2006 年 1 月 29 日 星期日 【晴】

今日就係《花車巡遊抱抱你》o既大日子喇…
嘩…真係好抱o架…

1300 抱抱集合@中環廣場o個個嘖水池…
1315 抱4抱A組人齊行得…
1330 到達大會指定休息等候區@Hall 1A
1345 派衫換衫…
1400 食飯…[炸菜牛肉飯]
1430 開始收埋自己…o的o野…
1500 起程去綵排@金紫荊廣場…
1730 食Tea@金紫荊廣場…
1815 最後綵排…
1845 出發喇…
1915 A&B組到達第一個場地@港灣道…
1930 B組到達第二個場地@會議道…
1945 B組到達第三個場地@演藝道…
2000 花車巡遊開始喇…
2045 開始行返去添馬艦…
2120 花車巡遊尾聲…衝出場跳舞…
2130 花車巡遊結束…跟巡遊隊伍行返會展…
2200 返到會展等拎o野+影大合照+有o的人被訪問…
2330 正式走得…搵o野食…

最後…我係去o左買麥記外買返屋企食…
返到屋企係兩點幾o架喇…

抱抱o既內容後補…

>>January 31, 2006 at 5:56:16 AM GMT+8

2006 年 1 月 28 日 星期六 【晴】

年廿九喇…
～～～～～～～～～～～～～～～～～～～～～～～～～～～～～～～～～～～～～～～～～
天使阿藍獨白：

可以將噪音變成音樂
可以將你o既失望同唔開心變走
可以將夢想變成真實
只要心入面有愛的天使
咁 你有你o既天使未呀？

嘩…又係咁喇…都係執唔晒…
不過…都好犀利o架喇…
起碼可以清o左o的…
而家可以係房到用電腦囉…
但係就望住個鏡囉…
因為書檯就真係唔夠放…
應該係話放唔到電腦…
o的電線好煩…
所以…我個電腦…而家係放o左係梳妝檯…
哈哈…神奇呢…

係o個到…基本上就係我o既第二張書檯…
所以呢…呢到都會有基本o既文儀用品…
仲有好多徐大人o既o野添…

聽日就係抱抱o既大日子喇…
真係好緊張呀…會唔會好亂呢…
～～～～～～～～～～～～～～～～～～～～～～～～～～～～～～～～～～～～～～～～～

>>January 31, 2006 at 6:30:52 AM GMT+8

2006 年 1 月 27 日 星期五 【晴】

如果有人問我…

徐偉賢有咩咁值得你去欣賞佢？
我會答佢︰佢係一個好有潛力o既唱作人…會多方面嘗試…但係就係淨o的信心…

如果o個個人再追問…

徐偉賢咁有潛力,乜佢無公司捧o架咩？
我會答佢︰公司唔會幫到佢咁多o野…唱作人就係要靠自己…唔係個個都可以遇到Parco…
不過…佢而家間公司對佢都好好o架…最低限度比o左好多彈性佢…

我相信我咁答完…o個個人一定會再問多句…

咁…究竟你係徐偉賢邊個呀？
我會答佢︰我係一個全心去支持佢o既一個樂迷…希望有一日見到佢成功…得到更多人o既肯定…只要佢成功…佢記唔記得我都無所謂…幾耐我都願意等…

哈哈…之後應該會聽到呢個問題…

徐偉賢成功又關你咩事呀？
我會答佢︰係…佢成功唔關我事…但係…我會比佢更加開心…
o個種開心係無其他人可以比到我…更加無人會明白…

呢個答案又可以引發到呢個問題喎…

咁萬一佢真係唔成功咁點呀？
我會答︰成功與否好睇人o地點睇…係我心目中…佢早就已經成功o左…
只要我一日有能力…我都會支持佢…

哈…唔知點解…我覺得最後一條問題會問呢條…

好喇…最後…你有o的咩想同徐偉賢講？
我會話︰肥仔,你得o架…加油…比心機…(其他o野唔洗講…盡在不言中)你明o架喇！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
唔知其他人又會點睇呢…
我就覺得…佢o既音樂無論係咩形式都可以有新o既火花擦出o黎…
係我要求低定係我唔識音樂呢…

今日我o既目標係要執好我間房…
應該得o架…我唔信我唔得…

今日係Mozart o既生日…
所以將個背景轉用Mozart o既音樂…
向佢致敬…
我要儲錢去維也納…
我真係好想去喇…點算呀…
－－－－－－－－－－－－－－－－－－－－－－－－－－－－－－－－－－－－－－－－－
你們的關係，驚險刺激，預料不到，可以在極短的時間內發生感情，而且發展會像電影一樣，很有戲劇性。
－－－－－－－－－－－－－－－－－－－－－－－－－－－－－－－－－－－－－－－－－
呢幾日又開始發我o既春秋大夢喇…
我又開始計劃我o既婚禮喇…
Daddy Mammy 之前去過一個婚禮係用話劇型式…
哼…抄橋呀…
不過…唔怕…咁咪做我最想做o既o個個型式囉…
電影+音樂劇…
真係好期待…

>>January 28, 2006 at 1:25:06 AM GMT+8

2006 年 1 月 26 日 星期四 【晴】

今日唔知做咩…
老豆日鬧夜鬧…
真係好唔想留係呢到…

點解喎…點解成日都係鬧我喎…
我已經好多o野煩喇…

樂理好淺呀…
我唔想繼續讀書咩…
我唔想執房咩…
點解你o地死都唔比我向我有興趣o個方面讀呢…
成日就要我讀o的你o地想我讀o既o野…

無興趣又點樣讀呀…
根本我就唔想讀咩o野會計…咩o野電腦…
我真係好想讀語言…我仲想讀音樂…
成日就係到話搵唔到食…
除o左呢句…仲有邊句呀…

由起身就係到鬧…咩事o姐…
成日都係咁…
用電腦又會用壞啦…
我唔係佢囉…唔會拎o黎打機囉…
我唔明…點解佢o地自己成日拎部電腦o黎打機又唔識話下自己囉…

日日就拎我o黎鬧…
話我唔識爬返起身…
係呀…而家我係唔識爬起身呀…
你o地係我屋企人呀…唔係應該扶我咩…
由我無o野做o既o個日開始呀就不停係咁鬧啦…
咁我仲可以做咩呀…
我無朋友o架喇…
我o的朋友全部都係比你o地鬧走o架…

成日就用我而家住梗o個到o黎踏我…
話我無資格住…養唔起自己…
我想話…我住呢到唔會住一世囉…
咩事呀…成日就講到我係無人要…
好呀…而家係咪真係要搞到我無人要…
你o地就真係安樂晒呀…

日日係到話我…明知我唔鍾意聽負面o既o野…
你o地就係都要講…
由細到大呀…我拎o既獎唔會小過阿哥呀…
佢讀名校…我讀九流學校呀…
九流學校o既我都拎到獎呀…
你o地有無諗過我用o左幾多努力去做呀…

中五o個年English Speech Fest. 個結果對我影響有幾大…
你o地又知唔知呀…
點解當日我拎到成績之後係咁喊呀…
係因為我達唔到我想要o既成績呀…
點解我咁在意呀…
因為我真係有努力過呀…

點解我係教會所做o既一切…
牧師、傳道人同你o地講返…
你o地返屋企都可以拎o黎鬧呀…

我一直係人面前講幾多你o地o既好o野有咩用o姐…
成日就覺得我係人面前講你o地唔好…

今日喊o左好多次…
女麻女麻鬧我…叫我唔好用衫袖抺眼淚…如果唔係好易盲…
我諗都無諗就答佢︰盲咪盲囉…盲o左咩都唔洗睇…
o個陣佢o地鬧梗我成日走o左去睇話劇、音樂劇…

我成日都諗…佢o地當初點解要醫好我對耳喎…
等我可以聽到佢o地點鬧我呀…
有好幾次…我真係好想自己整聾返自己…
我耳仔成日都會比我整損…每次都係因為呢個原因…

我真係好攰喇…唔想再係到玩咩遊戲喇…
我只係想安安定定…讀書又好…做o野又好…
仲之就唔想玩玩下啦…我根本就唔係一個咁o既人…
係你o地幫我定位咋…我只不過係想做我想做o既o野o姐…
我22 喇…唔想再好似比你o地擺佈咁呀…
我已經夠失敗o架喇…我只係想要o的支持o姐…
點解你o地一o的都做唔到…
我已經無o左最信任o個一批朋友…
我已經越來越唔信人…
係咪真係要我一個都唔信先得呢…

我想做語言治療師…
點解你o地會話荒謬呢…
做專業人事…唔係仲好咩…
點解會睇死我做唔o黎…
你o地根本就唔比我去試…
根本就無人肯幫我去行第一步…

搵琴行…哼…我兩年前想學返o既時候已經搵o左啦…
問價…加晒啦…
搵人教…搵o左啦…係你o地話Kenny 教唔到我咋嘛…
咁我仲可以做o的咩呀…
想打返好自己個低先再比人教…
想跟中大校外課程學o左即興鋼琴先…又話無用…
究竟你o地對音樂識幾多o野呀…

我真係唔知…我可以點做…
算啦…可能個天就係要將我變成一個失敗者…

>>January 27, 2006 at 7:27:52 AM GMT+8

2006 年 1 月 25 日 星期三 【晴】


http://hk.geocities.com/pecocastle/

Link o左去相簿同Link 返翻Peco Castle …
只會有最近一個Funz. 資料…
其他資料…請到Peco Castle …

呢個就係我今日做o既無聊事呀…哈哈…


今日整o個個係Cheese Cake o黎o架…
就係因為我今日要上堂…
我無得去抱抱呀…

>>January 27, 2006 at 7:05:09 AM GMT+8

2006 年 1 月 24 日 星期二 【晴】

徐偉賢 ペコ・チュイ 演奏給...... デビュー・アルバム！広東語盤！2004年！香港盤！

係一個日本網發現o架… 要買2500yen 呀佢隻碟…
2500yen 即係$178 呀…
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
嘩…原來我個MSN Short o左呀…
Short o左成十一個鐘…arm arm 先發現呀…
Sorry 呀Jenny …

如果[你]睇o左我日記…
有o野想同我傾…E-mail 比我啦…
係呀…[你]呀…[你]知我講梗[你]o架…
返工先睇我日記o個個…
－－－－－－－－－－－－－－－－－－－－－－－－－－－－－－－－－－－－－－－－－
今日我又訓足一日喇…
不過…係我今朝訓o既時候…
祈禱同神作出o左一個承諾…
希望我真係可以做到呢個承諾啦…

我都算勁o架喇…執清o左小小o架喇…
o拿…你o地邊個想o黎玩…
早o的出聲喇…
但係…先之聲明…我屋企無咩o野玩o架…

今日心血來潮又係到搞下我o黎梗想要o既o野…
唉…而家無o野做…
咩都要靠屋企喇…無計啦…
不過…我最想o既都係遊晒香港咁多區…
等我Plan 下先…

下面係肥仔音樂劇第九幕o個隻歌…
亦係佢跳舞跳得最放o個一隻歌…
我好鍾意呢隻歌o既歌詞…
隻歌叫做"最強最醒"
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
(Ryan)︰若每一個人 尋回自尊 動力便倍增
(安寧)︰找出方法 找出方向 投入在燦爛人生 先感到興奮
(Howard)︰若有一個人 全沒自信 沒法開心 這困境將佢受困
(冰河)︰將開雙臂來抱緊別人 這方可才獲得基本信心

(合)︰ 我用我手找到指引 原來夜裏不太真的黑暗
愛別人就算愛一個天也震撼

(合)︰ 我o地最強最醒 無乜可使我o地自憐自棄
來咬緊自尊心不需要運氣
憑這對手頂天雙腳亦跳起
我o地最強最醒 笑聲天天每日在等你
大雨或大風亦沒愁眉
有別人留在暗中幫你 像有雙手貼著你

(Ryan)︰若每一個人 尋回自我 現在別再等
(安寧)︰伸出手去幫助別人 投入地愛護人 這生方更逼真
(Howard)︰現在這一個人 重尋回自信 沒有傷感與痛悲將佢受困
(冰河)︰將開咀巴來慰解別人 可以造成更多溫馨氣氛

(合)︰ 我用我手找到指引 原來夜裏不太真的黑暗
愛別人就算愛一個天也震撼

(合)︰ 我o地最強最醒 無乜可使我o地自憐自棄
來咬緊自尊心不需要運氣
憑這對手頂天雙腳亦跳起
我o地最強最醒 笑聲天天每日在等你
大雨或大風亦沒愁眉
有別人留在暗中幫你 像有雙手貼著你

(合)︰ 我o地最強最醒 無乜可使我o地自憐自棄
來咬緊自尊心不需要運氣
憑這對手頂天雙腳亦跳起
我o地最強最醒 笑聲天天每日在等你
大雨或大風亦沒愁眉
暴雨或狂風亦沒遊離
大叫或大哭這一個你
有別人留在暗中幫你
像有雙手貼著你
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
真係好好呀…好有意思呀…
每一次睇到呢段歌詞…
都會諗起肥仔係台上面跳舞個樣…
仲會記得隻舞點跳添…

>>January 25, 2006 at 5:54:58 AM GMT+8

2006 年 1 月 23 日 星期一 【晴】

哈哈…今日聽Kathy o既《創意空間》…
知道自己拎o左古典音樂 CD 一張…
真係估唔到自己會有咁o既抽獎運…

今日又係訓到六點幾…
差o的遲到呀…
今日第三堂樂理…
救命呀…Grade 1 o姐都咁難o既…
投晒降喇…點算…仲有21堂…點死…
仲要放假多都死…o黎梗放兩個星期囉…
有無人可以幫到我…唉…都係無o架喇…
莫非我真係無咁o既潛質…
但係…點解我會覺得好開心o架呢聽到有得學返琴…
死啦…究竟點解呀…
係咪我自己又再一次比太大壓力自己呢…

今晚要做返晒上個星期o的功課先…
我睇o左成日星期都唔識…
今日又有新功課喇…
點解Grade 1 都要 Composing & Answering Rythem o既…
Composing 唔係Grade 6 先做o架咩…
低音音階究竟係點睇o架…
我都唔知邊個打邊個…
高音o個邊完全無問題呀…點算…
六月考…我報唔報好…唉…

>>January 23, 2006 at 9:24:38 PM GMT+8

2006 年 1 月 22 日 星期日 【晴】

今日我o既行程好緊"臭"呀…
首先就係…如果我起到身…
我會返八點幾o既早堂…
之後1030 太子地鐵站C出口等…
1100 大角咀排舞…
跳到1330 …
之後就應該係搵o野食…
搵完就去買花…
之後睇下時間點…
1900 左右到理工…
2000 開場…
2115 左右中場休息…
2230 完場…
嘩…好full 呀…
大家有咩就打比我啦…
我聽到大家電話o既…我一定聽…
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
好…又打返今日發生o既事喇…
今日一大朝早就去排《抱抱舞》喇…
哈哈…估唔到…我o地呢場四號仔係全女班呀…
好話喇…我o地就係抱抱Ladies ~~哈哈…
其實今場好恐怖o架…
因為我o地呢一班Ladies 拍o既係一班癲o既細路呀…
應該有三十人o既佢o地…
哈哈…抱抱阿貞同抱抱Gloria 真係好勁…
佢o地將隻《抱抱舞》教班細路o既時候…
班細路好似打拳咁呀…哈哈…真係好好笑呀…
"抱抱恆龍超人變身可樂樽舞" 哈哈…經典呀…
打完拳呀唔係…跳完舞之後…
同o左三個抱抱人去食飯…
之後就同o左一個抱抱人去花墟買花比徐偉賢先生喇…
哈哈…叫到佢好行外添…哈哈…
我o既目標係要太陽菊…因為無咁女仔又夠Sharp…
哈哈…最後都比我搵到…真係好多謝你呀…
唔知佢鍾唔鍾意呢…但係…點解個個都係要話生日快樂…
又或者係要我揀百合呢…又唔係Kasabanka 呀…
如果係…都話要呀…白雪雪…我諗住比佢可以插幾日o架嘛…

好…搞掂晒o的o野…我就搭車去紅磡o個邊喇…
不過就係火車站坐o左一陣…同Fung Yee 傾傾下…
佢就叫我不如放低紮花去個場到…我返屋企拎返唔記得拎o既o野…
好彩有佢咋…如果唔係…我真係仲有大把o野要遲o的先比到肥仔呀…
架飛機買o左好耐o架喇…起碼半個月呀…
今次仲唔比佢…我都唔知幾時先可以比到佢呀…
返o左屋企…o拿o拿聲Dum 返隻『文化廣場』比Kathy…
拎埋個陶笛比Kathy …又係好耐o既o野…
拎返架飛機…再拎返我同子健七年前o既合照希望可以今日比到佢簽…
哈哈…做完晒o的o野…返翻o個場…都仲有成九個字…

等到入場喇…由於訂位o個到出錯…
我坐o個行有三個人前面有一個人…其實佢o地係一個Family …
帶位個姐姐堅持話佢知…你o地係要分行坐…
之後…我望望佢張飛…
唉…至不過係J 202 o姐…我又一個人…
好啦…我同佢o地調啦…
但係…一調之下…我前面o既竟然係Kathy 阿Yin 佢o地喎…
哈哈…但係我前面個位係吉o架…
徐大人…今次我夠前未呀…如果未…
我下次係咪要坐第一行呀…

開場前…我真係可以搵到子健簽名呀…
連佢個反應都係嘩呀…
哈哈哈…比我都嘩啦…七年喇…
我同佢影返一張近期相…仲同佢講…
七年後再比你簽返…哈哈…

開場喇…今次順o左好多…
比第一場真係好o左好多…
Ryan同安寧合拍o左好多…
同徐大人出場…佢真係好得囉…
今次佢出場…我無不停笑喇…
不過都係笑囉…但係就發現佢o地改o左對白囉…
仲有好多對白唔見o左…
徐大人…你越跳越好喎…轉型做唱作跳舞歌手啦…

中場休息…跑上去拎返紮花…
比人望住o架…不過…無法啦…
我真係去撐佢…呢份係佢o既禮物…
係佢努力得o黎o既禮物…

又開始喇…今日無o左好多蝦碌…
好彩我睇多場咋…真係無後悔…
安寧摑得細力o左呀…但係…徐大人已經掌握到喇…
不過…你去到跳Waltz o個到依然係走o左個Pat Pat 出o黎囉…

完場喇…致謝喇…
音樂總監…哈哈…阿Yin 同Kathy不停叫我衝出去送…
好…我鼓起o左最大o既勇氣衝o左出去…
我係第一個送花o既人…竟然比我聽到喝采o既聲音囉…
仲要係係我後兩行o既人到傳出o黎…
呢班人就係係徐大人出場o既時候無啦啦叫o左聲︰『偉賢呀…』o個班喇…
我送完之後…有另一個女人走出去送…
最後得知…原來係Miss Loo …
唉…咩事呀究竟…搞掂晒所有o野…
佢o地就留晒係台前影相喇…
徐偉賢先生今日有好多人o黎撐佢場…
所以…佢都唔得閒理o的飛來Fans 喇…
又何況係我o地呢…
我o地唯有係佢身邊做阿四啦…
幫佢安排下影相o既人呀…
幫佢做下溝通呀…做埋攝影師囉…
如果唔係…Miss Loo 都同唔到佢影呀…
佢好似個細路仔咁攬住Miss Loo 呀…好得意呀佢…
影到咁上下…我o地終於都影到喇…
喂…你…你…你…又o黎喇…
究竟做乜o野…話返比佢知…
佢一出場o既時候…有班女仔係我後兩行到嗌︰『偉賢呀…』
點知…你就即刻話比我知佢o地係你o既中學同學…
仲…唉…我真係唔知可以點講…
我真係好愕然呀…做咩呀你
點算…你唔係當o左我係你o的中學同學呀…
但係真係估唔到你今日都會咁呀…

今日真係…唉…我都唔知可以點講喇…
到o左走o既時候…
你竟然會隔咁遠嗌過o黎同我o地傾計囉…
做咩事…哈哈哈…
同你係到猛講返晒個劇o的對白…
真係好好笑…
估唔到呢…估唔到我會同你對到對白呢…
我叫你好似Dominick 國王咁去愛Erica 呢…
點知…你話︰『我係Howard Lo , 永遠都咁愛安寧！』
o車…咪又係一樣…做咩呀…無奈呀…
哎呀…今日真係好好笑呀…同好無奈添…

講返轉頭…終於比到架飛機你喇…
點知…你竟然話我知…
我送o既o野同某人送o既o野差唔多…
喂…究竟某人係邊個呢…唉…
比埋隻豬仔你…你竟然問我今年係咪豬年囉…
喂呀…今年係狗年呀…徐大人…記住喇…
你望住隻豬仔o既反應同見到雪橇仔個反應係一樣o架︰『嘩…好得意呀…』
之後就比o左封信你喇…Howard Lo …
問返你今場點解會改o左o的對白…做咩叫自己做“黑鑊撈”…
點知…你話比我知…你自己改o左囉…
仲話諗住因為自己第一場個妝太黑囉…
因為想搞個GAG 所以先改囉…
但係…今埸無人笑囉…

嘩…我終於都打返晒成晚o既o野出o黎喇…

>>January 25, 2006 at 5:26:53 AM GMT+8

2006 年 1 月 21 日 星期六 【晴】

今晚去團年…
如果唔係都會睇埋今場…
一直望時間…就好想知道你做到邊…
完場o既時候就打o左比Fung Yee …
知道你今日比人摑細力o左…

今日食飯o個陣…哈哈哈…
鬧出o左好多搞笑事出o黎呀…
Carman 仲話要分別搵我阿哥、肥仔傑同五舅父扮男朋友添…
哈哈哈…真係笑死人喇…
我同Brenda 未開始食之前就拎住本卡拉OK 點唱書係咁睇有咩騎呢歌…
今日搞笑o既表姨婆都有o黎…
我o地唔會叫佢表姨婆o架…
只會叫佢靚女…

哎呀…今日做漏o左o野呀…
我今日去到…淨係叫o左婆婆咋…
唔記得叫其他人添…
好…下次年初一要記實先得…
而家叫返晒啦咁…
二舅父、蕭婆婆、五舅母、Amy 契姨、三舅父、大舅母、
二舅母、五舅父 ～～

唔洗叫o既人有…
媽咪、女麻女麻、哥哥、肥仔傑[最細o既表弟]、茄莉[即Brenda,大傑仔幾個月]、
Carman[大我三個月o既表姐]、Cathie [細我哥哥一年o既表姐] ～～

我永遠都會記得…我五舅父今晚話我似梳起唔嫁…
仲要話我唔會有男仔要…哼…

>>January 25, 2006 at 5:56:03 AM GMT+8

2006 年 1 月 20 日 星期五 【晴】

肥仔…呢日終於到喇…
保持冷靜…
~祝你演出成功~
Good Show
加油…比心機…
撐你呀…唔洗驚呀…
你得o架…知嘛…