2004 年 12 月 4 日 星期六 【晴】

《抱抱第四埸》

嘩嘩…話咁快就第四次o既抱抱Funz 喇…
你o地有無去呢…

今次o既場地係設計成一個山丘咁o架…
今次派抱抱波板糖呀…
下次會派罐頭呀…大家記住早o的到喇…
今次好多歌手都失o左聲呀…
好似一峰啦…咁就由二汶代佢唱喇…
二汶亦有同Pixel Toy 玩返上次係BU Vol.2 到玩o既歌…
呢一到係第一Round…

到o左第二Round…
Brandon 呀、DJ Rozz 呀、Bliss 呀、吳日言呀、傳佩嘉呀、
徐偉賢等人出o黎喇…
簡直好玩…佢o地玩完自己歌之後…
就到o左大合唱時間喇…
大合唱唱o既歌…同上幾次無咩分別…
分別就係分別在佢o地今次有晒歌詞囉…
哈哈哈…唔會再有《啦啦歌》o既情況出現…

到o左跳舞o既時候…
其實…我企到最後…
不過…我o地個Area 係足夠比我o地去翻筋斗呀…
哈哈哈…都唔知點解會有人話逼…
去咁前又點…跳得好先得o架嘛…
係咪…我o地後面一班都已經好熟呢隻舞喇…
有人問起…我o地都可以幫手教lu …

>>December 14, 2004 at 3:07:11 AM GMT+8

2004 年 12 月 3 日 星期五 【晴】

《補習老師+無聊成長班》

Bobo 出水豆呀…
哈哈哈…阿Bo 都算大喇…
仲有15日七歲喇…
今日返o左小學幫阿Bo 拎功課…
無返小學都好多年喇…
最後一次返去係中一…
今次返去…感覺又驚又喜…
驚…學校變得太多…自己會唔認得…
喜…咁就有一個籍口返去喇…

返到去…見到門口o個個"姐姐"…
好熟口面…應該係我o個時都係到o既…
行多兩行…又見到一個…
都係熟口熟面o架喇…
唔知木匠叔叔仲係唔係到呢…
上到二樓…入o左校務處…
o個個書記…好明顯係我o個時o個個…
點解咁長情o既…

拎完就走o左…仲去o左百佳入o左好貨…
哈哈哈…跟住…就上o左阿Bo到…
去到…見到佢食梗o野…
諗住睇佢食完o野就走…
點知…佢要我留低…都好…睇埋佢做功課啦…
嘩…一年班…有一條咁樣o既數…
【爸爸點了15枝:岍諢A被風吹熄了6枝，爸爸回來時，房裏還有多少枝:岍諰O？】…
大家不妨答下呢條問題呀…o拿…記住…
呢條係o黎自小學一年級下學期o既數學作業…
阿Bo 今日做功課做得好快呀…係咪因為我係到呢…
通常都係…因為平時聽我表嫂講…佢做好耐…
做完就同佢玩Lego…其實…我有o的悶…
因為好想返o黎上網…不過…我又好鍾意同佢玩喎…
之後…佢要沖涼…我S峨左佢去沖涼…佢要我睇住佢…
唉…無問題啦…小朋友…我幫都幫過佢沖啦…
有咩所謂…是旦…不過…見到佢o的水豆出到好犀利…
沖完…Hanna 幫佢"查"藥膏…嘩…嗌到呀…
真係Fans Group 有你就咩都掂晒呀…
你把聲真係大呀…不過…我都知你痛o架喇…
搞掂晒…佢就食佢o既下午茶…當然我係無o架…
不過佢比o左一個包我食…幾好食o架…
百佳o既奶黃包仔…呢個亦係我o既午餐…
食o野o既同時…佢開o左個電視機…
佢睇開有線o架…咁因為佢細啦…
我拎o左個搖控轉o左去《創世電視》…睇下有咩睇啦…
點知…一轉之下…比我見到李沛誠喎…
之後轉返去兒童台…睇完o個個叫【陶氣小樂樂】之後…
我又轉一轉去《創世》…嘩…鬼呀…
嚇親呀…因為…我見到肥仔囉…
嚇死o左…之後…我就同阿Bo 講…
[哈哈…呢個哥哥好犀利o架…佢彈琴好叻o架…
佢係演奏級o黎o架…]
阿Bo 問︰[咩係演奏級呀…]
[即係彈琴最高o個個級囉…佢學o左三年就學到八級喇…]
阿Bo o個樣係呆o左o架…因為佢都有學琴…
佢問我…[xxx呀！(←佢對我o既稱呼)點解你知呢個哥哥咁多o野o既…你識得佢o架…]
[係呀…佢都識得我o架…]
BO: [咁呢個哥哥幾大呀…]
[佢同你xx(←我阿哥)一樣大o架…]
Bo:[嘩…我都想好似佢彈琴咁叻呀…]
[你練多o的琴咪得囉…轉台囉…]
咁我o地就轉返去睇兒童台喇…
睇到咁上下…我表哥返喇…
點知…電視機做比卡超囉…哈哈哈…
仲有…我表哥比阿Bo 逼佢同佢玩 007 呀…哈哈哈…
笑死我喇…我表哥三十幾歲人…同個七歲o既人玩007 …
lur o左一坦o野出o黎…都聽唔到佢究竟係《反彈網》定《射死你》…
六點幾…終於有得返屋企喇…好彩我住附近o姐…
==================================================================================
點解我要上《我要成長》o架…
算…我上…為o左浸…都要上…
出門喇…
---------------------------------------------
上完喇…救命呀…悶死喇…
點解我要上o的咁o既堂o架…
我想知個堂同《初信成長八課》有咩分別呀…
我上o左《初信》o架喇…我有【栽培員】資格o架…
想死囉…就o黎悶死喇…
仲話唔返要補堂…同埋…點解咁多人浸…
淨係得我要上o既…

點解…點解…點解…點解…點解…點解…點解…點解…點解…點解…點解…點解…點解…點解…點解…點解…點解…點解…

聽日又去抱抱Lu…
Come on Salsa music Come Let's Dance.........

>>December 4, 2004 at 1:15:51 AM GMT+8

2004 年 11 月 29 日 星期一 【晴】

《董氏家族聚舊》

今日係董氏家族聚舊o既大日子…
出席成員有︰
老豆《阿嵐》、大媽《Queenie》、細媽《Jay》、
大家姐《寶k》、二弟《我呀》、細佬《嘉賤》、
哈哈哈…因為我o地無叫阿爺…
所以今次阿爺無到…
仲有…阿嫲臨時有事…所以唔到…
兩老都唔到…哈哈哈…

你o地有事就打比我啦…
我會有時間聽電話o既…
好準備出門…Yeah…
《…待續》

>>November 29, 2004 at 6:27:32 PM GMT+8

2004 年 11 月 28 日 星期日 【晴】

《史上最貴o既一場Funz.》

加加埋埋…今日全日…淨係搭車…
係用o左過二百o架…哈哈哈…
好貴…

今日肥仔個樣好攰呀…
你都係要休息多o的o架喇…
話你攰o個個唔係我呀…
係我個Friend …我比佢睇你今日o既o野…
佢話覺得你好攰…其實…今朝已經覺o架喇…
唉…你休息多o的啦…唔好咁夜訓喇…
係…你係要作多o的好歌…
但係你都要顧住自己o既身子o架…
呢排Funz. 多o左…你要好好分配自己休息o既時間呀…
----------------------------------------------------------------------------------------------------------------------------
抱抱Funz. 點點滴滴…
===================================================================================
今日係第三炮喇…
有幾多個抱抱人有去呢…
我今日係有去o架…
唔知有幾多人知我係邊個呢…
不過…我之前係第二到趕過o黎…
所以…今日只可以企到草地邊…
不過最後都落到草地跳舞…
但係…我絕對係要憑記憶去跳…
因為太後同埋我太矮o既關係…
哈哈哈…所以跳o既時候真係憑記憶…
但係點解無得玩人龍…有o的唔開心…
真係好想同所以人一齊跳抱抱舞…
跳到好似台上面o既抱抱歌手咁呀…
好想join 埋一齊玩呀…
抱抱友好…快o的出現啦…
一齊癲一齊玩…一齊抱抱…
邊個要我抱抱佢o地呀…
下幾次o既抱抱自己搵我抱抱喇…

係…有問題問…
點解今日無罐頭o既…
淨係得朱古力同vcd 咋喎…
好想要件抱抱衛衣呀…
我好鍾意著衛衣o架…今日我都係著衛衣…
o黎梗o個場我都會著衛衣o架…因為最多o既衫…
真係好想拎一件去第二度著…
去旅行呀…去讀書…去做o野…
哈哈哈…一件旁身…世界通行呀…

下次我一定要早o的到…
霸定個頭位呀…
===================================================================================
我已經識晒成隻舞喇…Yeah…

>>November 29, 2004 at 6:35:51 PM GMT+8

2004 年 11 月 27 日 星期六 【晴】

《創建豐盛人生》

今日又見到死肥仔喇…
因為我今日同阿女會去[創建豐盛人生]呢個Funz. …
呢個係一個Talk …估唔到…去到個場…
第一個見到o既人係[馬國明]囉…
哈哈哈…我都唔記得o左…
佢係o個個教會o既人…

之後我就繼續寫我o個o的o野比肥仔喇…
其實都無咩o野…只係一o的好Casual o既o野…
仲有一o的佢想睇o野網頁…佢問過我o地…
咁我就決定Print-Screen 比佢喇…
仲有一個新o既留言…當然就係叫佢得閒上去PC 留返o的言啦…
唔知佢會唔會呢…亦有叫佢著件衫…
好好照顧自己…係o黎梗o既頒獎禮以最佳o既表現示人…
講真…對我o地o黎講…肥仔你已經羸o左o架喇…
拎唔拎到獎已經唔再係我o地想o既o野…
可能…因為大家都知道…當今樂壇一切可笑o既事…
肥仔你無獎…唔係你o既問題…
係o的人唔識欣賞你…唔緊要…你仲有我o地…

哈哈哈…講返今日…今日要入場…
但係肥仔要四點幾先o黎…
所以…我o地將支水比o左[馬國明]…
當然我o地都有寫返張紙仔啦…
哈哈哈…[馬國明]係唔知我o地個名o架…
但係…估唔到佢連肥仔都唔認得…
不過…講多兩講…阿馬生終於知係我o地Project 訪問o個個喇…
哈哈哈…算你啦…但係我o地真係要入埸…
點知…聽聽下…竟然見到馬生拎埋我o地支水入o左o黎囉…
喂…你想點呀…叫你比佢…你同我拎入o黎…
拎o黎比佢飲o架…

《...ing》


----------------------------------------------------------------------------------------------------------------------------
Blessing(廣東)

　作曲: 張敬軒/常石磊
　作詞: 黃霑

　攜手山野間　眾山青青　
　讓我傾耳聽　爺爺輕輕告知
　那些幽清　是先驅的笑聲
　窮蒼　盡是快樂感覺
　前人留福蔭　都化春風暖世間

＊投身山野間　教小小子認識星星
　微笑執小手　說光晶晶
　完全精英的眼睛　人間全賴有好英雄
　豁出種種英勇　為人類造了美境

＃THEY ARE BLESSING OUR CHILDREN
　THEY ARE BLESSING OUR NATION
　還令到我們抱擁了繽紛
　THEY ARE BLESSING OUR CHILDREN
　THEY ARE BLESSING OUR NATION
　要緊記幸福要我們俗世先驅遺蔭
　Repeat ＊＃

　種種愛是力量　帶動世上你與我的夢想
　今天享有的幸福　全令讓我感恩
　全賴有　啊
　Repeat ＃＃
----------------------------------------------------------------------------------------------------------------------------
夜晚o既show…肥仔唱o左…
《Sakura》~~肥仔
《鼓舞》~~ 邦生
《大想頭+慢慢來》~~肥仔…今次你無得跳…
《世界這樣大》~~邦生
《摘星》~~肥仔+邦生 …肥仔又唱摘星…都係下晝好聽o的…

>>November 29, 2004 at 6:26:34 PM GMT+8

2004 年 11 月 26 日 星期五 【晴】

《叱吒樂壇生力星音樂會》

超唔鍾意《叱吒》o既"食蕉" 呀…
而家係咪蝦我o地人少呀…
人o地大公司…有錢…咩都大過人…
連Fans 都大班o的…

係呀…肥仔係細公司呀…
但係我想話…我o地每一個都係出於真心o架囉…
完完全全無靠過公司o既一分一毫…
全部都係自己o既心血…
我o地嗌…我o地舉牌…
目的係等肥仔知道…佢係台上表演梗…
台下o既我o地係邊到…等佢可以定定地去表現自己…

唔該你o地o的"食蕉"呀…唔好見到人少你就蝦啦…
我o地已經坐得夠後o架喇…
我o地本來係坐最後一行o架…
不過唔知點解…你o地大會要係我o地後面加椅囉…
咩事o姐…係你o地加o架…
我o地無諗住會阻到人囉…
仲有…我o地五個人起o左身…
最高o個個都係得170 左右…
阻得o的咩呀…
坐低舉…比你睇呀…
我o地支持o個個人係台上面呀…
唔係係我o地前面呀…
你比第一行我o地呀…我o地一定幫你坐係到…
唔該你o地呀…一視同仁小小呀…
大公司o個o的都會阻到人o架…
去到後面…我o地真係咩都睇唔到囉…
我本來都唔激氣o架…仲S拳薵𩥝k唔好嬲…
但係…最後真係好唔知點囉…
連我都要發嬲囉…但係我唔可以講粗口囉…
不過真係好嬲…好想用粗口鬧人囉…
我想話…我唔係好好老脾o架咋…
當然…真係要我發脾氣o既話…
一定比我鬧得好犀利…
我亦都唔會係呢個時間鬧人…
因為我係唔會想比肥仔知我o地咁樣…
但係…你o地真係咪蝦我o地囉…

>>November 30, 2004 at 2:16:18 AM GMT+8

2004 年 11 月 25 日 星期四 【晴】

《剪頭髮+緣份的天梯》

今日去o左剪頭髮…因為我真係頂唔順o的頭髮唔長唔短…
係都等我去o左美國先唔長唔短啦…
返o黎一定係長髮o架喇…
剪完頭髮…見時間尚早…
所以就走o左去百老匯睇下有咩戲好睇喇…
比我見到今日上畫o既《緣份的天梯》喎…
諗都無諗就買o左張飛去睇喇…
買完飛之後就買o左個熱狗套餐喇…
哈哈哈…呢餐晏真係正…因為我好鍾意食百老匯o既熱狗o架…

套戲真係好正…雖然係講韓文…
但係…一路睇字幕…一路睇畫面…
一樣咁感動…一樣會整到我喊…
我一路睇…一路諗…
我會唔會好似鳳熙咁遇上好似奎植咁o既男仔呢…
遇到喇…o個個男仔會唔會鍾意我呢…
睇完呢套戲…反而覺得自己似奎植…
知道自己愛…但又不敢去愛…

究竟呢套戲o既內容係點…我唔講啦…
講o左大家點睇呢…
比個大鋼你o地睇啦…
都係係百老匯Copy 過o黎o架咋…
----------------------------------------------------------------------------------------------------------------------------
故事簡介:

神學學生奎植(權相佑飾演)，還差一個月便可以當神父，可是在教堂儀式中與同學犯下嚴重錯誤，結果被教區調派到一間鄉村教堂靜修。
　 　
當兩人來到這間簡陋的教堂後，遇到剛從美國回來的鳳熙(河芝園 飾演)。活潑開朗的鳳熙窮畢生的積蓄，從美國飛返韓國，希望跟男友共諧連理，豈料卻發覺只是夢一場。當鳳熙極度心碎、山窮水盡之際，喜獲擔任神父的舅父照料，擔當管理教堂的助手。

擁有鬼妹仔性格的鳳熙過慣不受拘束的生活，對教堂的規律一點都忍受不了。為了考驗一下奎植，神父為他定了目標，只要奎植能感化鳳熙成為教徒，就會保送他到神學院完成神父的夢想。起初，他們的相處好似貼錯門神般，經常發生衝突，但兩人隨著時間流逝而對對方產生好感．．．．．．。
===================================================================================
《緣份的天梯》翻譯歌詞…好好聽o架…好感動…聽住係會喊o架…
===================================================================================
當夜幕低垂 萬籟恬靜
我合十雙手 誠心禱告
噢，聖潔夜 你受困苦
望得恩典 如同等待 久旱雨露
給他一個女人吧 在他生命中
從未拖過…一個女人的手
看他天真的眼神
給他一個女人吧 只要望她一眼
他便一臉面紅 他如絲般溫馴
讚美他們 一對璧人
我猜想 是什麼令他們快樂
請祝福他們 愛到永恆
我妒忌也不要緊
你們彼此己…互相珍惜對方
給他一個女人吧 只要望她一眼
他便一臉面紅 他如絲般溫馴
讚美他們 一對璧人
我猜想 請也愛我吧
給他們的只有愛 世界從此更美好
他們的愛也一樣 是我們夢寐難求
我會(你有煩惱) 留給自己(請待我好)
你們會永遠…在一起
===================================================================================
套戲真係會睇到喊o架…
拍住拖去睇會最好…
因為我好可憐咁係自己去睇…
成日睇戲都係一個人…
可能因為我係一個唔痴身o既女仔…
哈哈哈…邊有男仔揀呀…
好懷念o個三個月有人陪睇戲…
你好好…但係我唔ARM 你…
因為我係一個唔痴身o既人…
當然亦唔會鍾意人痴身…
有o的似男仔…因為我o既目標係老公…
我深信…結o左婚見o既時間會比拍拖時間多…
咁拍拖又洗乜見咁多呀…
我需要o既係私人空間…唔洗成日見o架…
電話OK o架喇…E-mail 或者寫信都OK o架…
係…我係好多o野講…但係唔係對住任何人都會咁…
對我o黎講…愛情只係第二位…自己目前o既o野先係最重要…
到結o左婚…家庭當然係第一啦…
但係…我覺得朋友都係好重要…
所以…我絕對唔會係一個有異性無人性o既人…

有人想睇…我絕對唔介意再陪佢睇多次…
因為我真係太鍾意呢套戲喇…
睇戲係我人生o既其中一件緊要事…

>>November 30, 2004 at 1:38:00 AM GMT+8

2004 年 11 月 24 日 星期三 【晴】

《2046 新晉女子組合─白飯魚》

今日終於知道自己係2046 年會成為 V 婆…
有o的無奈… 不過…都係o架喇…
o個時我都 六十幾喇…
肥Pec o個時都應該退o左休lu…
又或者佢會繼續幫人寫歌o既…
但係…佢會唔會已經老到眼花呢…
哈哈哈…
佢o個時都係六十幾…
不過就六十到就o黎七十喇…哈哈…

而家係到諗梗佢個樣…
應該會好好笑…
佢o個時應該都有晒仔仔女女lu…
佢話佢唔早婚o姐…無話佢唔結婚呀…

今日都做o左好多o野…
因為我已經買o左Kathy 份聖誕禮物…
仲傾 Written Reporter 傾到三點幾添…
真係好想殺o左o個兩隻o野…

>>November 25, 2004 at 11:09:34 PM GMT+8

2004 年 11 月 23 日 星期二 【晴】

《朱古力有折射o架…Mc Cafe 有Mr. Bean…黃埔奇遇方力申…仲有新城拍Peco開咪─[大件事]》

今日比尋日好o的喇…
把聲無咁沙…不過都係咁傻…
仲八到暈呀…
比佢激死…

…內容後補…

>>November 25, 2004 at 10:58:44 PM GMT+8

2004 年 11 月 22 日 星期一 【晴】

《抱抱@BU Vol.2 + 奸病人─死肥Pec + "奪"人亞當…》

嘩…今日o既肥Pec 痴痴地o架…猛發癲…
夠喇o下徐偉賢…癲夠喇…

但係你病到好多高音都去唔到呀…
心痛死呀…
===================================================================================
抱抱Funz. 點點滴滴…
----------------------------------------------------------------------------------------------------------------------------
今日o既音樂會比較靜…
因為今日O既歌手都比較靜態…
不過同樣…個個都玩到唔捨得放o的歌星走…
開頭o既氣氛係唔及上次…
因為始終都係o個句啦…
香港o既大學生比較含蓄…
但係…估唔到…又係跳抱抱舞o既時候…
大家都High晒lu …今次班歌星無咁怕羞喇…
唔只歌星跳…Chi Chung 同 Yvonne捉o左o的學生上去跳…
哈哈哈…我終於識晒成隻舞喇…
本來Yvonne 都有叫我o架…不過佢無逼我…
但係我有o的後悔無上去跳…
因為今日台下大家都唔係好郁…
無得玩人龍…

真係好唔鍾意o的椅呀…
強烈要求…唔好要椅…

今次係抱抱o既第二炮…
今次無去都係o徒o左1…
我會繼續支持抱抱o架…

抱抱精神…音樂醉人…
用音樂…抱世界…

抱抱Everybody 28/11 See you all in HC …

哈哈哈…我今日好易比人見到…

Sorry For 我招呼唔到o既抱抱fds…
===================================================================================
…內容後補…

>>November 29, 2004 at 6:37:06 PM GMT+8