2005 年 10 月 20 日 星期四 【晴】

今日返lab….又開始多野做啦…..搞到成3點先有飯食!!!太氣憤啦,豪左一餐!!
不過ma,努力唔等於result好,今日d result死死地…..搞到我成6點半,最後d result唔係咁好,梗係差d gei…….不過ma,都唔係我gei 關係,我深信係d sample有d問題,哈哈……慢慢做啦….
返到屋企睇漫畫……已經將paper gei野唔記得哂啦,哈…..
同alky去左食糖水……發覺出來做野,都係慘的了,成日俾人鬧…..我都已經好好的了……
聽日想出去買野!!!!
同埋得閒要警惕下自己做下野,如果唔係project另一part有排都搞唔到…..

>>October 21, 2005 at 5:01:17 PM GMT+8

2005 年 10 月 12 日 星期三 【晴】

心情壞透了.......

如常返lab....做了不多lab work....但進度良好,新來的material還好用得著.......

同dr leung話下晝返cu睇clinic,不過我都差唔多4點先走,返到cu就已經完了clinic....

先去lib坐左陣,放左d野係lib,諗住踢完波,食埋飯返來lib再做.....點知就出事了....返到來,成個袋無左....真係好誇張,係成個袋......而且入面得d paper果d野,都無mug野好偷......最貴都係枝memory stick.......唉.....我present d資料係哂d paper到,依家就死了......同埋無左d鎖匙,返到屋企又俾人鬧兩句.......call左d保安來....都係備個案,無mug作用......

灰.....星期三.....死得.......

>>October 13, 2005 at 3:20:59 PM GMT+8

2005 年 10 月 11 日 星期二 【晴】

總覺得訓得不太好.....今日唔多野做的,但都係要成5點先搞掂走人.....

整左一張powerpoint咁大把......睇左d paper,希望organize得好d,無咁多野俾人插啦......

太緊張了.....應該輕鬆d....再唔係就大師兄果句,"大不了咪死"......咁又係,如果連死都唔怕,都無mug野好緊張....

無mug食藥,因為怕食左會眼訓....但係唔食又唔得....anyway,多謝各位關心.....

>>October 12, 2005 at 4:49:12 PM GMT+8

2005 年 10 月 10 日 星期一 【晴】

整powerpoint同paper左一日,悶死人.....

成日都好鬼眼訓,可能係成日都對住paper同電腦的關係.......

重有排整.....快d搞掂佢.....

>>October 11, 2005 at 3:50:50 PM GMT+8

2005 年 10 月 9 日 星期日 【晴】

嘩….今日好險….老細突然係我個lab附近出沒,平時係唔會有的事…..好彩我遲左佢見我唔到jar…..原來老細利個星期都轉左來我個lab附近做野,利個星期早番d先得,衰仔….
做左成朝悶lab….
今日deadline交畢業典禮的form ar, 做完即刻快去fax…..不過去到銀行交按金時,勁多人排隊…..最後我又交唔到$,又遲左去clinic,重要俾老細見到,唉,一次過衰三樣野……
clinic係最正的時候….起碼唔需要對住悶死人的lab,係對住d人…..今日OPD姑娘請左我食好多糖,話係報答我教佢做功課wor….不過ma,我其實d野講完等於無講…..而且ma,其他姑娘又…..下次都係小心為妙…..
咳到死人….愈來愈咳…..推左個飯局….老爸拉左我同佢睇戲,點知買唔到飛…..掃興….不過ma,利期我都有好多戲想睇!!!!present後要解放一下(雖然依家都係hae下hae下,哈)
整左兩張powepoint….不過係最緊要的兩張……因為如果無outline,我又點定放d mug去powerpoint呢…..
同dick仔,野豬傾談,我係到諗,點解我地無緣一齊同房呢,哈哈…..
係ar…..心態ma…..也許是對…

>>October 10, 2005 at 5:09:06 PM GMT+8

2005 年 10 月 8 日 星期六 【晴】

星期日,休息日....但總覺得訓覺時間太多,會好頹咁過日....

睇左少少paper jar,唉......

夜晚組聚......再唔去我會俾阿仔阿女鬧死.....今日d煲仔飯好好食ar,不過如果冬天去食d咁gei熱野會更開心....

利期ma....總覺得有點空虛渡日......見到to哥咁積極,係唔係應該正經d搵呢....

>>October 9, 2005 at 4:23:06 PM GMT+8

2005 年 10 月 7 日 星期五 【晴】

一早上lecture,雖然都係遲入去….stat野…..話時話,我都有三四年好耐無上有數字gei 堂了…..哈,d數都唔係好識計….不過ma,得閒上下d maths都幾好,好過俾d biochem記死左….
諗住返屋企食飯,點知屋企人無煮飯…..唯有出去食…..
去左UST同UST biochem踢….我地CU biochem咁多年都未贏過,今年梗係想啦….記得上年都係輸一球….不過時移世易,上年係唔係可以同今年比….上半場將個前鋒位俾左個yr 1,因為yr 1都係未來的希望,加上我都唔係好算biochem,我又唔知有冇力踢足全場,做住後備都好…….但有d後悔,上半已輸緊三蛋,我換出去時,以為可以sub個無左影gei前鋒,點知梁正急住走,搞到我變左右翼…..
不過我想翼都係我較擅長的位置吧…..大敗…..不過自言都交到d普通貨….隻右閘無左影,中堅又mark唔到個人地前鋒,我隻爛右翼只好不停補位,有波就不停上…..
輸了有很多原因…..中堅不穩應該係最大致命傷,加上龍有時有d出錯……前鋒無mug威脅,令人地放心攻…….而且人地有個中場好勁,聽講係校隊隊長,好跑得同大隻,hehe,有幸同佢交手幾次,也未落於俾佢玩,重可以有力玩番佢轉頭….不過佢ma,有時真係要出超技術,如果唔係走甩一次,可能是輸一球…..頭鎚身位當然不在話下…..自己ma….總覺得不太可以聯繫到前鋒同其他中場,都交唔到d mug野靚波俾人……諗起自己體能咁頹,又想想自己有冇休息足夠…..好明顯,昨日都係成訓幾個鐘就算啦…..下星期對HKU,我也不太樂觀…..
老爸今日牛一,要請佢食飯……不過ma,我都唔係乖仔的了,同老爸食飯都遲大到,唉….
同單正,肥基等人係籃球場hae打波….單正你要加油!
好好休息,明日搞presentation….
利期睇番浪客劍心,還不錯…..

>>October 8, 2005 at 4:40:49 PM GMT+8

2005 年 10 月 6 日 星期四 【晴】

今日訓到過哂龍啦....又係咁熄鬧鐘再訓之過.....幸好今日無lab做,如果唔係就大鑊了.....

完全係paper work....d paper好似成層樓咁高,差d壓死我......由10點幾開始睇,收工就人時已經變成死屍咁行出門口....不過還好,我寧願有d 咁gei位,好過做lab做死人....反正要presentation.....

都係返屋企頹一陣先.....再睇我會完蛋.....

利期摺d......過左presentation玩番鑊!

>>October 7, 2005 at 2:13:40 PM GMT+8

2005 年 10 月 5 日 星期三 【晴】

利期都係paper work的工作……可以休息一番都係好事….
今日又”乃”野啦……俾venus少丙左幾野…..不過其實只係好少事……還好未俾人鬧爆,不過係電話聽到佢要急召我已知我死緊了….之後成日都係膽戰心驚渡日……
research meeting講d野聽得明,奇蹟…..
溫下paper先……present時唔好太頹的好…..
突然收到個朋友仔的電話……諗諗下,我勁耐無搵過佢,衰仔…..得閒記得搵下人….

>>October 6, 2005 at 3:47:56 PM GMT+8

2005 年 10 月 4 日 星期二 【晴】

本來諗住今日可以睇paper,準備下presentation……點知晨早venus就叫左我同林啤入去lecture一番….因為老細下令要佢教我地,我地唯有言聽計從……對住venus,都係打醒十二分精神的好,如果唔係俾人抽爆就實鬧死了….
很久無lecture,雖然聽到有d發呆,但都唔會擺出唔識個樣…..
下晝再整埋d手尾,無驚無險過左一日……
夜晚諗住踢friendly,點知對手唔得閒無來….踢足成個半鐘,走到死左….
都係睇下d paper先訓……

>>October 5, 2005 at 3:11:46 PM GMT+8