2005 年 1 月 3 日 星期一 【乍雨乍晴】

Love Somebody
Love somebody tonight
Love somebody for life
And I will never never never let the love go
I wanna Love somebody tonight

あの日見た夢の續きを今も
憶えているから
あてもなく過ごす日々を
どうにかこうにか切り拔けた

大切な人を忘れないように
生きるのもムズカシイさ
僕らわせめて同じ時代を
生きていることを感じたい

僕をみつけた時から
求め續けていることは
ひとつだけ

Love somebody tonight
Love somebody for life
And I will never never never let the love go
I wanna Love somebody tonight

また逢える日の約束をしよう
言葉が足りなくたって
響き合ったね 同じリズムで
どんなの遠くに離れても

風に耳を澄ませば
聽こえ續けている詩は
ひとつだけ

I wanna love somebody tonight

いつも敗けないように
心に誓おう
誰かお愛せたとき
この胸は踊るよ

Love somebody tonight
Love somebody for life
And I will never never never let the love go
I wanna Love somebody tonight

Love somebody tonight
Love somebody for life
And I will never never never let the love go
I wanna Love somebody tonight

>>January 3, 2005 at 3:32:49 AM GMT+8

2005 年 1 月 3 日 星期一 【乍雨乍晴】

快樂
連個快字同個怏字都分唔清...
究竟快樂係乜野

而呢排, 我又過得快唔快樂呢...
大概過得算係唔錯...
要談得上快樂, 只係放假時會快樂罷了...
每天都過著一些黑版的番工放工生活...

我很討厭這樣了吧
被需要同埋被關心的人應該是我...
總是要別人去擔心自己的事似的

若無其事地番工, 放工, 番工...早訓, 早訓, 早訓...
OT...等出糧.........

其實我真真正正係好想畫畫
好想做到一份漫畫工
但係每次想到依家有o既人工會比起做漫畫時的初期多左一大舊o既時候
我真係唔識點去簡

去簡一個有錢而我又搵唔到夢想o既地方, 這是現實
又或者真係有機會去簡一個無咁多錢, 而我會實現到夢想o既地方,
呢個係可以實現到夢想o既現實...

其實去實踐夢想o既現實, 比起活於金錢中夢幻o既現實感覺來得直接
現在番工的, 大概是踏腳石了吧, 腦海中不斷分裂出這個想法...
但每當番轉頭諗到萬惡金錢o既時候, 往往會反映出一張白紙再畫到滿滿的感覺

試想我初初出黎做工一樣...
我係一張白紙, 一張白紙已經讓一大堆可以填滿空間的顏色筆推倒了...
試問又點會去簡另一盒又爛又舊o既水彩去反推倒對方...

比方說, 我一開始的人工來得太好了
讓我覺得去幹漫畫的人工來得比之前的差勁
或者無做依家呢份工, 我o既想法唔會好似依家咁, 覺得比個錢字吸住左...
漫畫係我o既夢想, 呢個又爛又梅又舊o既夢想, 我收埋左響心裡面o既一團火
一團畫畫o既衝勁, 每次見到同人誌身邊o既人不斷進步

我每次心裡打擊的感覺都來得低沉
尤其係最近番工的黑版生活令我o既畫功停滯不前
已經好奈無去過中央圖書館, 拎住d書係咁睇, 究竟係無時間, 定係我無左個心呢...
依家番工平均都係收八點左右, 就算以我走得o既時間黎計
我點去都係去唔切...

睇黎真係要研究一下如何有效率再分配時間去畫畫了
終究o既結論係我想去試下我o既夢想, 我想做漫畫家
不論我成功與否, 我第時可以光明正大咁大大聲講
我曾經為過自己o既夢想負過責任, 實踐過~

實踐與否都係未知之數...
有空應該去想, 如何節省這幾個月餘下來的時間, 金錢
同埋幫女朋友分擔起一些我應該負責的事情了吧

八月分手以後, 大概誰也比我活得快樂
我好記得DADA同我講左句
" 佢係唔鍾意你o既, 無論你係點佢都唔會再鍾意嫁啦, 佢要點簡, 都唔關你事啦, 阻止唔到嫁wor''
果句說話好深刻咁無時無刻咁警惕住我,
我應該做得更好, 活得更好...
但回想那個時候的我, 大概也迫得自己太緊了...

現在回想起來, 我原來曾經被那個當時的我玩弄了
沖分了頭腦的人, 甚麼也不知道, 連快樂亦再不知道是甚麼...

前晚發了一個很怪的惡夢
大概忘記得一乾二淨了, 但討厭的感覺卻圍繞了的一整天
不知怎搞的, 今日一出街就好頭暈, 好眼訓...
但因為答應了的事情務必要完成, 結果我去買左個微波爐番黎

之後番到黎...再用左半個鐘o既時間, 掃地tall地, 之後再洗埋碗, 睇住呀爺呀麻打麻雀好開心
而我就響後面汁野汁餐死, 點解我番工星期日休息, 都仲要做埋呢d野呢...
係咪有義務一定要去做呢...好似唔做o既話好對唔住良心咁...

大概是天氣凍所以來得頭暈了吧, 其實我比誰都感覺到唔舒服, 我一直流著鼻水的...
今朝起身仲有埋血絲......
吃晚飯前假裝沒帶電話而番入屋的我其實係拎藥...
鬼祟地在食飯地方去廁所, 含住必黎痛, 忍住淚渴了一大口熱水
真媽的...

回到家沒可樂飲
每想到時就很痛苦的說, 結果我電了錢出來買了...嗚

錢真討厭,
因為有玩具, 所以我不快樂?
因為有玩具, 所以我快樂?
正正因為我敗家, 所以我便很快樂?
我到底怎麼了, 商人們又怎麼了...
可否停一停, 想一想, 不要再當個激動王...豪了便算
其實需要洗錢的地方還有很多...
大概我要再估計下自己o既進化豪鬼(洗)過程...
停下來想一想, 三秒便夠, 不是太喜歡的東東, 抹煞記憶, auto delete就算了

今晚有個很強烈的感覺
我唔想食煙, 我想搵d好食d o既野食
我始終想去買玉桂條, 還是這東西的味道比較有趣

快樂到底是甚麼?
可能會係一個天寒地凍時, 男朋友為你煮的公仔麵
亦可能會係一個初次見面時, 害羞的眼神接觸了吧

我有我今天的快樂
你有你明天的幸福

斷了線的人, 再由另一個地方接上一斑更好更快d列車時
很多快樂的東西很快便跟著前來
可以把握嗎?

我, 現在的而且確有點迷惑
迷惑的不是現在身邊的人, 事...
而係迷惑自己究竟應該如何去處理夢想...

也許人們看了我的一蔗話
會覺得我人生活像一個笑話
是不夠成熟, 做得不夠好了吧...
是小說, 還是用我的日記當作消暑佳品
如果真係有睇, 有空便留個言了吧

現在的愛人, 亦算得上是很好了吧...
訓醒再接到手提電話的話語時, 又有另一天要去面對了
　
　
　
　
　
明天, 很遠似的...
　
　
　
　
　
　 　 　 卻比剛剛近了一點...

>>January 3, 2005 at 3:22:46 AM GMT+8

2004 年 12 月 28 日 星期二 【晴】

好忙呀
真係唔得閒打日記

>>December 28, 2004 at 2:40:05 AM GMT+8

2004 年 12 月 13 日 星期一 【晴】

好像很多東西想打出來...
是不能夠從口中說出來的無奈

噢, 琴晚食飯都仲要去醫院
真係人都癲...

番工了, 回來再算了吧
唉, 好想打日記啊, 好想長眠一覺啊...

唉...

>>December 13, 2004 at 9:20:09 AM GMT+8

2004 年 12 月 12 日 星期日 【晴】

這幾天都很忙
真媽的

>>December 12, 2004 at 11:58:18 PM GMT+8

2004 年 12 月 7 日 星期二 【晴】

已經有好幾日o既奇怪念頭了...
終究無問過人
無講過出口...

我想問下愛人:cwm26:\
忽然間醒起呢件事
希望聽日記得了吧:cwm26:

唔, 真係諗唔明自己d朋友點諗
究竟係咪好似我諗咁呢:cwm26:..

>>December 7, 2004 at 4:30:21 AM GMT+8

2004 年 12 月 7 日 星期二 【晴】

真係正, 估唔到番到黎搵聖誕樹係比老媽老昆左我
個可樂樹仲響舊屋喇應該....
我響屋企用左兩個鐘o既時間包括洗衫lon衫
同埋番箱倒龍都搵唔到棵野 :cwm26:

真係度度都搵雲曬果下先死
本身已經病病地
估唔到都仲要比呀媽楝一擭...OTZ
T_______T

比一個星期佢, 下個星期六我番屋企洗場
唔理佢汁唔汁自己d野喇, 頂=_____=
淨係識話我搵野整爛壓扁佢d野
又唔諗下佢自己點解要買咁多野
次次都要我發火先收聲, 係我燥底?
定係佛都有火...

依家只有一肚怨氣:cwm26:\
真是媽的一個晚上...

剛上公司server downdown下d file番黎又死server
真係正...

去到愛人屋企又唔記得問佢拎window...
m(__ __)m...

救命救命救命救命......

無痛失戀因為最近太多野記/ 支力/ 煩
自從果次同愛人睇睇下我訓左之後我都未睇番
豪情想陪佢一齊睇又睇睇下訓左自己都唔知

唉, 真係有d無奈自己係一個要訓咁多o既人...
好想睇MJ單身日記...唔係, 係BJ先o岩..
我漸漸開始想再一次揪離現實
如果我公司都有年尾晚會
都有抽獎, 而獎品係有薪假期三日咁樣就好咯...

今日銀包有番d著落喇
但係唔知點解諗諗下又唔係太想洗曬d錢
好怕乾塘o既感覺
所以未買孖寶:cwm26:\

>>December 7, 2004 at 4:24:53 AM GMT+8

2004 年 12 月 5 日 星期日 【晴】

唔覺唔覺番工都番左差唔多三個星期喇...
d野都仲唔係太熟
星期四真係太支力而請左日假
由朝訓到晚o既日子好奈無過過喇...

估唔到老細為人好似一個教育電視果d調教細路o既叔叔咁...

琴日星期六收五點幾差唔多六點
二點幾四點同老細去食飯果時
傾下講下佢同個女仔講左句, 我份人有d怪
乜我好怪咩A__A

定係佢見o既人太正常呢...
在佢而言, 唔食煙點衰都係好人
真係怪...

唔經唔覺拍拖都拍左幾個星期
呢排日子過得蠻快樂的說...
有點支力, 回家後便想訓落床二話不說的訓覺
奈何依家住響呀爺呀麻度, 點都要盡番d義務...

今朝呀麻入左急症室我都唔知一.一...
仲響度大覺訓, 昏迷不醒
大概是真的太累的關係了吧...

要開始畫埋同人d稿喇
三十五頁, 我一定要做得到A__A
估唔到讀漫畫斑果度果D野竟然咁幼嫩
真係有D激氣...不過既然都讀緊啦
就要盡力做到最好成績先離開...

大概都放棄了進入漫畫社工作的念頭了
不竟工資太低了, 難以為持生活...
正因為我對上一個星期二o既覺醒
我要做個漫畫家, 做下停下做下停下o既生活咁樣
唔通真係好似睇相佬咁講, 我到廿八歲就會有d名氣
定係佢同我吹水o既呢...

無論係點我o既決心都唔會變
首先要練好手藝
再等機會, 整番一個自己o既網頁
為自己建立形象
因為我唔想做第二個林業慶
如果有咁o既機會再算啦

現在只打算響下年漫畫節如果有漫畫比賽的話
便出陣了吧
所以應該先幹好一套稿才算了吧=___=\

最近要煩的東西好像多了
但我已經不像從前一樣睇唔開諗埋一邊
要長大了吧, 我應該背負的不應該那麼多
只幹了能力范圍內的一些就夠了吧...
還要的老是那個幹好自己份內事的問題了吧...
口古月...
還是很想有人可以給我抱一下
亦或有時抱一下我給我溫暖...

時間唔會等人, 番工o既日子永遠都似是過得比hea的日子快一樣...
好奈無落過呀龍度玩咯...
所以果日同愛人落到去好想同呀龍踢番場波, 不過佢似乎唔太得閒
日子多的是, 明天再算了吧...

nds入手了, 很高興的說..
蠻像game gear呢...
要番去拎番隻mario對dk黎玩先...

琴日比偷窺無罪四個字呃左
買左隻亞視制作o既爛片
激鬼死...
不過都好, 都仲有d麥嘉琪...
嗚....

日本之旅已經達到絕對會成功的偕段了吧...
yeah...

麻麻心臟有問題
仲有血管又有問題, 仲要血壓高, 唉, 真係頭痕...
嗚...

唔知點解去到邊d廁所都有問題o既...
無論係公司, 屋企, 呀媽果度...OTZ....................
嗚...

又到左風雲色變o既十二月喇
死o既死
拍拖o既拍拖
洗錢o既洗錢
每年o既十二月都總好似好難過咁...

無時無刻
我對住塊鏡睇住自己隻眼都好似好多野諗咁
尤其每當係自己一個人o既時候
就似是更加多東西要安排好才算...

可以偶爾請番日假
靜靜地休息下其實都幾好...

呢幾個月
唔知點解我個人好似愈黎愈化咁...

但係點都好
我始終係我
我唔洗好似以前咁刻意改變自己黎就人...
我係我...

始終想買番張拉雲拿利...
始終想買好多玩具
始終想買番某幾隻gundam fix
始終想去用自己錢日本
始終想去交番d學費
始終想平平安安咁過生活...

雲始終係一片雲
唔似貓唔似狗
其實做人可以好簡單, 好平凡

所謂o既等價交換...
唔通我要中六合彩就真係會失去左第二樣野
估唔到一個諗左咁多年o既諗法
每身邊出現一件好事o既時候
就隨之往往會有不幸跟身...

真係有點怪的世界觀
偏偏個世界就係咁

黃占就咁就占左喇
還是那老模樣, 死只不過係一個形式, 人生一個偕段
大部份的東西, 已經活了在心裡了吧...
所謂的回憶, 那些無謂, 無休無戾的日子已經不服再了

人大了, 要了解現實慢慢踏步前進了
我係我, 但我已經進步了不小, 昨天覺得發生了在身邊的大事
今天同樣的發生, 我漸漸已經不覺得是一回事了...

空白一片, 發呆, 呆下呆下又一日o既生活
其實都不算得太差了吧...

明天要幫堂妹弄好電腦了..:cwm26:\
拖得太奈了...

>>December 5, 2004 at 6:46:19 PM GMT+8

2004 年 11 月 28 日 星期日 【晴】

好奈無打日記喇, 最近呢兩個禮拜
生活過得蠻忙碌的說
已經很久沒有這個感覺了...

每朝都過住d打工仔o既生活...

噢
還是今晚番來再打了...

>>November 28, 2004 at 12:16:40 PM GMT+8

2004 年 11 月 17 日 星期三 【微冷】

從沒有一刻像那天的興奮..
從沒有一刻感覺那麼的好..

很想時間停留在那一刻.....愛在閃鑠不定時.....
滿載著幸福的時候.....

>>November 17, 2004 at 5:05:20 AM GMT+8