2004 年 10 月 14 日 星期四 【微冷】

今朝一出門口
見到個鍾點黎左已經心知不妙

但係要番工迫於無奈下九點就出左去
番到黎個廁所果然比佢搞斷左
今次係個沖水制
佢每次黎可能都要去廁所
去完總會同個制博鬥
次次佢黎完除左間屋乾淨左基本上都無咩分別
因為佢唔會掃我間房
但係次次都無啦啦整壞個廁所

今晚九點先番到黎, 諗著小個便洗個手就去食飯
點知個沖水制由正常o既九點方向去左唔正常o既兩點方向
沖水係滴時針方向黎沖o既, 但係個制比佢整到順時針去左兩點
我番黎心情已經六點半, 仲要整單咁o既野我搞
搞一搞開黎睇, 係裡面支鐵比佢整到反Q左
好心佢唔識整就咪撚整啦
沖又沖唔到, 同呀爺呀麻講又懶理
因為除左我用之外就係客人用
仲要次次比人用完都由我識沖o既壞壞地 =>壞.........

唯有又係自己搞番掂, 聽朝九點番工行好遠去買埋支鐵
番黎再教番O岩個氣BAM

唉, 點解我去親D地方個廁所都同我相生相黑嫁
今日番工我去柯屎又無紙又無水
好在自己有, 水就要出去問呀姐借兜
沖完之後就有水出喇, 頂.......

講起點解柯屎就死
今日LUNCH食左個唔知乜叉雞飯
食完肚痛, 定係呢排太健康, 出街響屋企帶定支水番工
去到做野果D CLUBHOUSE又裝水飲...
飲得多水多屎柯...?
唔諗咁多喇

今日番工要整D 700mmx700mm o既石版上d雲石"長"上面
做左六幅做到隻蟹咁...
唉, 人都癲

之後七點左右落左呀龍度
包魚教車肥左, 奠...

八點幾等人電話黎拎野比我
拎到九點又話有人搞掂左..............

好喇, 到我番屋企食飯正響度面對個廁所o既問題o既時候
呀文打比我話有事, 好喇, 到我出到黎同佢傾o既時候
原來對我黎講只係小事
不過其實對呀文黎講, 可以講到心事o既人唔多
我可能會係第一個, 所以我覺得小小發燒都要死出去見佢

當時已經係十點幾
佢同我講公司請人, 因為我已經有野做o既關係
我二話不說問佢請唔請女仔, 佢答有之後

我第一時間打比呀宛, 同佢講好曬之後......
講真, 佢果度好靜, 又無電視聲, 我唔知佢係邊
我同佢講早d訓, 我去搵食就收左線...
個電話仲壞壞地...
唔知點解最近同佢每次icq, 先幾次o既電話內容佢都同我題起阿靚仔
我都唔知自己可以做d乜, 賴應龍同我講左句
" 講真, 佢依家做乜都唔關你事啦 "
呢句野唔知點解好入心入肺...
其實我都係好想去搵佢, 每次一有d唔開心又或者係開心o既野我都第一時間會諗起佢
今日響荔枝角星悅居果頭開工, 我響度諗, 我會唔會遇到佢去探佢婆婆呢.......
不過都只係無謂o既念頭罷了...
其實有好幾晚我都想打電話比佢
又唔見佢出現響icq, 我........好似同佢失去左聯絡咁...

開工喇, 努力做野, 下個星期休息o既話, 試下打去傾下電話咁...
其實, 都無壞o既...
希望佢得閒啦...

自從分開左之後我一直都有個最壞打算
如果, 佢真係搵到一個對佢好o既人
我會捉福佢地...
但係我當然希望有機會可以係番埋一齊....

其實做咁多假設o既野都係無用
要過多一個月先可以真真正正搞得掂自己本份
到時我就會約番佢出黎, 終於......又到冬天喇...

家下儲錢o既目標因為賭波基金完旦了
又麻煩了一些, cut天下, cut水壺, cut正版keroro軍曹....
斬曬要洗o既無謂錢
我要做o既係還番二千蚊同埋儲到一萬蚊
口古月...

過左兩個月喇, 今日坐巴士經過琛水佬都覺得好陌生
我好奈無去過周記食人渣麵
我始終覺得波蘿油係兩個人一齊食先好食...
琛水佬wccf 都搬左去觀塘喇
無去成兩個月, 上wccf 個討論區先知
雖然無玩, 但係我始終都係想買番拉雲, 終於跌到二百即賣價喇
vof 好似百幾已經有喇......有機會, 好想買番張...

唔知點解覺得今日好沖實
而且番到黎好想打日記, 打下打下都打左半個鐘有多........
果時真係唔識諗, 如果早d搵到份工......

可惜...早d.....同埋如果呢兩樣野
都係一d不設實際o既野...

其實我每晚番到黎都好想睇青出於藍
我覺得睇著郭可盈可以搵到d佢o既影子...
但係每次都總係遲左...

臭o岩前兩日睇到佢作為一個中文老師講左一句
" 只怪當時年紀小 , 有d野咪當發左場夢咁囉.... "

只怪當時年紀小...
今晚響旺角同呀文食完野
我番黎, 又不斷響度諗野, 番到黎睇新人王又響度織野喇...
今晚番到黎隻手已經好痛...
織左三行, 就收左工...

沖涼, 打完日記, 收工
聽日約左老豆, 夜晚堂妹肥雲要黎用我電腦做功課
媽的要我幫手做模型, 我放工再搵完老豆還有力氣嗎...
我只知聽日無機會打日記, 所以今日打q曬.......

唉, 早抖...
聽晚可以o既就早d訓一.一

>>October 14, 2004 at 3:03:50 AM GMT+8

2004 年 10 月 12 日 星期二 【晴】

白晶:令頭腦清晰, 消除煩惱緊張情緒，有檔災功效 。為眾晶之王

紅瑪瑙:可平衡正負能量，消除精神緊張及壓力 。可促進富足、幸福及長壽

紫晶: 平衡體能智能，廣結人緣，加強記憶，開發靈性

黑曜石: 有化病的功能和治療失眠症，黑曜石能帶給人們喜悅、滿足及享受生命；能使人冷靜，從而更 好運用其本身的創造力及組織能力 ,協助去除如抽煙等的壞習慣，也有助於節食。

螢石: 能量隱定柔和，可幫助緩和暴燥的脾性，減低精神緊張，和消除工作壓力 。

黃虎眼: 激發勇氣，增加個人信心，使人具有勇敢。及做事不易放棄，能夠貫徹始終，堅守個人原則 。保持頭腦靈活，思維清晰。可增強肉體生命力。有招財作用

圖畫石: 令人心靈上得到快樂,平衡心理壓力, 提高創作力

茶晶: 在厭惡的工作環境下作出良好的適應及有極強的吸納室內的病 毒的功能，穩定情緒，落實作用。

海藍寶: 有助增強表達能力及服力

石榴石: 可加強女性溫柔婉約得的特質，改善婦科症狀，加強生殖、
再生能力，可抵抗疾病的侵入。

海洋碧玉: 清新、活潑、豐富的振動頻率，可以為人開啟內心真正的快樂、喜悅、滿足，做事情能夠歡喜做,全力以赴 ;容易遇見好朋友、好機會、好運到、貴人相助等等;協助自己開創自己的新事業 ;海洋碧玉的活潑能量，當成隨身飾物配戴使用，也具有避邪效果，也是良好的護身符 ;從事藝術、創作的人，也可從這些清新的能量中獲得許多新鮮的靈感和創意

藍瑪瑙 : 藍紋瑪瑙乃和平幸福之石，與水有密切的關係，可防溺水及意外發生 。對經常外遊人仕是很好的護身符。可保平安並避免負能量的入侵。能令人心平氣和，增添優雅氣質。

>>October 12, 2004 at 3:35:33 AM GMT+8

2004 年 10 月 12 日 星期二 【酷熱】

今晚出左去同中四個miss食飯
佢話見到我好驚喜同埋好安慰

響食飯其間我去左個廁所
我飲完可樂真係好急...

番黎之後個同學話番比我知
miss話咁奈無見面, 驚我覺得陌生同埋覺得悶

好奇怪, 我完全無呢種感覺
反而覺得佢好親切
好似一個識左好多年o既朋友咁

佢問我果時, 其實點解唔番學
我好輕描淡寫咁答佢
我果時有病囉
我番黎果時一路響度諗, 我呢個病原來一直都未好過
之後我可以肯定左一件事, 11月番果個course, 我一定會100%出席率完成課程

有段時間, 五個人食飯, 三隻老同學去左廁所
得番我同miss一對一傾計
佢好似好關心我媽咪自己一個女人點過生活咁
但係依家o既情況下, 我諗我已經比左個好合理o既解釋比佢
而佢又明白我可以控制到屋企o既情況...

呢排呀媽成日問我裸錢, 我開始覺得自己要識生金旦
我曾經真係有衝動想去做鴨
未必要做好奈, 又可以搵快錢
何樂而不為, 可惜o既係...
我睇完一個響gaf情版o既topic之後完全打消左呢個念頭
因為再從新由頭去諗一次件事
如果真係有個女仔好鍾意你而同你發生關係
甚至係肛交都無問題, 無錯
就係呢樣野, 一諗到要同自己唔鍾意o既人發生d變態o既生為o既時候
我已經死了, 我做鴨的念頭打從心底完全消失
呢生呢世都唔會再咁諗...

但係相反係自己真心鍾意o既人
或者真係某程度底線下o既變態我都無任歡迎...

最後o既呢一年
要切底咁燃燒落去, 一定要達成自己o既目標
一年之後, 我會再約呀宛出黎見面
我要証明, 我已經比舊時做得更好

可能大家已經改變, 但係當自己完成某個目標o既時候
往往都係會想去同人分享...
可以話係為左自己, 但係或多或少
亦係為左得到別人o既認同

六月畢業, 無錯, 係響我生日o既時候...
或者下年o既生日會唔同左
會變成一個人咁自由活動....

總算搞掂左學校果單野
星期四對自己有個交代...

打日記已經變左生活o既一部份
我漸漸覺得自己已經唔識寫字喇...

忽然間...
好掛住信和賣書果個婆婆
好掛住金華o既超人涼茶波蘿油
好掛住旺角大街上只有兩個人o既馬路...

電話好似壞壞地沙沙聲, T68又壞...
我有D想拎番個3210出黎用O既衝動...

見到MGS3個EVA頸上面果個綿羊仔眼罩
我依然有個已經有左三年o既購賣意欲...
一樣好鍾意o既野, 可惜o既係好似從來都無人知曉呢件事
而我亦一直收收埋埋唔想比人知
其實我好鍾意銀頸飾同埋綿羊仔眼罩
可惜o既係綿羊仔實在太危險
而且又無得一路渣車一路聽歌
真媽的...

以前我有一個無所不談咁朋友
而家我開始有種要保護自己
收埋自己o既心, 漸漸覺得原來太過表現自己
係一樣唔著數o既事, 人群中, 永遠都係沈默果個觀察力最好
當然人地會覺得自己扮撚曬野
但係或者咁樣做先係一個做得最好o既角色...

月頭出糧, 我要去旺角買一批畫具
依家從新開始設定過曬二月同人誌o既角色
呢兩日上網不斷響度睇一d關於神話學說o既網
發覺左原來以前熟識o既人物背後仲有好多唔同o既關係
而且北歐o既神話一睇之下完全係一個新世界

要開始創作, 今個月一定要完全人設
檯頭愈黎愈多無謂野
我開始連個mon都想轉左個位佢黎方便自己畫野
如果聽朝無電話到就早d開工搞掂佢吧

天氣又變番熱
落街睇住果堆枯黃o既死葉
我都唔明究竟秋天係咪真係黎左...

訓喇, 雖然唔係日日打日記
但係每日開IE首頁時睇睇有冇人留左言
突然間有個留言, 其實都幾開心

其實我o既出世係咪一個錯誤呢
呀爸睇唔起我
呀媽又唔知當我係乜
依家更加講唔上身邊有人陪住我

人出世就總會有佢o既用處
我由細到大已經好似個波咁比人推黎推去
呀爺果日講左句話我老豆
" 佢依家連仔都賣埋比我咯 "
我諗左幾日, 究竟我係乜野
為左乜野要響佢地面前督眼督鼻
就好似無人會為我o既存在而有任何著緊咁

倒頭來都係果句
我思故我在
為左自己一直擁有o既一套理念而存在

可以係一句好簡單o既說話
但係人總會為左小小野而針著響某一點
而對某件事而有所執著
甚至係諗埋一邊...

我開始覺得呀爸o既想法係有錢就解決到所有問題
佢用左佢果套解釋就係染釋o既大老闆性格黎對我
但係今日佢已經比我講通左
我開始明白點解果時媽咪會同佢分開, 佢地兩個都係衝動而且固執o既人
不斷響度堅持己見, 從來唔會去諗別人o既感受
我往往就成為左佢地之間o既沙包, 我總係要為左完成某一邊要我完成o既事而去做一d無謂o既事

所以我有時覺得呀爺好好, 有野就問我借啦咁
講真, 我有時真係想好簡單咁第隻手就有果種感覺
但係我咁做跟本過唔到自己良心o既責備
個世界無話邊個差左邊個某d野

原來有d野要解釋得清楚明白咁有個交代
都唔係一件容易o既事
大家立場唔同, 跟本無辦法講得通
講得通, 都聽唔入耳唔會理

人就係件咁樣o既野
某程度上o既固執底線...

打日記打到好似作文水蛇春咁Q長
我諗我可能真係一個怪人
我係指蒙面超人入面果D
怪人總有D奇怪理論同學說

早抖

>>October 12, 2004 at 3:33:58 AM GMT+8

2004 年 10 月 11 日 星期一 【晴】

究竟係咪真係好似我諗咁樣
如果有緣o既, 我一定會響街撞到佢...

>>October 11, 2004 at 2:43:39 AM GMT+8

2004 年 10 月 11 日 星期一 【晴】

唔知點解忽然間諗起星期六
一落街行出和富
比兩個新黎o既差佬查身份証
仲要查埋個袋

乜我好似運毒, 走粉o既人咩=_____=
又手身, 又查袋
搞足我三個字一.一

終於有米去拎左入樽1234喇
已經想買好奈o既一套書
龍珠又出左七同八喇
咁買法, 真係唔死至奇

十月十日, 荷包終於可以有番d米
搞掂左上網某處o既上上落落
見到o既唔再係貨, 係錢喇

琴晚又響馬會汁左d
早知就一起手同白賴人去買左條二串三
我番黎計過, 廿皮會變左成千五蚊.......哇.....

算啦...
每到年尾, 六合彩總會比年頭中得多
但係都係期期兩個字
兩個半咁...

唔覺唔覺又到十號喇......
過多三日就兩個月喇, 單身o既日子唔係好過
諗著可以日日番工, 做野做到死死下乜都唔洗諗
點知又要等今個星期, 先再有工開啦或者

做下停下做下停下
唔通真係好似去睇相個相士講咁, 我成日買埋曬d唔等洗野番黎屋企一.一
但係d野我又鍾意嫁wor
係唔等洗o既野咩一.一......

大京明早上機到日本去了
他獨自一人出發了
總算可以完成他那個夢想了
公起...

老豆同我講話下個月去日本, 我無出到聲
戶照都未整o既我, 只會自己一個去台灣
唔打算同佢一齊去日本, 因為我執著地認為自己第一次去旅行, 要用自己努力賺回來荷包的銀紙
相對黎睇, 我咁辛苦搵錢, 而開開心心咁去玩, 更勝他人帶我去外遊而要跟出跟入果種感覺
yeah...

琴晚上左肥雲度打機, 五戰四敗
媽的, 我在打甚麼
之後唔太有知覺地走去訓覺
響度同hidie笑笑笑笑笑
笑Q到六點先訓, 搞到今日遲左番黎
又做壞孩子了...

老人家總是覺得孩子四圍去
夜夜不回家就唔乖
我問番佢地, 舊時咪又係通宵打麻雀打天光
我又唔係去殺人放火索茄HIGH天玩通頂
我出去打下機姐, 不算很壞了吧

不過住得響度
始終應該要守番規矩
應該照他們的意思...乖一點了吧...

星期六下午番富雅買左餅帶比呀妹玩
希望佢乖D啦...

今日番到黎睇左出新果出星矢劇場版喇
粉感動的說, 睇睇下...神學之說愈黎愈高深
連星矢都有純文字鏡頭了
新世紀為動畫界帶來的, 令近年的動畫都開始理論化
加入了大量神o既元素
不竟好奈之前星矢推出時
遠古雅典同埋同多西方神話開始代入動漫畫角色中
令角色們每每更加人性化
這個只是其中的一個表現方式了吧...

高達果d, 往往好似走唔出果個青年人的飯圍咁
究竟會唔會有更新o既機械人動畫沖擊...

人性, 人究竟係為乜而存在...
我自覺人是一種很悲哀的生物,
不知道自己是誰之餘, 要在云云同類中找回自己...

要從別人的眼中找到自己的形態,
更要從別人的讚美說話中找到自我存在的認同...

如果得不到別人的讚美, 便失去了對自我的認知
更失去了生存的意義...

到底人要多少別人的讚美才得到充足的對自我的認知?
我頓然想起了一句古言, 知足常樂...
雖然這是老生常談
但是試問古今中外有誰能做到...

我自問做不到，儘管我很想達到...
舊夢不須記, 逝去種種, 昨日經已死..

點解容祖兒......我會想買佢隻碟嫁......
昨夜BT新速率558KB/s , 這是netvigator啊=____=/

gantz動畫版唔好睇o既...
唉

依家一個人o既時候...
我都總係想著搵人傾下電話咁
有心事, 都唔知搵邊個去傾下咁...

回到那個老地方, 在畫紙內尋找自己o既世界
自己o既人生, 我一定要靠隻手黎搵食, 二月, 我要出到三十頁稿起碼
係我認為可以過到自己果關o既稿

我已經唔再係要人陪我去讀書o既時候喇
十一月, 到我自己真真正正想去做自己
去為自己努力o既東西
繼續, keep on going
you will never walk alone
你永遠唔會一個人行...

繼續織...

>>October 11, 2004 at 1:13:46 AM GMT+8

2004 年 10 月 8 日 星期五 【乍暖還寒】

我要去台灣
$999起3/4天團
有Ｅ豆溫泉,台北探索館
仲有個台視博物館...

不過忽然間諗到...
自己一個人去到, 我可能真係會好開心
但係想同人分享果時已經唔知點好喇......唉

唔知點解呢兩日個頭都覺得好痛
次次飲完酒兩日後都先至頭痛o既...
唉, 飲酒o既生活都係唔o岩我

呢排好似連汽水同埋甜o既野都唔想食咁喇
食極都覺得唔甜咁o既

開工開左幾日又休息
又要等幾日再有工開

要儲七千蚊都有d難度...
唔, 努力=______=

>>October 8, 2004 at 12:23:05 AM GMT+8

2004 年 10 月 5 日 星期二 【微冷】

爆石, 柯屎, 開大

呢件同一樣o既事但係多種說話方式o既事
我已經響今日做左五次喇

o岩o岩肚痛起左身
家下飲左盒菊花茶, 食左兩粒喇叭
個口好臭刷左兩次牙狂bill 牙血
刷完個肚好d
都係睇埋新人王先訓咯...

北角咁細
我咁都撞唔到佢, 點解呢...

舊同學搵番我, 因為買周杰倫飛
其實我都想去睇, 但係呀媽又提出d無理要求
搞到我要為左個完全唔熟o既Ｅ仔去香格理拉結婚而又借成千銀比呀媽做人情
無錯, 係一千蚊, 買波基金已經玩撚完
點解次次都要我做埋D咁無謂O既野
已經唔去飲嫁喇果日, 仲要為左幾廿年前D三姑六婆數黎比一千蚊人情
我好想同佢講叫佢量力而為, 但係為左唔同佢嘈
我決定用埋果千餘元黎搞掂就算

唉, 所以我就無得去睇周杰倫喇
本來我真係諗著呀HIM琴日打比我六舊都去
但係, 諗深一層, 算啦, 我都係睇DVD算啦................嗚

個女同學都係買唔到, 唔理
我主要目的係想見番舊時教我果幾個MISS
唔係話乜, 我見到九腰個校長死左之後
機緣偶遇, 個舊同學ADD番我, 我就問佢呢樣野

好似下個星期一晚出黎食飯
好奈無出街食, 食乜都好啦...
話曬都可能見埋呢次又唔知幾時先有得再見嫁喇

九腰個校長就咁拉左柴...
諗番起今日同個同事坐小巴番工果時, 邊個身邊D朋友點死
呢個又有CANSAR, 果個又有CANSAR
呢個又死, 果個又死, 忽然間收音機響起許冠傑

命裡有時, 終需有
命裡無時, 莫強求
＊口哨聲＊..........

好邪, 之後落左車, 開工
收工, 諗下諗下, 真係化學...

呢幾日不斷響度做成龍
飛黎飛去, 家下咁樣做一個月...
有八千蚊, 淨係洗二千蚊左右

燃燒生命火花
人一生都為金錢賓波身勞
可能為o既只係陪響身邊o既老婆同埋一個溫暖o既家
正確黎講, 係幸福...

所以呀媽果一千蚊我覺得唔底
但係對果一對新人黎講係值得o既
我留番條命, 下年點貴都要睇周杰倫....口古月～

加加埋埋, 月頭點都會有七千淨番
我要響十二月前儲萬五蚊
還番二千蚊比人, 希望呀媽呢兩個月唔好又炸我型啦...
今個月已經斷送左二千三千喇
點解我同二千蚊咁有緣O既呢...

禮拜尾有時間要去汁垃圾...
搵下舊野咁...

月頭買魔法師奧法
嗚...終於有米喇...

>>October 5, 2004 at 1:14:28 AM GMT+8

2004 年 10 月 4 日 星期一 【晴】

好Q眼訓
果然如我所料
一早起身個人就好自然眼訓

十一點幾已經夠喇
好喇,早抖...

有咩聽朝先打...

>>October 4, 2004 at 11:45:11 PM GMT+8

2004 年 10 月 2 日 星期六 【晴】

日記終於好番喇

今次柯拔甩喇
電話費竟然用爆左

響呢四年間...
我學識左其實有好多野都唔洗太認識,太清楚
有時唔清唔楚做人會開心d...
最緊要知道自己做緊乜

燒野食果時...我見到烏鴉
我終於知道烏鴉唔係叫傻瓜嫁喇

抬起頭望著個月光許願
希望真係可以成真啦, 個月光真係好圓
九腰唔同左好多, 真係唔同左好多...

琴朝見到呀宛好趕咁, 所以都無同佢講咩
因為通左兩日頂, 燒完野我發燒
其實果日出到地鐵站我好辛苦
出唔到聲乜滯...
之後去左藥房買退燒藥食...

番到黎訓左陣
起身食飯, 睇生還者, 最後呀rob同amber結左婚
唉, 真係好

唔知係咪每個人見到街度o既情侶, 又或者係電視機裡面o既情侶
都會諗起自己同女朋友發生過o既事o既呢...

聽朝去番工喇我
儲番幾個月錢, 咁又一條好漢喇...
努力...

頭先仲響度一路睇鐵血一路響度織條頸巾...
希望我萬聖節約到佢出黎啦...

>>October 2, 2004 at 2:47:14 AM GMT+8

2004 年 9 月 28 日 星期二 【晴】

我們的生命和愛情都有限期，
不過您卻不意識到它的威脅，
好像很遙遠似的，然而，事實卻不如此，
沒有人知道上天怎樣安排， 您今天擁有，
但不珍惜的東西，很可能明天便會失去，
到時候，您會後悔當初不好好對待你愛的人。
常常把今天當作最後一天， 您會對她好一點

遇到可以愛的人,也真正愛過了,就是幸福。

>>September 28, 2004 at 1:05:17 AM GMT+8