2009 年 4 月 11 日 星期六 【晴】

書僮

去完macua番黎..休息兩日。繼續放假。
今日去到新界西做書僮。
睇黎黎緊幾個星期都要做書僮~!!!~
加油呀~!!!~

>>May 6, 2009 at 7:46:29 AM GMT+8

2009 年 4 月 10 日 星期五 【晴】

再會

今天約了亞笨食tea...

就是這樣..

大概..也就是這樣..



>>May 6, 2009 at 9:29:50 AM GMT+8

2009 年 4 月 8 日 星期三 【炎熱】

生日馬交遊

訓到9點幾。有人懶懶的唔肯起身。呵呵
張床好舒服~我都唔想起身呢。~
岩岩好趕得切落去食breakfast buffet~
umm~好口渴。個西柚汁好醒神。
d野都幾好味~個果占多好好味。^^

食飽。番上去執野喇。蠢蠢的訓完先記得影下間靚房。
好似冇乜係用到間房~感覺上有d徙。
真係好舒服呀間房。
執完。checkout lu。
用d泥碼入賭場玩下。玩左3鋪庄閒。
咁就將d泥碼變左做cash喇。達成左我地既目的了。
heehe~^^
開心。走lu。

今日第一站就係行去媽閣廟。都唔係好遠。
又有太陽又有風。感覺非常好。
去到影左張相就行去旅遊塔喇..
勁貴冇上到去。
之後搭車過去乙水仔。哎呀~好興奮呀~
黎到澳門第一次搭公共交通工具呀~哈哈。
吹到頭都甩呀。前面果個亞叔開大隻窗~吹死了。
我地去左最遠既地方去搵安德魯葡撻。
好美味呀~~超正。個檸檬水都好好味。
so relexing~

我地就係咁..來回用左50黎食d個安德魯葡撻~哈哈~
再搭車番去官也街果邊行。
玩到澳門特有既公園玩具~哈哈~真係幾好玩。
roy生話帶我去食好好味既豬扒包,,,不過好可惜今日唔開門...=.="
唯有食隔壁果間喇。umm....好似琴日食果個好味d~^^
之後去左食木糠布甸。遇到個好似唔想收我地錢既大嬸.....=.="
都幾得意~一路食一路稔究竟係咩味。因為d味好熟...
真係稔左好耐..不過食完果陣我問亞roy..
佢一言驚醒夢中人。~係喇~!!~原來就係cream....
點解我稔極都稔唔到既....=.="
無花果茶都好好味。

再行下手信街。不過冇買。而家買好似好蠢咁~要拎住成日。
行呀行。又食喇。今次食左個tiramisu同埋朱古力慕絲。
好好味呀兩個都。不過好漏....飽呢...
食完。我地搵路去威尼斯人度行呢。
真係超大..大得有d可怕...
同埋真係幾靚..不過可惜靚得黎有d假..
個天花可唔可以唔好夜晚都係藍色...真係好假。即時扣分呀!!!~
我地行條運河~見到好多威尼斯人。佢地仲會唱歌ga。

行番出去已經天都黑齊。
出面d夜景好靚呢。影左好多相。heehe~^^
玩到想走果陣...走極都走唔到。大到搵唔到邊度搭車。
最後搵到。搭番落金沙。好似有d首尾呼應。wkakwa~
去左漁人碼頭稔住拎野食..點知得兩碗西米露..
我個人本身都好厚道...就算唔好食我都好少講到出口..
不過今次真係好難頂....=.="

走了。時間好似突然有d趕。
行番去議事亭果邊買手信..
嘩~趕到甩尾。唔知 咩事...又要行番出去碼頭。
中途俾人fake左個有入冇出既公園~~哈哈哈~笑死我了。
的士去碼頭。岩岩好趕得切。
坐船番hk了。
累呢~訓得好舒服~heehe^^

番到上環再mtr去tst食個香港仔魚旦先。餓呢~~~
食完。已經很累了。271回家去。
沖個涼...訓了。

結束兩日一夜生日馬交遊。

**唔好以為好大...其實澳門真係好細....
俾d地圖fake哂。wkakwa~

**很喜歡澳門這地方。很悠閒呢。

**今年生日很開心呢。多謝你呀!!!~>3<

>>May 6, 2009 at 9:26:30 AM GMT+8

2009 年 4 月 7 日 星期二 【微冷】

生日馬交遊

是日本小姐生日。開心是也。
廿三歲了。

今日一早7點幾就要起身喇...真係仲早過番工。
9點半就要去到上環.....好似趕番工咁.....>"<
眼訓仔...遲左。差d食唔到早餐。
heehe~係信德食左個kfc早餐。hee~鬆餅好美味。^^

入閘等上船。叫歐陽小姐起身番學。
拉住佢傾電話。如果唔係佢就一定會訓番喇。
條友仲語無倫次。wkakwa~笑死我。
上船了。訓個靚覺就到左馬交喇。
yoho~~去玩了去玩了。

兩條友都唔試路。見車就上。結果第一站去左金沙。
之後想去燈塔，行左好耐都仲未有路上到去。
係天橋下遇上馬交學生霞女。
佢真係非常好人，帶我地步入正途~仲同我地傾左好多計。
無奈佢聽日要考試。如果唔係一定拉佢同我地一齊去玩。
佢suggest我地去大馬路果邊行。唔好去燈塔。
ohh~最後我地都聽霞女話。去左大馬路果邊
umm~行到過去議事亭果邊影下相~果度d貓咪好懶呀~
日光日白係度曬太陽~懶洋洋的。
行左陣就搵地方食lunch喇。

係個街市上面食左個豬扒飽同埋食左個咖哩雞翼麵。
豬扒包好好味。好脆呢。~
d咖哩第一啖入口好似唔係好辣~不過好似愈食愈辣~
有人好蠢咁將個匙羹放係d咖哩汁上面，跟住就成個放入口。
仲話覺得好辣囉~~呵呵~低b~好蠢呀!!!~
食完。行lu。

慢慢行慢慢行。行左好多好靚既教堂。哈~真係好靚。
最重要係去食左個好好味既雪糕~heehe^^
再行去睇下教堂歌劇院~又行下圖書館呀咁。度度都好靚呀我覺得。
形容唔到係點靚。
行下行下去左食雙皮奶。umm~ok好味。
慢慢行去酒店~可以checkin了。
係出面俾個舊碼頭嚇窒左.....wkakwka~笑死我。
入到去checkin~慢得很。
嘩~間房好靚呢。真係好靚~好鐘意呢。
可惜唔記得影相。

休息一陣。再出發。
哈哈~要跟番我個plan喇。heehe^^
我地下晝要坐纜車上燈塔~!!!!~
哈哈~可惜我地俾個白鴒巢trap住左...出唔番去。
搵左好耐先去到咋。差d就冇得坐纜車喇。@@"
咁岩坐纜車先黎日落wor~係咪咁浪漫呢~heehe^^
上到去。慢慢行下。
落左個防空洞。黑蚊蚊的...乜都睇唔到..
再行呀行呀。去到燈塔喇。
都真係幾靚。行下坐下影下相。順利抖下~都幾累。

一坐就坐到天黑。睇住澳門個天係咁變色。很美呢~~
咁就天都黑齊喇。嘩~原來燈塔夜晚開左燈仲靚呀~
超正~!!!!~~睇得好陶醉呢~~真係好靚呀。
好鐘意d度呢。
睇到咁上下。行lu。食飯仔。
去左一間好似茶餐廳既地方食葡國菜。
叫左兩個送..都好飽了...
馬介休真係有骨~!?????到而家都係一個謎...........................

食完~又行下。去番議事亭果度~
夜晚果度好靚呀~~仲靚過日頭。
我地研究左樣野好耐..
就係...究竟係個男仔送左支花俾個女仔，定係個女仔收左男仔果支花呢~
wkakwka~好低b呀~~
慢慢行上大三巴。真係幾壯觀。
不過d燈好光呢。
行行下~亞roy發現左一個地方，叫做戀愛巷。
真的很美。我很喜歡呢。
浪漫得很。

不早了，又累。慢慢行番酒店。
休息了。^^

**馬交真是一個很美的地方。
我很喜歡這裡呢。

這還是一個浪漫得很的地方。

**23了...不再是1822了...
希望會有一個新的開始。

**過了一個開心浪漫的生日。
多謝你呀~>3<

>>May 6, 2009 at 9:00:03 AM GMT+8

2009 年 4 月 6 日 星期一 【晴】

前夕

大假前夕。總係唔多想做野。
holiday mood呢。heehe~^^
聽日仲要係生日wor~仲要有得去玩wor。
呵呵呵~~好野。

不過都快d做哂d野。咁唔駛放完假番黎就n咁多樣野要做。
放工番屋企食飯。
再plan下行程。umum~非常好。
執下野~其實都冇乜野要執。
夜晚等你，跟住傾左陣電話就訓lu。
聽日要早起身。

**多謝12點歐陽小姐的溫馨來電。>3<

**明天外遊。開心是也。

**一連六日假。owowow~開心死喇。>v<

>>May 6, 2009 at 7:56:39 AM GMT+8

2009 年 4 月 5 日 星期日 【陰晴不定】

肚仔痛

番工。好眼訓呢。
想帶新眼鏡。不過都係唔好喇。
怕左公司果d餓狼。@@"

番到公司~well~被炒既同事又番左黎同老闆係度傾wo....
最後都好似冇乜結論咁....
做野。d兩日要做哂之後幾日既野先。
廢事放完假番黎又積埋好多野要一次過做。
快d清哂咁就可以安安樂樂放大假喇~wkakwa~
突然好有責任心tim~呵呵呵。

今日老闆唔係幾好老脾~都係小心d做野。@@"
食完飯訓左陣。又做過。
話咁快又6點鐘。夠鐘放工。
最後收到消息係老闆再俾多個月時間果位同事...
即係收回成名....唔炒囉.....=.="
究竟..老闆以後仲點服眾呢!??@@??

放工。好乖咁番屋企。食飯。
哎呀~~不過食完飯之後個肚仔勁痛。
喇住喇住咁痛...好似抽肋咁....唔通我d腸打左kick????@@?
今晚要plan行程。我應承左陳先生的。!!!!~
umm~不過好似有d難度....
我都係比較鐘意行到邊睇到邊....@@"
因為如果有得比我揀...我會有好多地方都好想去..
如果冇得揀，見到咩行咩。咁我唔知仲有其他地方都好好玩，
咁我就唔會想度度都去哂喇。哈哈~
都話我有選擇恐懼症囉~~>"<

搞到12點幾。訓覺lu。
個肚仔都仲係好痛.......碌左好耐先訓得著。
好難受呢~~>"<

**雖然我唔係太歡喜果個同事，但係講到要炒，始終都有d難受。
冇人會有心好想炒左佢既。話哂都做左咁多年同事/兄弟。
不過...真係抵炒丫嘛。對公司黎講應該係好的。
我都唔明點解劇情會發展成咁......@@"
太峰迴路轉喇。

**想起一件事....
我就黎唔係18 22喇...
有點傷感tim。

如果唔去旅行就唔駛變23歲。咁我寧願唔去喇。

**肚仔痛肚仔痛。>"<

>>April 7, 2009 at 3:28:33 AM GMT+8

2009 年 4 月 4 日 星期六 【炎熱】

悠閒

訓醒已經12點幾。
刷完牙洗完面。係屋企做下家頭細務。
差唔多兩點出去。係大中行左陣。就等食吉野家tea。
好耐冇食gag野家喇。umm~~^^

之後再行一陣。回家了。
又睇電視。再訓個晏覺。
哈哈。本來唔眼訓。
不過訓訓下又真係訓著左wor。
umm~訓一陣就訓醒了。之後....

沖個涼。又好夜了。
搞埋d野就出去食飯。唔知點解行行下又9點幾10點。
去左藍山食飯。嘩~~大過塊面既T骨呀~@@"
好誇張。飲左個薄荷朱古力..
所以今晚做左薄荷豬..............=0="""""
食完超飽，行左個圈。搭車走lu。

番屋企。plan行程plan行程。
哎呀。點解好似咁多野玩咁既。好多地方都好想去睇wor。
我稔要去足一個月先夠喇。~@@'
睇到點幾鐘。訓覺了。

**唉...聽日要番工。~>"<
呵呵~不過番兩日放6日。好野~>v<

**唔知點解悠閒得黎又好開心。哈哈。
就係鐘意悠閒。~^^

這個星期六日好滿足~開心是也。~^^

>>April 6, 2009 at 3:39:30 AM GMT+8

2009 年 4 月 3 日 星期五 【陰晴不定】

兒童節

今日12點就訓醒lu。起身刷牙洗面。
嘩~~好舒服呀。
好耐都冇試過訓覺訓到腰骨痛先起身喇。
wkakwkkawka。

上網睇下野。落去買左個飯食。
嘩~~有人兩點半就醒左喇。同我預計既差唔多。
哈哈哈~~好醒呀我。呵呵呵。
well~之後出左去接人。再去supermarket買野。
heehe。睇下電視。
eee~睇唔到射12碼。激死了。
仲要亂過馬路。撞鬼死你呀>"<>"<>"<>"<>"<>"<>"<

7點幾~落去買d野番屋企煮飯。
呵呵~睇住大冬瓜食飽。時間夾得岩岩好。~^^
食飽飽。睇完。咁又10點幾。
走lu。去搭車。
回家去。
番去洗埋d碗。再整埋綿花脆脆。
搞下搞下咁又兩點幾。
洗煲洗到我手軟.........人都癲呀。
沖埋個涼3點半訓lu。
好累呢...

**一日沖四次涼..我就黎沖到甩皮喇....@@"

**煮飯..我都唔明點解會煮到成身味。
好污糟呀~>"<

**好似好耐冇咁夜訓。聽到出面d雀仔已經起身。
感覺有似從前…

**今日開心，因為見到你開心。~^^

**兒童節快樂。

>>April 6, 2009 at 3:27:58 AM GMT+8

2009 年 4 月 2 日 星期四 【陰晴不定】

Happy Friday

今日happy friday。
但係公司發生左d唔係咁開心既事。
老闆要fire一位同事。
雖然d位同事平時d工作態度都真係麻麻。
對人都呼呼喝喝。我新黎果陣都受過唔少佢d說話。
俾人炒係抵既...真係到真係要炒果陣...硬係覺得唔知點咁..
仲要封termination letter係我親手打的...
位同事做完野番黎公司...我地d人都唔敢出聲喇...
佢望住我地..我地都唔知講咩好..
最後老闆同佢傾。不過傾到一半就走左喇...

搞到兩點幾先出去食飯。umm~好齊人食飯。
好似同位同事farewell咁....=0="
去左飲茶。嘩~成台都係野。
雖然好多人食同埋真係好肚餓。
不過都真係好誇張.....@@"
最後多得tony清場!!!~
每人埋單$60。算抵gala。

飲完再去百佳為公司入貨。搞到4點幾先番到公司..
今日真係happy friday喇。wkakwa~
搞埋d手尾。差d就遲左收工喇。
放工繼續落mk。去左買書仔。
哈哈~之後就去新眼鏡喇。
好野。有新眼鏡帶。^^

搞掂就番左去大埔lu。
番左屋企放低d野。跟住就再出去食飯喇。
嘩~好野。今日終於試到出左好耐既足三兩喇。
又okwor。原來係加強版既餿層芝士孖堡。
比平時d肉厚d同juicy d囉。都ok既。
食飽。行左陣就走喇。有人要去打機。
心情有d怪怪的...

番屋企。爸爸媽媽今日番左大陸。星期一先番。
最開心..原來唔係我同家姐。wkakw。
沖涼。訓lu。

**聽日兒童節。heehe^^

**原來有咁多擔心，umm..........
唔知有咩可以做tim.....
總覺得自己無能為力。

**心情下沉了…

>>April 6, 2009 at 3:17:27 AM GMT+8

2009 年 4 月 1 日 星期三 【陰晴不定】

開心

琴晚好早訓。不過朝早起身都係有d眼訓。
今日keep住隻手都有野做。頗busy喇。
hea下又做下。
間唔中做做下又有其他野要做。umm~
如果日日都係咁都幾好。
又唔係好忙，累又可以hea下。但係又可以有野做唔駛咁悶。

放工落左去mk。有好好味既夾餅。真係好味wor。
不過食完要飲涼茶既.........=0="
唔知點解d期成左兩粒飛滋>"<
之後去左銀行中心行下。嘩。好多人呀。排哂隊咁呀。
有冇咁誇張呀~!??@@"
睇完一團。發現都係中女好。抵佢咁多人排ga。
哈~排到人地山門lu。
serve我地果個肥仔sales好好笑。
wkawka~eps都算係卡黎既~wkakwkakwa~
好搞笑呀。

好野。終於都搞掂左lu。^v^
時候不早，又拎唔到新眼鏡lu。
唯有去食飯喇。肚餓呀。
今日去左食沙爹王。
黎沙爹王mainly唔係食沙爹。係食curry。
哈哈。都幾好味。不過好飽。^^
食完。umm~~飽呢。
南下。慢慢行去搭車。回家去。

累。沖完涼。早d訓。

**哎呀。好緊張呀。就黎有得去旅行喇。
wkakwa。

**我會plan好d行程gala。

**開心...因為我真係開心囉。~^^

>>April 6, 2009 at 2:47:23 AM GMT+8