|
2005 年 5 月 3 日 星期二 【晴】
英文堂LAST DAY!~~~
今天英文阿SIR真情對話,講了一會有關英文系無條件變為Degree,
佢覺得好開心!
我地樹仁好快就可以升格做大學了!哈哈!
阿sir在解釋話中,說了句:我地樹仁的師資比以前好左好多!
但聽見有同學說:不過acct果邊就...........
又說:m.........肥肥地果d
又說:....塊面好白果d!
我:,,,,,,,,只能夠笑!~~
阿sir又說,我地都上左成年佢既堂,佢今日竟然話佢唔係咁慣學生叫佢做"阿sir!"
呵呵!~~~~~都幾攪笑!
放學後同monica,小明,joey一齊去左cc做acct present!!~~
噢!~~明天死得!
離開,行左去炮台山,被一中年女仕檔了去路,
完來是安泰人壽!
她說,xxxxxx若你每月500元存入,到你65歲退休就可以有幾多幾多$$$,
若你到100歲未死,你果二十幾萬可以變成百幾萬!~~~~
我的回應是:..............m....我趕時間,唔好意思,好啦.88!
去了黃竹坑小朋友家,約左佢五點幾補習,
但佢竟到六點半仍未回家,
我等左一段時間,見狀不對路,走人!
相信佢今晚都會加(食送),籐條蚊x肉!
今天力行出糧,今期的數目也不錯,
但一相到明天要交考普通話水平試果半期學費($980),
唉!!~~~~
------------------------------------------------------------------------
今期公開討論題目:
有興趣參與者,請在旁邊留言.
辯題:老實人一定比較蝕底~~~~
版主愚見:
表面上看來--是的,
對於老實得黎唔叻既人,的確幾蝕,
讀書無得出貓,自己又唔叻;
做事又唔可以走不法短路;
又唔可以用老翻,又唔可以騙人!~~~
總之老實就係傻的表現,在這個勢利的社會,唔....有點難以生存的感覺!
(大家亦可對老實人下一個介定!~~~)
>>May 10, 2005 at 3:18:13 AM GMT+8
2005 年 5 月 2 日 星期一 【晴】
5月3日第二篇日記
聽完家姐果幾番勁勁的說話後,
我便又外出去教口琴了!
今天因某些學生有事,所以我有點像白來的感覺,
沒有教甚麼!但反而又跟婦女會的女主任一起吹口琴,
咁都幾好!
完左之後打電話比牧師,本想同佢一起食下野又好,傾下計又好,
但原來佢正開緊婚姻成長小組,
所以沒有做到甚麼,不過牧師提醒左我一件事,
就係原來今晚教會班中七學生在自修室舉行小食會,
嘩,有野食點可以唔預我一份,我立刻把比自修室值日的柱健,
但他說大家已吃完了!噢,有點失望,不過算啦!
在香港仔等美儀,她說有小禮物送給我,
哈,原來是個卡片套,很適合我,
我的朋友該知道我係唔帶銀包出街,我只係帶卡片套!
YEAH~~又有新野用!
回到華貴,我始終都係要去自修室睇下,
一去,嘩,原來仲有野食,正!~~~~
食完野之後同大家一齊玩!
首先要說聲對不起,我仍不全認識你們!
不過真的很開心可以同大家一齊玩!~~~~
席間有天才表演,佢地個個都身懷絕枝,
真係要叫牧師睇下,然後只佢地出去籌款!~~~
集體遊戲玩完之後,有五個少年被罰,
要在水池跑圈,哈哈,都幾攪笑!
"五個跑圈的少年":
後johnath同佢地一齊去蘭貴坊飲野,
因今晚有車路士大戰利物浦,
噢!~~~~玩得開心!~~~
----------------------------------------------------------------
aurora:多謝你的火柴人萬年曆
美儀:多謝你的卡片套!
>>May 3, 2005 at 3:44:58 PM GMT+8
2005 年 5 月 2 日 星期一 【晴】
最後一堂普通話!~
今天是普通話的考試,真的非人表現,
大家要背一千組詞語,共二千粒字,真係唔係咁好受!
但,縱然大家對娥姐有D不滿,本人的立場是,
我覺得就是這樣,我們才可學普通話學得這麼快!
我上年不是娥姐教,總覺有點可惜!
我今年的普通話的確有了很明顯的進步!
最起碼我夠膽在公開場合用普通話去問問題!不怕被人笑我的普通話唔掂!
雖仍然唔係咁好,但我真的很感謝她!
娥姐在最後一堂,考完試後仍然不忘對我們訓話一番,勉勵一番!
她說:智識就是實力!
她說:我最不喜歡不勤力的學生!
她說:在讀書方面不可以原諒自己(意思是怎能這麼容易就滿足而不繼續好好用功!)
她說:我們要掙氣,以樹仁為榮,這所學校得來不易!
而我仍是那個總結,
娥姐說:在以前,八大院校某院的校長(她沒提名)在我們校長面前說:
依,乜樹仁仲未執咩?
沒錯,樹仁真的沒有錢,真的沒有好的設備,真的樣樣收費同你講錢,
但我以我們的校長,校監為榮,我再一次強調,
沒有其他院校的任何一個人能比得上這兩位老人家!
今天,我以我校--樹仁而感自豪!
--------------------------------------------------------------------------------
放學後同小明,MONICA傾左一陣ACCT,
離校後去了中央用左陣電腦,本想在這裏等到六點半然後去教口琴班,
但最後還是回家去了!
過了版刻,大姐,媽,爸回來了,
他們面有難色,只見姐一入門就拿起電話,
原來是有線電視寄了一張共要我們支付一千四百多元的收據!
那有線的接線生不幸了!
我只聽見姐說了幾句話:(都係大大聲地說的)
點解會係千四蚊;
我唔要見倒我個戶口扣左千四蚊;
唔係收千四蚊,咁你打落張單度做乜?
得夠,叫你經理黎聽!
咩呀,我係客丫麻~~~
試問,有誰能擋!~~~~若是在現場,場面會更震撼!~~
>>May 3, 2005 at 9:47:08 AM GMT+8
2005 年 5 月 1 日 星期日 【晴】
剷牆假期
今天同文強一起去了港大溫書,明天要考普通話,
一千組詞語,娥姐真係越玩越大!~~~
溫到下午四點幾,開始無乜心機,最後還是走了!
到香港仔逛了一會,想買鑵油回家,幫自己的房間翻新一下,
但香港仔的五金鋪都關門了,回到華貴又買不到,
無野係難到我既,最後跑左上去華富,在五金鋪臨關門一刻我及時趕到,
買左一雙湖水綠既顏色..........
回到家開始剷牆,襯住阿爸阿媽落左街拍拖,
我就立刻開工,拿住個剷係咁剷係咁剷!
剷左成個幾鐘,
突然佢兩個返左黎,
心諗:死,今次實比媽咪鬧,但事情竟相反,
阿爸入左黎望左一眼,然後點點頭,講左句鄉下話,
然後就出去同阿媽講:嘻嘻,比佢學下都好!~~~
心又諗:好在!~~~~~~~~~~~
大累了,又未溫好書,最後只能完成半邊牆!~~~
我又將個電腦轉了轉位置,現在成間房都好正!~~
哈,好開心呀!~~~~
---------------------------------------
常在指引 :蕭輝+Chr!s
祢共我往日縱多分歧 還是祢說著永不捨棄
縱為我 賜下了滿滿恩典大愛何又我沒這種感覺
看著祢我甚痛心千憶個疑問 怎麼方算做對
難道愛在退減
想 聽祢內心一句 指出我不對
盼望有天能用這愛應許
如今 的歳月滿佈希虛 離開祢令我覺傷心天陰沉
流著滿面淚 讓輕風送它飄去
祢是我世上裏的一切 無盡愛,快令我心淹蓋
縱做錯祢沒有叫我一個面對情願祢自痛心撕碎
看著祢我亦痛心心早已流淚怎麼可再後退
明白愛是祢心
請 聽我內心一句 真的我不對
我願這天能用赦免應許 從此 心志為見証福音
耶穌祢為我作犠牲 怎可能 如沒祢共行怎麼去走此生
唯獨~祢是神供給所需指引
>>May 2, 2005 at 4:16:14 PM GMT+8
2005 年 4 月 30 日 星期六 【陰】
萬物的結局近了~~
你們都要同心,彼此體恤,相愛如弟兄,存慈憐謙卑的心.
不以惡報惡,以辱駡還辱駡,倒要祝福;因你們是為此蒙召,好叫你們承受福氣.
萬物的結局近了,所以,你們要謹慎自守,警醒禱告.最要緊的是彼此切實相愛,
因為愛能遮掩許多的罪.你們要互相款待,不發怨言.
你該知道,末世必有危險的日子來到.因為那時,人要專顧自己,貪愛錢財,自誇,
狂傲,謗讟,違背父母,忘恩負義,心不聖潔,無親情,不解怨,好說讒言,不能自約,
性情凶暴,不愛良善,賣主賣友,任意妄為,自高自大,愛宴樂,不愛神,有敬虔的外貎,
卻背了敬虔的實意.........
常笑以前的以色列人,活在主愛中仍不知福,不知足!
我..........亦復如是!毫無改變!
昨晚睡前看報,看到一句:
太懂得計算,才算不出友誼的重要!~~~
---------------------------------------------------------
送給各位,"常在指引"
感謝上帝,在我的生命中每時每劇都不離不棄!
牧師:感謝你今天的分享!我感受到你那份心痛!~
--------------------------------------------------------
有線班講波佬成日叫錯球員名,
今天他們把維拉的華素爾叫作"華素屎".......!!
細佬在與老豆對話:(阿爸正躺在沙發上..)
細佬:喂,你聽日駛唔駛返學?
老豆:嘻嘻..lee個真係癲既!~~~~~
細佬在沙發上睇波,雙手在輕力打個肚,
老豆在門口外面望入屋內,然後雙手亦放在肚邊,跟細佬一齊做,
我看見,當時我們三個是三角對站,我亦把手放到腰間一起打,
三條友就不停咁打,好攪笑!
根住阿爸就話:你兩條友都癲既!~~~~
無錯,我阿爸就係咁,由細話我地五個係癲既!~~~-_-"""
------------------------------------------------------
晚上同阿媽一齊睇大長今,
我阿媽見我在做一些減大脾的小動作,
於是她站了起來,手腳動幾下說,這是可以減手和腳的!
我問她是在那學的,
她說:多士閒情
我:....................................
>>May 1, 2005 at 3:28:24 PM GMT+8
2005 年 4 月 29 日 星期五 【晴】
有點煩,好鬼嘈
早上返左學校教口琴班!
可能因為過左好長既假期,同學仔好似唔記左要上堂!
少左人返!~~
十二時離開中學,往聖光堂出發,
早左去到,在堂內溫普通話同埋跟aurora傾電話吹下水!
大約半個鐘後,開始有人黎裝飾個場!
我今天是來唱詩班!
首歌好低音,唱左好似無唱咁!
所以各位,若想結婚而又想整首好d既歌,
除非個詩班好多男仔,否則千萬不要選一些低音的歌!
今天在會堂內參架婚禮的人,九乘都係我地教會既人,
輪到教會人一齊影相時,全個會堂得番最後二小排的非教會人,
樹寧講得岩,應該相反方向影,非教會人上台,那會有多d位!:p
整個婚禮都好快手,幾好!~~
完了後,跟美儀,kris,麗茵一起去了我以前做PT的那間大家樂食野,
有點懷念個水吧!
有姐,蘭姐,玲姐,金鷹仍在做,哈哈,不過都不認得我了!~~~
吃完後,忽忙返教會上主日學,今天人小小,卻學倒好多野!
這個使徒行傳真的很深!~~~
後去了竣然家補習,哈,佢派左數學考試卷,
你地估下佢有幾多分…..佢有92.5分呀!
不過我覺得佢其實係可以拿到100分,
錯的都是一些極細微的地方!~~哈哈,我好開心呀!~~~
晚上跟tammy一起去了大家樂吃晚餐,然後去了海旁打轉!~~~
:p
晚上到家,烏煙障氣,二姐回來了,跟大姐一起在吞雲吐霧!
我真的很憎人吸煙,我係一百萬個憎!
好在電腦壞了,佢地用唔倒,否則我的房一定被她們攪挎!
講真,我好唔想我二姐返黎,一返黎,有機打就打,
無機打就傾電話,吸煙,大聲講野,大聲聽歌!
嘈到想死!~~中三畢業到依家,從未試過正正經經返工,
整天留在家中,好似吸血咁待吃!
我都唔明點解可以咁!
我的結論是,千萬不要讓你的子女入讀樹仁中學,
二姐的一生在7年前已完結了!
細妹的一生亦已步進了這個死亡的深谷!
二個人的同樣特徵是,固住玩,花錢,出街,唔讀書,唔做野,等食!
我,生活在這裏,房間的隔音不太好,常受著很大的聲音搔憂,
唉!~~~~~
不過也有好處吧,最少她們這麼就知足!…….
>>April 30, 2005 at 4:31:49 PM GMT+8
2005 年 4 月 28 日 星期四 【晴】
終於找到了!~~~^_^
早上九時許到校跟marketing組同學在學校canteen食早餐,
出席者有:aurora,ccc,恐長聾,
還有kennix和阿bell.講真,都係第一次在這裏吃早餐!~~~
今天是marketing最後一堂,唔!~~~我的確幾喜歡marketing!~~
monica差點趕不上來,因為今天要交我們的文字報告,
若遲到就要扣分!在這裏,點番首洩海奇的"趕" 給你聽!3個字由油麻地上到樹仁!勁!~~~
今天考PE,考羽毛球,考我們開球的準確度!
我第一次係66/100分!-->拿D的成績! OH~~~~弊家nail!
monica拿92/100分,拿A的成績!~~~~~噢!~~~~女仔中最勁!
我無得選擇,一定要從考,不過分數被會減10分!
其實因為那些羽毛球的質素參差,我在第一次考時掌握不到力度!
但在第二次考時,聽MONICA話,用佢個C+拍和C+羽毛球,
再開10球,結果係96/100分!~~~~唉,好在!~~~
扣除10分,都有86分,咁都無咁驚!^__^好野!~~~
用C+野可以換番個B,算幾好了!~~~
放學後,碰上組女winnie,她拿著一隻碟,是我訪尋了數個月的歌,
誰曾應許,我真的開心到不知如何去形容!~~~
放學,終於上到黃竹坑小朋友家幫佢補習,
本身諗住如果再上唔倒咁就唔再補!
不過,再在仍可繼續了!
明天是教會朋友洪毅和阿傑的婚禮!
要唱詩班!^__^在這裏祝福你們!
--------------------------------------------------------
住屋川大
>>April 29, 2005 at 4:22:58 PM GMT+8
2005 年 4 月 27 日 星期三 【晴】
路不拾為?!當然係拾為不報好D
已經是28號了,這個學期好快就要結束,
好快就YEAR 3了!
今早不用上英文和成本會計,
因此在家中,一邊享受著新電腦的......."快"和
做英文ESSAY!
11點50分出門口,上學去,12點24分到校!
超~~~~~~~~~~~~快.............
如常的上堂,放學後,
我與MONICA,aurora,阿慈,kennix一起由樹仁行到汁魚沖,
其實係我和monica今晚又要再返ac nielson!
我們五人一起千山萬水去吃雜果杯,
幸好大家還歡喜那間店鋪!
其實的確好吃,老闆娘仍然認得我和moncia...太好!~~~
吃完後,送大家走,然後到了大家樂坐了一會,
monica請我吃了雞脾餐,正,雖有點驚人,但隻脾幾正!~~~
謝!~~
今晚其實只係返上去trainning,
因我地兩個有成半年沒有做,公司想我地再train多野!
在trainning中,大家記住,個名係讀ac new son,不是ac nail son!
無風無浪放工,去了拾地龍,當我在銅鑼灣地龍拿8達通準備出閘時,
有個5毛屎從我的口袋中跌了出來,向前方滾了去,
我正上前拾起,有個先生亦同時看見它,亦正灣腰把它拾起,
我以為他是幫我,誰不知他流暢的動作,拾到那5毛就立刻把它"袋袋平安",
我在他後面打了一個大凸,接著就是不斷地笑!
"邊有d咁既人架,男人老狗,cheap成咁!"
不過,5毛就擙來大笑片刻,那也算值得!
不知為何今天胃口特別好,剛放工後,跟monica一起
去了7仔,試了一隻維記全新的牛奶產品,叫xx澡!綠色的,
味道跟平常的沒兩樣,大家不妨也去試試,推廣價5蚊雞!
回家後,又在吃!~~~~
在沙發上睡著了,早上1點多起來,
打這日記!
>>April 28, 2005 at 6:36:39 PM GMT+8
2005 年 4 月 26 日 星期二 【暴雨】
路雖風平,但仍拔刀相助!
早上如常十點返到學校,CULTURE到下個星期仍然要上堂!
Oh~~~
今天這一課自覺學到很多,
課題是"全球一體化"!
在這個環境下,第三世界國家的人的生活情況只會越來越慘!
原來第三世界國家的資源是很足夠他們自吸自足,
但當各國的殖民主義入侵,如,殖民者見到他們的咖啡豆好正,
於是給他們所謂的多錢,他們就把所有田用來種賣倒錢的貨,
但這完全破壞了自己的自吸自足,國家沒有生產足夠量食,
最後反而要向第一世界國家賺買,貴得負不起的錢,
結果就告成糧食短缺,致飢餓,死亡!~~~~
我們又講到"專利",這原來的意思是鼓勵民間創意,
但後來卻被有權力的人當成為生財的工具!
要申請一個專利是要有100萬美元,試問再有學問,再聰明的人,
也不是每個都有那麼多的錢,結果就是被有錢人把不是自己發明的東西,
霸住了,當作自己,拿了專利,若其他人生產,就是犯法!....有無攪錯!
這造成第三世界國家沒有能力買藥,治療愛滋病!
現是,第三世界國家的愛滋病帶菌者人數約有2200萬,
我們全香港只有700萬人,那麼即是有三個多香港,所以市民都是愛滋病人!
那實在太可怕了!
-------------------------------------------------
放學回家休息了一會,後去了力行補習,
今天有點冷清的感覺!
家中的電腦中了病毒,明天又有essay要交,怎算???
好在文迪來了幫我手,他還跑了回家拿window程式給我,
還幫我裝好哂!~~~
感謝億分!現在我的電腦是前所未有的咁快!~~
哈!~~正!
>>April 28, 2005 at 3:18:09 AM GMT+8
2005 年 4 月 25 日 星期一 【晴】
蕭輝惹的禍
今天考普通話背書,早上九點就返到樹仁,
Dragon,aurora都已返到了,
我們吹了一個鐘水,後又去左osa找karen,
十一時就上班房,哈,我背倒我自己想背的那一課書,
好野, 不過可惜都係差少少先至背得哂,
無可能,我懷疑係小明計快左我時間!~~~
放學在soc房等大家,可惜最後還是等不到,
決定回家去!~~~
大約二時到家,很累,整左"尋找"和"彩虹下的約定"的口琴譜,
睡了大概半個小時,後就返力行了!
六點tammy來了接力,因為我又要去教班了!
今天是結他班的出糧日,教左咁耐終於可以出糧了!
其實對於這個結他班,我的感覺是有點depress的,
因我到大家的要求過高,
以致大家反而所學到的不多!
到了今天最後一堂,大家連一些很簡單的地方都不懂!
有點失望!雖有幾個學生有不錯的成績,
但,我始終覺得係失敗!
有點覺得自己很沒用!還答應了他們繼續教暑假班,
好像很沒出色!~~~
拿了支票,正想到銀行入票時,
竟發支票的台頭寫著"蕭輝",
我只能拿著張票,對著個ATM在傻笑!~~~~
噢!~~~~~
-------------------------------------------------------
以真誠送給我心愛的marketing 組員:
dragon,阿慈,ccc,monica,aurora,andrew,仲有我自己....
朋友
>>April 26, 2005 at 3:13:00 PM GMT+8
|
|
|
有點煩,好鬼嘈