2008 年 11 月 17 日 星期一 【颳風】

坦白

嘩~眼訓到極點。
人在公司，靈在屋企。仲要係係屋企張床上面。
超超超眼訓呀~眼訓到就黎暈低咁樣。
番到黎公司坐係度都hup得著~勁釣魚~>"<
i am a fisher...

成朝都冇乜點做野~下晝就keep住都有野做。不過都係hea做
睇tender睇到眼睛爆炸。>"<
好不容易先等到放工。回家去。累。
番到屋企食飯。整下d樣果樣~
沖個涼咁又10點幾。傾電話again~
傾到兩點幾訓lu~

**今天的話題很凝重。
但謝謝你的坦白。

承諾，能對現嗎~!?

** cheer man!!!~

**又凍番喇。

>>November 19, 2008 at 9:54:56 AM GMT+8

2008 年 11 月 16 日 星期日 【微冷】

外賣妹

很累...很眼訓呢~
中左支大標~我稔....遲d佢地會好忙喇。
希望我都可以keep住我而家既工作量喇~wkak~

番到黎~整permit d野都整左成朝。
之後食完飯晏晝就放慢黎做喇。
咁快做哂會好悶。哈哈哈~
終於等到放工。
勁早走。落左mk搵亞笨。
哈~周圍行下咁喇。其實我都幾眼訓....@@"
去睇三角雞~wkak~笑死我~

冇食到野~9點走喇。
有人炸哂型~呵~見佢咁慘。咁就做一次外賣妹喇。
落左佐敦買外賣。再係七仔買涼茶。
去左送外賣~呵呵~真係山長水遠黎上黎ga。
食野~well~個sandwiches都幾靚wor~好好味~^^
哈~係人地office度坐。個感覺真係好office~因為真係亂~wkak~
去左幫手執野~wakka~勁快呀我執得~!!~
都幾好玩~^^
冇黎過度睇~出面個view都幾靚~^^
之後.......................................
整親呀今日~受傷了~差d要痴膠布>"<

搞埋d手尾~11點走lu~落左tst~周圍都冇糖水食既~
唯有行左落佐敦食糖水佬~哈哈~好好味呀~好多雪糕呢~^^
睇埋男人之苦先走。落番mk搭van仔番大埔。
激眼訓~未開車已經訓著左~
diu丫。俾人用手爭抽水。>"<
吼我訓覺愈坐愈埋~成隻手責落我個胸度~
真係then佢個肺........勁賤格~!!!!!~仲要係度扮睇漫畫~勁衰!!!!~
鬼唔望佢愈抽愈短呀~~>"<
可惡>"<>"<>"<>"<>"<>"<>"<

飛奔番屋企~沖個涼~出黎傾左陣~
ummm~~
3點幾4點~訓喇..

**受傷~好痛呢.....>"<

**愈來愈唔明了.....
confusing....

感覺有點難受。愛，走了嗎？

>>November 19, 2008 at 9:46:58 AM GMT+8

2008 年 11 月 15 日 星期六 【晴】

渺渺

天光先訓~訓到12點醒左~
拿拿聲起身。廢事人地等。
起身沖涼刷牙洗面換衫出門口。勁趕呀。
兩點幾出到mk...
唔........原來仲未ready...
唯有自己周圍行下先喇。
睇中左兩件衫。不過...都係唔買喇。
唔想拎~同埋都幾貴~^^"

行到3點幾~原來miss左好多call~sorry^^
搭lift去左星加坡~哈~都幾尷尬丫。^^
4點~走lu~係朗豪行左陣。
4點幾夠鐘入去睇優先場。有兩張ticket睇《渺渺》。
都幾full wor個場。
睇呀睇。都ok~衰就衰左我地都眼訓...wkakwa~
唔知屬於咩片。台灣小品。
本來都以為係普通愛情片mix友情片。
點知睇到最後.......會變哂同性戀片....
仲要係double同性總....男男+女女....
即時guy哂...................0_0"

anyway都好睇。主角都有到場做宣傳。
睇到5點幾6點~係mk行左陣。睇槍同睇模型。
7點幾走喇要。今晚同jarb爸同jarb媽出去食飯。
仆番入大埔~係大埔墟食小炒again~
正呀!!!~好味~不過可惜咖哩又唔肯黎。
如果唔係4個送岩岩好。^v^
好飽呀食到~~^^
夜晚番屋企搞下d樣果樣~
部電腦前兩日死左~今日又翻生wor~
跟住傾下電話~夜d訓lu~

**結束3日既荒唐之旅....
d幾日真係做左好多好荒唐既事...
感覺好young~
哈哈哈^^

十八廿二既時代真係好.....
不過就快完喇....@@"

**大不同。

**感覺良好。

>>November 19, 2008 at 8:54:21 AM GMT+8

2008 年 11 月 14 日 星期五 【晴】

拉闊

訓到10點~~哎呀~好矛盾呀~
一方面又遲到~要快d起身。
一方面又好驚唔想起身wor~
好矛盾呢...........@@"
勁驚~~怕羞呢................=0=""

走喇走喇~明明遲到~但係好荒唐咁仲要走去食個mc記早餐。
哈~~好耐冇食過mc記早餐喇。好飽呢~^^
食完~番左poly~
忍受唔到自己咁dirty~見有齊哂野~
所以落左體育館梳洗下~
嘩~好正呀~第一次係poly沖涼咋~感覺良好。
不過如果可以有齊哂d cleanser就仲好喇~~^^
搞掂上左m core~
呆左個幾鐘...忍唔住走左。
去左lab度訓覺。寧靜。

4點幾有人黎掟我走。上路lu~
今晚去博覽館睇拉闊呀~多得calvin割愛我先有得去睇咋~^^
開心開心~^^
落葵芳轉車。哈~咁大個商場都咁難搵到間mc記...
食mc記(again~!??)~巴士上食薯條一d都唔新奇。
不過仲要食到點茄汁咁咀diu~真係勁~!!!~呵呵
入到博覽館~好大呀~~!!!~大得黎其實又冇乜野...
冇咩好睇。行左個圈~仲有成個鐘。
坐低眠一眠....眠到我隻手冇哂力....>"<

入去lu~開show~not bad~古巨基x王宛之x張繼聰x吳雨霏。
我都係想睇張繼聰同支巨基jei~呵呵~^^
都幾好睇。louis一出全場就勁high~kary一出就反應麻麻。
哈哈~都正常既。不過今日kary都唱得落力左gala。^^
overall~good show喇。
唯一麻麻地就真係音響差左少少。^^

睇到11點幾散場。都有點累。
不過又想周圍走走。最後走左走唔知邊度~
嘩~~~好大呀。
行到差唔多12點~搵車番落mk。
訓到死豬咁~好眼訓呢...@@"
落mk想食個糖水~不過咁夜...冇得揀lu..
許留山。

哈哈~兩點走喇~
搭van仔回家走。很累....訓到人都fing左出街。
3點幾番黎~是旦沖個涼~頭都唔洗喇~冇力呀。
傾電話。一傾..咁就傾到天光....0_0"
仲咩今日咁激呀~???
傾左好多野呀~~~thank you。

jarb媽都起身lu...訓lu~。

**我屋企俾人拆左~差d冇床訓....@@"

**30個鐘。拍得住d毅行者。呵呵~^^
要偷笑~^v^

**感覺良好。

**整親。好痛~>",<

**多少有點罪惡感...

難離難捨 想抱緊些

>>November 19, 2008 at 8:37:23 AM GMT+8

2008 年 11 月 13 日 星期四 【晴】

離家出走

好眼訓....@@"
今日都ok keep住有野住手做住。都唔係好悶....
明明下晝李生仲話冇問題~
點知臨放工先臨門撻Q~
O左咀.......執哂野...咁點算好呢~!??@@"

放工番左poly~同樂軒聽下天文講座。
樂軒話有今年多左個新星座wor~叫做"天文講座"......="=
校長不愧為校長。>"<
又話黎聽~點知又走左去。
坐左半個鐘左右我都走了...冇乜人氣。
疾走落海港~~好遠呢~行到好熱...@@"
哈~海港城今年d xmas燈飾有得睇喇。
都okwor~有架火車~
不過我都係覺得上年靚d~^^

落船過左海~其實唔知點解要過海ga。即興ga咋。
今日去左港島遊~~^^
係碼頭都行左好耐。原來上面有間restrauant~真係而家先知~^^
慢慢沿海行，漫無目的咁行。
其實我都幾鐘意咁樣。鐘意行邊就行邊，鐘意睇咩就睇咩~
咁就唔駛稔要去邊去邊。稔去邊真係會稔到頭痛~>"<
不過平時人地唔鐘意..咁就好少會咁做。

好似由中環行到去唔知邊度(灣仔?銅鑼灣?)~~
去左food cout果d地方食dinner~
食小炒呀~好好味呀~~超正~好耐冇食過喇。
果度d鋪頭有每周名句ga!!!~勁野~!!!!!~
食飽~~繼續行。哈哈~挑戰人類既極限~
不過其實咁樣行法~又唔係真係好累咋wor~
我都未行到腳軟~~淨係係天橋上面俾隻狗嚇到腳軟jei....@@"

行下行下~well~行到入維園wor~
我都未去過~估唔到咁又行左入黎wor~
嘩~~不過黑麻麻~都係唔好亂行喇~哈哈^^
行下行下~嘩~原來成點幾鐘galawor~
死喇~冇車番屋企呀~點算好呢~@@"
唔通今晚真係要留落街頭~!????0_0""
稔左好耐...差d係街度訓著左~
好彩最後有好心人救左我一命。

.........................................
訓覺~有d熱....
umum~



**搞到今日好似離家出走咁....>",<

**意外意外，即係意料之外。真係估都估唔到呀~!!~
仲勁過食kinder出奇蛋呢~~@@"

**溫暖。

**膽戰心驚。

>>November 19, 2008 at 7:21:24 AM GMT+8

2008 年 11 月 12 日 星期三 【晴】

Yahoooo

好似每一日既diary第一句都係好眼訓...@@~
今日唔講喇~哈~琴晚好早就訓~冇左極度渴睡既感覺~
不過都係眼訓~~heehe^^

成日都以為今日係happy friday~好想聽日放假呢~~
做野~悠悠閒咁~~
放工番屋企~本來稔住食完飯再去陪歐陽小姐食飯。
不過真係好眼訓....同埋好累。
都係留番d力聽日玩盡佢喇。

食完飯。搞下d樣果樣~執下野。
哈~聽日上LU話去chiho個hall度屈蛇。搞鬼~^^
唔知有咩玩呢~@@"
不過似乎身邊既人都唔係好鐘意wor.....................0_0"
哈~夜d又傾電話~傾呀傾~又好夜lu~~
眼訓~訓覺。

**好想放假......好想去玩。>"<

**聽日happy friday~yahoooooo~~>v<

>>November 19, 2008 at 5:40:09 AM GMT+8

2008 年 11 月 11 日 星期二 【颳風】

蛇王

番工~好眼訓...
想做蛇王陳~不過老闆係度做唔到~唯有做住聾耳陳先。
都冇乜做過野...成日都扮有野做，有野睇。
好痛苦呀~~>"<

等到食飯。係度睇冰天動地。
youtube真係一個好偉大既發明。哈哈~
食左好耐~~jar灘jar左好耐...
不過食完都係繼續jar灘~jar到放工。
好眼訓呀今日~
放工做左d好衰仔既事~
我都唔想。不過又真係好難頂...
對住9個鐘~難得等到放工仲要我繼續聽~!??
set me free.............!!!!!

兜兜轉轉終於番到大埔。
係回家路上撞到jarb爸。
咁就同佢一齊上路喇。
哈哈~佢話要換人仔wor~睇下邊度個價高。
行左個圈~最後一齊番屋企食飯。
好眼訓....扒左兩啖~都唔想再食lu~
hea左陣~早早沖個涼。搞埋d野11點已經上左床囉。
聽下歌。聽聽下訓著左都唔知...
12點幾醒左~醒完一陣再訓。

dd溫度真係好適合訓覺。
不過再凍d就唔好喇~~會凍到訓唔著。

**今日好想靜靜地~

我想放歌。

>>November 13, 2008 at 8:33:05 AM GMT+8

2008 年 11 月 10 日 星期一 【乍雨乍晴】

Day of JarB Chan

今日係陳jarb日。
所以今日我話事。!!!!~
waka~

今朝跌到得16度咋~新界仲要低一兩度。好凍呀。
大埔又變番極地喇~~>"<
凍到震震震震。著左好多衫都仲係覺得凍~勁誇張。
今日番到公司....竟然要我開門~!!???
唔記得今日有冇做過野喇....
淨係知老闆今日番左黎.....唉....好唔想見到佢。
點解佢要番黎wor~留係印度咪幾好~~>"<
hea做。下晝有d忙碌。
不過..都可以keep住慢做慢做 =)

有人七左。接人失敗~呵呵呵呵
準時1800放工。落左mk。
真係行左咁多次都唔知新世紀原來有匯豐~@@"
暢遊左成粒幾鐘新世紀~落去睇下魚仔同狗仔。
嘩~d烏龜真係好好笑呀~~笑死我。
勁努力囉佢地~好奮力向上呀~!!!~
不過就衰仔d~成日跌其他烏龜落水。哈哈哈~
睇完~買張mark6就再去espite睇衫。
試衫試哂d energy走。
一試完就好肚餓。去食野。

唔記得叫咩名...咩牛牛。
食左飯喇終於~heehe^^
d野食都ok~不過對面台個3個女人就嘈d囉。
不停爆粗同埋講野好大聲....乜而家d女仔咁ga。>"<
食飽~走lu~行下朗豪~點知....哈哈~去toilet only~!!
對埋mark6~哎呀~中左兩個字。都好丫^^
無無聊的徒步落tst。
哈哈~因為聞到有酸味~所以行左入廟街~呵呵呵~
ummmm~好酸呀~~~@@"

哈哈~行到去park lane搭271尾班。哈~
時間岩岩好~唔駛答問題~好野~>v<
番到屋企點半~頹沖個涼咁又兩點~
傾多陣~兩半訓lu~~~@@"

**波波魚....好想養波波魚。

**6個鐘~唔知夠唔夠呢~!?@@"

**「怎去開始 解釋這段...」
連我自己都唔明...

唉....

>>November 12, 2008 at 8:52:21 AM GMT+8

2008 年 11 月 9 日 星期日 【晴】

冬天

今朝好凍呀~凍到唔想起身番工..
唉..最殘酷既事實終於都要面對喇....
夏天已經稔定冬天點樣一早起身番工...
點知稔下稔下..話咁快就凍喇。
唉....以前就有得借d二走堂唔番學..
而家....想走都冇得走lu....>"<

好想番學....>"<

凍凍凍~落街好凍~
番到公司都係好凍~點解仲要開冷氣呢...@@"
今日既productitive繼續keep住係零。
哈哈~歎埋今日咋~老闆聽日番黎喇~>"<
好辛苦先捱得放工~走人。今日番屋企。
勁乖呀~!!!~呵呵呵~~
好似好耐都冇試過一放工就番屋企。

食完飯。坐下坐下。傾下電話~
有d想訓覺~不過等等下~咁又搞到好夜lu~
傾多陣電話~訓覺。

**很冷。我想冬眠。

**又感受到"漸"既威力喇。
漸漸地...我已經好番哂~唔咳喇。
所以，我可以唔駛食藥喇。
真好>v<

**心思思。成日心思思。

>>November 12, 2008 at 8:16:31 AM GMT+8

2008 年 11 月 8 日 星期六 【颳風】

順得哥情失嫂意

天寒地凍~訓左落床仲邊捨得走丫。
訓到12點幾先捨得落床。
今朝好多電話~哈哈哈~^^

起身刷牙洗面換衫~去街lu~
出面好凍呀~著番件大大大大衫先~>v<
落左太子~睇狗仔~
哈哈~有兩隻好低b呀~係度玩dum dum轉。笑死我~
之後去左搵食。間burger king仲未開..
最後唯有上去樓上間kfc食。
umm~食左個普通飽~都已經飽死~
上次見亞roy食n層果個tower...嚇怕左了。
都唔知點塞得入口.....0_0"

食飽~周圍行下。
落左tst~繼續睇銀包~同埋睇大鞋仔。
呵呵~冬天，又係著大鞋仔既時候喇。^^
行行行~睇睇睇~不過都唔係好岩心水。
行到6點~冇野好行lu~
搭車番大埔先。^^
係大中行兩個圈~睇下鞋仔同銀包~
又周圍搵食。度度都唔岩。
最後去左元氣食壽司(again and again~!??)^^"

冇乜岩食~食左少少就已經停手了。
食到9點幾埋單走~再去買鞋仔~
好野~買到大鞋仔喇~~~開心開心開心>v<
不過原來我唔記得襟$$~thank you。heehe^^

10點~送埋你去搭車就番屋企lu~
好凍~@@"
回家沖涼~傾電話~
哈~~~我改左姓~以後姓女。^^"
plz call me Ms.Girl。

點幾~訓lu~
其實...我仲係好精神....@@"

**凍。想冬眠。

**是日心情矛盾。
真係順得哥情就失嫂意。
我終於明d句野點解喇........=.="

**歐陽小姐，俾你講中左喇。>"<
頭痕中...

>>November 10, 2008 at 8:27:35 AM GMT+8