2003 年 9 月 9 日 星期二 【晴】

一早和 Si去了睇戲,難得大家有空耶 :-D 係冇乜人嘅情況下霸唒成個戲院睇戲都幾有趣啊 !

之後各有各忙,我就趕返學校上堂(星期二只是上下午的兩堂),返到去還是遲了少許,但既然第一日上課應該只是講些無關痛癢嘅事情吧(我想... ~_~").可能始終未warm up,都唔係好知professor講乜,也覺得讀嘅野(主要係電影欣賞評論,符號學解構...)唔係太貼課程名Contemporary Cultural Studies.另外亦估唔到第一堂真係即刻有功課做,而且仲係要用e-mail send 返俾professor添(唔好怪我大驚少怪,樹仁不嬲都好似唔係好 IT嘛...).上咗呢堂,有啲覺得真係嚟料,意思係啲野真係較難讀,並認真起來,唔似 Year 1咁兒戲.或者如沙哥說今年開始計 Hons,乜都認真啲喇 !唔知對其他科又冇同樣感覺呢 ?

接著補習補到 8點,個靚仔話請我聽日同佢去會所BBQ.本身真係唔想去,但佢又盛意拳拳,結果拗唔贏答應了他.即管看看明天是個什麼光景...

>>September 10, 2003 at 12:56:19 AM GMT+8

2003 年 9 月 6 日 星期六 【綿綿細雨】

晚上睇睇吓電視時收到Jackie嘅長途,都幾surprise 0架,得知佢11月會回港,蠻不錯耶 !另外又知星期一不用上課,個professor返唔切呢香港喎,無喇喇又一日假期.哈...其實我真係想快啲返學0架...

>>September 7, 2003 at 1:54:19 AM GMT+8

2003 年 9 月 5 日 星期五 【綿綿細雨】

今天一早約了荀子同祺子游水水,但祺子放了我們飛機,於是只剩我和荀子二人.可能因為開了學及天氣不穩定的關係,泳池特別少人,不過個feel就好正.另外因為下午有學校租了泳池作比賽用,所以泳池鋪滿了比賽用的繩索.身在其中游泳,真的有比賽的感覺.

與小荀子遊蕩了一會,他陪我回學校睇electives嘅結果.唔知好唔好彩,TV Production(幾好,讀唔使上到7:30的一班) 和 Chinese Culture and Society兩科都讀到,但Photography 卻被 Marketing取代.雖然能夠讀 Marketing也是值得欣喜的,但我以後卻要一星期返六日,而每天則只上兩三個鐘的課.天耶 !既是如此,還是隨緣吧...

>>September 5, 2003 at 3:44:25 PM GMT+8

2003 年 9 月 2 日 星期二 【驟雨】

學生會的 o camp 在八號風球的威脅下終提前一日結束了.對我們來說,這次o camp純粹是我們租房打通宵牌,可以吃喝玩樂,睇freshmen做show嘅活動.很疲累,很疲累...臨走時大家都猶如行屍走肉.雖然下午回到家已昏睡了好一陣子,但現在還充滿濃濃睡意啊 !

我發覺沉睡了的自己真的會什麼也聽不到.如有人搔擾睡得正濃的我,我甚至會破口大罵,不過自己可能在睡醒後也估唔到會說出這種話來.



>>September 2, 2003 at 11:30:48 PM GMT+8

2003 年 8 月 31 日 星期日 【晴】

真係唔知點解,我每次去camp或者去旅行......都總會下雨,甚至刮起風球來(起碼去10次有9次會係咁)...好無奈.真的是貴人招風雨嗎 ?

>>August 31, 2003 at 7:19:08 PM GMT+8

2003 年 8 月 28 日 星期四 【酷熱】

今日回校註冊及選科,並且在之前先排了o camp的營舞.很有趣啊 !希望那三日兩夜大家都可以玩得開開心心啦 !

選科是令人振奮的.今年感覺上多番啲實際實用嘅科目讀,而且也像較有挑戰性(希望實際上是真的好玩也好讀).我還是依自己興趣選科.在elective中的科目,我是這樣排次序的 :

1) TV Production and Practicum
2) Introduction to Photography
3) Chinese Culture and Society
4) Introductory Psychology
5) Principles of Marketing
6) Introduction to Business
7) General Western History

總之希望可以選到頭三個choices啦 !另外也希望可以充實點啊 !



>>August 28, 2003 at 11:16:52 PM GMT+8

2003 年 8 月 27 日 星期三 【晴】

今天去了西貢鹹田灣(這個月第三次去西貢了-_-...遲啲o camp又要去多次...),其實本身真的不想去,但義氣當頭,當然義不容辭.

這次旅程所遇到的問題比較多及麻煩,但也只好抱著見步行步的心態進行.由於輝有要事做不能陪大家去到鹹田灣,剩下幾人就惟有繼續前進,只是氣氛不能再錦上添花.辛苦地到達目的地,邊玩邊等Winnie and Friends來,也不知不覺等到5點多,正是大家急著要離開的時候.雄哥很重情義堅持等待,終於守得雲開見月明,在5點半Winnie and Friends登陸鹹田灣了.其實我也想留下玩多陣子,但已約了人7:30的我就像熱鍋上的螞蟻顧不了太多,只有急著要走.因此,離開走同樣的山路也不覺疲累.乘完船,飛的,飛小巴,再飛地,終可於7:55到達旺角地鐡站,奇蹟地只遲了25分鐘(比預期中少了).
旅程過後覺得也不太差,比想像中開心,也難得見到只回港兩星期的Ada.

到了旺角地鐡站後,大姐Emily原來尚未來臨,於是我們等了一會便改道到佐敦吃泰國餐.再次聚會的感覺仍然很好,二姐三姐依然好玩.雖然大姐事後又話我組織得不好(cher~~攪活動就是這樣吃力不討好...>_<),但好在三姐知我苦心.不過無論如何,我以後會做得更好的(也不能指望其他人呀 !).

雖然開心,但開心背後也是有沉重的代價......今天的活動費用遠超出原定budget,很苦啊 !唯有希望9月份可以補番多啲,又避免不必要的活動吧 !

>>August 28, 2003 at 12:39:07 AM GMT+8

2003 年 8 月 24 日 星期日 【雨】

雖然掛著三號風球,但一群人還是高高興興地和李sir吃飯.外面下著大雨,我們啖著咖啡,很好的感覺.

又一次証明自己是多麼的廢......唉......

心情仍有點壞,但已有好轉了.


>>August 24, 2003 at 11:38:46 PM GMT+8

2003 年 8 月 22 日 星期五 【雨】

好好休息幾天,也想封閉自己一陣子...

不放棄

>>August 22, 2003 at 6:38:41 PM GMT+8

2003 年 8 月 21 日 星期四 【雨】

推辭了幾次,今天終和祺祺去了California做gym,但不知怎地真的感到壓迫感.試了不少設施,但最有趣還是焗桑拿,這可是我第一次試啊.能試試這些高尚活動可算不錯,但草根還是草根,我也玩不起這類奢侈活動(除非在市政局啦),待我大個仔賺到錢再算吧.

其實祺祺依家咁積極搵工,參與不同活動嘅動機也是正確的.雖然自己一向很懶,只想'攤'著等運到,但從今也要開始逐步積極投入,為將來鋪路,更何況我也是個男人...自信自己的人際關係尚算可以(人事關係卻差透了),頗容易跟別人攀談起來,但其實我卻討厭這種虛偽的動作,對沒有興趣嘅人和事,一向也就不屑一顧(所以跟本唔适合做PR).無奈人在江湖身不由己,很多時很多事是人力所不能操縱的,但只要能自己操縱的話,我必會去做自己想做的.我就是不想被死板的生活規範.

今晚不明所以有點鬱悶,只是合著雙眼聽著一些悲傷l的音樂.為何 ?又是憂慮嗎 ?是自找煩惱嗎 ?半途而廢的原因是因為看不到終點,不知自己堅持的是對是錯.失去了的,能再尋回嗎 ?此時此刻,應叫自己收皮嗎 ?


>>August 22, 2003 at 2:09:15 AM GMT+8