2006 年 2 月 16 日 星期四 【晴】

晴：




今天的心情不錯，上堂也蠻快樂
跟周圍的人聊天，感覺很好
笑容也增加

情人節以來，心情一直不能平復
不知為何，笑容不直不願意出現

pe堂很快樂，在陽光下踢足球
好像很久沒有試過，這些日子還可以有幾多次
跟一眾好友踢波，雖然我們都是兒戲
可是這就是快樂，是最簡單，最直接
笑容也輕易流露在每個人的臉上
我就是喜歡這些。

看來，我們還需堅固一點................................. :]

>>February 16, 2006 at 8:43:22 PM GMT+8

2006 年 2 月 15 日 星期三 【暴雨】

晴：





跟他渡過了第二個情人節
相比之下，失落，不快樂
心知道他是不會製造驚喜，他在這方面是比較遲緩
可是我仍愛他，不論什麼我仍是愛他

無論我對情人節的期望是多高
總覺得情人節是應該跟情人過，無論我的口是這樣硬
我已花盡心思，希望給他一個難忘的情人節
我曾告訴自己，不要失望
可是看到別人的一雙一對，心中的滋味不是普通人能感受

可是，過了就是過了，我的付出希望他能感受到
為何其他情侶能感受情人節的氣氛而我沒有??不知道
可能我表面是滿不在乎
但我仍是一個普通女孩子.........


上課天，很累很不習慣。

>>February 15, 2006 at 9:33:38 PM GMT+8

2006 年 2 月 13 日 星期一 【晴】

晴：



兩日既陸運會終於都完左
我兩隻腳都宣告死亡

今朝可以5點半先起身
跟住等埋佢地，7點去到
就開始整野，今次無禁忙，可能我地塊banner成塊放入去
點完名就要跑100決，睇埋100m欄先
我地有個社員要入醫院，因為骨折，希望佢快d無事
臨跑之前我見到我地個雪糕筒竟然最尾
激發我跑，我跑到第二，太好
因為初賽我既成績係第四，有進步
我無抽足筋所以搞到拉親大脾筋，超痛
勁搽野，超臭，跟住等多半個鐘又跑200決
keep到第二，都唔錯，成績，因為我大脾太痛
跟住就等拔河，vs moody
lose 2:1，悲傷，得第三，完全無諗過
拔完手掌抽筋，超痛
第一次安慰人自己會一齊喊，太無奈
lunch 又係食左4分1，我真係食唔落
買左banana，唔錯
下晝點完名就跑4x100社，得第3
比我地既預期中差，但係大家都盡晒力，何況大家都周身傷

閉幕，我們keep唔到上年既第一
今年我感觸好多，可能因為自己真係好俾心機準備呢個sport day
無奈我地社d社員唔夠人地強就係禁
如果有多幾個李偉輝，你話幾好
我地大家都好盡力，但係真係未夠好
安排上既混亂，係我好好既經驗
我好想我升到上中6，做社長
希望可以繼續帶領個社
如果唔得，今年就係我最後一年做社職
好唔捨得，每年都會排o係下面，有時諗
幫自己個社總好過成日唔知做咩
我真係好愛spurgeon，有d人甚至話我瘋狂
我就係禁，唔知點解由F.1 開始已經係禁
我會好緊張spurgeon既成績，我會用盡我自己去幫個社
因為我覺得社好，我既價值就o係返度
anyway，完晒，我下年都無可能係社職
但願下年仲可以返去幫手
Spurgeon !!!!!!等我多兩年。


BTW，其實我好想拎個人
我知今年應該係我最FIT既一年
我唔知我既身體仲可以應付我跑多幾多年
我長跑已經唔敢報，因為我知我條氣管已經差左好多
400M 已經係我既極限，我唔可以再多
但係我始終唔夠其他人黎，我係慢就慢
特別是係100同200，唔夠人快就係唔夠
唔似長跑係靠長氣，兩者各有難度
我選擇前者，因為我仲要趁我OK就跑盡佢
個人輸俾張樂欣，我無悔，因為佢真係強
大家都係為SPURGEON，我同佢就係長氣同爆既分別
我真係好鐘意好鐘意跑步，我要養返好我既身體!!!!!!!!!


我真係真係好想可以拎個金牌送俾李生
我真係好盡力，但係都唔得
佢跳遠第一送左俾我，而我只可以送個銀牌俾佢
我覺得自己好無用。

女乙
100--第二
200--第二
跳遠--第三
4X400--第三
4X100--第三

點解我禁唔爭氣............



PS.今日李生黎接我
我LUNCH講下笑叫佢跑黎接我
點知佢真係由大興跑去天水圍接我
佢仲拍低左片，佢太傻，其實我好感動.....

>>February 13, 2006 at 8:49:48 PM GMT+8

2006 年 2 月 12 日 星期日 【晴】

晴：





昨天陪李生到市鎮公園睇花燈，好多人
跟住陪baba食飯，食完即興又去睇
無奈爆，但係真係幾難得


今天是元宵佳節
早上到李生屋企，點知佢話煮野俾我食
我煮公仔麵，佢整餃子
好味，最後我煮湯圓，又話佢整
都好好味，跟住就出市中心行左陣
想買褲又唔岩，李生試左，唔錯
跟住就BK HM EAT DINNER，好似好耐無返過屋企食禁
老實講，真係。


PS.SPURGEON 明天努力。

>>February 12, 2006 at 8:54:10 PM GMT+8

2006 年 2 月 10 日 星期五 【晴】

晴：





SPORT DAY 第一日*

5點鐘起身，訓得好安穩，可能因為好累
好凍，換衫都好凍，天都未光
5點半度出門口，去7-11買早餐
飲O個杯熱飲差D激死我，無奈死
去到後門未開，走去前門都未開
等到PING釗黎，佢地成班嗌醒個保安
叫保安開門，我地成班上社LOCK搬野
跟住我同PING釗去天台睇下有無野漏，上到去勁黑
超驚，PING釗拖住我去開燈，應該都無咩野漏
跟住行去搭車，我搵唔到銀包，諗住行返屋企拎
點知行到一半搵返，如果唔係我之前邊有錢買早餐
去返大興南JOIN 佢地，超白癡
去到兆康班啦啦女上車，超迫

去到天水圍，好忙禁整野
同班HELPER&競文整BANNER，拼完拼圖
就等車黎，車黎個個都好似打扙禁
忙到嘔，我好勞氣，差D鬧人，好彩都搞掂
開幕禮完左就開始比賽
200M 先，笑死我，嘉怡同笑瑤
小組第2，總成績第2入決賽，希望星期一OKAY
跟住周圍CALL人，上晝好想過左
拔河對LUTHER，WIN 2:1，好險，好驚
第三次我做最後O個個，我拔完驚到喊
超驚，今年又超煩，要著長衫同戴手套
LUNCH 同社職佢地食
下晝開始激忙，100M同跳遠撞左
100M小組第一，無聽到入唔入到決賽，應該都OK
即刻沖去跳遠，去到最後一跳，好驚
跳到3.86米，入到FINAL
但係FINAL 最後跳到3.77米ONLY<----好似
第三，得銅，跳完就沖去換衫跑4X400社
好驚，第一次跑，LO婉好勁，交棒TO ME O個陣跑第3
我話俾自己知我係責任係要KEEP住第三俾樂欣
最後都OK，跟住就坐O係草地抽筋，好痛
搞左好耐仲抽緊，要訓床入醫療室
搽左D野好左好多，得知4X400第三，無憾
因為其他隊都好強，我地可以拎到都好勁
拔河輸左.....我無得拔，星期一我會返黎
跟住返去幫手執野，好彩有PING釗俾我PACK野
好彩可以將成場BANNER 放入入面
好彩李生黎左接我

同李生去頌富食DINNER
五十嵐打邊爐，好抵打，送壽司送天婦羅送小食
都OK 多野食，有蜆添
2粒鐘食得超飽，跟住就搭車返屋企
751搭過左站，搭左去蔡意橋，因為我地大家都訓著左
我真係好累，返到屋企澡都無沖就訓

訓到半夜又抽筋，SHITTTTTTTTTT，痛到喊




SPURGEON 真係要加油，唔可以輸

我星期一應該有100M決，200M決，拔河同4X100社
我都要加油。

>>February 11, 2006 at 9:22:52 PM GMT+8

2006 年 2 月 9 日 星期四 【晴】

晴：




好忙，累到嘔，星期一O個陣個社仲有超多野未OKAY
BANNER係好多未整，好彩我地同HELPER努力，合力O係今日完成晒
D風車好靚，真係識郁，要睇下，真係好靚
希望聽日唔好落雨
尋日做到8點幾先走，VERY TIRED
今日PACK 箱 PACK 到暈，好多野，真係好多。
希望聽日咩都順利，唔好禁凍





SPURGEON IS THE BEST!!!!!!!!!!!!!!!

>>February 9, 2006 at 7:31:36 PM GMT+8

2006 年 2 月 5 日 星期日 【晴】

晴：



岩岩bk hm，好累，但係心靈上好滿足

------

3號朝起身，join 李生去搭960
好耐無見，好似有d唔知點，不過好期待
去國金m記食左少少野，李生仲撞到佢表哥
又要搭船，好貴既，不過超快囉係
入到去，原來大過南丫島好多，行左陣
就去拎key，間房都唔錯，個海景令我嘩一聲
跟住訓左陣就出去食野買零食o個d
仲買左strawberry，買完就返屋企睇左陣電視
落去食飯，海鮮餐
有我最鐘意既瀨尿蝦，芝士蟹同聖子
好好味，兩個人岩岩好
行過諗住買糖水，最後都無
bk hm 沖澡睇電視，10點出去食宵夜
好多野食，好味
訓唔著，搞醒左李生，最後都慢慢訓著

第二朝第一次醒7點，真正醒就10點
沖埋澡落街食野，食牛肉粥同炸兩，好味
周圍行買左芒果糯米滋食，好味
正，去左行山，幾好玩
去左吉野太太度食野，好relax，正
諗住落沙灘，點知無，hea到睇埋少林足球先出去
買左好多野食，有三文魚食，正
食完就訓，點知成3點幾先訓得著
本身諗住6點飲早茶，點知我都係唔得
訓到10點幾，沖完澡就退房
買左勁多野食上船食，但係都係好暈...
跟住李生買左隻GAME TO ME...太好
好累地搭960返屋企，又要返學。

>>February 9, 2006 at 7:25:24 PM GMT+8

2006 年 2 月 2 日 星期四 【晴】

晴：




i 'm back. thx for everyone's sms.
i am okay now.

------

等我簡單記下發生過咩事

年28
bk sch help spurgeon
跟住同李生出去搵社衫
可惜真係好難搵，行到超累
夜晚過左去維園行花市，超多人
好多野睇，好彩無落雨
有李生保護我，有花收，送野俾auntie，我屋企都有
bk hm after dinner in小巴黎，960，哭
我也不知道原因，不捨或是驚慌??我真的不知道
很累，sms一會便已睡著，真的

年29
很早就俾人叫醒，要返大陸
微微雨的天氣，叫人難受
心情跟上年一樣沈重，兩年新年也一樣，是宿命嗎??
過關很快，搭的士也得快，回到麻麻處
唯一的精神支柱是冰冰，我真的很喜歡她
小睡了一會，5點就食晚飯，可怕，吃不下
沖澡，睇電視便睡，phone wif Li 1分鐘
睡得不酣，常給爆竹聲嘈醒

年初1
10時多起床到酒樓飲茶
不太好食，芋頭包很好吃，我整家人10人吃掉5籠
其實的很不太想吃
下午睡了一會，姑姐回到說我瘦得多
可能是吧。
晚飯吃掉半碗就不想食
跟冰冰玩，冰冰很為食，為了吃我口中的朱古力竟親我
太可愛了，晚上獨自一人入睡
phone to Li .but he always miss my call.

年初2
又是10點幾起身，食粥，清下腸胃
無無聊聊又是一早上
下晝過婆婆處，冰冰哭
過得婆婆度有超多利是，有表妹們
仿佛心情不錯
笑容終於出現在面上

年初3
好早醒左，表妹們去佢地婆婆度
baba & brother 過去麻麻度
我就訓覺，2 phones to Li
讓我再一次陷入，好賤格，wtf
我話想去長洲，李生話佢搞掂
晚上也是哭過不停

年初4
無咩野做，平淡禁過左

年初5
起身同麻麻o個d飲茶
play wif 冰冰，買左超多海鮮bk婆婆度
兩個表妹走左，同最細既玩，買野食俾佢
夜晚餐飯我食左成20隻生蠔，好正
我學識左打麻雀，7點幾等架車黎就去過關
都好快，不過要狂奔，未過香港關，李生已經打黎
跟住搭亡命小巴返屋企，傾左好耐電話。

tmr入長洲住2days。

------

anyways，今次新年假我又係過得唔開心
希望下年唔會再係禁。

>>February 5, 2006 at 6:12:28 PM GMT+8

2006 年 1 月 31 日 星期二 【晴】

初三，赤口，所以唔錄日記！
初三使我難堪……
你知道我真的很愛你嗎？？以往是，現在也是……從來沒有變過，我承認我是任性、貪玩，但我心裏卻一路有你！
你知道你那句 "我不想這樣過" 使我多麼的心痛…你想離開我嗎？以往你想我怎樣我就怎樣，為何還想拋下我？？難道你忘了我倆的六十誠諾嗎？你怎何捨得拋下我呢?

P.S. 請給我多點時間再次去證明我對你的愛！請不要拋下我……你想我怎樣，我必定會盡心盡力地去達到你的要求 !我甚麼也可以不要，但我不能沒有了你！

>>February 1, 2006 at 11:36:03 PM GMT+8

2006 年 1 月 30 日 星期一 【晴】

線上收聽:


連結下載 - http://www.files.bz/files/2093/dairy3.mp3

>>January 31, 2006 at 1:23:24 PM GMT+8