| 日記 | 日記主簡介 |
|||||||||
2003 年 4 月 27 日 星期日 【晴】 無聊............................... 最激氣就係我帶左黎d game 裝唔到落去, 嬲呀~~~ 唉.......睇完今0既新聞, 大埔又有份, 大元泰怡仲榜上有名, 等我仲諗住返去添~ 留低左烏龜佢地好冇人性咁, 好想返去呀~~~~~~~ 好想玩下隻傻龜呀~~~ >>June 30, 2004 at 8:28:55 PM GMT+8 2003 年 4 月 27 日 星期日 【晴】 呵呵～～～～ 不過呢樹都有喇叭幾對，環迴立體聲）））））））） 晨早八點，四十樓傳出巨響～～～～ 之後就成家人去左飲茶，同埋阿婆阿姨佢地，皆因佢地都係有樓０係將軍澳～ 大家黎到，咁人齊，做指定動作， 打 麻 雀 ！！！！！！ 就係咁，又嘈足一日喇～～～～ >>June 27, 2004 at 1:54:09 PM GMT+8 2003 年 4 月 26 日 星期六 【晴】 呢樹雖然咩都有, but 我都唔係好想0係呢度, 我都係like 大埔多d 狗竇好好多呀~~~~~~~~~~~~~ >>June 30, 2004 at 8:29:08 PM GMT+8 2003 年 4 月 24 日 星期四 【晴】 經過有間廟, 嘩~~~~~ d 香火好鼎盛下啵~ 仲有幾堆人0係度嘈怨巴閉, 拎住幾廿支大旗上街遊行, 要d警察幫手開路, 皆因佢地唔駛紅燈, 一於照衝! 勇呀!!!!!!!! 行到間廟附近, 有d 賣風車之類0既檔口 見到d風車, 就諗起細個果時, 見到呢d 野都會死嘈爛嘈,扭計要阿媽買個, 不過最後都係......失敗 不過今次有人買俾我喇~~~~~ 就係我二佬, 買左個寫有" 步步高陞 學業進步"0既風車俾我, 希望呢d 老黎野可以幫到我啦~ >>June 30, 2004 at 8:29:16 PM GMT+8 2003 年 4 月 23 日 星期三 【晴】 係咩野???? 咪就係大家鬥嘈囉~~~ 我隔離住有兩戶老人家, 相信佢地三個加埋都超過二百, 不過都係唔化架!!!!!!! 佢地朝朝早六七點就開始討論世界大事, 有時就講下今日d 菜賣幾錢斤,d魚賣幾錢條, 今晚煲咩湯諸如此類........... 佢地一講親就講到八九點, 完全唔駛理他人感受, 話之你訓醒與否, 佢地最鍾意就係企0係我門口講野, 有咁大聲就幾大聲, 擘大個喉嚨叫餐飽, so我根本冇機會可以訓到去十點, 仲慘過返學果時!!! 以我0既性格, 訓覺大過天, 邊個嘈醒左連阿爸阿媽都冇面俾, 何況係佢地!!!!!! 我係唔會死忍, 我要作出反擊, 我要報復!!!! 以我多年累積0既搞搞震經驗, 大多老人家係歡喜午睡, 嘿嘿....(奸笑) 於是我就駁好幾對喇叭, 分別放0係門口同向走廊果個窗 當然啦~ 所向0既方向, 唔駛講都知向住邊戶人家啦~~~ 一到兩三點, 就係地震0既時候喇~~~ volume要調到最大, 歌要最嘈最rock果隻, 重金屬味仲好!!!!! 我睇你地點訓, 總之有我0係度, 唔駛旨意有安寧日子過, 冇覺好訓0既滋味就係咁喇~~~~ 有時對面屋見我玩到咁大, 都會一齊搬d 喇叭出黎嘈餐飽, 哈哈~~~~ 居然有共鳴喎~ 我睇你點死, 哇哈哈~~~~~ 如事者, 呢個就成為左我0既玩意之一 我阿哥仲同我癲埋一份, (皆因佢都冇覺好訓), 佢拎多左對喇叭返黎俾我做"演唱會"~ 冇錯!! 我地成家都係癲架~~~~ 呵呵~~~~~~ 我要得罪我0既人, 大多都唔會有好過!!!!!! 不過呢輪個喇叭d 聲好唔掂, 都係時候出去買對靚野返黎嘈過, yeah~~~~~ 當我嘈夠七十個七次我就會收手架喇~ 等下啦!! >>June 30, 2004 at 8:29:36 PM GMT+8 2003 年 4 月 22 日 星期二 【晴】 >>June 30, 2004 at 8:29:52 PM GMT+8 2003 年 4 月 20 日 星期日 【晴】 講咁耐，最終都係去返猛男屋企ＢＢＱ～ 我準時出門口，一落樓就俾我見到阿萍同阿狗過緊馬路，行緊過黎大元 見到佢地傾得咁投契，我就費事打擾人地啦，人地好耐冇咁樣傾法架喇～ 冇乜幾何可以見到再有咁０既情況出現，呵呵～～～～～ 唔知係咪佢地傾得過份投入，定係我帶左口罩佢地認唔到我呢？ 我０係佢地後面行左一段大路，佢地完全冇注意我０既存在 嗯～～～我完全可以相信佢地係絕對屬於前者！！！！！ ０係佢地０既世界，係冇其他人０既存在））））） 於是，我就打俾茶王，講俾佢聽我０既情況 弊！我都唔知係我笑得大聲，定講得大聲，或是阿狗阿萍好耳得滯，佢地擰轉面呀～～～～ 俾佢地發現左我添～ 我閃．．．．． 最後，逃跑唔成功，仲俾阿狗打左野！！！ 其實今次ＢＢＱ，一來係約返班豬朋狗友出黎聚聚，二來係為珠珠慶祝生日 好野～ 又有蛋糕食^_^ \/ 不過Ｄ腸仔真係好難食，連ＬＵＬＵ都唔食呀！！！ (ＬＵＬＵ係猛男家中所養０既狗) 唉．．．狗都唔”ｈｏｕ”，真係失敗喔！！！！ 飲飽食醉之後, 我地就再戰四方城,俾Toby上訴........ 好可惜~ 佢就交晒學費俾屋主猛男, 而我就輸左兩罐雀檸倒0既價錢, 0徙精神~ 開心0既時間過得特別快, 我都係時候講拜拜 我+阿萍+阿狗三個人悄悄溜走, 一齊唔負責任留低幫手執野, 呵呵~~~~ 不過阿萍最衰, 皆因佢應承左猛男洗野架!!!!! 仲有, 佢嘈住話要食煨蕃薯, 最後都唔知佢有冇食到 嘿嘿.......... 唔知煲完蕃薯糖水, 果個煲邊個去洗呢????? >>June 30, 2004 at 8:30:02 PM GMT+8 2003 年 4 月 19 日 星期六 【晴】 金雞原來唔係咁好睇，行運超人唔知佢做乜，無無聊聊咁做齣戲咁人睇咁～ 其他都冇咩心機睇，睇ＶＣＤ都唔夠去戲院咁好ＦＥＥＬ 一個人睇住個細螢幕，又光”撐撐”，好悶．．．．．．．． 都係去大班人去戲院睇好Ｄ～ 好期待聽日０既ＢＢＱ呀～ >>June 30, 2004 at 8:30:19 PM GMT+8 2003 年 4 月 18 日 星期五 【晴】 即使考完晒試, 唔知點解我硬係覺得有d 野係未做, 又成日形住自己未考乜科物科, 總之個feel 好唔好受, 搞到個人有d 時空錯亂....... 記得以前讀夜校有個阿sir 講過"你地成日話快d考完就好, 其實考完之後就更加唔知自己想點, 冇晒目標, 去玩又點去得咁多, 人始終要有d 寄託, 日子先易過d 架........" 估唔到呢段說話過左兩年, 咬落依然係有味道~ >>June 30, 2004 at 8:31:15 PM GMT+8 2003 年 4 月 16 日 星期三 【晴】 嘩~~~~ 原來真係有好多種CRO架, 不過大多都係換湯唔換藥, 都係差唔多咁調教 忽然間覺得自己好大鄉里, 咩都好似唔識, 又未見過咁...... 好屎呀!!!!!! >>June 30, 2004 at 8:31:29 PM GMT+8
|
人氣: 43193 Design & Scripting by ShowHappy.Net |
Hey ~~~
<br>take