2002 年 10 月 4 日 星期五 【晴】

唉～今日一返到學校就係咁趕功課，又要趕返之前無交o個ｄ喎)>o<(""
話左過左９月就要俾心機架啦!!!!!!!!!!!
哈哈，不過唔知點解好開心啊～
因為自己好耐無咁努力啦>.<~唔講以前，開左學咁耐都未做過功課~~
見到自己咁努力突然好開心添~~嘻嘻>v<"
(唔知阿佘會唔會都開心呢？)

不過之後就仆街ｄ～
頂，Elisa唔見左paperⅢ 喎~~咁成班咪一齊幫佢搵囉~~
咁大本paperⅢ 都可以唔見得???!!!!!!
至仆街既就係坐我前面條友竟然話Elisa本paperⅢ係傳左落黎我到!!!
屌，我見都未撚見過!!!!!!>______<""

跟住一放學就俾人『的』左入訓導房~~
行入去第一句就聽到佢話：「我希望唔係又係關你事」
我頂，又會關我事既!!!!!!!!!
係偷都唔撚係淨係偷佢一本paperⅢ啦!!!!
戇Ｑ架佢都！
跟住佢問鳩Elias同我係咪又牙齒印，Elisa又唔撚答佢喎，淨係望撚住我咦咦哦哦~
搞到好似我恐嚇佢唔俾佢講野咁，仆街~~~~
屌，又俾大方話鳩我，搞到實Ｑ係我偷咁…
我個底係唔好啊，咁洗唔洗乜撚野都話鳩我啊？！
哼>__<""

跟住放學之後欣子黎左我屋企上網+開e-mail~~
(上我屋企之前同我同文文去左煲煙>v<")
哈哈，上到去之後，條仆街係咁拎我個ｉｃＱ黎 "fuck"人~~>_<"俾佢激死～次次都係咁～

佢６點幾就走左Lu~
跟住我８點幾就出去跳Ｂ~~
哈哈，今日買左頭盔啦～開心>v<"
嘩，今日一開波，百濱就勁勇咁齋搵個頭落地轉~~~~哈哈，跟住仆街~~~~
撻得應啊呢野！！甘啊！！

(之後打芳子都出埋黎啊>v<")
點知佢撻完之係就到我……T__T"痛……
撻到我成個胏膝頭哥損晒.....T___T好痛啊……
搞到之後都唔夠膽放膽跳…隻腳痛到仆街…......灰啊.....

『一死(百濱)一傷(我)一灰(匡)』

不過…今日阿佘打左幾次俾我啊～嘻嘻~~~~~>v<""

　　　　　　　　　　　　　　　　　　　　　　　　　　　　　　　　　　　　　　　　　１８２２…

>>October 7, 2002 at 1:41:02 AM GMT+8

2002 年 10 月 2 日 星期三 【晴】

唉～今日發生過ｄ咩…
都唔係好記得lu……

淨係記得今日同佢地影左好多相^^~
(琴日阿佘個筒影唔晒嘛>.<")
好開心啊～好耐無四個一齊影相啦>v<~~~~~~
一定要晒一張擺係銀包!!!!

之後返到屋企，又唔夠膽訓覺喎......
要等阿佘電話....一日得一個架咋！好珍貴架，唔ｍｉｓｓ得架！
好彩佢今晚都唔係好夜打黎…
嘻嘻，佢今日買左電腦啦^^~~
唉～不過仲未上到網住啊............)>__<(""

佢啊…咁快就識左個『aunt』個女啦>__<.....
１５歲.....哼!!!!!

　　　　　　　　　　　　　　　　　　　　　　　　　　　　　　　　　　　　　　　　　１８２４…

>>October 7, 2002 at 1:37:49 AM GMT+8

2002 年 10 月 1 日 星期二 【晴】

唉～今朝５點就起左身……
阿佘今日走啦……
衰人黎架><""又話陪人傾通頂~又話好多野同人講，點知又係訓左覺……Ｅ~~>__<""
唉～唔捨得佢啊……
不過佢應承我話會日日都打一次俾我架…唔知佢會唔會賴貓呢.......?>.<"

７點幾無野做係到寫野既時候…思域打黎……
唉～覺得自己好衰.....其實我唔係有心玩佢........
只不過…
其實我都有諗過係咪唔應該為左阿佘而放棄思域…但係我又知道如果我唔係同返阿佘一齊既話我實會後悔......我係唔會自己有後悔既機會架……
佢講下講下，我地都停左好多時間無講野......原本諗住同佢講分手架啦......但係......最後都係無講到.....
但就算今次唔講.....我下次咪又係講........
阿貞發覺原來自己唔鍾意一個人既時候，就會變得真係好唔鍾意…好狠都得……
而家我對思域咁絕…總有一日我會有報應架…下次就到人地對我絕架啦...........

跟住今日１１點就出左去啦～
去左西九買野俾佢啊～
嘻嘻，買左個超大既麵包超人俾佢啊～哈哈，等佢日日都攬住我訓>v<""
(哈哈，其實我自己都想買隻擺係自己屋企架～)
唉～都唔知做乜…搭地鐵出去個陣…
到石硤尾個陣諗起佢一陣就要走，無端端想喊…跟住眼紅紅係到死忍……忍都紅晒到深水鶠K無諗過自己會未見到佢就咁……

不過激死我啊>__<""咁阿佘４點機啊嘛～點半就要到機場喎～即係１２點幾１點就要係西九走~~
點知啊~~~~~~~~~~~~~~~麵包超人個檔野成１點先開喎!!!仲要啊，死欣子佢揀野揀鬼咁死耐!!!!>____<""
激死我啦～搞到我成兩點幾先到機場啊……哼>_<"
阿修佢地又無黎喎~~諗住可以見到佢地添……
不過都有好多人黎啊～阿賴阿nga、阿喬阿驅、佢阿姨…仲有波子阿聲阿包…仲有好多啊～(連我最討厭個ｄ柒頭都黎埋-__-")
去到機場…佢阿爸阿媽都係到，叫我地去食野…
不過我都無去到……係出面等…
之後攬住個麵包超人同佢影左好多相啊^^~

之後佢好多時間都俾左ｄfds........
到差唔多時候.........自己隻眼都開始紅晒....佢阿媽又勁啤住我喎........唉～
不過都係無喊到……
佢係入閘之前……都無攬我一下.......不過我明既.........
入閘之前.......最後一眼........好想喊....

佢一入左閘之後，我就即刻轉身走......講都無講過野........怕自己會喊出黎……
(其實好無禮貌....至少應該同ｄ人同佢阿姨講聲再見.........但真係怕一講野就忍唔住…)
之後一路忍..都無野.......都諗住自己唔會喊架…

點知之後忍唔住打俾佢....個陣先黎喊……
其實真係好唔撚捨得佢…唔撚想佢走…
我有諗過今次會唔會係『真正既分手』……其實好怕……

之後出左去深水鶨薱它P埋順便教埋Yammi收針～拖左佢咁耐，真係唔好意思……
其實好攰....好想返屋企訓覺....仲有等佢電話…
不過後尾阿nga話想食『油揸麵』，所以就同佢去左食~~
個個都話好食~~但我咁大個女都未食過喎…其實都幾好食^^~

之後返屋企lu........
真係好攰啊.......又喊完.......夜晚返到屋企都仲好想喊........
但係又要等佢電話喎.......
好左最後佢都有打黎…雖然我個陣已經好攰好攰……
聽到佢把聲......佢好似好開心咁............唔知佢有冇掛住我呢？

　　　　　　　　　　　　　　　　　　　　　　　　　　　　　　　　　　　　　　　　　１８２５…

>>October 7, 2002 at 1:36:13 AM GMT+8

2002 年 9 月 30 日 星期一 【晴】

屌～今日都唔知做乜撚野～
成９點先起身喎!!真係仆街～
成１０點先返到去>_<""
索性唔鬼上個兩堂地理添啊～>.<

唉..阿佘聽日就走啦～
唔捨得啊……

於是今日放學之後就同佢出去.....
唉>.<今日本身已經要上Ｐ.Ｅ架啦～仲要帶衫出去換喎>.<~
勁重啊個書包～～
不過算啦.....

唉，原本諗住同佢出夜晚＋上山頂架～
但點知佢夜晚又要食飯＋無錢喎>.<~~~~~
所以我地就去左睇戲～
Ｅ～原本諗住去睇《我家有隻河東獅》架～
但係點知要成１１點先有場喎……真係激死人啊>_<~
於是我地就去左睇《索女十戒》啦～
唉，最後一次啦.......再睇....就要下年啦..係得佢肯成日陪我睇戲架咋...
哈哈，唔知係咪我地早去睇呢？！全場得７個人睇咋喎~~嘻嘻
不過其實都唔係唔好睇啊^^~嘻嘻，不過呢套戲俾左個好強烈既感覺我═→就係套戲勁講扑野～哈哈
不過唔係衰野黎架～>.<""

唉～佢一睇完就要返去食飯啦……
原本諗住佢返屋企食飯我就去買禮物俾佢架～
之後講下講下，決定入麗城~~
等佢食完飯就可以出黎啦~哈哈~~聽日先買禮物lu~~~~~~嘻嘻～

佢最早都要９點先走得啊>_<""
於是我就係荃灣行住街街等佢啦^^~(仲一路拎住佢個電話係咁係到煲粥添，哈哈~~)

終於等到９點，佢出得黎啦^^~~
唉........其實見到就梗係開心啦.....但係....唉.....一日咋....唉.....
之後好搞笑啊～佢唱左首『一生愛你一個』啊～嘻嘻>v<~~(係就好啦～哈哈~~)
唉.....我地兩個.....都好似好傷感咁...

之後........都要走lu....
哈哈，臨走個陣佢上屋企拎返ｄ野俾我喎~~
點知佢阿媽竟然叫佢俾盒月餅我喎~~真係攪笑~~哈哈^^~




『『當 分離在即 相隔遙遠兩極
要別去的 只能加倍地愛惜
好像雙手一放 雖然充滿盼望
生命都給牽走一片 最好的....』』


>>October 3, 2002 at 7:16:17 PM GMT+8

2002 年 9 月 29 日 星期日 【晴】

今日一朝早就起身~~
然後出左去新浦崗度同阿佘~阿聲~阿包~仲有阿驅佢地去左飲茶~~
唉....好耐無同佢去飲茶啦......
哈哈，不過今日係『百樂』飲茶勁平喎!!
大中小點都係＄４.８咋！！連我至愛既乳鴿都係＄１０隻咋!!!!哈哈>v<~~~我地仲叫左４隻添!!
(連星期日都有特價，抵！！)

飲完茶之後，就同阿佘去左配con...
E..........人地都叫佢唔好配架啦...都唔鍾意佢配.....
不過算啦....佢like啦...反正都Ｏｋ....

之後係到行商場喎～
點知...嘻嘻....竟然俾我見到麵包超人既匙扣喎~~>v<~~
買左啦^^~個頭好大~~㊣~~好得意架>v<~~開心~嘻嘻~

跟住無野做...
阿驅又話想入下Ｂａｎｄ房喎~
於是佢地心血來潮~~興起就去左夾Ｂａｎｄ～
唔....不過睇佢地夾Ｂａｎｄ.....
好似差ｄ......
都係得阿佘一個係認真ｄ咁……

之後.....阿佘佢地就要去阿婆屋企同ｄ親戚食飯喎.....

唉......跟住夜晚..佢打黎喊啊....
因為佢阿婆.....
唉.............搞到我都想喊添……

>>October 2, 2002 at 7:46:48 PM GMT+8

2002 年 9 月 28 日 星期六 【雨】

唉～琴晚鬼死咁攰~~
今朝一早就要返學補課啦>.<~
又遲到啦.....又比Mrs.Ho屌啦....
今日先知，原來補課遲到係計埋入平時遲到架.....仆街啦今鑊......

唉～初時都好ｄ啊~
跟住愈黎愈唔掂喎~~中間放３個字Ｂreak~竟然訓著左喎>.<~仲唔識起身添>.<~~
之後比人打返醒~~但都好唔掂~~~~開始完全唔知佢嗡乜，一個半昏迷既狀態......>__<

但係點知一放就精神晒喎~~
之後返屋企食飯換衫去阿佘到^^~然後夜晚就同佢阿哥阿嫂打邊爐~~Ｙｅａｈ～
(原本話去唱Ｋ架，不過無左下文>.<)

唉....原本諗住睇《戀愛行星》架嘛.....
點知睇下睇下訓著左........>__<''又睇唔晒啦.......
唉～

到我起身既時候，就係阿佘個阿哥打黎話要早ｄ去既時候啦～(灝灝唔夜得啊～>.<~)
因為我要買波鞋啊，所以我地６點幾就出去lu~~
之後啦，我就買左對addids~
其實想買個對nike架....不過又唔想買白色底喎.....
算啦~個對阿佘揀既~都幾好啊^^~~

之後同佢地去打邊爐~~(９點前＄６８，９點後＄４８＊任食啊～抵！！)
哈哈，食左勁多野啊～(尤其係肥牛啊～)今次實肥死啦~~
不過真係好鬼死飽啊～跟住同阿佘阿哥佢地又攪笑喎~~開心^^~~
不過係佢阿哥講啊今次....可能係當幫阿佘餞行啦.....

嘻嘻，點知打完邊爐仲有下文喎~~
佢阿姨打黎叫佢去唱Ｋ~~阿佘又叫埋我去喎~~
其實我覺得我去好怪架.........(唔係咁好意思>_<'')
不過想見多佢一陣嘛....所以都係去左~~嘻嘻~

佢阿姨@其實我覺得佢好㊣啊～唉～如果我老母都係咁就好啦.....>.<
不過佢好似知好多野咁......唔知佢會唔會都係唔鍾意我呢.....?
唉.... '
唉～唱Ｋ又係佢阿姨俾>__<''''

唱Ｋ唱到２點幾啊～成３點先返到屋企~好彩無俾人屌姐^^~(返屋企個陣落大雨啊>__<)
今日.............整體黎講都幾開心既^^~~

*~p.s.~~今日同阿佘行尖咀個陣.........佢......嘻嘻>v<~好抵錫~~~

>>September 29, 2002 at 10:38:34 PM GMT+8

2002 年 9 月 27 日 星期五 【晴】

今日係星期五，
原本係跳Ｂ既日子黎架～

不過今日無去到跳Ｂ啊～
同阿佘去左山頂^^~~

今日放左學之後同文子去左彩虹煲煙喎～
好好feel啊個到~~
唉～好耐無同佢咁樣去煲煙啦>.
跟住返屋企食飯先～不過返到屋企已經５點幾啦～
無時間訓覺lu>.<~~

食完飯，８點幾出左去lu~~
阿佘黎左接我～
不過佢仲未食飯啊>.(至衰我食左飯啦>___<~~)我就食糖水，嘻嘻～～
(連續幾日都同左佢係屋企樓下食糖水啊^^~~佢話ｄ糖水夠凍喎～～)

食完糖水之後就上山頂lu~~~~
E~~至衰夜去啦.......
無得玩個ｄ野.......T___T~~
不過算啦....
但係係中間.......hehe~~

跟住我地係到睇人整『蠟手』喎～
但係我地無整啊......>.<
唉...整一隻都唔知擺係邊個到好......
嘻嘻，如果真係同佢結婚既話就整～
咁就可以擺係「我地」既屋企～唔洗煩，嘻嘻>v<~

唉....又唔多時間喎...上得好少時間咋!!!>____<~唉...
hehe~~臨尾同佢影左張相啊>v<~~係即影即有個ｄ啊~~開心~~
哈哈，不過就係因為呢張相~~~~~~~
尾班纜車明明就係１２點架嘛~
我同佢影完張相個陣架尾班車明明都未黎架!!
點知個門口鎖左喎!!我地又搵唔到門口入!!>__<
唉~~~就係咁..........唉~~

唯有搭小巴落去啦我地....蝕水添......>.<~~
跟住搭地鐵返屋企~~不過佢無送到我返屋企啊~(如果送我返屋企咁佢就無車搭架啦!!)

唉....但係點知.....
返到屋企先知大鑊.........條鎖匙係佢到啊~~~~~~~~~~!!!!!!!
唉~~~~~
全屋又訓撚晒喎~~仲訓到鬼死咁好添~~
跟住專登落返去Ｓｅｖｅｎ打電話喎...點知我老豆竟然話佢幫我打返屋企~叫我返門口等喎>.<~~
唉~打俾阿佘，佢竟然叫我過佢到訓~~
哈哈~~雖然想見佢~~不過~~~~~~無可能啦>__<~

唉.....最後返屋企門口，等下等下.....訓著左............-__-
唉....好彩老豆今次都算有ｄ良心，兩點幾就返黎~~
終於都有門口入啦....T____T
返屋企第一時間打俾阿佘~好彩佢未訓咋..T__T

>>September 29, 2002 at 9:39:11 PM GMT+8

2002 年 9 月 26 日 星期四 【晴】

唉~~今日又遲到啦>.<~又記多個缺點啦....
開左學都未夠一個月....已經幾個啦.......仆街啦今鍋......
哼>__<~今日仲要俾Mrs.wong捉左幾次添!!!
(連耳針都記我.....都好針對性姐.......)
都唔知點解我同佢咁有緣~~一日見幾暈~~淨係佢都佔左我缺點紙既一半數目啦.....T__T
仲要俾佢訓話添.....
不過算啦...佢都係做返佢做訓導既本份姐........又係自己衰既.....

haha~~不過今日好開心啊~~
Mrs.ho讚我表現好左啊>v<~~又話我上堂留心左wor^^~hehe~~
不過佢話我要俾多ｄ心機去追返中四ｄ野啊.......
E~~~~~至衰都係上年o個個仆街Woo Woo~~
都唔知佢教乜撚野~~搞到我而家ｄ地理咁撚差>__<~~
算!!

跟住放左學之後.............
同阿佘去左睇《我老婆唔夠秤》~~
原本諗住去又一城睇，順便同埋阿佘去Double Part買衫架....不過........
唉......聽聞『佢』今日會去Double Part買衫...所以....唉...
算啦....費事見到......
最後我決定唔去又一城睇，去九龍灣睇>__<~(不過近我，hehe~~)

睇完之後.....
同阿佘坐左係出邊食野.....
跟住佢話.......佢會買隻鑽石介子俾我喎......
唔知會唔會真係呢.....？
有少少期待添.......其實都真係有諗同佢結婚架......
唔知會唔會啦.....唉....好遠既事啊....>.<~~

唉.....人地琴日先買左包煙......今日就得返３飛咋........
聽日又要買過.........>.<~~

>>September 26, 2002 at 11:06:23 PM GMT+8

2002 年 9 月 25 日 星期三 【晴】

為左要去新加坡既一個人開既~~

>>September 25, 2002 at 12:26:34 AM GMT+8