|
2003 年 10 月 19 日 星期日 【微冷】
嘩~~我又有成4日冇寫日記喇,越o黎越懶o潻噃,呵呵~~好開心呀,噚晚去咗燒嘢食呀,原本係去咖啡灣燒架,點知去到至知係要自己買嘢食,咁我地費事嘥時間,咪改去龍鼓灘燒啦,但係係見唔到個灘囉~~講真我係有o的失望架,不過算啦,一行10個人玩得好開心呀,5駕電單車o係條屯門公路行,好似好勁呀,呵呵~~~但係最掃興係我食完嘢之後胃痛囉,唔知係咪我餓得太耐喇,原本9點幾未齊人o既時候諗住食少少嘢啦,有o的人又話食咗到時就食唔到嘢架喇,咁我咪唯有等啦,到10點齊人開始入去喇,但係用咗兩個鐘頭先到囉,攪到一食嘢就胃痛喇,仲要痛到走都仲痛囉,好彩有o的人都識得內疚,又話買胃藥,又話車我去屯門醫院,又話車我去聯合......哈哈,笑死我囉~~~~不過o個陣時真係好痛架~~總括o黎講噚日係超開心囉,唔知有冇下次呢?!有冇都冇所謂啦,最緊要同佢仲有下次囉,哈哈~~~
仲有呀,晴晴呢排好唔聽話呀,唔知係咪我掛住出街,理少咗佢,所以佢要抗議呢?!不過最重要係佢算係好番喇,唔駛再病病啦~~
>>October 19, 2003 at 9:35:45 PM GMT+8
2003 年 10 月 15 日 星期三 【乍雨乍晴】
好唔開心呀,今日點幾老師打電話畀我,話晴晴發高燒呀,咁我諗住可能冷親啫,咪叫佢個姑姐帶佢睇醫生先,等我放工至睇佢啦!!點知醫生話晴晴可能係手足口病呀,會好辛苦架,口啦,手啦,腳啦都有機會出紅點架,會有o的痛囉,所以都唔知點好,要留意住佢有冇出點點呀,如果有就要去攞呢隻病o的藥喇,希望佢唔係啦~~~但係同老師傾過,就算係懷疑都唔返得學呀,因為呢個病o既傳染性係極高囉,所以連katy都唔可以幫我睇佢呀,驚傳染畀佢兩個囝囝呀~~~咁我咪請咗聽日假陪晴晴囉,冇$$$收架,嗚嗚...........而佢爸爸就調咗星期五放假睇住佢囉,唉.............希望晴晴快o的好番啦~~~~我呢,今日都病咗呀,都唔知係我傳畀晴晴,定係晴晴傳畀我喇,總之我同佢都好唔舒服啦,聽日借o的意自己都休息吓先,呵呵~~~~好多人都病呀~~~
>>October 15, 2003 at 11:51:38 PM GMT+8
2003 年 10 月 14 日 星期二 【颳風】
嘩~~今日o的天氣轉得好快,就o黎凍死我喇,返工條街又凍喎,公司o的室溫又凍,開一部冷氣都係咁,總之凍到想死啦,哈哈~~所以收工就去咗買衫,費事聽日凍死呀!!仲有,我同兩個同事去咗買水晶手鏈呀,都唔係太貴,又幾靚喎,佢地又鍾意,好開心呀~~~不過有o的仲開心o既事唔話畀你地知,呵呵!!!淨係得我地兩個知架咋,總之而家處於開心o既位置啦~~順帶一提,我個friend今日去覆診呀,醫生話佢O個次意外照X光,發現隻手掌有粒腫瘤囉,好彩係良性啫,如果唔係就慘喇,而家都係一年至返去覆診一次啫,真係好彩呀!!!
>>October 15, 2003 at 11:54:31 PM GMT+8
2003 年 10 月 13 日 星期一 【乍寒還暖】
嘩~~唔經唔覺,我已經有成6日冇寫日記喇,因為我掛住同人地dating嘛,呵呵~~~講吓笑啫,但係今個禮拜真係發生咗好多好多事囉,不過我諗唔係咁方便o係呢度講喇,總之我覺得好開心囉,哈哈~~~
星期六去咗個舊同事個囝囝o既滿月酒,佢個囝囝好cutie呀,但係就有4粒暗瘡囉,勁攪笑呀!!!o個晚仲有兩個之前撞車o既同事去囉,佢地真係一句嘢都冇講過呀,我個friend都話唔告佢啦,佢仲係咁小氣,都唔知點解喎,連我個friend係受害者呀,佢都好大方咁夾餸畀人地食啦,但係人地居然好冇禮貌咁話唔駛囉,明明係個同事做錯咗,都唔肯認衰喎,唔夠我個friend大方囉~~~~唔告佢仲要咁樣對返人,唉..........攪到我個friend有o的唔開心o潻~~不過算啦,佢地以後唔會有機會再見架喇,由呢件事就咁完結啦!!!!!都係諗吓呢個禮拜o的開心嘢算啦,哈哈~~~~~真係好開心呀~~
>>October 13, 2003 at 10:48:58 PM GMT+8
2003 年 10 月 7 日 星期二 【炎熱】
哈哈,今日好似冇乜特別喎,都唔知寫乜好o潻~~不過katy好攪笑囉,成日問我同個friend攪成點,我都唔知佢想問乜,淨係答佢冇嘢囉!!因為真係冇嘢喎,佢太緊張我o潻,唔知係好家唔好呢?!我諗係好事o黎架~~呵呵~~哂吓命先~~
但係有樣嘢仲攪笑囉,就係觀塘有個經理過o黎help2個禮拜喎,同我都幾friend架,咁佢今日見我同個friend係咁傾電話喎,就o係度話我地有嘢,咁我咪話佢痴痴地囉~~~我話人地有老婆仔女,我有老公周個女,可以有o的乜嘢發生喎?!佢居然叫我地攪婚外情喎,勁攪笑囉,哈哈~~~不過我同o的同事講番,佢地都話我好易中呢o的嘢喎,我咪話唔係呀嘛,唔會咁易o既,總之攪笑啦,哈哈~~~
>>October 7, 2003 at 9:40:30 PM GMT+8
2003 年 10 月 6 日 星期一 【晴】
我個friend今日返咗o黎車我接晴晴呀,因為佢之後要去覆診,順路車埋我囉,但係到最後我都陪咗佢去睇醫生,好彩醫生話佢冇乜嘢喇,點知都仲開多兩日假畀佢,擺明呃公司$$$囉,勁cheap呀,哈哈~~~今日都放心o的喇,佢同個經理講咗唔會告個同事喇,而且又叫公司編佢返工,即係好firm咁唔告囉,咁個人都安樂o的啦,呵呵~~但係仲有其他嘢煩呀,都唔知點好,好似係,又好似唔係咁,攪到我好矛盾呀!!!!唔知大家可唔可以肯定o的呢?!我諗唔得喇,因為大家都有一個相同o既原因,而家只要keep住咁,我地都覺得ok架喇,冇謂再將o的事情複雜化啦,但係個心好鬼死煩囉~~~~~~唉..........what can i do now?!
>>October 6, 2003 at 9:52:05 PM GMT+8
2003 年 10 月 5 日 星期日 【微冷】
噚晚又同個friend出咗去傾計,兼夾歡送另一個同事走架嘛,原本都係3點幾走架喇,點知傾傾吓傾到6點幾,咪唯有等再早o的至走啦,好日都冇一次嘛~~~但係我老公就好嬲喇,因為我成晚冇返屋企,仲話我個電話唔通o潻,走去打畀我個妹問我o係邊度喎~~~唉.............咁佢10點再打咗次電話畀我,o係電話度佢都有話我架,但係當我見到佢o既時候,佢只係講咗兩句說話就冇再問喇,我開始有o的驚喇,原來佢見到我個friend車我返o黎,佢好嬲呀,以為我成晚同佢一齊,其實仲有其他同事架,佢唔畀機會我解釋,又唔聽我電話喎,咁點算好呀?!到而家都字返屋企呀,我驚佢又去咗澳門賭$$$咋~~~~~~~~~~但係我冇理由唔理o的friend架嘛,去幫吓朋友分憂都唔得架咩?!我都唔明點解佢咁mind,可能佢唔係咁鍾意我呢個friend啦,因為佢一直都同我講我個friend唔係好人,唔好同佢咁friend喎,我識落佢又唔係吖,我都有揀朋友o既權利架嘛,唉~~~~~~~~~~~好煩呀~~~~雖然我同個friend o既關係開始有o的變化,但係唔係佢諗o個o的囉,都唔知點好...............好彩有件事都算解決咗喇,就係我個friend唔會告個同事喇,都好啦~不過佢仲未同個差佬講,我驚....佢會反口呀,希望個差佬快o的搵佢攪掂啦,因為佢話唔會主動搵個差佬消案囉,所以都仲係有隱憂呀~~
>>October 5, 2003 at 11:33:06 PM GMT+8
2003 年 10 月 3 日 星期五 【微冷】
唉~~今日好唔放心個好朋友,佢又咁啱返咗公司喎,咪車我出尖沙咀攞o的嘢啦,就咁決定咗再去食嘢傾計喇,因為佢仲係好down,我始終唔放心呀~~~我地入咗西貢食嘢,後尾又有同事加入喎,咪出番觀塘食啦,點知我老公打畀其中一個同事check我喎,咁佢即係唔信我啦,我好唔開心,聽佢話完我就算啦,因為我覺得o係呢個moment,我係要理咗個friend o既感受先囉,佢唔明我都冇辦法,佢仲唔啋我o潻~~不過算啦,佢好快冇事o既~~
反而我好擔心個friend畀人尋仇囉,唉..........唔知點好,叫佢告又唔係,唔告又驚佢會有事,點算呀~~唔開心咗成兩,我終於都問佢點解o個晚唔打畀我,係咪唔當我係friend先?!出咗事都係第二日至知道,我話我好唔開心,佢就話佢都掙扎咗好耐應唔應該打畀我,怕我要住個女唔方便出去喎,我信佢咁講,但係我都鬧佢怕咩喎,朋友有事,我實飛的士醫院架喎,佢就話諗咗好耐至決定唔打,話o係醫院好悶都想叫我去陪佢o既,但係都係o個個原因至冇打囉~~我始終話我為咗呢件事down咗兩日,點講都冇辦法填補我心理上o既損失架喇,不過若然下次有咩唔開心,一定要搵我先囉,佢都promise咗我,咁就算佢啦,哈哈~~終於知道佢都有諗過打畀我o既,同埋佢都係咁強調佢真係掙扎咗好耐打唔打架,咁我已經冇嘢啦~~~~心照啦,好朋友~~~呵呵~~~但係聽日再要傾過,一日未攪掂,一日都好擔心呀~~~
>>October 4, 2003 at 3:19:06 AM GMT+8
2003 年 10 月 2 日 星期四 【酷熱】
好唔開心呀,原本放完假o既我好夠訓,又好精神架嘛~~開開心心咁返工啦,點知見到個經理好神色凝重咁講緊電話,咪一心八吓乜嘢事啦,但係一聽就嚇死我呀,個心即刻突一突,因為我個好朋友畀個同事用公司車炒跌咗,重話入咗醫院o潻~~真係好驚呀,我即刻打電話畀佢,問佢點啦,好彩冇事,出咗院喇,咁我至冇咁驚,咪聽佢講事發經過啦!!!!我仲叫佢夜晚出o黎傾吓,睇吓唔好告個同事啦,佢真係好唔開心,我都係呀,因為點解一場同事要攪成咁呢??我今日成朝都好down,唔開心個朋友受傷,唔開心攪成咁,唔開心點解佢冇即時打電話畀我,唔通佢唔當我係friend?!down咗成朝,終於見到佢喇,佢都一樣咁down,唔想告個同事架,但係唔告佢就會畀佢有機會玩嘢,所以我地成晚都好冇mood呀~~~~由9點幾傾到凌晨3點,都算有個結論啦,希望可以快o的過去呀,咁佢就唔會咁唔開心啦,係咪?!
>>October 4, 2003 at 2:54:53 AM GMT+8
2003 年 9 月 30 日 星期二 【清涼】
聽日放假喇,原本想去katy度睇帶喎,點知佢又出街,咁就改去同晴晴買厠所仔啦~唔知攞唔攞到呢?!呵呵~~~個同事知道我聽日放假,諗住今晚又去玩架嘛,但係太急約唔到人o潻,由8點幾傾咗好多次電話,傾到10點半佢收工喇,都唔知去邊好,終於決定去我地屋企附近食嘢啦,約好o係樓下等喎,點知佢問我老公返o黎未,我話返咗之後就取消喇,因為佢話費事我畀人鬧啦,哈哈~~佢以為我老公未返,我就可以偷走出去嘛,但係返咗就唔好喎,咁我地又要改期喇,暫定o係星期六囉,希望搞得成啦,呵呵~~~~~~~~~~又冇咗大約90分鐘o既電話費喇~~~~
>>October 1, 2003 at 12:14:36 AM GMT+8
|
我係晴晴媽咪，想申請個日記畀晴晴用囉!
|
廣告 |
|
|
讀者留言 |
| 路人留言
|
 嘩~好耐冇見你上網啦，
<br>
>>December 1, 2003 at 12:28:15 AM GMT+8
係你唔得閒打比我咋~~
<br>
>>November 10, 2003 at 6:11:48 PM GMT+8
咁咪好囉，
<br>開開心心~
>>October 14, 2003 at 11:36:49 PM GMT+8
有乜事咁開心呀,
<br>講比我
>>October 14, 2003 at 6:07:35 PM GMT+8
希望.....你唔好再唔開心啦~
>>October 6, 2003 at 8:40:51 PM GMT+8
唔好唔開心啦,有乜事同我講
>>October 6, 2003 at 12:36:58 AM GMT+8
哈哈,我冇乜嘢煩l
>>October 3, 2003 at 6:35:12 PM GMT+8
哈哈~連我都病埋lu~
<br>
>>September 25, 2003 at 11:36:30 PM GMT+8
好開心呀,你都有個最好,好,好,
>>September 24, 2003 at 2:45:06 PM GMT+8
hey~你個經理去左和宜合道分店
>>September 18, 2003 at 8:09:13 PM GMT+8
其實呢個留言板有冇得覆人留言ga
>>September 18, 2003 at 8:07:10 PM GMT+8
我又o黎lu,呢幾日好煩呀!!
>>September 16, 2003 at 10:22:53 PM GMT+8
我終於返o黎喇,我今朝已經睇晒你
>>September 10, 2003 at 5:28:40 PM GMT+8
個日記好靚呀.....
<br>
>>September 1, 2003 at 11:23:48 PM GMT+8
|
|
嘩~~我又有成4日冇寫日記喇,越o黎越懶o潻噃,呵呵~~好開心呀,噚晚去咗燒嘢食呀,原本係去咖啡灣燒架,點知去到至知係要自己買嘢食,咁我地費事嘥時間,咪改去龍鼓灘燒啦,但係係見唔到個灘囉~~講真我係有o的失望架,不過算啦,一行10個人玩得好開心呀,5駕電單車o係條屯門公路行,好似好勁呀,呵呵~~~但係最掃興係我食完嘢之後胃痛囉,唔知係咪我餓得太耐喇,原本9點幾未齊人o既時候諗住食少少嘢啦,有o的人又話食咗到時就食唔到嘢架喇,咁我咪唯有等啦,到10點齊人開始入去喇,但係用咗兩個鐘頭先到囉,攪到一食嘢就胃痛喇,仲要痛到走都仲痛囉,好彩有o的人都識得內疚,又話買胃藥,又話車我去屯門醫院,又話車我去聯合......哈哈,笑死我囉~~~~不過o個陣時真係好痛架~~總括o黎講噚日係超開心囉,唔知有冇下次呢?!有冇都冇所謂啦,最緊要同佢仲有下次囉,哈哈~~~
好唔開心呀,今日點幾老師打電話畀我,話晴晴發高燒呀,咁我諗住可能冷親啫,咪叫佢個姑姐帶佢睇醫生先,等我放工至睇佢啦!!點知醫生話晴晴可能係手足口病呀,會好辛苦架,口啦,手啦,腳啦都有機會出紅點架,會有o的痛囉,所以都唔知點好,要留意住佢有冇出點點呀,如果有就要去攞呢隻病o的藥喇,希望佢唔係啦~~~但係同老師傾過,就算係懷疑都唔返得學呀,因為呢個病o既傳染性係極高囉,所以連katy都唔可以幫我睇佢呀,驚傳染畀佢兩個囝囝呀~~~咁我咪請咗聽日假陪晴晴囉,冇$$$收架,嗚嗚...........而佢爸爸就調咗星期五放假睇住佢囉,唉.............希望晴晴快o的好番啦~~~~我呢,今日都病咗呀,都唔知係我傳畀晴晴,定係晴晴傳畀我喇,總之我同佢都好唔舒服啦,聽日借o的意自己都休息吓先,呵呵~~~~好多人都病呀~~~
嘩~~今日o的天氣轉得好快,就o黎凍死我喇,返工條街又凍喎,公司o的室溫又凍,開一部冷氣都係咁,總之凍到想死啦,哈哈~~所以收工就去咗買衫,費事聽日凍死呀!!仲有,我同兩個同事去咗買水晶手鏈呀,都唔係太貴,又幾靚喎,佢地又鍾意,好開心呀~~~不過有o的仲開心o既事唔話畀你地知,呵呵!!!淨係得我地兩個知架咋,總之而家處於開心o既位置啦~~順帶一提,我個friend今日去覆診呀,醫生話佢O個次意外照X光,發現隻手掌有粒腫瘤囉,好彩係良性啫,如果唔係就慘喇,而家都係一年至返去覆診一次啫,真係好彩呀!!!
嘩~~唔經唔覺,我已經有成6日冇寫日記喇,因為我掛住同人地dating嘛,呵呵~~~講吓笑啫,但係今個禮拜真係發生咗好多好多事囉,不過我諗唔係咁方便o係呢度講喇,總之我覺得好開心囉,哈哈~~~
噚晚又同個friend出咗去傾計,兼夾歡送另一個同事走架嘛,原本都係3點幾走架喇,點知傾傾吓傾到6點幾,咪唯有等再早o的至走啦,好日都冇一次嘛~~~但係我老公就好嬲喇,因為我成晚冇返屋企,仲話我個電話唔通o潻,走去打畀我個妹問我o係邊度喎~~~唉.............咁佢10點再打咗次電話畀我,o係電話度佢都有話我架,但係當我見到佢o既時候,佢只係講咗兩句說話就冇再問喇,我開始有o的驚喇,原來佢見到我個friend車我返o黎,佢好嬲呀,以為我成晚同佢一齊,其實仲有其他同事架,佢唔畀機會我解釋,又唔聽我電話喎,咁點算好呀?!到而家都字返屋企呀,我驚佢又去咗澳門賭$$$咋~~~~~~~~~~但係我冇理由唔理o的friend架嘛,去幫吓朋友分憂都唔得架咩?!我都唔明點解佢咁mind,可能佢唔係咁鍾意我呢個friend啦,因為佢一直都同我講我個friend唔係好人,唔好同佢咁friend喎,我識落佢又唔係吖,我都有揀朋友o既權利架嘛,唉~~~~~~~~~~~好煩呀~~~~雖然我同個friend o既關係開始有o的變化,但係唔係佢諗o個o的囉,都唔知點好...............好彩有件事都算解決咗喇,就係我個friend唔會告個同事喇,都好啦~不過佢仲未同個差佬講,我驚....佢會反口呀,希望個差佬快o的搵佢攪掂啦,因為佢話唔會主動搵個差佬消案囉,所以都仲係有隱憂呀~~
唉~~今日好唔放心個好朋友,佢又咁啱返咗公司喎,咪車我出尖沙咀攞o的嘢啦,就咁決定咗再去食嘢傾計喇,因為佢仲係好down,我始終唔放心呀~~~我地入咗西貢食嘢,後尾又有同事加入喎,咪出番觀塘食啦,點知我老公打畀其中一個同事check我喎,咁佢即係唔信我啦,我好唔開心,聽佢話完我就算啦,因為我覺得o係呢個moment,我係要理咗個friend o既感受先囉,佢唔明我都冇辦法,佢仲唔啋我o潻~~不過算啦,佢好快冇事o既~~