|
2005 年 6 月 4 日 星期六 【雨】
秋雨之福
詩篇84篇6節這樣說:
他們經過"流淚谷",叫這谷變為泉源之地;
並有秋雨之福蓋滿了全谷.
這個世上並沒有流淚谷,
只有尋求神的人才能有機會走進這谷.
淚水,並不是重擔,因我們的天父已把它變成了泉源之地,
就像秋天的雨水像祝福一般降下,滋潤大地!
上帝,求你也給我有機會走進這個谷!~
-------------------------------------------------------------------------
monica,aurora,阿慈,kennix今天十二時上機了,
展開一次四天的台灣自助遊之旅!
本也想去,但因經濟能力有限,
所以還是留下!~
今天是星餐主日,要獻詩,
其實首歌的確實在太短,我也未能全然享受在其中!
因通風問題,加上昨晚遲了睡覺,
崇拜中有一段時間在垂釣!
下午的家會,果真有家的感覺,
很好,真的很好!盼望我們華貴堂各人都能為著大家彼此禱告守望!
--------------------------------------------------------------------
回家後與隔離屋肥仔一起看哥斯拉,
其實都算好看!
--------------------------------------------------------------------
教會現在有很多個小朋友(BB級),
我最錫係晞晴和諾言,
我都好想同一信仔friend D,但無耐佢成日都唔同我玩!
同天行玩既親切感比以前多左,佢都開始鐘意同我玩!~
其實我在好耐之前同自己講過
我要做這班小朋友的好哥哥,教佢地,照顧佢地,同佢地玩!
小孩,始終都是最天真可愛的小天使!
需要更多愛心,更多時間去栽培!
>>June 5, 2005 at 12:33:48 PM GMT+8
2005 年 6 月 3 日 星期五 【雨】
玉不琢,不成器
早上補習,
小朋友的英文越來越有進步,太好了!
不過可惜為時已晚,因為下星期就開始考試!~
下午返小組,有十二個人,都叫做唔錯!~
沒有上主日學,對不起霍生!~
與TAMMY去了香港仔,本想買份生日禮物給慧姸姐姐,
但因太難選了!所以最後還是沒有買!~
去了海怡慧姸姐姐家為她祝生日,
挺開心!~
後與大家一起玩樂器!
才發覺自己真的有必要再磨練一下自己的音樂造詣,
若不再進步,難以再行走江湖!~
>>June 4, 2005 at 3:12:50 PM GMT+8
2005 年 6 月 3 日 星期五 【晴】
第一次做司事~
早上又係同TAMMY去左港大,
因為我地係為左參加一D外間團體攪的活動,
所以特地回校整野!
到了一時多,大家都各自離開做自己野,
我返到屋企換好衫後便去了力行補習,
一對可愛的小妹妹越來越喜歡同我玩,哈哈,佢地真係好得意!
臨近考試,他們的功課又多,又要同時間幫佢地溫書,
所以都幾忙!
七點離開返教會,
今次係我洗禮之後第一次做司事,
其實之前紹雄哥哥都有編過我做司事,
不過因那一次有野做,所以叫左阿光頂替我!
今次我係同TAMMY一齊做司事,
哈哈,我地帶左相機映下這個第一次!~~~
完教會,同石石,佩琳,TAMMY,阿光,枝爺去左失蹤食野,
離開時落下滂沱大雨,我們都沒有打傘,
我除左件衫比TAMMY遮頭,
而我自就當然係濕哂啦,女仔,紿終都係容易病,
更何況佢下星期就要去短宣,
所以就更加唔病得!~~~
到家,我件衫都可以縷出水了!~~~
一個熱水涼,乜事都無!~~~
>>June 3, 2005 at 4:43:09 PM GMT+8
2005 年 6 月 1 日 星期三 【晴】
練習開放日的歌!~
6月25日係我地樹仁學院的開放日,
今天我就去了上環,與文雯,大佬一齊練歌,
大佬自己將聞一多的<<也許>>改成小調,
嘩,真係正到爆!~~~
我們還會表演歐瑞強的<<漁火閃閃>>
仲有<<月亮代表我的心>>,
真係開心死,最開心就係識左大佬,
簡直係音樂高手!~
原來佢都識RYAN(阿南)!~~
都係結他強人!~
-------------------------------------------------------
早上與Tammy去了港大的自修室睇書,
除了考試外,這裏的環境的確係好好,
最好就係睇書,
不過,因為我近日的確係好累好累,
所以睇左無幾耐就開始垂釣!
晚上去了小朋友家補習,
唉,希望你可以齊齊整整咁上中學啦!~
-------------------------------------------------------
練完歌之後,同文雯在地鐵裏用極之流利的普通話對話,
好多人都有側眼望我地,若果大家都以為我地係自遊行,
那麼我這兩年辛苦學普通話都沒有白費!~
好勁呀,文雯佢考中央水平試得二甲的成績,
佢話娥姐唔比佢拿一乙,
要佢再比多千五蚊!~~~
我都覺得文雯係得既!~~~~
-------------------------------------------------------
我,要成為祂棋下的一名猛將!~
------------------------------------------------------
晚上同TAMMY去左跑步,
都幾好!~
有D其怪,我十會朋友裏面有九個都沒有打日記,
係幾日都無打,
蝦,返學無時間就係咁打,
放假大把時間就沒有打,哈哈,真係攪笑!~~~~
>>June 2, 2005 at 4:17:42 PM GMT+8
2005 年 5 月 31 日 星期二 【晴】
今日好好天呀!~
早上同Tammy由香港仔行去淺水灣,
途經黃竹坑的曾福琴行,好正,d野好平,
我買左六塊pick,之後又睇左好多口琴,
我地好想買一個四百六十蚊的德國貨,
真係超正!~
之後繼續行,今天的天氣真的很好,
行到去都只不過係十二點,
離開,我回家,她去跟同學唱k.
回家後在聽張國榮的真情大碟,"寵愛張國榮",
真的超正,勁有感情!
裏面寫著:
戲能入迷,只因領受箇中真情
歌能對味,是為唱至通透心扉
唱響歌中刻,演活戲中曲
戲歌交聚,最是教人陶醉
寵,人中之龍,愛;用心以待
最愛金曲:
今生今世,[電影:金枝玉葉]
追[,電影:金枝玉葉]
夜半歌聲[電影:夜半歌聲]
當愛已成往事[電影:霸王別姬]
----------------------------------------------
下午會去力行補習,
後再去小朋友家補習!
近排既生活都幾累,好早就開始覺得眼困,
少左同朋友在網傾計!~~~~
各位:暑假快樂!
>>June 1, 2005 at 2:56:25 PM GMT+8
2005 年 5 月 30 日 星期一 【晴】
露宿街頭!
現在是5月31日早上5時30分,
我大約在半個小時前回到家,
我整晚沒有回到家裏,因為忘記了帶鎖匙!
事情是這樣的,昨天(30號)晚上跟教會一班朋友在華富BBQ,
到十一時許完,然後到了香港仔吃糖水,
後送珊珊回家,但沒有立刻離開,
與好久不見的婷婷聊天,傾左大概一個鐘便離開,
因我知道今晚有足球比賽,心想細佬該沒那麼早就睡,
可惜到家門時發覺全家訓哂!
打電話,無人聽;拍門,又怕太大力嘈倒隔離屋!
最後還是沒有人回應!
心想,現在才二時,點算?!
落左街,在SEVEN睇左一陣雜誌,
然後又在公園坐下睡了一會,
不行,大街大巷,不能在這裏睡,怎算,我真的很眼困!
結果,我返到家門前,隔離有一個消防候轆,有我大脾咁高,
有兩道小鐵門關上,我走上前打開,發現裏面的空間足我一人入住!
於是我會躲進去了,由於四週的風有點冷和勁,
另外在怕若果我睡在家門口,比街坊見倒唔係咁好,
所以我最後還是反鎖自己在裏面,
太迫,最近又肥左,睡得好辛苦!
睡了大概個半小時,實在太辛苦了,又有點空氣不流通,
最後在差不多四時我便起床了!
落去SEVEN買野飲,然後四周行下,
又在公園睡了一會,
不多一會我又回到家門前等我大姐起床離開!
到了五時,她真的起床(若她不用返早我就慘!~~~),
她開門離家上班去,
我這才有時間再入屋!~~
沖著熱水涼,才發現這麼一點點是上帝的恩典,
生活在香港,對我而言,我從未試過這樣,
熱水,多麼的溫暖!~~~
---------------------------------------------
今天體會多了露宿者的苦況!~
>>May 30, 2005 at 9:49:55 PM GMT+8
2005 年 5 月 28 日 星期六 【晴】
閔政浩!~
開始發覺自己越來越鐘意長今,
真係唔知道去形容,
真係好靚!~~~
今日教會有個聚會,係邀請家人親戚來教會玩,
同埋晚上有個飲宴!
四時,大家都到了教會,我同幾個教友要做一套大長今的Drama!~~
我扮閔政浩!~~哈都幾攪笑!~~~
-----------------------------------------------
七時去了竣然家補習,
九時到銅鑼灣,同tammy一齊去買新背囊,
今天幾開心,早上的講道十分好,
讚美部份亦好!真的不錯!~
-------------------------------------------------
在這裏祝恐長聾.....山逸塊落!
>>May 29, 2005 at 3:47:29 PM GMT+8
2005 年 5 月 27 日 星期五 【晴】
重聚日!
早上去了黃竹坑小朋友家補習,
有點開心,因他開始記得多了一些英文字的解釋,
我都幾安慰!
下午去了wilson和viann的婚禮,
我們因塞車遲到了,但婚禮的會場的確幾遠!~~
個場好大好靚!~
又一對結婚了!~
-------------------------------
後坐榮哥車去了旺角!
與tammy行了一會街,在旺角足球場坐了一會,
吃了支揚枝金露雪條!~~~
後我便join我的同學一起去了BB任食特區!
$88蚊加一每位,到我來說雖是有點貴,
但,十三個人一起吃晚餐,又可以見番好多好耐都無見過既同學,
都值得既!~~
這裏是在一個半鐘頭內任叫任食!
我諗我最少食左十五件sushi!
仲有好多其他林林嬸嬸既食物,的確幾正!
結果每人都係比$90,因這裏是買8送1~
喂,親愛既朋友仔,我地幾時又一齊去下先?
-----------------------------------------------------
九時半完,後跟幾每同學去番波鞋街睇鞋,
而我自己就買左一頂cap帽,都幾正,仲有九折,
一向都沒有帽岩我的大頭,但今次這個又大又岩,
價錢又不太貴,所以便立刻買了一頂!~~
坐旺角van回家,不用四個字!超快!~~
>>May 29, 2005 at 3:21:13 PM GMT+8
2005 年 5 月 26 日 星期四 【暴雨】
cma考試!
今天終於考最後一科,這亦是全個學期最唔明白自己在學甚麼做甚麼的一科,
因為個阿sir對考書其實沒有甚麼興趣,所以沒有教甚麼,
m........唔可以怪佢,因佢真係無興趣,
比佢學期初時一句說話打醒,
上到大專,就自己讀書,!~~~~暗示了我們要更加努力讀書,不可以浪費時光!
三個小時坐在過百人的hall裏面,大家的心情相信同我一樣!
感覺就好像在考英文作文一樣!~~都幾刺激!
我希望我唔好肥佬!
下年不想再努力一次!~
----------------------------------------
考完後同monica一起到銅鑼灣m記,
有aurora,阿慈,kx一起在這開會,去台灣的行前會議!
後又有05天空人camp的會,
阿don,alex同埋dana都黎左,
哈,見倒大家,都幾開心!~~~
>>May 29, 2005 at 3:27:45 PM GMT+8
2005 年 5 月 25 日 星期三 【雨】
力戰到底!~
雖然學左成年都唔知個ACCT 阿SIR教乜,
但我仍然會努力!
-----------------------------------------------
我就像天上的一個塑料袋，風吹，我便起；
風停，我便緩緩地落下來。
風大時，或會把我吹上萬尺高空之上，直飛入雲；
風大時，亦會把我吹到街頭巷尾的一角。
又濕又嗅的水把我綣起在地上，就像一堆垃圾。
又尖又利的鐵網把我脆弱的身體劃破至不像甚麼 !
風仍是繼續吹，我已經找不到我的另一半身體，
我更記不起我的原本的面貎。
我問自己，難道這就是塑料袋的一生?
我們最光輝的時刻難道就是在百佳，惠康等超市中的短短數十秒?
溜過街邊，看見紙袋和更美的同伴，
心中只能渴想：若我是它們便好了!
許多人說我們的一生就是為地球帶來災禍，
光輝、燦爛與我們有鴻溝之隔。
在一生將結束在貓狗的爪牙之前，
我想說句：我最少裝過你們的垃圾 !
--BY ericsiufai
>>May 26, 2005 at 3:12:42 PM GMT+8
|
|
|
秋雨之福
玉不琢,不成器