2007 年 1 月 28 日 星期日 【陰】

英國D劇集查實無咩好睇, 家陣睇嘅多數又係美國野, Desperate housewives, CSI, prison break, friends...... 但偏偏每個星期日朝早 9:30 - 12:00 睇一套叫 Hollyoaks 嘅英國青春劇已經成為阿占嘅習慣, 無他嘅成套劇型男索女一籮籮目不暇給, 比起美國嘅 one tree hill 同 party of five 都真係有過之而無不及, 無論男女觀眾套劇裏面緊有一個 arm 你口味, 由純情, 性感, 到巴辣, 豪放都有, 仲出埋 Hollyoaks babes 2007 calender, 不過已經 out of stock, 真係估佢唔到........


整番個屬於阿占嘅生日月6月月曆先, oh 6月係 Sarah, 黑色吊帶, 掂呀.......

仲有4月 Jessica, 8月 Louise, 9月阿 Zoe 都 ok

家陣同魔鬼仔 C朗 dating 嘅 Gemma Atkinson 都係之前拍 Hollyoaks 上位 ga jar

http://www.2damnhot.com/babes/hollyoaks_babes-2007_calendar.shtml
http://www.hollyoaks.com/?intcmp=homepage_box5

>>January 28, 2007 at 11:30:22 PM GMT+8

2007 年 1 月 26 日 星期五 【乍雨乍晴】

又到星期五 office 何其平靜, liz 返學, sarah 又請病假.......又請病假.....大肚有左大晒.......

下星期 Development and Review 週, 阿頭下星期每日 2點至3點見一件, 我就排係星期三, 果粒鐘傾下自己接到嘅 case, 過去幾月嘅表現, 未來嘅計劃, 同黎 council 同 department 嘅方向同要求

繼第一次 Development Control team 嘅 meeting 缺席之後, 阿占將會缺席第二次 meeting, 阿頭, 大阿頭同總陀主 sorry 晒......果日我飛返香港呀.......

今晚好Q凍無去踢波

諗住係D大陸網 download 隻新 Winning Eleven 玩, 點知 game 就搵唔到同 download 唔到 (鬼叫我唔用 BT 咩), 但係其中一個 website 個 pop-up 就彈左個 "小澤圓電影全集" 出黎, 嘩咩無啦啦有D咁嘅好野益我阿占呀, 仲要有成19部 AV 咁多 tim, 送到黎就唔好浪費啦, 姑且開黎睇下啦, 雖然阿小澤姐係幾年前已經搵夠銀 "從良", 不過話晒曾經都係日本勁賣超人氣AV女皇呀, 就即本睇下佢有幾正囉......

聽聞阿小澤圓想當年係 Johnson 至愛 wor, 不過 Johnson 你都結婚囉, 都係趁早燒晒D咸碟珍藏佢把啦.......

阿小澤姐D戲真係.....唔駛咁誇呀話, 駛唔駛叫得咁大聲呀.....仲有我最鍾意係阿小澤姐俾人 "強暴" 緊都仲有時間同雅致勃頭髮囉..........估唔到阿小澤姐已經步入化境視 "強暴" 如無物....真係唔講得笑, 果然係 "professional" 呀, 將自己身軀拋出去透過螢幕奉獻俾各大男士, 我阿占俾你10 個勁............呢D片睇完得啖笑, 不過我都唔係好明點解同一樣野可以拍完再拍不停咁拍咁多年

記得想當年中學考完試果日多數都會 "臭夠" 4件 QC 南區之友上阿勇屋企開枱, 阿勇就成鬼日係櫃筒底攞 AV 出黎邊打牌邊播咸碟, 家陣諗番我都唔明白所謂何事, 可能青春期之男就會做埋D奇怪野.............又可能係中西文化最大不同之處, 亞洲青春男就剩係睇碟看過究竟, 而鬼仔就 "親力親為" 自我體驗.....仲要係要試就毫無保留唔帶套打真軍果隻囉......把鬼咩年青人血氣方剛, 個套又咁麻煩又難戴, 一埋牙就 "單騎直入" 啦.........開工果度我 team mate 同我同年24歲嘅 Sarah 弊剛 arm 搞大左個肚囉.......攪錯呀你24歲生仔我24歲仲係正牌處男 wor.......I AM A "FUCKING" VIRGIN WAITING FOR "FUCKING"........HAHA..........OH YOU FUCKER......

點解阿占會知道個套又麻煩又難戴? 試過你弊知囉..........點解阿占試過? 話說係超市同便利店買套又係有D embarrassing 嘅, 你知啦係外國個個買 XXL, XL 同 L ga ma, 呢家野亞洲人就真係 "鞭長" 莫及啦............英國有樣野好就係逢公廁都會有 condom 售賣機, 1鎊兩個, 咩 size, 咩 colour, 咩 scent, 咩 thickness, 咩 texture 都有, 任君選擇..........阿占呢D總之無蘇州屎無後遺症無手尾跟嘅就咩都夠膽死試, 試戴個套呢D濕碎野但試無妨啦........同試衫無咩分別啫, 又唔係叫你去死........鍾意弊試完士多啤利味再試蘋果味, 唔鍾意厚嘅弊試個超薄囉, 唔要潤滑嘅俾試下磨擦型囉........

有青春男話我知佢睇過 AV 我都無咁驚, 邊過話我知完全未接觸過果D我就真係驚啦......








邊位人兄對 "小澤圓電影全集" 有興趣嘅不妨係日記留個 message 俾阿占等我 send 個 website 過閣下一睹小澤姐嘅風采啦..........

>>January 27, 2007 at 8:57:12 AM GMT+8

2007 年 1 月 25 日 星期四 【乍雨乍晴】

放工後返屋企食飯, 之後7點半冒住3度嚴寒同同事 Charles 同佢D friend 踢波一粒鐘, 打出移居 Colwyn Bay 3個幾月黎嘅代表作, 左飛右撲屢救險球, 協助球隊大勝5個1皮, 賽後有人問我下星期黎唔黎開波, 好野呀識英雄重英雄, 我得閒弊黎囉......咁又多左一班波友, 每星期最少星期4,5 晚有波開......

呢度踢波幾好, 擺底2鎊, 攞件龜背, 認衫唔駛認人, 可以第一時間交波永無認錯人, 咁樣踢波爽呀

呢度踢波D水平甚高, keep 住撞牆俾波走位, 節奏好Q快, 3條友進攻兩野板板聲去到人地禁區起腳, 同香港D上腳拉布波差得遠, 同埋班友可以不停咁跑足全場, 鬼死咁好氣........不過我係度咁耐都係守龍多, 出黎踢頂多都係踢最後果件永遠 stay back 嘅 sweeper 或右閘, 無咩機會同佢地撞牆走位進攻, 希望之後操返 fit D 可以跟得到佢地啦

諗諗下香港人唔夠D班英國鬼踢不無道理, 班鬼仔識行識走3,4歲D父母閒日放學已經送佢地去 training course 扭雪糕筒著龜背開波踢波D意識係唔同D, 由細係草地踢波踢到大, 由細踢1米唔夠嘅龍門練窩利, 射波咁唔低個波就永遠唔駛指意入, 咁樣由細踢到大咩都掂啦, 等我仲之為果樣360度轉身係施丹嘅專利, C朗同費高D插花係電視先見得到, 點知同我星期5踢波班 high school 靚仔好多都做到, 有無攪錯.......

有時我開緊工出 field, 同我踢波班靚仔著住校服同D同學係街行見到我都有主動 say hi, D人見到我個個禮拜去人做草場踢波都開始睇慣左, 雖則恐怕我都係唯一一個係呢個場踢波嘅中國藉男子 (係 Colwyn Bay 講踢波就係黎呢個人做草場 ga la), 仲要係扮晒戴維斯咁帶住黑眼鏡同個頭立到行一行一支支飛起果隻, 不過呢度D人家陣睇慣左都無咩野 lu, 起火家陣好少有靚仔係街喝我啦

>>January 27, 2007 at 5:53:54 AM GMT+8

2007 年 1 月 25 日 星期四 【乍雨乍晴】

凍到抽根

肥仔鋒錢我就無啦, 賤命就有一條......




咩話 2006 年有
超人 8.16 強勢回歸

今年 2007 年就有
占士 2.13 頹勢回歸

>>January 25, 2007 at 7:46:01 AM GMT+8

2007 年 1 月 24 日 星期三 【綿綿細雨】

今日10點幾半邊 Civic Offices 停電, 電腦 down 晒, 仲有我打緊果份 report..............what the fuck.............之後 Paul 同 Sarah 返左屋企繼續趕工打 report, Liz 一早就出左 field, Katy 睇雜誌, Ian 係 Duty officer 就無得鬆人, 雖則 Office 度自動門開唔到, 阿頭就大開則門放人入黎, reception 照常服務..

我就食過午飯後出左 field 3個半鐘享受 countryside driving (即係遊車河睇風景囉, 反正油錢有得 claim 返), 遲來的冬天, countryside 同 mountain 都蓋了雪, 一開車門窗就凍到抽根, 不過D景就靚絕, 可惜公事在身無時間停車拍照....

係 Conwy countryside 揸車係一大樂事, 公路靚之餘唔多車幾好揸, 沿途D景又正, 簡單D講就好似玩緊 Need For Speed 咁......



>>January 25, 2007 at 7:38:46 AM GMT+8

2007 年 1 月 23 日 星期二 【晴】

日日開工由朝到晚對住部電腦, 返到屋企都懶得打日記

對上週末有朋自倫敦來, 星期六諗住行山 Snowdon Summit, 點知阿姐只係行左5分鐘係山腳已經話頂唔順要返轉頭, 俾 50, 60 miles/hr 強風吹到頭暈, 估唔到阿姐有番咁上下噸位都被吹走碌落山咁滯要我拉番佢返黎......之後改變行程都係睇下城堡同遊車河.....仲諗住今次上到山頂, 都係等我下星期自己揸車黎過一條友 KO 佢啦, 雪山都未驚過少少風阻我阿占唔到嘅..........

星期日就帶阿姐去左係 Chester 號稱英國最大嘅 outline village, 果然係掂嘅, 一般知名牌子野都有, 市價嘅 3-5折, 免費泊車之餘行到咁上下肚餓去 food court 食完野再行過又得, 鐘意買野嘅話夠你行成日, 阿姐就掃左唔少野, 我就剩係係 Polo Ralph Lauren 買左兩件衫同一條褲啫, 本來係 Timberland, Burberry, Tommy Hilfiger 同 Northface 都睇 arm 野, 不過買咁多黎都係多餘著唔晒, 所以最後只買左情有獨鐘嘅 Polo.....

http://www.cheshireoaksdesigneroutlet.com/consumer.asp
以後 shopping 唔駛去 Liverpool 同 Manchester, 自己揸一個鐘車去 Chester outlet village 就得啦

呢兩日揸左10個鐘車都有, 落車唔識行咁滯

>>January 25, 2007 at 6:58:55 AM GMT+8

2007 年 1 月 17 日 星期三 【寒冷】

阿頭係廚房同我講滿意我嘅進度, 做左咁耐彈散野, 係時候升 level 攪下D騎呢野同奇難雜症

返左工唔覺唔覺已經3個月, 最大唔同就係 weekend 變得懶左, 同埋錢銀洗費要自己睇住條數, 無以前洗錢洗得咁爽.......

有時都唔係好明D糧單D數係點計出黎, 我12月開工入左 60 鎊油到, 竟然可以 claim 到 200 鎊油錢, 都未話唔神奇, 以後都係多D出 field 揸下車好過留係 office, 多D迷下路兜多兩個圈.........

睇糧單計返條數, 之前以為英國抽稅後人工打7折, 家陣計下數大約係 19.5% 先真, 原來同香港嘅 15% 都唔係差好遠......

家陣每月嘅最基本開資
1. 屋租, utility bills: 300鎊
2. car insurance: 80鎊
3. 食物: 當佢豪飲豪食10鎊一日, 一星期就要70鎊, weekend 開一兩支紅酒, 一個月就要 300鎊到
4. 雜費: 我呢D人好日都唔買下衫褲鞋襪, 閒日油錢 council D claim 又 cover 到, 頂多踢波一個月洗10至16 鎊, 想做 gym 嘅每月洗多23 鎊

計落家陣一 個月開支去到盡 800 鎊到, 剩返果D就放係銀行多

>>January 16, 2007 at 4:39:31 AM GMT+8

2007 年 1 月 16 日 星期二 【晴】

用左 "占士. 馬蘭奴" 呢個名咁耐, 有時覺得真係好係性格演員D名呀, 直頭好似係兩屆金像影帝 "馬龍. 白蘭度" 同默片時代銀幕大情聖 "華倫天奴" D 同黨咁呀......


最新一期 Welsh Assembly Government 發表嘅 planning Development Control Quarterly Survey (July - Sep 2006 所以其實唔多關我事, 我10月先開始係 Conwy Council 做) Conwy Council 係 25 個 Welsh Council 中已經大躍進, 升上威爾斯最有效率嘅 Development Control Team 第二位, Welsh Assembly target 65% determination within 8 weeks, Conwy 74% 超標完成緊次於 Wrexham 77%, (由2003年初排17, 2004年初排16, 2005年初排17, 到2006年初排3), 阿占有幸成為其中一員, 一定會 keep 住 assign 俾我批嘅 application 全部 on target 嘅.........


讚美歸上司
功勞歸同事
工作歸自己

>>January 15, 2007 at 10:35:30 AM GMT+8

2007 年 1 月 15 日 星期一 【晴】

黎緊 weekend 有朋自遠方來, 過夜作客, 一個細我一年係 BU Econ course 識嘅前組員, 名叫 Lydia, 家陣係 London HSBC 做緊野, 要安排節目, 初步定星期六去遊車河去 Snowdonia National Park 行山, 星期日去睇下康威城堡同舊城, 去下海邊度假區行下.......

月中出糧了



近期少見嘅晴天

I'm walking on sunshine, and don't it feel good !!!

>>January 15, 2007 at 9:28:06 AM GMT+8

2007 年 1 月 14 日 星期日 【晴】

有一兩個同事姐姐睇黎對我聖誕果時帶返去果盤串燒仍然念念不忘 (話說 christmas 前 last day department buffet lunch 每人帶唔同野返去係 meeting room 開大餐, 我就整左盤串燒, 有大蔥包住7成塊黑椒煎雞塊, 再加 pepper 同 baby corn 串住去 grill 至少燶, 食果時再伴美極或黑椒粒), 家陣一係 office 廚房見到我就問我盤野係未我阿占自己整嘅, 同埋點整, 仲有果支係咩野醬(弊美極囉), 係咁多樣野裹邊我盤野都算顏色鮮艷, 一串野有齊綠, 紅, 黃, 橙, 玉色, 開頭個個見到都問係咩鬼野黎嘅, 個個攞果時都有D猶豫, 不過個個食完一串之後又攞第二串, 結果盤野仲係全場少數全盤清晒倉嘅 tim..........梗係啦有肉得黎又唔覺肥膩嘛, 我阿占好為各大 OL 著想 ga........同埋相對其他同事帶返去D sausage roll, 薯片.......咁我呢盤就真係俾足誠意啦.......

多謝有位同事姐姐係果日我靜雞雞提早離群鬆人返房做野佢食緊野都追出房同我 say thank you 話盤野正 wor, 雖然我成日係 office 都見到你我仍然係唔知你個名, 無計啦大我幾年果D姐姐我阿占無興趣混熟嘛.........

時下做男人真係唔易, 普遍現代女士們去鋪頭掃貨買衫多過去街市格價買菜, 揸K咪多過揸刀揸鑊鏟, 聞香燻多過聞爐火油煙, 去 concert 去social 開P 多過係屋企掃地洗窗洗碗洗衫燙衫, 家陣靠女士主內真係唔多掂, 更莫講話要入得廚房出得廳堂, 唯有要求自己轉型做全能住家男人, 煮飯煲湯, 掃地洗衫.......一腳踢無有怕

家陣係屋企都係阿 Mike 煮飯執屋多.........阿占真係敬佩敬佩, 多多學習



住家男人萬歲

>>January 15, 2007 at 9:04:16 AM GMT+8