2003 年 4 月 7 日 星期一 【陰】

Letter to Leslie Letter to Leslie Letter to Leslie Letter to Leslie Letter to Leslie Letter to Leslie Letter to Leslie

哥哥Leslie︰

你知唔知呀…我呢幾晚都發o左同一個夢…就係發夢你會係公祭o個日…
企係禮堂中間…同我o地每一個一心想o黎向你致敬o既人親口同我o地講…你係同我o地玩梗…跟住大家係禮堂裡面有一個小聚會…

但係直到日尋日…我去到禮堂…裡面o既佈置…同我個夢差唔多…唯一唔同o既…禮堂中間o個個唔係你…而係你幅相…講o野o個個唔係你…而係負責主持儀式o既人…

我一直都係到諗…我平時咁硬朗…呢幾日都係夜晚偷偷地睇住你o的特輯而喊…我係禮堂裡面應該唔會喊出o黎o既…因為我o既朋友係我隔離…但係…我真係忍唔住…我係o的人都未入晒禮堂o既時候…我已經喊o左出o黎喇…哥哥…你好殘忍呀…

我呢幾日對住部電腦做功課o既時候都係聽住你o既歌…令到我諗返起好多你係電視上面o既片段…舞台上o既風采…但係此情不再…

我唔係專一咁鍾意你…但係你不嬲都係我心中o既冠軍、第一名、最佳男主角…不嬲係…以後係…永遠都係…無人可以取代你o既位…<誰能代替你地位>願<風繼續吹>我一路的<追>，<今生今世>不忘記你───我心中你<明星>…每起身同臨訓前…我都會想起你…因為我床上貼滿星星…我已經將最大最近我o既一粒星，命名為︰「永恆之星─Leslie」，<從不知>你對我o既影響會咁深…今後我<拒絕再玩>、<沉默是金>…直到我達到我o既目標…係呢o的<寂寞夜晚>裡面…我真係<無心睡眠>！我發現原來我<為你鍾情>…早幾日我仲未相信、仲未接受到你o既離開…今日…我不得不相信、不得不接受…我無心情食o野…做咩都無心情…到而家…我先知道…原來我咁鍾意你…但係而家已經太遲喇…

我會永遠記住你o…
Leslie....I remember you.......I miss you ..... I love you ......Forever and ever ........!!!

Love from
永遠愛你同你身邊所有人o既 Vincci

給唐唐 給唐唐 給唐唐 給唐唐 給唐唐 給唐唐 給唐唐 給唐唐 給唐唐 給唐唐 給唐唐 給唐唐 給唐唐

唐唐…你要努力繼續生存呀…我支持你…加油呀…
正如哥哥隻<今生今世>所講︰
「天也老，任海也老，唯望此愛愛未老，願意今生約定他生再擁抱！」我相信哥哥都係咁諗…唐唐…支持你…

Love from
永遠愛哥哥同埋佢身邊人o既Vincci

>>April 8, 2003 at 8:06:25 AM GMT+8

2003 年 4 月 6 日 星期日 【雨】

「永遠冠軍─哥哥」「永遠冠軍─哥哥」「永遠冠軍─哥哥」「永遠冠軍─哥哥」「永遠冠軍─哥哥」

我今日去o左公祭…好多人…亦有好多人無著素服…
但係場面依然係好傷感…係球場…雖然個天不停落住雨…
不過都無將大家o既傷感洗掉…個天都好似要為到我o地痛失一個巨星而哭泣呀…

至於內堂佈置…好簡單…全部都係白色…好靚…好平靜…好大…
無球場o個到o既談笑聲…好嚴謹…
入內堂前…我o地被安排到一個吉o既禮堂坐…因為要查袋…怕我o地帶相機…
不過對於我o地o黎講…我o地又點會影呀…就算我o地有帶…都唔會拎出o黎啦…

禮堂中間掛o左哥哥張遺照…好靚…係<金枝玉葉>o既劇照…我最鍾意o既一套佢o既戲…
我本來都諗住自己會忍得住o架…點知…最後都係忍唔住…喊o左出o黎…

另外我覺得唐唐好慘…我去到…雖然我排到第三、四行…但係我係企近親屬o個邊…
我見到唐唐…我見到佢…我好想上前…拍一拍佢shoulder…比一o的支持佢…
佢同哥哥一直都係互相扶持…而家突然失去o左摯愛…o個種感受…
我相信旁人未必個個都可以了解…但係我o地呢一班歌迷…
同唐唐o既感受都一樣係…唔知點好…不過我相信唐唐比我o地傷心十倍…悲痛百倍…

吉儀裡面有︰一粒糖、一張紙巾仲有一個一蚊…我決定儲起佢…
另外仲有一份紀念品…就係三張卡…有哥哥芳華絕代、非常靚仔相o既卡…係由香港兒童癌病基金印制o架…我會好好咁留起佢…我遲o的會將我儲o既所有兩蚊銀，捐晒比香港兒童癌病基金…我一定會咁做…因為呢個係哥哥o既心意…

>>April 8, 2003 at 8:32:03 AM GMT+8

2003 年 4 月 5 日 星期六 【陰】

一個遺憾一個遺憾一個遺憾一個遺憾一個遺憾一個遺憾一個遺憾一個遺憾一個遺憾一個遺憾一個遺憾

哥哥︰
我有一個遺憾…就係我由小到大都未見過哥哥一面…
而家…我已經再無呢一個機會去見喇…我真係好傷心…
我連哥哥o既背影都未見過…真係好遺憾…
入娛樂圈係我o既夢想…
一直係到諗…當我入o左去之後…
可以同一班我o既偶像合作…
可以親身感受到哥哥o既風采…
親身體驗到哥哥o既和藹可親…
但係而家再無呢一個機會喇…
哥哥…點解你唔比呢一個機會我…
Vincci

>>April 6, 2003 at 10:44:33 AM GMT+8

2003 年 4 月 4 日 星期五 【陰】

清明節清明節清明節清明節清明節清明節清明節清明節清明節清明節清明節清明節清明節清明節清明節

今日係清明節…係比任何一年o既清明節都要傷感o既清明節…因為今年清明節前幾日…哥哥離開o左我o地…呢一個係大家都唔想相信o既事實…因為o個日係愚人節…好多謝哥哥o既屋企人…願意係下星期一哥哥出殯之前…開放靈堂兩個鐘頭…比一把平時根本無可能接近哥哥o既歌迷…有機會可以係靈堂裡面見哥哥最後一面…真係好感激哥哥o既屋企人…星期二下午…哥哥你將會同呢一個世界講再見…同我o地永別…

不知道為何你會遠走
不知道為何你會放手
你離開了 卻散落四周

點解你要咁傻呀…哥哥…i miss you.....……希望你收到…知道你傷o左幾多人心…我到而家都仲希望梗你係躲藏o左…同全香港人係愚人節開一個大玩笑…等大家係呢o的情況、時勢下 relax一下…哥哥…你出返你啦…唔好再玩喇…出o黎啦…但係我知道你已經唔會再出返o黎…因為你已經躲藏o左係另一個世界裡面…或許將來我o地係o個個世界會有緣相見…有緣相識…但願你係呢o的時間裡…安息，同保祐你的愛人!

一追再追 只想追趕生命裡一分一秒
原來多麼可笑 你是真正目標
一追再追 追蹤一些生活最基本需要
原來早不缺少 wo..ha.. 只得你
有了你 即使沉睡了 也在笑

我呢幾日都無心情去做我o既o野…但係哥哥你o既離開…令我覺得…我一定要向住我o既目標前進…延續哥哥你o既精神…
祝福你…安息…

天也老，任海也老，
唯望此愛愛未老，
願意今生約定他生再擁抱。

哥哥…I will miss you …I love you …都係呢一句︰人雖逝…但精神不死...你會永遠留在我心中!!

>>April 5, 2003 at 3:20:15 PM GMT+8

2003 年 4 月 3 日 星期四 【雨】

兒童節兒童節兒童節兒童節兒童節兒童節兒童節兒童節兒童節兒童節兒童節兒童節兒童節兒童節兒童節

兒童節快樂…呢句o野我昨晚講o左好多次…仲要係同我o的friends 講…我o的friends 就問我喇︰乜你仲係兒童咩？又或者話︰我唔係兒童喇喎？

唉…講真…我只不過係想係呢o的咁唔開心o既情景下…等大家都relax 下o姐！加上…我呢兩日真係無咩心機做功課…不過我都要盡快收執一下我o既心情…比心機做好o的功課…考好o的試…寫好o個300字…無論入APA好…抑或入QKT好…我都要做到…

但係我最最最想o既…始終都係入APA…因為呢一個係我自四年級之後o既夢想…本來係兩年前係放棄o左o架…但係因為Gary，佢令我再次提返起個信心…從拾返信念…當年我放棄…係因為我覺得…我又唔靚啦、做戲又差、又生硬…基本上係完全怯場…但係可能而家人大o左…自己就開始係到諗…我唔試又點知得唔得呢…所以兩年前…我開始去拿表格…第一次係因為始終都唔夠膽所以無交到…第二次係因為寫唔到o個300字…今次…我唔會o架喇…因為我唔可以再令支持我o既人失望…我一定要做到…今次我已經預備定first interview o既o野…但係仲未諗到唱咩歌…不過我已經練梗…再加上而家哥哥o既離開…令我覺得…我一定要闖入呢一個圈…延續哥哥o既精神…加油呀…努力呀…小孤燕…

>>April 5, 2003 at 3:25:06 PM GMT+8

2003 年 4 月 2 日 星期三 【雨】

停課停課停課停課停課停課停課停課停課停課停課停課停課停課停課停課停課停課停課停課停課

唉…非典型肺炎…哥哥死…仲有停課…
停課都算喇…最最最最最衰係延期停課呢…救命呀…都唔知可以點喇…
個天就雨落不停呀…好似為到哥哥o既死而喊咁…
我都好唔開心呀…
我又做唔到我o既目標喇…我要快o的喇…300字呀…好…
開頭係︰點解我要入戲劇學院? 定係︰點解我會選擇戲劇學院呢??…點算…
二選一…唉…唉…唉…

Gary,你要比心機…做好o的呀…你視哥哥為super idol , 我亦視你為super idol！我有兩個super idol…i mean 而家…因為有四個已經唔係到…而家淨返你同阿Dave，你o地兩個要加油呀…你做得好…我相信哥哥知道都會好開心…

>>April 4, 2003 at 10:48:07 AM GMT+8

2003 年 4 月 1 日 星期二 【陰】

DepressionDepressionDepressionDepressionDepressionDepressionDepressionDepressionDepressionDepressionDepression

Depression，係哥哥封遺書o既開頭…今日亦成為我日記o既開頭…昨日旁晚六點零係街返屋企…無端端落雨…我都唔知點解…我只係覺得個天要我快o的返屋企…因為我無帶摭…但係原來…係o個個時間…哥哥就係咁，砰一聲…係廿四樓跳o左落o黎…就咁就死o左…我知道之後唔敢相信…到而家都係唔敢相信…以下係我想同哥哥講o既o野…希望哥哥你收到啦…

哥哥:
人雖逝…但精神不死...你會永遠留在我心中!!

我8,9歲開始鍾意你…雖然只是短短的十一,二年…我亦唔係一心一意追隨住你o既星蹤…但係哥哥…I will never forget you .... you will alway in my mind .....Forever and ever.....!!!你要係天堂保佑住我o地鍾意你o既每一個人…你係第四個我最鍾意o既當今歌壇好歌之人…希望你係天堂上面同佢o地相遇…延續音樂…亦要睇住個歌壇…呢個歌壇…好歌之人…唔多喇…

呢一句係Gary o既說話…佢係你o既歌迷…或許你係歌壇見過佢…但係你應該唔會識得佢…佢而家無再做電視…佢做舞台劇…當佢聽到你o既死訊o既時候…正正係佢排緊戲…佢唔相信…佢視你為super idol…點解你要咁傻呀…哥哥…張國榮, i miss you... ...呢句係佢同你講o架……希望你收到…知道你傷o左幾多人心…我而家都仲希望梗你係躲藏o左…同全香港人係愚人節開一個大玩笑…等大家係呢o的情況,時勢下 relax下…哥哥…你出返你啦…唔好再玩喇…出o黎啦…

>>April 3, 2003 at 6:03:41 PM GMT+8

2003 年 3 月 31 日 星期一 【陰】

哥哥…哥哥…哥哥…哥哥…哥哥…哥哥…哥哥…哥哥…哥哥…哥哥…哥哥…哥哥…哥哥…

哥哥死o左…唔好玩啦…
今日係愚人節o姐…唔好拿呢o的o野o黎玩嘛…
當我係PM 08:39 收到我一個ICQ Friend send o左︰『張國榮跳樓死左呀』
呢句過o黎比我o既時候！我第一個反應就係咁︰<唔係呀…咪玩啦！>
當佢send 第二個message 過o黎o既時候︰『PM 08:40 收音機都講緊喇, 係事實呀』
講真我都係唔係咁信！直到第三個message︰『 張國榮晚上在中環一間酒店高處墮下死亡[01/04 星期二 20:31]歌星張國榮，晚上在中環一間酒店，被發現由高處墮樓死亡，終年四十六歲，張國榮下午四點幾，到文華酒店二十四樓做運動，到傍晚六點幾，被人發現倒臥在干諾道中的街道，現場遺下遺書，表示受情緒困擾。張國榮原名張發宗，別名哥哥，早年參加亞洲歌唱比賽取得亞軍，踏入娛樂界，生前出過多張唱片。』
都係唔信，但係今次我唔可以唔信…因為一來無人會咁得閒將哥哥o既身平咁寫法，二來…新聞報導o左出o黎喇…唉…我真係唔知點比反應好…
呢個樂壇又小o左個好歌之人喇…亦小o左一個我鍾意o既人…

唉…首先係家駒30/6/93！跟住係Danny25/10/93！然後係Roman18/10/02！而家係哥哥1/4/03！
呢四個日子都會成為我人生裡面，不能磨滅o既日子！遲o的會仲多…但係希望唔好咁快…
我鍾意o既人呀！你o地要好好保重呀！知道嘛！

我仲鍾意邊個呀？
有︰Gary啦(譚偉權)、王傑啦(Dave)、阿Sam啦、阿Lam啦、阿豪啦(謝君豪)、克勤啦、四大天王啦、Albert啦、崇基崇德啦、啤梨啦、Chi Lam啦、
仲有小春同星爺呀！
數數下都覺得好多…成十六個…但係其實仲有…
只不過係呢十六個係如果佢o地死o左o既話…對我o既影響係最大o架…
尤其係Gary,Dave,阿Sam,阿Lam 同阿豪…
特別係Gary同Dave…因為我鍾意佢o地係有段故o架…段故我遲o的先講啦…唉…

最後︰係呢到祝願四位已故o既樂壇大哥，係另一個世界裡面相遇，延續音樂…………………


>>April 4, 2003 at 11:33:59 AM GMT+8

2003 年 3 月 22 日 星期六 【陰】

APAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPAAPA

今日係APA open day o既大日子…我同Jenny同佢阿妹…一早就去到喇…我今日仲早過Jenny 呀…因為我唔想遲到…哈哈哈…大家知唔知呀…入APA一直都係我o既夢想o黎o架…我收收埋埋好多APA o既相o架…我真係好鍾意APA o架…我打死都要入去讀…今日仲比我見到一個我以前Locky o既一個學姐喎…佢以前係好靜o架…但係佢都入o左去讀…原來佢同我完全一樣o架…咁即係我讀好o的就得啦…Wyne…我以你為目標…我要做你同Gary o既師妹…但係o個300字真係好難落筆呀……唔緊要…我會努力…好似Gary 隻歌咁講…<我要珍惜，我要努力！>

加油…

>>April 3, 2003 at 5:43:42 PM GMT+8

2003 年 3 月 20 日 星期四 【晴】

HIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGHHIGH

今日超HIGH呀…因為IE個分係全班最高…有9 分呀…o拿…唔好話我呀…係9/10 o既9 呀…
正確o黎講應該係9.5…Miss 話我應該有10 分添…但係Miss 話費事要解釋…所以比9 分…果0.5分係分豬肉分…個個都有…唉…唔公平…是旦啦…

Thank You Vivian .....

>>April 3, 2003 at 5:23:48 PM GMT+8