2003 年 10 月 29 日 星期三 【晴】

犯太歲的故事繼續下去

錄影機死左之後...
之後電視機死左...
之後冷氣機死左...
之後電話神左...

諗著中完六合彩會好番D啦

點知依家連數碼相機都死埋
地獄黑仔王 .........

絕對空虛( 絕對空虛 )
無人觸摸似廢堆


>>November 1, 2003 at 2:41:33 AM GMT+8

2003 年 10 月 23 日 星期四 【晴】

P.S. 今晚食飯果度超唔開心
　　所以我走了, 我只想五個人好好地食餐飯
　　被呃了, 我好嬲..........

~~仲有, 我要教呀宛用尤魚~~ ( A__A) /

>>October 23, 2003 at 4:00:40 AM GMT+8

2003 年 10 月 23 日 星期四 【晴】

究竟我講過既野有冇人記得....
比著日日有人用粗口叫你個名你會唔會開心
不過我都唔細啦, 咪忍下當佢細路囉...

但係每次見到呢個所謂朋友既朋友
佢就用粗口黎叫我個名既時候, 我又是否應該狠狠的一拳k向他的臉
終於明白當日因為甚麼而有人同佢打交...

做人都係忍一時, 風平浪靜啦
有唔開心都係自己唔開心左佢就算...
表露出黎反而令身邊既人擔心...

今日去到公司幫呀宛手做part-time...
我發覺排稿真係好浪費時間之餘, 仲好會令到隻眼好支力
終於明白到伴侶工作上的苦處, 蠻想分擔...
因為知道我愈做得多既時候, 佢相對就可以做少d...
所以我都有落力咁做嫁, 其間因為食左一條好好食既旦卷而hea左d時間
有d R鐘咁, 好唔O岩....

其實每次我去到對著將檯既時候我都好開心
好想拎本薄出黎畫野, 好想畫野呀～
唉, 點解我屋企會搞成咁...

最近發現原來除左自己大個仔
開始識得鐘意, 同埋拍拖既時候
身邊既朋友心態都一樣咁變
怪不了, 年青人馬....去吧, 我有的是青春！！！

可是看到身邊的玩伴都一個又一個為情所困既時候
我發覺自己原來已經是個幸運兒...

睇著大京鐘意著一個
我跟本連係邊個都唔知既時候
我開始懷疑自己仲係咪佢好朋友....
每次我最唔開心果時佢次次都陪著我....

我好似講過, 朋友都係靠自己去KEEP既姐...
星期五有時間都係去睇一睇佢好D....

仲有陳發祥, 睇著佢步入自己後路
第一腳就阻止佢, 因為我唔想佢唔開心....
不過唔知道佢反過黎又有冇討厭了我, 當年或多或少我覺得佢都幾煩
不過依幾年佢都變左好多, 起碼依家好好地有份工做, 似番個人呃...
唔知點解...我覺得讀書唔O岩佢, 佢既智慧跟本完全無用過響書本上咁既
不過依家咪又好好地...

反過黎自己讀書就死死下, 發成績表果日我都可以唔番學...
真係有D過份, 雖然終於知道自己唔鐘意做DESIGN工
反過黎都係畫漫畫果類野,或者係插圖對我黎講更加色合
但係或多或少可能我到依家都未太了解DESIGN...

如果我是一個天才的話
我想我的確是一個偷懶的天才...

但反事不可以再這樣馬馬虎虎了事咯
愈是夜晚就愈是容易令人落淚
我後悔的現在十九歲, 怎麼花掉這麼多不必要的時間

因為我有青春, 所以來得更易給浪費掉
現在再一次看著天的顏色, 因應心的反映而變得灰沈
連朝早也差不多似的...

當有了目標, 終於可以幹得出像樣的東西時
我又會迷茫起來....
這時候可以有女朋友給自己一個擁抱真好....
謝謝

記得三年前,我都輕鬆過現在
當時直腸直肚, 相反依家甚麼都大廢思糧一餐...
唉......人大了,思想複雜化了, 神經質了

我終於可以切切實實寫真正熟於我既夢想出黎喇
我想要一個溫暖既家, ....

>>October 23, 2003 at 4:00:35 AM GMT+8

2003 年 10 月 22 日 星期三 【晴】

呢排都無乜點去FORUM
只係做番響漫畫版SELL書
得唔到遇期想要既....

都係做PART-TIME易賺錢
其實做左咁奈野, 都係唔想成日問人借錢, 同埋問呀爸, 甚至呀爺裸錢...
不過如果我依家真係仲繼續做落去就真係會無曬時間去畫下野, 睇下書, 同埋做功課

星期一呀強無番...
等佢仲話我成日唔番WOR....
不過今日我都無番學, 一訓就訓左十四個鐘..........=____=(汗)
成績表都無拎到, 不過成績一早已經心中有數.....

唯宛同我講話番屋企食飯, 其實諗深一層都好既
我都唔想佢成日陪著我洗曬D錢, 再加上佢番完工都支力啦...
唉, 今日都係自己一個人自閉下算數...
雖然好想見, 但係真係佢養足精神同健康更加要緊

聽晚其實我都唔係咁想同黎明佢地食飯
最緊要係呢期無乜水之餘, 聽晚約好曬睇戲...
只好改做星期四啦, 唉........

好黑呀=________________=

>>October 22, 2003 at 3:06:13 AM GMT+8

2003 年 10 月 22 日 星期三 【晴】

一心為心買左隻電影版RAHXEPHON既DVD番黎睇
諗著等左咁奈終於有得睇喇....

唉, 點鬼知買左隻睇到八分十八秒就會死既碟番黎...
好喇, 到琴晚番去換左隻諗著係好野番黎啦....
點知O岩O岩做完功課一睇...
去到七分十九秒又死...
隻碟仲花過之前果隻TIM.........唉

又要買過隻...
我諗以後都係唔好番果檔信和二樓野度買碟咯T_______T

幾時先有錢可以買過隻呢T_______T 嗚........
點解偏偏要簡隻我咁鍾意既碟又花又死 T________T 嗚.........

最近頭頭PONG著黑....
唉, 都唔知行正邊條衰運........

今年犯太歲的黑運還未過麼
年頭已經中左嫁啡仔$280.....
之前買隻異度空間已經試過一次係咁

點知今次又係咁...
唉, 好黑.....好唔開心
諗著做完功課可以舒舒服服響受下啦............

唉...........冤葉呀

>>October 22, 2003 at 2:54:46 AM GMT+8

2003 年 10 月 19 日 星期日 【晴】

其實響一個地方如果玩得唔開心的話
走又係咪一個好既決定

而決定左又係咪唔應該反口
那裡有我喜歡過的
那裡有我討厭著的
那裡有著很多的...

或者我響依一刻先會明白到我點解會想留響果度
但係至少我依家已經無左果一種心, 係想留響果度
其實我跟本無需要去多事,同埋明白甚至了解一個人

又有冇人可以話我知, 我依一分鐘響度諗緊乜...

心情多麼的不爽...
睇到朋友留言給自己的, 我係食煙
但都戎緊咯, 無人可以阻止到自己既決定
最重要的究竟是甚麼

今日聽完呀大哥講野, 開始有d唔明白究竟自己既夢想係乜野
其實我一直都好想出去睇下個世界
一直改善自己既生活方式, 不斷咁在努力中放棄
放棄中努力....可是總找不到答案

一直在轉圈轉圈
幾時我先可以做到自己真真正正想做既野
唔洗再比呀媽束縛著

今日坐車果時發覺自己其實唔上網都一樣咁過日子同做人
或者我可以唔再去呢個地方
之後再發現自己更喜歡的世界

我得到左既野已經一直響身邊
反而我未知既一直響前面

粗口我都講少左好多, 果排講真個人好火
或者有d嚇怕左身邊既人

我不是一條只有夢想的咸魚
我是一條想搬屋同埋過好生活既咸魚

其實有好多野響我出左黎做野又會唔同, 我跟本就無辦法可以養活到屋企
為了什麼我的擔子會那麼重

有因為媽媽養大我的因, 以致今日既果...
我有d唔明白, 其實又有冇人有真正咁同我傾過我想要的...

我只想跟爸爸媽媽好好地坐低食一餐我煮既飯
同埋好想有一將同佢地兩個一齊影既合照

十九年喇, 我歡樂過,傷心過
歡樂不比人多
傷心不比人少

或者好好地咁食一餐飯已經係我十九年以黎既夢想
我真係傻, 又喊喇....

好多時一個人乘受曬唔開心既事就只有用喊黎解決
而響我心目中亦唔想煩到其他人, 同埋唔想人地同我分擔

有朋友講過
有機響屋企好難唔打, 其實如果你係我
你就會明, 你唔係我跟本就唔會明我既苦處

相反, 我唔係你, 我只能夠透過你口中去了解你
其實我都好支力
真係好支力喇...

>>October 19, 2003 at 3:09:08 AM GMT+8

2003 年 10 月 16 日 星期四 【晴】

要是溫柔是每一對拍拖的男朋友都會的話...
那麼我便希望朋友們快一點找到女朋友去平衡一下生活既壓力
誰都原來懂得溫柔...

有女朋友真好
但終究都要女朋友好先會好

真愛=性+愛 <=是真的麼

>>October 16, 2003 at 8:45:11 AM GMT+8

2003 年 10 月 16 日 星期四 【晴】

星期二朝早番學
依舊坐上小巴
望著天空,等有冷氣吹到面上的感覺

看出街外, 見到舊朋友卻不能下車叫著他....
那種無奈, 算了吧

有緣的一定會再見

萬般帶不走
好多功課做
為有業隨身

全都因為自己無做功課既因
而要通宵既果
但通左兩日有d唔值
睇黎hardisk都就黎死....

慘,仲邊有錢12月買s.i.c, 柯柏文.........等...

>>October 16, 2003 at 8:41:54 AM GMT+8

2003 年 10 月 12 日 星期日 【晴】

打不死的我

星期一以為自己生左字瘡
PATPAT忍忍作痛...

星期二還是痛著
宛在安慰著我, 但我沒有把痛苦的表情表現出來

星期三零晨
心想的字瘡原來只是屎眼旁生了一粒孖瘡
隨著柯屎時一去而清,安樂曬...

同期亦是買左孖寶番黎, 玩到六排七過唔到之時...
過唔到....

落左葵芳,食左個DOUBLE沙薑雞(佢比錯我)
之後換番黎既就係細兜雞野...........

星期四還是過唔到孖寶3=______='''
放棄了, 打算從投PS2行列..., 夜晚同佢落旺角食左間大大碟茶餐廳
很飽, 連宵夜也食唔落...同晚終於買左新袋,可口可樂

星期五約左呀宛星期六上黎打機,同期咩新袋...
係咁落雨, 同埋第一次食一個咁討厭咁DELIFRANCE=___= 凸
我嬲=___=

星期六還左麥當勞雨傘...
去左杏花村食左個好好食既仙鐘林, 奇

呀宛上黎玩左五個幾鐘
時間過得很快似的一個星期...
真好啊

>>October 12, 2003 at 5:09:14 PM GMT+8

2003 年 10 月 6 日 星期一 【晴】

呀宛終於都唔洗我再叫佢起身喇
佢又升左level 咯...真好

free hand響電腦度死死下唔夠ram
睇黎聽日都係番學做好過

草莓唔見左第三期 T______T(淚)
又要買過....

究竟星期二買袋計劃會否成功呢...唉
還有的就是儲錢計劃...

>>October 6, 2003 at 1:36:37 AM GMT+8