2004 年 7 月 19 日 星期一 【晴】

‧‧‧中史補課‧‧‧
–充實–

今日終於要返學校補課勒。
但係，係出門口之前，搵極都搵唔到副小紅鏡呀！～><"
遲左幾個字，仲搞到敏婷要係三育門口等我拎特教既問卷添。【對唔住】

上到課室，見到東威打緊電話。
哈哈！^^ 原來謝莉仲係屋企喎！激到東威仲話：「佢真係丫！以為搬左去元朗就唔駛返黎補課。」^^haa
對比之下，東威見到我既出現（雖然係遲到），就讚我一聲「好學生」！^^hee
或者真係太耐冇返到tpsy上堂，好似遺忘左東威中史坊咁，連sindymui、佳佳、wingwing未返，我都唔覺。
仲一心以為我同謝莉會係最遲個兩個添。
一連氣既中史堂，令人昏昏慾睡，結果真係訓左半個鐘。
不過，東威都冇叫我起身～～唔知係咪因為我訓岩時候呢？？^^haa（當時佢應該係教緊d今年唔會出既topic）
到左第二次break，我 + 謝莉 + sindymui係度搞我地去瑤塞買俾東威既手信！^^
謝莉勁鍾意，仲要話唔捨得送添！^^haA 笑死。
影影下相、玩玩下就記得今日係美精生日喎。
等東威返黎，就提議一齊去食飯（飲茶）^^～～～仲有得早放，11:15就出動勒！^^YEAH~上少一堂。
（咁岩kyvic打黎，話佢地 三育城 又去明星飲茶喎，就叫佢地幫我地拎左張大枱）

同謝莉 + sindymui趕快咁去王子買蛋糕。^^點知，買完蛋糕仲快過其他人去到喎！
尋找d acct 人啦！點知佢地都冇幫我地拎到位～><"
我地唯有自己落返去等枱啦。結果，我地入左房坐！^^ 都唔錯！～
「蛋糕行動」‧好辛苦架！^^haha 仲要問個陌生叔叔借火機！^^hee 佢真好人。
分蛋糕既時候，我地靈光一閃：自己出去拎多12隻碟。^^haha
＊　美精：生日快樂！^^　＊
嘩！東威叫左好多野食呀！食到好飽！^^haa～～最後仲有甜品：楊枝金露。【開心死】
＊　齊聲「多謝東威」！^^　＊

飲完茶就返左屋企，坐係電腦前面打稿。
真係唔太想打。><"
夜晚，因為 校記 既野有d唔明白，就好勇敢咁打左俾kaling！^^hee
不過，問題都仲未解決到。
＊　已經搞掂左兩篇勒^^hee 不過，都係慢。　＊

深夜打埋俾阿詹，同佢傾返今日佢帶service既問題 + 感覺。
傾傾下，傾下呢樣、傾下個樣，就到3點勒～^^
我都知我對住佢地係比較長氣。要改！^^haa

+ + + + + + + + + + + + + + + + +
原來，唔岩channel就係唔岩channel。
感覺距離越來越遠。

>>July 24, 2004 at 7:06:50 PM GMT+8

2004 年 7 月 18 日 星期日 【晴】

‧‧‧校記採訪 + 特教事會‧‧‧
–藉口的回憶–

第一次出校記活動，都有少少緊張架！^^
將書交俾敏婷之後，就拿拿聲去左撘火車勒。^^haa 勁怕遲到麻。
點知早左成15分鐘喎！！～早知就陪下敏婷先啦！

因為唔太記得個集合地點，所以周圍望。
哈！^^結果都俾我見到有人聚集！～【叻】～*校記係有樣睇架喎！^^haha
點名‧‧‧俾人搶先左添，跟手就要分組，真怪。
10點鐘就去到香港文化博物館，等左陣就去左報告廳，聽 + 發問左一輪。【悶】
再去左勁隱敝既地下lab。
係個度逗留左好耐，好悶呀。事關三個負責人講黎講去都係三樣野：
1. 考古學家既專業知識　2. 佢地既多年經驗　3. 多部門合作
企左好耐，影埋大合影就差唔多走勒。
係文化博物館門口，阿sam做de-breifing，講左好多，都啟發左好多。
發覺同樣既說話，係唔同人既耳中，有唔同既效果。
或者，真係我既training唔夠，而且又唔專心啦。
＊ Sam 真係好勁呢！～【佩服】

完左之後，就同新識既同伴仔去左muiji，諗住買朱古力豆豆。
點知冇喎。
^^哈！佢送埋我去火車站！～太好了。

決定返粉嶺同gc3muis開會。（我係唔會掉低佢地架！^^）
去左名都德興食飯。哈！^^ 3個午餐。【悶】
食完傾到唔識走，搞到旦妹係center等左勁耐！^^hee～
係度88chichi咁影下相，hezon就返左勒！^^～ 移師去rm.4，繼續傾兩個小組勒！^^
今日都幾順利架！^^ 4點鬆d就傾掂左！^^
仲有新人主動加入特教。太開心了。可惜，特教services將會係7月30完！～

今日6點左右就返到屋企。好野！^^

p.s. 阿周的亂亂頭 + 自閉又俾我取笑！^^haa～～～

+ + + + + + + + + + + + + + + + + + + + + +
小圈子既問題真係好難解決。
但係，我地絕對唔可以視而不見！
如果大家都唔主動去破解既話，問題始終都會係度。
而且只會越黎越嚴重。

+ + + + + + + + + + + + + + + + + + + + + +
藉口‧‧‧
令人回想從前的自己。
從前既自己，都常常不知不覺地以許多的藉口維護自己。
這是出於心的。
這是自然的。
成為了一種惡習。
現在，遇上了從前的自己，感覺並不好受。
終於明白了當年他們的感受。

>>July 19, 2004 at 12:58:24 PM GMT+8

2004 年 7 月 12 日 星期一 【晴】

‧‧‧三下鄉之旅#2‧‧‧
–調研風波–

一早起身就要同迪希跟威爺去做調查調夠既工作，遇上義診隊。
Hezon、威爺、小強都入左鄉公所傾義診既事項。
入左好耐，令人擔憂。
都係DeeDee醒目，識得企係窗邊，等我地見到佢，可以放心d。^^
等義診有左決定後，我地就繼續我地既調研工作勒^^

首先，我地一team9人，入左一間民居。
屋入面既叔叔、嬸嬸都好有禮貌喎。放下手上既飯碗，立刻去沖茶俾我地飲。
仲叫佢地個仔出黎，因為佢地自己唔太識白話 + 普通話。
大家都傾左好耐，但係都未入正題。
而我同迪希因為普通話唔太好，唔敢獻醜，而靜坐左，但係又好焦急。
因為佢地所問既都係d 同問卷冇關係既問題。唉～
最後，我地唯有同威爺講：要入正題 + 唔可以用太多時間係一家人到。
離開左呢家人後，我地決定分頭行事。
我 + DeeDee + 琴詩，迪希 + 威爺 + 三個記者，我地向下，佢地向上。
期間，我地去左一間製磚廠 + 途中遇上四個小男孩，仲唱歌俾我地聽^^開心死。

到左中午，大家要商討下午行程既時候，出現分歧，而且搞到氣氛唔好。
最後，決定由威爺、北海帶隊去三排瑤塞。
幾經波折，我地終於都到左勒！係一個only for shopping既小塞。
原來係人造既，可以話係假既。
因此，琴詩提出話跟一個姨姨上山去真既瑤塞。
但係，我同迪希就提出左安全既問題：山上面既瑤塞，係因為個度既人太愛錢，常問tourists拎錢而被禁。
所以我地唔可以唔顧自己既人生安全，而且上山既路無人知，山上面係點都係一個迷。
可惜，琴詩根本就冇理會我地，仲話分開行動就算喎。
我地唯有跟佢地上山。
上山期間，我地就向北海借電話知會Hezon，佢讚成我地搵個男仔陪返去原位，而唔上瑤塞。
結果，威爺陪我地落返去，同時因為聯絡唔到山上既佢地，而極之擔心。
＊ 到底係邊個既錯？係我地錯嗎？？或者，係大家溝通唔足夠啦！根本都未拎到個共識就行動左。
＊ 仲要搞到俾一班瑤族男仔撩，嚇到我地死左。

到左傍晚，V聯人開e既時候，我同迪希都有講返個問題出黎。
當然仲有我地既唔開心啦！^^（我地都認為要DeeDee輔導下我地）
＊ 要正面欣賞人，先可以改變人
或者，我地平時睇既野都係先從負面去諗左先啦！～
食完飯之後，我同迪希同DeeDee坐係宿舍二樓既時候，又無乜事luu。^^
8點半開調研E既時候，因為我同迪希都訓左，威爺都冇叫醒我地。^^

今晚又係我同迪希最遲沖涼！^^
由於今晚得一桶水，仲要係二樓由DeeDee與記者Dee幫手搬落去喎。
我同迪希都怕洗唔乾淨小背背d泡，所以決定互相擦背！^^【搞笑】

夜晚同迪希 + 謝莉係床入面傾計！^^hee。
最後同迪希孖鋪。

p.s. 黑暗中玩啤牌。^^

>>July 19, 2004 at 4:41:18 PM GMT+8

2004 年 7 月 11 日 星期日 【陰】

‧‧‧三下鄉之旅#1‧‧‧
–適應–

朝早6點就要起身，即係訓得半個鐘咋。但係就唔太眼訓！^^
沖左個涼 + 洗下頭就出發去集合。
我地三個都算係早！^^ 於是就同Kiki去拎錢。
仲影埋相！^^hee

見差唔多齊人就派files & pins！^^佢地收到都好開心！^^hee 太好了。
之後再影多陣相 + 大合照，就上車出發luu。
坐左個幾鐘，到?三下鄉啟動儀式會場！^^
不過，因為落大雨，而改到入報告廳進行。但係，個度就超焗 + 令人超眼訓呀！～

啟動儀式結束左之後，我地就正式開展三下鄉之旅勒！^^
八間大學既目的地都唔同，而我地所隨既廣外既目的地係連南三排鎮（瑤族集居地）。
三個鐘既車程好似俾我地訓左成日咁！^^
雙眼一開，車外既景色已經又灰色既高樓變成左綠油油既草原勒！^^
令人感覺好舒服呢！^^

到達三排中學既時候，我同迪希都唔想落車，因為車上太過舒服勒！^^
點知，原來今日既行程係「適應」，即係乜都唔駛做，淨係係度hea。
我地周圍參觀，見到個toilet，真係嚇親！～又臭。
d課室就好爛。
所以，我地就提出到市集去補給一下乾糧。
哈！^^ 同廣外既大學生行左好耐，再同威爺（廣外負責人之一）傾，大家先有共識。
最後，決定分批，一批出去補給、一批就留係三排中學。
而Hezon只係同迪希出去，留抵左我地係個度～><"
不過，我地係個度，都有一個任務既，就係：整理床舖！^^【悶】

等左好耐，佢地終於都返黎勒！^^ 太好了！^^
佢地返黎無幾耐，就食飯勒！^^
V聯人去左課室外面坐，個個都係度挑「飯中小蟲」。真嚇人。
嘉茵仲唔敢食！^^笑死！^^hee
不過，同時又俾我一個感受係：當地既衛生環境就係咁差，佢地可能成日都食唔飽，但係香港人已經將浪費食物變成習慣。

好不容易先到夜晚，大家都開始分組傾聽日既行程。
而我同迪希就係去調研（調查研究）！^^。要上天台開會，好黑！感覺一般！
之後就全人類一齊開左一次e。

到左沖涼既時刻，我地問廣外既女生借桶打水。
Crystal、阿古、tselee、嘉茵去沖先，等佢地沖完我同迪希先沖！～
所以，我同迪希就夠水洗頭！^^
行到2樓，撞到北海！^^ 佢太好勒！帶我地去打暖水，又幫我地！^^辛苦晒！^^
同迪希兩個走入暗暗的，只以一支洋獨照明，對外只有一道破舊既木門、對內開放既浴房。
兩個人好快咁洗頭 + 沖涼！差d唔夠水用！

到個個都訓晒，夜深人靜既時候，我同迪希話上去睇星星。
於是，就全部V聯女都上晒！^^
滿天星星真係好靚！^^～ 原來星星真係識閃架！^^ 如果可以兩個人一齊睇，會好幸福呢！^^
仲見到流星。可惜個度冇得坐，企多陣就好?。
於是就返落三樓傾計（tselee、dickhei、me），突然聽到女子既叫喊聲，又唔知邊道傳黎，真係嚇死。
搞到我同迪希跑返床入面，仲要將蚊帳close到冇罅。


p.s. 「八國聯軍」圍雞大戰！^^～原來清遠雞識飛！^^haa
p.s. 大虫的不滿？
p.s. 謝莉寫寫下稿又訓左勒～><"

>>July 19, 2004 at 4:39:21 PM GMT+8

2004 年 7 月 10 日 星期六 【雨】

‧‧‧三下鄉交流#0‧‧‧
–急、忙–

今日好趕咁返左center執上三下鄉既野。
返到去，好趕急，買相架又有阻滯。
結果，上左火車先記得自己冇印到聯絡表。【失敗】

同迪希集合左，就趕去影印手寫聯絡表，再去埋百佳買乾量同野飲。
之後就急急腳返上車。
仲同香港記者Micky相認！^^haa。佢好熟口面咁，有少少似陳慧珊。^^
成程車都好舒服。
由於我地（除左Hezon + Micky）都訓唔著，所以就唱下手語版既會歌。
點知俾人叫停！～激死左迪希！^^haa

到左廣州，落車勒！
由於我地落車太慢，俾個司機 + d乘客 吹左好多次。
仲多次俾人困左係架車度。【可憐】
^^haa 等到兩個廣外負責人黎接我地，我地就行去撘巴士勒！～
期間，我地係途中既7-11 同個foreigner 合影！^^hee
上左巴士，我、迪希、謝莉、嘉茵 都提高警覺！打醒十二分精神。^^
安全轉車。
轉車期間，Hezon 話左我幾句： 細聲講大聲笑。
但係，我唔明點解淨係話我囉。
不過，我係接受既，因為自己的確有錯！～唔敢再駁佢啦！
佢好認真咁架！
＊ 印象中，第一次俾Hezon話。

轉完車，今次我好小心而且好驚慌，怕又再「失禮」V聯盟。
坐左一陣，終於到左廣外勒！^^
一落車，就主動同廣外個兩個負責人傾下計。都幾好傾架！^^

安頓好之後，就去左附近一間酒樓食飯！^^
初初我地係拎點心食架！但係，Hezon動議抄碟粉 + 叫隻雞食下！^^大家都冇意見。
但係，當我地見到個一大碟既乾抄牛河既時候，都嚇左一跳！^^haa
夠我地十個人食多餐呢！^^

食完之後，就返去學校入面同廣外既學生交流。^^可惜佢地太多人勒，真係記唔晒咁多個名。
then 就出去百貨鋪買定d日用品 + 乾糧。^^
返到宿舍，我就同迪希兩個跟左Kiki上五樓，要同佢同房。
謝莉 + 嘉茵一間房，crystal + 阿古一間房。
風景都唔錯架！^^haha
hea左一輪，就落去同Hezon集合開會，商量我地黎緊幾日既行程。^^

Kiki間房真係好舒適，佢仲幫我同迪希鋪好晒床 + 蚊帳。^^【錫晒佢】
可惜，我要補鍋：手寫返34份聯絡表！^^
仲辛苦迪希幫我寫左8張。
結果，只係訓得幾個字。

p.s. Hezon俾人呃！搞到我地冇手機用！
p.s. 威爺 = 中龍？ 北海 = 偉明？～ 兩個都好好人、好健談！^^
p.s. 半夜既行雷聲 + 雨聲真大。仲有紫色既閃電！^^haha

>>July 19, 2004 at 4:37:59 PM GMT+8

2004 年 7 月 9 日 星期五 【晴】

一刻的感覺，重要嗎？
到明天，這一刻的感覺還會存在嗎？
也許今天，這感覺還很實在。
可是，明日之後，卻又會如何？
關係的改變，人與人間的距離，都足能令這種感覺改變，
甚至磨滅、消散。
你，害怕這一天的來臨，
因為你害怕失去對他的瑕想。
然而，越是害怕，感覺就越不實在。
也許‧‧‧

>>July 19, 2004 at 4:42:25 PM GMT+8

2004 年 7 月 8 日 星期四 【晴】

‧‧‧高考放榜 +《新一代大富翁》‧‧‧
–複雜的行為、思緒–

因為尋晚搞「三下鄉」交流既野，所以今日遲左起身，冇返到去補課。
有點點兒既內疚啦！
但係，真係冇乜精神。

起身就打俾cathy、小森、crystal佢地，關心下佢地放榜既情況啦。
點知，聽到真係嚇左一跳囉。
洗埋件黑色shuit，等唔切佢乾，就即刻出去同謝莉集合勒！
＊有sindymui ^^haa～
係車廂中討論今年三育ａｌ既情況，唔太樂觀。
通識更加係勁嚴峻。

去到poly u，大家都準備就緒。
見到阿寶，問左一句，見到佢想喊（之後仲入左toilet喊）就知咩事。
為左唔影響佢地個show，之後都對ａｌ絕口不提勒。
問show前，個個都好緊張，但係，我同謝莉都冇乜野做。^^haa~
因為我地係「知客」，負責編排入場位置。
不過，都有d亂。
期間，見到唔少人，好似：焯林、tony、ivan佢地～
問show之後，我就同謝莉坐返埋位欣賞。
有好多「執生」位，好在各演員都ok，esp. 華女～

個show順利完成左！^^
大家都好開心，仲唔捨得走，不停係度影相。^^
哈！有幾幕係勁搞笑：
>> 當Queenie遇上鄧斌時
>> 阿旦的眼紅，攝鏡入謝莉與steven的相片中

之後，就同焯林 + 琴 + cheezz佢地去左食野！^^～
我地張枱食得最慢！^^haa～
迪希join左我地，一齊商量去唔去唱k（因為icac既yus請drama同工去唱k慶祝）～
最後，我地都係去左！^^
仲玩得好開心！^^到左成1點幾先走！^^...... . .feel so good！^^

p.s. 原來keybroad哥哥（糊仔）真係好掂，所彈既令人陶醉。^^ 仲有唱歌都勁掂喎！^^
p.s. 糊仔 => 故仔 => story！^^hee
p.s. 細佬的認識！^^ jeff～～～^^
p.s. 又一次證明焯林 + 阿琴既魅力！^^haha 吸引到cheezz！^^
p.s. 好耐冇見既liza，黎左唱k！^^
p.s. $10/6..... .放進阿旦的小袋中！^^haha
p.s. 見到cathy、小森、阿旦佢地要同hezon傾升學既野，自己又冇乜實質既野可以幫到佢地，有點‧‧‧但我會支持佢地架！^^
p.s. 華女、fish、阿寶、迪君都醉左！^^haa~~大家都玩到勁癲！^^
p.s. thx 衰神送我返屋企！^^


+ + + + + + + + + + + + + + + + + + + + + + +
高級程度會考，代表著什麼呢？
是代表他們的能力？運氣？還是他們的努力呢？
相信，於每個人的心中也有不同的答案。

高級程度會考，根本並不能代表他們的全部。
更不能決定他們的一生，以後的路是靠他們開創的。
因此，並不要被成績局限了自己！


+ + + + + + + + + + + + + + + + + + + + + + +
明年今日‧‧‧
我又會如何呢？
雖然明成績並不代表一切，但接過成績的那一刻‧‧‧
是興奮？是嚇然？是焦慮？是‧‧‧

>> 要努力，不能讓自己後悔的！


+ + + + + + + + + + + + + + + + + + + + + + +
酒醉的背後，也許是歡、也許是樂、也許是悲、也許是傷。
有著很多的不同。
交錯的情感，相信只有她們才能體會。


+ + + + + + + + + + + + + + + + + + + + + + +
心跳的感覺‧‧‧
也許，就建立在一次偶意的相遇中。
這種感覺，難以言喻。
是一種渴望靠近的感覺；
是一種令人忐忑的感覺；
很奇妙。
奇妙得令人不尋常。
也許，你會遙遙的看著他；
也許，你會因此變得勇敢，漸漸的接近他；
但面對著他，心卻又變得凌亂，腦海中翻起激浪。
不知所措，面紅耳熱。
你會很留意他的一舉一動，時刻的偷看他。
也會很在意他是否在房子的另一方，偷看著你。
一個眼神的相交是這種心跳感覺的強身針，
你不再疑惑：他是否在意你。
很溫暖、很實在。
然而，別離的一殺那‧‧‧心中卻有點說不出的可惜。
捨不得。
與此同時，看到他的臉上、他的眼中，並沒一點的留戀之情，
抹殺了一切的思想，遺留下來的只有思念。
也許‧‧‧

>>July 18, 2004 at 2:51:30 PM GMT+8

2004 年 7 月 3 日 星期六 【晴】

‧‧‧Ｏ'Camp2004 #3‧‧‧
–回家了–

今朝差唔多9點先起身，以為係9點食早餐。
點知‧‧‧唉。
唯有同阿梅、謝莉、小森去左canteen買三文治 + 維他奶。
之後，就入hall8 breifing + 唱下會歌！^^ 係可愛既阿琴帶！^^

今朝既唯一活動係「全港定向」。
係一個新game！^^都幾得意。
不過，就要自資車費囉～
第六組既team spirit 又提高左勒！^^ 太好了。
大家又有默契！^^

開埋大e，就要走勒！真係有d唔捨得架！^^haa
＊ 追車？

同迪希、cheezz、華女一架車！^^ 開心死！^^

p.s. 佢地去左食飯，又唔早d叫我！~~><【激死】
　　搞到人要買大家樂返屋企食。

p.s. 難以開口的話題～焯林。或者同阿琴面對面，易講d！^^haa

>>July 20, 2004 at 4:55:01 PM GMT+8

2004 年 7 月 2 日 星期五 【晴】

‧‧‧Ｏ'Camp2004 #2‧‧‧
–難忘的感覺–

經過左一晚既煎熬、保安既時光，我地五個都好攰。
見到hezon + crystal 着起白色既ocamp tee、拎住遮走過黎個一刻，個心既感覺好差。
呢一種係自然既感覺、係一種對比之下既距離感。
由於佢地要set 場玩遊戲，大家（露營之友）都要起身勒。
我地就幫手執野啦。
期間，hezon就叫我地返去訓。（相信，佢從我地個殘樣，都知我地尋晚冇訓過）
我地就一連氣咁去左佢間房，唔理三七二十一，見床就訓。
結果，就係冇玩朝早既優閒games。

由於，我地都錯過埋恐怖活動既breifing，加上好攰（連續兩晚都冇訓），令到我有d唔想玩。
但係，我估計自己都撐得住！而且，又跟返我最喜愛既焯林，就決定玩。
Topic：環保
雖然，第六組等左成個幾鐘車先可以上到免費車，但係個task 4點幾就完成左！～【快】
難忘：
大家一齊係大中狂奔、嗌口號「第六組　最環保　我地一定做得到」、睇波、趕食飯‧‧‧
好多好多。
完左呢個task之後，我絕對冇後悔當初玩既決定。
大家係當中都得著好多，關係又唔同左。^^

夜晚既Disco Night～玩得好開心！^^
但同時，有人就完全冇mood。或者，呢度就係投入與唔投入分別。
不過，揭曉Angel & Master既氣氛就的確係靜左少少。

今晚分房既程序比尋晚已經好好多。
但係，都係亂。
好在，cathy、琴、crystal都四圍樸，搞返掂。

五俠冇出去玩，只係留係我地既房間，靜靜咁傾下心事仔。
中途殺入左阿琴，佢個一副親切又感性既樣，令我地（cathy、tselee、me）都大喊左一場。
將我地既唔開心，都抒洩左。期間既笑淚交融，真係令人感慨。^^【難忘】
講到4點，大家都眼訓勒。
＊ 同cathy一齊望住天光
＊ 三個人一張小床，真係‧‧‧

p.s. Hezon又用佢既大口，快速咁食淨一塊chips-anoy。
p.s. 小森 + Seiko 個組真辛苦！由大埔行返大學站。
p.s. 阿旦個組兩個helpers事件！^^
p.s. 謝莉個組一pair人，打得火熱？ >> 都係第六組最正常！^^hee

* * * * * * * * * * * * * * * * * * * * * * * *
壓力可以令一個人改變？
呢一句話，令到我自己好有感觸。
或者，我真係忽略左佢既感受、佢所以承受既。
我地係咪應該要學識包容呢？
又或者，應該從令一方面去諗‧‧‧
其實，佢係好需要我地既支持、幫助架。

>>July 18, 2004 at 4:29:51 PM GMT+8

2004 年 7 月 1 日 星期四 【晴】

‧‧‧特教 + Ｏ'Camp2004 #1‧‧‧
–期待的緊張–

今日係我第一次帶 + 出特教既services。其實，都有丁點兒緊張架！^^
＊ 尋晚趕起左份問卷

今日既活動都進行得好順利。個個義工都好投入！^^ 太好了！
＊ 對特教組既前景非常樂觀
不過，今日既時間安排太差勒！～ 成班義工都係體育館等左45分鐘呢。
活動完左之後，就同hezon、barla、jimjim、sam、tselee 等等去食lunch勒^^
由於要買lunch俾阿寶食，所以自己一個早左返center。
返到去，見到得佢一個就幫下手囉！^^
結果，變左派收據大使！^^haha

上左車，好快就到左桐梓勒！～
個hall好細呀！不過，d遊戲都ok（雖然差唔多全部都玩過）～^^
BBQ係好熱呀！但係，都幾好！^^ 因為BBQ係我既最愛麻！^^haha....... ..
五俠互相供養 + 拍照留念，開心死！^^

夜晚既「模擬城市」‧‧‧好成功！^^大家都玩得好開心。
＊ 對比上年既「生命之旅」，真係well-planned好多！^^

大家要就呢個game既結果而分房訓（宿營 vs 露營）。
不過，最初分房既時候，真係有d亂。
因為我地根本就唔知有7間房，以為得4間only。真係搞到lei咁hea。
仲要有4個女仔，主動去訓露營。><"
最後，crystal拎返3條keys落黎，呢場風波先平息左。
分左房一陣，五俠決定一齊訓露營。因為宿位太焗勒！
大家都總算安定下來！^^

之後，大家就訓係椅子上一邊食野、一邊談心事！^^haa～
傾到一半，就由小森、阿旦、george護送我地4個女仔去沖涼勒^^haa~~~仲用埋男厠添呀！^^
沖完之後，我地就繼續傾！^^～仲撩埋對面「愛丁堡」d人添！^^haha
點知，個天勁紅，仲有雨粉添！
於是就快速地問下其他人，佢地願唔願意落去canteen到。
最後，就由五俠、阿詹一手包辨，將所有營幕運落去地下。
基於安全問題，我地千叮萬囑：要將所有袋放入營幕中！～點知有人「偷雞」，笑死我！^^haha
由天開始落雨到天開始光至天真的光了，五俠都無安睡（搞到小森嬲左陣），因為太唔放心了。
＊ 做左五個保安

p.s. 哈！^^ 最初唔相信金毛x2係va人！仲要係阿旦既朋友仔喎！
p.s. 旦妹、ray妹等人的走過，都令到我地五個有好深既感受：彼此的對比。

* * * * * * * * * * * * * * * * * * * * * * * *
或者有好多人都唔明白，點解我地五個會咁擔心。
但係，我覺得只要我地明白自己係度做緊d乜就得。
而且，呢一個都係責任既問題。
值得我地去深思。

>>July 18, 2004 at 3:35:56 PM GMT+8

♂ 視 愛 。。。。。 廣告 讀者留言 |  路人留言   | hey~~好耐冇打日記wor你, >>June 1, 2007 at 1:08:34 PM GMT+8 http://blog.163. >>February 18, 2007 at 11:16:38 AM GMT+8 hehee....好開心！ <b >>January 26, 2007 at 6:15:12 PM GMT+8 thank you** my b >>January 22, 2007 at 11:21:39 AM GMT+8 多謝你呀!!!! <br>傻豬豬 >>January 5, 2007 at 6:47:47 PM GMT+8 仆親唔係小傷啦 <br>損左流血 >>January 4, 2007 at 3:55:42 PM GMT+8 得你地kai之ma~~ <br> >>January 3, 2007 at 6:48:10 PM GMT+8 Happy new yr 2~~ >>January 1, 2007 at 11:30:13 AM GMT+8 同昌子去&#21408;所有幾驚 >>December 28, 2006 at 6:17:57 AM GMT+8 心心~~我係小玲呀~ <br> >>December 8, 2006 at 6:46:35 AM GMT+8 喂...你同佢發生咩事呀?! < >>December 7, 2006 at 5:42:42 AM GMT+8 明天考試加油... <br>不能 >>November 27, 2006 at 3:22:38 PM GMT+8 呀...仲有...加油唷！ <b >>November 26, 2006 at 11:02:17 AM GMT+8 傻啦！ <br>放心打來吧！ < >>November 26, 2006 at 11:00:45 AM GMT+8 歧視不存在,世界更可愛! >>November 11, 2006 at 6:31:23 PM GMT+8 嗯！套衫幾好睇~!!! hee >>October 22, 2006 at 6:54:13 AM GMT+8 Toilet影的相好有氣氛喎! >>October 1, 2006 at 7:53:58 PM GMT+8 咪咁唔開心啦 >>September 11, 2006 at 3:01:44 PM GMT+8 傻妹 <br>記住睇自己幾時ad >>August 26, 2006 at 5:40:04 PM GMT+8 WING WING 25/8 晚 >>August 24, 2006 at 7:48:52 AM GMT+8 你點呀?! <br>幾時開學呀? >>August 22, 2006 at 8:03:46 AM GMT+8 哈哈~多謝你key 的相呢~~~ >>July 19, 2006 at 3:15:13 PM GMT+8 ^^行您想走的路~ <br>支持 >>July 7, 2006 at 6:43:16 PM GMT+8 又會冇啦啦記起 leo 既？ < >>July 7, 2006 at 9:00:24 AM GMT+8 hi cedar!! no ma >>June 24, 2006 at 2:56:44 AM GMT+8 Why you don't co >>June 15, 2006 at 6:32:12 PM GMT+8 嘩,我呢個電腦stupid終於研 >>June 14, 2006 at 5:59:04 AM GMT+8 哈哈！好耐好耐好耐無來過了！哈哈 >>June 12, 2006 at 12:22:21 PM GMT+8 Yes, the feeling >>June 6, 2006 at 6:25:39 AM GMT+8 HiHi Cedar ~~ Ho >>June 4, 2006 at 5:35:58 PM GMT+8 Cedar~ We are so >>May 26, 2006 at 6:23:03 PM GMT+8 Cedar, 你係日記裏講d咁不 >>May 20, 2006 at 1:52:19 PM GMT+8 Cedar ~~ This fr >>May 18, 2006 at 4:50:53 PM GMT+8 車~ <br>中間個張"骷髏骨" >>May 16, 2006 at 4:49:08 AM GMT+8 俾心機~ <br>你考完之後， >>April 20, 2006 at 10:34:47 AM GMT+8 LS俾心機呀~!!! >>April 19, 2006 at 2:46:53 PM GMT+8 ^^yeah~~~ <br>係呀 >>April 17, 2006 at 2:07:57 PM GMT+8 加埋油佢啦！ <br>功德圓滿！ >>April 17, 2006 at 9:55:28 AM GMT+8 ^^Cedar~ <br>我睇左 >>April 16, 2006 at 2:49:51 PM GMT+8 快d考完la~~add oil! >>April 16, 2006 at 6:06:06 AM GMT+8 Cedar~~ <br>係我呀~ >>April 14, 2006 at 4:32:02 PM GMT+8 Tomorrow Chinese >>April 11, 2006 at 4:45:16 PM GMT+8 梁小姐~~ <br>你錯過了我p >>April 2, 2006 at 5:22:31 PM GMT+8 WeiWei~ Exam is >>March 29, 2006 at 4:00:13 PM GMT+8 你一天一天比以前更加Lazy.. >>March 28, 2006 at 5:00:32 PM GMT+8 你好啊！ <br>咁岩我又係Ａ花 >>March 27, 2006 at 1:50:34 PM GMT+8 suk ching, <br>a >>March 26, 2006 at 9:40:11 AM GMT+8 為了理想、為了希望 <br>努力 >>March 24, 2006 at 5:09:23 PM GMT+8 death note遲下有fil >>March 13, 2006 at 5:06:40 PM GMT+8 原來妳都有睇死亡筆記嫁 <br> >>March 13, 2006 at 4:32:59 PM GMT+8

人氣: 66766

Design & Scripting by ShowHappy.Net