2005 年 5 月 26 日 星期四 【晴】

山東之旅第十日 = ron污辱此日記的第十日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1840年5月27日　帕格尼尼逝世
1871年5月27日　貝爾——拉雪茲公墓戰鬥
1878年5月27日　美國著名舞蹈家鄧肯誕辰
1891年5月27日　劉半農誕生
1897年5月27日　英國物理學家約翰•科克羅夫出生
1903年5月27日　上海《蘇報》發表章炳麟介紹鄒容所著《革命軍》文章
1903年5月27日　德國德律風根無線電報公司在柏林成立。
1905年5月27日　私立復旦公學成立
1905年5月27日　日本聯合艦隊在對馬海峽殲滅趕來遠東作戰的俄國波羅的海艦隊
　　　　　　　　日本贏得日俄戰爭最後勝利。
1907年5月27日　黃岡起義失敗
1919年5月27日　水上飛機首次橫渡大西洋成功
1931年5月27日　國民黨反蔣派另立國民政府
1931年5月27日　皮卡爾教授乘氣球飛行到同溫層
1931年5月27日　美國維吉尼亞州蘭格雷機場研究中心完成第一個飛機實驗用風洞。
1940年5月27日　德軍入侵法國，擊潰英、法聯軍
　　　　　　　　盟軍三十餘萬人開始自敦克爾克大撤退，至六月四日安全撤至英國。
1941年5月27日　英國海軍於北大西洋擊沈德國「俾斯麥號」戰艦。
1942年5月27日　陳獨秀病逝
1942年5月27日　中國共產黨創始人之一陳獨秀逝世於重慶，享年六十四歲。
1951年5月27日　中共宣稱和平解放西藏，西藏成為中共的自治區。
1953年5月27日　中央同意《資本主義工業的公私關係問題》報告
1962年5月27日　第三屆中國小姐選拔決賽在台北舉行，由方瑀奪得后冠。
1964年5月27日　印度首任總理尼赫魯逝世，享年七十四歲
1968年5月27日　台大醫院完成國內首次腎臟移植手術。
1970年5月27日　班達拉奈剋夫人當選為斯里蘭卡總理
1975年5月27日　女性首次從北坡登上珠穆朗瑪峰
1976年5月27日　毛澤東會見布托
1983年5月27日　中國首批博士誕生
1985年5月27日　中共中央決定改革教育體制
1985年5月27日　《中英關於香港問題聯合聲明》宣告生效
1985年5月27日　孟加拉1萬人在風暴中失蹤
1987年5月27日　循私舞弊的原江西省長倪獻策被繩之以法
1994年5月27日　新的上海大學正式成立
1996年5月27日　中國最大海上油田全面投產
1997年5月27日　俄羅斯與北約關係文件在巴黎簽署
1997年5月27日　京劇藝術大師張君秋逝世
1998年5月27日　著名書法大師舒同同志逝世
1999年5月27日　聯合國戰犯法庭宣佈
　　　　　　　　以謀殺等反人道罪名起訴南斯拉夫總統米洛塞維奇
　　　　　　　　並對他發出國際逮捕令。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
飽食終日，無所用心，難矣哉。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早起床, 清新開朗
不過六點就起身就真係早左少少
呆到六點半先願郁

八點出車
今日去曲阜
出發其間, 響車上作詞
估唔到唔使用左十幾分鐘就 KO 左一首《如夢令》
雖然係得 33 字既小令
畢竟順利完工
偶有不協平仄, 都被鄰座既老林搞掂
改左幾次, 斟酌多幾次用詞就完成

老林見我咁得閒
畀左首兩左兩句頭既詩我作
之後又畀聯我對
搞到我成程車都無覺好訓

先去孔廟, 幾多野睇
大成殿係主殿, 好正
不過之前響門口呆企左好耐
據說係導遊同當局在門票上既溝通問題（臨時話無學生票喎）
餓死

睇完孔廟就去叉電
叉完行過一個刻印檔口刻左個印
買左個印泥就走

第二個景點係孔府
無乜特別野睇
買左把紙扇扮文人
本來之前都響學校超市買左把架
不過響泰山絕頂畀將軍整爛左
今日全程都係我用
但係用左唔夠廿分鐘又爛左
> . <

搭車去孔林
其間坐我前面既 Matie 同學忽然上吐
驚險萬分
最驚險既係......差 D 無膠袋畀佢用

孔林都無乜好行
閒逛
閒閒下又上左當
結果又刻多兩個印, 買多兩個印泥

由曲阜坐車返濟南要接近三個鐘
途中 Matie 同學再次嘔吐
坐車尾（即係我後面）既小明同學又肚痛
一個上吐, 一個下瀉
響一條高速公路上面, 乜都做唔到
只好強作鎮靜狀, 叫佢地忍住先

行完兩條高速公路
去到一個休息地點
車上既同學, 包括兩位唔舒服既女士下車稍事休整後繼續行程
老卜, 周小姐同小明同學去濟南既醫院檢查
老林就帶我地返學人大厦, 然後食飯

去左一間水餃店食
途中問老林
唔問唔知佢原來以前係響中大讀 Music Major, 中文只係 minor
最最估唔到既係佢以前係小交既 Assistant Principle
問佢點解 minor 都可以黎 city 教
佢話：「果時我都係好天真咁去 apply 架咋, 佢肯請我咪教咯！」
真屈機

講起「屈機」呢兩個句
經過我呢幾日既大力推廣
唔單止一眾同學已經運用自如
就連老林都周不時話我屈機
果真屈機！

濟南既一斤即係十"O, 唔係十六"O
不過一斤水餃有 80 隻
可怕！！
行過隔離粥舖打包粥返酒店畀 D 唔舒服既同學食
結果揸埋個煲返酒店

網吧時間係 2200 – 2300
Konnie 話見過我家姐
！！
好想知老姐既反應
一既情況不太樂觀, 擔心

返到房唔見左個 roommate
一定係去左做奴隸
問人借電話同 Konnie 傾左一陣
跟手用一分鐘解決左奴隸諗左兩三日既功課問題
同佐丹格格（奴隸既主人, 佢既奴隸即係......）叫佢放人叫左幾次
不過隻奴隸泥足深陷, 藥石無靈

1245 訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
showhappy死咗第一日
終於有返你嘅蹤影!!!
原來你無死到呀!!!!!!!
=p
開心死咗!~
>3<

~konnie*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1840年5月27日　帕格尼尼逝世

1840年5月27日，當帕格尼尼在法國尼斯去世時
著名的匈牙利音樂家弗朗茲 -李斯特懷著無限悲痛的心情在訃告上寫道：
「我毫不猶豫地說，再也不會有第二個帕格尼尼了。」

李斯特的話也許太絕對化了。
不過在音樂史上，像帕格尼尼那樣在生前死後的長時間內受到如此熱烈稱讚的人
確實是不多見的。

自從1828年在世界音樂之都維也納演出成功後
這位意大利小提琴家簡直成了人們崇拜的偶像；
1831年更在巴黎和倫敦引起巨大的轟動，此後盛況歷久不衰。

在音樂史上，帕格尼尼被譽為19世紀「小提琴之王」和浪漫主義音樂的創始人。
他革新了小提琴的演奏技巧，擴大了它的表現力。
他的樂曲和演奏
對李斯特、舒曼、勃拉姆斯、柏遼茲、拉赫瑪尼洛夫等人的創作和演技都有過深刻的啟發和影響。
因此，作為一個例外，帕格尼尼打破了一條歷來為音樂界所公認的法則：
不朽的偉大只有作曲家才能獲得。
恰恰相反，帕格尼尼贏得永久的稱頌
主要不是由於他創作了許多首名揚樂壇的小提琴曲，而是由於他的演奏。

例如，帕格尼尼寫過一支十分難懂的曲子《無窮動》。
據說，直到現在，只有最優秀的小提琴家才能演奏它，但是也得花3分30秒鐘方能奏完。
而帕格尼尼自己演奏起來，只需3分鐘就行了。
這說明什麼呢？
據計算，這就意味著每分鐘帕格尼尼必須奏出126個節拍，即1008個音符。
更主要的是帕格尼尼以完美的音色把曲子解釋得極其明瞭
正如德國小提琴大師路德維格 - 斯波爾說的：「他連拉得極快的時候都非常和諧！」

帕格尼尼這種非凡的技巧，很自然地引起研究者對他的手的注意。

在馬賽時，西拉斯•皮隆迪醫生觀察到，帕格尼尼的鎖骨已經形成這麼一個樣子
使他僅靠下巴而不用左手支撐，就能讓小提琴牢固地保持恰當姿勢，而可以熟練自如地演奏。
皮隆迪指出，曾經有人以為他的指頭特別長，這是一大誤解。
他的手指不動的時候確是長短正常，只是顯得格外的纖細。
但「在演奏時，他能夠伸張得長一點兒.........」。
皮隆迪尤其驚異於
「他左手的模樣和柔軟實在獨特無比，例如，他能夠把拇指往後翻到不尋常的地步
　而且毫不費力」。
巴黎的醫生弗朗西斯科 - 本納蒂也說：
「(帕格尼尼) 能夠使左手各個指頭的第一指骨........作奇特的屈曲動作
　這個動作可以不需活動整隻手
　就使指頭向側面作自如的屈曲——並且輕易、準確而又敏捷........」
本納蒂驚歎說：「一定是造物主讓他在實踐中完善這種構造特性」。

本納蒂的這句話頗有意思。
但是並非由於「造物主」，而是由於勞動——曠日持久的勤奮練習，才產生了帕格尼尼的手。
恩格斯在提出「手不僅是勞動的器官，它還是勞動的產物」
這一劃時代的命題時曾經指出，只是由於勞動，由於和日新月異的動作相適應
由於這樣所引起的肌肉、韌帶以及在更長時間內引起的骨骼的特別發展遺傳下來
而且由於這些遺傳下來的靈巧性以愈來愈新的方式運用於新的愈來愈複雜的動作
「人的手才達到這樣高度的完善，在這個基礎上它才能彷彿憑著魔力似地產生了.........
　帕格尼尼的音樂。」

帕格尼尼的手的奧秘就在這裡。
只要想一想，還不到6歲，小帕格尼尼就得到愛好音樂的父親的指導
每天在房間裡刻苦練習小提琴十個小時以上
除了一次病危外，從不間斷。
於是，9歲就在故鄉和佛羅倫薩獨奏演出，13歲時已經成為一位小提琴家了。
以後，帕格尼尼漫遊歐洲和定居巴黎期間，也從沒有放鬆過練習。
因此，看看他數十年如一日的艱辛勞動，人們對他絕妙的演奏技巧，也就不難理解了。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
忘了她是誰

一個記憶力不太好的老牧師常常被信眾反映講道內容沉悶，於是想搞搞新意思
嘗試在講道中加入林以諾式的內容，以免信徒流失。

為了搜集笑料，他去看了一場楝篤笑。
表演者說：「我一生中最快樂的時光，是躺在一個女人的懷中渡過的............. 」
過了一會，他才說：「我媽媽。」
眾人大笑。

老牧師覺得這橋段還真合用，便在翌日的講道中依樣葫蘆
但只說了頭一句「我一生中最快樂的時光，是躺在一個女人的懷中渡過的」
卻忘記了後面說甚麼。

情急之下說道：「天哪！我忘了她是誰啦！」

>>June 6, 2005 at 10:24:48 AM GMT+8

2005 年 5 月 25 日 星期三 【晴】

山東之旅第九日 = ron污辱此日記的第九日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1900年5月26日　莫高窟「藏經洞」被發現
1840年5月26日　林則徐反對閉關鎖國
1896年5月26日　象徵美國經濟榮枯的紐約股市道瓊工業指數創立，並開始運作。
1906年5月26日　美國科學家李維．尼克森宣布發明聲納裝置。
1907年5月26日　美國影星約翰 - 韋恩出生
1914年5月26日　新聞工作者雅各布 - 裡斯逝世
1924年5月26日　美國總統柯立芝簽署移民條例，禁止日本移民進入美國。
1929年5月26日　國父孫中山先生靈櫬由北平西山碧雲寺移奉南京
　　　　　　　　全國於本日起下半旗七天，以誌哀思。
1933年5月26日　察哈爾民眾抗日同盟軍成立
1938年5月26日　抗日戰爭研究會召開　毛澤東作《論持久戰》演講
1942年5月26日　緬甸遠征軍師長戴安瀾率領部屬與日軍激戰殉國，年僅三十八歲。
1946年5月26日　普密蓬繼承泰國王位
1948年5月26日　毛澤東等到達西柏坡
1952年5月26日　波恩條約簽訂
1955年5月26日　蘇南關係實現正常化
1956年5月26日　北京至拉薩航線試航成功
1966年5月26日　南美洲英屬圭亞那宣布獨立，更名為蓋亞納。
1972年5月26日　美蘇限制戰略核武器協定簽署
1976年5月26日　德國哲學家海德格爾逝世
1976年5月26日　西德哲學家海德格逝世，享年八十六歲。
1979年5月26日　霍梅尼譴責美國試圖謀害待從軍官
1981年5月26日　美國尼米茲號航空母艦遭重創
1981年5月26日　意大利內閣因馬索尼克醜聞下台
1985年5月26日　颶風海嘯侵襲孟加拉灣查克拉克島
　　　　　　　　造成二萬五千人死亡，三十萬人無家可歸。
1987年5月26日　全國整黨工作總結會議舉行
1990年5月26日　台灣與非洲幾內亞比索建交。
1991年5月26日　奧地利勞達航空波音七六七客機，自泰國曼谷起飛後不久爆炸
　　　　　　　　機上二百二十三人全部罹難。
1995年5月26日　台灣與巴布亞紐幾內亞簽署聯合公報，正式相互承認。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
三軍可奪帥也，匹夫不可奪志也。。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
0710 正式起身
0745 食早餐
門口碰到輝輝（佢真名叫謝輝輝, 簡稱輝輝）
同佢一齊落去食早餐
食到 0840 返房拎野影印
尋日問老卜時, 佢畀左本《大清律例》我自己睇
發現左 D 有用既野
唔影唔得啦

拎完去影印之後坐響房呆
呆到 0900 先醒覺自己要上堂
趕死
不過趕到講座又未開始
吁~~~

有聽 = 冇聽
講座教授講既野, 基本上個個香港中五學生都應該識
「吾十而有五而志於學, 三十而立, 四十而不惑, 五十而知天命, 六十而耳順, 七十而從心所欲不踰矩」
「老吾老, 以及人之老」
......
仲衰過肥劉教中史

以為果個教授遷就香港學生既程度
事後聽老卜講先知佢唔係遷就我地
而係佢根本唔記得左有呢個講座
今日講既內容全部都係爆肚
難怪佢咁遲先黎到啦
=.=

老卜同老林請客
不過係去飯堂, 真隨便
幾好食, 食左三碗飯
之但係並不是全由佢地請客
點解？皆因佢地張校園卡碌爆左

出發前往清真寺
去到嚇左一跳
乜唔係所有清真寺都有個阿拉伯式圓頂架咩？
入到去先知果度係元代建築完成
難怪咁中國式啦~~~

入左一個房接受歡迎儀式
D 檯圍成正方形
中間有個空位
初時不以為然
無幾耐先見到中間有好多飛黎飛去既蒼蠅
> . <

入殿參觀
不少同學因宗教原故不願進內
參觀而已, 又不是要作任何宗教儀式
某些同學的誇張反應令本身有興趣參觀的教徒卻步
這不是製造恐慌嗎？

去左個天主教教堂
一眾基督教徒好安心咁走入去
好宗教歧視

離開教堂
由周小姐（山大招呼我地既研究生）帶我地行去唱 K
大家手忙腳亂地舞左一輪先舞掂個好似打機既遙控
大家唱得興高采烈既時候, 自己唔知點解好頹好唔想唱
無耐就走左
一個人行左陣先返酒店
二話不說就訓

訓到十點半醒
班 groupmate 響「祥哥」買左個包畀我權當晚餐
有心~~

看來我對自己還不很了解
不然怎麼不明白自己潛意識世界在做甚麼？
想不通......
還是睡至天明吧

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
depression呀...
仲以為今日會係網上見到你
見完你家姐後就"奔"返屋企添 ...失望
奇怪哦! 點解你姐*好似*認得我嘅????
是但啦...
無野好講

我要打嘅野,今日下晝都打晒落 "II"acount度
protected的...

~konnie*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1900年5月26日　莫高窟「藏經洞」被發現

1900年5月26日，莫高窟道士王圓篆，為第17窟(現編號)中偶然發現一個「藏經洞」
裡邊藏有從公元4世紀到公元14世紀歷代文物五六萬件
這是20世紀初我國考古學上的一次重大發現。

除漢文寫本外
藏文、梵文、怯盧文、粟特文、古和闐文、回鶻文等民族文字寫本約佔六分之一
並有絹本繪畫、刺繡等美術品數百件。
寫本中除大量佛經、道經、儒家經典之外，還有史籍、帳冊、歷本、契據、信札、狀牒等。
這些文物對研究我國古代的政治、經濟、文化、軍事以及中外友好往來等
都具有重要的歷史、科學價值。

但這些中華民族文化瑰寶卻在1907年至1925年間
先後遭偷竊和掠奪
包括：
英國的斯坦因；
法國的伯希和；
沙俄的鄂登堡；
日本的桔瑞超；
美國的華爾納等
使莫高窟的史料蒙受重大損失。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
MI 5

聖誕前夕，倫敦近郊的一座小教堂，門外人群聚集，準備入內參加子夜崇拜。

牧師在門前迎接信眾，在他們進入教堂時與他們一一握手。
在輪到一個年輕人時，牧師覺得他有點生面，示意他站到一旁，待所有人都進去後，對他說：
「年輕人，你要作上帝的尖兵啊！」

「但是，牧師，」年輕人有點迷惘：「我巳經是上帝的尖兵啦！」

牧師搖頭：「那為甚麼我只在聖誕節和復活節才見到你呢？」

「這個嘛....... 」年輕人有點不好意思，良久才在牧師耳邊悄悄說道：
「我隸屬軍情五處，不可以隨便暴露身份！」

>>June 5, 2005 at 4:27:24 PM GMT+8

2005 年 5 月 24 日 星期二 【晴】

山東之旅第八日 = ron污辱此日記的第八日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1787年5月25日　制定美國憲法的制憲會議在費城開議。
1895年5月25日　清光緒二十一年，台灣紳民不滿清廷將台灣割讓給日本起兵抗日
　　　　　　　　成立「台灣民主國」，並推舉唐景崧出任總統。
1914年5月25日　國史館正式成立，王闓運擔任首任館長。
1918年5月25日　首批美國軍用飛機在法參戰
1928年5月25日　中共決定將工農革命軍定名「紅軍」
1929年5月25日　國父孫中山先生的衣冠塚在北平西山碧雲寺築成。
1941年5月25日　毛澤東著文《揭破遠東慕尼黑的陰謀》
1943年5月25日　德國飛行員加蘭德試飛世界上第一架噴射戰鬥機成功。
1947年5月25日　尼加拉瓜發生政變，蘇慕薩推翻現任總統阿奎拉。
1948年5月25日　翁文灝出任中華民國行憲後首任行政院長。
1951年5月25日　立法院三讀通過「耕地三七五減租條例」。
1960年5月25日　中國登山隊從北坡征服珠穆朗瑪峰
1961年5月25日　美國首次載人宇宙飛行成功
1963年5月25日　非洲統一組織成立
1968年5月25日　全國開展「清理階級隊伍」運動
1969年5月25日　田徑女傑紀政在美國加州田徑賽中
　　　　　　　　以二十六秒二成績創造二百公尺低欄比賽世界紀錄。
1978年5月25日　我國與阿曼蘇丹國建交
1979年5月25日　美國航空公司DC十型客機，在芝加哥歐海爾機場墜機
　　　　　　　　造成二百七十七人罹難慘劇。
1980年5月25日　人民日報社遷址
1981年5月25日　海灣合作委員會首腦會議正式宣告誕生
1984年5月25日　鄧小平強調中國有權在港駐軍
1986年5月25日　美國舉行人鏈募捐活動
1986年5月25日　南投縣太極峽谷風景區發生山崩，造成二十八人死亡意外。
1986年5月25日　一艘雙層渡輪在孟加拉梅克納河遭遇風暴翻覆，至少六百人喪生。
1988年5月25日　蘇聯公佈侵阿蘇軍傷亡人數
1997年5月25日　著名歷史學家羅爾綱逝世
1997年5月25日　國際命名「楊振寧星」
1997年5月25日　禁止化學武器組織正式成立
1997年5月25日　著名歷史學家羅爾剛逝世
1997年5月25日　印尼婆羅洲加里曼丹省會馬辰市
　　　　　　　　爆發蘇哈托總統執政三十年來最嚴重的選舉暴動
　　　　　　　　至少造成一百三十六人喪生。
1998年5月25日　獅身人面像歷時10年修復全面竣工
2000年5月25日　秦昌典王式惠因嚴重失職瀆職被開除黨籍
2002年5月25日　台灣在澎湖附近海域發生空難　死亡225人
2002年5月25日　華航台北飛香港班機在澎湖外海失事
　　　　　　　　機上二百二十五名乘客及機組員全部罹難。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
仁者見仁，智者見智。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
黎左咁多日
朝朝都~袗�
平時起碼都係 0600 先起身
今日居然 0500 就~袗�
痴線的！
0700 先真正起身

朝早上導修
今日又有功課, 仲有好多野做添
> . <
晏晝食飯
繼續「精英飲食團」既工作
幾好食
^ ^

晏晝聽講座, 講山東藝術
聽極都唔明佢 D 濟南口音既普通話
其他同學都好畀心機地低頭執筆沉思
不過......係為左做功課
畀人睇到真係貽笑大方

尋日無寫日記
響講座時間係咁寫
不過好快就寫完
開始後悔無帶功課黎睇添

hae 左兩個鐘, 同左右邊同學 hae
真係無所事事
Matie 同學借左我本日記睇
不過好快就失去興趣
原因應該係畀我 D 「中國古文字」嚇怕左
:p

返酒店做功課
一做就做到八點
其實上一份功課就好早做完
只係做新果份審案遊戲
查《大清律例》查到煩
又發現左幾個有問題既地方
老卜一返黎就搵佢
交功課之餘順手問問題
果然佢都滴左汗
^ ^

無出去食野
淨係食旺旺同龜岺膏度日
餓死

今日播《瘦身男女》
又諗起 Konnie
佢成日都話自己肥
查實又唔係好肥
女仔有少少肉係好 D 既~~~

做完咁滯
差少少問題要問老卜
不過佢今晚要改功課
睇怕無咁得閒
都係聽日問完先做
橫掂又唔係唔識
:p

十二點前訓
無食飯
所以真係無乜力
-.-

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我今日同平時一樣8點幾同10點幾起咗身...
不過最後我成點先離開張床
梳洗完就練琴練琴練琴
練到手指到爛晒喇
太耐無拉,d枕無晒
得返一層薄薄嘅皮
我連轉position都覺得好痛...
首歌又成日轉來轉去喎...痛死了>"<

晚上終於去咗學功夫
阿sir認得我喎~*
重almost單對單教
不過我實在太耐無運動喇
腳都唔開...重要踢咗一陣腿就成身汗=.=

勁勁呀我~
我已經聯絡咗你姐同齊老師
聽日會去收野
成功搞掂你地d唔係香港嘅麻煩人嘅麻煩野
不過最麻煩到嘅都係你姐
(我估係你姐...你媽把聲應該無咁後生掛)

超掛住你呀....你應該唔會打來啦呵?
都咁夜咯...
掛死喇>"<

oh....仲有...
我又小產喇....
都唔知點解=,=

~konnie* (就快掛到斷氣喇)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1997年5月25日　禁止化學武器組織正式成立

1997年5月25日
隨著禁止化學武器組織締約國大會第一屆會議24日在荷蘭的海牙會議中心落下帷幕
「禁止化學武器組織」正式成立。

禁止化學武器組織由締約國大會、執行理事會和技術秘書處三個主要機構組成
總部設在海牙。

在這次為期三周的締約國大會期間
已批准《禁止化學武器公約》的88個締約國
代表選舉產生了由41個成員國組成的禁止化學武器組織執行理事會。
來自《禁止化學武器公約》165個簽約國
以及有關國際組織和非政府組織的代表出席了大會。

《禁止化學武器公約》是在多邊框架內談判達成
旨在在普遍國際監督下消除大規模毀滅性武器的第一項裁軍協定。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
牧師和計程車司機

一個計程車司機和一個牧師在同一天死去，在天堂門口，聖彼得說：
「你們兩人的地方已預備好了；我現在就帶你們去，反正同路，你們兩人就一起跟著來吧。」

司機和牧師便跟著聖彼得同行，不久到達一間豪華別墅
有室內泳池、私人高爾夫球場、旁邊的小河泊著50呎長遊艇。
聖彼得對計程車司機說：「這別墅是你的啦，等一會管家就帶侍婢們來上工。」
說完就帶牧師繼續上路。

來到一間破舊的大廈，沒有升降機，牧師走樓梯上十四樓，氣還未喘定
聖彼得指著一梯十伙其中一個單位，將鑰匙交給牧師：「是這裡了。」轉身就走。
牧師急忙拉住聖彼得：
「你搞錯了吧？剛才那間才是我的，這間是計程車司機的！
　好歹我也算是上帝的僕人嘛，成甚麼樣子？」

聖彼得搖頭：
「你雖然是牧師，但你講道時人人都睡覺；那計程車司機開車時，個個乘客都祈禱呢！」

>>June 5, 2005 at 4:28:41 PM GMT+8

2005 年 5 月 23 日 星期一 【晴】

山東之旅第七日 = ron污辱此日記的第七日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1500年5月24日　葡萄牙航海家迪亞士逝世
1543年5月24日　哥白尼不朽著作《天體運行》出版
1844年5月24日　美國發明家莫爾斯試驗成功世界上第一份電報
1893年5月24日　九三學社發起人王卓然誕辰
1904年5月24日　清光緒三十年，清廷正式加入萬國紅十字會。
1905年5月24日　《靜靜的頓河》作者肖洛霍夫誕辰
1923年5月24日　共產國際指示中共重視土地革命
1927年5月24日　甘肅發生劇烈地震，戶口六萬的涼州一帶，甚多村鎮全毀，居民死傷無數。
1935年5月24日　紅軍強渡大渡河
1957年5月24日　美軍顧問團軍事法庭判決雷諾上士槍殺劉自然案無罪
　　　　　　　　引起台北民眾不滿，搗毀美國大使館及新聞處。
1958年5月24日　美國「聯合新聞社」和「國際新聞通訊社」合併為合眾國際社。
1959年5月24日　美國國務卿杜勒斯病逝，享年七十二歲。
1964年5月24日　秘魯足球隊和阿根廷隊在秘魯首都利馬舉行比賽
　　　　　　　　因裁判判決引起爭議，並造成暴動，有三百人喪生。
1974年5月24日　美國作曲家、爵士樂史上最重要人物埃林頓死於肺癌，享年七十五歲。
1988年5月24日　環球小姐選美活動首次在台灣舉行，由泰國小姐奪得后冠。
1993年5月24日　中國與厄立特裡亞建交
1993年5月24日　《霸王別姬》獲戛納電影節「金棕櫚獎」
1994年5月24日　紐約世貿中心爆炸案罪犯被判處240年監禁
1994年5月24日　法國總理稱法有恢復核試驗自由
1997年5月24日　北京首批國恥紀念地標誌碑揭幕
2002年5月24日　習仲勳同志逝世
2002年5月24日　美國總統布希和俄羅斯總統蒲亭簽署劃時代的新裁減核武條約。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
己所不欲，勿施於人。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
七點起身
不過精神唔錯
好有征服泰山既感覺
呵呵~~~

食完早餐就出發去泰安縣
一行就行左兩個鐘
本來可以早少少
不過遲左出發
所以撞到塞車, 遲左到
去左一間餐廳食飯
好豪華地食左十幾個[食送]
不過無乜野適合廣東人口味
好有何曾奢華之感

食左四碗飯
嚇煞同桌之人

食完飯有氣有力
上山去也
一點半上山
今日成日都同老林行
好似做左佢書僮咁
成日問佢：「公子呀, 點解呀祝英台會上左泰山山頂咁遙遠既？」
發傻

行到經石峪口, 過左四分一路程（山腳至中天門）
人數十停不到一停
行入經石峪, 望到石上既金剛經
無乜特別, 行左一陣就走

回到經石峪口
有人發現自己唔見左部數碼相機
跑回頭路搵, 真辛苦
仲要拖埋老卜落水（要照顧同學嘛）

兩點半就聽到就到既消息
不過上到中天門都已經係 1530
臨到中天門前水情告急
無水飲！！！
好彩得小明同學仗義送左半枝水畀我, 先至完成旅程

上到中天門, 十名內, 僥倖
卒之無晒水, 買左支雪碧雪條食
食食下老林居然請 D 女仔食雪條
性別歧視呀！！！
結果群情洶湧, 佢被迫屈服
我又多左條雪條食
:p

等到全人類都上到中天門
個個都映完「中天門下食雪條」既象徵性景點之後
行去搭纜車上天街
同老林 + 其他山大隨團人員同「車」
坐完今次, 以後去海洋公園任一亂「fing」都唔驚
因為......泰山既纜車實在高得可以

纜車果然係方便既交通工具
否則我地一定行死
四點半左右到天街
慢步走上玉皇頂
一群人映左幾幅相
響門口見到一檔照相檔
有個「泰山絕頂」既牌
同真既「泰山絕頂」碑差不足二十米
咁近, 畀我都映真野啦！！

搭纜車落山, 坐尾二班車走
當我地架纜車埋左站又未開門既時候
而後面架纜車仲懸在半空之際
成組纜車突然停左, 嚇死
當然最後都係有驚無險啦~~

繼續苦悶既搭車行程
映剩九幅相
換 SD 卡既時候睇番同屋企人映既相
好掛住佢地添

返到學人大厦, 八點幾
出面街既食肆都有唔少收左工
大家又疲累
叫外賣又無人聽電話
結果食即食麵算數

食完傾心事時間
有人心思思想試試
但係有人又太過細路仔
搞到人地唔知點算好
呵~~

做功課做到 0030
日記都無寫就訓
連朝早岱廟之行都無寫
不過講真, 真係乏善足陳
不寫也罷

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ok
I’ve promised myself I’m gonna type a REALLY long entry today
….coz I typed basically nothing the past two days
………..why am I typing in English ger =.=??

sdarn...back to Chinese
記唔記得我係你開’山東會’果陣去咗買珠仔呢?
我星期日無無聊聊咁開始咗穿喇
重決定咗真係整門簾….
不過買唔夠珠珠…所以要去深水黧R

因為ron係姓笨嘅…佢好笨咁買漏咗一隻珠珠
重要返到屋企先發現=.=
所以笨ron星期一嘅節目就係去買返果隻珠珠

星期一一起身就咗深水�
真係無聊…連續兩日總共用咗2個半小時嘅traveling time
為嘅就係買d無聊嘅珠仔
證明咗我係無聊嘅人
雖然無聊,但係唔覺頹廢
我都話我好識得自娛㗎啦~

回程嘅時候諗起媽媽話以為我要大執間房=搬家俬..
諗諗吓…都好噃
還掂我一路都唔滿意我間房大,但係活動空間細
返到屋企…度位~
掂!!!完全地fit呀!
於是我就開始將:
我張床連床下底d箱x N, 床頭櫃, 電腦檯,2個大書櫃, & 衣櫃 搬搬搬!!!
(dic聽到之後都o晒嘴話我勁~所以唔好話我*懶勁)

推推吓發覺….唔對路
電話線唔夠長哦>”<
於是要麻煩我勁勁嘅公公幫我駁線! ^^
搞咗勁耐…

佢整完嘅時候我又再開始搬野
因為我嘅vcd堆到成座山咁高…我好睇唔過眼…
所以我又換咗收藏我個collection嘅方法lu~~~
勁開心!!好慳位!!!

哇哈哈哈哈哈哈~~~~
我間房依家嘅活動空間大增呀!!!
你地快d上來開檯啦!!!
xDDDDDDDDDDDDDDDDDD

講返今日
約咗dic帶佢荃灣商場一日遊…好hae行
唯一有貢獻d嘅,就係終於帶咗佢去穿耳
…同埋發現荃灣所有大少少嘅商場都係’一橋通’嘅

無奈呢~
帶咗dic去我穿耳的舖頭
因為佢見我穿得幾ok又無乜發炎,諗住跟我去同一個地方穿
點知個”專業穿耳姐姐” (個老板娘咁叫佢)無返
要去過第二度
到咗第二間,揀埋穿耳耳環…點知間野無代客穿耳
搞到咁無奈…都只因兩個字:
ron笨
dic穿埋耳之後,就有10級靚女
榮聲為11級靚女lu~~*

之後上咗我屋企…
我發現大家去到我房都必定有兩個感覺:
1) 好眼訓
2) 張凳好好玩
跟住重會有一個指定動作:
玩動物

hae到5點幾就要去食飯
因為一陣要上倉頡
去咗牡(配合返大M係依個日記嘅稱呼)
食完之後就去搭未搭過嘅觀塘亡命小巴

又再笨咗=.=
到總站落咗車後要好趕咁行咗15分鐘…

今天是考試的大日子~
呵~ 我係完全無做功課 + 完全無溫書嘅情況下
竟然19/20~!
其實果一題係唔應該錯㗎=.=

不如我又考吓你吖~
考試第一題:
倉頡輸入法的始創人是
A 朱復邦
B 倉頡
C 朱邦復
無聊~~~~*
p.s 我唔係錯依題

你知嘛~淨返一堂上咋!!
勁開心
好想快d上埋最後果堂
因為最後一堂上完 = 你返到香港*

歸家…
我返到房…尖叫
嚇到我公走入來話我乜事
kan鬧我嘈=.=…竟然
身份對調了…

我收到YCO嘅信!!
3/6/2005就audition喇
撞他的鬼!!!
得返個多星期
我依然未練過琴呢…
the worst part is…
個個都assume我會入到
如果我真係入唔到…………………=.=|||

我要練琴呢
oh!! Btw
I hate my practice mute, coz it falls off whenever I play forte
I hate my double joint, coz it forbids me making normal trills and pressing normally in >4 positions
Damn bone structure!!!!!

2日無contact過你喇…
哈~ d人尋日笨
個icq用唔到~!!

好似有d過份…我用word打
依版係第4版=.=||
hope u won’t mind =P

掛住您呀!
你記住要食好d,訓好d,玩得開心d!!!
d食物咸你咪飲多d水囉
唔好食唔飽呀!!!知無?
再影多相呀!~
五百幾張唔夠哦!!

>3<

~konnie*


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1543年5月24日　哥白尼不朽著作《天體運行》出版

1543年5月24日，哥白尼的不朽著作《天體運行》幾經周折，終於出版
可是當樣書送到哥白尼手裡時，這位偉大的科學家已處於彌留之際
無力校正被教會篡改了的章節，使教會的陰謀暫時得逞。

哥白尼根據前人研究的成果和自己30多年對天體的實際觀察和計算，創立了「日心說」
說明地球和其他行星圍繞太陽轉，地球又以地軸為中心自轉。
這和當時唯心主義的「地球中心說」相違背。
當時教會把「地心說」和上帝的「創世說」聯在一起，編造一套「目的論」的謊話
說全能的上帝為了使人類得到光明和溫暖才創造出各種天體，宇宙是以地球為中心的。
因此，哥白尼的學說，受到教會的極端仇視
教會對哥白尼進行各種迫害，企圖迫使他放棄「日心說」，遭到哥白尼的拒絕。
他們無恥地利用手中的權力，篡改了哥白尼的著作，把哥白尼的序砍掉，換上一個偽序
偽序宣稱「日盡」不過是一種假設，一個臆斷..............
閹割了哥白尼學說的唯物主義內容。

但是，真理的光芒是遮不住的。
「日心說」學說，終於為全世界所公認。
而且，19世紀中期，哥白尼的《天體運動》原稿在布拉格的一家私人圖書館裡被發現。
1873年出版的《天體運行》，增補了原序，但有關原子學說的章節未能補入；
1953年出版的《天體運行》，才把原有章節全部補上。
這樣，經歷了410年的曲折過程，被閹割了的《天體運行》，終於恢復了本來的面貌。
教會的可恥的陰謀破產了，真理勝利了。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無神論者

一個無神論者為要彰顯行善不必靠教會的信念，到衣索比亞做義工。
一天，他到草原遊覽，正觀賞風吹草低見牛羊、落葉隨風飛舞之際
忽聽得身後的一堆灌木叢沙沙作響，他對野外生活所知有限，未能察覺危險
反而想走近細看究竟是小白兔還是小浣熊藏身於灌木之中。
一隻吊睛白額虎突然從灌木叢跳出，向他衝來，他連忙沒命價飛跑
但走不了幾步便絆倒在地，老虎撲上來把他按倒在地，眼看是沒命了。

無神論者不知是出於本能呢還是抱著姑且一試的心態
當老虎準備揮爪擊下，千鈞一髮之際，他張口大叫；「上帝救命！」

未曾現身多年的耶和華，跟當年何烈山的情景一般，從荊棘裡火焰中顯現
（本來當年是耶和華的使者先顯現，跟今次親自顯現不同
　但無神論者和筆者一樣，對聖經未能背誦如流
　而且眼前景況危急，教徒讀者們便請多包涵，馬馬虎虎算啦。）
荊棘也沒有燒燬。
而這次周圍一切時間完全停頓，落葉停留空中、老虎作揮爪之狀。
但無神論者被壓著，也不能如摩西般走近去看大異象。

可能耶和華覺得以前著實囉唆了點
這次就沒有自我介紹說我是你父親某某的神，亞伯拉罕的神什麼的一大串，只從荊棘中發聲：
「無神論者，你求我什麼啦？」
無神論者硬著頭皮：「主阿！是求你救命來著。」
耶和華仰天打了個哈哈：「你先說說你一生的所作所為好嗎？」
無神論者結結巴巴、痛哭流淚的說：
「主阿！我知錯啦，我否定你的存在，我辱罵基督徒
　我曾成功慫甬三千多人不信主還沾沾自喜
　我設立反教網站，搞出大量嘲笑、誣蔑您老人家、令郎、牧師、教徙、的材料。」

「但我的主阿！如果今天我能逃生，你認為今後每逢主日
　最早坐在教堂講壇前第一排座位的會是誰呢？」
無神論者用他平日訓練有素，本來擅於拉人出教的口才侃侃而談。
但耶和華似乎不為所動，只連連冷笑。
無神論者鑑貌辨色，知道這次若要逃過大難，單靠懇求和懺悔己是絕路
一定要搞些小動作才能脫身。

他看著眼前這老虎，靈機一觸：
「主阿！不如這樣罷，我的狗命何足道哉，但世上多一個基督徒總是好事
　難得你老人家今日降臨，眼前這老虎樣子也挺可愛的，不如你將牠變做基督徒啦！」

耶和華微一點頭，一切回復正常，葉子墜地。
老虎緩緩放下在半空中的巨爪，無神論者眼見老虎己變得馴服，便等待機會脫身。
但老虎沒有走開，牠仍壓著無神論者，慢慢的跪下來，合起雙爪，口吐人言祈禱：
「我們日用的飲食，今日賜給我們.....................」

>>June 5, 2005 at 2:05:56 PM GMT+8

2005 年 5 月 22 日 星期日 【晴】

山東之旅第六日 = ron污辱此日記的第六日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1828年5月23日　挪威戲劇家易卜生逝世
1901年5月23日　義和團的戰鬥行動終告結束
1906年5月23日　「近代戲劇之父」易卜生逝世，享年78歲。
1915年5月23日　意大利退出三國同盟以後與奧地利開戰
1917年5月23日　黎元洪免去段祺瑞的國務總理職務
1924年5月23日　史達林在第13次蘇維埃共產黨大會公然批判托洛斯基
1934年5月23日　二年間連續殺害12人
　　　　　　　　並在美國各地展開強盜旅程的庫萊特華羅與女友波妮帕卡
　　　　　　　　在路易斯安那州的高速公路上被埋伏在兩旁的警方人員及保安人員開槍射死。
1937年5月23日　美國巨富洛克菲勒病逝，享年98歲。
　　　　　　　　生前，他是美國巨富，向教育、科學和宗教事業奉獻出53億美元。
1949年5月23日　毛澤東部署向全國進軍
1949年5月23日　德意志聯邦共和國建立
1951年5月23日　西藏和平解放
1960年5月23日　閻錫山病死
1967年5月23日　「革命樣板戲」開始推行
1985年5月23日　中央軍委擴大會議召開　重點討論軍隊體制改革等問題
1985年5月23日　中央禁止領導幹部子女、配偶經商
1990年5月23日　首屆世界盃乒乓球團體賽落幕
1992年5月23日　「綠色新聞」會議通過《貝洛奧裡藏特宣言》
1994年5月23日　世界減災大會通過行動計劃

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
知之為知之，不知為不知，是知也。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日唔使離開山大參觀
淨係上講座同導修
故此唔使咁早起身
0750 醒
食完早餐就去課室

Roommate 自從尋日我唔介意佢唱歌之後
就係咁唱
佢既歌喉同O者喱仔差唔多
不過佢多O者喱仔一項絕技
唱唱下成隻歌會自然轉調
吾等不及
=.=||

講者塞車
所以遲左少少上堂
幾精彩, 所以眼訓都無訓
唔講唔知佢係是次山東之旅既行程倡議者
不過內容就普普通通
美中不足既係坐我隔離既 Roommate 成日無啦啦唱歌
救命
> . <

晏晝同老林 + 一眾組員食飯
一邊食一邊問佢 IQ 題
估唔到做左咁多年人既佢會一條都答唔出
最後都係放盡水地令佢答到答案
大家都一致覺得佢好可愛
呵~~

飯後眠左半個鐘
起身上 tutor
首先上老林堂
不愧為姓林既, 性格都~U過人
搞到成個房廿個人可以全無秩序可言
有人過份到佢一邊講野就一邊映相
咁搞事既玩意, 又點會少左我果份呢
:p

尋日借左佢本《濟南乎？》（一本講濟南民居既書）
今日睇完, 隨即借左佢本《漢語音韻》
完全無意識到功課係變態到痴線既

老林果部分淨係搵李清照 + 辛棄疾詞既平仄
容易之至
其後老卜既至, 惡夢亦隨之而來......
佢居然派左每人一疊《四庫全書》既影印本
然後分配我地成山東省各州縣既知州 / 知縣
要我地從《四庫全書》入面搵出我地負責既地方既野
> . <
之後仲好似要根據《大清律例》審案
悲乎？

上完堂, 成班人衝左入我房......做功課
搞到我張床七國咁亂
=.=
好有伊榮當年住 hall 時畀兩個未來同佢同校教 Bio 既粉人同學入佢房搗亂既感覺

做到 1930 先唔做
四個人出去食飯
其餘既人太疲累唔出街食飯
去左食米線
食完佢地行大潤發（超市名）, 我去北門既另一間網吧（之前去親都係去南門果間）

同唔到 Konnie chat
失望
之後睇日記先知佢因為執房執到好疲累
心痛

一個鐘後走
好疲累
一入房
搵左 D 野行過隔離問老卜
佢好驚訝地話佢以為我唔會有問題問佢
問完佢點執佢份功課, 又問左佢好些制度史既問題
直至有其他同學搵佢為止
共費一小時

之後搵老林
其他人早就將我份答案（即係佢地份答案）畀左佢睇
無問題, 意料之中
交左畀佢就問佢有關漢語音韻既問題
再引申至唐至清既詩詞發展
又一個鐘
Roommate 同我一齊聽我問佢兩個問題
聽到呆左
佢聽唔明又要聽, 真難為佢

聽日 0750 集合
寫日記寫到 0019
唔知醒唔醒到
^ ^ "

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我今日幫間房變身~
你下次來到會唔認得我`間房*
亦都因為咁...現在累死了...唔想打=.=

隔離房又使好嘈喇>"<

我要訓喇...好辛苦

愛您的konnie*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1949年5月23日　德意志聯邦共和國建立

德國為第二次世界大戰的戰敗國。
戰爭結束後，美、蘇、英、法4國於1945年6月5日發表關於管制德國的聯合聲明
決定4國分區佔領德國，並由4國佔領軍總司令組成盟國對德管制委員會作為最高權力機構。
雖然聲明強調在佔領期間應視德國為一個統一的整體
但各國在自己的佔領區內卻擁有自行其是的權力，潛伏著分裂的因素。

美英法3國的3個佔領區位於德國西部，面積24萬多平方公里。
西方3國佔領區首先進行清除德國軍國主義及納粹分子的工作
審判了戰爭罪犯，解散了一些壟斷組織，但保留了按規定應拆除的軍事工業設備。

為了使德國的經濟迅速恢復，西方佔領國採取了「重建德國」的方針。
1946年12月美英達成協議，合併兩國佔領區，以促進經濟上的統一。
1947年1月雙占區成立。
1948年2月，美英把它擴大為類似國家的實體，成立了聯合州議會和行政管理委員會。
6月7日，美英法荷比盧6國簽訂了《倫敦協議書》，法國同意加入，成立了3占區。
1948年6月20日，西方佔領國開始在3占區單獨進行貨幣改革，用新馬克代替舊馬克。
為了發行和監督新的貨幣，成立德意志聯邦銀行。
艾哈德根據其社會市場經濟的設想，取消了管制經濟的規定，促進了經濟的穩定和增長。
西方3國的貨幣改革被蘇聯視為違反了波茨坦協定，蘇聯因此也採取相應的貨幣改革措施。
東、西佔領區的經濟被完全分割開來。

與此同時，政治上的分裂也在加劇。
1948年7月1日，西方3國駐德國軍事長官在法蘭克福召開西占區11個州總理參加的會議
向各州總理散發 3個文件，後被稱為「法蘭克福」文件
闡明瞭西占區發展的設想，並為未來西德的國家機構及其職權範圍定下了基本方針。
會上還授權各州首腦著手召開立憲會議，制訂「基本法」。
9月1日，在波恩成立了議會委員會，由基督教民主聯盟的阿登納任主席。
議會委員會根據法蘭克福文件精神討論和制訂憲法。

1949年4月，西方3國制訂了對西部德國的《佔領法規》，規定西德國家成立後
軍政府將撤銷，代之以由3國文職高級專員組成的高級專員委員會
主管德國對外和安全事務，並對西德議會的一切行動有否決權。
在國內問題上，德國政府則可以在盟國允許的範圍內自行制訂立法。
5月8日，議會委員會會議結束，制訂出臨時憲法——基本法。
新的國家以議會民主制的面貌出現
國家結構為聯邦制，其外交、國防、貨幣、海關、鐵路、航空、郵電等屬聯邦管理
並給予各州較大的自治權。
基本法於1949年5月12日經西方佔領區的軍事長官批准，又經各州議會通過
於1949年5月23日公佈生效。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
拉撒路的弟弟

一天，耶穌如常在山上講道。
正當說著：「所以我實實在在的告訴你們.....」，一個人從山下跑上來對耶穌說：
「拉比，剛才拉撒路的弟弟在叢林中拾得一個嬰孩，他很想收養這嬰孩
　可是，他比拉撒路還要窮。於是，他跪下來祈禱，求主賜他力量養活嬰孩。」
眾人都欽佩拉撒路弟弟的善心。

那人繼續說：
「就在那時，奇蹟出現了；
　拉撒路弟弟身上突然長出一對女人的乳房，於是，他就可以奶孩子啦！」
眾人馬上一起讚美主。

但多馬走上前來
「夫子，」他問道：
「為甚麼神要這樣作呢？這樣豈不令他受外邦人訕笑呢？
　何不賜他一袋金子，他就可以僱乳娘哺孩子啦！」

「愚蠢的人哪！」耶穌說：「如果我父顯一下神跡就能成就這事，他又何必花錢呢？」

>>June 5, 2005 at 9:34:14 AM GMT+8

2005 年 5 月 21 日 星期六 【晴】

山東之旅第五日 = ron污辱此日記的第五日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1813年5月22日　德國作曲家瓦格納誕辰
1819年5月22日　美國輪船「莎曼娜號」領先其他國家船隻，首度橫越大西洋。
1859年5月22日　福爾摩斯的創造者柯南道爾誕辰
1885年5月22日　法國作家雨果逝世
1900年5月22日　李富春誕辰
1907年5月22日　勞倫斯 - 奧立佛誕生於英國
1907年5月22日　黃岡起義爆發
1929年5月22日　國父孫中山遺體重殮，改入銅棺，在北平西山碧雲寺舉行奉安公祭。
1933年5月22日　陳景潤誕辰
1935年5月22日　紅軍順利通過彝民區
1939年5月22日　德國元首希特勒與義大利領袖墨索里尼簽署「鋼鐵協定」
　　　　　　　　訂下為期十年的政治及軍事結盟。
1959年5月22日　班傑明 - 戴維斯晉階成為美國第一位黑人少將。
1961年5月22日　秘魯總統浦樂多伉儷抵華訪問。
1962年5月22日　首屆電影「百花獎」授獎儀式舉行
1965年5月22日　全國人大常委會決定取消軍銜制
1971年5月22日　亞洲蔬菜研究中心在台北成立。
1972年5月22日　位於南亞的錫蘭改制為共和國，並更名為斯里蘭卡。
1972年5月22日　美國總統尼克森抵莫斯科，他是首位訪問蘇聯的美國總統。
1990年5月22日　南北葉門合併為葉門共和國，總統由原北葉門總統沙勒擔任。
1992年5月22日　鄧小平視察首鋼
1994年5月22日　台北縣貢寮鄉民舉行「核四公投」，投票率百分之五十八點三
　　　　　　　　九成六居民反對興建核四。
1995年5月22日　俄羅斯薩哈林島北部發生強烈地震

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
君子博學而日參省乎己，則智明而行無過矣。
《荀子》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由於今日唔使咁早集合
所以遲左起身
0750 醒
食完早餐又出發

今日去山東省博物館
一入博物館, 大家參觀既第一個景點
居然係紀念品區
=.=||

行展覽館
入面既文物不甚精彩
想映相, 但係有人話唔畀映
有冇人會覺得我係咁聽話？
我就當然......唔聽話啦
係咁偷影

同「食蕉」玩「敵進我退」遊戲
影影下「食蕉」走黎同我講：「同志, 你都映左好多相啦喎......」
都係照映
不過匆忙之故, 有唔少相手震映到模糊左
可惜

午餐去永和豆漿
開始慣左 D ~I~I地既豆漿
D 油條真係大條得可惜

大夥兒響間賣女仔野既舖頭勾留左好耐
無計, 成個團有 30 女 10 男
我地呢 group 人有 3 男 6 女
=.=
等到各位都滿載而歸先走

返酒店坐左幾分鐘又要走
出發去朱家峪民俗村
係一個仲有民居既旅遊區
2002 年先開發
四周既民居都非常破落
不少仲已經塌圮

一路行到個井
井水表面好唔乾淨
淘出來洗手好清涼
不過唔敢飲

回程問老卜行最前
兩個人講村落開發既種種問題
以及河南省的發展問題
談到不亦樂乎
不知不覺拋左其他人街

臨上車老卜無啦啦話要燒炮仗
燒左成分鐘先燒完
佢燒得好痛苦 (又怕燒親, 又怕嘈)
樂了我們
同佢黎左幾下連環「慢拍」(相機問題)
燒完再幫佢映相定驚

返房休息一陣
由一個組員既朋友既朋友 (山大到城大交流左一個學期既同學) 帶我地去食飯
食完去網吧
同床單 & Konnie chat

Konnie 話 DB 北京團要交支票
但係我唔響香港
麻煩老婆大人幫我奔波了
^ ^

返酒店
間房無人
準備沖涼之際電話響起
害得我著住條底底跑出房接聽
事後諗起：「我唔接咪無野咯~~~」
> . <

過人地房搵自己 roommate
點知就變左 hae 傾時間
一傾就傾到 0000
=.=

忍唔住
同灰熊借電話打畀老婆
好掛著佢呀！！
原先諗著傾五分鐘
最後都係傾到唔捨得收線
^ ^ "
好掛著老婆~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
成功進入第一版~~
但係基於代寫人過於眼訓
今日只會記下一件事

終於等到電話喇~~~~~~~~`
^o^
love you darling*
no....should be
love u, MASTER of this diary =P

~konnie* (missing you terribly)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1885年5月22日　法國作家雨果逝世

雨果1802年生於法國東部的貝桑松。
父親是拿破侖手下的一名將軍，後宣誓效忠波旁復辟王朝。
母親也是王室的熱烈擁護者。
少年時期的雨果在思想上深受家庭熏染。
1819年參與創辦《文學保守者》週刊，公開維護偽古典主義。
早期作品有詩集《短歌行與民謠集》（1822年）；
中篇小說《冰島魔王》（1823）、《布格－雅加爾》（1826）等
大都帶有保守主義的思想傾向。
20年代後期，政治思想和文學觀點有了積極的轉變。
1826年參與組織第二浪漫主義文社。
翌年，他為自己的劇本《克倫威爾》所寫的長篇序言
對束縛資產階級文學發展的偽古典主義進行了激烈的批判，提出一整套浪漫主義的文學主張。
該主張成為法國浪漫主義文學運動的理論綱領。
1828年他寫成戲劇《瑪麗庸 - 德 - 洛爾姆》。
1829年發表詩集《東方集》。
1830年七月革命前夕上演戲劇《愛爾那尼》。
初演的成功被視為浪漫主義對偽古典主義勝利的標誌。
1831年寫成長篇小說《巴黎聖母院》。
繼而又發表了戲劇：
《國王取樂》（1832）；
《呂克萊斯波基亞》（1833）；
《瑪麗 - 都鐸爾》（1833）；
《昂日洛》（1835）；
《呂伊 - 布拉斯》（1838）；
詩集：
《秋葉集》（1831）；
《黃婚之歌》（1835）；
《心聲集》（1837）；
《光與影集》（1840）；
小說：
《克洛德 - 格》（1834）等。

1841年他被選為法蘭西學士院院士。
1845年又被國王授予「法蘭西世卿」稱號。
七月王朝資產階級統治的相對穩定和統治者的拉攏
使他一度搖擺於民主立憲制和共和制之間。
劇作《衛戍官》（1843）上演失敗後，他在文壇上沉默了近10年時間，而主要從事政治活動。
1848年二月革命後，他確立了共和主義立場。
1851年路易 - 波拿巴政變宣佈帝制，他起而反對。
被迫流亡國外。
其間，著有抨擊拿破侖第三的小冊子《小拿破侖》（1852）和詩集《懲罰集》（1853）。
其他作品有詩集：
《靜觀集》（1856）；
《歷代傳說》第一集（1859）；
《街頭與森林之歌》（1865）；
長篇小說：
《悲慘世界》（1862）；
《海上勞工》（1866）；
《笑面人》（1869）等。

1870年拿破侖第三垮臺後，雨果回國。
普法戰爭時，他表現了高度的愛國主義熱忱。
巴黎公社失敗後，他曾勇敢地庇護受迫害的公社社員。
1872年出版的《凶年集》，記錄了他這一時期的思想情緒。
1874年他的又一部重要的長篇小說《九三年》問世。
小說描繪了1793年法國資產階級共和派與封建貴族的殊死搏鬥，也包含有人道主義的說教。

雨果晚年的重要作品有詩集：
《做祖父的藝術》（1877）；
《歷代傳說》第二、三集（1877、1883）等。
1885年5月22日逝世。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
找爸爸

耶穌升天後，在天國欲覲見上帝，但不知聖駕何方，四處尋覓找爸爸。
由於他出娘胎之後未見過父親，不知上帝長相是何模樣，正自焦急。
路上遇見施洗約翰，但他也不知上帝往那處雲遊。

後來，他看見一白髮白鬚老者，到處張望，呼喊著：「我的兒啊！你在那裡啊！」
耶穌就上前問道：「這位老人家，你在找兒子嗎？」
老者道：「是啊！」
耶穌問：「令公子有何特徵？」
老者答：「他手上腳上都有被釘子穿過的傷痕。」

耶穌伸出手腳給老者看：「是這樣嗎？」

老者看後，馬上擁抱著耶穌，哭著叫：「畢諾奇！爸爸找得你好苦！」

>>June 4, 2005 at 5:39:47 PM GMT+8

2005 年 5 月 20 日 星期五 【晴】

山東之旅第四日 = ron污辱此日記的第四日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1086年5月21日　王安石逝世
1840年5月21日　紐西蘭正式成為英國的殖民地。
1881年5月21日　美國人道主義者巴頓女士創立美國紅十字會。
1914年5月21日　北京體育競進會在北平天壇舉行第一屆全國聯合運動大會。
1920年5月21日　墨西哥首任總統卡蘭薩逝世
1927年5月21日　「馬日事變」發生
1927年5月21日　世界航空史上的著名人物林白駕機飛躍大西洋
1927年5月21日　美國青年查爾斯．林白，首度完成由紐約飛越大西洋抵達巴黎的不著陸飛行
1951年5月21日　中國與巴基斯坦建交
1956年5月21日　美國空軍在太平洋比基尼島成功試爆第一枚氫彈。
1970年5月21日　台灣省台中縣和平鄉達見水壩工程舉行開工典禮。
1972年5月21日　米開朗琪羅名作《聖母憐子》像被毀
1978年5月21日　日本東京成田機場正式開放啟用。
1984年5月21日　世界第一台光纖錄像電話開始使用
1986年5月21日　中國電子計算機高級顯示處理系統通過鑒定
1990年5月21日　依列斯古贏得羅馬尼亞首次自由選舉，當選總統。
1991年5月21日　印度前總理拉吉夫 - 甘地在馬德拉斯市進行競選活動時被炸身亡。
1992年5月21日　法德兩國決定共同組建法德軍團
1992年5月21日　上海股票交易市場股價全部放開
1993年5月21日　玻利維亞最高法院判決前獨裁者賈西亞謀殺，破壞憲法
　　　　　　　　處以三十年徒刑，不得假釋。
1996年5月21日　東非坦桑尼亞一艘載有六百多名乘客的渡輪
　　　　　　　　在該國維多利亞湖接近木宛沙鎮附近，因撞及湖中岩石翻覆
　　　　　　　　五百餘名乘客罹難。
1998年5月21日　掌權三十二年的印尼總統蘇哈托，在連日動亂之後，終於宣布辭職
　　　　　　　　由副總統哈比比接任總統。
2000年5月21日　趙樸初逝世
2003年5月21日　阿爾及利亞發生地震　死亡人數逾700

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
見賢思齊，見不賢而內自省。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
朝早遲左醒
匆匆食完早餐就出發
今日去既係靈岩寺
0810 出車, 去到已經係 0930
好彩唔係好顛簸, 全車人都只不過係「躉」醒過一次

一入門口就見到兩塊碑
睇完先知係假既
邊有皇帝未死就有廟號架！
不過唔係老卜講都唔知
果然薑係老既辣！！
入到去仲見到武宗響萬「歷」二十年寫既詔書添
(注：武宗年號正德, 萬曆係佢太姪孫, 至於個「歷」字, 就當然係佢整錯啦！！)

最開心既係見到好多真正既木結構建築同碑林
不過行行下部相機太重
搞到條繩斷左
> . <

行到十二點先走
不過大夥兒沉迷手信
搞到 1210 先出發食飯
難為了晨早行左落去既老林、我同三位同學超無奈

原定響靈岩寺既午膳
因為聽導遊話果度既食物不佳既關係
搭車去桃源大酒店食
一口氣食左三大碗白飯
滿足
希望增到肥啦
諗起增肥, 又掛著 Konnie 添
^ ^

行左去閣子街同秋柳園街
果度係清代既民居, 就快遷拆啦
條村雖然破舊, 居民亦陸續遷出
但從建築樣式來說, 當年居民的生栝質素還是相高高的
可能是靠近大明湖, 有水食水啦~~~

睇完走去睇小學
有乜好睇？
果間小學以前係古代既官學
有一座祭祀先聖孔子既文廟
係一座典型既木結構建築
不過就日久待修
行左一陣就走

晚飯去飯堂 3 樓食
巧遇準備自「隊」既老卜
一齊食飯
食完落超市
佢地既校園卡好有問題
唔可以「嘟」超過 $ 20 既野
我果張就無呢個限制
所以好順手地幫左佢地「嘟」

出門口就落雨
好彩無外出食飯
因為換左新袋, 無帶遮
好大雨, 無遮用既我地落湯雞般飛奔回酒店

去人地房玩左一陣
響另一間房玩左舖飛行棋
玩興不高, 匆匆收場
十二點就訓

無去網吧
無得打電話
好掛著 Konnie 呀！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
2218……
你今晚應該都唔on9喇
唔知你點呢?
有無唔舒服呀???
夠唔夠訓呀???
>”<

猜謎:
ron今朝早起
要整蛋糕俾auntie食=.=
整咗4個
auntie食咗2個
kan拎咗一個
點解有一個會神秘失蹤?

Cupcake終於成功喇=.=
撞他的鬼…
咁亦即係代表咗你離食物中毒又行遠咗一步lu~
呵呵呵*

勁唔鐘意d琴行仔呀…
全部又要請人
但係又知請有係琴行教嘅經驗喎
要有經驗我會服
但係指明琴行經驗…=.=
間間都咁要求
我永世都無雞會lu
算…跟一世咪跟一世!!
我實~M到私人教嘅
rar!!!

我今日又登記咗d網上介紹果d補習
我掙緊個k1英文呀
xDDDDDDD
好cheap的..$60咋
but佢咁細個…好玩 =p
我仲要同我學校d人掙添呀~~
kee*
好無聊

今日真係………無聊到震
就係因為我無聊
所以我更聽話
掛掛掛掛掛!!!!!
12秋

~konnie*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1086年5月21日　王安石逝世

王安石（1021--1086），字介甫，號半山，撫州臨川（今江西撫州西）人。
1042年（宋慶歷二年）進士。
1058年（宋嘉祐三年）上萬言書，主張改革政治，強調權時之變，反對因循保守。
1069年任參知政事，次年任宰相，依靠宋神宗進行變法，積極推行新法。
由於保守派的固執反對，新政的推行迭遭阻礙。
1074年（宋熙寧七年）辭退。
1075年復宰相職。
1076年再次辭退，居江寧（今江蘇南京），封舒國公，後改為荊國公，世稱王荊公。
1086年5月21日（宋元祐元年四月初六日）逝世。
為唐宋人大家之一。
著有《字說》、《鐘山目錄》、《臨川集》、《臨川集拾遺》
《三經新義》中的（周官新義》殘卷：《老子注》（保存在《道藏》「彭把集注」中）。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
紅海假期

摩西和耶穌相約往紅海渡假，看見滄海桑田，不勝唏噓，少不免緬懷一番。

摩西為表寶刀未老，雄心萬丈，在海邊一聲長嘯說：
「那玩藝多年久疏演練，不知今日還剩多少功力？」
說著手杖一舉，風雲變色，只見紅海又一分為二，在萬丈波濤中露出一條旱路來。
少傾，摩西降杖收功，捋鬚微笑。

耶穌自然不甘示弱，亦昂首舉步，在海面上行走；
誰知行不多久便即下沉，咕嚕咕嚕的喝了好多海水，眼見就要沒頂了。
摩西見狀，馬上再運起神通分開紅海，將耶穌拖上海灘。

耶穌吐了幾口海水，結結巴巴的道：「不知怎麼搞的，這玩藝如今不靈光啦！」

摩西看著耶穌的腳，恍然大悟說：
「我的主啊！當年你行走海上如履平地之時，腳上還未被人打了個小洞吧？」

>>June 4, 2005 at 5:16:04 PM GMT+8

2005 年 5 月 19 日 星期四 【晴】

山東之旅第三日 = ron污辱此日記的第三日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1506年5月20日　發現新大陸的義大利航海家哥倫布在西班牙去世，享年五十五歲。
1799年5月20日　法國著名作家巴爾扎克誕辰
1908年5月20日　影星詹姆斯 - 史都華出生
1919年5月20日　國父孫中山先生手著「孫文學說」，在上海初版發行。
1929年5月20日　台灣民族運動舖路人蔡惠如逝世於台北，得年四十九歲。
1931年5月20日　周逸群遭伏擊犧牲
1940年5月20日　德軍突破法國馬其諾防線；法國著名將領貝當元帥出任國防部長。
1941年5月20日　中共中央華中局組成
1948年5月20日　中華民國第一任總統蔣中正及副總統李宗仁在南京宣誓就職。
1949年5月20日　台灣省主席兼警備總司令陳誠，宣告台灣全省實施戒嚴。
1951年5月20日　電影《武訓傳》受到批判
1960年5月20日　美國發射「擎天神」洲際飛彈，創下一萬零四百四十八公里射程新紀錄。
1963年5月20日　中共中央印發了《關於目前農村工作中若干問題的決定》
1970年5月20日　毛澤東發表反美聲明
1973年5月20日　中共中央開會討論了批林整風問題
1977年5月20日　由法國巴黎至土耳其伊斯坦堡的東方豪華特快車停止營運
　　　　　　　　結束此一國際鐵路列車九十四年的經營歷史。
1980年5月20日　魁北克省公民投票反對脫離加拿大
1984年5月20日　中華民國公共電視節目正式開播。
1987年5月20日　中國音樂家馬思聰在美國病逝
1988年5月20日　台灣地區南部數千名農民北上遊行請願
　　　　　　　　與警方爆發流血衝突，是為「五二○事件」。
1989年5月20日　大陸學生民主運動擴大，中共「總理」李鵬下令北京地區實施戒嚴。
1990年5月20日　李登輝在台北發表總統就職演說
1991年5月20日　安理會通過伊拉克賠償科威特損失的決議
1996年5月20日　首次由選民直接投票選舉的台灣第九任總統李登輝、副總統連戰
　　　　　　　　在台北宣誓就職。
2000年5月20日　民進黨籍陳水扁、呂秀蓮宣誓就任台灣第十任總統、副總統
　　　　　　　　完成台灣行憲以來首次政黨輪替執政。
2002年5月20日　東帝汶民主共和國正式宣告獨立，結束四百五十年來外力統治
　　　　　　　　成為全球第一百九十二個獨立主權國。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不患人之不己知，患不知人也。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早5點畀太陽照醒, 好彩訓番
最後6:45起身

Roommate又同人講我同佢尋晚「如火如『茶』」咯…
今日既講座講山東考古新發現, 內容豐富詳實
不過精神不夠,眼訓仍舊
強忍, 所以始終無訓

晏晝由山大澳門阿蔡黎帶我地去食飯
佢原先帶我地去食餃子
不過去到間舖唔見左
結果再行多左陣先到一間韓燒店
由北門行南門, 行左半個鐘
山大人行慣路, 我就 hae 行慣, 苦了一眾香港學生
食到飽飽都係 $ 25, 抵啦！！

下午出發參觀大辛村考古遺址
當地係農地, 不過好多人宜家都有錢買物料重建佢地間屋
所以佢地應該唔算窮
好搞笑地見到農地隔離有墓有碑
唔通想祖先扮稻草人？

我同少撮人跟左個 British Colombia 既博士研究生行（老林唔同系既師弟）
其餘跟山大女碩士行
只見博士研究隨手響地下執左一塊碎陶片
然後話：
「這是商代的繩紋陶罐。」
「這是商代東夷人的細繩紋陶罐。」
過左一陣, 執到第二 D 碎片又話：
「這應該是明代的青花瓷。」
「這應是晚明的瓷器......」

佢屈機之餘
同時呆左：
乜隨手都有文物架咩？？
答案：係！！
我都執過好多塊商代陶片、唐瓷、宋瓷、元瓷、明瓷既碎片（就係無清代既......）
唔通我都有天份做考古專家？

由於遺址所在既土地使用權屬於當地農民
舊年發掘完既遺址宜家已經還番畀人
所以果度係會有「響棵葱隔離有商陶片，小麥隔離有明瓷」既情況出現

有位同學好聰明地執左塊彩釉碎片
滿心期待地問佢係乜野時代既
佢好快就答：「係現代架喎......」

坐車回程前要行一段路
同落車情況一樣（條路太窄, 車進不了）
無啦啦見到一群羊
映左陣相先走

沿途見到民居的牆上偶有寫著：「法輪大法好」的字眼
乜無公安拉架咩？

跟成班人去買藥（想買涼茶飲O者）
老卜亦以買藥為羊頭去買書
去到藥房, 無乜涼野買, 有既價錢仲貴過香港
局住買, 鬼叫山東人唔興飲涼茶糖水, 大家又食咁多煎炸野咩！！

去書局買書
失望
無甚可觀
買左幾隻香港有, 但係呢度又平 D 既中樂 CD 就走

行去問電話卡事宜
今次由周小姐帶隊去問
結果發現神州行宜家唔得, 全球通又貴又煩
大家最後都係打漫遊算數

行去大潤發
由於濟南既超市全部都要封袋既關係
費事煩, 同 Jessica（一個唔想郁既 groupmate）一齊坐響 KFC 門口
坐坐下走入去買左兩杯雪榚一齊食
$ 2 杯, 響山東既物價黎講都幾貴架喎

返入酒店無耐就食晚飯
晚餐係餃子
十個人去食, 九個人食飽（除我外）
價錢都只係 $ 59（全體共計）
抵！！

行返山大買左個袋（裝書同手信）
之後同灰態行去網吧
見唔到 Konnie, 好好好好失望
因為真係好掛著佢
上網都係想見下佢 >.<
好彩最尾都 chat 左幾句
^ ^

同豬 Ray chat
佢話去北京唔止玩《青年》
仲要玩《彩雲》同《良宵》
唔知邊個會玩呢？

點解個個覺得我上網就等於返左香港
肥婆如是, 卡卡如是, 豬 ray 如是, 肥仔如是......
山東都有得上網架O者~~~~

2220 走
返房見到 groupmate 玩白痴遊戲
同佢地玩多幾個白痴遊戲
發現坐我張床既都知遊戲點玩
坐 roommate 張床既就一頭霧水
封左自己張床做「智者床」, roommate 張床做「愚者床」
呵~~~

0030 先寫完日記
無計, 又要沖涼, 又要食旺旺（兩晚食左廿包有多, 熱氣死！！）
好彩有同類食
^ o ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呵~
你想知我倉頡學成點?
我嘅newest achievement係識得打你個username
無喇~~~呵!*
因為我懶得練 ~

尋晚諗住今日會無野做
但係又唔想柄咪係屋企
所以約咗我嘅moviemate出來睇戲
睇咗我知你好想睇嘅star war...
hee* 應承咗你
你返到來再陪你睇

今日係去langham睇呀...
同考完eng oral一樣
考完chin oral的一天去langham睇戲...
連坐嘅位都好巧合地一模一樣
但係隔離果個唔係你...變咗做阿祺T_T
唔制呀...9秋

我之後又俾佢拉咗去等hilpy放choir....
等果陣因為太無聊
去咗space museum睇驚天動地
好彩果日無同你睇咋...
睇完之後好似暈船浪咁
辛苦到傻咗
你成日都訓咁少
如果睇咗,實要我抬你歸家jek =p

食埋飯先返屋企
搞到你臨off9果陣先on9
對唔住呀>,<
要你等我......

喂呀!!!
去北京呢..要交cheque呀!!!
你又唔係香港
搞到要人幫你搞掂佢(依個當然唔係我啦..我咁窮)
麻煩老公!!! kee*

係噃...講開我好窮
我打算聽日打電話問柏斯點請人呀
(祺話佢地等人用喎)
諗住搏吓呢....不過都好大機會唔請我㗎喇=.=
我咁耐無掂過個琴
歌都彈唔好一首...pathetic>"<

最後...我今日都好聽話哦!
抵錫呢???? =P
不過你都係唔好買咁多野俾我喎~
>3<

~konnie*
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1506年5月20日　哥倫布逝世

克裡斯托弗 - 哥倫布，1451年5月20日　生於熱那亞織布工家庭。
1476年5月20日　逃至葡萄牙。
相信地圓說，認為自歐洲一直向西航行可達東方，曾向葡王建議開闢赴印度和中國之路。
1485年移居西班牙。
1492年西國王授命其攜致中國皇帝的國書，率船橫渡大西洋，抵達巴哈馬群島、古巴、海地。
此後1493、1498、1502年又3次西行
駛抵小安的列斯群島、牙買加島、特立尼達島以及中南美的加勒比海沿岸。
他誤認已駛至印度，將當地居民稱為「印第安人」（意「印度的居民」）。
1504年返回西班牙。
晚年貧病交加，1506年故去。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
數肋骨

亞當一連數睌夜歸，嬌妻夏娃獨守空帷之際，不免有些忐忑，終日胡思亂想。

亞當甫一踏入家門，夏娃即大發嬌嗔，審問其去處，亞當卻支吾以對
一時說前晚和烏龜賽跑，一時又說幫三隻小豬建屋子，說話十足聖經本色：
前言不對後語。

夏娃疑竇更深，終於跟亞當攤牌，淚眼盈眸道：
「你這天殺的，定然是去跟別的女人鬼混，我不依
　這次定要上報耶和華，要他老人家給我做主！」

亞當心中急了，連忙下跪，叩頭如搗蒜，見她臉色稍緩，乘勢將她一抱入懷，柔聲道：
「親愛的蜜糖，伊甸園中除了你之外，那有別的女人呢？」
夏娃半信半疑，但總是有些悻悻然，惟他此話尚算合情合理
於是暫且按下，小倆口子又再言歸於好，相擁入眠。

睡到將近黎明時分，亞當覺得胸口癢癢的
從甜夢中醒來，原來是夏娃的玉手在他胸口摸來摸去。
亞當遂問道：「甜心，你在搞甚麼啦？」

夏娃答道：「你這冤家，我總要摸個一清二楚，你是否又少了一根肋骨。」

>>June 10, 2005 at 4:00:41 AM GMT+8

2005 年 5 月 18 日 星期三 【晴】

山東之旅第二日 = ron污辱此日記的第二日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1657年5月19日　英國「大眾指導報」刊登歷史上首批分類廣告。
1881年5月19日　現代土耳其共和國創始人凱末爾誕辰
1883年5月19日　紙橋戰役
1890年5月19日　越南勞動黨領導人胡志明誕辰
1895年5月19日　古巴傑出的民族英雄何塞 - 馬蒂逝世
1906年5月19日　世界最長(約二十公里)、貫穿阿爾卑斯山連接瑞士與義大利的辛普倫隧道通車。
1935年5月19日　被稱為「阿拉伯的勞倫斯」的沙漠傳奇人物英國人湯馬斯 - 勞倫斯
　　　　　　　　因摩托車車禍去世。
1938年5月19日　中國空軍兩架轟炸機首次飛往日本本土上空散發傳單。
1956年5月19日　世界第一枚洲際飛彈在美國公開展覽。
1959年5月19日　慈航法師遺體開缸肉身不壞，成為台灣第一位肉身菩薩。
1962年5月19日　教育部確定進一步調整教育事業和精減教職工
1975年5月19日　全國著名的勞動模範時傳祥含冤去世
1980年5月19日　美國華盛頓州聖海倫斯火山爆發，造成二十二人死亡。
1983年5月19日　台灣治安史上最大搶案，世華銀行運鈔車新台幣一千四百萬元劫鈔案宣告偵破。
1985年5月19日　北京工人體育場發生「球迷騷亂」
1990年5月19日　《外商投資開發經營成片土地暫行管理辦法》頒布
1993年5月19日　美國德州大衛派領袖柯瑞許，在警方攻堅下，帶領教徒引火自焚
　　　　　　　　包括婦孺在內總計八十七人死亡，九人逃出。
1994年5月19日　傑奎琳 - 肯尼迪 - 奧納希斯辭世
1995年5月19日　駐韓美軍屢犯案激起韓國民憤
1996年5月19日　世界衛生組織報告全球1700萬人死於傳染病

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
君子恥其言而過其行。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
七點幾就醒
真早, 梳洗左好耐
天氣好乾燥, 極乾燥
喉嚨極乾, 起身仲痰中帶血
指甲邊仲乾到出血

八點食早餐
唔錯, 好過尋日果 D 所謂「好食」既自助餐

0830 準備上堂
是堂講題為《濟南名勝與文學佳話》
估唔到會係一個名勝簡介
唔係話果教授講得差
之但係佢既介紹比一個導遊還要差
> . <

悶到抽筋, 枉我坐響佢面前咁耐
悶還悶, 始終都講左三個名勝既野
包括趵突泉, 大明湖同千佛山
不過疲累得很, 都要照訓

上完堂行左一陣書店
買左五本書, 都係百幾蚊
抵！！

成班人（一行九人, 理論上五個人一組, 但係九個人裏面居然包含左三組人）去搵電話咭
無功而還

晏晝去 canteen 食飯
人多係必然既
但係都僥倖搵到位

平
$ 0.2 一碗小米粥, $ 2.5 一碗麵
最後食左兩碗小米粥 + 兩個咸肉饅頭
總計 $ 1.4
好鹹, 濟南人果然好鍾意食鹹野......

同 D 組員唔係好夾
好明顯係兩個世界既人
講 D 唔好笑既野就笑, 講應該會笑既就唔明
> . <

同房仲可怕
尋日入房望見兩張床就話：
「見到兩張床條走廊咁窄, 就好似我同你訓埋同一張床咁......」
今日問野果陣, 佢搭我膊頭都無所謂
仲用手指搞我耳仔
救命！！！！

返房, 午睡時間無訓
睇書, 寫日記, 夠鐘就落大堂會合
出發去趵突泉
濟南有 72 名泉
不過除左趵突泉既三個泉眼仲有水出之外
好多泉都變左一潭死水
連潄玉泉都唔例外
可惜, 兼破滅我既幻想

臨走一人免費一本《潄玉泉選注》
搞到有 D 懶勁買左既人嗌回水

大明湖遠遠乾淨過趵突泉
可能因為大 D, 污染物多 D 都唔覺
坐船由鐵公祠到歷下亭
名士不知何處有
但聞商賈聲, 那得遊子吟？

坐船回鐵公祠
開始自行遊覽, 一路 hae 行返趵突泉
沿途不斷映地下既渠蓋, 頗有特色
行到趵突泉對面既泉城廣場
大家似乎都無乜力行
搞到我無得同 D 銅像（今日教授既重點推介）映相
大家既 hae 行功夫真差

人人都唔想行（除左我之外）
行左入一個小胡同
食舖頭入面既涼拌面 + 街頭小食當晚餐（當地並不介意人地拎其他野入自己舖頭食）
好熱氣

打的返山大, 到左門口大家精力漸復
行去幾條街外的網吧上網
上唔到 yahoo.com.hk
奇怪

同 Konnie + 床單 + Devil chat
不過主要都係同 Konnie 講野
睇番自己日記
見到佢響自己日記同我日記寫既野
感動
好想快 D 返香港陪佢

十點左右走
逗留左大約一個鐘
最唔開心就係無得打倉頡
奇怪既係個個見我上網都以為我仲響香港
響山東都可以上網架喎......

行山大超市
尋日派既校園卡原來唔單止可以用黎食飯
仲可以用黎去超市買野
成班女仔聽到就發晒狂掃貨

到目前為止用左 $ 342.3

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔….應該解釋一吓,
唔係的話俾人以為我趁龜走咗硬闖就唔好啦
其實係因為龜龜怕2個禮拜唔寫野,個diary會俾人封
所以叫我每日打d自己野落去

今日考oral呀
考之前突然諗起考英文oral
我考完之後攬住當時重係朋友嘅龜龜喊
跟住龜龜就拖住我隻手陪我散心,行咗成個鐘公園^^
之後果日就正式變身...好掛住你哦>”<

考完之後我先發覺
原來我成個AL
每考完一科,第一個電話都係打俾龜龜…
頭先差d唔覺意打咗個長途電話 ~.~||
唔係香港呀 >”<
hmph!!! 仲有12日

還有~ 我又多咗一堆白老鼠!
我媽d同事都話想食我整嘅野食
好野! 整完d野唔駛我自己一個食晒
唔使加返之前減咗嘅磅

我真係聽話,,,龜龜臨上機前吩咐我要日日都掛住佢
我好乖添 >”<
可唔可以唔乖唔聽話呀….??

~konnie*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1980年5月19日　聖海倫斯火山爆發

1980年5月19日，聖海倫斯火山突然爆發
高達6萬英尺的火山灰使天空一片漆黑，遠至東邊160英里以外的沃拉沃拉
至少有8人喪生。
這座長期休眠的火山在噴射蒸氣與灰沫之後，地質學家對它做了幾周的檢查。
是日上午8點39分，隨著一聲爆炸火山開始爆發
炸掉了9677英尺高的山峰的峰頂，在100英里以外都能感覺到震撼。

火山爆發後所引起的洪水與滾滾泥漿湧進了圖特爾河谷
淹沒了未離開的幾位居民。
火山周圍的森林十幾處著火，火勢難以控制。
地質專家說這次火山爆發是由火山爆發前發生的兩次地震引起的。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
對話

男：這個位置是空的嗎?
女：對啊，你如果坐下來我這個位置也會是空的。
男：也對！在美女面前我也會坐立不安。
女：在醜男面前我一定會坐立不安。

男：我好像曾在某個地方看過妳?
女：對啊，那就是我不再去那裡的原因。
男：你怕愛上我吧？
女：我只是怕撞到鬼。

男：身為酒吧裡最美麗的女孩感覺如何?
女：身為酒吧裡最大的騙子感覺又如何?
男：那麼我更正一下吧，身為酒吧裡最美麗的女孩令最大的騙子講真話感覺如何？
女：那就是被騙的感覺。

男：我知道如何讓女人快樂。
女：我的快樂就是你離我遠一點
男：先苦後甜才會珍惜快樂啊。
女：我寧願一世吃苦。

男：我要把自己獻給妳。
女：抱歉，我一向不接受廉價的禮物。
男：接受貴重禮物是受賄啊。
女：行賄也得要有資格才行。

男：妳頭髮的顏色真是美。
女：謝謝。你可以在轉角的西藥房內的第三陳列架找到方法?
男：你帶我去行嗎？
女：你......真的決定要賣老鼠藥？

男：妳看起來像個美夢。
女：那就快回去睡覺?
男：你地方還是我地方。
女：你回你地方，我回我地方。

男：我可以感覺到妳要我。
女：沒錯，我要你....馬上滾。
男：滾？我不去那些地方的。
女：你現在立即去吧！

男：我願意為妳做任何事情。
女：那先幫我一件事..不要再讓我看到你?
男：那麼我可以偷看你嗎？
女：若果有偷窺狂，是不是要報警？

男：我可以和你妳最後一支舞嗎?
女：我腳剛剛斷了.
男：你走運了，我是醫生。
女：那你一定知道將會骨折的感覺是怎樣的。

男：回妳家還是我家?
女：都有。你回你家，我回我家。
男：沒有了你，我家不成家啊。
女：真是可喜可賀。

>>May 31, 2005 at 5:18:57 PM GMT+8

2005 年 5 月 17 日 星期二 【晴】

山東之旅第一日 = ron污辱此日記的第一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1895年5月18日　通俗小說家張恨水誕辰
1872年5月18日　英國著名邏輯學家羅素誕辰
1804年5月18日　拿破崙在聖庫爾宮即法蘭西帝國皇帝位，時年三十五歲。
1860年5月18日　林肯在芝加哥舉行的共和黨全國代表大會，被提名為總統候選人。
1899年5月18日　俄皇尼古拉二世邀集各國召開國際海牙和平會議
　　　　　　　　共二十六國參加，決定設立國際法庭。
1910年5月18日　第一屆國際航空會議在巴黎召開。
1911年5月18日　音樂家古斯塔夫 - 馬勒逝世
1916年5月18日　上海討袁軍總司令陳其美遇刺身亡，年僅四十歲。
1953年5月18日　婦女第一次駕機突破音速
1966年5月18日　鄧拓逝世
1968年5月18日　越南總理阮文祿去職，由陳文香繼任。
1970年5月18日　肯特州立大學槍擊事件震驚全國
1974年5月18日　中央發出批林批孔的幾個政策問題的通知
1974年5月18日　印度首次成功完成地下核子試爆，成為世界第六個擁有核子武器的國家。
1980年5月18日　中國第一枚運載火箭發射成功
1980年5月18日　中共在太平洋海域進行首次洲際彈道飛彈試射成功。
1980年5月18日　南韓宣布全國實施戒嚴後，光州市發生學生暴動事件
　　　　　　　　官方統計有一百九十一人死亡，八百餘人受傷。
1983年5月18日　中國海軍遠航航海實習船隊啟航
1984年5月18日　高雄過港隧道完工，舉行通車典禮。
1986年5月18日　國防部宣布天劍空對空飛彈試射成功。
1990年5月18日　蘇聯首例顱骨連體兒分離成功
1990年5月18日　年近八旬的美籍華裔女物理0a家吳健雄教授
　　　　　　　　在南京從中國科學院副院長王佛松手中接過了「吳健雄星」命名證書。
1994年5月18日　以色列交出迦薩走廊耶利哥城的民政權，結束長達二十七年的屯墾統治。
1997年5月18日　北京至九龍直通客車開行
1999年5月18日　毒殺白天鵝罪犯被判刑
2003年5月18日　蓮縣長張福興在任中病逝，因任期未過半，依法必須補選。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
其身正，不令而行；
其身不正，雖令不從。
《論語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
八點鐘醒, 好晨早咁執野
執到個行李箱同袋滿晒
返黎加埋手信, 都唔知點死
> . <

出門口, 搭地車轉機鐵
1015 到
會合組員後 check in
同另一個組員交換身份 (其實係畀個服務員搞錯左)
我同佢個樣好似差好遠架喎.....

響接駁巴士等左一陣先上機
坐細機, 又係機翼
聽聞飛機失事果陣死親既通常都係坐機翼既人
好驚添

要同個勁健談既組員同房
> . <

食左個麻麻地既飛機餐
訓左一陣
兩個半鐘就到濟南
臨落機之前望到地面一片片田, 仲有一 D 排得好有規律既樹
好似打緊 Sim City 咁

卜永堅（領隊老師之一, 以下簡稱老卜）漏左幾本書響飛機
耽誤左我地既行程
有驚無險
不過大家都好想佢唔見左
因為果幾本就係我地遲幾日要做既功課
> . <
最後佢都係搵左個地勤幫佢搞掂

坐車, 一個以前讀旺角「奴隸」既組員問我以前讀邊間
答左
佢好乾脆地答：「都唔知係乜黎既.....」
=.=

搭巴士去到山東大學（以下簡稱山大）南門
個校門好 in
不過好似矮左 D
住響學人大厦, 話就話係大厦
事實上係一間響山大既酒店（三星咁大把）
算係唔錯架啦

六點要去同山大既同學交流
五個山大學生, 居然有四個識廣東話（1 香港 + 2 澳門 + 1 廣東）
最後當然係苦悶了浙江同學, 齊聲說廣東話
講既內容主要係問附近有乜地方好行同有乜好食
換言之：無交流過任何野！！

無聊既交流, 玩無聊既遊戲
畀人擺上檯去玩
-.-

卒之交流完
去同兩位山大同學出山大睇
行左陣超市就走
內地既超市唔畀人帶袋入去, 最起碼都要封袋
我果袋大得滯, 最後要擺個袋託管
好麻煩

返山大, 行左一陣先去訓
其時為一點幾
連日記都未寫完

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
hee*~ 龜龜呀
我咪話你返來要整野你食嘅~
(我知你想先整咋=p)
我今日開始練喇~呵*
成功~M到4個mouli幫我做白老鼠
我今日整咗最簡單,最basic嘅butter cupcake咋.....都衰咗>"<
跟食譜,但係都太多牛油
咸到傻咗~.~
我要繼續努力去練!!
等你返到來果陣唔會俾我搞到食物中毒 =.=

~konnie*掛您

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1911年5月18日　音樂家古斯塔夫 - 馬勒逝世

1911年5月18日
波希米亞作曲家、樂隊指揮馬勒在歷經病苦的幾個月肺病折磨之後病逝
享年50歲。

馬勒在維也納大學和維也納音樂學院畢業後
成為布達佩斯皇家歌劇院的指揮，時年28歲。
後來他又到漢堡、維也納任樂隊指揮。
1967年他遠渡重洋到了美國，任紐約交響樂團和大都會歌劇院指揮。

這位捷克音樂家的作品包括9部完整的交響樂、12支歌曲和一些組歌
組歌中以《旅行者之歌》、《亡童之歌》、《大地之歌》最為著名。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
見工同拍拖的關係

（一）
考官：你有男朋友嗎？
應聘者：有。
考官：他在本地嗎？
應聘者：不是，他在外地。
考官：對不起，我公司不能用你。
應聘者：為什麼？
考官：你不會安心在這裏長期工作的，另外，
本公司也不希望因為你而使長途電話費大幅度增加。

（二）
考官：你有女朋友嗎？
應聘者：沒有。
考官：你追過女孩嗎？
應聘者：追過，可是沒追上。
考官：你工作後準備再追女孩嗎？
應聘者：先努力工作，暫時不考慮個人問題。
考官：對不起，本公司不能用你。
應聘者：為什麼？
考官：你公關能力欠佳，況且缺乏自信。

（三）
考官：你有女朋友嗎？
應聘者：有。
考官：她漂亮嗎？
應聘者：不算漂亮。
考官：對不起，我們不能用你。
應聘者：難道女朋友不漂亮也會影響貴公司的形象？
考官：那倒不會。不過，本公司是經營藝術品的，
你的審美情趣似乎不適合本公司的業務需求。

（四）
考官：你有女朋友嗎？
應聘者：有。
考官：她漂亮嗎？
應聘者：很漂亮。
考官：她是你的初戀嗎？
應聘者：是的。
考官：對不起，我們不能用你。因為你缺乏不斷追求的進取心。

（五）
考官：你有女朋友嗎？
應聘者：有。
考官：她是你的初戀嗎？
應聘者：不是，以前還談過幾個。
考官：對不起，我們不能用你。因為你很快會跳槽的。

（六）
考官：你有男朋友嗎？
應聘者：有。
考官：他很有錢嗎？
應聘者：不是。
考官：對不起，我們不能用你。因為你的工作要和錢打交道，
我擔心你經不起誘惑。

（七）
考官：你有男朋友嗎？
應聘者：有。
考官：他很有錢嗎？
應聘者：是的，他有一家自己的公司。
考官：對不起，你男朋友的公司都不用你，我們就更不能用你了。
應聘者：可是，他的公司裏沒有適合我的職位呀。
考官：那你是學什麼專業的？
應聘者：秘書。
考官：對不起，我們還是不能用你。漂亮姑娘會影響我們經理工作的。
應聘者：可是，我並不漂亮呀？
考官：那就更不行了。如果你長得不漂亮，經理不會對你有興趣的。

>>May 31, 2005 at 4:32:39 PM GMT+8