2005 年 9 月 25 日 星期日 【驟雨】

晴：





今日一朝早起身打元朗盃，fan唔記得拎野上返去拎，我等緊佢o個陣見到架610度有個傻佬訓緊覺，即刻拉佢落車，嘻嘻，多個人陪我去。跟住換衫熱身猜波，好廢廢到嘔，第一場打得麻麻，開3球波，失2球，頹到爆炸。win 盧幹庭。睇左陣波..匯進vs協毅，打足3局，睇左2局就去食野，頂唔順，好餓。食米粉，好味，好鐘意。食埋水晶涼粉，好好味。跟住返去睇波，等左好耐好耐先到我地打第2場。vs匯進，對包包，積極左，專注左，有得守波，其實我好鐘意守波，雖然守得不太好，但係我會盡力，我會去練我d反應。最後win 。睇仁青vs盧幹庭，又係好刺激的一場，盧幹庭win，跟住拿拿聲沖涼，舒服晒。等頒獎，嘻嘻，影下相禁

打一次o係屯青打正選而win，好唔知點，初初跟佢地出去打波，真係好唔知點，有時真係唔想跟，因為始終都係好遠。但係我由初初第一場連走位都未識到而家可以打正選位，呢一年既得著，真係好彩當初無放棄禁跟佢地出去，雖然落場既機會唔多，但係每次o個短短幾分都迫使我不斷禁去進步，好多謝你地o係呢一年令到我去成長。我之前成日覺得跟佢地打比賽，就算贏都唔關我事，但係今次我真係好深感受，因為我真係慢慢禁去成熟緊，allen 同阿tin 叫我講下有咩得著，我講左幾粒字已經哭緊，我真係覺得今日我可以代表小屯青打元朗盃打到正選，我真係落左好多心機落去，雖然話我未係做得最好。但係我已經好盡力，同埋我唔知我下年仲可唔可以打大搥，定還是打setter，落既功夫又要重新開始過，但係我相信我係得，只要我唔放棄。

屯青們，多謝你地!!!!!!!!!

------

ps.明天又要練青苗了!!!!!跟住就休息。

>>September 25, 2005 at 10:13:11 PM GMT+8

2005 年 9 月 24 日 星期六 【寒冷】

晴：




尋晚去練屯青，set波成pat屎禁，做d簡單既野，希望自己d基本功好d，基本功好先可以繼續玩落去，last 15 mins 開game wif 大o個班，好驚，好淆，想死。今朝去左青苗，少人都爆炸，8丁友，阿草仲要傷左，青苗係好好既時間俾自己去get返d野，好開心，因為好enjoy o個度d人，跟住沖澡之後，同fan去椰林閣食野，好鬼飽，跟住買左個奶撻俾愛人，同fan分開，搭車去協青，去到佢地開緊game，跟住佢地做體能，等埋佢沖身同換衫，就一齊去屯市行左陣，買左件衫，good死左，跟住就返歸，去租碟睇，好搞笑，跟住好大雨，兩個低B人o係條街度鬥大聲講野，嘻嘻，搞笑死，個個都望住我地，返到屋企做左陣maths，就睇碟，好搞笑，有好多笑位，好想訓覺，但係愛人話打俾我，但係最終都無，又失望。同mama& brother 食飯，好耐無試過!!!!!

------

昨天失望透了，沒有人遵守承諾，
但是昨晚有人特意走來送我回家，有點兒幸福的感覺。

10個月的時間，不是白廢。

------

ps.明天元朗盃。

>>September 24, 2005 at 9:40:31 PM GMT+8

2005 年 9 月 22 日 星期四 【晴】

晴：




今日好疲倦，但係我領悟到好多野。
其實上到中四，d野唔係話太難，但係我有無心去讀好佢就係另一件事。
無心讀，咩都係假。
好enjoy每日放學個腦都好累，因為個腦充滿晒知識。
一出學校門口就會見到一個我最愛既人，好幸福
咩辛苦都無晒。
記得今日上聖經o個陣，我揀左婚姻做第一
Tracy 問我點解，因為我覺得無論我做咩都好
身後面都會有人同我分擔，唔使我自己一個，
我好怕孤獨，我唔鐘意禁。我鐘意有多好人錫自己。

幾個鐘之後，我地就10個月，時間越耐代表d咩??
但係好有信心，因為大家個目標係一樣，一樣禁去愛對方
10個月話長唔長，話短唔短，我唔可以話你係我最深刻o個個，
但係一定係我最愛o個個。多謝你。

放棄了今年學界，因為我真係無禁多時間去做禁多野
1week 2次既青苗已經霸左我好多時間，
我唔可以唔理我既學業，我唔可以再玩玩下禁。
但係我好唔捨得，因為我再無機會打學界
學界俾我好多好唔好既回憶，但係帶俾我好多野。

------
今朝訓醒，好眼訓，搞掂晒d野就o係梳化度訓著左，
嘻嘻，好彩愛人打黎叫醒左我，跟住一齊返學
早會好耐，好熱，好憫，日日都係禁
中文x2，我好鐘意上ms 張班，因為會學到好多野，功課好多
地理，都好鐘意上，知道左好多野
小息，幫下人抄功課，又做左陣中文
聖經，boring
英文，好悶，好憫，唔知佢講咩，今日都好d，only對答案
經濟，空堂，做下中文，又做下maths禁
Lunch 又係獨自歸家，好想有唔同
Reading，唔錯唔錯
會計，學pretty cash，好亂，但係都ok明
數學，計到人都顛，補課補到4:35度
走人去投票，嘻嘻，聯合閣
跟住同愛人去食西柚雪糕，好好味，佢就送我返屋企。

------

ps.Loving you!!!!

>>September 22, 2005 at 8:09:11 PM GMT+8

2005 年 9 月 20 日 星期二 【晴】

晴：



今日朝早唔肯起身，起身o個陣，好憤怒，有人尋晚cut 我線。

------

上堂都ok，捱到過，reading 堂就超累，趴o係度訓著，第一次。跟住放學俾班會費ms 張，跟住就走人，愛人接我，有點兒驚喜，因為諗住我接佢。跟住就返屋企，訓覺，o係梳化訓著左，訓到7點，brother 返黎先識醒，仲有我好白癡。

身體健康，我都好想。

------

ps.誰能告訴我??

>>September 20, 2005 at 8:49:18 PM GMT+8

2005 年 9 月 18 日 星期日 【晴】

晴：




尋日青苗，好少人，感覺幾好，跟住屯青影相，夜晚同細佬慶祝完生日，等愛人補埋習，佢拎月餅俾mama，跟住去左屯門睇戲，發誓以後都唔去，好辛苦，套戲麻麻，比想像中差，但係部機械人好正，我都好想要，可以唔使出街，跟住周圍行下，佢就送我返屋企。第一個中秋!!!!!

------

今朝6點幾紮醒，尋晚好累，一訓就訓著，跟住好慢禁執好晒d野，買左個包，淨係食條腸，無胃口，元朗盃，第一場對唔知咩，好輕鬆，跟住傾返，allen 同我分析左好多野，其實我真係唔開心，因為之前既野浪費晒，但係我會去試，跟住去試m記新出o個個，好味我覺得。跟住返館，睇男仔，好鬼刺激。跟住2點到我地...vs協毅，好專心，我知我速度慢，我已經希望做得好d，失3分，3分都係開波，shittttttt.......我要苦練返。第一局已經出事，我打完球大搥之後，對面18同人地撞埋一齊，傷左。o嘴，第一次。唔知佢有無事呢.....跟住睇左少少就走人，上左愛人屋企，其實我好驚，跟住返屋企，佢出婆婆度，撞到allen ，去人地度做節。

愛人今日遲到，無奈爆!!!!!

------

ps.allen 講d野...好岩。我接收晒。

>>September 18, 2005 at 11:21:38 PM GMT+8

2005 年 9 月 17 日 星期六 【晴】

晴：




這個星期過得很辛苦，身體機能很差，差極了。

------

激嬲了教練，很內咎。

>>September 17, 2005 at 8:06:14 PM GMT+8

2005 年 9 月 15 日 星期四 【晴】

地老天荒愛　從來沒變改
情緣是你的　不管多曲折　始終都會來

＊貌有一些變　情濃沒有改
　苦困中相顧　劫難裏相扶　不死的真愛

　情重互愛惜　情誼同珍惜
　銀河月與星　光照這段情　至死不變改＊

動聽的歌韻　常留在我心　最苦亦最甘
戀愛最動人　歡欣苦裏尋　不死的真愛

REPEAT＊

日向東方掛　從來沒變改
傳奇天般老　更邁向將來　不死的真愛
傳奇天般老　更邁向將來　不死的真愛

>>September 15, 2005 at 8:07:05 PM GMT+8

2005 年 9 月 14 日 星期三 【晴】

晴：



沒有上學的一天，但是下晝上學，不想浪費金錢。

------

一朝都無事，但係食食下早餐，就開始痛，知出事啦!!!!!
愛人都黎接我，諗住應該可以捱到返學，所以就落樓準備返學，
但係搭lift o個陣，成個人已經無晒力，又多人，空氣又唔流通，
跟住行出大堂，對眼開始係野係黑+黃既雪花，成身又標冷汗，嚇死左愛人，
因為我支持唔到，所以死返屋企，等lift期間好辛苦，一打開眼又係雪花，
o係禁出汗，又無力去抹，初初見到愛人個影，但係慢慢都睇唔到。
上到樓，差d暈左o係屋企門口，mama扶我返房，即係換衫訓，希望訓著就無事，
個身係勁凍，d汗加埋開冷氣係超凍，連枕頭都濕晒。
mama+baba 都係勁關心我，好辛苦，好痛，點解我要o係女仔。
個個月一痛都要o係張床度等d止痛藥有效，先唔會痛。
好想死，lunch ，同愛人傾左陣，佢勸我唔好返學，因為o個陣都係超眼花。
但係唔想miss左兩堂電腦，死返去，拎遮遮太陽，成個阿婆禁，
無計，俾太陽曬會暈，好驚會暈o係條街度無人理，
最後安全，上埋兩堂，愛人接，有兩盒朱古力+寶礦力，舒服好多。
跟住愛人就送我返屋企。


------

ps.對不起，讓你擔心我了。

>>September 14, 2005 at 7:38:24 PM GMT+8

2005 年 9 月 13 日 星期二 【晴】

晴：



上學天，很累，很熱。又要keep住留心，加油啦劉雅晴。

尋晚練青苗，仲可以應付到，好好玩，雖然無咩點練，但係笑得好開心。好似好耐無試過
練完上愛人度沖涼，玩左陣，佢就送我歸家，訓覺。


------

ps.討厭的人，不要在我面前出現，好討厭你。

>>September 13, 2005 at 8:32:40 PM GMT+8

2005 年 9 月 11 日 星期日 【晴】

晴：



尋日唱K日.....好爽，好好玩，嗌歌，顛晒。
但係任性地淋雨了，頭痛，心酸，難忘，請你待我更好。

夜晚睇鐵達尼，又哭了，睇完成套戲之後，o係間房度喊，
諗返今日既野，再諗下鐵達尼，我唔知我得返幾耐，我唔想浪費每一天，
珍惜你，希望你都會一樣了。
------

今日7點起身去元朗打元朗盃，好鬼眼訓，
好容易地勝利了，陣容很搞笑。
我d掂網好耐都無返黎啦，今日梗係成日人癡左落個網度.....Goddd!!!!
愛人黎搵我，跟住無野做，又未夠鐘練波，
去左m記食左個早餐，跟住又提議去唱K了，
嘻嘻，又是正的，野食好好味，又嗌，又發顛了我倆。
但是愛人發燒，好擔心，有時情願病o個個係自己。因為已經病得麻木
跟住買左件衫就搭車返屋企，換衫落去搵返愛人
佢陪我去體育館跟住佢就走，途中同個細路仔玩，好得意，
4-7 屯青....個人為主，我真係想我郁得快d....我要強強強!!!!!!
好耐無做體能..差晒，not too good....聽日仲要練青苗...加油吧啦劉雅晴。

------

ps.今日的我過得很快樂!!!!!

>>September 11, 2005 at 9:06:02 PM GMT+8