2003 年 6 月 9 日 星期一 【雨】

～天下無雙～

給我信心 當我未如願
披雨戴風問寒送我暖
親切眼光 舒我亂和倦
從無更改心照總不宣

長長路中 走到那裡生命裡
有你我方找到生存來源
難行日子 不削我對生命眷戀
因有著你 跟我一起 親愛的你

一次也不 推說亂和倦
一次你都未曾去計算
給了再給 始了便無斷
無條件分擔各種辛酸



從前沒講 今次要說多謝你
我有你給的愛因而完全
誰人是我 心裡至愛生命至尊
都也是你 真了不起 親愛的你

若問世界誰無雙
會令昨天明天也閃亮
定是答：你從無雙
多麼感激竟然有一雙我倆

>>June 9, 2003 at 10:45:58 PM GMT+8

2003 年 6 月 9 日 星期一 【雨】

尋晚突然間覺得而家咁既生活好枯燥...
朝朝起身溫書、講電話、煮飯、沖涼、食飯、睇電視、訓覺~
真的很規律...規律到唔想再咁落去添.....
唔知係咪諗得多得濟....仲訓唔著添~~
十二點幾先訓得著...（雖然都唔係好夜...haha）
今朝又較左鬧鐘架...
不過又又又禁熄左..
一訓就訓到十二點半喇...
又係十二點半.....討厭！！

起身又食杯麵（討厭ａｇａｉｎ！！）
跟住突然想做下其他野...唔想溫書住...
所以就拎左ｅａｓｏｎ　３’ｒｄ　ｅｎｃｏｕｎｔｅｒ　ｃｏｎｃｅｒｔ既ｖｃｄ出黎睇~
嘩嘩嘩嘩～～佢唱得真係超好呀！！！！一流呀！！！！
仲有原來佢扮譚詠麟好似架喎！！haha~我以為真係黎架添！！
而苦榮＆小苦妹呢ｐａｒｔ仍然係我最鐘意既一ｐａｒｔ～
真係超級得意呀！呢場小苦妹仲有份唱左一句添～
仲請埋芝ｓｅｅ菇ｂｉ上台添呀！！！
有好多都同我睇o個時唔同左o既~
唉~可能真係太遠喇.....ｍｉｓｓ左好多野~
真係好好睇呀.....^^ 不過一睇就睇到成三點~

跟住做功課...that's all for today~~

唉~ 今日落雨落左成日...滴滴答答~~煩！

>>June 9, 2003 at 10:07:41 PM GMT+8

2003 年 6 月 8 日 星期日 【晴】

係喎.....我竟然連天婦羅咁重要既野都ｓｋｉｐ左添...
"一個個卷o個d 魚片" 叫日本魚蛋嘛??好似係...呱...
haha~ 有生菜同椰菜呀.....!!
記得咁仔細架...haha~ 我就ｓｋｉｐ左咁多添...

haha~ 我就係話呢個樣呀...有冇印象呀?? 係咪好少用??
仲有原來仲有一個樣架...
合埋對眼...好滿足咁微笑...haha~

咁呢~ 我今日九點幾就起身同哥哥食早餐~
haha~爸爸真係攪笑~~想像力豐富呀下！記憶力都好強！
一年前既事都仲記得...
我淨係記得佢叫金毛~~真係唔記得佢個名....真係冇聯絡成年喇...hahaha~~!!!
而且我同佢由始至終都冇任何關係~~
佢竟然諗到我地會一齊睇戲...hahaha!!!

咁食完野返黎...十二點倒就開始溫ｅｃｏｎ喇...
嘩嘩～～今日溫得都算快...
雖然中途掙扎左好耐好想ｏｎｌｉｎｅ（應承左唔ｏｎ得嘛～）
又好想打俾你.~~但係最後兩樣都冇.....^^ 忍住.....忍住...
今日都溫到ｃｈ．１３啦...
溫多尋日成個ｄｏｕｂｌｅ～ keke.....
咁聽日就要溫埋剩低o個d...同埋做功課...^^

嘻....我地既將來簡直一片光明.....^O^

>>June 8, 2003 at 9:50:56 PM GMT+8

2003 年 6 月 7 日 星期六 【雨】

今朝本來較左九點起身~
但係我八點幾就醒左禁熄左個鬧鐘~繼續訓~
訓訓訓…點之訓到十二點半.....
唉~ 接受唔到...

跟住嗌外賣~食到兩點先開始溫書~
今日溫得好少...
目標係呢三日溫晒ｅｃｏｎ架...
今日溫左...四課都唔夠~
indifference curve.....又係你.....我唔想再見到你呀！！！

>>June 7, 2003 at 9:58:23 PM GMT+8

2003 年 6 月 6 日 星期五 【雨】

哎.....等今日等左好耐喇~~
今朝發覺竟然落雨喎!! 掃興...＞.＜

不過今晚既一開始就好唔開心喇！！
又係咁！！又係咁...
嬲呀嬲呀嬲呀呀呀！！！
唔開心！！！＞.＜
我真係唔鐘意丫嘛.....＞＿＜
係咪.....要接受鐘意既人既所有缺點先叫應該？？？？？？
係咪接受唔到就係唔鐘意？？？？？

今晚應該係好開心架...唔想因為咁攪到冇晒ｍｏｏｄ！！

今晚你著到成個生意人咁~望上去似廿幾歲...
我...小學生咁...haha~ 想點....
七點倒就搭的士去市中心~開始今晚既行程喇~
第一站就係去買你既ｙｕｍｉｋｏ隻碟~~
五十幾蚊...又幾抵o既~~
下一站就係去買飛~ 睇"咒怨"~~

跟住你話去食日本野喎~~hahaha~~梗係好啦！！！最好不過呀！！！
本來打算去十一郎o既~ 新開.....想試下喎~
點知咁鬼多人等位...要等十幾張檯喎...
其實真係好多人幫襯架.....點解香港經濟仍然係咁~??
因為要等十幾張檯, 所以就去左買野先喇~
買左買藥水~ 同埋去ｅｓｐｒｉｔ睇下電髮要幾錢...
眼都凸埋....電髮連洗剪恤要一千蚊.....
一千蚊....遠遠高出我既ＭＵＶ....＞.＜
要打消呢個念頭lu.....
跟住又唔記得買梳...
又唔記得原來我有帶張watson's coupon 出黎.....真白痴.....keke......

去返十一郎睇下有位未~ 點知已經過左幾張...
但係發現間野原來一定要搭檯...（因為兩個人）仲要打橫坐...
即係對住兩個三唔識七既人~ 所以放棄左o係o個度食lu..

跟住你話去惠比壽食喎...我之前都未去過~ 咁咪試下囉~~
o個時都八點喇.....又要等位~~
等等下發覺你對眼勁紅喎...滴左眼藥水都係咁..唔知咩事..
擔心死人喇...好在..我有秘方！！haha~~好見效.....^^
等左十五分鐘倒啦..就有位喇~~
我食左個ｘｘｘ煱~ 唔記得叫咩名添...惠比壽煱??
裏面好豐富呀！！有蛋、青口、鮑魚、金菇、肥牛、菜、冬菇、烏冬…
比起你食既相同價錢既九洲拉麵...真係...wahaha~~~
一百二十幾蚊....食呢ｄ野...算係咁啦~~
十級滿足呀~~~好好味~~捧住個肚走~~

都九點幾喇...係時候入場~~
之前聽人講呢齣（原來有呢個字架．．應該係喇呱！！）戲好笑多過驚...
好想證實下究竟係好好笑定好驚嚇~
睇既多數係青年人~唔算多人睇~
好喇...咁...睇啦...
有陣時都覺得幾好笑架...haha~~
我覺得套戲得三個鏡頭驚嚇囉...其他都.....haha~~
睇戲真係好講氣氛架...原來一直仍住套戲好驚, 咁就好驚架喇...haha~
估唔到你睇呢ｄ戲都會咁驚架喎.....hahaha~
不過成日到驚既時候佢又轉左第二個故事...都唔知想點！！！
套戲係完全冇劇情架...（或者係我唔明....）
套戲又完全冇交代究竟最後點？個故事究竟係點發生？
我冇乜腦諗架喎...所以完全唔明白....
套戲做完既時候...完全唔知發生咩事呀！做完？！難以置信！！

睇完都十一點~ 行返屋企~ 都有少少雨~
haha~ o係樓下企企下...有蚊呀...俾佢咬左幾淡.....走喇~~~
返到屋企都唔夠十二點~ 呵呵~~~

唔....我好似第一次睇九點半...覺得...好好囉...^^ 好開心~~
如果一開始冇唔開心...就ｐｅｒｆｅｃｔ架喇...

>>June 7, 2003 at 9:52:43 PM GMT+8

2003 年 6 月 4 日 星期三 【晴】

今日係端午節...端午節快樂...
但係對我黎講, 端午節根本一d 都唔快樂喎...
一向都唔鐘意端午節..
因為唔鐘意食糉!!!

今日lunch 仲要食糉添...
結果食左幾淡就唔想食lu..
攪到成個下晝都好肚餓咁~~

唔知係咪因為咁,
成個下晝雖然做得好少野,
但係ａｌｒｅａｄｙ好辛苦...

今日真係做得好少野...又晏起身喎.....
好內疚啊~~~


雞搥應該係你架..我食雞胸啦...^o^

>>June 4, 2003 at 11:04:29 PM GMT+8

2003 年 6 月 3 日 星期二 【晴】

唉....今朝竟然遲到一分鐘...!!
lunch 仲等左足足半個鐘.....!!!（最後得個桔！！）

嘩～～今日派返econ 個test.....
真係萬分估唔到...
我以為我真係好唔識架...
我唔係o個d 考完明明識晒又次次話唔識既人...haha~ 最憎呢d 人~~~

到左放學就同ＷＵＴＬＵＮ食野喇.....
跟住睇返百分百感覺既製作特輯~
話咁快就完成左一個ｈａｐｐｙ　ｄａｙ喇～～～

經過多番掙扎...終於問左好爸爸...
佢終於允許我星期五出去食完晚飯再去睇九點半...內心非常興奮...呵呵呵呵~

>>June 3, 2003 at 11:51:04 PM GMT+8

2003 年 6 月 2 日 星期一 【晴】

今日文化堂睇左套戲~
因為遲d 要作評論喎...所以就囉呢套戲黎評論喇~

套戲叫《愛．回家》
未睇之前都聽過個名~好似幾出名架喎~
不過俾我地睇得~多數都係文藝片啦...即係悶到爆既戲...

套戲係韓國o既...講一個婆婆同佢個孫既故事~
基本上成套戲既節奏都好慢....好慢......
冇d 耐性真係會訓著~
咁我為左要作篇文, 都俾晒耐性去睇架喇...
本來應該睇套戲o個時jot down d notes o既...
但係睇完套戲我係jot 左.....零既~~
都唔知jot d 乜~

我最鐘意既係套戲既尾聲囉~
講婆婆同個孫分離既時候...都幾感動架...
「我掛住你」、「我病了」…
上堂睇下戲都唔錯.....^^

>>June 3, 2003 at 10:52:09 PM GMT+8

2003 年 5 月 31 日 星期六 【晴】

星期五o個日account 堂...
懶係有ｐｌａｎｎｉｎｇ咁ｐｌａｎ好晒星期六日做ｄ乜~
咁今日就做啦...
決定左九點起身!!! 開學以黎我諗未試過咁早囉.......
點知朝頭早又上唔到網喎,
結果就破壞左我原本朝頭早睇bs article 既計劃喇~
不過都算啦...做account 都一樣o者~
最後做左兩題...差唔多啦...wahaha~~

到左三點幾...你拎左枝complete 俾我...
真係感動........^o^
無端端咁就可以見到你.....真係好......hehe.....^^
我有堅持唔洗架....
但你又堅持幾步路喎...
但係要你特登拎枝野俾我...真係好唔知點架嘛...
hehe, 總之....多謝你啦.....hehe....

唔...今日...真係好少既事...
睇唔睇波....根本唔係重要....
重要既係你應承我既野呀...
應承左又改, 咁你以後都唔好應承我d 乜lu...我唔要!!!
我唔開心就係因為咁!!
我最唔鐘意人咁架喇!!!!!
係唔鐘意就係唔鐘意~ no matter 件事係大事定係小事~!!

Anyway~我承認我都有錯...ＳＯＲＲＹ呀....
我唔應該唔出聲o既...
我唔應該o係你唔舒服既時候仲發脾氣...
我覺得我對"承諾"呢樣野真係睇得好重...唔知係咪太重呢...
好怕呀...唔想有兌現唔到既承諾.....
偏偏呢個世界上有咁多....
但我都仲未睇得開....hahahahahaha~~ 咁少既事又唔知ｌａｉ左去邊~~

不過.....你小心身體啦.....唔好有事呀......＞.＜

好，記住大家應承左大家唔好咁易發脾氣呀！！！

>>June 1, 2003 at 1:02:17 PM GMT+8

2003 年 5 月 30 日 星期五 【晴】

ｗＵｔＬｕＮ…
唔...雪糕呀？殺住先啦...
唔好軟雪糕啦...
朱古力新地得唔得??貴D 呀...hahaha~

haha~我明喇..我知你打咩喇.....
咩喎...我好唔開心咩乜...＞.＜
點夠你...............


今日ｈａｐｐｙ　ｆｒｉｄａｙ,
本來約左你放學出黎o既...
但係你突然間好病呀.............應該係腸胃炎呀~
所以冇出到黎~
但係你謹慎既媽媽竟然叫你唔好睇醫生.....
真係激死人喇~!!
唉...痛左成日喇!!!

十幾樣野加埋, 今日真係好唔開心！
唉...唔諗咁多喇...越諗越煩....訓覺好過~~^o^

>>May 31, 2003 at 9:54:20 AM GMT+8