2005 年 4 月 23 日 星期六 【晴】

::::::::::::::::::::::::: Simple day :::::::::::::::::::::::::::

琴晚又發惡夢了，在夢中嚇得哭了起來...... :(

九點起身，返教會。今天其中一首詩歌很好聽ar~~ ^^
主日學講聖經的真確性，有點上中西史的味道，講經卷係有證史料，而且首尾呼應(令我想起中文tim~)。
買左盒飯上去食，等錢生來試音。
之前同恩沛唱Be thou my vision，很久沒唱alto了，幸好還記得部分，結尾就差左少少la~:p

錢生黎左，唔知點解大家都好「禮讓」wor~hahaaa
黎康信係大家逼之下第一個去試，之後恩沛同我。
錢生話民生choir既(成員)唔駛試都掂ga la( 哈哈~咁睇得起ar~)，不過唱三一頌把聲間中不太穩定，臨尾個high G差d上唔到~:p

Leo要返去練tone ex.，錢生推介快樂頌同三一頌(因為有齊do re me fa so la te do)，
因為識彈琴既都走晒/去開會，我彈單音lor，錢生好勁ar，問我係乜調( G major)就即刻唱到首歌la，而且音極準!
佢話:呢d就係o係民生(choir)學ga la，o個時我地個老師好嚴。
我以為係莊sir，原來比莊sir早一任tim~上海音樂學院畢業gei，而莊sir就係錢生畢業那一年才來任教。
又了解民生多一點點了~ ^^
不過相比之下，而家民生choir水準似乎每況愈下……
唔知乜原因lu~


去德福過商場幫爸爸交2張抽獎卷，見到樂施會有宣活動，馬拉松音樂會。
剛剛那時段由喇沙小學負責，有個九歲既男仔彈Debussy既曲目(忘了名稱)，彈得很好ar~~
Debussy d歌一向也不易的，才9歲技巧便如此純熟，而且也蠻有感情的。當然不是這樣出眾的話才不會贏了全國鋼琴冠軍。
另一位小朋友，三年級便已考獲七級小提琴了，同樣令人驚訝。

三點走lu。
返到屋企，send左張e-card，張卡不其然使我想到physic的mechanics以前做過的一題有關過山車(無supply電既)的題目，睇黎呢排有點做上腦bor(好事定壞事?!)，但某d concepts依然有點混亂，希望聽日搞掂它吧!(咁就可以主攻chem同econ lu~)

打埋篇日記，瞓一陣就做maths la~

>>April 24, 2005 at 8:44:03 AM GMT+8

2005 年 4 月 22 日 星期五 【晴】

::::::::::::::::::::::::::::: Simple day ::::::::::::::::::::::::::::

今朝八點多才起床，跟媽媽去飲茶，吃了很少東西，沒甚麼胃口。
不知甚的這陣子早上總吃不下東西，儘管我餓得很，吃了又有點想吐的感覺，很無奈。

在家中的efficiency真的很低，整天只温了heat，做了兩份mc。
原本做三份的，前天做多做了一份，phy與maths的mc都完成目標了。
但結果依然讓我憂心得很，做了10年了，不能說很多，但也不少吧!怎麼還錯十多條?!同學們都只錯<10，很擔心……

下午上網print phy mc做時，等printer慢慢印時順道去對昨天做的maths mc。
從icq又得悉有關miss kuby的事，某些解釋有點兒那個吧!
她想的東西恐怕我無法理解。
突然很想離開，其實也不算突然的，去年已有這想法，只是沒那麼強烈。
但只是想想而己，那裡捨得呢??
同學、PA、G.G……太多太多的感情，做不到揮一揮衣袖，不帶走一片雲彩的瀟灑。

又沒補習。其實我很怕，很需要人幫，因為我自己不知道怎樣幫自己。
也許太依賴別人才令自己長不大。
路上有一雙足印(唔計天父那雙)當然是好，不怕寂寞，也不怕孤單。
但當剩下自己，還得向前走，的確很沒安全感，很怕，很多個不知道。
不知道該怎樣走，不知道有否走錯路，不知道目的地……
但還是必須走下去。因為要找另一雙或者更多腳印。
小孩在跌跌碰碰中學會走路，然後在路上快樂的跑跑跳跳。
我也想跑想跳，因為先要學會跌。
還記得學溜冰的第一節課便是學跌，老師故意把我們續一推倒，現在想來也甚有意思。
就放膽讓自己去跌吧!

六點落去鋪頭攞眼鏡，一戴上去有點怕。因為周遭的事物突然大了許多，但一兩個小時後便習慣了。
希望不要再加深了。

爸爸去舊屋同租客簽約，星期一要記住打去pacific轉返地址先lu。
睇<新聞透視>，講新課程的高中中文。很有興趣。
很同意老師們的說法，新課程強調的是運用語文，而沒有舊課程(即係我讀緊o個d~)那樣深入去探討一篇文章。
沒有背誦某程度上是好的，語文不是死記硬背，而是要靈活運用。
但另一方面有些東西必須要先背誦才易於理解。如古詩、詞、文章。
背誦有助理解，因為在背誦的過程中要反覆閱讀才能體味文章的情感、神韻。
就好像釀酒那樣，越久酒便越香醇。
要釀酒就必先把穀物放進酒酲；要了解文章就必先把文章放進心中，讓酵母菌慢慢發揮作用，煉出文章的精華。
就像我們還沒了理解乘數是怎麼一回事時，數學老師便要我們背九因歌。
因為先有背誦，以後運用起來就更得心應手了。
(aiya~無lala好似作文咁~)

同媽媽收鋪。爸爸話出街食飯wor，很飽唷。

希望明天也可完成set好既tasks la~~

>>April 24, 2005 at 8:37:04 AM GMT+8

2005 年 4 月 21 日 星期四 【晴】

::::::::::::::::::Past paper@ Central Library．Queen's College Open day :::::::::::::::

昨晚很早便睡了，因為戴着度數不足的眼鏡眼睛份外疲勞。
早得很好。7:45被柔和的音樂叫醒，係附近間學校既上課鐘聲來的。
自去年九月，它便棄用傳統的「鈴~~~~」的鐘，改播一段短的音樂，頗悅耳的。

食早餐之後就去圖書館了。
今天遲了點，但總沒算遲到。
坐低就開始做琴日做淨既chem section B lu。D mole concept真係唔記得七七八八，大件事了。

之後做maths mc，感覺不錯。
抄緊d model ans時，fung就打黎話佢到左，sorry ar，要你等。

去到就見到vincent，好耐冇見lu~~ ^^
多謝你帶我地四圍參觀ar~~ thanks!!

第一站，禮堂。
裏面好熱鬧哩，原來是公民教育組( the largest organization in QC)同中一跨學科專題研習各組的展板present。
中一的同學每個都好積極咁四圍同來賓介紹，而且d project大部分都做得好詳細，有d水平更可以拿去參加消費文化考察報告獎爭一日長短。而present方法亦甚具創意，四處找人promote佢地既成果，highly appreciate!!!
呢點同民生大部分既學生都好唔同，民生多數都係「害害羞羞」的，唔出聲。

去左草地，係scouts既exhibition centre，有好多好多大型既紮作，如鞦韆、滑輪……
連原野烹飪都有(燒雞同麵包)，好吸引ar。
係我校既girl guides就冇呢d，做左童軍咁多年都只係識基本紮作，好慚愧ar~~
亦好後悔點解當初唔揀校外隊同scouts……
不過唔緊要la，因為學校唔夠野學，先令我自己去~M、去上course，
比一般人花錢同時間，但眼光亦擴闊不少。

之後行左好多地方tim，校園俾我一個好舒服既感覺，建築物得兩層高，冇乜壓迫感，好樸素寧靜。名校就有呢個得點?!當然不是la(下面續)

又睇下天文學會(自己磨三支天文望遠鏡出黎，好勁ar~~)、art club(d畫好靚~~)、各類sports clubs……好多好多，had a great time。

跟住去左lab，chem exp. d term轉左中文，唔係好convert到，哈哈~~(氧化還原作用，redox是也~~)
係bio lab睇解剖老鼠，e~~ vincent負責bor。
原來真係好難ga，不過我真係好有興趣去試~~出年要加油。Hee
係度温返d bio，原來d記憶有d混亂了。O.....

睇完解剖，去左lab後面，有隻好大既活龜ar~~
校工話年年d人摸過佢就10A，6M班(bio group是也~)個個都入HKU醫/similar sub.，又抱下先，好重唷~~
不過我摸完都肯定冇10A，因為考8科ja ma~hahaahaaa
睇完d lab發現民生d lab真係好大好靚ar。要好好珍惜。

做得prefect耐，有職業病。會不自覺咁留意學生既校服。
十分整齊，冇學生唔sip衫ga，又冇染髮，但佢地既校規冇我地咁多咁嚴ga wor。
例如佢地可以帶手機返學係返學後搞活動用，但係我地明明話唔准都好多人帶，
仲要上堂send SMS!
Self-discipline問題……sigh

難道這就是民生同皇仁差一個level既原因?!

之後再返去圖書館做多份maths。對返朝早做既一份，好開心ar，不是因為錯得少(依然有11條呢)，而是我冇粗心大意既錯，真係好開心ga。
一坐低做真係好眼瞓，不過做做下又精神返~ ^^
做完(其實唔夠54條，因為有d無lala print唔到條題目~)就走lu。
行過QC，又撞到vincent~hahaa
今日地鐵好多人tim~:p

搭小巴攞<文藻>出黎睇(QC既中文學會會刋)，文筆十分優美。
得別高級組冠軍的一篇講述校刋(sth like民生聲)一佰周年的文章，由第一個字便深深吸引着我，一字一句一段，都直得細細去咀嚼、去消化，體味當中的情。

曾經，民生聲收錄的一些師兄師姐們的作品也使我有同樣的感覺，如今再看，味道依舊不變，反而體會更深。但那已是小學看到的文章，作者都已大學畢業，出來工作了。
有點慚愧，因為我沒能力去承傳這傳統，我的根基很弱，心有餘而力不足。
這不是謙詞，從做後面中文練習發覺自己的古文根基幾乎是零。
17條只懂得11條，別字練習也有大量不懂，幸好標點改寫過得去。

還是別想太多了。
當務之急是力挽某些科目(如chem, econ)，免得到時「D」填成績單之欄，淚滿5B班啦。

Really thx Vincent for your guiding around the school~~

>>April 22, 2005 at 3:23:23 PM GMT+8

2005 年 4 月 20 日 星期三 【晴】

:::::::::::::::::::::::::::: Past paper @ Central Library ::::::::::::::::::::::::::

又凌晨先瞓了!! (唔得，我真係要早d~~)

8:40彈起身，wa~~~同唔到媽媽去飲茶lu。
迅速換衫，幸好昨晚已執好晒野，攞個袋出門口。
去麥記食左個早餐，夠lu，今日要俾心機~~

去到中央，今日兩個哥哥check tim wor，唔想再講咁多，琴日print左個confirm booking個頁面俾佢睇。
今日又有好多小朋友，佢地真係好可愛ar~

又見到o個個男仔，今日着校服，隱約見到校呔上有個銀色章寫住PREFECT…….?! 不是嘛。
一開門，d人又跑。
我呢D好悠閒咁又~M到單人海景位啦~hee

好開工lu。做一份phy SQ先，沒有marking scheme對答案，但感覺不俗。
做mc lu，10條lor~(我冇氣再講la，次次都聞者傷心gei~)

做chem mc，沒多心情做，做了幾題更沒心機，好像我從沒學過chem似的。
結果，17條，想死。
o個一刻真係灰到………

算la，又做phy SQ，okay易wor。Again, 未對答案ga。
Chem. mc, this time even worse, 20!! My goodness~~~
唔開心所以温中文，又okay smooth wor，完本set本一課gei，不過見咁順就讀多兩課la。
不停的記記記同背背背，文言文d單字解釋真的很難背ar，一課十多二十個。
背返<弔古>先，冇背一排，中間有d句字又唔記得lu，在還有記憶的時候好好再温一次。
記返都不用太多的時間。還沒有心情做chem，無聊到走去默成課<弔古>lor，不過默完又真係對課文熟好多。

Finally start my first chem paper.
Only did section A and it was time to left, 7:00 sth already.
去新蒲崗配眼鏡，如我所料，右眼七百度la，左眼深左50度jei，就黎盲ga la。
放低左副眼鏡俾佢，我要盲2日la。:(
視光師話我pupil既距離比一般人短，得58，普通17歲既人會有63以上ga，
搭的士返屋企先知，原來細個o個陣格離屋有個係母嬰健康院做既姑娘已經話我有惰視，以致pupil既距離咁短……
而家用緊呢副小學時代ga la，得o個300度，而且個size好細，戴左都係睇唔到乜滯，而且仲攰d tim。
不過唔戴的話，真係連做paper既能力都冇，好辛苦ar。
快d到星期六4:30 la，到時就重見光明ga la。

好期待聽日去QC既open day ar~~~

>>April 21, 2005 at 2:10:13 PM GMT+8

2005 年 4 月 19 日 星期二 【晴】

::::::::::::::::::::::::::::::: Simple day(revised) :::::::::::::::::::::::::::::::

琴日好「早」瞓ar，2:00a.m……
事原講QC open day，好o野，有人同我一齊去ar，仲有vincent帶路~~ ^^
跟住望下個HKCEE time table，嚇了一跳。
才發現時日無多，首次有怯的感覺。即刻去set時間表(時為1:00a.m. :p)，好難set ar，因為很多科沒温，也太多past paper沒做，唔理la，我不能再得過且過，做到就做；做唔到就算，一定要跟時間表行事。

辛苦就辛苦；死就死啦。衝左呢兩星期佢~~ ><
再搏盡一星期零四日使人喘不過氣的日子，件事就完滿結束ga la。(是否真的完滿?)
不想太多了，想也沒用。還是柯sir那句好:乜都唔好理，dup低頭做。
我要學習不去想成績，也許比做歷屆試題還要難，但無論如何也要學會。
I am desperate to do it!!

温phy lu。用了比預期中長的時間~ :(

又沒補a.maths了，用了來做兩份phy mc，they were a disaster!!
For year 97, again, I use the answer of year 98 for checking… =.=
最後對"痤狙蚺F，錯了12條!
45條題目己有8條out syll. 不用做，依然錯12條，足足三份之一哩!!
看看到底發生甚麼事，有些我也不知道。
明明腦中想的答案不是圈了的答案，可是手跟心不相應，結果錯了。是motor neuron 還是effectors出了問題?! 真是把我氣死了。
牽衣頓足，真的對自己這麼不小心很不滿的。(多謝你聽我呻ar~~)

那麼多做一份吧! 03年的，又是12條，可是這回沒有心手不對的問題唷，
不知道該高興還是痛哭了……..
本來沒有再犯那些無謂的錯是進步，但依舊錯12條代表我不懂的真的很多呀!! Fetched~~

我也沒好氣，唯有用it no use to cry over the split milk來安慰自己。
然後吃了一個橙同蛋卷做早餐，加場多看一齣有關希臘12神的卡通。
原想做phy S.Q.的，但見快六點了，拿中文來看看吧!
之前囫圇吞棗的温過的第一冊，文言文的記憶還可以，再多背一次，但單字語譯就完全沒有印象了。連一些很基本的如「軏」也忘記。 :(

努力的背<聽陳蕾士的琴箏>，昨天背了一半，今天終於會背整首了。
(哈哈!!2年了，終於給我背到了!!! Yeah~~~~)

其實沒有背誦的必要，可是自己從小到大也甚固執，不服氣我為何要給他打敗，就拚命的讀，終於會給我做到的，讓自己樂上一會兒。
有時候我在想，為何這份固執在數學上找不到，要是有的話，想必的的數學定會好了。
曾經有過的，不過已是小學的年代了。爸爸要我把乘數表倒轉來背，我總是扁着嘴，苦着臉，連老師也沒這樣的要求嘛。
不過當我見到爸爸倒背給我聽的時候我就對自己說我可以比你快的。
就這樣，真的把乘數表「倒背如流」。

怪不得小六的數學成績全級掛名遠遠比英文好。

黃昏看了一篇與chem有關的文章，很有趣，把chem不同的bonding比喻成不同的情。

一陣做埋phy SQ是日的tasks便超額完成了，great!!

***** thz fung for your proofreading******


P.S. 原來盧曉莊這名字的日本名是這樣的:
渡辺 Watanabe (near a crossing) 美弥子 Miyako (beautiful march child)

但奇怪的是當我用英文拼音(Lo Hiu Chong)查時，出了截然不同的另一個名字哩~~我自己比較喜歡這個 :)
松尾 Matsuo (tail of a pine tree) 美晴 Miharu (beautiful clear sky)

>>April 20, 2005 at 2:08:44 PM GMT+8

2005 年 4 月 18 日 星期一 【晴】

::::::::::::::::::::::::::::::::: Past paper @ Central Library :::::::::::::::::::::::::::::

琴晚食完飯上網~M答案對份bio MC嚇到我死ar，首先一開始連續錯3條，跟住"琱@兩條又5條8條咁錯，最後只係"琤炊Q幾條ja!!!!!!!!!!!!!!!
Wa~~~~~~~~~~越對越驚lor，不過又覺得有d唔妥，我係差jei，也未至於"琱Q條咁少ar ma?!

望住有d題目我又好肯定個答案錯wor，正疑惑時，望下個電腦，才恍然大悟!
原來我用88年個答案去對89年mc lor。 =.=''''''''''''''''''''

原本話早瞓，結果比自己講既時間遲左一個鐘。12:00，relatively算早ga la~~
同媽媽去食早餐，跟住去圖書館lu。
經過QC，見到open day banner，有d想去tim(有冇人有興趣ar?)~ :p

去到等左陣，今日又有另一個職員哥哥黎喇check la，同佢講係網上book，佢似乎有點茫然，跟住問，咁你有冇receipt??到我好多個問號la。
當然la，最後一定冇問題ga。
又見到琴日o個個男仔，真係好討厭d咁「寸」既人ga~~

一開門，又成班跑入去la，我就慢慢行。Hee
上到去~M個位坐低去攞past paper，如我所料，返到去又見到黃色紙la。
其實我想講，行開5mins <都貼，好浪費紙張ga。

今日比琴日更多人巡，3個睇o個5,6個位，完全冇心機做past paper lor~
拿本97年eng做，好容易ar~~~ :)
我咁既資質都係錯2條mc cloze同open cloze，proofread錯1條ja，
史無前例咁好wor~~~
都好gei，等自己開心一陣。我諗當年一定好多人係呢份paper滿分jei。

攞本proofreading ex.出黎做(thx again~~ ^^)，平時既水平出返黎la，僅僅合格lor。

正式開始是既既task lu。
做份maths mc先，96年又okay易wor~不過都錯11條。Sigh

做phy lu。 98年又好易ar，不過又禁錯機同做漏3小part，共6分ga，哼!
今次咁易結果又唔高分....... :(
再做maths mc，03年好深ar，15條(5條careless mistakes again~~~)好唔開心ar~
做完又做bio mc，努力d，仲差2年ja。

睇下d中文，好努大背<聽陳蕾士>，只係記得一大半ja........
望下手機已經七點lu，咁就走la。

打俾媽媽，佢話爸爸話想行下荷里活wor，咁就搭去鑽石山喇。
去到再打多次電話，佢地剛才收鋪，叫我等下，去左CD鋪，播secret garden 既碟ar，好好聽。見到好多隻classical既碟都想買ar，不過都係睇下算lu。

九點幾返到屋企，又試好攰la。咁今晚會唔會早瞓呢? Hahaaa

聽日唔駛去圖書館，可以瞓耐d，好o野~~hee

>>April 19, 2005 at 2:36:54 PM GMT+8

2005 年 4 月 17 日 星期日 【晴】

:::::::::::::::::::::::::: Past paper @ Central Library :::::::::::::::::::::::::

琴晚print past paper print到2點，十分攰。
今朝八點起身，好眼瞓ar~~
好想唔去中央ga，不過時日無多，無理由讓自己hea下去的。

今天見到久遺了的陽光ar~ ^^

去麥記買左個$12早餐做我早午下午茶(hahaa~~好抵ar~)
去到中央，今日又有另一個哥哥check lu，當然過關la，有booking ga ma~ hee
上到去，做份bio mc熱身先~~未對答案(冇答案ar~)，不過覺得頗深的，大概十多條是逃不掉的。

好喇，做maths，02又幾淺wor~~不過都係13條lor，越黎越唔鍾意自己錯埋d淺到死既野，包括計咁答案圈錯、「禁」錯機、唔知點解o個刻計錯(方法一樣ga wor!)等等，
發覺我做左5年，年年十多條，但原來扣除「冤枉題」係可以10< ga，
迫自己盡量小心點，但成效不大，唉。

跟住01phy，又禁左機冇左成大半題分lor~其他還不錯啦。
Maths mc again。呢次11條，不過係勁淺ga，比mock還要容易，這樣也11條，真的不可救藥了。 ><

00phy，這次便慘了，好多唔識，空左唔識答。
有一條4分的graph畫死我la，又要跟佢given的scale畫，但畫了一半又發現---
張單行紙唔夠闊，由頭擦過再畫…… :(
灰心左幾秒lor~~
Again未對答案，但估計到情況有多堪虞……

Bio mc，今次玩飛mc，(其實想早點回家罷了~~ :p)
但outcome又出乎意料之外wor，9條，久遺了錯十條以下啦(或者呢份淺la~~)

返屋企lu~好攰ar~hee

聽日屋苑停水停電，好在影響唔到我，都係去圖書館ga la~
不過魚魚就慘lor，d水冇得過濾，不過應該冇事gei，有咁大棵水草同一大片小草，唔會缺氧掛。

>>April 18, 2005 at 2:00:52 PM GMT+8

2005 年 4 月 16 日 星期六 【陰】

:::::::::::::::::::::::::::: Simple day ::::::::::::::::::::::::::::::::

琴晚同媽媽收鋪，之後去左食糖水，碗芝麻糊好好味ar，而且仲浮得起隻羹tim~hee

九點多才回到家中，爸爸還沒回來。十點多才一起吃飯，只吃了1/4碗。
跟着一邊icq一邊做maths MC，效率當然低la，一點多才對完睇埋d錯既地方，
好攰，瞓覺lu~ (見住icq list越黎越少人，好在我off時list上仲有人~hee)

九點起身返教會，今日唱兩首詩ja，其中愛是不保留唱左5,6次，個人覺得有少少悶~ :p
因為太「早」瞓的緣故，講道時恰左一陣lor~ :(

阿羊問我疊mc帶左返黎未，但係我一個月前已經印好俾左Leo交俾佢ga la wor~~
問leo，佢話唔記得左放左係邊........ =.=''''
主日學之後阿羊1:45開班補maths，我就同姍姍，恩沛去食lunch，
之後佢地上返去「上堂」，我就返屋企補a.maths喇。

做返d ar~好在都未忘記淨盡，但速度當然不復「當年」啦。
不過有d都有少少混亂ga la。
補補下，有人打俾思敏問ionization同dissociation有乜分別，思敏問我wor，
諗左去bio，突然諗返係chem既acid & alkaline個section ma。
好彩識答，yeah~~ (對上一次温係mock la~)
不過問到dissociation中文係乜，同點解acid+ ammonia係ionize, 其他alkaine係dissociate時，我話我背ga ja wor~~
哈哈，證明我讀書係不求甚解的。:p
不過話又說回來，知道背後的原因也未必有用wor~~記住考試時別錯用wordings就可以了。

今晚也許會多做一份maths 的，呢排要努力衝MC ar~~再唔做就真係等死。
明天要温書書了，但温那拜好呢?還沒想定。
太多科未温習了，包括中文，物理，附加數學，經濟，大家有甚麼提議?

>>April 17, 2005 at 10:39:16 AM GMT+8

2005 年 4 月 15 日 星期五 【陰】

:::::::::::::::::::::::::::::: 十七歲 :::::::::::::::::::::::::::::

十七歲是怎樣的呢?
是icq多了一個紅色的氣球icon，是電子資料有歲數的一欄由16變成17。
其他的其實沒有甚麼不同，
二零零五年四月十五日二十三時五十九分與二零零五年四月十六日凌晨，
除了數字的轉變外，我還是那個我。Hahaa~~

先陣子有了這個想法:今天該是感謝爸爸媽媽的日子。
十七年前的這天媽媽誕下了我，遲出世兩星期多，原來要選這天(這天特別好麼?hahaa~)
也要感謝父母養了我十七年，十七年來豐衣足食，並無所缺。

十七歲，的確是很特別的年歲。
介乎成年與未成年之間，未需要承擔成年人的責任，卻也算「大個」了。
該如何運用這365天的日子才不致使這日子變成「寂寞的十七歲」?
還沒想到。
大概先是考好會考吧!

十七歲太多東西想做了，很想每樣也試一試，且看明年今日到底做了些甚麼。

生日願望嗎?大概和每個會考生也一樣，就是順利升讀中六。
要求低了一點嗎?也許是吧!
但不想太多了，呢一兩年想得太多了，just think that「死咪死lor」。
橫豎由小學開始對於每年有機會留班都有心理準備，考得好的當然高興，考得差也不會太激動吧。

特別鳴謝(排名不分先後):
vivien, mandy, fung, anthony,敏敏,samuel, alan wong,地樽,寶寶, charlotte,九一, joanna, wai wai, simon,思敏...........(漏了您的話請不要介意~~)
Thx for the blessing form all of you!!

Esp.樹蛙
十七歲生日快樂ar~~有一個我識既人同我同年同月同日生真的很開心哩!! ^^
大家的姓又相同wor，真係好緣ar~ 生日快樂，會考加油啦!

===============================================================
好了，打完篇生日有感之後呢，就打返日記lu~~

琴晚icq到好夜，好在又有人陪我傾wor。
又聽聞---主席被炒?!
今年確是多事之秋，誰是誰非很難說。或者根本分不清黑與白，本來就是灰色的。
留待歷史來評定吧!(咁有排lor)

不過不想聽到關於母校這麼多不好的消息ar。
平平靜靜，有甚麼不好呢?

日子還那樣過。朝早補習，wa~~錯好多ar~~
Michael說要做15年SQ past paper，唔夠時間wor......
十年mc就不難的，還剩5年，努力埋佢。

a.maths，開始要做d ga la，真係甘心拿D mei~~
hopefully今日做多2份bio MC，向着20年的目標進發，yeah。

不過今晚要落鋪頭幫手bor，做唔做到呢?盡力而為la~~

>>April 16, 2005 at 9:37:50 AM GMT+8

2005 年 4 月 14 日 星期四 【陰】

::::::::::::::::::::::::::::: 十六歲的最後一天 ::::::::::::::::::::::::::::

原本說早點睡的，結果又搞到十二點幾wor……
今朝七點幾八點起身，同媽媽去食早餐之後就去圖書館lu。

頗早去到，另一邊既隊一個人都冇，心諗: 今日又會唔見「點名」個哥哥gei?
等左一陣，個哥哥終於出黎lu，不過佢淨係check之後入黎o個d人，冇問返我wor~~
突發奇想:咁第日早d黎咪得lor?! kee~~

係出面得緊既時候做左一個半open cloze，做左一半o個篇好難a~~
做完四圍望下，今日冇小朋友ar~ 跟住見到一個好熟悉既身影，hassan?!
係個腦仲process緊係咪既時候，個口已經叫左喇( reflex action，有既咩?!哈哈哈)
好在沒有認錯人jei~~

入去lu~~我地第一部𨋢上到去，好多位慢慢揀。
去攞pastpaper，其實醉翁之意不在酒，都係擺o係度俾人睇既jei~~
5分鐘都唔駛就返埋位，已經俾人貼左紙，職員做緊記錄，用不着這樣嘛~~
**今朝**check得好密，不過好強調係今朝，因為下晝又冇晒人! 奇怪。

今天做的東西不多，只做了兩分bio MC(does law of diminishing marginal returns set?今日既成績又試去返11/14條!)，00 maths MC(真的很深or~完全超時la，不過有d自己終於諗到點計而個答案又"琚Ao個一刻真係好開心ga~~)，so-called六課中文lor(卻沒有做精讀，只是看課文)，拿了本past paper來看，完全唔識答lor，深過學校d tests/UT/exams 的題目好多，開始好擔心會考了……
終於做晒本proofread ex.，great!!最尾一個ex.竟是F.4其中一次exam的題目!
下星期做另一本lu~ ^^
雖然我也不知道這樣做到底有沒有效，做了一本，記得的卻不多。

搞搞下又七點先走，搭巴士，係車度瞓着左，差點忘記下車tim ar~
當我醒過來時，發現已到站停了車，好在醒得切冇過站ja!

Really tired now~ maybe have an early sleep tonight.

後記:一生中最後一天是十六歲了，打從十四歲開始我便不想長大，人大了承擔的負任多了，又 似乎少了歡樂。
不知道ar，還是喜歡像小孩時期給人疼錫的感覺。Hee

原以為人生中最後一天是十六歲的日子會有甚麼得別的感覺，原來沒有。哈哈~
比我想像中平淡，這也好，平平靜靜的過一天不容易ar~~
去年的這天，我十萬個不願意迎接十七歲的來臨，的確還沒準備好，當時不想面對會考。
今天，原來不知不覺間365天的日子又溜走了，自問這個十六歲並不稱職，沒有丁點兒的進步，
沒有勤力過，仍舊是臨抱佛腳，成績甚至與年歲的增加成反比……

十七歲，又會如何?
會考仍舊是不想考，但學會了接(也不到我不去接受吧!)。許多人告訴我我會做到的事，每次 也只是笑，其實我很想說:我沒信心做到。
真的，曾經以為3,4個A易如反掌，但我現今連拿一個A的把握也沒有。
我也想不到辦法令自己多點信心，放在眼前的只是一次又一次的失望，
不知從何時間始給自己少一點期望，那麼傷害也沒那麼大。
這陣子只想埋首在bio MC中，很想搏一個A回來，但每次對答案後總叫自己的希望再落空。
今天做的時候，問自己:既然做了5年與做了10年15年的成績一樣，那麼為何做下去??

我不知道。那時我叫自己別多想，努力做吧!
事實上我是不想去想，做這麼多年，其實作用不大，只是令自己的內心好過一點罷了。

無lala說了這麼多無關痛癢的東西，也不知為何。
16,17歲其實沒分別，仍是一樣的煩!
很想回到六七歲的日子，那是很期待生日的，大個了嘛，現在卻不想長大。

>>April 15, 2005 at 1:47:02 PM GMT+8

廣告 讀者留言 |  路人留言   | hi~I was actuall >>February 4, 2010 at 10:34:03 PM GMT+8 I also suddenly >>May 30, 2009 at 4:48:42 PM GMT+8 Shakespeare is n >>May 12, 2009 at 2:06:24 PM GMT+8 我唔見咗 pda 支筆 lor! >>April 1, 2009 at 6:14:36 PM GMT+8 我今日都搵返尋日唔見左既手指XD >>March 31, 2009 at 2:43:59 PM GMT+8 「既然這些情感與身體內某些化學物 >>March 31, 2009 at 2:06:30 PM GMT+8 Support you!! >>March 19, 2009 at 12:51:56 PM GMT+8 Best wishes~~~~~ >>March 18, 2009 at 1:42:37 PM GMT+8 Ada- my dear mom >>January 30, 2009 at 4:49:07 PM GMT+8 hope u will feel >>August 29, 2008 at 5:11:42 PM GMT+8 "D男仔好無誠意ga，寫野畀女朋 >>July 11, 2008 at 2:49:47 PM GMT+8 15 out of 20 q c >>July 10, 2008 at 10:27:02 AM GMT+8 it's scary! haha >>May 4, 2008 at 8:56:08 AM GMT+8 "廖偉男坐我前面，ivy坐我右邊 >>April 29, 2008 at 3:15:06 PM GMT+8 二十年生日快樂 =) <br> >>April 16, 2008 at 10:43:57 AM GMT+8 nearly forgot to >>February 28, 2008 at 4:34:49 PM GMT+8 Wa! UCLA wor!!!! >>February 28, 2008 at 3:13:10 PM GMT+8 a late merry chr >>December 25, 2007 at 1:57:29 PM GMT+8 thx~ >>December 16, 2007 at 12:05:17 PM GMT+8 咁多名記，記完之後一定好有成功感 >>December 15, 2007 at 2:49:37 PM GMT+8 "好頭痛(physically) >>October 28, 2007 at 1:47:32 PM GMT+8 哈哈 因&#29234;他是Je >>September 16, 2007 at 12:57:55 AM GMT+8 我想鬥campus tv好耐存啦 >>September 11, 2007 at 2:59:02 PM GMT+8 Indeed I'd love >>September 9, 2007 at 9:15:17 AM GMT+8 見到你打msc的野就好似聽朝入p >>September 7, 2007 at 1:00:38 PM GMT+8 I suggest you us >>August 19, 2007 at 6:07:43 PM GMT+8 咁快有sem1&2 ge tim >>August 14, 2007 at 10:23:36 AM GMT+8 ADa加柴呀呀呀呀呀呀呀呀呀!! >>June 29, 2007 at 1:09:17 PM GMT+8 曉莊，恭喜你有condition >>June 28, 2007 at 1:13:09 AM GMT+8 好驚呀！妳竟然無聊到背默！！ >>May 28, 2007 at 2:20:06 PM GMT+8 I think getting >>May 22, 2007 at 8:12:35 PM GMT+8 Thx for your app >>May 17, 2007 at 3:51:02 PM GMT+8 In fact Edmund u >>May 15, 2007 at 2:44:33 PM GMT+8 同學, 努力呀！ >>April 15, 2007 at 4:29:04 PM GMT+8 哇gum看得起我 <br>btw >>April 14, 2007 at 1:40:39 PM GMT+8 For the part of >>March 26, 2007 at 4:13:10 PM GMT+8 可能真係睇完呢篇野然後出左呢題喇 >>March 19, 2007 at 4:21:52 AM GMT+8 Hollywood Tom Le >>March 11, 2007 at 4:50:08 PM GMT+8 In fact, Samuel >>March 2, 2007 at 3:51:19 PM GMT+8 'Catch Me If You >>February 28, 2007 at 11:02:59 AM GMT+8 我都有試過養白鴿 <br>都係冷 >>February 25, 2007 at 6:29:25 AM GMT+8 三分真七分假，唔係三分假七分真。 >>January 26, 2007 at 5:23:13 PM GMT+8 SD食飯記*::: <br>你同 >>January 21, 2007 at 2:54:22 PM GMT+8 Actually I recei >>November 1, 2006 at 4:18:35 PM GMT+8 Re fung: <br>香港字 >>October 29, 2006 at 4:22:31 PM GMT+8 近來妳個diary成日有d字空左 >>October 28, 2006 at 4:59:17 PM GMT+8 加油! =) >>October 25, 2006 at 12:14:06 PM GMT+8 Ernest is Ko Wai >>September 16, 2006 at 1:47:47 PM GMT+8 妳好, 無意中search到妳個 >>September 2, 2006 at 7:47:00 AM GMT+8 CU中醫？？？我學弟妹bor >>August 28, 2006 at 12:22:17 AM GMT+8

人氣: 80706

Design & Scripting by ShowHappy.Net