鬥的戈、矛、短劍等。
許多陶俑身上都雕塑出皮甲，有的則是金屬鎧甲的模擬物。

兵馬俑的大孝高矮都與真人真馬相似。
陶俑的雕塑是根據不同身份、不同年齡來設計的，面容神態各異。
陶馬形象準確生動，比例適度，體現出靜中寓動的藝術效果。

秦兵馬俑的發現，對研究秦代軍隊編制，武器裝備、作戰方式以及後吏服飾、雕塑藝術等
有著非常重要的意義，銅車馬表明我國當時的冶煉技術領先於其他國家。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
汎彼柏舟，亦汎其流。耿耿不寐，如有隱憂。微我無酒，以敖以遊。
我心匪鑒，不可以茹。亦有兄弟，不可以據。薄言往愬，逢彼之怒。
我心匪石，不可轉也。我心匪席，不可卷也。威儀棣棣，不可選也。
憂心悄悄，慍于群小。覯閔既多，受侮不少。靜言思之，寤辟有摽。
日居月諸，胡迭而微？心之憂矣，如匪澣衣。靜言思之，不能奮飛！

《邶風 - 柏舟》

>>March 11, 2005 at 6:20:39 PM GMT+8

2005 年 3 月 9 日 星期三 【晴】

1862年3月10日　美國首次發行紙鈔貨幣。
1876年3月10日　貝爾發明電話
1900年3月10日　英國和烏干達簽署條約，烏干達在英國的保護屬地下制定政府組織。
1905年3月10日　日俄奉天大會戰日軍獲勝，俄司令官下令撤退。
1910年3月10日　美國好萊塢電影城正式成立。
1912年3月10日　袁世凱在北京就任中華民國第二任臨時大總統。
1918年3月10日　蘇俄首都由彼得格勒遷至莫斯科
1921年3月10日　交通大學成立　正式招收新生
1927年3月10日　國民黨二屆三中全會舉行
1928年3月10日　徐志摩主編的《新月》雜誌創刊
1942年3月10日　陳納德將軍領導、稱為「飛虎隊」的美國在華志願隊
　　　　　　　　改編為美國駐華第十四航空隊。
1943年3月10日　蔣介石發表《中國之命運》
1945年3月10日　美國三百架Ｂ--二十九轟炸機空襲東京，十萬日人喪生。
1947年3月10日　政府派國防部長白崇禧來台處理二二八事件善後。
1954年3月10日　國民大會投票罷免副總統李宗仁。
1959年3月10日　西藏爆發大規模抗暴行動，中共鎮壓
　　　　　　　　結果西藏精神領袖達賴喇嘛帶著萬餘名追隨者逃到印度，以迄於今。
1961年3月10日　中共中央分別召開「南三區」、「北三區」會議
1967年3月10日　「文化大革命」中的臨時權力機構成立
1973年3月10日　中共中央決定恢復鄧小平的職務
1985年3月10日　世界最長的日本青函海底隧道主線貫通，連接本州與北海道
　　　　　　　　隧道全長五十三點八五公里，全部施工時間長達二十一年。
1985年3月10日　蘇聯共黨總書記契爾年科去世，由戈巴契夫接任。
1988年3月10日　中國第一個試管嬰兒誕生
1993年3月10日　印尼國民大會選舉蘇哈托擔任第六任總統
　　　　　　　　使他成為在位最久的國家元首之一。
1998年3月10日　電影《鐵達尼號》票房收入超過十億美元
1998年3月10日　九屆人大一次會議通過國務院機構改革方案
1998年3月10日　掌權32年的印尼總統蘇哈托，獲人民協商會議推選為第7任總統。
2000年3月10日　對台軍售案中共猛轟美
2000年3月10日　高雄港警所一名員警，上個月在洽公時，以五字經罵了一名女公務員
　　　　　　　　結果，這名女性提出告訴
　　　　　　　　最後這名員警以一字四萬元也就是總共二十多萬元私下和解。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
欲加之罪，何患無辭？
《左傳》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一返屋企就收到電話
又係 D 粉人 and 唔算係粉人既 groupmate
拋左幾份野我 proof read
本來要睇佢地寫既野內容上有乜問題
睇睇下就變成睇佢英文既問題
> . <

無心機 + 唔想 + 唔識睇
畀 Konnie 參觀下大學生既功課有幾 hae
睇完之後佢好明顯呆左咯~~

有心無力
結果匆匆改完就算
總之令到佢地唔好再打去我屋企就得咯
成屋人都差 D 鏟死我咁滯......

通話左三個多鐘就收線
乖乖地訓覺, 做個好寶寶
^ ^

訓左九個鐘先醒
由於我部電腦過唔到歌落 iPod, 所以宜家 D 歌全部都係老爸電腦既歌
搞左好耐, 都係 share 唔到我電腦既 file 去老爸房既電腦
唔制呀！！！

蕉同彭彭分別打畀我
佢地話李萍鏟左好耐
話我地周圍唱佢抄處理
即刻叫佢唔好咁多事
大事化小算數啦

hae 左好耐
四點幾食完晏先出門口
食晏時老媽子問左我一個問題：
「如果你輸左會點架？」
講真, 真係無野
橫掂都係志在參與

出到旺角, 未夠時間
去左榆林 hae 左一陣
睇左一陣九把刀既《功夫》

睇到五點七, 諗住唔使咁早上去
所以繼續睇到五點九
行去搭小巴
好似擠提咁多人
嚇死

等左一個字都唔見有小巴
放棄, 走去打的
點知行錯方向
上左架賊車
兜左一大個圈先到 HKSMSA 總壇
咁就奉獻左 $ 30 蚊
仲差 D 遲到添......
> . <

去到等左一陣
正式開始
七個參賽者, 四個逃兵, 一個遲到
總算有三個人爭

我係最後一個人
之前聽左兩隻歌
查實都幾失望
都唔係對手黎既......
> . <

今次比賽既形式好特別
叫作者講左一次佢首歌既大概
然後聽歌
跟住再畀意見

好開心用 D 咁既模式
起碼可以確切地知道有乜不足嘛
又可以聽下佢地既意見同建議
免費 lecture~~
^ ^

結果......
唉......
唉既原因唔係因為輸左
係因為唔知放枝旗去邊好
^ o ^

玩左四年先有冠軍
嚴格 D 講
玩左十年 music festival
九年單項
去到我再次 year 1 先得獎

如果係以前既話一定開心到痴線
但係玩左咁多年
失望, 唏噓, 無奈有之
早已令我對這些比賽的勝敗得失不太在乎
勝之？敗之？又當何歟？

這首曲是我在最傷心失意時作的
曲子沉悶, 無奈
卻是我的真情
出賣自己的傷心
換到了一個「尾三」的殊榮
得耶？失耶？
喜耶？悲耶？

總算完了自己得獎的素願
我會繼續努力的

去左榆林「過冷河」
收到好消息或壞消息時, 總要找些時間讓自己冷靜一下
慣了, 看畢全本《功夫》才走
P. S. 《功夫》唔係同名電影既小說劇本

歸家後
fake 左無數咁多個問我既人
個個問親我作曲點
我都係同佢長嘆左一聲：「唉......」
之後個個都以為我輸左
我 D 朋友果然個個都好純良
呵呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1918年3月10日　蘇俄首都由彼得格勒遷至莫斯科

1918年3月10日，蘇維埃政府由彼得格勒遷至莫斯科。
莫斯科成為蘇維埃俄國的首都。

俄國首都自彼得大帝以來定在彼得格勒。
十月革命勝利後，德國軍隊於1918年2月18日進攻蘇俄，嚴重威脅彼得格勒的安全。
蘇維埃乃決定遷都。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
測試你是哪一種魔鬼

1、在討論區中，如果有人對你所發表的言論大力吐槽，甚至口出惡言，你的反應會是：
A、大家都有言論自由，隨便他！→到第2題
B、心裡超不爽，不過還是得維持風度，留言請他自重好了。→到第3題
C、搞什麼？居然敢罵我，當然一定要罵回去！→到第4題
D、撂兄弟，叫網友在網路上一起圍剿他。→到第2題

2、 在KTV歡唱得正high時，麥克風突然失靈了，聲音忽有忽滅，氣氛馬上冷了下來，這時你會：
A、應該是線路有問題，大家趕快動手檢查看看。→到第3題
B、誰？是誰在搞鬼？一定是在場的人故意搗亂！→到第5題
C、馬的！叫服務人員來，我要客訴！→到第4題
D、算了，不唱了，真掃興。→到第6題

3、 一陣子沒聯絡的朋友最近出手變得很大方，和他出去老是喜歡買單請客，你的態度會是？
A、哇！有個有錢的朋友真好！以後一定要好好保持聯絡。→到第5題
B、坦白問他：你是不是中樂透了？→到第6題
C、感覺有點討厭，大家做朋友幹嘛要搞階級，你是看我窮是吧？→到5題
D、搞不好他是做了什麼見不得人的勾當，還是保持距離比較妥當。→到6題

4、 和某個網友相談甚歡，決定約出來見見面聊聊天
　　但為了保險起見，還是約在公共場所見面比較安全，這時你會：
A、興高采烈，當然要穿戴整齊準時赴約！→到第5題
B、怕對方找不到，我還是先到約定地點等著好了。→到第5題
C、不怕一萬，只怕萬一，如果對方是恐龍怎辦？還是在旁邊先驗驗貨色再決定要不要現身。→到6題
D、沒什麼好躲躲藏藏的，能準時到就準時到吧！→到第3題

5、 今天網咖裡的人超多，位置只剩下螢幕面向外邊的那一個
　　來往行人對螢幕裡的內容一覽無遺，這時你會選擇：
A、隨便啦！有得玩比較重要！→到第6題
B、那麼爛的位置誰要坐！換家啦！→到第7題
C、既然進來了，實在不好意思說不要，忍耐一個小時好了。→到第7題
D、這個位置不錯啊！反正我又不怕人看，坐哪裡有什麼關係？→到第8題

6、 和心裡有點喜歡的人出去喝咖啡，氣候涼爽宜人，氣氛正好
　　點單時，店員的態度卻十分惡劣，這時你會：
A、心想：這家店的服務態度真差，下次打死我也不來了！→到第7題
B、搞什麼！態度這麼差，我也不會給你好臉色看的！→到第7題
C、在喜歡的人面前還是保持風度吧，下次再給我碰到你就知道難看了！→到第8題
D、冷冷地說：你的服務態度一向都這麼好嗎？→到第8題

7、 為了看火星，你買了一台高倍數的望遠鏡，轉著轉著，不小心轉到別人家去了
　　你會希望照到的地方是：
A、這還用說，當然是有美女洗澡的浴室。→到第8題
B、臥室！看看有沒有激情畫面可以欣賞。→到第8題
C、我錯了我錯了！快點轉開才對！ →你是 F 等級魔鬼？！
D、欣賞欣賞別人家也不錯，轉到哪就看到哪羅！ →你是 D 等級魔鬼？！

8、 去Shopping時，因為人太多了，找錢時小姐不僅多找了你錢
　　甚至連你買的東西也順便「升級」了，這時你會：
A、「升級」的東西不見得符合我的需要，東西當然還是要換回來比較好。 →你是 E 等級魔鬼？！
B、錢找錯了是她的不對，進我口袋的東西哪還有還回去的道理，叫她自作自受吧。 →你是 B 等級魔鬼？！
C、幹嘛和自己過不去啊，能拿就拿，就當作今天是lucky day，通通收下來吧！ →你是 A 等級魔鬼？！
D、怎麼可以為難人家呢？把東西還回去，順便跟她要電話好了！ →你是 C 等級魔鬼？！

－－－－－－－－－－－－－－－－－－－－－－－－－－－－－－－－－－－－－－－－
A 級魔鬼開膛手傑克
你心狠手辣，不高興絕對不會藏在心理，有不爽一定要發洩出來
你的座右銘是「有仇必報」，雖然有時候也會耍點小陰險
但大多時候的你總是可以讓人感覺到你火辣辣的脾氣。

B 級魔鬼撒旦
沒錯！你就是貨真價實的壞胚子！
或許你也曾經相信過人性本善，但是看多了人性醜陋的那一面後
你除了轉而相信人性本惡之外，甚至還常常慫恿別人做壞事，嘖嘖嘖……
果然很有當惡魔的潛力啊！

C 級魔鬼綠魔女
你的個性就是那麼古靈精怪，如果這個特質可以好好發揮的話，會許你也能成為天使也不一定；
不過你偏偏要步入歧途，所以老是愛用自己的小聰明作弄別人
小心啊！聰明也有被聰明誤的一天啊！

D 級魔鬼濕婆
你這個人乍看之下似乎無毒無害，平常看起來也一付道貌岸然的模樣
但是只要踩到你的地雷、刺中你的要害，那麼你很可能就立刻翻臉不認人，馬上抓狂起來
情緒的落差太大，讓人怕怕啊！

E 級魔鬼阿里曼
其實說起來，你並不能算是「惡魔」，大概只稱得上是「有點壞心眼」而已。
因為和真正的惡魔比起來，有時候你實在太過善良，但和天使比起來你又不夠純潔
不上不下的你，很可能在別人的慫恿之下做壞事喔！

F 級魔鬼阿修羅
這麼說吧！其實你集善良和邪惡於一身，說得貼切一點，就像是「重道義的大哥」就對了！
你並不會隨意為非作歹，大多數時候你只是為朋友兄弟出頭而已
所以這樣的個性倒是很受到大家的歡迎哩！

>>March 10, 2005 at 6:32:18 PM GMT+8

2005 年 3 月 8 日 星期二 【晴】

1451年3月9日　意大利探險家亞美利哥誕辰
1562年3月9日　義大利那不勒斯城規定，禁止人們在公共場所接吻，違反者將可被處以死刑。
1796年3月9日　法國皇帝拿破崙與比他年長六歲、博阿爾內將軍遺孀約瑟芬結婚。
1823年3月9日　聖西門自殺
1831年3月9日　法國成立外籍軍團，維持法屬非洲殖民地的安全與秩序。
1918年3月9日　協約國開始武裝干涉蘇俄
1923年3月9日　蘇聯領袖列寧中風癱瘓，被迫辭職，蘇聯政治形成三頭馬車執政局面。
1932年3月9日　「滿洲國」建「國」儀式在長春舉行，溥儀就任「滿洲國」執政。
1933年3月9日　美國加州發生強烈地震，餘震達十六次之多
　　　　　　　這次地震造成一百二十三人死亡，四千一百五十餘人受傷。
1944年3月9日　中央指示饒漱石在運動中注意掌握政策
1945年3月9日　日本東京大轟炸
1945年3月9日　台灣日月潭發電廠被盟機炸毀。
1946年3月9日　抗日英雄李兆麟被殺
1955年3月9日　行政院外匯貿易審議委員會決定
　　　　　　　台灣銀行結匯證牌價為一美元對新台幣六元。
1957年3月9日　艾森豪威爾簽署《關於美國的中近東政策的決議案》
1958年3月9日　京劇「四大名旦」之一程硯秋逝世
1960年3月9日　城市人民公社掛牌
1973年3月9日　中國與西班牙建交
1978年3月9日　中國科技大學開辦少年班
1978年3月9日　華航飛香港班機發生機員施明振企圖劫機飛往廣州未果，施明振被擊斃。
1984年3月9日　旭日幹成功培育出試管羔羊
1998年3月9日　英國發明噴射式注射器
1991年3月9日　海峽交流基金會今天正式掛牌作業，為民眾提供各項服務。
1992年3月9日　以色列前總理比金因心臟病逝世於特拉維夫，享年七十八歲。
1997年3月9日　兩千五百年才出現一次的日全食與彗星同時出現宇宙天文景觀
　　　　　　　在中國大陸黑龍江漠河上空顯現。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
多行不義必自斃。
《左傳》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一日有廿四個鐘
如果話用左四分一黎講電話
會唔會過份左少少？
尋日正正就做左類似既行為......
=.=

朝早要早起身聽中組
委託左 Konnie morning call 我
好成功地叫醒左我
不過收左線就立即訓返

以為鬧鐘會叫醒我
結果由於放置問題
結果我九點二起身既時候, 個鬧鐘都無響到 (原本較八點半響)
大鑊........

趕時間得滯
一落樓梯居然拗柴
右腳無啦啦無力, 以致成個人向右跌倒
又要趕時間
隻腳實腫過豬蹄咯......

趕到荃灣大會堂
正好目送佢地完結
唉......
有 D 怪責自己

聽唔到 DB 唔緊要
聽到其他隊玩都得
坐「hang 機」前面聽
好多隊既處理都唔太好
明明份譜第一段寫 Allegro, 中段寫住 Andante, 點解咁多指揮會 hae 過左既？
最離譜係玩到同之前速度一樣喎！！

輪到 BPS 玩
奇怪佢地既速度處理同我地差唔多
不過聽得出佢地練得好勤力
可惜用左笙黎代替中嗩

「hang 機」對佢地咁既處理不以為然
呢個係原則問題
假設你要尊重作者, 又要尊重樂曲
到底要跟原譜, 抑或係搵其他野代替？
這就取決評判評審的準則
每人準則不同, 要到宣告結果那刻方知

仔仔今日超黑仔
佢又走左兩個音, 又唔見銀包
十七歲既佢到十月就十八歲
如果佢搵唔番個銀包的話, 佢就要補領身份證
問題在於佢上次補領身份證的時間僅為三日前

他那張舊身份證早已隨其新銀包消逝
新身份證又隨其舊銀包失去
何不謂命乎？

「hang 機」見到仔仔咁唏噓
仗義出手借左一百蚊畀佢
真豪氣
同時反映佢地不尋常既關係
事源當仔仔問佢幾時還錢既時候
「hang 機」大大聲話：「你覺得你會見我唔到咩？」

一齊去荃灣廣場既酒樓飲茶
一齊既意思係有「hang 機」, 李萍, 豬 Ray, 我, SMC, 仔仔, Aston, 拔萃第一阮
仲有庇記團長乙名
氣氛幾融洽
除左「hang 機」成日都問 D 侍應係邊度鄉下之外......

畀李萍記錯我個名
拔萃第一阮無啦啦問我係咪遲 D 幫手玩 IY, 嚇親
佢仲話係李萍講既
轉個頭望住佢
佢確定左我的確係譚博威之後就話佢記錯我個名
之後就問：「咁邊個係司徒芷欣個男朋友呀？」

啞左......
我唔制呀！！！！
> . <
有乜理由佢會唔記得我架
樂器班又響佢隔離上
彈撥又畀佢指過
我個樣都唔係好難認O者！！！

不過算數
就算係朱老師都成日叫錯我做麥觀啦
無應......

食完飯
「hang 機」, 豬 ray, 我, Aston, 拔萃第一阮五人打的去地鐵站
唔抵得豬 ray 照食飯
照左佢地打的
不過落車先發現仲要行
有 D 灰......

過北角
用左個半鐘對完剩返既七條 MC
卒之將整個 syllabus 粗略講過一次
之後就過沙田補習

搭緊 89X 時一打畀我
叫我唔好去補習
仲話想我幫「羊 + 宜」手玩 Hugo 伴奏敲擊
嚇死
原來果日佢要簽約, 難怪
不過事關重大, 唔想累人
都係叫佢搵個專業少少既人替佢

好耐無上過「有錢佬」花園學生堂
用左一個鐘叫佢做左幾條數
連 D 咁簡單既英文都唔記得
咁都可以全 form 數學第九
神奇
不過神奇唔代表可以抹殺努力應有既成果
佢既中英文好順利地肥左
=.=

補完飛奔去搭 49X
一要返 poly 做野, 唔得閒去睇
孤身上路
行到入荃灣大會堂
正好趕上宣佈結果

BPS 第一
賽果合理
不過好多 DB 仔覺得唔應該係咁
仲話自己玩得好過人
因而深深不憤
使唔使咁呀~~~

玩唔起就唔好參與
贏要贏得光彩, 輸要輸得有風度
點可以輸就周圍搵藉口, 而唔去檢討自己係咪真係有問題
對今年既 DB 仔頗失望

BPS 自有取勝之道
要怪就怪 DB 仔太過托大了
就算 (強調, 係假設！！) 係抄左你地點做速度處理
如果你地係玩得好過人既, 夾得係細緻過人既
冠軍絕對唔會去左人地度！

唔好再追究
再講多次
贏要贏得光彩, 輸要輸得有風度
唔好因為一個獎而輸左風度
DB 仔豈是如此低俗之輩？？！！

食飯解穢
嘻嘻講左一句幾好聽既說話：
「我地當年小組第一, 中組第二, 大組第三
　今年小組第三, 中組第二, 唔通........」

希望係咁啦
中組係我地果年先開始報之嘛
唔係傳統黎架喎
我地都係以「志在參與」的心態比賽
大家既目標都係大組！！

飯後歸家
歸家後已過十二時......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1451年3月9日　意大利探險家亞美利哥誕辰

美洲的全名叫「亞美利加洲」。它的名稱是怎樣來的呢？
這得從 15 世紀末至 16 世紀初，歐洲人開闢了通往印度和美洲的航路
從而發現美洲新大陸這件事說起。

美洲大陸最初的居民是印第安人。
16 世紀初，那裡還很落後，有的剛進入封建公國，有的正停留在部族社會階段。
而這時的一些西歐國家，資本主義已經萌芽。
新興的資產階級渴求自海外掠奪財富，特別是去尋找黃金
於是產生了開闢新航路的探險活動。
意大利熱那亞人哥倫布在西班牙國王的支持下，從1492 – 1504 年，四次西航到美洲。
他陸續發現了牙買加、波多黎各、多米尼加等島嶼和土地
並見到了中美洲的洪都拉斯和巴拿馬，甚至到達南美大陸此岸的俄利諾科河口。
哥倫布的探險結果，在世界歷史上習慣地被稱為「地理大發現」或「發現新大陸」。

差不多就在哥倫布探險航行的同一時間，有一個叫亞美利哥的人
於1497 – 1504 年的七、八年裡，也先後三次航行到哥倫布所「發現」的南美洲北部。
經過實地考察，他證明了這塊土地不是古老的亞洲
而是一塊「新大陸」或「發現新大陸」。

亞美利哥返回歐洲後，繪製一副最新地圖，並出版一本傳誦很廣的遊記：《海上旅行故事集》。
該書斷定這個地方並不是印度，而是新的「大陸」。
後人便用他的名字給新大陸命名，從而在歷史學和地理學上出現了亞美利加洲這個名稱。

亞美利哥 1451 年 3 月 9 日生於意大利佛羅倫薩，死於 1512 年
是著名的航海探險家。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Copy from swaychau：

輸左應該諗下自己有咩不足之處，有咩地方要改善
諗下點解帶唔到人地街，而唔係將個責任擺左落其他人度。
輸左個比賽，冇咩大不了，最緊要係唔好輸埋個spirit
我仲記得A team輸左第二年拎 grand slam，sch orch 輸左第二年拎98分。
我希望CO下年可以贏帶街。

17號，無論贏定輸，都希望似番個DB仔。

>>March 10, 2005 at 5:41:38 AM GMT+8