2009 年 3 月 20 日 星期五 【晴】

No Longer 21st

短週...
起身，看著電話…
21號了。

等媽媽回來同佢出去食飯。行行下去左大埔壚食飯。
坐左好耐，傾左好多野。
好似好耐都冇同媽媽食飯。or放假陪下媽媽。
番工的日子，真係咁忙~!??@@?
食完，陪佢買下送，之後我就走左。
去左睇人做FYP。
我就hea下睇下電視咁喇。冇咩搞。

夜d同人地一家大細去食飯。umum。
亞ken好搞笑，成日扮哂野，以為人地唔覺。呵呵呵。
食飽，周圍行下。夜d睇左<短暫的生命>
好好睇呀!!!~勁激。超變態呀d男人。
細路女都搞。仲要個細路女波仔彈彈。激嘔心。
最慘都係最後唐寧同個細路女講d野...真係忍唔住慘到喊。
睇完。仲早。周圍行多陣。不過行到差d趕唔切尾班車番屋企呀!!!~
嚇鬼死。
回家沖涼，訓了。
好悠閒既一日。

**再沒意思的一個廿一號。

**近日想起這首歌

《心動》
有多久沒見你　以為你在哪裡
原來就住在我心底　陪伴著我的呼吸

有多遠的距離　以為聞不到你氣息
誰知道你背影這麼長　回頭就看到你

過去讓它過去　來不及　從頭喜歡你
白雲　纏繞著藍天　如果不能夠永遠走在一起
也至少給我們懷念的勇氣　擁抱的權利
好讓你明白　我心動　的痕跡

總是想再見你　還試著打探你　消息
原來你就住在我的身體　守護我的回憶


**很好聽。

>>March 31, 2009 at 5:53:25 AM GMT+8

2009 年 3 月 19 日 星期四 【晴】

EGM 第二擊

放工番左去poly睇37th EGM。
哈哈~今日得亞臨陪我咋。
今屆d人都ok丫。有d位都稔得幾仔細。^^
睇到9點就走人lu。

我都唔記得之前約左人食飯。heehe~
差d做左衰人tim。
好彩我盒餅仔救左佢一命咋。如果唔係餓死佢喇。^^
肚餓仔。去左tst。
稔住去搵食...點知搵呀搵呀...唔知行左去邊...
山林道離奇失蹤了......................0_0"
餓到手軟腳軟。最後去宛記食左個麵。
好奸呀!!!~無喇喇加多我地兩蚊。但係最後又俾番兩蚊coupon我地。
好彩我醒目jei~呵呵呵

食飽。行去搭車lu~夜lu。
回家沖涼訓覺。

**今晚好蠢。我都話我唔識油尖旺gala。

**如果.....咁會點呢~!?
好想知....

唉....

稔多左喇。

>>March 31, 2009 at 6:45:15 AM GMT+8

2009 年 3 月 18 日 星期三 【晴】

忙裡偷閒

今日放自己半晝假。因為大王要去配眼鏡。
呵呵。>v<

點幾走。一齊去食個飯仔先。肚餓。
食完就周圍搵眼鏡喇。
睇左好多間都唔係太岩。最後..都係去番第一間。呵呵呵。
最後都係唔要傘仔要左個everlast~呵呵。靚仔哂。^^
搞掂。走lu。今晚人地要番ams。
所以早早就入去新界西喇。
行左一陣就走左lu。

umm~我就係附近行下街喇。想買衫但係冇咩岩。
等到8半就行得喇。有人偷走呢。
其實行到腳仔有d累。不過都繼續行多陣。
最後去左田中食sushi。第3次黎d間喇。呵呵。
食飽。行多陣。走lu。
累也。

**偷得浮生半日閒。忙裡偷閑的感覺真好。
d排番工真係番到有d累同悶…
好想好好休息一下。

**一起出走感覺多好…

>>March 31, 2009 at 7:36:37 AM GMT+8

2009 年 3 月 16 日 星期一 【晴】

眼鏡

今日放工去左睇眼鏡。周圍行周圍睇。
不過好似冇乜岩心水。
睇到我都好想買。想買半框，未試過。好似幾得意。
我想帶番多d眼鏡。帶con帶得多，真係驚會對隻眼唔好。
唔知係咪成日俾陳生話得多，又話我碎眼又話我d樣果陣。
搞到我都覺得帶con唔好...
俾佢潛移默化左........=.="

睇唔哂。行到累累地，番左大埔食飯。
去食pizzahut常餐。俾個meun呃左。
以為有新野。點知原來夜晚係冇得揀的。
叫左個4道菜常餐再加個唔知咩咩咩甜品。
都夠飽。carcar果然冇介紹錯。呵呵呵
食完~行lu。周圍行多陣。就走搭車喇。
回家去。

**我想要個正常d既眼鏡。

**唔知點解今日好似有d唔捨得...

>>March 31, 2009 at 7:44:17 AM GMT+8

2009 年 3 月 15 日 星期日 【晴】

麻麻

好累呢今日…
累到唔太想講野。
老闆未番黎hk。非常好。可以jar多d灘。

放工去左麻麻度食飯。哈哈~好似好耐冇去。
所以琴日麻麻打黎，我一口應承話今晚上黎食飯。
因為我都真係好似過年之後都冇再見麻麻了。
掛住呢~~~~

食完飯就係度講冇屎痾d個問題~d期又真係唔係太順暢。
所以大伯俾左好多解決辦法我番去試下。
有蜜糖，有菊花，仲有..唔知咩藥包。
唔知有冇用呢。呵呵呵。^^
坐到7點幾8點。麻麻話夜喇，趕我走。
好~我番屋企了。
番到去，沖完涼早d訓lu。

**大伯話五叔就黎搬走，可能而家麻麻間公屋唔要喇。
ohh...咁我由細玩到大既果間屋就可以好快冇左喇..
有d唔捨得tim~~@@"

**麻麻好似愈黎愈瘡老喇..
希望佢老人家可以身體健康。長命百歲喇。

>>March 31, 2009 at 7:52:20 AM GMT+8

2009 年 3 月 14 日 星期六 【晴】

露營 Day 2

訓得都幾舒服。可惜半夜幾次凍醒左。
真係好凍。凍到係咁震到訓唔到。
不過最後因為太眼訓既關係，都係繼續訓著左。
朝早雖然一出太陽就好熱，不過真係好好訓。
熱死都想繼續訓....但俾人夾起左。~>"<

好野。刷牙洗面煮早餐。~
哈哈~今朝有麵包，午餐肉，同埋公仔麵。
見到有人烘麵包，有人又又話想食。
最後整左蜜糖麵包。
哈哈~~食食下有兩個bb走黎想同我地玩呀。
仲同我地一齊食早餐呀。好得意呀佢地。
之後又煎午餐肉。well~好香好味。^^

食完。煮公仔麵。好大煲呢。3個wor~勁多。
食飽，同兩個bb一齊玩。wkkwa~
追住我地玩呀佢地。又玩風箏又玩飛碟，又玩鬥快跑。
都唔知我玩佢定佢地玩我....=.="
個妹妹仲癲到話佢吹泡泡，叫去捉泡泡……
人都癲。不過好好玩呀。兩個bb都好好玩。笑死我。

差唔多要執野喇。慢慢執執執。
果兩個bb好曳呀。俾d有沙既朱古力我食呃我。
仲要抽我水~~>"<
執完野。又係時候同佢地講拜拜喇。
有d唔捨得佢地tim。好可愛呀佢地。~
走lu。行番出去。
等van仔都等左好耐下。有d眼訓tim....

番出西貢。周圍行左陣。就落左鑽石山。
哎呀.....今晚約左小同食飯。又未夠鐘。又冇理由番大埔再出黎。
最後係鑽石山hea下。食左個好好味既雪糕~heehe^^
6點絕7點mk。等左陣。唔知等乜鬼。
之後上左間cafe度食飯。唔知係咪因為眼訓同累既關係。
今晚冇乜mood。同不在狀態。
同呂氏食飽就走了。回家去
累到企係度都訓得著呀真係。

結束了兩日一夜露營之旅。


**好野。有維尼陪我喇。不過點解唔識郁既~^^"

**第一次自己去wild camp咋。超開心。超surprise。
驚嚇又真係幾驚嚇。不過我鐘意。~^^

**一 起出走感覺多好。

多謝你。

>>March 31, 2009 at 8:39:22 AM GMT+8

2009 年 3 月 13 日 星期五 【陰晴不定】

露營 Day 1

嘩~今日好勁呀。
琴晚突然收到消息話今日去wildcamp。真係嚇窒左。
咁趕~!???
冇乜心理準備wor。

今朝一早就咩住個重重的背包上路去...番工。
好似怪人似的。@@"
興奮的一番到公司就上網check email。
因為果陣都未知會去邊度camp。估都估唔到。
好緊張呀。~嘩~原來係灣仔呀!!!!~
wakka~笑死我喇。仲話我一定去過。
點知係西貢灣仔。激死我。呵呵呵。

開心的。上網睇下煮咩食。睇下睇下咁就放工喇。
嘩。原來陳生今朝好忙。umm~辛苦哂你喇。>v<
去鐵路join埋就去彩虹入西貢。
係市中心食左個lunch。再去補給。買下d幾餐食既野....
都唔知煮咩食好.....真係要有心理準備會冇啖好食.....=.="
買完。pack好哂。上路喇。
好重呢。^^"

van仔去海下。已經開始累到有d想眼訓。@@"
落車，行入去campsite原來唔係好耐，我稔半個鐘左右喇。
話咁快就到喇。開心開心開心。
好野。起營喇。第一次起咋。好緊張呀。
有陳sir教路，好快就搞掂lu。好野。!!!!~>v<

係入面小休下....都唔係休既>"<
之後就周圍行下喇。去左行左個唔知咩徑...
原來都冇野睇既....得條路...俾人呃左....=0="
行到天黑。又話要行兩粒鐘。點知一粒鐘都唔駛就行番出黎lu。
好。番去site度煮飯仔lu。heehe。^^
由於器具欠奉，所以....要煮完一樣再煮一樣。
仲要煮一樣，食一樣，再煮一樣…

先煮飯。第一次用煲黎煲飯。呵呵。好彩都唔係煲lon左好多jei。
heehe~好野。今晚有飯食lu。~^^
白飯冇送.....不過肚餓都要食住先。
再煮餃子。好麻煩。要用滾水煮熟左，再煎香。
不過....好似因為唔夠油...所以煎得唔好。
不過煎到果d~陳sir話幾ok wor~都唔知係咪既....我次次食親果d都係冇煎過既...>"<

食完餃子，到煎雞扒喇。wkwkka~
第一塊唔知係咪唔太識煎，所以幾麻煩下。仲整親隻手tim。超痛。
不過之後果兩塊都好好味呀~
丫~唔係~!!!!~係超超超超超超好味~!!!!!!!!!!!!!!!!!!!!!!!!
食完。洗下個煲先~勁嘔心。
我地乜都冇。好彩有小朋友肯借佢塊百潔布同埋洗潔精俾我地咋。
真係好呀童軍仔。^^

洗完，煮左個金寶湯。放埋d白飯入去一齊食。都ok既。
不過..已經開始飽lu。
成晚就係度係咁煮煮煮同埋食食食。咁就一晚。
食飽。抖下。又係我陳jarb出場既時候喇。
帶住陳sir去搵個靚位睇星先。呵呵呵。
果度真係好靚呀~成天都係星呀。
咁好彩之前成個week都勁多雲。到今日個天就清哂。
真係天公做美呀~>v<
勁到好多星都認到呀。
我教左佢睇好多星座。不過唔知佢而家仲記唔記得呢~^^"

睇完。番去lu。
再煮個糖水食。嘩~~超超超好味呀!!!!!!!!!!!
好味既即食糖水呀~>v<
食完。好喇。整好d水。執埋d野。咁就差唔多就寢喇。
不過....煮完飯。成身都好臭~eeee>"<
但係都真係幾累下。哈。大家早d訓喇。heehe^^

**煮飯小插曲：橙旦就煮唔成。不過之前好彩都食左個橙^^"

**估唔到真係有得去露營。開心也。
亦都辛苦哂你喇。要出動咁多人情。^^"

**白色情人節快樂。>v<

>>March 31, 2009 at 8:20:39 AM GMT+8

2009 年 3 月 9 日 星期一 【晴】

恐怖片

放工去左睇戲。唔知為咩睇戲。
可能真係冇咩好做掛。
買左飛~之後去食d野。唔記得食左d咩tim。@@"

食完。等夠鐘就入去喇。
今晚睇<陰容院在>~個名好難讀........@@"
泰國恐怖片。有d淆底。
嘩~一開場已經好驚。點知.......=0="
我都唔知d人笑乜....真係好驚gawor!!!!!!!!
成場都好驚。嚇鬼死。不過又有d位好gap.....waaka。

睇完。南下。撞到鵬鵬同calvin仲有個女仔。
哈哈哈~~好好笑呀。係咁狂笑。
我覺得鵬鵬好慘ga。成日俾人笑。
不過真係好難忍得住唔笑佢。wkakwka~
笑完一大輪走喇。路過間糖水鋪就走左入去糖水。
well~好熱呢間鋪。
食完。走了。
今晚好乖。我送人番屋企。heehe^^

**乜真係唔驚咩~!?我好驚wor睇到。

推薦!!!!~

**如果鵬鵬終有一日發老脾鬧番我地轉頭…我稔...都幾大鑊....@@"

>>March 31, 2009 at 9:16:12 AM GMT+8

2009 年 3 月 7 日 星期六 【微雨】

打野戰

今朝一早跟左陳sir去打wargame。
眼訓到hihi……有d後悔冇跟爸爸媽媽一齊去拜山...
起碼..可以訓多粒幾兩粒鐘。....>"<

俾人拉起身。刷牙洗面換衫。
約埋鵬鵬食早餐。點知...食完佢先黎。
wkakwka~陳sir話到佢頭dup dup眼濕濕。真係慘。
西鐵一路帶動生活。所以搭西鐵去鐵上路。
唔識陳sir d fd。所以由我黎對付國內既朋友。
哈哈哈。真係好好笑。
的士去到唔知咩地方。好泥呀。
等。唔知做咩。俾人點。點去d度點去果度。都唔知做緊咩。

正式開波。well~好泥。成個人都好泥。dirty呢...
不過都幾好玩。我想玩鬥快死。
之後去左玩第2個場。玩office wor~wowo~岩哂我d OL喇。呵呵
點知俾人射爆頭呀。個頭起左樓呀。痛死>"<
肚餓，食飯。一個有肉既羅漢齋飯。
食飽。又玩lu。其實腰骨開始好痛…
唯有hea玩。

kakwa~同calvin兩個鬥hea。笑死我。
玩多兩個場。5點收工。
累死了。搭車入元朗食大榮華。
第一次食豬肉no飯。well~幾好味wor。不過好肥呢
食飽都冇乜mood~好累好眼訓。
吹水都吹到呆呆地。9點幾走lu。
去拎番d野就搭車番大埔。
沖涼~訓覺。

**是日傷亡指數極高。

小妹亦都身受重傷。成身好多瘀呀。>"<
痛死我。

**食飯小插曲：鵬鵬做左魔術手。$100換$20*5 = 俾左錢。
wkakwka~

**打野戰都幾好玩。~
不過夏天可能會好臭。@@"

>>March 31, 2009 at 9:33:10 AM GMT+8

2009 年 3 月 2 日 星期一 【陰晴不定】

本來琴晚係屋企想打日記...
見兩個月都冇打過咁就想打下..

點知...想打既時候...有心情打既時候...
通常都會down server...........=.="
次次都係咁..

所以最後我都係冇打到。

放心，我會打番d兩個月既日記的~!!
打到d手指短哂都要打~><"

>>March 3, 2009 at 6:39:40 AM GMT+8