2004 年 2 月 23 日 星期一 【陰晴不定】

一直很想做的一件事
約埋同斑既同學去飲早茶.......

睇黎都好難實現

>>February 23, 2004 at 5:27:11 AM GMT+8

2004 年 2 月 21 日 星期六 【微冷】

依家有份玉記初級漫畫員
同埋學校做畢業作品集...
你會選擇邊樣

漫畫員呢位工係我夢寐以求
雖然我唔知有幾辛苦
但係好想試下

偏偏係依個時候兩樣野就撞到正
玉記有幾可請人
但係要番學又番唔到工

人地更加唔會請一個畫野唔係好勁既人去做part-time...
當然我會選擇學業
因為不竟也快要畢業了

可是我想看一看你們的睇法

做漫畫無前途嫁
但係如果我可以做到自己想做既野...又唔同講法
終究很多人也做了錢的奴隸
沒有太多真的向著夢想的偉大方向出法...

其實我都明白如果選擇去做作品集
我可以暫時有空檔去自我增值, 始終我電腦繪圖完全地係仆街
而且最近家庭上亦發生了不少需要我露面的問題...

但係相反地機會唔係成日有
一錯過左就完旦 ........

哇~~~好煩( =__=)'''
大家點睇

呀宛叫我寫左信去再算
但係我又驚.......到時真係請左既話
我個作品集點搞 ......

祖雲達屍完壁╰(´Д`)╯
或許抽左施丹真係用曬我二月既運氣
再玩都唔中, 如果月尾都唔中閃就放鬼曬d卡(´^`)╯

今個月一定要改鬼曬 d壞習慣
朝早起身刷牙
戎鬼左紅萬
講少d大話
仲有早d訓

又番到黎寂寞一個人既時候
身邊跟本無一個可以陪我去玩wccf既老友
今日響機舖感覺好差
打拳王都冇咩心機

或者真係好似白河馬咁講
大家都係帶著面具出黎玩

好奈無食能得利喇...
依家食番, 仲記得果時一日一筒...
仲有一路食一路飲檸檬荼或者係可樂
個feel正, 一生難忘
如果有得比我簡呢世人最鐘意食咩
我一定二話不說就簡糖

再睇番呀妹響屋企賭旦既惡作劇
忽視覺得自己細個原來真係好乖
無搞呀媽d野, 無太唔聽話.....

好想食彩虹糖呀...
自己又無錢買wor...
今個月嚴重財赤, 買左兩隻s.i.c.........
愈黎愈覺得自己好衰仔, 有錢打機,有錢買野,有錢去玩
但係就無錢還比人.......
講真, 果兩日同jams,黎明,拓水一齊出黎玩真係幾開心

忽視間覺得呢排都冇咩笑過
一來身邊發生既野都一蟹惡搞過一蟹
如果真係覺得自己不幸的話
就只會更加不幸
只好在失敗的經驗中不斷成長過來...

究竟夢想比金錢重要
定係洞識到原來真係一場夢既時候
金錢來得比一切重要

果日損完血隻手的確有d痛
損完起身都無咩野喇
依家都只係魚左小小...
如果真係可以幫到人就好喇........

發完彩卷夢
夢醒一場空, 以後都係買番六合彩算咯
總算果日買到19號份成報

d報紙愈黎愈貴........
希望呀宛番工唔好咁唔開心啦

今日見到呀康隻鬼武者3
講真, 我真係好想買正版, 但奈何自己敗家
洗腳唔mu腳
無咁大個頭又帶咁大頂帽

底我買唔到既( =__=)>.......
如果第二時買番, 又會有另一番睇會
玩反旦先啦, 連隻一都未爆XD

機戰MX就出
但我連IMPACT都未玩完......
部PS2放係度做擺設, 笑話...

前兩日買左隻呀JACK
終於知道佢真名咯
叫JACK SKELLINGTON
有機會一定要買番隻SOUNDTRACK同埋套碟..............唉

呀妹222生日
同B-BOY,娃華同一日.......
都無咩可以送比佢......
究竟我隨左玩, 依家仲識做D咩 ( =__=).......

早抖
聽朝早D起身做功課同汁野

>>February 21, 2004 at 3:35:23 AM GMT+8

2004 年 2 月 13 日 星期五 【微冷】

　
　
　
苦海苦無涯
回頭不是岸
自悟困苦過
樂在悟中尋
小愚生苦短
小智忙於世
大愚樂逍遙
大智破紅塵

>>February 13, 2004 at 3:52:07 AM GMT+8

2004 年 2 月 12 日 星期四 【颳風】

原來...個許願版係只可以得九個樽
整左新
就會無左舊果d ( =__=)''''

買左個patpat比呀宛都未比到佢
本來明明係去等佢既
點知又要等隻戰國無雙.......
呀龍聽日去旅行...
今日唔等就無.............呀＼( =口=)／

結果為左玩既野就無去搵女朋友
依家又後悔自己今日既決定

不過.......等完game落灣仔搵埋個fd...
食宵夜.......之後中左金閃 - 屍單
又係玩野, 中左係開心
但係後悔既內疚

真係唔知好嬲定好笑
我真矛盾........

>>February 12, 2004 at 4:03:30 AM GMT+8

2004 年 2 月 10 日 星期二 【晴】

睇完 H君個topic之後
完全唔知佢同另一件 H 發生咩事

如果forum人投訴果d係壓力
咁都係佢地自己兩個搞出黎

相反佢地自己本身既問題就.......
講到底
鍾意一個人有錯麼...
沒有, 只是不知對方是何許人也

關於佢地既, 我都唔想講太多
始終係佢地兩個人既事, 我只知道 H 是我的好友罷了
始終係佢地兩個人既事, 我跟本唔應該介入咁多

我只想知道究竟是怎樣的一回事.........

關於愛情, 除了自己的戀情之外
最清楚的也許只有張小閒
所謂旁觀者清, 也只不過是道聽途說
其實都不清楚事實的全部
既無謂又多事...

朋友可以一世既, 只要大家有心
我會努力, 我有事, 大家都陪著我
如果唔想我煩, 我亦會自動閃開 ( =___=)/

我曾經做過多事既事情
我亦知道自己多事沒有幫助同結果
其實我亦不知道幫得上甚麼忙



明天只好打個電話問候一下罷了...........

>>February 10, 2004 at 2:52:23 AM GMT+8

2004 年 2 月 9 日 星期一 【乍雨乍晴】

唔知點解今年香港既冬天好長
感覺好怪.....

似是有點說不出來的東西要爆發出來
卻豪不知道是甚麼...
媽媽13號快要上法庭了
收集資金亦盡在這星期要出手了

所以我知道有點事情我是不能夠拖的...
雖然也幫不了甚麼, 只有希望沒有甚麼大事發生了吧...

時間真係過得好快, 我就快作品集喇...
看著學校三月的時間表
有點兒可惜時間過得太快, 快樂的時間亦隨這些快樂而完旦

我響度識到一斑朋友
響度學到唔多,亦唔少既人生道理
亦響度知道有D野死期過左就真係死得
亦都有人情分,法外開恩呢回事

仲有識到依家既愛人...

說真的, 由中四開始我已經四處飄泊
跟本沒有真正畢業的說
中五的過眼雲煙亦只是兩年笑話
每每看到會考既分紙, 我只有苦笑自己呆了兩年...
沒有做過甚麼, 或者在這兩年間學到的就只有PIZZA HUT跟麥當當的東西
而在這兩個地方, 我亦交不到一個像樣的朋友
在這個你魚我炸的地方,所謂真正的朋友, 大概都只有呀鋒一個.....

因為對方跟你說實話, 跟本有時響說話言談舉止可以看出
大概他便是最真心的那一個了吧...

這兩年加埋響CO1既一年
雖然腦袋的細胞沒有增加, 我相信亦只有減少
夏天刺骨的頭痛漸隨冬天的寒流冷靜起來
大都是因為冷氣的問題罷矣

今日打邊爐的溫暖, 卻比不上一兜兩份分的菜飯那樣好
每天都要被學校吹著交學費, 爸爸亦沒有準時地入好數
我也只好不停地一條數覆蓋一條數...
究竟有冇一個月可以正正式式咁入好數等我可以好好運用呢筆錢呢
我想買的S.I.C.終於找到路數
但又為什麼是這個時候呢........
爸爸答應了的聖誕禮物亦跟本沒有送上...
我真的算是一個快樂的好孩子嗎...

十三號黑色星期五就可能係決定另一個人既人生之時
有很多時情我也解決不了似的.......
一切也只好隨著走....

無論如何
有些事情今天我一定要去做...
究竟呢一場冰雨幾時先停呢

>>February 9, 2004 at 3:46:27 AM GMT+8

2004 年 2 月 7 日 星期六 【暴雨】

幫臭強響呀姑度呃左個MON番黎
總算盡了點綿力了吧.........

>>February 7, 2004 at 3:55:44 AM GMT+8

2004 年 2 月 7 日 星期六 【暴雨】

不想迷路卻迷了路而迷著路......

首先係再見雷哥斯達
之後得到卡褲.........
講時講, 幾日都唔記得問呀偉有冇咩庶卡果d套
我d足球卡比黎明老屈左四個套之後已經唔夠套用.......

夜晚入左荃灣遊魂
諗著早d入去買飛
行左好奈.......都搵唔到戲院同荷花亭
行左一個鐘左右
我去到荃風......
踏入機舖發癲了

連續簡唔到隱藏人兩ROUND
RAN左草薙同呀龍出黎....................

死左之後好灰咁去打零三
做底左垃圾大佬之後走去對面機打SVC
終於簡到尤魚

之後呀宛黎到
見到我九WIN對機
都打夠啦, 我放水死左比佢...........( =__=)'''

入左豪江食野
細兜, 貴, 但尚算好食.......
之後行左陣, 終於買左大逃殺同好搞野.......
去左百佳, 荷包乾曬
呀宛如是......

竟然響呢個時候見到荷花亭=_______________________=.........

過多陣送左佢番屋企
我如常坐112番屋企, 車上有兩對煩到死既老夫妻響度Ｂ呢叭喇........
終於過紅隧果時我訓得著喇

一如以往, 通常到總站我就會好自然咁醒左落車
不果....今次過了紅隧就入左睡
到我睡既時候睇出街已經係東區走狼........=________________________=

行左落巴士樓下
個屍機同我講佢番緊車廠.............

之後響小西灣運動場放底左我
估唔到佢check都冇check車就番廠
如果我無訓醒咪死=__________________=.......

終於...我十二點七八左右
由小西灣行番出柴灣
想入七仔買野飲無錢買, 見到殺老豆傳說旦旦都無錢抽
eps得番33蚊, 咁唔到出黎
八達通o岩o岩坐埋果野112已經乾塘........奠

褲袋得番八個幾
背狼仲有d毫子
就只有等n8番屋企
咁又無左六個三.........

不過總算響車度睇曬果個好多明星既愛芝病孫荃片...
林子長把聲真係好勁.....

口矣～～～～～ =________________________=
終於番到黎............話比呀媽聽
竟然仲要比佢笑......
往我今日響荃灣同佢簡個歷史遺物6150膠套...

人都癲............

>>February 7, 2004 at 3:54:48 AM GMT+8

2004 年 2 月 5 日 星期四 【乍雨乍晴】

又落雨喇
但係今日我已經無左果種空虛寂寞既感覺
身邊真的有可以陪著我癲啦玩啦既老友同埋....女朋友啦

原來凡事看開
生活真的可以過得比較愉快
最近少理呀爸同少理呀媽
少左同佢地鬧交
我覺得呀媽好似唔同左, 又講唔出有咩唔同

可能今次既離家出走之後
佢都明白屋企究竟出左啥問題
而我都好想可以搞掂呢個問題

之後得到一個真正可以叫住得人既屋企

呢幾日不停咁聽一生中最愛
有種講唔出既莫名感
不竟都就到...情人節喇
唔知點樣搞慶祝好
之後就作品集喇, 時間過得真係快...

身邊有好多朋友都響情人節搞死死團
玩自閉...怨天怨地, 如果自己比少少勇氣, 積極少少...
又有番d錢既話......最主要係有錢
講真, 邊有人唔想有女朋友呃...

我始終都唔可以用文字去表達....而去寫出果種鍾意人既感覺


時間過得好快, 2004年
眼見身邊既朋友大都有女朋友喇...
每每上車見到軒著手, 踏著博頭既情侶
再看著自己身邊既女朋友...

再想到萬一佢地發生d咩事既時候
我又做得d乜呢...
相反再諗.....我慶幸可能係最少機會同女朋友爭汁果個
因為對方實在太好了.....

不過有時都唔驚得咁多嫁啦, 拍拖不嬲都係搵條命黎博嫁啦
但回想起黎, 身邊有了她, 亦會覺得過得好一點了吧

如果......無時間, 無錢, 無電話, 無電腦
欠缺樓上是旦一樣野
都唔洗旨意溝到女.....

除非真係真心相愛啦
愛同鍾意又完完全全係兩回事.......

究竟九腰去左邊呢
雖然佢為人唔太好, 但亦不算討我厭
好幾日番學都唔見左佢........

究竟佢同個三十粒必理痛果個女仔去左邊呢...
下落不明
只見佢偶爾上一上網
一直在線既icq都唔見佢online...
果日佢打比我, 我就成個電話飛左落地
我相信都無乜人記得呢件事..............................

我個電話就咁花左( T__T)...
呢幾日都好凍
唔知又會凍死幾多個露宿者喇.......

人命真係賤
諗番轉頭
會唔會好似肥良D公仔書咁寫
戰爭係要黎控制人口生產
死緊D人, 世界就多番D野食

天要世界有病痛
令人間可以適當地調整人口數目
以致食物公應沖足.......

定係D禽流感直頭係中國搞出黎令到人口減少呢........

果日見到個地鐵傻佬係度亂UP野
又民主黨又共產黨
都唔知佢UP乜周
莫非佢係天機老頭? (笑)

總之佢講既香港初十爆發禽流感
就唔對現.......
所以我覺得自己果日渴左佢一句 " 飲醉就番屋企啦呀叔 "係講得O岩既
佢唔係天機老頭
佢只係發瘟老童

四葉妹妹好好睇
四葉係無敵既
偶都要繼續努力
只要凡事有信念
我知道自己都可以係無敵既( A__A)＞

人有三衰六旺
但願呢舖番身可以旺到尾啦
一切由迪比亞路開始

當日響海洋公園失去了既運氣
今日就要從自己手中努力再爭取番黎

雖然依家無得響屋企去廁所的而且確係好麻煩
但係我相信一定可以捱得過既

吃得苦中苦
方為人上人

柯' s~

>>February 5, 2004 at 3:24:45 AM GMT+8

2004 年 2 月 5 日 星期四 【乍雨乍晴】

　 一生中最愛

　
如果痴痴的等
某日終於可等到一生中最愛
誰介意你我這段情
每每碰上了意外不清楚未來
何曾願意　我心中所愛　每天要孤單看海

＊寧願一生都不說話　
都不想講假說話欺騙你
留意到你我這段情
你會發覺間隔著一點點距離
無言地愛　我偏不敢說
說一句想跟你一起　哦

＃如真　如假　如何分身飾演自己
會將心中的溫柔　獻出給你唯有的知己
如痴　如醉　還盼你懂珍惜自己
有天即使分離　我都想你
我真的想你

如果痴痴的等
某日終於可等到一生中最愛

>>February 5, 2004 at 2:53:25 AM GMT+8