2004 年 3 月 5 日 星期五 【晴】

今日一早起身洗頭出門口，今日step終於返學~
住o係圩鐵度撞到karine~ 初初佢都唔發覺我，後來先發現我住o係佢對面~
落校巴既時候仲同karine商討緊食咩早餐，炒米粉好﹖定雞脾好﹖
諗左我勁耐...仲要勞煩到step姐姐幫我揀，佢揀左米粉，不過正排緊隊既時候，
karine先同我講︰「哎呀~ 唔記得左tim~ 星期六冇炒米粉架~」......>.<"
作死咩，咁就唔好浪費我咁多時間諗啦....佢仲笑！
so冇得揀，第一次查住隻雞脾o係classroom食~ 不過食完都好空虛...個肚``

上完econ就同step、占去左銅鑼灣食lunch，
今次又去紅螞蟻，不過今次既我食得好痛苦...
因為個變態占竟然....o係極度既時侯，
一連串好順暢既動作.....拎起杯檸樂入面既飲管...插入佢碗鰻魚少飯上面既荷包蛋個蛋黃....
佢用飲管吸啜蛋黃既蛋汁....佢仲要坐正我對面，成串動作佢表情自然.....
而我同step就.....嘩，睇到想嘔.....真係好核突.....全程搞到我皺埋眉頭咁食...
佢同step仲要o係食飯當中傾埋d咩咩"湯"田雞呀....切開一件件都仲郁呀咁.....痴線架...！
嘩，如果人地唔知，見到我食得咁苦，以為間野d野食好難食咋....
唉.....宜家諗番起都想反胃.....世界上真係無奇不有....~.~"

然後就去宜家，然後再去biotherm幫christy拎野~
再之後...地鐵上step有小小意外！真不好彩...我同占在旁都好同情佢....^.^
下次要帶眼行路喇~

之後就返屋企lu~
唉~ 份功課要轉brand呀....>.<
因為"比較"呢樣野，可免則免~
唔緊要啦，都可能係一件好事！

哎呀...同oyan & 呀爸講番呀占個真人show...真係好...horrible！

>>March 6, 2004 at 9:20:33 AM GMT+8

2004 年 3 月 4 日 星期四 【晴】

有曙光喇！

>>March 5, 2004 at 11:00:52 AM GMT+8

2004 年 3 月 4 日 星期四 【晴】

今日上account都算充實架喇，因為我竟然o係堂上自己做左3條數~ 仲要俾埋佢對o個先叻嘛~
上完就去canteen食野，之後就去圖書館，因為好似好耐冇睇《電影雙週刊》喇...
之後上英文堂呀，今堂都唔知做乜，平時從來都唔會叫我既miss，竟然今日一次過叫中晒我、占、呀lee同cathy出黎"informal presentation"~ 不過今日miss好似幾好心情咁，present完都逐個讚~

之後就搭116，然後就陪christy去labour department登記，趕得我地呀...o個度d人超好，明明冇晒都俾埋christy個籌~ 佢一邊填form，我就一邊幫佢抄定d野，個傻婆不停跌野....最後呀，竟然佢17號要interview！搞到去海洋公園又改期lu~

之後我倆就上左慈雲山同治堂~食完就分道揚鑣lu~

>>March 5, 2004 at 10:58:11 AM GMT+8

2004 年 3 月 3 日 星期三 【晴】

今朝呀，有史以黎發夢笑到醒左．．．哈哈．．．
諗番起都好好笑．．．我仲記得個夢架～

今日成日睇唔到電話響，ｓｏｒｒｙ．．．我知衰。

另外，我都話我自己做咯～不過驚做唔晒咋．．．

>>March 4, 2004 at 10:53:27 AM GMT+8

2004 年 3 月 1 日 星期一 【晴】

今日好似有好多趣事咁喎～

都唔知好彩定唔好彩，今日呀，
上完ｍａｒｋｅｔｉｎｇ之後，搭小巴落炮台山，
去到唔知邊到先發覺自己個電話唔見左，
我仲坐ｏ係度諗緊放左ｏ係邊既時候，
ｃａｒｔｅｒ同呀ｌｕｉ原來已經幫我打左去我個電話度，
然後再話我知原來跌左ｏ係小巴度～
仲要有兩個學生執左～
ｓｏ我就打俾個學生，原來係佢地ｌｕｎｃｈ　ｔｉｍｅ完，
所以佢地話放ｏ係佢學校（桂華山）個校務處度拎，
超好人呀～無名英雄呀～十大傑出青年人選呀～
因為到最後我都未見過呢兩個學生架！

另外，發現自己原來有一班好好既同學，
佢地．．．仲好似俾我緊張，仲陪我去ｏ個間學校，
超好人呀～如果唔係知地，我都唔知原來ｏ係小巴度。
拎番部電話之後，第一句就同ｃｈｒｉｓｔｙ講ｔｈａｎｋｓ　ｇｏｄ～
ｔｈｅｎ就打俾斌自首，佢仲笑我ｔｉｍ．．．
不過我又係大頭蝦既．．．！

ｓｏ，唔夠時間去教協買飛喇．．．
因為我要去學琴，所以就要麻煩ｃｈｒｉｓｔｙ同ｃａｔｈｙ去買。

學完琴呀，ｃｈｒｉｓｔｙ打黎同我講原來佢地今日同我一樣黑仔～
因為ｃａｔｈｙ發現自己ｏ係地鐵唔見左隻「金厄」，呀ｃｈｒｉｓｔｙ又唔左咩咩蓋．．．
好邪呀～全新部唔見既野都俾係曾經ｃａｒｔｅｒ同埋呀占掂過架！

岩岩食完晚飯～
好搞笑喎，坐坐下突然收到ｃａｒｏｌ電話，
個傻婆問完我一輪做緊乜之後，
就同我講佢原來ｏ係大埔撞到高佬同佢女友喎～
勁喎，咁佢都認到！不過，好搞笑～搞到我同ｃａｒｏｌ講得傻晒咁～

跟住諗諗下，宜家都幾搞笑，
諗番起，好似宜家我以前ｄ朋友同宜家ｄ朋友都好似．．．大家識大家咁！
好似呀柴又同過ｏｙａｎ影相～
７仔＆ｃａｒｏｌ又同過我同ｏｙａｎ食飯～
ｃａｒｏｌ同我家姐又一齊去過ｈａｉｒ　ｃｕｔ～
ｓｔｅｐ又做過我家姐結婚既姊妹～
ｃａｒｏｌ公司既人物我又識喎，因為以前我做佢個位嘛～
我家姐同姐夫又識呀柴喎～
澤昕又同過馬理信同學仔出街．．．
但係佢地都係來自我唔同時候識既人～
感覺都幾搞笑～
因為初初講呢個就以為佢地唔識咁，其實佢地又知邊個咁．．．
就連呀爸有時都問我呀邊個係ｌｔｐ同學﹖小學同學﹖馬理信同學定宜家ｄ同學﹖
．．．．有時我都搞到亂晒喇！

>>March 2, 2004 at 1:25:00 PM GMT+8

2004 年 2 月 29 日 星期日 【晴】

今日又係好討厭既星期一.....
一早起身打俾step.....佢都未起身，
最後佢仲唔上英文堂，得番我自己返學，
今日搭車去北角轉bus，因為自己好似遲左d，
so bus會快d。
殊不知一出北角....終於俾我見到傳說中既jeffrey，
仲有今朝都chat緊問緊大家返學既時間.....型呀~
食完lunch，繼續我地既波子棋，我都覺喎，
我d棋好似越來越退步咁喎，haha
上maths堂好同carter傾計，獲益良多。
上埋law堂，之後就去油塘meet ben，
然後就去左慈雲山食野~
食完野，就送我返屋企lu。

# 係喎，你講得岩，我唔係o個種人，亦唔會為左o個d目的，不過好開心得到應同同埋支持。我發覺原來好平常。

原來我d同學係好得意！

>>March 1, 2004 at 2:12:44 PM GMT+8

2004 年 2 月 28 日 星期六 【晴】

今日睇電視有一句幾精警既說話︰「窮日子當作富日子過；富日子當窮日子過」
講得好好喎，講心態。

>>February 29, 2004 at 11:31:31 AM GMT+8

2004 年 2 月 28 日 星期六 【晴】

今日返church，
同呀柴搭車o個陣先發現原來大家冇一齊返church已經有7個weeks，
唔係佢唔得閒，就係我唔得閒咁，
唔講唔覺時間過得咁快~
去到半路總撞到呀sir架車，
haha，又見到佢姪仔、大佬、老婆....
我借佢張card，而佢就有野叫我地幫佢拎，
可惜今日返完church我唔得閒，so，呢個重任就交俾柴~
o係church度撞到ja bing、呀蝦同蘇文聰，都又好似冇耐冇見喇。

返完church，唉~ 斌先準備出門口~.~
不過算啦，個傻人琴晚打機打到5點幾先訓，
傻架....
套戲都幾搞笑，最後o個到仲好嘔心tim，一諗起都想笑！
睇完戲又去左黃大仙飲茶~
原本都冇諗過今日又飲茶，just即興~

飲完就返home lu~

>>February 29, 2004 at 10:52:37 AM GMT+8

2004 年 2 月 27 日 星期五 【晴】

今朝同ben食早餐~ 不過好似我遲左少少，sorry。
食完之後，佢陪我搭車until油塘，then佢就返工、我就返學lu~

上完econ，好沉悶呀~
好勁呀~用左7個字既時間去到旺角.....幾驚呀！
然後又周圍行等oyan啦~
不過好彩~ 因為carol同7仔都黎左旺角，
仲叫埋我地一齊食"面譜"，我地四個人食完就分頭行事lu~
我同oyan行下行下，個傻婆又"單思病"發作喎，
行到咁上下，大家都累喇，就食埋楊枝金露就走lu~

hehe~
今日俾好多人話我好似唔同左咁，
cathy同christy話我好似今日唔知發乜癲，好得戚喎！邊有呀~係christy stupid者~
呀占又話我好似好開心咁，彈下彈下
7仔同carol又話我成日傻笑，係咩﹖佢地兩個傻人仲好似好期待我會有咩講咁~ stupid~
冇喎~

不過呢，我今日好感動呀.........
放學既時候，同cathy、christy行，傾緊某d未傾過既話題，
佢地竟然話冇問題.....而且仲好support，
而且講講下，原來佢地同我一直既底線都係一樣，仲話.....我都同意...
勁感動.....

>>February 28, 2004 at 12:45:10 PM GMT+8

2004 年 2 月 26 日 星期四 【晴】

琴日放左學之後自己行左陣causeway bay先去西營盤~
因為夜晚7:30要去開義工會~
個巴士司機勁好人，加上carter教路，
終於去到了西營盤正街喇....
去到都只係6:30，仲有成個hour，所以我就先去食野，然後再周圍行陣~

上到去開會，total 6個人，
初初都係好巡例咁開會講下下個月既on duty、今個月既情況咁...
講講下就開始講到宜家d義工，繼續講義工既心態，
就由o個一刻開始，佢地個個都茅頭指向我咁，
因為在場最細係我，同埋只有我係學生，
不過佢地唔係針對我，而係想好奇學生既心態﹖
ada (中心呀頭)佢問我有咩令我繼續做library service?
我...都唔知點答佢，最後我就話同eliza個point一樣，
不過亦好坦白咁講，我另一原因都係因為見到個service越來越少人，
如果我都走埋，我諗會更少人，
佢地好似好噩然我會咁答咁，haha (咁係事實呀~)
不過如果坦白講，我都唔知自己點解會繼續做，
"為幫人"﹖我諗未去到最大原因，亦唔覺自己有資格咁講，
亦都好多人好似幾奇怪我點解要做義工咁，成日都問有冇錢架﹖
冇錢都肯做﹖學到d咩呀﹖為識人呀﹖你有好多時間咩﹖(無知！所以我通常選擇唔答！)
可能為左唔捨得，而且我係罕有既第一批人，舊人剩番唔多，
而且見到ada好睇我，而且個個都好錫我咁，有少少覺得應該做好d。
白痴~ 義工梗係冇錢啦~
學到d咩﹖睇你點睇者，人際關係囉，初初俾人鬧會唔知點應付，做耐左，就會一次比一次處理得好、識得畸去處理。個答案係行d，不過你事實，而值同唔值，就睇你個價值觀。
為識人﹖仲白痴！冇你地咁得閒！

不過我好欣賞diana o個句︰如果有能力的話，「做幫到人o個個點都好做俾人地幫o個個」！
一個好好心既退休婦人，好佩服佢~ 好多野，都係講個心既者。
咁又係，佢講得岩，如果d學生係為功利的話，為做功課、為做義工儲鐘數的話，
不如唔好做，獎狀只係一張紙~ 況且係一張好多學生都好"容易"拎既紙，
about義工既紙...我都有好幾張....

唉.....總之，我覺得琴日個會係好值得去開，
因為從中聽到佢地既心聲，亦都有機會俾我講下感受，
都好架，起碼，知道佢地宜家個service需要d乜野。

仲有，好耐冇見過ada，
好似...都有四個月，今次一見佢話我有好大轉變，
成個look唔同左，唔認得我，
不過我覺得ada好好人，每次見到佢都有好多野講，
又呻下佢宜家負責既活動幾咁辛苦呀、唔夠義工咁。

嗯.....經過今晚，唔知點解，好開心識到佢地。

>>February 28, 2004 at 12:31:17 PM GMT+8