|
2003 年 9 月 16 日 星期二 【晴】
<樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記>
唔經唔覺離開o左樂記都兩年喇…開始感覺到陌生…但係又有好多親切感喎…好奇怪o既感覺…
仲有5 日返學喇…好緊張呀…
>>September 22, 2003 at 5:43:41 PM GMT+8
2003 年 9 月 12 日 星期五 【晴】
§嘉士伯新城音樂新朋道§ §嘉士伯新城音樂新朋道§ §嘉士伯新城音樂新朋道§ §嘉士伯新城音樂新朋道§
今日朝早無出街…下晝教會無開…梗係啦…個個都去晒camp …唔緊要呀…我唔去係有我o既原因…好彩我無去咋…如果唔係我呢一世都會後悔o架…因為我今日去睇演唱會…同Eason o既距離只有兩張麻雀檯咁遠咋…仲見到張敬軒、黃凱芹、Shino、劉以達、王蓉、王馨、胡培慧仲有兩個唔知邊個…但係我超high 呀…
仲有九日返學喇…快o的啦…快o的啦…
>>September 14, 2003 at 12:06:41 PM GMT+8
2003 年 9 月 11 日 星期四 【酷熱】
<深圳一日遊> <深圳一日遊> <深圳一日遊> <深圳一日遊> <深圳一日遊> <深圳一日遊> <深圳一日遊> <深圳一日遊>
今日Daddy 放假…我同PaPa 同Mammy 去o左深圳玩o左一日呀…買o左三本幾米o既書…<<向左走‧向右走>><<你們 我們 他們>>仲有<<照相本子>>…仲買返隻陶吉吉添…太開心喇…
今日係哥哥生日…係到同哥哥講聲生日快樂…我係<<你們 我們 他們>>呢本書到見到幾米寫你呀…好突然…因為我記得你係你o既歌到都有講過佢…
仲有十日開學喇…快o的啦…
>>September 14, 2003 at 11:09:40 AM GMT+8
2003 年 9 月 10 日 星期三 【晴】
<中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節>
今年中秋節好特別…因為今年無同任何朋友出去玩…好唔知點…好唔慣…
不過算啦…總算ok 啦…
>>September 14, 2003 at 9:49:08 AM GMT+8
2003 年 9 月 9 日 星期二 【晴】
<香港歷史博物館> <香港歷史博物館> <香港歷史博物館> <香港歷史博物館> <香港歷史博物館> <香港歷史博物館>
今日同Mammy 同女麻女麻去o左香港歷史博物館…我o地只係睇o左專題館…o個個館講香港廣播o既歷史…我超興奮呀…
>>September 14, 2003 at 11:09:05 AM GMT+8
2003 年 9 月 6 日 星期六 【綿綿細雨】
<三鄉之旅> <三鄉之旅> <三鄉之旅> <三鄉之旅> <三鄉之旅> <三鄉之旅> <三鄉之旅> <三鄉之旅> <三鄉之旅> <三鄉之旅>
九月已經開始o左…但係我仲未開學…所以我同我PaPa 同MaMa 去o左我PaPa 個friend劉 Uncle 間屋玩…嘩…佢間屋足足有八千尺呀…五層高…有一個我(游泳池)…又有一個乒乓球室…仲有一個卡拉OK房呀…仲有仲有…仲有一個跳舞室…淨係呢幾個房加埋就已經大過我間教會喇…問你怕未…我o地係三鄉玩o左三日兩夜…日日都係去<水鄉居>食飯…當然日日食o既o野都唔同啦…
第一日︰我o地就去o左剪頭髮…剪之前都驚會剪得核突…剪完之後就嚇o左我一跳…因為剪得好好…出乎意料呀…仲識o左<水鄉居>o的狗狗…佢o地好似豬o架…好搞笑呀…一共七隻…六隻BB一隻阿媽…阿媽叫做八好…我o地仲去o左食雙皮奶添…不過我無食…我食o左一個叫白雪公主o既o野…原來由深圳去三鄉要成兩個鐘頭車程o架…第一晚…我o地係K房唱K…
第二日︰我o地一朝早去o左對面個茶樓飲早茶…跟住去o左行書城…我買o左五隻CD …<<可米小子─Hey Ha>><<周杰倫─葉惠美>><<庾澄慶─哈林天堂>><<<張學友─2003演唱會>>仲有<<陶吉吉─樂之路>>不過我買唔到Harry Potter 呀…仲有三集未買…有無人送比我呀…我要英文版…好！言歸正傳…行完書城…我o地就行返去Uncle 屋企…因為我o地要搭車去石岐…去石岐做咩…食飯囉…不過架車好逼…去完石岐…返到三鄉…o的Uncle Autie 話要去按摩…所以Uncle 就帶o左想按摩o既人去按摩…唔想o個o的咪返o左去Uncle 屋企囉…但係我同我MaMa 就去o左買DVD …係<小孩不笨>o既DVD…我o地一共買o左買隻呀…因為要幫PaPa o的朋友買埋…好！買完仲行o左幾間文具舖呀…好多好得意o既o野呀…香港無o架…係MaMa 細個有而家香港無之arm…之後又去o左<水鄉居>食晚飯…而有一班Uncle Autie 就走o左lu …呢一晚…我o地依然係唱K…
第三日︰呢一朝我o地都係好早起身…去o左食粥…肉丸粥…有好多粒肉丸呀…仲食o左一o的叫做布拉腸粉…好滑o架…埋單都唔洗五十蚊呀…但係我o地有成八個人食o架…超抵呀…之後又去o左行附近o既街…都幾好玩o架…不過比我PaPa激死…我想要大o既袋…佢就死都揀埋晒o的Lady袋…都唔係我o既Style 呀…點咩呀…下晝又係去<水鄉居>食飯…食完飯就去o左雅居樂o個到搭車…咁就結束o左我o地三日兩夜o既三鄉之旅lu…
聽日係Benson 生日…我今晚12:00用SMS send 句生日快樂比佢先…我仲鍾意佢…？係…我係…
但係…佢呢？
>>September 14, 2003 at 11:08:22 AM GMT+8
2003 年 8 月 24 日 星期日 【雨】
§就完o既暑假§ §就完o既暑假§ §就完o既暑假§ §就完o既暑假§ §就完o既暑假§ §就完o既暑假§ §就完o既暑假§
呢個暑假…都做o左幾多o野o架…起碼讀完o左6 個Credit …我一共要讀46 個…而家讀o左6 個…都OK 呀…但係仲有40 個…點算呢…我o既目標係要係3 個 term 完成…希望成功啦…咁我就可以係9月上到AD …我o既目標係 傳理或者 心理o既 AD …好…努力呀…YEAH !!!!!!
>>August 24, 2003 at 8:09:42 PM GMT+8
2003 年 8 月 2 日 星期六 【晴】
<生命無你點算> <生命無你點算> <生命無你點算> <生命無你點算> <生命無你點算> <生命無你點算>
呢個係camp o既名！今年個camp 都可以話好正o既…因為我無份Hold 節目…哈哈哈…
不過係呢個camp 裡面發生o左好多o野…想睇camp 相…就去我o的albums 啦…
但係千萬唔好誤會喎…
>>August 5, 2003 at 6:55:48 PM GMT+8
2003 年 7 月 24 日 星期四 【晴】
◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎
26 - 7 - 03
輕喜鬧音樂劇，簡簡單單，一如杜sir一貫的作風.......
先說演員，Gary的演出令人眼前一眼，很喜歡「這個他」呢!!!!!! 形象煥然一新，那首「孤燕」搞笑版又過癮 ( 原來很多觀眾都認識這歌曲的，音樂一起大家已熱烈拍手 )；蝦頭非常出位呢，期待她往後的演出......；Alice 不大突出，有點兒浪費了她阿婆的角色呢，其實還可以多加發揮，現在真的成為一個大配角了；個人感覺，不大喜歡Ada的演出，總覺有點兒生硬 ( 各位Ada fans唔好鬧我!!! )；變態色魔王祖藍好好笑，真的好好笑；有一位女dancer，矮矮的(即經常把腿拉到頭上的那位)，非常造作，第一次見如此造作的演員，不是動作誇張便是好的，即使是大伙兒跳舞，我也留意到這位女子是特別與眾不同~~~請留意!!!!!!
是否真的如娘親所謂「江郎才盡」呢??? 《星》與《長》都是杜sir的作品，但卻同樣令我失望，《星》給我的感覺是「頭重腳輕」「虎頭蛇尾」，時間放得太多在無關痛癢的事上，用了差不多一半的時間描述Ada對失業及家庭的苦惱，然而，既然劇名是《星下談》，那麼「星下談」才是故事的重心，Ada回到1985年的過去，與丈夫結識，只是單單一幕便了事，因此這幕「星下談」便只是點滴罷了，未能顯出其重要性.......恕我直言，杜sir如此的作品令我感覺到他寫作的目的是否已變質了，以前像《人間有情》《上海之夜》等等，由於是「以戲為先」，因此我可以真的看到一齣「戲」；現在則以名利為先，為寫劇而寫劇，很多以往舊有對劇本故事的「真」及「誠」都退減了...... 真的很可惜呢!!!!!!
舞台方面，一開場已經與蕭豬談論他們如何有如此龐大資金製作如此多變的舞台呢???!!! 雖然其效果只是一般 ( 沒有甚麼特色，屋企那堂景甚至稱得上老土呢~~~ )，然而其製作真的不是一般非專業劇團所能負擔的，春天都說有政府資助，那麼這個又是哪部門資助呢??? 不大喜歡其燈光，很多時都與故事格格不入......
好像彈得太多了，anyway，《星下談》的確很好笑，是一齣難得的輕鬆愉快喜劇 ( 只要你不是仔細研究 )，尤以丁家湘與眾DJ開咪那一幕，真的是「笑死冇命賠」，小心小心！
by apple
>>October 16, 2003 at 3:56:13 PM GMT+8
2003 年 6 月 30 日 星期一 【晴】
<有相睇> <有相睇> <有相睇> <有相睇> <有相睇> <有相睇> <有相睇> <有相睇> <有相睇> <有相睇>
大家想睇相、想知我鍾意o的咩、想見下我o的friends 、想見我o既親戚朋友…咁就一定要瀏覽以下網址喇…全部都係自家相…哈哈哈…
http://community.webshots.com/user/chicci4amico
http://community.webshots.com/user/chicci3amico
http://community.webshots.com/user/chicci2amico
http://community.webshots.com/user/chicciamico
>>July 13, 2003 at 10:40:24 PM GMT+8
|
<樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記> <樂記>
<中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節> <中秋節>
§就完o既暑假§ §就完o既暑假§ §就完o既暑假§ §就完o既暑假§ §就完o既暑假§ §就完o既暑假§ §就完o既暑假§
◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎ ◎星下談◎
