2008 年 11 月 7 日 星期五 【颳風】

休息日

好耐都冇番長週喇..
真係有咁耐風流有咁耐折墮呀~
玩左兩個禮拜~咁而家就要番兩個禮拜長週...
好痛苦呀~>"<

今朝番黎~得我同edith兩個..
靜坐4粒鐘...1點走人。
唔知做咩好...最後番大埔搵jarb媽飲茶。
兩點飲到3點幾~行個百佳咁就番屋企lu~
冇野做~有d悶....
等到4點幾先on call...
最後都係冇出去lu~
留左係屋企..

坐坐下訓左著...
一訓訓到7點幾~
好耐都未試過放假係屋企訓晏覺~
真係爽...
不過感覺上有d浪費一個美好既星期六~>"<

夜晚起身都冇咩搞。睇下冰天動地~
都幾好睇~~
呀呀!!!!!!!!!!!!!我都好想去果d地方呀~
好想去睇極光~~@@"
不過........而家我想是旦搵個地方去個旅行先。
近近地長洲大嶼山又得，遠少少澳門台灣又得。再遠d歐洲中東又得。
唉...........好想去旅行。
如果畢業前可以去到就好lu.....@@"

悶悶悶~hea下又一個晚上。
夜晚傾陣電話~訓覺。
好凍呢~

**突然轉凍~嘩~下星期仲要得番廿度~
冬天黎喇~~~~~~!!!!!~~

明明怕凍~但係又想凍。
人生真係充滿矛盾。

**等....
前兩日俾人話我人生好多時間都係度等...
umm....
我開始覺得佢講得好岩...
我今日用左一個下晝黎等....
不過...等到最後..都係得個吉>"<

**凍。小心身體。

>>November 10, 2008 at 8:02:46 AM GMT+8

2008 年 11 月 6 日 星期四 【乍暖還寒】

挑機

繼續番工~
真係無咩事唔好啪丸仔~令人精神不振~
眼訓到極點~稔住趴底休息一陣~點知一訓已經半粒鐘既事~
好眼訓~激辛苦~

今日繼續冇乜野做~(其實有..不過又唔想做咁解)~
打下diary又聽下歌。勁hea。
lunch落左去happy friday~呵呵呵~
今日又有偉論~哈哈~tony一句人體壽司真係爆足全場~
wkakwa~笑死我。
係度講生仔~嚇死melody~
btw~我都唔明點解要驚咁多野~?
一係生，一係唔生。要生既話就豁出去喇。

3半先食完番上去。真係hea~正!!~
又食藥>"<
下晝都係keep住冇野做....@@"
等放工~哈~今日又俾人捉走左喇。
番左poly睇saw4~
wowo~好核突呀~~>"<
我覺得saw唔係sell驚嚇~係sell核突~
勁嘔心~>"<
睇完~同4個壯丁去食飯。
稔左好耐~最後食pizza hut...
一個鐘~chur一餐pizza~真係有d趕。@@"

救命呀~~我俾人挑機呀~!!!!~>"<
殺龍巴司原來係有下集ga~!!!!!!
激死我喇~~>"<
仲有喜瑪拉雅山呀~~>"<
激死我喇~~激死我喇。!!!!~
下次我要袋定多d貨出黎拋先~哼~

11點幾回家~趕不及71A~回家很累。
沖個涼出黎坐左陣~點幾本來想訓...
不過搞搞下又兩半~
眼訓.............@@"

**IQ題真係帶俾人無限歡樂。

**其實..我今日想番屋企....
好似好耐都冇番去食飯。>"<

下個week好好休息一下先。

**在意。

>>November 8, 2008 at 2:44:43 AM GMT+8

2008 年 11 月 5 日 星期三 【陰晴不定】

霞女

喪眼訓呀今日....
可能食左藥既關係....個人眼訓到wing wing地。
係公司忍唔住訓左兩鑊。@@"

全日工作量等於零。上晝係度打diary~打番好多日。
之後下晝食完飯就係度搵high school musical黎dl~
仲要睇埋online版。呵呵~
放工前就dl完喇~哈哈~有人有得睇lu~^^"

早dd放工喇~都冇野做。
番左大埔~今晚約左亞奶同carmen食飯。
不過....唔知幾點......=.="
本身稔住行下街等...不過等等下都係唔對路...番屋企等好d~
勁耐都冇番黎食飯。我稔對上一次係...上星期4....
jarb媽就黎想殺左我喇~成日都唔番黎食。哈哈~^^
番黎坐左陣~又上網睇下d野咁。
原來亞奶8半先放工..又話七半...
carmen放工佢都未放~>"<
around 9點先出去。去到亞奶都仲未到。電話又唔通。
打得通果陣d個賴肖霞仲要話已經係火車站~唔駛催..
入到潮和興先知原來俾人呃左~佢係沙田火車站~
哎呀呀~真係差人大哂gawor~呵呵~
老屈佢今晚請食飯。呵呵~^^

食住等。賴小姐都係keep住個頭。不過已經冇初初入學堂果陣咁man喇。
上次果個真係..............man得可憐~
如果佢冇胸..我稔.........(都係唔好稔好d~XD)~
吹下水。聽下佢講差館d野。
聽落又唔係話真係好辛苦~
嘩~如果我當差~我死都搏入去做失物認領處喇。!!!~
不過...如果我做差人，
我稔行街果陣我會怒check人身分證~
繼而怒吹水。wkakwa~

3條友怒eat呀今晚。飽到想死...
炒豆苗，老水拼盤，蠔餅，蠔仔粥。
食到飽哂亞奶先黎叫個九菜豬紅。
真係gap哂~我都唔食九菜既~稔住佢地食都ok丫。
點知食食下亞奶先話原來佢都唔食九菜....=.="
頂..咁點解要叫九菜豬紅呢~!??成件事gap哂..................=.="""
11點~飽死上路回家。
路上怒唱歌俾亞奶聽。佢仲有好多新名。
"霞女"同"滑0都霞"係我的至愛。wkakwa~^^

回家，沖個涼出黎坐左陣。咁又點幾鐘~
冇傾電話就訓lu~
umm.....好似少左d野~
咁快變左習慣既??

**亞奶都仲係咁風采依然~好man呀你。呵呵~
希望你唔好爆肺喇。

**龜零膏真係咁靈~!??食左考試都會好d~?
咁真係要congratulation喇。哈哈^v^

**多左一個習慣，但係少左另一個習慣。

>>November 7, 2008 at 3:48:45 AM GMT+8

2008 年 11 月 4 日 星期二 【乍暖還寒】

嬲包包

今日要番工喇~好似放左好多日假..
不過番到黎...同事叫我繼續sick leave.....=.="
食左藥既關係~超眼訓呀今日~
勁難頂.....真係jar住隻mouse..但係個人已經訓著左囉~@@"

今日都有野做~不過唔係趕~慢慢做。
lunch叫外賣~好飽~~@@"
下晝忍唔住要訓一訓~真係頂唔順~
訓左半粒鐘~起身hea下hea下等夠鐘收工。
早少少走左~番左poly~
今日約左主子食dinner呀~yeah~終於都見到你喇。
勁耐冇見囉~上次都已經好似係上年既事。哈~

落左tst~唔知食乜好。
最後盲中中咁入左間印尼餐廳~
睇個menu都覺得唔平。
umm~叫左一個咖哩半+一個春卷。
嘩~都幾好味wor d咖哩~不過我覺得沙士亞果d好味d~呵呵~^^
個春卷都ok~不過就真係勁唔抵食~
差唔多$20一條....=.="
最得意係d度係可以狂食飯gawor~
佢唔係一碗碗咁拎俾你~
係真係會拎個飯桶出黎"畢"俾你~要幾多都得。
勁得意呀~!!!~第一次見咋~

食呀食~食到好飽~不過又想繼續食。
飽到想死。埋單走人。
落去兜左個圈~睇下野買下野。
9點幾搭火車番大埔。
有點累......最後都係回家去。
坐左陣~沖個涼~hea下咁又11點幾12點。
傾左個電話~有人發脾四。>"<
眼訓訓覺~又起番身又傾過~
再發脾四~哼~訓喇~>"<
嬲包包地訓覺~激死>"<

**真係好想唱歌。哈哈哈~

**今日主子用左28k~俾我玩死左。呵呵~

**小氣底~

>>November 6, 2008 at 5:27:22 AM GMT+8

2008 年 11 月 3 日 星期一 【晴】

放大假

掙扎左好耐..最後都係冇番工。
不過...一早就俾亞媽摷醒左.....同爸爸媽媽落左大窩口搵姑姐飲茶。
好眼訓呢....又咳得好辛苦呢~其實唔多想去>"<
去到見到bb呀~好得意。
食下野~傾下計~咁又12點幾。
埋單走lu~

同媽媽落左mk行街。開心死佢喇。
成日都話我唔同佢行街~呵呵~
今日終於買左紅色果件衫喇。哈哈~開心開心~^^
其實我都買左好多野....
送左媽媽上車咁我就自己行喇。
行左落tst~周圍行下睇下野。
之後行到4點幾5點去左海傍曬太陽睇日落。
勁relex~呀~~放假真係好。
好舒服呀~~^^

俾人chur左上poly睇戲。
有d怕羞所以...拖慢咁行過去....@@"
saw都有d驚位。嚇死。
轉左次房。睇chocolate and the factory~
哈哈~其實睇過好多次~不過都仲係好好睇~
乜唔好睇咩????@@??
搞到亞lun好似有d悶....有d唔好意思....
佢仲要好lonely咁自己番屋企食飯...
果個moment真係覺得自己好衰...=.="

落左tst食kfc~哈哈~
有人食左周圍都係~好dirty呀。
食完hea左行~去左行陣海港...不過..全部都closed lu...=.="
行下行下又行左去海傍~勁大風。
吹到我咳引到~咳到喊呀~>"<
好辛苦~走lu~去搭車回家去。
係車度做左d好無聊既野~
哈哈哈~你好無聊呀~^^"

唔小心訓著左~話咁快又番到富亨~激快。
沖個涼~傾個電話~咁又3點喇
嘩~~訓覺呀~!!!~

**好想日日都係咁.....
不過唔想日日都咳。=.="

**今晚真係有d唔好意思........

>>November 6, 2008 at 5:03:34 AM GMT+8

2008 年 11 月 2 日 星期日 【晴】

Double

今朝番工...好痛苦呀~>"<
咳到聲都變埋....嚇親d同事..
佢地迫我快d sick leave走人。
所以...下晝...我就走左喇。
落左tst行一陣。行outlet又睇中左兩件衫..
不過冇size..佢得L....>"<
之後左兜右兜~兜左好耐先3半~
番左poly睇獸醫。gap野。勁多藥~
不過好多都唔關事ga囉...

睇到4點走~落左tst同亞笨食野。
餓死左~~~~食左個頹麵~
跟住就行圍行呀行~睇下銀包咁~因為亞笨想買銀包~
行呀行下~又北上左~落左mk
8半佢就要走喇。我都知佢累...
送佢去番工咁我都走lu~
不過最後都係番左poly~
痾左個靚屎~上m core hea左陣~
等埋就走。今次繼續落左譚仔食。
哈哈~~辣到飛起wor有人~呵呵呵

食飽~又行左去打機。
哈哈~gundam again~
不過食左藥.....開始有d累了....
最後12點幾走。岩岩好趕到尾班271。
喪訓咁回家去。
沖個涼~傾左陣就訓了。

**走兩場again~乜我真係咁忙既咩???

**病左真係好辛苦~我想快d好番~>"<
唔想食藥呀~>"<

>>November 6, 2008 at 4:52:07 AM GMT+8

2008 年 11 月 1 日 星期六 【晴】

JUAC 2008 DAY 2

今朝一早d人係度嘈嘈閉。痴線ga咩~
你唔訓人地都要訓ga~>"<
再8點幾俾人嘈住一定要起身食早餐~
勁變態~唔係食野既選擇權都係你度牙~????
俾人串左兩句即刻收哂皮~
water game都唔駛玩。

咳到有d想死既感覺。carmen應該就有訓到想死既感覺。
wakwka~兩條友stay係個dom度訓。
好彩冇出去玩water game~見到佢地玩游擊戰咁既款~勁唔想玩。
見到佢地番黎有人喊哂咁~都知唔係好野...
哈~快d pack埋d野。
上去食個頹飯先。
再上去收尾。怒影相。
同鬼太郎影左d gap相~笑死我。
仲有識左個行為藝術家~真係O哂咀....=0="

走喇走喇走喇。搭船走喇。終於可以離開d個鬼地方喇。
西貢-->彩虹-->大埔。
lor lor孿~lor lor孿~
累~但係又唔想訓....
番到大埔~等人地去痾個靚屎~咁就去左珊瑚堡食個tea~
飽死回家。沖個涼~坐一陣~訓了。
很累。

一訓訓到10點幾~都仲要起身傾個電話點幾先訓...
今次真係chur盡....

**仲會唔會有juac2009呢???

**唉....你又真係講得岩~!!!
逃左3個week...咁下個week..點算好呢???

**咳到甩肺呀真係~超超超辛苦~
聽日仲要番工>"<

>>November 6, 2008 at 4:43:34 AM GMT+8

2008 年 10 月 31 日 星期五 【微雨】

JUAC 2008 DAY 1

做住盲妹番屋企...好好笑~
8點幾9點先番到黎。頹沖個涼就撻落床了。
訓到10點幾又俾人SMS嘈一嘈~
跟住再同人地講左個電話~訓多陣~11點幾要仆起身。
好累呢...訓左兩粒鐘~
沖左個涼~乾淨哂~^v^
之後pack野。又上網睇下野~
咁又夠哂時間出門口。

同人地一齊落西貢。
餓到癲左~船都唔上喇。去食野先。
chur左個什麵~跟住仆去碼頭...
點知...delay半粒鐘囉~頂~
係碼頭坐下~都幾歎gawor~呵呵~
坐到carmen果組都黎喇。唉....我組爸組媽都唔理我既~唔gur氣。
同左佢地果組一齊玩。搭船入黃宜洲。
actually..有d得人驚囉果個地方。^^""

上到去~哼。組媽唔要我~好囉~咁我走~!!!~~躁底。
去左同carmen一group~仲好~!!!!~夢寐以求~wkawka~
上去settle down~再玩多陣職業病就出去食飯。
痴q線。我個ex-組媽係我食飯果陣走黎話我做咩唔聽佢電話又唔去佢果組。
係咪傻ga?你唔要我我仲要wear爛面咁走過黎入組???
唔好以為係我下莊就可以扮fd底喇。
食飯。怒eat薯仔~wkakwa~今晚一齊鬥放屁。呵呵~

食飽~番房~再玩多陣~跟住就上去玩mass game喇。
d game好廉價~勁抵玩。
其實已經好累......我地兩條友借d二lay埋灘抖下~€
真係好鬼累..同眼訓...
玩完幾個mass game之後就跳camp fire la~
hyper hyper hyper~
city果條友真係超型~勁輕型呀佢跳得。正!!!~
笑死我~跳campfire hyper死。
不過同時係熱死+累死。

睇完~撻左落地下訓番陣先。
點知吹左幾野風..咳到嘔血呀~
聲都即時沙埋.....做左啞女~>"<
之後睇星~都冇野好睇..又唔熄燈..真係唔知可以睇乜..
最後同terry+書琪lay埋一二邊吹水。
真係爽~!!!~

點幾先落番dom~chur個私家杯麵先喇梗係。
食飽~其他人先去食野~淨番我同carmen仲有奶庭3條友係房吹水。
吹到我有d想訓....同埋勁咳~超辛苦~
咳到肚都痛埋。>"<

hea到唔知幾時~d groupmate番到黎話想hold房game~玩火車頭..
點知傾左半粒鐘都仲未開到波..=.="
無奈地出左去傾左個電話~
跟住再傾多幾個電話~
到佢地上去夜行我先番入去~
想訓之際有人話要玩人肉cum棉胎~
哎呀~我又想玩~
之後去挑房game~又玩無聲bing bong wa~
真係笑死我~wkakwa~

玩到6點回房想訓..睇左場勁頹既火車頭之後，即訓!!!!!~

**juac2008...有好多花生位。
綜合花生指數~仍舊偏高。

**咳到就死。冇左我把靚聲。唔開心~>"<

**第一次俾人拋棄~感覺有d無奈....

**好想番屋企....

>>November 6, 2008 at 4:31:29 AM GMT+8

2008 年 10 月 30 日 星期四 【微冷】

萬聖節

琴晚溫到3點幾先訓~今日唔駛番工。
可以訓晏d既日子真係好~>v<
訓到12點幾~起身~hea左陣~
再搞d樣果樣~咁又點幾鐘~
想早少少番去poly溫多陣。所以點幾就出門口。
番到poly兩點幾~係podium坐係太陽傘下溫書。真係特別歎。
不過慘就慘在我係咁咳....好辛苦呢~>"<

稔左好耐都唔知blue+green係咩color...@@???
3半上去test。30題mcq...頂~好很難囉。
有d notes都冇講過既~真係shit~
半個鐘ko左份野。走lu~
行行下落左佐敦。再行行下入左新界西。0_0"
竟然入去係睇outlet~哈~搞笑。
不過咁又俾我睇中左兩件衫。

去買飛睇畫皮。之後餓死既樣子去左百佳搵食。
食左個雞蛋仔~哈哈~
畫皮其實都唔係好得人驚。感人多d~
有個位真係睇到喊。好感動呀~>v<"
今日個場有d舊~都唔係好敢郁~因為一郁...張chair就會有聲...
自己咳又咳得好犀利wor....搞到勁尷尬~想忍住唔咳..但係又好辛苦@@"

睇完行左出去搵食。嘩嘩嘩~今日去食左個刀削麵呀~
勁得意呀~不過...個師父唔俾我睇人點削...有小小失望tim~>"<
人地特登由新界東黎到新界西..咁都唔俾面~>"<
食飽~真係好飽~成個肚都係麵粉。
走散下步周圍行下。
行行下去左睇雀仔~不過..............d雀仔已經一早訓哂覺lu...=.="
坐係度jar下灘.....又俾人玩喇~衰人~>"<
落左草地~嘩~鋅係可以訓係度ga。
好舒服呀~可以訓係度睇星~
估唔到成個獵戶座都睇得哂。正~

訓訓下又聽下歌。勁relex~relex到我都有d想訓...
hea hea下已經已經好夜~點幾鐘~
落去食個糖水。umm~勁食d"舉弱"~wkakwa~
食完~稔住會好似上次咁~搭八有架van番大埔。
點知...shit~今次個亞叔話頭班係3點8囉..........>"<
俾上次果個van仔佬呃左~又俾van仔佬呃~>"<
新界西d van仔佬真係估唔過~

又要等成粒鐘先有車....已經有d累...
最後...做左d好唔乖既事。
er......真係好得人驚。嚇死左。
天光先走....

**新界西真係好似好多野玩。
不過次次都唔岩時間既~>"<
我只係想睇雀仔同埋去濕地玩咋嘛~

**係城市入面可以訓係草地睇下星吹下風~真係好寫意。
如果可以always都咁...就好lu....@@"

**今年萬聖節真係好萬聖....
唉.....

**test完既狂歡...真係好狂....
點解會咁既呢....
有d迷.......

**forward?backward?......confused..

>>November 6, 2008 at 3:54:03 AM GMT+8

2008 年 10 月 29 日 星期三 【晴】

On Fire

今朝番公司執埋d手尾~下晝就走lu~
本來想行陣街睇下野先番屋企。
不過..最後都係因為有d唔舒服。所以都係番大埔。
約陳太午飯。同佢去左飲茶...even我真係有d唔舒服....
不過見今日難得唔駛番。咁得閒就陪佢去歎下茶喇。
食呀食呀食。飽死。

番到屋企睇左陣野~就開始溫書喇。
個mood都仲未到。所以睇得好慢。
4點幾5點~忍唔住走左去訓....好辛苦~頭都wing埋。
一訓訓到7點幾~OMG。勁驚。
即刻起身~食個飯就繼續溫書。
溫溫溫溫溫。著左火似的溫。
一溫溫到3點半先捨得撻落床訓。
哈~I am on fire~!!!!!

**有得溫書既日子真係好~@@"

**聽日test喇....唔知會唔會出番上年果d呢...
係就死得人多喇....>"<

**聽日test完要fever呀。yeah~!!!!~

>>November 6, 2008 at 3:25:57 AM GMT+8