2004 年 4 月 11 日 星期日 【晴】

今朝9:00起身，諗住print野，點知，真黑仔！又冇墨喇.......
又懶得落街，so最後叫step幫手！
不過我都要逐個打俾我o個組既同學仔，追功課~ 嘔血~ 特別係"完顏粘平如"先生！
跟住有個靚女(miss chung)打黎搵我，佢d傻氣始終都冇變....~.~"

琴日做街訪，嘩....一早晒到我傻左...
我去拎水飲時個super見到我好似目無表情咁先知原來我個位勁晒，
so佢先叫我轉位，嘩，太開心....
跟住lunch又係我地全組人一齊去食lunch~今次仲多左office既呀欣~
佢不知幾開心有人陪佢食lunch~

今次去o個間幾好食喎，個menu都好得意，
有好多個套餐，有"喜樂"、"忍耐"、"信望愛"等等，
最搞笑個兒童餐叫做"開心"！
不過...唉....晌煩o個個人坐o係我附近，
我真係好佩服佢，可以不停咁講野.....真係好.....~.~"
唉，我地呢邊d女仔食得好唔安落，好似搬左部收音機黎咁...>.<

下晝幫左一個印巴藉既男人登記，好犀利呀，係佢自己行過黎話登記架！
佢講廣東話，佢話佢已經住左十幾年喇！

之後收工，原來斌都黎左欣榮花園~
然後就去左又一城睇戲，然後就去左樓下食野，返屋企lu。

>>April 12, 2004 at 5:05:13 AM GMT+8

2004 年 4 月 9 日 星期五 【晴】

今日又要返工，不過今日o係九龍城碼頭似食西北風~
因為個碼頭都冇人既~~ 就算有人.....一係就比較年長，一係就...未夠7年...~.~"
好彩我地都搬左兩張凳輪住坐，坐坐下，
悶到抽筋，so就"又"玩iq題.....原來我d同事係好stupid.....~.~"
最搞野係有d..."自由行"竟然以為我地係"新渡輪"既職員，問我幾幾點有船﹖
無奈地冇野做就幫佢地搵下答案啦....

放工之後，同呀cat又去買chocolate bread同埋cake~
一出門口，有個冇得頂既人走黎同cat講係之前佢幫佢登記，可唔可以俾個電話佢做個朋友！
我笑到彈開左....因為o個個人真係冇得頂！......個樣+個神韻！
最後﹖梗係冇俾啦佢！

>>April 10, 2004 at 1:22:12 PM GMT+8

2004 年 4 月 9 日 星期五 【晴】

突然好掛住羅定邦，
我諗如果返下母校，我會有咩感覺﹖
琴晚都不經意地夢見自己返左去ltp~

>>April 10, 2004 at 3:07:00 AM GMT+8

2004 年 4 月 8 日 星期四 【晴】

今日呀袋終於聽我電話，
今日又終於俾我o係hollywood戲院俾我見到大咀銘同佢女友~

>>April 9, 2004 at 12:15:14 PM GMT+8

2004 年 4 月 8 日 星期四 【晴】

唉...今日仲坎坷....
4:20am就已經醒左........眼光光....
until 6:00就send左個sms俾斌，
原來好彩send俾佢，佢先識起身，佢唔記得左較鐘~

之後唔知幾點又訓著左lu，訓到11點到，有個煩人oyan打黎！
之後仲慘...原來呀媽嬲左家姐....搞到要做中間人...
不過今次都覺得家姐衰~

>>April 9, 2004 at 4:06:56 AM GMT+8

2004 年 4 月 7 日 星期三 【晴】

晏晝同左carol、柴、同carol個fd fanny去飲茶，發覺呀柴瘦左~
瘦剩得個大頭~ sorry，佢冇留意到佢原來"聲稱"佢自己轉左look~ (~.~")

下晝初初話要補堂學琴，
點知....個呀sir冇到....因為個職員唔記得左約呀sir...
唉，為免個職員俾人鬧，我只好話唔緊要啦，當我黎放學費啦~
佢勁感激~ 仲要我走左之後，打左三次電話黎約我時間，可惜我唔得~

今晚返工....
返工前行左落自修室俾張野俾柴~
行行下先見到gap杰原來佢約左柴，
希望佢記得我講既野呀下！
然後就急急腳行去搵柴然後搭車...
整....原來返6:30而唔係6:00！
搞到又搵自己笨......
then就又行下"華潤堂"，其實都唔係行，
因為全程半個鐘都同oyan傾計~
傾左好多野~

然後就返工，今日係最齊人~
連.....最煩o個個人都返左....
初初個super叫我同佢一組，
我又衰，呆左，一聽到就忍唔住笑...搞到個super即刻換左呀康俾我，
真衰！忍唔到笑！
今日做洗樓呀....洗"metropolian rise"~
我同康一左一右開始按門鐘.....我見到呀康被拒絕時(被"彭"門時)佢都好自然個樣，
我又忍唔住笑！！
跟住我按其中一道門鐘，一按...嘩...入面d狗就係咁吠...
嚇到對面既呀康都跑過黎問我有冇事，
然後就話好彩o個家人冇人，如果唔係就一家有事，
因為o個家人仲要得木門，冇鐵閘架.....d狗聲仲要勁立體...
hahaha....呀康就話入面一家唔止養左幾隻狗，而係百幾隻狗！
笑到我...之後同返cat、joey講起，發覺呀康係冷面笑匠！
掃完樓，勁快，因為多數冇人，大約唔使一分鐘一層，
機緣巧合下，個super原來以前都係讀樹仁，
仲要又係海外合辦學位既學程，不過佢去既係英國~ 估唔到喎！
我淨係覺得佢似郭sir咋！

之後買左mcdonald返屋企食，
haha返到屋企，最後食左好多野~
除左一個餐，再食多碗米線、仲加多個粟米批~ 超滿足~

今晚o係電話度，斌門左我兩條iq題(森美小儀o個d)，
整....我又諗唔到喎，又不停問佢問題，
佢竟然話我蠢！仲要話都知我蠢，但係冇諗過真係咁蠢！
到宜家我都好記得佢咁講我！懷恨在心！

>>April 9, 2004 at 4:00:10 AM GMT+8

2004 年 4 月 6 日 星期二 【晴】

今日晏晝打俾斌時引出一個小笑話，
宜家諗起都覺得好笑....

唉~ 我諗我都要開始克服對動物既恐懼...
不過都覺得自己比以前好左...
起碼見到狗唔會大嗌先...
琴日，有隻流浪狗跟住我行，
行行下就走到我面前望住我，
然後又跟我行...haha，佢望住我時我突然想同佢講野...
覺得隻狗好可憐...不過佢走左lu

不過首先都係要克服對貓既恐懼先....~.~"

>>April 7, 2004 at 10:17:39 AM GMT+8

2004 年 4 月 6 日 星期二 【晴】

見到d讀一年既同學仔就黎過去澳洲，
最近已經為澳洲o個邊既生活安排時，
佢地大約7月過去....
覺得時間真係好快過....
咁快就讀左就係一個學年...﹖

所以成日諗緊下年我過去會點﹖
我一定好唔捨得...
雖然過去兩年唔算長...
但始終成日都開始驚呀爸媽會好悶....
加上家姐嫁左出去又唔多返黎...
有時諗起佢地其中一個自己食飯會點﹖

我諗真係要認認真真咁教下佢地用電腦...

其實....都驚佢悶...
都好...有部電腦陪下佢...
但係...唔知點講...

上次都講開，叫christy幫我同cathy睇定邊d地方好住d，第時過到去，
大家都最好住o係附近，夜晚輪住煮下飯咁，因為最驚就係日日都扒.....
我寧願日日出前一丁都唔想日日扒.....
christy，靠佢喇...




唔知點解，始終好掛住三個月前去北京清華既o個段時間，
過得特別快....兩個禮拜太短喇...
下次應該去兩個月既交流團~

>>April 7, 2004 at 2:47:12 AM GMT+8

2004 年 4 月 6 日 星期二 【晴】

琴日原來唔駛去barbaoto小學補習......
作死咯...個校工話d學生放成個week既假....
然後又撞到另一個導師，佢同我一樣，
唔知佢地放假.....間野又唔通知我地.....
不過今日都有幸見到我既新partner導師...
我見過佢架喇....不過冇諗過佢係我新partner者...
因為佢係....一個40幾歲既中年男人...
個人幾好，不過導師中佢都算係年紀最大既一個...
不過佢都幾好人....我只怕下個week班學生見到佢會有咩反應﹖
因為班學生仔口多多！

所以就行左返屋企訓覺，訓完就又上慈雲山中心學琴...
學琴期間，突然諗起原來跟左呢個呀sir已經有3年...
唔諗都唔覺，因為平時都好少同佢講野，
應該係每次我都唔多講野，
佢講我聽、我點頭咁。

>>April 7, 2004 at 2:38:54 AM GMT+8

2004 年 4 月 6 日 星期二 【晴】

岩岩睇完某位朋友既日記後，
都好開心佢好似看透左一d野，
但真係好希望佢真係看透，
而且希望佢能夠做到佢既目標。
畢竟，時間不停咁走左好多。加油~

>>April 7, 2004 at 2:03:09 AM GMT+8