2007 年 9 月 2 日 星期日 【晴】







>>August 27, 2007 at 10:12:34 PM GMT+8

2007 年 9 月 1 日 星期六 【晴】


Diana’s family recalls ‘best mother in the world’
Sons, ex-husband Charles lead service 10 years after princess’ death
Updated: 11:02 a.m. ET Aug. 31, 2007
sources:
09月01日 Sat 1:19:38
Study: Warming will worsen inland storms
Twisters, hail, lightning 'likely to happen more often,' NASA expert says
Updated: 9:07 a.m. ET Aug. 31, 2007

差o的唔記得 今日係「梁歡」(梁廷歡) 牛一添 不過好多中學同學都唔知去o左邊lu (失去聯絡) 包括佢! 09月01日 Sat 1:36:10

最近因為開o左個yahoo blog 之後就發現o左原來香港有唔少同路中人都o係那裡開blog 分享經歷
也因此認識了三、兩個朋友 ~ 雖然未見過面
但另一些也想認識的朋友 ~ 在那裡留了言 ~ 但卻遲遲未見回覆
很忐忑 ~ 是他們不相信? 太忙? 定係當正人家是怪人 / 白撞呢?
係唔係都應該出句聲丫 ~ 要鬧又好 要同情或支持都好丫 ~ 係咪先 ... ...

因為開了那個blog 又重看了2005年6月13日 「平o左日報」介紹自己 (個病) 的那單新聞
發現 原來 個病真係罕見得像「怪物」
間唔中 會見到o的暖流版話 那些病患者 個病幾咁罕有
原來自己那個亦一點也不賴呢 : o係美國 每一百萬人先有兩個人有
如果按此比例 全港應該得十三、四人 同病相連 (包括自己)
如果真係一旦患上 頭五年內 死亡率達五成的話 可能同病相連者會得番十個八個都唔定呢
在yahoo blog裡看見一個23歲話自己係淋巴癌 又話打o既針係最勁o既紅色針呀咁 .. .. ..
真係唔知畀咩反應好 ~ o係TMH 不知幾多人都有得紅色o既針啦 啥叫紅色針先?
佢又話每種癌症都有自己o既組織 ~ 咁又真係唔知呢個 曾經醫生都叫病人自己打算
又全港唔知有冇最過十個人有o既osteosarcoma 又係咪真係有自己o既組織
真係想集合晒那十個、八個 ./ 十三、四個人出o黎 都睇怕係一件幾艱巨o既工作
自問就冇咁大o既使命感了 ... ...

以下是當日的新聞轉載 有興趣者 可自行click入去看一看 :
罕見同嚇人程度 真係唔係呃您!! 09月02日 Sun 0:31:32

骨 肉 癌 死 亡 率 達 五 成
骨 肉 瘤 （ Osteosarcoma ） 是 一 種 罕 見 的 原 發 性 骨 癌 ， 佔 所 有 兒 童 癌 症 的 百 分 之 三 ， 大 部 份 患 者 的 年 齡 介 乎 十 至 二 十 五 歲 之 間 。 雖 然 罕 見 ， 但 骨 肉 瘤 致 命 率 很 高 ， 一 旦 患 上 ， 頭 五 年 的 死 亡 率 高 達 五 成 ， 而 生 還 患 者 中 ， 不 少 要 接 受 截 肢 手 術 以 保 命 。
患 者 多 介 乎 10 至 25 歲
骨 肉 瘤 出 現 的 位 置 ， 最 常 見 是 在 膝 蓋 附 近 、 股 骨 下 端 、 脛 骨 上 端 和 肱 骨 上 端 。 肉 瘤 會 局 部 破 壞 骨 骼 ， 並 侵 蝕 周 圍 的 軟 組 織 ， 然 後 沿 住 骨 髓 腔 擴 散 ， 最 常 見 的 擴 散 部 位 是 肺 和 其 他 骨 骼 。
骨 肉 瘤 不 是 常 見 的 癌 症 ， 在 美 國 每 一 百 萬 人 中 只 有 兩 人 患 上 ， 每 年 共 有 九 百 人 患 上 ， 其 中 六 百 人 是 兒 童 或 年 輕 人 ， 即 兒 童 和 年 輕 人 發 病 率 比 成 年 人 高 。
這 種 骨 癌 的 常 用 治 療 方 法 ， 是 切 除 受 癌 侵 蝕 的 肢 體 部 位 ， 因 此 不 少 生 還 者 都 曾 接 受 割 除 肢 體 手 術 。 但 隨 著 外 科 手 術 進 步 ， 醫 生 現 已 能 單 單 切 除 腫 瘤 ， 令 病 人 保 住 肢 體 。
英 國 《 觀 察 家 報 》 / 《 蘋 果 》 資 料 室
不過最令人疑惑o既係 「五年」是甚麼意思?
發病後五年? 邊個知幾時開始發病呀? 可能到發現時已經過o左三年呢?
又邊個知又一個唔正常o既細胞開始分裂 到變成一粒豆咁大 一個高爾夫球咁大 再到一隻雞蛋咁大要幾耐呀?
如果係手術後先開始計五年 唔通唔做手術 就乜事都冇 就會冇「五年內死亡率達五成」?!
自己會唔會係o個五成呢?

因著那yahoo blog
認識到一對很恩愛的夫婦 ~ 又因著他們的blog 找到了他們的恩人之一 : Nancy
她懂得另類療法的 ~ 而且,從「糖果」口中得知 還真想奇蹟 / 顯靈般 靈異
真想見她一面啊
而她亦成為本人yahoo blog的第一個留言者
真的要多謝她呢!
之但係佢叫人當自己好番 唔好諗自己係病人 ~ 其實都幾難的 .. .. ..
＊事關 就算自己唔當自己係病人 ~ 其他人又點睇呢?
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
晏晝兩點上到去「敢秀」 ~ 睇輕鐵真係等得辛苦 睇晒去兆康同元朗o既610 615 615P 同去三聖o既505
先發現 似乎都應該係o係樓下等那班七分鐘先到o既505 (往兆康) 最划算
架去三聖 (經市中心) o既505 成二百人呢
一上西鐵站 就發現走o左班車 之後o個班車 坐隔離有個女人 鼻水由兆康一直流到人家在元朗下車時都未流完
衝落巴士站 ~ 差點就走了一班「敢秀」巴
最近覺得佢o地o的班次疏o左恁樣 ... ...

去到「敢秀」 ~ 個姐姐話做剩兩版題目 其他都做晒 仲對埋答案 (o岩晒添)
係就安樂晒喇
之不過o個兩版 都做成兩個鐘喇 ~ 仲要係有指導下 都要兩個鐘
真係唔敢諗 如果係測驗會點
應該一早搵番人同佢補底啦 ~ 佢o地就係由七月拖到八月中 再拖到八月尾
不如交白卷畀老師啦 ... ...
難為佢o地爸爸可以o係個官面前講兩個女 o係佢指導之下已經做晒所有功課 (仲識晒)
係就唔駛搵人 (李老師/老師仔) 幫佢兩位千金o係五日內合共補十四個鐘啦
佢都唔知有冇對住佢兩個女o的功課十四個鐘 ~ o係一個月入面
不過 有個遺憾就係 有條數始終諗唔到 ~ 可能呢個就係拎B同拎A o既分別

兩位小姐o既媽媽預支o個一千大洋 原來都唔夠畀添 ~ 不過「零數要撥下期」呢
之後出元朗行o左成個鐘
想搵味千拉麵搵唔到 (唔知元朗邊處有分店)
想搵aiko新碟 (Final Fantasy 最新主題曲原來搵o左佢唱) 搵唔到
仲發現 原來唱片舖已經冇再賣《白宮群英》 唔知係咪賣斷市?
有人話會送晒成套畀人的 ~ 得個講字!!
又發現有個伯伯想搵《解密百年香港》 (亞視紀錄片 本來話有八十集 但唔知係咪一節當一集 已經完o左) 但就似乎被職員昆o左去買《十年百聞》
三百幾蚊 本來都好想買的 ~ 可能呢套係呢間舖o既最後存貨喇 ~ 書局要賣貴成百蚊的
(不過就見到明珠台之前星期三晚播o個套《Tokyo Friends (東京朋友 / 東京密友)》出o左碟 套劇原來被稱為係電影版前傳
電影版 今個月就上畫喇 ~ 無箭真唔識Do ~ 有電影版就應該放o向晚飯時間播 甚至擺翡翠台播啦
叫o的買飛入場o既點睇得明電影版 呢個「續集」喎

另外 ~ o係間舖頭入面 又有另一個阿叔搵《青蛀王子》
但個收銀就以話佢係搵《王子變青蛙》 仲問佢要DVD定VCD
阿叔問DVD要幾錢 佢就答話三百幾
之後就問VCD要幾錢 ~ 收銀就答話都差唔多
然後個阿叔就話 明明打電話o黎問過係三十三蚊喎
收銀就答話 「哦,原來你係要o個隻《青蛀皇子》呀 ~ 」 之後就叫職員搵畀佢
原來邵氏都拍過一套《青蛙王子》的 ~ 不知是不是很經典的呢
又不知吳昊有沒有看過呢? 又唔知係邵逸夫出品定係鄒民懷出品?

一入屋就被人話貪心 ~ 真係唔知邊個貪心呀
拎唔到錢返o黎做家用 ~ 仲話錢唔夠駛
(人地元朗有新移民家庭 一家廿三口 一個月先用萬零蚊 ~ 又唔見佢o地話唔夠駛!!)
唔夠駛不特止 ` 仲想自己買o野都要屋企人同佢出 ~
乜都要買 ~ 買到通屋都係 真係唔知邊個貪心 啥叫貪心
畀人話佢兩句 (講事實) 佢就唔憤氣
仲要用粗口鬧人 又要喊!
話錯你咩而家?! 病人唔係大晒 ~ 但係咪講粗口就大晒? 係咪喊就大晒?
(o係出面可能唔係 但o係呢間屋就係)
仲有邊個聲大都係大晒!!
原來你o的叫講笑? 鬧完人之後 被你剷上天花板 再被你省到立立令之後 原來呢o的叫「講笑」? 咁你又真係唔講得笑喎!

從電視機傳來 A380 o係曼谷整爛o左隻左翼o既消息
真係唔會影響聽晚到港o既行程 同埋星期一朝早 在維港低空飛行o既「表演」?!
千祈唔好發生咩意外呀
為o左安全起見 ~ 係咪應該留o係屯門 睇佢起飛 同飛越青馬大橋就算??
如果真係要睇佢o係維港上空低飛 ~ 可能都係匿埋o係油塘地鐵站或者o係大窩坪睇會穩陣o的

唔知畀人鬧 仲畀人話大晒 / 有病 ~ 真係唔知邊個大晒
係有病呀 點丫?
之但係 今晚最病o既可能係《第十二屆香港金紫荊獎》
好多獎項都竟然係雙冠軍 最佳電影仲三冠軍
都真係唔知有冇搞錯! 冇o野講! 02日 Sun 1:41:34

>>September 2, 2007 at 1:51:10 AM GMT+8