2003 年 9 月 17 日 星期三 【酷熱】

今日體鍛終於都跑步喇！
九分鐘我慢跑左 1350m 左右啦~
都唔辛苦既~~下次可以快返少少~
真係幾鐘意上 IRIS 堂，因為佢講得好有趣，間中又有笑料喎！不錯～
只少呢堂係我寫得最多 NOTES ~ 其他堂我真係唔係寫咁多野囉..
晏晝去李慧珍食左份廿五蚊既公司三文治，不過又係超超大大份
所以我食剩好多方包，涵就食晒～（涵先至好味架嘛！）
下晝有返 tutorial，係運用返上晝教既野，同 client 做 health assessment~
不過下次要記得帶多件衫，間房冷氣太凍喇！閂左一部冷氣仲起雞皮..
頻僕左幾日終於都訂左花喇！雖然唔係首選既花，但總算有努力過都俾自己有交代..
好想加多張咭，咁會比較有心思少少，收花人都應該會更加開心
不過時間有限喎.. 得兩個鐘時間.. 要 design 又要整.. 未必做得到！試下啦~ 盡力而為！！
死喇！星期日之前要傾好咁多野！有無可能呀.. 仲要咁 details 喎..
得三個人傾，呢幾日仲要唔得閒.. 點傾？！！
多謝小雲咁遠水路幫我買本書返黎呀~！有咩要我幫手就出聲啦喎~~ thx thx~
哈~ 今晚又無咩點食飯，又係食送飽呀～
d 送岩胃口嘛~又好食喎~~ 梗係食送唔食飯架啦！何況我又唔多鐘意食飯既～
好想快 d 到聽朝呀~~ 好想睇下收花人收花時個樣呀~~
唔知扎花會襯成點呢？！希望會好靚好靚啦～

>>September 18, 2003 at 1:20:15 PM GMT+8

2003 年 9 月 13 日 星期六 【雨】

好開心見到家欣既書法進步左呀~
仲覺得佢比以前用心同認真學
果然抵我最錫家欣喎！
晏晝食左豬手（好好味～不過有少少罪疚感~肥呀！）
之後去左椰林閣食下午茶當係慶祝四個人既生日~~
好在有阿連同我 shared 一個焗芝士肉醬意粉（又係好好味呀！）
諗住行去三聯買返本公仔書當教材，但係睇左好耐都無買到呀..
反而走左去睇煮野食既書~ 發覺自己都幾鐘意呢類書，睇開就唔想放低本書
三聯無我想要既 Anatomy 書，但係就俾我見到本醫學宇典攪到我心郁郁想買呀！
究竟買唔買字典好呢？！佢又唔係必買喎..
睇左好多支三四五六色筆，但都無邊支係心頭好既！
突然好想要部 notebook 同 printer..


>>September 14, 2003 at 2:08:22 PM GMT+8

2003 年 9 月 12 日 星期五 【晴】

再次成日貢獻俾新時代喇！
朝頭早跟 Bling 上堂，下晝同阿豐一齊教~
結果我呢日返朝九點半放六點九呀！
Bling 果幾堂睇落幾好教架~~對比起我自己果兩堂真係相差甚遠..
王先無啦啦走入黎話卓然想換老師.. 嘩！唔好關我事呀！
阿豐 dem 埋呢次就唔會同我一齊教喇，下次就要自己黎！要加油俾心機！！
有少少怕攪唔掂 discipline，其他應該只要有足夠準備就無問題既！
好多謝好好人的阿豐教左我咁多野呀～希望我真的做得來丫！
搭小巴返屋企時有個男人嗌威爾斯落車，點知到站又無人應無人落車攪到個司機勁忟..
都唔知邊鬼個咁衰仔！！攪到係威爾斯上車個女仔無位坐要企響度！真慘..

>>September 14, 2003 at 1:49:24 PM GMT+8

2003 年 9 月 11 日 星期四 【晴】

中秋節翌日假期~
衡衡果班提早上堂
所以我可以早一個鐘放學啦～
跟住搭車出尖沙咀（原本第一站係去旺角架！點知 81C 唔經囉～無所謂啦！）
尖咀條彌敦道有好多巴基斯坦籍人士呀！仲好積極咁遞傳單埋黎...
諗完一輪，最後去左意粉屋食野～雖然坐係窗邊，不過無靚風景睇架..
食飽飽行下商場睇一陣野就去維園 lu~~
好失望呀.. 個綵燈會同我想像中根本係兩碼子事...
都完全無中秋氣氛既.. 仲要好有新年既喜氣洋洋 feel 添..無端端徙左十幾銀地鐵錢喇..
不過~~之後係百德新街果頭見到有人即場燒製手扼~~
自己都有少少想整返隻架！但係諗來諗去都唔知要咩色溝咩色好.. 所以最後都無整到 lu~
返番尖沙咀發現原來唔只維園先有綵燈會囉.. 文化中心都有呀！！
果度既燈籠呀氣氛呀好似仲好過維園添呀！！！唔制呀！錯過左喇！！！
其實自己都幾想係海傍吹下風架.. 早知就唔去維園喇！
不過來日方長既～下次有機會先啦！

>>September 14, 2003 at 1:31:19 PM GMT+8

2003 年 9 月 10 日 星期三 【酷熱】

九一一撞正中秋節！
好多人返工返學都可以早放
但係我要由八點幾上到六點幾先放學！
今日體鍛好曬呀！係跑道做 situp，之後又急步行運動場九分鐘！
原本佢要我地做埋 sit and reach，不過我地話趕住上堂無理佢！
哈！佢一話下一堂先做返，我地就即閃攪到佢好似同空氣講野咁！好好笑～
跟住就上左七堂 nursing~ 不過唔算好慘咋！
因為 prof 講得好好！好生動！又好笑！好鐘意上呢堂呀～
tutor 係 connie～即係我之前個英文名囉~~所以有多少少親切感~~
最後仲有一堂中國社會！
係 ELB 等上呢堂，無啦啦阿凌走左入黎叫我！
但原來佢既目的只係寸我囉！！佢放學，我就仲等緊下一堂！
好在今堂中國社會係睇戲～又準時六點三放人喎！都唔錯丫～下堂又繼續睇戲！
夜晚係屋企同親戚食飯做節，雖然無食飯但係食左好多野好飽！仲有湯圓做甜品喎～
睇左慰叔旅行既相～好多好靚既相呀！嬸嬸話佢地騎既馬好弱小唔安全！無事就得啦！
好似開始多野做... ...

>>September 12, 2003 at 5:09:29 AM GMT+8

2003 年 9 月 7 日 星期日 【晴】

今日去威爾斯聽野
仲係入面四圍行下睇下
原本十二點三放，結果十一點左右就解散
提早放學又咁近林裘謀喎～梗係返下去探下老師們啦！
第一個見到的是王天成
我第一句同佢講既野就係姣婆紫三個字！！因為佢著左件姣婆紫既恤衫
都傾左一陣，佢就俾佢結婚相我地睇～我地目標當然係睇佢老婆啦！
之後學校放 lunch ，好好彩都俾我地見晒中七既老師
約左 miss lam 食飯，但我而家又發現原來我果日要返學去唔到！激死人啦！！
諗住返屋企食飯，點知屋企無飯食，所以出左沙田新光飲茶
食完野已經三點鐘，咁就去左商務買 files啦～
聽日上解剖，要睇下 bio 書！！

>>September 9, 2003 at 12:49:16 PM GMT+8

2003 年 9 月 6 日 星期六 【綿綿細雨】

上晝教書法
下晝去左香港大會堂
真的有好多好多賓賓哩！
個場都算不過不失，但係俾獎既方法真係唔係咁好喎
有咩理由頭幾名可以大搖大擺上台領獎
而優異獎就要係個典禮完左之後先至搵人派張獎狀
攪到人要齋坐兩個鐘頭喎！好似大細超左少少囉..
買左件外套～幾好丫～返學冷氣強勁至岩著～
食左個冧酒提子雪糕呀！好好味呀！

>>September 9, 2003 at 12:36:16 PM GMT+8

2003 年 9 月 5 日 星期五 【晴】

今日又去左第一城呀
黃生話有班俾我，要我去睇堂喎
咁就睇左四堂，真無聊！
不過我發覺一班太多人真係幾難攪！尤其係有幾個好多嘴好多手多腳！
即使有班係得一個人都未必好，因為個細路會無咁好心機無咁聽話
點都好啦！試下都無壞既～
平時返一個鐘唔覺冷氣好凍，但今日就凍到我雙手痺晒！！
下次上咁耐一定要帶多件衫先得！

>>September 9, 2003 at 12:26:20 PM GMT+8

2003 年 9 月 4 日 星期四 【晴】

今日淨係要返兩堂書通
不過我同阿連都提早少少返去
因為參加圖書館個 tour~ 次次都遲左既...
書通都幾悶，唔抄野寫下野實會訓著
不過我抄抄下都唔想抄 lu~
六點鐘先去第一城，所以走左去上哲學！都幾悶！
不過我都係志在有個地方俾我消磨一下時間之嘛～咁就無所謂啦！

>>September 9, 2003 at 12:19:40 PM GMT+8

2003 年 9 月 3 日 星期三 【綿綿細雨】

今日上左九堂！
由八點半上到六點四..
好累呀..
除左第一堂係體鍛同最尾果堂係大通之外，其餘七堂全部係上 nursing
我覺得教 nursing 既 prof. 全部都好好人~
好似今日遲放食晏就主動話 lunch 之後果堂遲少少先上~~ 真係好照顧我地呀~~~
但係好在個個上堂講野都唔錯，好過尋日果 d 好多多~~
唔想 PE 咁遲先落堂俾人換衫，今日九點四先放人！
換得衫黎都九點半啦！仲要趕去 ELB！！結果遲左兩個字上堂喇！！
如果星期二又係咁就分分鐘俾人鎖左門入唔到去上 Anatomy.. (係 anatomy 既 prof. 講架.. )
真係要同阿 sir 反映下先得！！
今日差唔多七點先返到屋企～累！累！累呀！！

>>September 4, 2003 at 1:03:26 PM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28038

Design & Scripting by ShowHappy.Net