2003 年 9 月 26 日 星期五 【晴】

發現而家每薘星期6~都會係我既昏睡日~
沉睡沉睡沉睡.............直到永遠...........

訓到2點幾~食野~
今日有豆漿飲~好味~yeah^^

之後睇碟~----->個個星期6日一定會做既事.....
今日睇"不一樣的爸爸"~好睇~
好感動呢~
喊到真係豬頭咁~
真係好盡情咁喊~哈~
因為屋企冇人~如果唔係就會就住就住~
驚俾亞媽果d見到~跟住就會俾人笑白痴~
睇戲都喊~傻ga
所以永遠睇dd戲都會係屋企冇人既時候先會睇~
廢事樣衰喇~哈哈哈哈^^

之後好悶~稔住溫中文~星期一test~
點知..........坐係張床度溫溫下..........出事了......
訓著左.........shit......
唔准再係咁喇~jarb!!!!!!!!!!!!!!!!!!!!!!!!!!!!!
好懶ga~開學到而家我都仲未真真正正咁坐低溫過書.....
再係咁落去......真係.....唉.....
開始有d驚.........................>.<"

>>September 27, 2003 at 4:30:12 PM GMT+8

2003 年 9 月 25 日 星期四 【晴】

今日好搞笑~
哈哈哈~
帶左一個met左皮既橙同一隻香蕉番學校食~
哈哈哈哈~好味^^

又到星期5~真開心~
又可以好開心咁訓覺~
yeah^^

今日放學同嫻一齊走~一齊去富亨~
哈~佢傻左呀~係咁係度笑~都唔知笑~
唔好笑又笑一餐~好笑又笑一餐~
仲要笑到卡卡聲~傻左呀佢~
唔知食錯d乜........都未見過佢笑成咁~
笑到個口都合唔埋咁.......傻婆~
"賢妻"+"良母"真係咁好笑!!!??
我就覺得係"姣婆遇上脂粉客"喇~
哈哈哈哈哈~兩個都傻左.....

係途中偶遇亞雞~好耐冇見佢喇~哈哈哈~
都仲係咁雞~哈~
好掛住以後佢幫手睇水係班房食lunch既日子呢...
而家成日係班房食野都勁驚........唔知d prefect幾時黎.......

亦都係大眾偶遇"何自由人"
一見到佢~想同佢打個眼色......
不過.......忍唔到笑~
哈哈哈哈~~~~何freeman~~~~哈哈哈哈

去到富亨~哈~一齊食雪糕呢~好味^^
好耐都冇試過jar住支雪糕係街食~
好搞笑~哈^^

夜晚見到范少on9~同佢chat~
oh~原來佢去左心誠repeat喎~
唔錯唔錯!~都幾好丫果間~
加油呀!~俾心機讀書呀!!!!!^^

之後又同it佬講左陣~
原來佢去澳洲讀u呀~
嘩~好勁喎~讀電腦果d野喎.....
改佢叫it佬果然冇改錯名~
唔記得邊個幫佢改gala個名~好正~笑死~

今日不停睇番其他人既日記~
發現原來crazy clan話有森美會黎係假ga!~
佢講大話ga!~賤格~>.<"
好彩我冇俾佢呃左jei~
果d死蠢投佢票仲要俾佢呃就慘喇.........

連遠方既亞鹽都知d件事...
我都係睇佢日記先知......
乜我好似咁後知後覺既.........
少左on9 jei........
原來就發生左咁多野....../.\

**點解好似冇人睇我既日記咁既....唔......
唔制....>.<"

>>September 26, 2003 at 1:07:37 PM GMT+8

2003 年 9 月 24 日 星期三 【晴】

今日唔知做過d咩~唔記得左...
好似冇乜野做過.....

記得唔知re堂......
白痴~後面個美人拎左我支水唔俾番我~
咁我當然要要拎番佢d野黎威脅佢gala~
點知佢玩玩下發脾四~低b ga!~
自己玩人先~自己又發脾四~~
冇野牙.....小朋友真係小朋友.....
咁小既事都可以發脾四....唉........低b!~

放學去補習~啦啦啦啦^^
on the way既途中同亞魚傾左陣電話~
哈哈哈~好耐冇同佢傾過計喇~
講左好多搞笑野~呵呵呵~笑到爛咀~^^

佢問我個跳舞比賽幾時先可以搞到~
er.....我都唔知喎....要問番d大粒佬gabor...
我dd細粒佬....唔知咁多野gabor.....呵呵呵呵^^
唔好咁心急喇各位~~要賽既就賽gala~
等多陣tim la >.<"

>>September 26, 2003 at 3:56:34 AM GMT+8

2003 年 9 月 23 日 星期二 【晴】

星期三........
點解人地d星期三咁忙~而我既星期三會得閒到咁......
好無聊呢.......>.<

今日坐到patpat都痛埋~4堂空堂~
都唔知做咩好....
好辛苦先hea先哂d四堂.....
下個星期要中文同hist test~
都唔知溫邊個先好....
澄中文又唔想溫~好鬼悶~
溫溫下又想溫hist------>我居然會溫hist.....奇蹟喇!!!!
想唔知自己想點~

兩堂h.bio~自己一個人去左hall底~
個環境都唔錯~幾舒服~又冇人~勁靜~
係得閒無事會有d亞嬸係度行黎行去~
一個唔錯既地方!!!!
不過有樣野最衰既就係....好多蚊......
我隻腳有佛俾蚊針~鬼咁痕~
R又唔係~唔R又唔係~都唔知點算~
好彩我都唔弱~踩死左一隻~哈哈哈哈~問你怕未!!!!^^

好辛苦知再堂埋兩堂中史~去library~哈哈~睇scmp~幾好睇~
原來我都睇得明d報紙講咩~gd~~~~^^

今日lunch出左去食飯~激死我喇~
間金輪今日唔知做乜鬼~
明明我地已經係最早既學生黎gala~
叫完野食~其他人都食哂~我d野都仲未黎~
玩咩~想我遲到呀???shit~好嬲呀~>.<"
搞到我要食得勁快~用幾分鐘食完d野~
仲要冇時間"散步"
要步番學校~
最慘就係嫻~佢未開locker~條key又係我班房~死未.....
仆番上去拎key....再落番去開locker~
玩我........play me????


>>September 26, 2003 at 3:49:41 AM GMT+8

2003 年 9 月 22 日 星期一 【微冷】

今日既天氣都係涼涼地~好舒服呢~^^
今日成8點先出門口~有d遲~不過我都仲係慢慢咁行番去~
但係行行下發覺好似真係有可能會遲到~
哈~好搞笑~

朝早有dict喎~見到我地班d人有好多都一係唔背~一係出貓~一係就未背哂~
好搞笑~點解佢地可以咁既!!??雖然唔計分jei~都唔駛連背書都唔背牙........
不過都見慣見熟............都唔係第一次係咁gala.........哈...

今日派番日果個maths test~唉......
錯左好多好唔應該錯既野~咁就俾人扣左1.5分~唔制牙>.<"
我下次一定唔要再俾到野個miss衛扣gala~哼!~
扣我分!!?未死過牙>.<"

上再兩堂eng堂~唉...又教tense~
嘩~我d英文真係...屎到爆燈~連d tense都未識齊~
真係唔知點解自己可以升到f.5.............
自己連小學要識既野我都未識齊....真係.....唉.....好樣衰....>.<"
我要加油!!!!!!!!!~^^

**點解我會咁懶既....!!??唔制.....>.<"

>>September 24, 2003 at 5:57:16 AM GMT+8

2003 年 9 月 21 日 星期日 【微冷】

今日好cool喎~woo~~~~秋天終於黎喇~yeah^^

今朝食飽飽~就慢慢咁行番學~好舒服~
又唔駛好趕咁行~----->其實平時都唔趕~不過都會行得好快~唔知點解~/.\
哈哈~好鐘意dd涼涼地既天氣~好舒服~又唔係好凍~又唔會好熱~正~
可以好enjoy咁感受既秋天既氣息~真係好^^

今日都係咁喇~又係上堂上堂上堂~
第一次空堂~終於可以唔駛再係班房俾人嘈住喇~good~~~~
坐我隔離果個女仔zoey病左~早退~
冇左佢係隔離~有好多野想問都唔知可以問邊個~
有d唔習慣~我平時又有好多野要問~原來冇左佢~都有dd寂寞gabor.....>.<"
希望佢快d好番喇~^^

放學前有個gap堂~去左hall~
今日有d咩演奏會喎~其實咪又係miss張管樂團既pomote會~
想d人聽完個演奏會之後參加佢既管樂團~有多d學費收~
係d低b仔先會去參加gajama~傻ga!~
不過又真係幾 好睇既個show~d人d look又勁搞野~笑死~
哈哈哈哈~~~~


>>September 24, 2003 at 5:47:46 AM GMT+8

2003 年 9 月 20 日 星期六 【溫暖】

今朝12點幾就俾人d電視聲嘈醒左~好嬲~訓唔番....../.\

起身睇番琴晚新秀個錄影帶~shit~
d人都唱得幾.....屎gabor........
勁憎個兩個一男一女~跳拉丁舞果兩個~
好嘔心~似跳開艷舞~一個似鴨一個似雞~勁襯喇~

食屎....有黃依汶......人妖.............著到勁sm~唔好著好冇!!??
之後3強都ok~不過一睇就知拎季軍果個男人係拎季軍~把聲都唔夠人唱~
冠軍果個真係唱得幾好~gd呀!!!~要高有高~要低有低~唱"多得他"真係好唱得好正~
有前途喇~哈哈哈哈^^

睇完出去飲茶~要我去搵位喎~搞錯呀>.<"
本來今日稔住開開心心成家人都飲茶.......點知因為老豆咩咩咩........所以佢走左~
得番3個人飲茶~唉.....雖然老豆有時係好煩....成日依依哦哦......
不過佢都好鍚我既~@.@
見到佢唔開心~我都會唔開心ga.....
希望佢快d開心番喇.....>.<"

食食下野~頂~出面落大雨~仲要係行哂雷果隻喎....
玩咩....冇帶遮呀........
食完...出面仲好大雨~食左好耐~都係走喇~
行左陣大中~頂硬上3母女冒雨行去搭71b......好多人.....
之後一齊去買送~哈哈哈哈~~好似好溫馨咁tim............

聽日又要番學~如果唔落雨..就好喇....@.@

>>September 21, 2003 at 1:21:16 PM GMT+8

2003 年 9 月 19 日 星期五 【清涼】

今日好很熱..................駛唔駛熱成咁牙..........唔駛本咩!!??

下晝做野做~係屋企執下d notes~執下野咁~
發現自己d野都幾亂~d野周圍擺~
廳又有~房又有~書櫃又有~d箱又有~d凳又有~
總之有空位既地方就會搵到我d野~
哈哈哈哈哈~終於明白點解亞媽成日話我d野亂咁擺....冇手尾......
不過其實執好之後冇幾耐咪又係亂過~都唔知執黎做咩..............
執完又會唔記得d野擺左係邊~咪又係煩~>.<"

夜晚同亞媽同埋佢d朋友仔去左bbq~呵呵呵呵^^
佢左......唔知果頭叫咩~係那打素後面d小村入面~
要行上山~而家先知有個咁既地方~仲要係有人住gabor!~
低b ga!~果度勁多狗~仲要係至樣衰果d狗喎~一見到人就會吠ga~好得人驚ga>.<"
去到亞媽個fd屋企~佢地養果兩隻狗已經係門口同我地say hi~勁得人驚........
不過個主人一叫佢地收聲~真係收埋聲喎~呵呵呵~
狗真係(大埔)忠心既朋友^^

成夜bbq都俾d狗圍~雖然我兩隻~仲要係好乖~冇吠~不過都驚驚地...............
大佬~狗黎gabor~唔驚就假喇!~
係d個bbq過程中~巧遇葉太孚同學~原來佢係住係果度gabor~
仲一齊bbq tim~哈哈哈哈^^

燒到12點幾就走lu~係番屋企既途中~巧遇上d個大威叔叔~
咁夜先番屋企~壞孩子!!!!!!
行到埋黎~勁想打佢~
所以就用手上果把扇細細力咁打左佢一野~廢事佢喊~
點知我就俾人大大力咁打左一大拳~
有冇搞野!!!~夜麻麻俾人打左一拳~有d唔鋸~
下次我一定唔會細細力gala!!!!!!~哼~>.<"

>>September 21, 2003 at 1:08:58 PM GMT+8

2003 年 9 月 18 日 星期四 【清涼】

又係一個happy friday~yeah^^

好唔容易先頂到星期5~日日都勁眼訓~
今日都唔例外!~我打喊露仲多過人地食飯喇~呵呵呵呵^^

低能ga!~今朝要assamble~企左勁耐~起碼成半個鐘喇~
個張世偉又講勁多野~勁串今年d學生會~笑死~
之後d學生會又係度宣傳~d人又勁串其他內閣~
係咁你串我我串你~嘩~好有火藥味喎............唔好咁喇~
要相親相愛gama~古sir話齋~^^

講起古sir~今日上堂勁搞笑~一上堂就同我一樣打喊露~
打喊露本來就冇乜特別~不過古sir就寧舍搞野~
就住支咪打喊露~咩聲都聽到哂~哈哈哈哈~~
我仲問左佢一句~"古sir~你好眼訓呀??"
佢話係喎~話d排好多野做喎~所以唔夠訓喎!~
一講到d句~d人當然打蛇隨棍上~乘機叫古仔唔好上堂喇~
不過古仔.......當然唔會就犯喇!!~哈哈哈哈~

晏晝去左打保齡~yeah^^
好耐冇玩喇~不過今年得兩堂咋..........學校勁孤寒>.<"
去到啟德~嘩..........好荒蕪喎................冇人既............
唉....想當年佢d度真係勁繁華....而家.....人影都唔多隻.......
不過話時話~新機場未用之前...我都好似冇黎過.......>.<"
打到d手指好累~有d痛~不過好玩^^
食屎ga!~steven第一次打~佢唔識~教佢喇~
點知之後佢愈打愈勁~仲高分過我tim~唔制~>.<"
下次我要勁過佢!!!!!!!!!!!!!


>>September 20, 2003 at 8:31:15 AM GMT+8

2003 年 9 月 17 日 星期三 【清涼】

今日好熱.................
熱死人喇>.<"

今日又係一個double既日子~
double h.bio~double hist~double 中文.......
悶死......
最慘就係上hist堂果陣俾d學生會d人入黎宣傳~徙哂我d hist堂時間~
hist堂對我黎講好寶貴gama~徙哂d時間......

夜晚第一次去補習~真係咁大個女第一次去補習~有d緊張~唔知要做d咩.....
去到~等左ok耐~先開始.....
個亞sir一入黎...oh.................又係一個懶係young既老坑.....仲要帶有colour既眼鏡.......
發覺佢同raymond冇乜分別~都係一個懶young懶好笑既老野......shit~
佢成堂我稔都用左3分一既時間講："ok,right?", "ok???"
ok左成堂~都唔知佢想點...........
不過教得都ok好~起碼我可以發現自己d洋文真係差到無倫...........shit.......

番屋企果陣~稔緊d野
真係日頭唔好講人~夜晚唔好稔鬼~
真係撞鬼呀!!!!~>.<"

>>September 18, 2003 at 2:07:52 PM GMT+8