2005 年 6 月 2 日 星期四 【晴】

無無聊聊打陣機……
下晝俾老爸的左去食野,又俾佢講左兩野……老細覆左email…..一來就5份paper…..有排睇了……
睇書渡日….
幾時先有消息呢…….
頭頂兩下閃電加一下雷聲,重落埋雨…..mug都唔做,唔會有搞掂的一日…..我是否只是在逃避呢….

>>June 3, 2005 at 12:32:39 PM GMT+8

2005 年 6 月 1 日 星期三 【晴】

起身to哥上左來玩…..不過其實係想佢早d起身,可以做到功課…..
廢傑帶來搵我食lunch…..雖然我就食左野,但咁arm又要去銀行,所以同佢一齊去左新港城…..
夜晚同廢傑食飯……約左成十二個人,arm arm好一圍檯…..去左加太賀食野…..食日本野的,而且都ok貴…..不過十幾個人俾$,都叫食得飽gei……食左勁多魚生,果然貴野係新鮮d…..原仁又發揮食王本色,係到勁食,哈哈….不過坐佢隔離,睇住佢gei食相,都好搞笑……大佬聖最遲先來…..算係唔話得啦,係hku考完試就即刻過來…..佢又係到搞笑啦,廢傑叫佢唱歌,佢真係唱起來…..無啦啦整隻基仔的勁歌金曲出來,嚇到隔離都望過來……廢傑ma,成日拎住部DV就圍拍……不錯啦,好耐唔見的,今晚都見到了……真的很希望我們豐聯真的能保持聯繫….close and warm….i like it!!
發現很多鋪頭名都唔多知,要出多d街了…..

>>June 2, 2005 at 5:12:05 PM GMT+8

2005 年 5 月 31 日 星期二 【晴】

今日一早起身去左威記見supervisor…suprevior日前搵我,好似好急咁,所以就見下佢…雖然唔一定會讀,但見完prepare下,都好gei……見到個做summer lab的,但只係form 5的同學…..呆了….佢讀名校….唔通真係咁勁….dr leung一見我就係咁講,勁多野,都唔知佢講mug…聽完之後,對我做gei野,完全無mug方向……救命……識左d人,好似都好好人….好多重係師兄,幸好…..
下晝去了旅行社跟番d手尾….搞掂哂了…不過破左產….
明日同廢傑食飯,要幫佢book檯,約人….間野都唔知係邊,搞到我又要諗邊到約人會搭車方便d…..就係咁,又一晚啦….
同人講左兩句,我發現左d野……開始明白到d野…..我係佢,我會唔會一樣咁做呢…..點解佢得,人地唔得呢……我想是分野吧……自己呢……想了良久……我想我會吧,但可能唔會做得咁好…..看來我也應該想想自己先……..anyway…..我也應該替佢高興吧…….看來我也未必輸了俾時間呢…..要升下level先得了…..

>>June 1, 2005 at 3:37:44 PM GMT+8

2005 年 5 月 30 日 星期一 【晴】

唔知點解今日好眼訓,訓晏了….
去左圖書館睇下書同報紙,要準備下個interview如果有的話….
旅行團打來,話我地個團開唔成,得番d台北4日團….整,去台北得個食字,唔係太鐘意….
夜晚同廢傑踢波…..應該係佢走之前最後一次啦,利個星期都約唔到佢踢ga啦….可能食得太飽,跑唔到呢….想當年同廢傑一個打左,一個右,都幾開心(雖然我渣過佢10倍)……依家又走多個friend了….又少左個人同我玩….唉…….個個都話出國讀書…..廢傑雖然成日都唔聲唔聲,但總是鬼馬非常……..唔知幾時先可以再同佢踢波了….

>>May 31, 2005 at 4:25:11 PM GMT+8

2005 年 5 月 29 日 星期日 【晴】

今日較為游閒…..
報左團啦…..搞左咁耐,終於去得台灣了…….
老細覆左email…..星期三要見佢,唔知有d mug講呢…..
快d報多d野先……唔想浪費時間…..起碼練多d英文先….
總覺得個人空盪盪的……做什麼也像差少許的…….

>>May 30, 2005 at 12:55:47 PM GMT+8

2005 年 5 月 28 日 星期六 【晴】

今日一早出左去搞報團…..點知都係爆…..後來重知埋人地護照都過左期….我只能說my god兩個字…..怎麼搞的…..
下晝去了補習……由於整廚房gei關係,今日三餐都之係食快餐店,食到死左…..
夜晚去了踢波….很久沒有同廢傑等人踢了…..廢傑又話走,所以想係佢走前踢多幾次,無奈d人好難約,個個都唔得閒….唉……很懷念以前中學,話踢就踢,見親都有人的日子….
今日要tune番街場好似打仗咁gei打法,快上快落….利期係CU踢成日踢d慢慢來gei波,突然咁快,要d適應……踢得時好時壞,一時可以連入幾球,不停亂射都入,一時唔知踢mug….有兩個有意無意的靚助功,d人係咁話我”果然有帶腦踢波wor”,都唔知係讚定係串我…..
希望在明天….利句都唔會係我身上發生….

>>May 29, 2005 at 4:36:24 PM GMT+8

2005 年 5 月 27 日 星期五 【陰】

起身執野……執好左d重厚個我本黃頁gei notes….

同廢傑出左黃金…..佢話要買電腦wor,咁就同佢出去啦,而且我都想買earphone…..

夜晚俾家人的左我去游水…….

人們的評價…悶…….我又可以點wor…..從細都係咁……

>>May 29, 2005 at 4:46:55 PM GMT+8

2005 年 5 月 26 日 星期四 【颱風】

起身走左去交form還碟……

在家聽歌看書…..great!!

同文林弟兄去左屯門龍鼓灘一間叫劉星花園gei燒烤場bbq…..同大波係沙田出發,不過佢就遲左半個鐘先來,算啦,我都成日遲,無資格講人,heeh…..我好似未去過屯門的,所以都坐車時周圍望,不過最慘時出面下大雨,搞到我mug都睇唔到….

去到目的地已經係黃雨了….見到個海又大浪,又黑,有d毛骨悚然,…..去到燒烤場,有電視睇,又無限食物,又唔貴,而且又有人幫你起埋爐,最arm我地d懶精一隊…..由於個火超大,且有無限食物refill,食到超飽….最正係重有個涼粉送埋俾你^^

雖然外面超大雨,但係成班人係到吹水,格外的好…..唔知下次幾時再gathering呢…

返到屋企第一時間睇final result….有d緊張…..不過好多時都係估你唔到,尤其是d lab,真係唔知佢點俾…..已經係不錯了,打破了average的記錄,雖然major還是year 1時較好…..希望同今次成績可以有得in啦…..對已經上左岸的人來說,讀書動力已經不是為成績而努力…..

同大波談起….我是這樣ma…..前進和放棄的選擇…..

贏了所有,不過仍有些缺乏…….就是不能和佢分享那喜悅….

>>May 29, 2005 at 4:47:25 PM GMT+8

2005 年 5 月 25 日 星期三 【雨】

晏左起身…..

睇左歐聯決賽….駭人呢….上半場明明liverpool輸緊0比3,而且liverpool打得奇差,諗住輸左十成….點知下半場奇蹟出現….15分鐘內連下三成追平…雖知要係AC米蘭一條鑽石防線,係15分鐘內入三球, is it possible….之後加時….AC又有球離門一碼射唔入…..就係咁liverpool贏了…..沒有想過吧…..賽前大家都諗住AC win緊…..其實liverpool之所以贏到,就係靠果15分鐘內,以一個快字ko左3球….雖知AC後防都比較大,以快取勝,原全係以彼之長,攻敵之短…..

成功之道….在於努力….但都要與運數及策略配合運用…….

下晝出左去搵winnie等人,問下佢地去台灣想跟邊間旅行社…..

本來想交form,但發現我不來無哂近照,唯有即時去影番張,聽日交表….

睇書的一晚…….

>>May 29, 2005 at 4:48:07 PM GMT+8

2005 年 5 月 24 日 星期二 【晴】

在家的第一天…..借書睇…..租碟睇…..
出左去問下到台灣的機票,順手問埋其他有關資料…..
拎左張圖書館volunteer的form,明日決心拎去交…..

>>May 25, 2005 at 2:35:39 PM GMT+8