2003 年 1 月 2 日 星期四 【晴】

摩 羯 座 人 勤 勉 而 踏 實 ， 一 步 一 步 穩 紮 穩 打 ， 任 何 事 都 講 求 公 平 合 理 ， 他 們 生 性 保 守 ， 對 年 輕 一 輩 所 崇 尚 的 自 由 開 放 較 難 以 茍 同 。 一 般 說 來 摩 羯 座 的 人 具 有 傳 統 而 守 舊 的 觀 念 。 他 們 有 著 強 烈 的 企 圖 心 ， 會 將 全 部 精 力 耗 費 在 追 求 成 功 的 事 業 與 社 會 地 位 ， 時 時 鞭 策 著 自 己 或 親 人 ， 但 常 因 對 凡 事 都 過 於 認 真 ， 而 忽 略 了 生 活 的 情 趣 。 他 們 對 事 物 往 往 有 自 己 的 看 法 ， 且 常 堅 持 己 見 ， 不 願 妥 協 ， 有 時 甚 至 自 以 為 是 到 頑 固 的 地 步 ， 讓 人 有 不 通 情 理 的 印 象 ， 故 易 使 人 產 生 反 感 ， 假 如 能 多 設 身 處 地 為 別 人 著 想 ， 會 更 受 歡 迎 。

摩 羯 座 生 性 謹 慎 ， 可 靠 ， 有 耐 心 ， 他 們 或 許 行 動 不 甚 敏 捷 ， 但 是 如 同 龜 兔 賽 跑 中 的 烏 龜 一 般 ， 持 之 以 恆 的 個 性 使 他 們 在 逆 境 中 能 發 揮 堅 忍 卓 絕 的 精 神 ， 而 獲 得 最 後 的 勝 利 。 他 們 腦 筋 深 沈 、 野 心 勃 勃 ， 組 織 能 力 甚 佳 ， 是 天 生 的 領 導 人 才 ， 喜 歡 控 制 別 人 。摩 羯 座 的 人 總 是 知 道 自 己 在 做 什 麼 ， 不 過 似 乎 很 少 看 到 成 為 領 袖 的 山 羊 （ 摩 羯 座 又 名 山 羊 座 ） ， 因 為 他 們 並 非 為 權 力 慾 而 爭 權 力 ， 權 力 只 是 追 求 理 想 的 工 具 ， 雖 然 摩 羯 確 實 具 有 領 袖 的 實 力 與 氣 度 ， 但 又 厭 惡 身 陷 權 力 鬥 爭 的 漩 渦 中 。 追 求 高 難 度 的 理 想 ， 使 得 摩 羯 座 人 鬥 志 昂 揚 ， 縱 然 因 而 搞 得 頭 破 血 流 、 傷 痕 累 累 ， 也 絕 不 放 棄 。 摩 羯 喜 歡 佔 住 首 位 ， 假 如 不 幸 有 人 跑 在 前 面 ， 他 們 一 定 會 竭 盡 全 力 去 超 越 ， 他 們 不 是 那 麼 想 做 「 第 一 」 ， 只 是 受 不 了 有 人 擋 住 前 面 的 視 野 。

摩 羯 座 的 人 充 滿 野 心 、 城 府 頗 深 ， 他 們 在 判 斷 事 情 和 從 事 研 究 工 作 時 ， 很 少 作 立 即 的 情 緒 性 的 反 應 或 判 斷 ， 通 常 只 做 有 把 握 的 事 ， 沒 有 十 成 勝 算 ， 至 少 也 要 有 八 成 把 握 才 肯 放 手 一 搏 ， 他 們 總 是 仔 細 考 慮 、 反 覆 推 敲 之 後 才 會 作 下 結 論 。

「 嚴 以 律 己 」 是 摩 羯 座 的 特 點 ， 最 怕 別 人 認 為 他 們 不 完 美 ， 所 以 總 是 嚴 厲 地 批 評 自 己 ， 對 自 己 的 過 失 一 點 也 不 寬 貸 ， 因 為 情 緒 總 是 在 緊 繃 狀 態 ， 所 以 脾 氣 常 會 失 去 控 制 ， 容 易 在 小 事 上 大 發 脾 氣 。 摩 羯 座 的 人 多 半 渴 望 被 瞭 解 ， 但 因 有 極 度 的 不 安 全 感 ， 對 別 人 不 信 任 ， 所 以 很 少 有 知 心 朋 友 ， 生 活 十 分 孤 單 ， 所 以 ， 你 常 可 見 摩 羯 人 擺 出 孤 寂 、 冷 漠 的 臉 孔 。 他 們 生 性 憂 鬱 ， 是 所 有 星 座 中 憂 鬱 氣 質 最 濃 厚 的 一 個 。

摩 羯 座 的 人 天 性 都 略 帶 羞 怯 ， 通 常 他 們 喜 歡 默 默 觀 察 別 人 的 表 現 來 決 定 接 近 的 距 離 遠 近 。 如 果 你 的 表 現 符 合 他 們 的 標 準 ， 和 他 們 的 期 望 相 符 合 ， 他 就 會 往 你 靠 近 一 點 ， 但 是 仍 然 處 於 警 戒 狀 態 ； 假 若 你 的 言 談 思 考 讓 他 覺 得 和 你 是 同 一 陣 線 ， 就 有 可 能 和 你 來 往 ； 但 只 有 當 他 開 始 把 心 中 真 正 的 感 覺 、 不 為 人 知 的 過 去 ( 例 如 戀 情 的 起 伏 ) 告 訴 你 時 ， 才 算 把 你 列 入 正 式 朋 友 的 名 單 。

摩 羯 座 的 人 常 會 有 人 際 關 係 的 困 擾 ， 尤 其 難 以 和 別 人 建 立 起 親 密 的 關 係 。 他 之 所 以 不 善 溝 通 ， 一 方 面 可 能 因 為 害 羞 ， 另 一 方 面 則 是 他 過 分 執 著 於 事 業 上 的 成 就 。他 們 會 壓 抑 自 己 的 情 感。 但 是 要 知 道 ， 摩 羯 其 實 是 個 雙 面 人 ， 外 表 冷 漠 ， 內 心 卻 是 火 熱 無 比 ； 看 來 現 實 ， 但 心 底 卻 渴 求 浪 漫 ； 他 們 不 喜 歡 失 去 控 制 權 ， 但 是 超 越 其 控 制 能 力 的 異 性 ， 對 他 們 卻 有 莫 大 的 吸 引 力 。摩 羯 座 個 性 保 守 而 傳 統 ， 認 為 戀 愛 到 最 後 就 是 為 了 結 婚 ， 當 他 們 一 旦 定 下 心 來 ， 就 能 海 枯 石 爛 ， 永 世 不 渝 。

摩 羯 座 的 人 不 會 冀 求 「 出 奇 致 富 」 或 「 一 步 登 天 」 ， 他 們 總 是 埋 頭 苦 幹 ， 按 部 就 班 朝 著 既 定 目 標 前 進 。 安 全 感 和 穩 定 的 收 入 ， 是 此 星 座 的 人 選 擇 職 業 時 首 先 考 慮 到 的 條 件 。

事實上中了9成.

>>January 2, 2003 at 11:38:14 PM GMT+8

2003 年 1 月 1 日 星期三 【晴】

元旦日無乜特別,留起家靜靜溫書.溫溫下好似有許多東西可以溫,但由於時間關係,我都係求求其其.夜晚本來想溫書但電視播叱0宅,超吸引,一睇就睇到2點幾.搜集埋D資料3點多先訓.

>>January 2, 2003 at 10:10:47 PM GMT+8

2002 年 12 月 31 日 星期二 【晴】

再過一小時多便踏入2003年了,很快啊！

今天算是我正式溫書的日子,除夕晚仍像往年一樣留在家,同樣要溫習,不同是比以前都輕鬆.

想一想,2002年比2001年開心不少.這年,難忘的是和祺,鍾,荀一起搵工,一起旅行的日子.最遺憾的是我0既A-Level最終都係失敗,入唔到理想0既大學.大轉變當然是由中學升大學啦,而且仲開始自己賺錢養自己.算值得高興的是生活比較舒服開心D,經常有充足睡眠.還有許多許多...整体尚算不錯,希望2003年能更加更加好啦！Happy New Year to all my dearest friends！

>>December 31, 2002 at 11:03:33 PM GMT+8

2002 年 12 月 29 日 星期日 【晴】

雖然話回暖,但我仍然覺得好凍.

我會經常想自己是個怎樣的人.試過不少次,我也不喜自己'悶'的性格(沒有太多見解,也欠缺創意),与我單獨一起時亦唔會有幾句傾(即使是平日很多0野講0既朋友也一樣),很苦惱啊...但這又怎樣,要改變嗎？改變了,我便不是我,朱便不是朱了！性格不應強求改變,是吧.唔舒服又點解要做落去.順其自然吧...

>>December 29, 2002 at 7:05:55 PM GMT+8

2002 年 12 月 28 日 星期六 【晴】

真係好凍好凍,凍到乜都唔想做,快D暖番啦！

頹廢0左幾日,今日算是有點意義了.我同媽媽去圖書館借了不少書回家看嘛！所謂0既悶,都係取決於自己點睇0者.我相信大家都係差唔多0者.

有番少少mood溫書喇...

>>December 28, 2002 at 6:16:07 PM GMT+8

2002 年 12 月 26 日 星期四 【雨】

一早,高生高太請我去飲茶,仲送0左份聖誕禮物(一件衣服)俾我,真係幾開心.

之後,我好頹廢0甘坐在家中等時間過(仲未有心機溫書啊...),都唔知自己做緊乜.

晚上又去了大智家打牌(大家都上癮了！？)

好快就2003年喇！

>>December 27, 2002 at 12:51:23 AM GMT+8

2002 年 12 月 25 日 星期三 【晴】

平安夜的翌日,所有事都回歸平靜,但心裡仍不斷泛起浮波,是多思多慮的緣故吧.

不想再想太多, {本來無一物,何處惹塵埃} ,令我澄明不少.

>>December 25, 2002 at 9:25:37 PM GMT+8

2002 年 12 月 24 日 星期二 【晴】

誰又騎著那鹿車飛過
忘掉投下那禮物給我
凝視那燈飾 只有今晚最光最亮
卻照亮我的寂寞
誰又能善心親一親我
由唇上來驗證我幸福過
頭上那飄雪 想要棲息我肩膊上
到最後也別去麼
Merry, Merry Christmas
Lonely, Lonely Christmas
人浪中想真心告白
但你只想聽聽笑話
Lonely, Lonely Christmas
Merry, Merry Christmas
明日燈飾必須拆下
換到歡呼聲不過 一剎......

哈,以這首歌做前奏是贈自己興,說的當然是自己無拖拍一事啦！唉...聖誕總是這樣嘛...>_< 不過,今個Christmas都唔係真係好Lonely 0既.

同鍾,Si,Erica 睇0左英雄喇！武打動作場面(慢動作0個part幾似22世紀殺人網絡),美術設計(我好喜歡D顏色配搭),聲效都做得非常出色.全劇演員都能把角色的神粹做得很透徹,而最後一幕更是震人心弦,盡把英雄那种孤寂無奈描繪得淋漓盡致.

晚上去了大智家打邊爐.我覺得很唔好意思喇,自己就坐係度打機又唔幫手,等人服侍0甘.玩0左一陣好快就11點幾,一D朋友走0左先.剩下成班寡佬,於是開始我們的麻將大戰.打下一個鐘,打下又一個鐘,時間過得超快.到了4點半,洪他們堅持要走(其實我仲未想走),於是大家坐的士回家.返到家,我都唔係好睡得著.我想大概6點才能真正睡著.

>>December 25, 2002 at 3:57:34 PM GMT+8

2002 年 12 月 23 日 星期一 【晴】

今天比較特別的事是我去了配新眼鏡,好彩度數只是升了50度左右.不過也很多喇,我現在有700幾近視,300幾散光,horrible！！！

平安夜前夕,很多事發生.我不只希望自己的生活能快快樂樂地度過,也希望身邊的人能開開心心.香港人也應該樂觀積極D嘛！呢幾年(大概近3,4年)0既聖誕平安夜,我仲好清楚記得做過 D mud. F.5 是和 Tommy同Victor過的(0個日下午仲番過教會添,見到好多人).F.6 同Tommy, Victor, Donson, Annie, Jackie一齊,之後仲 join埋祺,Vincy,Ka.上年就同Jackie,Si,Anna一齊睇戲.其實每年的一些大節日,尢其聖誕,縱是有許多朋友陪著,內心總是有點不是味兒的感覺.天氣冷,心也涼浸浸.一年又一年的過去,昨日發生的事就像今天發生.唉...說真的,我很懷念過去的日子啊！

>>December 24, 2002 at 2:47:14 AM GMT+8

2002 年 12 月 21 日 星期六 【晴】

好慘呀！我等0左0甘耐就係想等到今天買GBA,點知全線加價,車錢都蝕埋.我當然忍住唔買啦,不過0甘就無聖誕禮物啦！唉...

>>December 22, 2002 at 12:09:16 AM GMT+8