2005 年 10 月 3 日 星期一 【酷熱】

又要再獨自上路了,
始終世上最令人痛恨的怪物就是我了吧....

憂憂愁愁的走了....

>>October 3, 2005 at 11:36:54 AM GMT+8

2005 年 9 月 30 日 星期五 【乍雨乍晴】

如果痴痴的等某日終於可等到一生中最愛
誰介意妳我這段情每每碰上了意外 不清楚未來
何曾願意　我心中所愛 每天要孤單看海

寧願一生都不說話都不想講假說話欺騙妳
留意到妳我這段情妳會發覺間隔著 一點點距離
無言地愛　我偏不敢說 說一句想跟妳一起

如真　如假　
如可分身飾演自己
會將心中的溫柔獻出給妳唯有的知己
如痴　如醉
還盼妳懂珍惜自己
有天即使分離我都想妳　
我真的想妳

如果痴痴的等某日終於可等到一生中最愛

=====================================================

搵黎搵去都搵唔到NANA歌詞 /=__________=\
嗚...

>>September 30, 2005 at 6:35:41 PM GMT+8

2005 年 9 月 30 日 星期五 【乍雨乍晴】

最近開始響琛水佬睇舖
話說係某一日FREEMAN比玻璃整親"人"帶入左醫院

之後我就過左黎靜心喇...
睇黎公司對我o既需求都唔係咁大
遲下辭工都仲得...

其實我都想響度做落去, 只不過係覺得做做下好似有d怪咁...
最近心情都唔係咁好, 身邊好多野唔同曬

忽然間好想要d私人空間去休息下
好想自己一個去下旅行, 去睇下外國o既月亮係咪真係特別圓

唔知點解硬係覺得時間過得好快, 但係呢一年好似過左好奈都唔完
開工, 收工, 日頭, 天黑, 正正人生就咁轉眼一日

往往因為我們眼裡存在著盲點, 錯過了緣份, 淨下一點淒創...

天黑了, 餘下我獨自一人靜靜地呆望著天空
我在想著, 有人會想念我嗎...

是病痛令人的腦袋產生出問題...
還是...是腦袋令人產生出病來呢....

我的病痛都隨生活習慣已消逝
也許昨天, 我的生活就是這樣的差...
雖然現在生活亦好不到甚麼地方....

但現在的我依然未放棄夢想
我相信只要我堅持, 終有一日我會成功, 我可以得到我想要o既東東
誰跟我說路不可以這樣去行, 我知道, 要成功...
信念比任何東東強大, 不要放棄夢想, 更加不可以放棄...自己...

不知怎的
最近兩天不斷聽著NANA, 同埋首一生中最愛....
...

>>September 30, 2005 at 6:33:04 PM GMT+8

2005 年 9 月 19 日 星期一 【雨】

中秋節快樂

終於搵到自己成日腰痛同埋唔夠訓o既原因
原來係因為我血壓低同埋銀包過大...

頸後面果粒野今年無乜發作
睇黎都唔洗再番去覆診咯

依家反而要睇隻腳
斷左腳趾都成兩個月咯
好在無乜事
總算安然渡過

繼續努力工作
完成我十四年o既夢想
可能真係好似本"搬家"咁....

兜兜轉轉, 結果又回到起點...(笑)

待續...

>>September 19, 2005 at 12:41:07 AM GMT+8

2005 年 9 月 1 日 星期四 【酷熱】

親愛的家庭電器
你們好像都跟我有仇一樣
盡管我多麼庝愛你們
結果你們也一一壞死下去
冷氣, 電腦, 電視, 電話....一一都離我而去

我真的這麼讓你們討厭嗎...
===============================================

真係快, 咁就九月喇...
工作都接近做了一年, 雖然不是過得太開心
但總算過得去了吧...

七月頭果時唔小心響樓上工場度整斷左隻腳
人生觀好似又唔同左咁...
依家做乜野都寧願慢慢做...
唔好咁沖動....

但係始終都係想放番個假
唔知係咪因為夏天, 加上又要搬屋...
工, 實在真係有d唔想番

但係唔番工又無錢wor, 真係煩...
其實我都為左公司幾勞心勞力呃...
但係唔知幾時再有人工加呢...

唔知做乜...
肥左十磅, 點先可以keep得番以前完美o既曲線呢....

廁所, 冷氣 呢兩樣野係咪真係同我咁無緣份呢...
點解我好似搬親去邊間屋呢兩樣野都死死下咁....

工作, 休息, 再無時間打機...
睇黎搬左去新屋之後真係要搵番多d時間去打下機先得咯
汁番靚間屋, 買張自己o既床同梳化
錢, easy come easy go啦....

究竟我條命係咪真係生得咁差呢...
聽呀文講又話有貴人線支持...
究竟係咪真o既呢...

如果一個人o既正常人生好似過山車咁
有起有跌
我就一定係起小小, 跌多多果款人喇
雖然有好多人生活比我更差
但係我都不黃多樣喇....

買左個新電話
終於知道係咩問題send唔出短訊喇
阿彌陀佛

好想去唱K啊
真係去唱果隻...
同埋畫畫
仲有D想去學彈琴....

乜都想, 但係又無時間又無錢
真係事與願違咯...

有時唔開心, 一個人靜下來, 響窗口望落去
睇住D人, 一粒粒咁慢慢行, 好似愈睇就愈慢咁
唔開心就咁漸之流逝

通常唔開心o既時候
發唔發覺到, 如果睇住d野響身邊經過, 感覺好似比自己一個面壁好一些
是因為傷感隨時間流逝了吧, 身邊流動著o既環境, 隨心而去

終於明白所謂o既時間可以沖走一切...

===============================================

電話又再響起來了
工作又再忙碌
到底我o既人生係為左乜野又繼續呢...

愛情, 友情, 定係吃喝玩樂呢...

聽左光良都有五年以上o既歲月喇
好似五年喇, 我睇番電話某個朋友o既短訊
校園時光過得很快, 唔知點解憶起一段又一段同以前斑朋友, 同學一齊出去玩o既光景

我只是二十一歲了吧
但是...心目中因為工作斷斷續續都有五年了
心目中的自己好像已經廿五歲了

真懷念當日響pizza hut同斑同事HEA下HEA下又一日
朝早番學=>下午接呀妹放學=>再番番學校=>放學就番工=>番屋企沖涼做功課=>訓覺...又第二日喇
有時唔想番學, 就同女朋友出下街咁...
果段學校時代或者真係比較深刻了吧
昨天的東西, 昨天的朋友, 戀愛, 我亦或有一點想忘記了便算

出來工作, 所面對, 所感受的又是另一回事了
但係依家所認識o既女朋友, 我依然都有一個想法
就算真係全世界o既人都唔理佢, 我都唔係唔理佢

因為我了解真正o既孤獨
想當年pizza hut有個朋友, 佢教左我好多野
諗番起果時放工同佢一齊落海皮吹風吹水
雖然我了解到兩個響唔同世界o既人走埋一齊的確好難明白到對方o既處境

但係響果一刻我反而了解到乜野係真正o既孤獨
我好想講比對方知道
佢唔係一個人o既

但係偏偏的又唔識得點去做...

之後o既我了解左咩係孤獨
開始知道原來孤獨o既時候
係唔想比人入侵自己o既世界
覺得身邊好似無乜人幫到自己...

到我重新震作o既時候
我發覺身邊已經失去左好多野
時間, 校園o既生活, 仲有我o既青春彷彿都如此消失了

徐徐我點起香煙
果時應該係上年番工前o既一晚
望住個海, 我知道, 真係要為自己負番d責任
唔可以再係咁side時間喇...

如果有時間o既話
好想去睇下電影, 行下街
好想番去舊時讀書o既時間...

可惜已經無可能喇

我將應該要拎去交o既學費
去報左個漫畫斑, 公開大學o既...

雖然到左最後, 我份功課都因為我o既工作而完成唔到
最後睇住佢, 覺得已經對呢件事負左個責任, 終於覺得校園生活真係完結左喇

結果我出席率, 平時平分, 全部拎曬A
終於成功了吧...再次拎到人生o既認同
我想得到o既認同...

身邊好多野無左
孤單o既我身旁好像多了一些人
應該....或是說, 值得去快樂嗎....

錢多一點, 或許會再快樂一點了吧
又或者係無人問我裸錢, 我o既生活就會好一點了吧...

到底我所追求o既係咩野o既生活呢...

>>September 1, 2005 at 2:57:13 PM GMT+8

2005 年 8 月 17 日 星期三 【綿綿細雨】

下雨天, 心下著雨
卻中了閃
YEAH

>>August 17, 2005 at 12:23:24 AM GMT+8

2005 年 8 月 1 日 星期一 【酷熱】

呢個月頭好像發生了很多事似的
個日記都恍惚變左月記....

月頭因為趕白英奇斑友仔o既foamboard
唔小心整鬼斷左自己隻腳趾
休息左三日咁大把
又要番工咯

女朋友同身邊o既人都係咁鵝我
但係我就偏偏覺得無乜野
淨係有d唔開心, 都無乜其他野咯

只係覺得好想去踢波
忽然間覺得隻腳好有用...

WCCF咁又出新ver喇...
但係好似已經無左以前果種好想落深水佬玩o既衝動
事關部機都搬走埋喇...
事過境遷喇...

老豆同呀媽都依然係咁
老豆應承左我o既依然無對現過
呀媽依然係咁傻下傻下...
依然令我好擔心...

跛住隻腳咁去漫畫節...
今年都算係最空閒o既一年喇...

同呀康d數搞到唔清唔楚..
唉, 由得佢啦...

好多錢銀煩惱都令我好辛苦
好多身邊o既野都唔同曬

最近就連屋都搬埋喇...
真係過得快
好似已經響呢度o牛左一年有多喇

番工放工生活都將近一年喇
究竟我幾年先可以做到梁生o既要求呢...
呢排唔知點解生意好差...

不過公司o既野究竟關唔關我事呢...
我都係打份工姐
老細都算係咁啦, 斷左隻腳去漫畫節都幾抵
有工傷保不特只, 仲唔洗扣假...
不幸中之大幸了吧

看來跟對上的女朋友分手一年後
我終於做到自己想做的事, 同埋活得比誰都好了吧

不是多得前塵往事, 或許我依然是那個傻下傻下o既劉恩
乜都唔做, 乜都hea下hea下咁過日子

多謝...

我成長得令自己吃驚了
我身邊除了爺爺麻麻, 愛人, 黎明同肥謙可以交心令我信得過之外
大部份人都足夠令我響錯誤中學習, 錯節中成長
偶有不高興, 也沒法子...

我改變了很多人
很多人亦改變了我
但是....我依然是我
我會繼續畫畫
繼續得機會, 自己行一條我o既路....

多謝...

>>August 1, 2005 at 1:05:09 PM GMT+8

2005 年 7 月 20 日 星期三 【晴】

謝曬
腳都斷埋

>>July 20, 2005 at 1:04:19 AM GMT+8

2005 年 7 月 4 日 星期一 【清涼】

番工好唔開心...

唉...

>>July 4, 2005 at 12:23:57 AM GMT+8

2005 年 6 月 21 日 星期二 【炎熱】

唔知點解醒左, 好似好唔開心咁...
唔知點解生活好似小左開心依樣野咁...

係因為五月病, 定係我唔係好鍾意依家份工...
我好想真係可以出去食個lunch, 行下觀廣
買下公仔書, 唔洗再就住屋企o既洗費去買玩具
如果呀媽唔問我裸錢, 我諗我甲甲埋埋成皮幾野響銀行都有

唔洗個個月到月尾就睇住個戶口係得番四個幾...
真係灰...

好想去玩下wccf, 好想可以有日收工收五點, 落呀龍度hea下...

唔開心, 唔高興, 唔想番工症...

呀爸, 父親節就咁過左
呀媽, 母親節就咁過左...

我想寫o既給爸爸的信都未打完...
唔知應該點埋尾, 同埋...點先可以寄到比佢睇下...

好想同呀爸可以響樓下停車場食下煙
好想同呀媽去飲下茶, 同呀妹玩下GBA...

到底, 我好想知道...
我響佢地眼中算係D乜...
我響老細眼中又算係D乜...

比心機做好自己, 到底係咪真係會有回報O既呢

前途好似好秒忙...

不斷咁幫老闆手, 搵員工去卡片王做野...
搵下又一個搵下又一個...
有時我都唔知自己算係D乜...

朋友好多, 但係有幾多個真係明白我個心諗緊乜野呢...
好想響屋企休息番一日, 無人搵我, 無人叫我起身, 無人搵我關於我o既事

好想消失番一日
做下透明人去睇下個世界

究竟無左我之後, 個世界會點...
依然繼續轉, 依然係咁行, 只係我消失響呢個世界罷了, 看來沒甚麼大不了似的...

究竟仲有冇人會在意我o既存在呢...

有時我或者只係想有人關心下我o既死活
令我得到番一些存在感

我對自己...
好似好陌生...
我, 究竟我係邊個我...

.. ..... ........................... ..... ........... ....

>>June 21, 2005 at 1:59:33 AM GMT+8