2004 年 11 月 5 日 星期五 【微冷】

今朝都未起身max又打黎發皮四一.一...
大人不記小人過, 算...
呢件事大家都有錯, 如果我講句對唔住
大家會好落台d, 我諗我會講句對唔住
聽日開始, 唔落呀龍度一排喇, 我要去探求一d生命o既真諦
一d更加值得我去做o既野...

唉....(笑)
今日總算見成左份請硬o既工喇
呢兩個星期要睇番d書, 記番某d機本ps同埋ai o既粗作
雖然入曬腦, 但係都有d驚
自己搞掂佢啦
都係果句, 多謝呀him m(__ __)m...

響公司等老細等左我個幾鐘
好在教左電話唔響唔震姐...
如果唔係已經比屋企人煩死左...

之後本來諗住去觀塘廣場打舖機先走
但係諗諗下, 都係去睇左呀麻再算...

呢幾日坐車同行街o既時候都會拎住本小說黎睇
本野真係寫得幾到肉, 可能個番譯都落左一番苦心啦
唔似有d小說咁唔拖唔水唔明佢up乜....
依家先睇到廿四頁...
有排都未睇完...

" 如果要繼續遺憾落去..只會繼續永遠後悔著
我留唔住o既, 曾是擁有...
一切留待記憶在時間中流逝
乘下一堆追憶同埋寄真實又虛無o既夢 "

書度題及過一段
如果夢係真實, 真實係夢之類o既說話
我完完全全感受到本書大賣o既魔力

唔知點解, 睇完本書個序, 我有d咁樣o既感覺
亦搵到果種共鳴, 曾經擁有過一段愛o既共鳴

係果種對愛o既 "共鳴"

未睇完已經咁樣喇, 做人真係要睇多d書
對人對事都有所啟發
大腦再開發, 打少d機, 雖然已經無乜點打..........

做多d以前未做過o既野...
人生只得一次, 有今生, 無來世

冬天有時間, 落樓下跑下步先...

今晚呀妹唔開心, 為左部ps2同男朋友鬧交
其實ps2只係帶出佢地之間一直存在住o既問題
當問題一出現o既時候, 往往先會留意身邊原來有咁多野會波及到
同埋要去顧類, 我以前就係唔識咁樣去睇諒人
我依家識喇, 哇哈...不過都遲左d喇...
希望佢兩個無乜野, 咁又一世啦...

我好愛目前得到o既一切...

我一定會更加珍惜我將來可以得到o既野...
因為我唔想再失去喇...

聽晚番學lu
咁又十一月喇, 時間過得真係快...

鋼煉睇曬喇
動畫版同漫畫版原來差咁遠嫁wor一.一
全套野最正應該睇怕都係斯卡呢句
" 施痛...不可眠...忍痛...尚可眠 "
我覺得姐...

聽日出旺角記得拎埋套柯柏文出去換先一.一
媽的......

今晚爺爺終於大覺訓喇
我個心安樂好多...

本來想o親琴晚百佳九折去買番支染頭髮野番黎染番金少少d頭髮
不過都係未得閒過...
唉, 人都癲

連聽日番學果度都未搞清楚係邊...
聽日先算啦...

早抖~

>>November 5, 2004 at 3:07:47 AM GMT+8

2004 年 11 月 4 日 星期四 【微冷】

頂
老啦啦打黎同你試野又話我興
我唔係老馮要同你試嫁下華
同你試又要收我線, 又要講英文
其實我一路都好憎d人講講下中文又要懶high咁用英文
可能我有時真係頂唔住max份人...
我都有野搞緊嫁馬...
諗緊d頭痕野果時你打黎叫我同你做就做咩
要試都可以第日先試姐...

我都唔想搞到大家面阻阻
所以響佢個版留左一炸野
http://maxcafe.no-ip.com/
=========================
我都唔想搞到大家面阻阻
我同你講一句要興d
只係希望你明白你平時其實係點

你話入到黎呀龍度你唔出聲
就叫我由得你

大佬, 唔係全世界都圍住你黎轉同埋要睇你面色做人嫁

可能你會覺得我好衝動
好幼稚, 其實, 都係想你好姐

凡事都諗三秒先
三秒就夠嫁喇

唔好成日比個錢字bond住自己
聽日唔一定會好天
但係聽日可能會過得好過今日

唔好比以前o既野再bond住自己喇
向前行呀...
=========================

就係咁, 聽日佢落到呀龍度想叫我o既咪叫我囉...
好似唔知再同呢個人講咩好喇...

佢開心o既時候想打比人同人分享...
但係偏偏打左比一個心情唔好o既人

時間上o既錯佩...
往往令人失去左好多機會...
好多好多可以珍惜o既野

其實佢係咪有需要搵個人同佢傾下呢
我覺得佢有好多野屈埋響心想發洩
就好似我咁
但係無左一個渠道去發洩, 我...係打日記

我相信佢搵唔到一個值得佢相信而又傾到計o既人同佢傾
你話呀龍, 講真, max都唔會主動搵佢啦有時
話曬佢都明呀龍結左婚
未必想煩住佢...

佢生活好悶, 好似好想搵野去填補曬佢多餘o既私人空間咁
問題係, 我覺得佢仲未醒...咁....

.......今日兩點先起身
呢幾日唔知點解對眼好痛, 好腫
熱氣所以多眼屎?

之後起身唔見左呀爺呀麻
兩點幾廁所老柯肚痛完...呀爺打番黎話我知佢地原來入左醫院
打比呀姑又唔鬼見左人

就係咁我用左四十幾蚊飛的入左醫院
好鬼貴一.一.....

去到只係見到呀麻訓左響床度
照我所知係無咩事...
但係始終要通知屋企人
搞左一大輪
本來約左去見工, 去行街, 去打機
咩都放棄曬, 點諗都係條命緊要d...

上醫院落醫院, 番屋企汁野又入廁所老柯, 又再上醫院又再落番醫院
搞完呢輪野去打左兩蚊機九win一.一
拳王03總算沒退步了吧, 只係唔識用手制罷了...
不過都係爆唔到機一.一

落左呀龍度同呀叔佢地食完飯, 我番到屋企就掃地拖地
藉此瘦身, 唔覺唔覺咁又一日
之後又響度畫畫
畫下畫下又兩個鐘...

過兩日番學喇, 唔知又會點過日子喇
淨係覺得今日好煩, 唔知點解隨口係咁唱住忘了忘不了...
由灣仔上車, 到落車一路都諗住首歌...
直到番到黎屋企, 成晚都係咁唱住...

唔知自己搞乜喇真係...

心情好沈重
因為好驚有日呀爺呀麻真係一個唔該釘左o既一日會點
今晚係搬左黎第一次見到呀爺十二點都未訓...
我諗, 響醫院o既呀麻都會諗住呀爺...

我今晚同呀爺傾開, 唔經唔覺
佢地都結左婚五十二年喇, 有時響d長者度學o既野都幾高層次o既野

休養生息
o親遲下番工無機會下午訓覺
家下訓多d補數
正 =______= bbb

>>November 4, 2004 at 2:02:37 AM GMT+8

2004 年 11 月 2 日 星期二 【微冷】

套戲轉左下年先上T_________T
嗚T__________T

算...
D/L左全套TV版黎睇=____=\
睇完再算...

終於研究到個MON唔係死VGA BOX
係死MON
依家個MON一變黃, 就要用北斗打橫咁劈個MON一下
又或者係用一個矢吹丈右直拳正面轟埋去...

唉....又壞多樣野
電話又壞
牛仔褲又爛
mon都死埋

噢, 人生真係灰暗

都唔明自己點解柯親尿都咁多"抱"
驗過又唔係旦白尿...
真係怪...

月尾先有得番工, 呢個月全面番學
要修正番畫畫o既意念
總算搞掂d人設
家下隻手仲有d痛
跌落窗台果個位都仲有d痛...

琴晚響呀龍度串左max幾野
其實都係想佢收埋某d已經過去左o既野姐
會過去的...

唔知點解我買完d書番黎
呢排無左果種買完就想睇o既衝動...

咁又十一月喇, 唔經唔覺
時間真係過得快, 唔知點解好想快d到十二月

我曾經覺得骨氣唔可以當飯食
但係我今日就係為左一口氣而同呀爸炒媽刷蟹
果晚食飯, 佢叫我都無應過佢
我實在唔想再理呢個人喇, 我個中左風半邊身唔郁得o既姑丈同我講
佢係你呀爸黎嫁, 我即刻問番佢, 佢有冇當過我係仔呀
三幾個星期唔打黎, 一打黎就落order咁叫我上大陸
當我係乜...

之後佢無再講野, 我唔知佢係比我動搖左定係唔明白我呢條人粉o既心理
而唔想同我講野, 我好小器
而且一鼓怒氣屈在心頭難以得到發洩

我都咁大個人啦
其實我應該收收火
成日咁大火係無用嫁...

聽日出去拎燈箱...
咁又唔見二百五...

唔經唔覺, 日子一日一日咁過落去...
我曾經聽人講過, 每後初戀都一定總會有遺憾
果個遺憾, 多數會係個分手主因
今日, 我已經覺得好支力

愛情路上已經無力再上了
今個月可以好好作出休息
訓番夠, 希望唔會再發惡夢了吧
我細細個曾經發過o既夢都總會成真, 但係, 我諗今次呢個唔會喇...

星期日打邊爐豕個盧都係"鹽"西鍋...
我食到發燒
琴晚訓多左晚, 依家好得多了
點解我食親呢樣果樣都敏感嫁一.一...

星期五響灣仔番學
睇黎我要星期六先得閒出去訂野lu...
番七點到十點...
嘩, 唔洗咁Q長下華...

WCCF十二月出新ver...
唔知點解, 我好似唔係咁想玩咁...
係無吸引自己o既球星, 定係咩因素呢
我都解釋唔到比自己知...

無人可以完全了解另一個人
而自己其實都未必可以理解到自己有時所做所想o既行為
大腦休息時所發出o既訊息, 潛意識...
就係一個人發夢o既主因, 咁點解又要人去解夢呢...
發夢見到咩, 其實係咪自己知道就算比較好呢...

果種潛意識, 就算你平時點呃自己
點樣收埋感情都無辦法影響到訓覺時o既大腦活動

時間, 會令好多野消失, 好多無謂o既野會響腦海消失
我, 已經彷彿唔再記得一歲至十歲裡面發生過o既事喇
零零碎碎o既總會記得多少...

琴日響呀龍度聽人講
話做警察o既好多時都老屈人
close 左file就算, 我都好明白
因為今年年頭呀媽都係咁比人屈
我所知o既真相其實都只係由呀媽把口講出黎
件事係點, 跟本無人會知...

好多野其實都不必要發生...
而我亦都唔需要知道咁多野...
發生左, 自己知自己事, 講出黎講比人知
都未必可以解決到件事, 始終自己同人o既睇法, 觀點都唔同
如果大家睇法完全一致, 個世界個個人都一樣...
咁點會組成到呢個你魚我炸o既世界...

全即是一, 一即是全
全是指世界
一是指我
世界係我, 我掌握住個世界
條路點行, 係我自己o既決定

唯一所想o既係
我唔想行錯, 唔想好似max咁, 成日諗住錢...
自少我唔會咁, 我知個錢好重要, 但係我一定唔會做左錢o既" 勞第 "
我係我, 無人會完完全全了解或者明白我
但係我好希望響呢一刻我可以清楚了解自己所定o既方向
繼而出發...

談情說愛, 十年未晚
我......不夠好 (現在)

================================================

為什麼不可以 忘掉記憶中許多
埋藏內心中傷感事宜

為什麼不可以 重新將心清洗一次
如從頭活過一切再開始

永遠心中背負著往時
何以我說易行難太不智

舊記憶 講不出有多痛
時刻隱隱作痛 常無意中觸碰

舊記憶 全沒法解釋心裡
假使有日為了妳
假使有日能忘記 因妳

抱歉心中所載已很多
放不低的真太多
抱歉未知妳路過
假使真有日能忘記 從前的

================================================

>>November 2, 2004 at 5:02:49 PM GMT+8

2004 年 11 月 1 日 星期一 【晴】

戶口沖擊一萬失敗
只成功了六千五m(__ __)m
只怪開工開得小, 嗚...

搵到長工之後睇怕都唔會點諗點沖擊戶口五位數
因為以依家o既計劃黎睇
年尾一定儲到我人生第一個一皮野m(__ __)m...

今日終於買到好想買o既在世界中心大聲呼喊-我愛你
先知套戲好似上左, 聽日去newyork睇下先
橫掂得閒, 有時間就蛇去睇埋佢...

=====================================================
高中生淒美愛情故事一鳴驚人 日本文壇勁吹純愛風
中華讀書報

　　論及今年日本的文藝類暢銷書，風頭最健的莫過於《在世界的中心高呼愛你》。該書不
僅始終名列暢銷小說排行榜前茅，還數度拔得頭籌。到目前為止，該書的銷量已經突破了80
萬冊，著實令人刮目相看。有趣的是，《在世界的中心高呼愛你》面世於2001年4月，開始
的時候並未引起多大的關注，直到今年春天，這本“純愛小說”才一鳴驚人，受到各大媒體
的熱烈追捧，由此引發了日本文壇的“純愛”風潮。

　　《在世界的中心高呼愛你》描繪的是一段極為淒美的愛情故事。在同一所高中就讀的朔
太郎和秋是一對純情的戀人，雙方約定此生將永不分離。不料上天弄人，正當兩人準備赴澳
大利亞作修學旅行之際，秋卻因患白血病結束了年輕的生命，少年始終無法從永失所愛的痛
苦中自拔……10年之後，朔太郎帶著未婚妻，再度回到與秋相識相戀的地方。在學校的操場
上，他打開玻璃瓶，將秋的骨灰靜靜地灑向空中。這一刻，他才終於回到了現實。

　　儘管“永失所愛”的主題在以往的小說或電影中也曾反復出現過，但這部作品還是吸引
了大量的年輕讀者。
　　作者片山恭一曾於1986年獲得過“文學界新人獎”，然而他的創作歷程並非一帆風順，
獲獎9年之後，其長篇處女作《世界在不知不覺中搖動》才得以出版。《在世界的中心高呼
愛你》寫完之後，也被雪藏了5年，若不是小學館的編輯石川和男慧眼識珠，這部被譽為
“戀愛必讀”的佳作恐怕早就被湮沒在茫茫書稿之中了。

　　石川和男堪稱此波純愛小說熱的始作俑者。面對這樣一部出自無名作家的作品，他力排
眾議，堅決說服小學館高層同意出版此書。在他的熱情感召下，小學館還打破文藝類書籍首
印3000-5000冊的慣例，將初版印量定為8000冊。然而真正推波助瀾、使這股“純愛風”刮
遍日本全國的卻是當紅女明星柴崎幸。她與木村拓哉聯合主演的電視連續劇《空中奇
緣》(《GOOD LUCK！！》)於年初上映之後，取得了極高的收視率。柴崎幸曾在《達·芬
奇》雜誌上撰文，稱自己“流著眼淚，一口氣讀完了這本書”，並希望親身體驗這樣的戀
情。出版社聞訊，立即將她的話印上了書的封帶。有了強大的名人效應，再加上各大書店的
全力推介，到今年4月，該書累計銷量一舉突破了10萬冊，成功躋身暢銷書的行列。

　　受此激勵，小學館決定一鼓作氣，將“純愛”進行到底。他們馬上集中精兵強將，推出
了純愛小說系列。除了《在世界的中心高呼愛你》之外，片山恭一的《滿月之夜》和最新作
品《倘若我在彼岸》也隆重登場。這兩部作品重又把讀者帶入了空靈美好的純愛世界，甫一
面市便銷售火爆，引得各大書店紛紛在醒目位置辟出“片山專櫃”，惟恐錯過了大好的賺錢
機會。

　　此次推出的純愛小說系列可謂陣容強大，其中有松久淳與田中涉繼《天國的書店》之後
的第三部作品《戀火》，描寫了一位年輕女鋼琴師和煙火師之間的戀情。該系列中還包括市
川拓司的《現在就去相會》和《戀愛寫真》。前者描繪了發生在父子單親家庭裏的“愛的奇
跡”，後者則演繹出一位立志成為攝影師的大學生暗戀一個神秘女子的故事，被《達·芬
奇》雜誌譽為品質絕佳的“白金小說”。
　　眼下，橫掃日本文壇的純愛風暴方興未艾。東京電視臺(TBS)為此播出了一檔特別節
目，將純愛小說風靡日本的原因歸結為當今時代充滿暴力色彩，人們渴望從純愛當中感受到
心靈的寧靜。

　　另據記者從剛剛結束的第三屆上海版權貿易洽談會上獲悉，《在世界的中心高呼愛你》
一書的中文版權已被國內某知名出版社買斷，不久就將與中國讀者見面。(戴錚)

=====================================================

>>November 1, 2004 at 2:50:25 AM GMT+8

2004 年 11 月 1 日 星期一 【晴】

戶口突破一萬計劃目指~

>>October 3, 2004 at 7:32:17 PM GMT+8

2004 年 10 月 31 日 星期日 【晴】

毛啦啦又發埋曬果d地鐵怪夢
個頭起身唔知點解好痛=_____=\

o牛
咁又一day o既開始喇...

>>October 31, 2004 at 12:10:24 PM GMT+8

2004 年 10 月 31 日 星期日 【晴】

星期四同呀爸炒大擭
好奈無試過咁樣喇, 我果朝鬧完佢覺得好似發洩完咁
之後坐左響房喊左一陣, 一來係發洩對佢o既不滿
二來係自己所擁有o既唔開心得以發洩...

呢兩晚諗得幾清楚, 曾經拎左老豆張卡片出黎想send個e-mail比佢話佢知我呢排係點
同埋講句對唔住, 但係我結果都無send到, 因為我實在唔想再對呢個人講任何野喇
你係我老豆又如何, 你有冇當過我係仔, 我都唔係好清楚...

終於得到老友o既介紹而搵到份長工喇, 真係有d估唔到自己畢唔到業都可以搵番呢類型o既工
甚至係可以野都唔洗點諗, 淨係排稿
都幾o岩我o既, 對住個電腦仲可以睇埋自己d玩具賣成點咁...
我應該做得黎o既...
多謝呀him, 實在無言感激... m(__ __)m...

呢兩日在我而言都覺得呀爺呀麻好支力咁
可能對佢地黎講上大陸同埋訓酒店真係唔慣啦
始終都上左咁大年幾咯...

果日我選擇左同朋友出去玩, 而唔同佢地上大陸
及後我都衡量過自己唔同佢地去有d唔o岩
無睇住佢兩個老人家, 但係諗番轉頭, 有老豆響度
係咪應該由佢去照顧兩個老人家多於我去照顧呢...
佢真係好似當賣左我比呀爺咁乜都唔理...

我約左斑朋友廿八號果晚出去打邊爐都已經係月頭o既事咁奈喇
佢話一就一, 話二就二o既臭皮四, 就要我上去, 老虎蟹都唔理啦
仲要大聲甲惡媽我蟹我
我唔用粗口都夠能力串都你一楝都冇, 嘿...

成日燈起個老細款, 我至憎, 你估你真係我老細, 我無左你會死咩
唔係囉, 嘿~
我搵到工喇, 除左呀媽o既負擔之外, 我了無hin掛
呀爺呀麻我又唔洗拎錢番黎o既, 響度住都幾抵
不過總要守番佢地某情度上o既要求...
要乖d, 唔係激親佢地我就有排煩...

其實某個界面下黎講
我都幾好彩, 響網上, forum, 識到一斑幫到我o既老友...
琴晚同白賴人頂左幾句, 可能我果一刻真係唔可以平心靜氣講野啦
不過我都係講個事實出黎, 發洩下咁又一day

諗番自己先果排先同max嘈完, 呢排又教佢整旦榚
又比佢響度訓, 又豪不猶豫地走去沖涼信得過佢唔會通屋走, 鼠我d野
我都覺得自己幾信得過佢嫁..

果次嘈交...究竟係佢情緒化, 定係我沉唔住氣呢
我都唔係太清楚, 我成日覺得應該媽佢一擭勁o既先會醒
依家佢都好左好多嫁喇...
不過依然見到佢床頭仲擺住佢女朋友張相
同埋佢銀包都有, 我覺得佢仲放唔低過我...
如果真係覺得告一段落, 要忘卻過去, 接受未來
自小我認為...佢未得囉...
佢成日話自己經驗風富, 但係我都係覺得佢好細路咁
一時時啦, 其實都無乜野o既
佢可以引到人地o既注意呢一點, 其實都幾成功嫁...
至小連何太個妹同我icq都傾左幾十句關於佢o既事...

我都收埋左我寶貴o既回憶喇
果時聽呀宛講汁野, 可能係dum左某d我比佢o既野
又或者係好似我咁收埋曬啦...

...今晚行完旺角
又去左金華食野, 個飯好抵食嫁真係...
搵唔到一套連我自己都比呀ray搞到想搵o既留旦
由佢, 買唔到咪算囉, 都係gunbuster dvd緊要d A__A
下個星期五出旺角比訂...

行完星人舖頭之後去左買左想買好奈果套柯柏文旦
好感動嫁, 點知番到黎一開就發現有重覆要拎番去換 =______=...＃

不過隻柯柏文真係好正, 我由細都大最鍾意o既機械人就係佢
而唔係果d 絕對熱血, 無敵最強果d獅人雀...

打比白賴人諗住叫佢順手買波
點知佢有緊要野同朋友傾緊, 好鬼神秘
唔知咩事, 結果無買到, 唔係又送左廿皮比馬會做慈善...
本來出左kof03仲諗住叫佢得閒單拖上黎打下機咁...
算把啦...

番黎睇完老伯ray o既節目
我覺得首without you好好聽, 搵番首mp3出黎就係咁聽喇

之後就係咁同何太個妹icq
難得有人同我傾下計
我又唔洗咁苦悶, 又可以開心下咁, 都幾好呃
仲講埋十二月一百蚊樓下禮物一份同埋整咩旦榚

新挑戰...
今次要整芝麻芝士旦榚同埋豆腐芝士旦榚
有d難度, 點睇個朱古力芝士旦榚都只會係無難度之作
唔整=______= \

其實我係咪好奇怪呢
咁鍾意食甜野同埋飲汽水...

唔覺唔覺又過左一日
聽日堂妹又唔響度, 佢叫我拎果套書可能真係一時之間意氣用事啦
分分鐘要我電埋果二百六出黎, 算啦, 人一世物一世有幾多個堂妹...

...今日係萬聖節, 今年o既萬聖節好好氣氛
但係我都係選擇左一個人過
就算係聖誕節, 我都有d想一個人過...
有時真係響度諗, 一個人有甚麼不好, 唔會變成別人o既負類之餘
仲可以多點自由, 大早為什麼會想唔通...
至少有人曾經真心真意鍾意過我
我亦都有段美好o既回憶...

如果佢真係有心要搵我o既朋友
佢可以自己行開行埋打比佢地呃...
由其係呀龍...
我唔明點解果次我約佢睇戲會叫我約埋佢地...
到依家都諗唔明...
可能係怕左我啦, 真相會成為一個謎
一個可能我永遠都唔會知o既謎...

嗚呀呀呀呀
我真是他媽的好運啊～～～～
搵到工喇, 哇哈哈哈, 比起很多沒用的傢伙更有用～～～～
而且...超越左以前o既自己, 其實個期限都未夠一年...
大概係timing唔甲同埋我未夠成熟
我不夠好... (方力申腔...)

其實搵到工真係好開心嫁
至少讀左咁q奈書o既野總算無白白浪費左咁
不過就好似無人感受我呢種愁懷咁...

睇住間房愈黎愈多書, 愈黎愈似漫畫屋, 嘿
我給別人的第一個感覺亦很像一個糟老頭
表面上好識諗野咁, 實際上自己成日諗埋一邊...

好想去唱K
係唱足成個下午唱到夜晚果隻果D
成日我一定可以唱曬想唱o既歌
但係次次一入到k房我就好似失憶咁, 咩都唔記得曬, 咩野響屋企諗好曬想唱o既歌都好
走果時先會記番起...

我諗研究旦榚都要成三百蚊樓下左右
整都要整四個坐底...
仲要帶$100禮物野上去...

諗下諗下好在有工開姐m(__ __)m...
響gaf買左件燈箱
條友仲未覆我
咁又唔見二百五

又到月尾, 呀媽無錢, 又問我拎
我就黎覺得戶口開左金手指無限金錢咁樣嫁喇...
我都無嫁, 有冇人可以救下我呀...

聽日如果有時間就出去行下
落螳螂灣買書, 之後去行下中央
再行番黎屋企, 定係等星期一先去, 聽日響屋企睇鋼煉呢...
o牛, 蠻難決定...

呀基拉旦
part-1由一百蚊跳左去三百蚊
part-2由一百蚊跳左去二百幾蚊
計劃絕對地放棄=_____=＼
有冇咁鬼貴呀大佬, 買你果幾件軟膠...
算...

>>October 31, 2004 at 3:48:30 AM GMT+8

2004 年 10 月 28 日 星期四 【晴】

今日上左新都城搵本" 世界の中で、愛をさけぶ "
中文名電影" 在世界中心呼喊愛 "

買唔到
聽日出去螳螂灣d書局睇下先...
中文書名" 在世界中心大聲呼喊：我愛你 "

書名/叢書 - 在世界中心大聲呼喊 : 我愛你
作者/譯者/編者 - 片山恭一
出版社 - 天地圖書有限公司
定價 - 50.00.....

嗚...

＊好想買呀基拉旦part.1(唔知買唔買得番)
＊好想買gunbuster旦 (未出)
＊好想買s.i.c.醬魂4 (未出)
＊好想買gunbuster 日版dvd boxset, 有新追加彩版第四集, 嗚...( 12,800yen=星人度訂$960 )

gunbuster dvd搵到工就12月先算
其他o既下個月都仲夠錢買o既
gunbuster - $3xx
醬魂 - $3xx
呀基拉 - 都唔知仲搵唔搵到 ( =__=)'''

唉, 聖衣神話又話復刻
嗚呀呀呀呀呀呀呀呀~~~~~~~~

十二月s.i.c又出xeno加zo
嘩, 又唔見$3xx

戶口的錢只能夠隨水般東流出海
我爭扎過, 可以唔買嗎？
我良心同我講, 唔得 =_____=＼

s.i.c.已經係偶唯一的興趣
gunbuster已經鍾意左好多年

宇多田光我放低左, 但係我放唔低d玩具
過多兩三年我諗我會放左我隻宇多田黑膠
買番黎四百幾, 家下賣都成千銀咯, 再擺多排, 嘿嘿......
橫掂都擺左咁奈啦...

忽然鼓起沖動汁房, 係度不斷度位, 死度爛度
發覺原來依家個位係最好o既
應該移o既係汁吉上面個櫃同埋移左窗台D野入去

其實係因為今晚唔小心由窗台成個人叉錯腳飛左落地
轟爆左包長通粉, 一地都係, 我就訓左響地, 唔小心咁o岩K中左個電話打左番去比呀媽
我同佢講打錯佢就收左我線...
果時只覺腳好痛, 甩左塊皮
手指都係, 腰就黑左一大塊
我頂...
睇睇下毛啦啦個地下有血...
手爭標緊血, 比個ＡＩ-ＦＩ K中左...
入去廁所搞左好奈先止左血, 真係好Q痛....

所以今晚就立智汁屋喇...
但係諗下諗下清緊D野就算喇...
我條腰又乃一下, 得閒真係要去睇下鐵打先得...
次次落大雨之前我個波蘿蓋就會痛
隻腰就朝朝起身都迫迫啪啪
響肥雲度冬眠果次HIDIE都聽到我隻骨啪...
都幾大聲, 究竟我會唔會有日粉碎呢...

條頸後面果粒粉瘤無影響正常生活, 下年八月先要去覆陳...
最近流小左鼻血, 係咪因為食小左熱氣野呢...
字蒼自從無做PIZZA HUT之後都無發作喇, 我諗果時真係企得太多
每個星期六,日都企15個鐘, 唔生至奇啦...

依家每晚訓之前都做番三十下SITUP同掌上壓
家下有地方做喇, 唔似以前咁, 搬屋之前屋企郁都唔郁得

最近呀文, jams, 九腰都有感情煩惱
呀龍同我講過, 其實呢d野應該自己一個去解決...
因為呢d野始終都係自己最清楚...
我唯有開下topic, 比下意見佢地咁囉, 傻瓜...

忽然間覺得自己好似大腦再度開發咁
打完d野出黎都覺得高深左
無以前咁低層次

或者我除左睇公仔書之外, 真係應該睇多d其他書
自我增值下, 今日入到商務
見到本口琴進皆, 日文進皆
好想買黎睇, 口琴我練黎練去都淨係識吹兩首歌
一首生日歌, 一首..........
日文家下連五十音d字都唔識認喇...

係咪變左個廢人呢
睇住個photoshop連退地都就黎唔記得喇...
睇番書先記得小小, 過兩日打電話問下人先得一.一
定係自己出黃金睇下書呢, 硬係覺得d面皮咁厚o既野我做唔出...

聽晚呀爺呀麻上大陸同呀爸去睇下工廠咁, 關人Q事
打都唔打電話比我o既老豆
要唔要都擺就, 我要靠自己, 過埋今年讀完個漫畫課程就唔q再洗佢d錢
受佢d 臭皮四...

果日同呀姑傾開, 連佢都忍唔到老豆d皮四同我申
大家互申(XD)完之後
我同佢講左句
" 鬼叫佢係出糧比你果個咩, 有時有野咪忍下囉, 佢鬧你咪當食西北風囉... "

有骨氣, 但係骨氣唔可以當飯食
所以我家下除左洗自己番工同儲落o既錢之外
就係洗呀爸嫁喇, 其實都唔算得上係洗佢, 佢入完錢比我
呀媽又媽又蟹我就死喇.....

骨氣要等聽日呀him覆我先知點
如果真係有份咁好o既工, 我何樂而不為
唔洗受氣, 唔洗佢d臭錢...

人總係要為左個臭錢而捱生捱死...

十二月真係好多野出
明日香連書特別版
s.i.c.26 zo+xero
nds + mario64 nds
mgs3
唔記得咁多喇, 但燧總會愈諗愈多...

田屍屍dvd幾時出呢...
今晚真係跌到好痛
個心都好痛...

>>October 28, 2004 at 3:37:13 AM GMT+8

2004 年 10 月 26 日 星期二 【微冷】

兩個星期內第二次比人查身份証同查袋
乜好多北角人走粉咩一.一

好想睇火海豪情...
更甚想把心一橫自己入戲院睇
聽親d影評都係話好睇o既...
唉...

唔知點解忽然間好想打機
但係save卡又無位, 諗諗下又唔捨得洗d save
呆下呆下又無打到喇
買曬d game番黎o牛...

現在雖然似乎很辛苦, 但這一定是自己為了幸福的未來而選擇的...
這樣想的話, 與其說是努力, 還不如說是享受哩...
再說, 假如你不喜歡現在, 而想到過去時空旅行的話, 到時我也會跟你一起去的...
假如真的有時空旅行的話, 孤身上路...
不是既寂寞又不安嗎?
雖覺得這只是天方夜譚...
不過, 可能真的會在某段時間內, 被發明出來呢...
而我亦會在心裡寫上" 希望你可以一直保持笑容 " 這個願望 - 今天4:30p.m....

如果真係有工開, 出左第一份糧
我諗我會去買番幾米對上果幾本書, 由幸運兒開始我已經未買過喇....
本我們你們他們我都無買到...

成日ON住LINE, 呆下呆下又一日
不知不覺仲有幾日就十一月喇...

星期四呀爺呀麻上大陸
我留響香港, 呀爸已經好奈無得閒就打個電話比我
真係有野想同佢講都難, 成日話我見到佢就淨係識問佢拎錢
咁你有冇問過我需要D咩
其實佢都有個家庭
我亦都唔應該阻住佢, 我只係佢某段時間錯誤製做出黎O既"褲"產品

今日打比呀媽, 問佢拎番件嬲出黎比我未
拎左成個月喇, 又係咁拖...

唉, 真係無佢兩個咁好氣
究竟係我阻住佢地定係我覺得佢地阻住我呢...
無人會可憐我, 佢地亦唔會睇我日記

MAX琴晚話我好幸福
我都覺嫁, 響某程度上...

人總係要失去一D野
先會得到一D野
個世界好似真係咁樣...
等價交換, 無野可以超出呢個范圍...

今日真係無乜好寫
唔知寫乜好, 唉...

>>October 26, 2004 at 11:26:45 PM GMT+8

2004 年 10 月 26 日 星期二 【微冷】

今朝終於可以好好訓一覺喇
訓到三點幾先起身...

點幾大京打比我問我做唔做倉務員...
可惜係我唔係青少年陪訓斑人所以唔請
而且價錢亦都唔吸引...得區區o既四千五一.一
但係又係做到隻狗咁一.一...

之後呀文兩點幾打比我
我去聽o既時候佢收左線
我咪去訓囉繼續一.一...

三點幾, 呀媽打黎煩醒左我
嚇得我以為咩事, 以為呀妹有事...
原來無野
不過已經比佢搞醒左
響房坐左陣咪出去食lunch囉...

之後五點左右出左旺角拎書
落訂比部NDS T___T
好感動啊...

響富媽度拎埋入樽完全版五同六...
唔知點解我想佢出得快d
龍珠反而可以慢d....

可惜係每個月都每樣出四本
五十 / 本即係四百蚊T___T

之後七點幾夜晚去左買旦榚料教MAX條人粉整旦榚
朝早明明約左佢去打波, 毛啦啦變左整旦榚

搞下搞下仲上埋我屋企整一.一...
其實比佢上黎, 呀麻都唔係太鍾意...

不過睇在佢面子份上
咪比佢上黎囉一.一...

教完佢整佢話都唔記得點整, 但係佢話整得都算乾淨一.一
係我整得好炸o瓜一.一
今次係第四次整喇...
竟然變左師父一.一...

佢臨走果時我同佢講
你可以下山喇...XD

佢係為左一個佢由中六識起到依家o既cancer病人朋友而整o既
算係一點小意思了吧
有我響度, 都總算加速左個進度, 只用左一個鐘就乜都整起曬一.一＼

佢聽日仲要去second in佢o既fire wall sales
我真係唔知呢樣野都有得sale一.一'''

到兩點幾, 終於乜都搞掂曬收得工...
max份人有時都幾情緒化
佢無事o既時候, 其實份人都無乜野o既
佢份人無乜奈性, 好多時做野都係半途而廢
佢話影相會係佢下半生o既興趣
唉, 聽住先啦

我老死黎明都話, 有時有d野唔洗講出口o既
如果你真係要戎煙, 做咪得囉 - 5月某天o既事咯

依家食煙o既心態係
口痕痕咪食下囉...

之後番到黎, 因為11點無水關係
走左去洗左個面, 羅左塊毛巾終於去食飯喇一.一＼
同max都係食左碗粉...

今晚又食完野先訓
唔肥至奇...

呀"吳洪至奇"響forum pm我
有長工開, 個機會真係橋T___T
其實我都想搵份長工做番起碼一年儲下錢咁T___T
估唔到竟然係咁樣, 其實我想打比呀宛嫁...

但係響果一秒已經諗, 點解我唔可以自己做
而且時間咁長, 我覺得o岩我多D, 多謝呀him
但係我點都唔會比部NDS佢o既, 頂多同佢拎到平d... A__A
其實... 我都無必要再理呀宛o既事, 佢依家有個好好o既男朋友...
他一定很愛你...

===================================
他一定很愛你

我躲在車裡　手握著香檳
想要給妳　生日的驚喜
妳越走越近　有兩個聲音
我措手不及　只得楞在那裡

＊我應該在車底　不應該在車裡
看到你們有多甜蜜
這樣一來我也比較容易死心
給我離開的勇氣

＃他一定很愛妳　也把我比下去
分手也只用了一分鐘而已
他一定很愛妳　比我會討好妳
不會像我這樣孩子氣　為難著妳

===================================

呀杜, 硬係覺得佢先可以最唱得出果份蒼涼o既感覺...

>>October 26, 2004 at 4:32:34 AM GMT+8