2004 年 6 月 25 日 星期五 【晴】

‧‧‧忘裏偷閒‧‧‧
–考試放鬆日–

朝早起身，沖涼洗頭又用左成個鐘。
點知，之後仲要等媽媽換衫，成半個鐘咁多喎。【哈】

出到沙田，搞掂張証就趕出荃灣：事關約左姨姨 + 表姐飲茶！^^
去到 彩年華 佢地已經坐定定勒。
叫左好多野食，好飽。
行街期間，陪左表姐見工，不過，佢真係好「騰雞」呀！～行閒要陪佢練多d！^^
＊今日同媽媽都有收獲。^^

唔記得左大河道冇278x，搞到兜左成個圈喎。【唉】
計錯時間，早左成半個鐘返va。
勁悶。
好彩之後都有d野做下：打電話！^^haa..... .
不過，係counter後面打，搞到唔咁講野講咁大聲。＞＜”
7點～開會勒！唱會歌？^^haa
但係，唔知點解覺得今晚開會好悶。

散會後，就同阿古拍會員大會開場片‧‧‧
笑料百出！
包括：中龍食煙一場、小森電話怪鈴聲、睇稿既阿寶‧‧‧
之後，就同cathy、late去剪片。
搵ｙａ幫手‧‧‧弄出一個更大的笑話。【可惡】＞＜”
cathy 又唔肯認自己用錯字先。
好在，有late 做人證！^^haa.......... . . ..

五俠又去左食飯。【good】
暢所欲言。
不過，都係冷靜d好！^^haa......... . .. . 咁樣好傷身呢。
食到好夜呀。
謝莉冇車搭，於是返左舊居睡！^^hee....... . .（不過，期間，我同佢都俾個的士司機呃錢＞＜”）
＊ 阿旦好好人！^^ 送我地去搭火車。
＊ 同小森扮演《深情的離別》^^haa...... . .
＊ 係粉嶺火車站月台，俾人影？？＞＜”

p.s. Hezon 好順手咁食左1/4盒麥緹沙！^^haha..... ..

* * * * * * * * * * * * * * * * * * * * *
相信我們當中的每一位也曾評估自己於別人心中的位置。
對嗎？

有時候，我也會想：我們是否都把自己看得太重呢？
或許，在別人心目中，我們也只不過是一瓣羽毛。
微不足道。
可惜，有時候，我們又會太輕看自己的力量。
怕自己不能承擔重任、也介意別人的冷言冷語和評價。
然而，這的確重要嗎？

無疑，我們都太在意別人對我們的看法了。
往往就因此，規範著自己的生活。
為什麼我們不可活出自己的一套生活方式呢？
這又是否從眾心態的成因之一？

* * * * * * * * * * * * * * * * * * * * *
對身邊的每一位，我們也會有著特定的認知。
他是勤力的；她是懶惰的；
他是開朗的；她是多愁善感的；
他‧‧‧‧她‧‧‧‧
很多很多的他她他。

往往造成了許多許多的主觀感覺，影響著我們的判斷。
有時候，或許我們也應從事情中抽身，
以旁觀者的角度去看一看。
又想一想若事情發生於不同的人身上，我們又會如何去評價？
也許這樣才能讓我們更客觀的去看每一事一物。
可惜，又有誰真的能做到完全客觀呢？

然而，即使客觀去看，我們也總能察覺他人的短處呢。
唯有把這一切一切都轉到正面的去看吧。

>>June 26, 2004 at 3:21:30 AM GMT+8

2004 年 6 月 23 日 星期三 【晴】

‧‧‧考試中段‧‧‧
–心散無比的一戰–

今朝都幾衝忘咁返左學校。
中化作文，做唔晒呢～ 唔開心。速讀更加做唔晒啦！！
英文listening，好似都ok。不過，往往呢種感覺就係最唔安全既感覺。

終於考完今日既科目勒。
放學仲見到校車停左係門口！於是就急急腳咁上左去！^^哈！
都未坐好，又見到謝莉爸爸車勒。
哈！^^ 她真幸福呢。
係校巴，同Echo傾下計。講到大家都已經冇乜考試mood了。
我都覺得自己今次考試很不認真呢。或者，唔係唔認真，而係好難專注咁去溫書。
今次唔關其他野事，而係自己心散。

返到屋企，自己煮麵食。
二哥哥又返左黎，一齊睇下vcd《這個阿爸真爆炸》。
套戲既笑位都幾多，但係，感人度都好高。
睇到我又笑又哭。

hae下‧‧‧收到新的特教list。
見無聊，就打下俾d新人，問下佢地去唔去ocamp、會員大會、services、告知電話no.呀咁啦～
又幾好傾！^^ 真係對佢地好大信心架。
同時又諗返起，曾經推薦過的人： 謝莉、丸胃、ivan、小森。
他們的確非常出色呢！^^ 因為佢地真係好有heart囉！^^
不過，前排我先再記返，原來都仲有架喎。可惜，我遺忘左囉！^^hee
與期望有所差異呢。
哈，唔知我有冇令到推薦我的人失望呢？又或者，她也可能遺忘了曾推薦我了！

p.s. 今日同PETER chat！^^.... . . .feel good。

* * * * * * * * * * * * * * * * * * * * * * *
朋友謂：「愛情就像糖一般甜美，令人想一嘗再嘗」？

無疑，愛情的確是甜蜜的。
然而，與此同時‧‧‧
愛情是苦澀澀的。
愛情是酸溜溜的。
愛情是辣辛辛的。
愛情是‧‧‧
愛情含著無限的味道。
你所嘗到的又是什麼呢？

也許，當我們能嘗盡愛情當中的甜酸苦辣時，我們才真正的認識愛情。

* * * * * * * * * * * * * * * * * * * * * * *
突然想起，從前一位班主任，曾說：不要給自己藉口。

的而且確，人是常常給自己藉口。
遲到： 塞車、交通障礙、升降機多人等等；
懶惰： 天氣不佳、心情不好、需要休息 等等；
一切一切，人都總是有很多藉口的。
讓人能逃避責任。

Anyway , no any excuse more.

>>June 23, 2004 at 7:12:23 PM GMT+8

2004 年 6 月 22 日 星期二 【晴】

‧‧‧隨心之感‧‧‧
–新體會篇–

感覺會變，對人的感觀也會變。
或許，這是隨著各人的成長而異。
當你經歷多一些，你的人生體會多一點時，
也許，你對所有事又會有著新的看法了。
隨之而來是你對不同的人，又會有了另一種認知了。
也許，經驗使你成熟。
成熟則令到你的包容量更大，看事的全面性更廣。
這時候，當你再反顧回首，你也就能更深的認識自己了。

這數星期中，我也會經常去思想自己每天所做的每一件事、所說的每一句話。
我會去想想自己所做的，是為了什麼？
是為了與人更親近？是因為生活的無聊？還是‧‧‧
有了很多很多的想法。
但是，我所得的答案是：隨心而作。
很不喜歡刻意的經營，
縱然人人也必定曾刻意的去說什麼、做什麼，相信你我也定必試過呢。
只是多與少的差異而已。

從前，不少朋友也會問我為什麼於我的眼簾裏找不到一點傷心的淚光。
這也許是因為當時的我，對身邊的任何事，皆抱樂觀的態度。
而且，經歷的不多。
也是對許多許多也不在意。
在意的只是自己是否能盡心的去做好每一件事，而且令身邊的人都能一樣得到快樂。
所抱的處世格言是：「做回自己」～
然而，現在的我，傷心的淚已變得不矜貴。
隨時可見。
是因為我經歷的多了？還是我對很多事都悲觀了？還是我在意的多了？還是‧‧‧
也許，以上的都是。
這一年間，我所經歷的，不論在學業上、感情上、家庭上、朋友上的轉變都比從前的十數年間多。
而且，來得深刻。
或者，是因為我學懂了反思，所得著的很多。
連帶對很多事的價值觀也改變了‧‧‧
學業是不能荒廢、應盡心力勤，但並不是代表一個人的能力的全部。
感情是絕非兒嬉，影響力甚大的。
家庭是世上最值得珍惜的，且是最溫暖的。
朋友是人生中可貴的一環。
對義工（ｖａ）亦由當初之興趣，變得有了一種使命感，是對社會的使命感。
同時，我的處世格言亦改變：「真誠以待‧明白自己」～
而且：「人生所經歷的每一件事，當中必定有學習、得著」的。
亦察覺了並非每個人「做回自己」便行。
始終，人需要成長、需要改進自己性格的缺點‧‧‧

因此，
當我們去怪責別人這樣那樣的時候，我們又有否曾責罵自己曾同樣犯上些錯誤？
想到此處，人的包容度便能提升。
而且，當一個人曾失去或快要失去時，才能更珍惜身邊的。

哈！^^ 不知為何打了這一大篇。
也許，是我近日對人生的體會又再翻開了新一頁。
願更單純的與人相處，並不願於朋友網中存任何的介締。
願更能以神的愛去包容別人、體諒身邊的每一位。
相信，這一切一切都是因為中六以來，學校、朋友、義工網絡中等等所帶來的。
朋友！坦城的溝通的確很重要呢。
缺乏溝通，只會使誤會加深。

p.s. 突然想起，曾經有一位朋友再三叮囑：凡事皆請「將心比己」。【明白】

+ .... . . . .＋.... .ｉ　ｌｏｖｅ　ｕ　ａｌｌ.. .. ＋......... . . . .+

>>June 22, 2004 at 6:22:31 PM GMT+8

2004 年 6 月 21 日 星期一 【晴】

‧‧‧通識科‧‧‧
–用腦的一天–

今日考通識，但係都冇溫過。
唯有返到學校先再睇下D notes 啦。
由於同謝莉去左toilet，搞到我要坐第一個位。

今次通識要做4題呀！嘩！
不過，基於上兩次做唔晒既經驗‧‧今次每題我都寫得好少野呀。
可惜‧‧‧最後都一樣係做唔晒。
事關，個腦轉得慢左。加上呂sir 又成日都企係度，搞到人好nervous。
通常佢一企係度，我就會停筆唔做住。唉～
再者，兩次舉手加紙佢都見唔到，等左勁耐呀我。
本答題簿既第２、３頁仲要係連著的，要我係度慢慢用手撕開佢。【oh my goodness】

完卷之後，本來諗住返屋企。
不過，為左諗小森party既事項，就先去左m記。
之後仲係 百佳 行左兩個鐘。
最後，見2點幾3點，自修室應該冇位。又差唔多補習勒。
就同tselee去左迎喜喜 tea勒。
呵呵！仲俾我地撞返之前cpu既一個師姐添呀！不過，我地仲以為佢男朋友係佢爸爸添呀！>.<

夜晚去補micheal。早到！good！
最後一堂，有汽水飲！^^haha 係micheal私人請我地四個架！^^
不過，好可惜，我唔太喜嗜飲可樂，所以唯有拎 返屋企俾哥哥飲。（但係屋企仲有成十罐存貨）

返到屋企，打左俾cying問佢去唔去ocamp。
佢都仲未決定到。
於是又要打埋俾阿寶，同佢講ocamp list既野啦。
順手傾下閒計！^^hoo~~~
講講下佢又幫我個組改左個名喎！將「特教」變成「學障」組。
then 又打埋俾crystal 問下佢意見。
不過，改名行動最終失敗左。>.<
三個人係度傾傾傾，傾到成12點幾1點眾人都?，就收線luu。

ＴO 佳佳： 我會架勒！^^ 你都要呀！！^^HAA~~~~~~~
　　　　　　 東威仲期待緊我地暑假上岸架！^^HEE.......... . .. . .. . .. . . .

>>June 22, 2004 at 6:21:28 PM GMT+8

2004 年 6 月 20 日 星期日 【晴】

‧‧‧父親節‧‧‧
–母親節 ＞ 父親節？–

今日1點先起身，真係好想繼續訓。
其實，聽日要考通識。
不過，冇乜心情去溫‧‧‧或者係因為之前個兩科都死左既原因啦。
加上，通識俾我既感覺係：溫與唔溫都差唔多。

食完飯之後，就打左俾阿古。
同佢一齊跟進下會員大會既野啦。^^ 再傾下計咁囉～
搞掂晒ｄ野～　ｓｄ埋俾古古，咁會員大會既跟進工作就告一段落勒。

食左陣糖水　＋　ｈａｅ一ｈａｅ就諗住溫下書。
點知睇下個電話，見到ｃｒｙｓｔａｌ搵過我～就打返俾佢啦～
一傾就傾到６點半勒．．．哈！^^ 可能太耐冇傾既原因啦！^^hee
乜都講一餐囉～
今日既topic 主要係 頭髮 + 大學 + 其他！^^haha..... . .

收左線，諗住去溫下通識之際，就要去同爸爸食飯勒～
事關今晚係父親節麻。
不過，由於酒樓既服務態度不佳，令到哥哥　＋　爸爸都有點兒氣憤！
幸好最後，大家也平伏了。

返到屋企都１１點勒。
溫唔到通識～　準備去訓。不過，唔知做乜訓極都訓唔著喎。

P.S. 今日，媽媽提到：母親節的氣氛，總比父親節濃厚。
　　是因為母親付出的比父親多？不！
　　也許，只是我們較能直接的感受到母親的愛而已。

* * * * * * * * * * * * * * * * * * * * * *
伴侶
條件真的重要嗎？？
學歷？樣貌？身型？還是‧‧‧

說到底，「真心」才是首要的。


>>June 22, 2004 at 6:07:30 PM GMT+8

2004 年 6 月 16 日 星期三 【晴】

‧‧‧思想‧‧‧
–寶貴的一課–

今朝好勞苦咁落左2p做問卷喎！～
2p既同學仔都好乖咁幫我做好晒！仲好踴躍呀！有d仲幫我做左兩份呢！^^ good！
抵我請 珍寶珠 佢地食！^^ （d 珍寶珠上貼手我新手印製既鼓勵字語架！^^）
佢地都收得好開心！
不過，ms chan 嫌我對佢地太好喎！^^ 其實，我對佢地都係一般好者～～
收齊晒，都差唔多完勒個早讀課。
上返班房，好嚴肅呀！！原來ms tam發惡。好在都逃過一劫！^^

中史堂，數問卷 + 傾計。aiya～ 又激嬲左東威添！一定要做返好d俾佢睇先得呀！～
其實，我都好想做好架～ 或者，之前個排，真係太多轉變出現勒。
小息‧‧‧忙碌地派問卷！～ good！不過，都搞到幾亂呀。

文學堂：ms yeung又冇返勒！～
第一堂係空堂！我好努力咁溫東威！仲好專心呀！好耐都未試過咁專心勒！～
第二堂就係由 李桂瑩老師 代課。
由於課室安排既問題，擾攘左一陣先開始上堂。我知大家都好珍惜呢一課！【難得】
ms lee 好快咁講文學 = 鑑賞 + 寫作。
佢講左好多！～但係，我地個個都好留心，因為真係好「正」！！
呢一堂過得好快！～ 但係，我地都仲係唔捨得落堂呢！～可惜要上英文。
期間，ms lee 講到一點，令我有好大既反思，就係：
若果人自己都唔了解自己、唔關心自已，咁又點去了解世界、關心他人呢？
佢所指既關心，唔單單係要保重身體，更加係明白、關顧自己的感受，積極人生。
佢都講到：唔好去埋怨外在既環境！因為最重要係睇自己既心。
我好認同。
其實，從唔同既角度去睇每一件事，都總會發現到好的一面。若然，只有埋怨，只會令事情變得更灰。
可惜，這些都是我所要學習改變的。
事實上，回顧以往，我發覺我的確是成長了。
還是初中的我，比現在更口沒遮攔、更不懂去安排自己的生活、更從眾。
這幾年的時間，我變了許多許多。不知道，身邊的朋友有否發覺呢？～
然而，這還沒去到最後。
人生中，的確蘊藏著無限的可能性。
隨著這一切一切，人每天都在變呢。

放學又走在漫長的道路，踏上回家的歸途。
真的很久沒有跟 詠琪 走這條小路了。

p.s. 感謝 gilbert同學協助收發問卷！^^haa～～～「中三」變「中七」的鼓勵語，很好呢！^^呵呵
p.s. 告訴 素珊 我的e卷放在家中時，是顫抖抖的。再跟她談了談時，真的想哭了。
p.s. 文學作文 = 新 + 美 = 獨特的生活體驗 + 修辭。
　 「當你看到常用的一隻水杯、筆袋中的一枝筆時，曾否思索它從何來，是在哪裏
　　 買回來的？又或者，是誰人送的？它當時跟現在的樣子，有什麼變化？‧‧‧」
　 當我們這樣不繼思索的時候，便能作出一篇好的文章來！

* * * * * * * * * * * * * * * * * * * * * *
凡事都要深情的去看，交出你的誠意來。

>>June 16, 2004 at 4:21:47 PM GMT+8

2004 年 6 月 15 日 星期二 【雨】

‧‧‧傷心日‧‧‧
–主觀的情感？–

尋晚又係想做野既時候，就訓著左。搞到今朝起身，腰酸背痛。
唉～
今日早左，所以唔駛趕校巴之餘，仲有位位坐！～

早讀課，用左黎考oral。
本來仲覺得自己presentation好過上次，係衰左個discussion。
不過，就見到素珊好似一d笑容都冇囉～嚇親。
中史堂，仲同謝莉笑到喊 + 肚痛。（ke～）
小息既時候，素珊講返我地各人既分數同埋衰d乜。我都估到自己唔會高分，但係點知唔會格喎。ｏｈ～
其實，我都唔care個mark。由細到大都係咁，對分數唔會好care囉～
不過，小息之後，我好唔開心。因為，我care佢講既野。唔serious？？see it as a game？？荒唐！！
好唔鍾意～
一路聽既時候，都已經唔開心～結果，我成堂英文都冇乜mood講野。
算！

空堂因為唔開心，所以sit-in 同情情坐。
不過，都仲係冇乜出到聲。
lunch後，就同左情情出去傾計仔。
講真，依家呢間學校入面，我都只係會同佢講最心底既話。認真咁講佢知：我唔開心。
當然，我係lunch之前已經自我平復左。如果唔係講講下可能會喊。（都唔知點解依家真係軟弱左好多好多）
之後又同佢講下呢樣、講下個樣，笑下咁！^^

聖經堂同v王、zola、yubi、魚魚、情情，係度傾 + 玩。
中化listening exam 都好似ok喎！～不過，都係怕自己會feel 錯！^^haa
文學堂，測埋驗就走勒。

放學，去左大埔中心 搵情情 + 影印。等左個幾鐘，就分別撘車返屋企luu～

p.s. 馮少偉的疑問，的確惹笑呢！^^～【熱熱】
p.s. 蘇拿要離開我們三育之巔～ 好唔捨得。不過，替佢對自己既前途有明確既目標、方向，而高興。^^
　　祝佢前途無限！^^
p.s. 今日係萬寧，有個婆婆好好笑！^^哈！先後叫左我兩次。
p.s. 「刺激熱油」？ = 奇離雜錦！


* * * * * * * * * * * * * * * * * * * * * *
回家途中，看見了不少的老人家，有婆婆、有公公。
令人不禁思想到家中的媽媽，將來會是如何？
是得到我們的體貼照顧？身體健康？還是‧‧‧
又想想自己的將來‧‧‧
不敢想了。

期間，看見了一個公公，用那不再強壯的膀臂抱起坐在輪椅上的婆婆。
他只是為了讓婆婆能坐在小公園的椅子上憩息。
那個畫面是多麼的感人啊！
公公從前的辛勤工作，為的是讓婆婆能有「美好」的生活。
公公現在的勞苦，為的是讓婆婆能與自己同坐於椅子上休憩。
緃然婆錃失去了自由活動的能力，她有著深愛她的公公陪著，卻足以令人羡慕。
這就是「幸福的生活」嗎？在我而言，是！


* * * * * * * * * * * * * * * * * * * * * *
香港的人口老化問題，就放在眼前了。


* * * * * * * * * * * * * * * * * * * * * *
洗澡時，突然又有了新的思想。
也許「講者無心、聽者有意」的問題，又再一次令我感困惑了。
是我過於偏執嗎？是我自己多心嗎？
也許，她也只是有話直說吧。
算了吧！做好自己便行了。
反正，前數月的自己，的確並不勤力、也太過心散了。
證明自己的機會，還多的是呢！
終有一天，她會看得到的。
常常跟別人比較，也許的確不是健康的元素。


* * * * * * * * * * * * * * * * * * * * * *
。離別，只是為了下一次的重逢。


ＴO 國泳： 哈！^^ 因為我叻囉！^^.... .. ...（也原來你自己都知個msg係空架？幾驚你唔知呀！）

>>June 15, 2004 at 8:33:20 PM GMT+8

2004 年 6 月 13 日 星期日 【晴】

約左亮亮 + enen 返教會... . .結果都係遲到呀.... . 不過冇上次遲得咁多.... .
今日係奉獻主日呀～ 我都有奉獻.... . .^^

講員：郭姑娘
講題：專心跟從神
內容：徹底信靠！安靜等候！竭力追求！
得著：要開到水深之處。而且，神會預備在他眼中認為最好的給我們。
仲記得講員講到：有一段經文係話「神既意念、思想，同我地既唔同，係比我地高」
有時候，或者... .. 我地都會埋怨話點解神要咁樣、點解唔咁樣..... . .. 好似好多埋怨咁～
但係.. . .其實可能只係我地同神既層次唔同.... .
他看到的與我們看到的不同，他認為的與我們認為的也不同，在他眼中的與在我們眼中的亦不同。
好多時候係逆境中.... . .人都只會去埋怨.... . .. 又有幾多人會去諗主咁樣既安排，內裏其實有咩意義呢？當中或者係有d咩使命要我地去完成？
再諗返我既時候，其實，都係多埋怨少感恩。
然而，若人徹底信靠神的恩典時.... . .. .始終會明白看見主給我們最好的。

>>June 14, 2004 at 8:03:58 PM GMT+8

2004 年 6 月 11 日 星期五 【晴】

‧‧‧感覺‧‧‧
–怪怪的，像是‧‧‧–

晚上的感覺，很怪。
卻又道不出是怎麼樣。
像是‧‧‧
可惜，一個人的影子也沒有。

感覺真的很奇妙。
是多麼的虛無縹緲，卻又是何等的實在。
拉近人與人間的空隙，同時把兩個人慢慢的、暗暗的拉遠。
感覺就是這麼的跳皮。
是偶意在捉弄著世上所有人。

>>June 12, 2004 at 11:49:01 AM GMT+8

2004 年 6 月 11 日 星期五 【晴】

‧‧‧又一天‧‧‧
–無聊的生活，惹人討厭–

早會.... . ms tam 分享左一首詩歌..... . 雖然我唔太鍾意d melody... .但係，內容很好呢。
近來的屬靈生活.... . .簡真是跌到了谷底。
絕對不可以這樣的！

《語文常談》..... . 都還算不過不失呢。
文學..... . 終於都講書勒.... . .. . 不過，都係講左一堂者～ 雪聊的一番話.... . 討厭呢。哈～ 她可不懂說笑呢～....
通識...... .小測.... . .又唔識..... .呢排思緒好凌亂...... . .><"
ue... . .section c 未做完.... . 冇得交喎..... . .唉～ 【too bad】
中史..... .. 又係hae.... . .

放學就返左屋企luu～^^..... . .. ...食左一盒黑朱古力麥提莎....... . .

* * * * * * * * * * * * * * * *
思緒極度凌亂‧‧‧什麼也想不出來呢。
比前遜了許多。

* * * * * * * * * * * * * * * *
放縱的生活‧‧‧尤如失去了靈魂。
很不喜歡。
渴望一個一星期的假期‧‧‧好讓我重生呢。
然而，現實總不如理想般。
很頹‧‧‧

不行！！！
決意：明天到自修室去。還相約了翠鳳 呢！^^... . .

p.s. 秋意當社工？？～ｏｈ～


ＴO 國泳： 哈！悄悄的話，我悄悄的看了。很感動呢～ (-^.^-)

>>June 11, 2004 at 6:57:24 PM GMT+8

♂ 視 愛 。。。。。 廣告 讀者留言 |  路人留言   | hey~~好耐冇打日記wor你, >>June 1, 2007 at 9:08:34 PM GMT+8 http://blog.163. >>February 18, 2007 at 7:16:38 PM GMT+8 hehee....好開心！ <b >>January 27, 2007 at 2:15:12 AM GMT+8 thank you** my b >>January 22, 2007 at 7:21:39 PM GMT+8 多謝你呀!!!! <br>傻豬豬 >>January 6, 2007 at 2:47:47 AM GMT+8 仆親唔係小傷啦 <br>損左流血 >>January 4, 2007 at 11:55:42 PM GMT+8 得你地kai之ma~~ <br> >>January 4, 2007 at 2:48:10 AM GMT+8 Happy new yr 2~~ >>January 1, 2007 at 7:30:13 PM GMT+8 同昌子去&#21408;所有幾驚 >>December 28, 2006 at 2:17:57 PM GMT+8 心心~~我係小玲呀~ <br> >>December 8, 2006 at 2:46:35 PM GMT+8 喂...你同佢發生咩事呀?! < >>December 7, 2006 at 1:42:42 PM GMT+8 明天考試加油... <br>不能 >>November 27, 2006 at 11:22:38 PM GMT+8 呀...仲有...加油唷！ <b >>November 26, 2006 at 7:02:17 PM GMT+8 傻啦！ <br>放心打來吧！ < >>November 26, 2006 at 7:00:45 PM GMT+8 歧視不存在,世界更可愛! >>November 12, 2006 at 2:31:23 AM GMT+8 嗯！套衫幾好睇~!!! hee >>October 22, 2006 at 2:54:13 PM GMT+8 Toilet影的相好有氣氛喎! >>October 2, 2006 at 3:53:58 AM GMT+8 咪咁唔開心啦 >>September 11, 2006 at 11:01:44 PM GMT+8 傻妹 <br>記住睇自己幾時ad >>August 27, 2006 at 1:40:04 AM GMT+8 WING WING 25/8 晚 >>August 24, 2006 at 3:48:52 PM GMT+8 你點呀?! <br>幾時開學呀? >>August 22, 2006 at 4:03:46 PM GMT+8 哈哈~多謝你key 的相呢~~~ >>July 19, 2006 at 11:15:13 PM GMT+8 ^^行您想走的路~ <br>支持 >>July 8, 2006 at 2:43:16 AM GMT+8 又會冇啦啦記起 leo 既？ < >>July 7, 2006 at 5:00:24 PM GMT+8 hi cedar!! no ma >>June 24, 2006 at 10:56:44 AM GMT+8 Why you don't co >>June 16, 2006 at 2:32:12 AM GMT+8 嘩,我呢個電腦stupid終於研 >>June 14, 2006 at 1:59:04 PM GMT+8 哈哈！好耐好耐好耐無來過了！哈哈 >>June 12, 2006 at 8:22:21 PM GMT+8 Yes, the feeling >>June 6, 2006 at 2:25:39 PM GMT+8 HiHi Cedar ~~ Ho >>June 5, 2006 at 1:35:58 AM GMT+8 Cedar~ We are so >>May 27, 2006 at 2:23:03 AM GMT+8 Cedar, 你係日記裏講d咁不 >>May 20, 2006 at 9:52:19 PM GMT+8 Cedar ~~ This fr >>May 19, 2006 at 12:50:53 AM GMT+8 車~ <br>中間個張"骷髏骨" >>May 16, 2006 at 12:49:08 PM GMT+8 俾心機~ <br>你考完之後， >>April 20, 2006 at 6:34:47 PM GMT+8 LS俾心機呀~!!! >>April 19, 2006 at 10:46:53 PM GMT+8 ^^yeah~~~ <br>係呀 >>April 17, 2006 at 10:07:57 PM GMT+8 加埋油佢啦！ <br>功德圓滿！ >>April 17, 2006 at 5:55:28 PM GMT+8 ^^Cedar~ <br>我睇左 >>April 16, 2006 at 10:49:51 PM GMT+8 快d考完la~~add oil! >>April 16, 2006 at 2:06:06 PM GMT+8 Cedar~~ <br>係我呀~ >>April 15, 2006 at 12:32:02 AM GMT+8 Tomorrow Chinese >>April 12, 2006 at 12:45:16 AM GMT+8 梁小姐~~ <br>你錯過了我p >>April 3, 2006 at 1:22:31 AM GMT+8 WeiWei~ Exam is >>March 30, 2006 at 12:00:13 AM GMT+8 你一天一天比以前更加Lazy.. >>March 29, 2006 at 1:00:32 AM GMT+8 你好啊！ <br>咁岩我又係Ａ花 >>March 27, 2006 at 9:50:34 PM GMT+8 suk ching, <br>a >>March 26, 2006 at 5:40:11 PM GMT+8 為了理想、為了希望 <br>努力 >>March 25, 2006 at 1:09:23 AM GMT+8 death note遲下有fil >>March 14, 2006 at 1:06:40 AM GMT+8 原來妳都有睇死亡筆記嫁 <br> >>March 14, 2006 at 12:32:59 AM GMT+8

人氣: 62620

Design & Scripting by ShowHappy.Net