2005 年 12 月 10 日 星期六 【微冷】

直到團契前
我也沒離開過家
直至愛筵...

教會已在眼前
但...這班在教會門前路上BBQ的人是誰？
難道今天的愛筵是BBQ??怎樣沒有人說的？
走近一點...哦﹗原來是安得烈團的團友
Um~~即是約拿單團的愛筵仍是在二樓啦﹗
好~~即上﹗...

原來秀娟e同素卿e都o係度
同埋今日...同頭上一次綵排既人..好接近呀
少左牧師、雪玲、阿匡
但係多左小燕
真係參與既...只係多左一個同少左一個...
這麼巧...當然就是綵排多次的好機會啦﹗
故事...也是照推斷進行

還好應該有第三次綵排
下次應該可以做總結喇﹗
希望可以做好牧羊人既角色...啦﹗

>>December 12, 2005 at 1:37:42 AM GMT+8

2005 年 12 月 9 日 星期五 【乍暖還寒】

- 到荃灣interview，填的form很簡單，証明一會兒負責in我既人所問既問題會好大範圍而且可以算係無

定向...幸好對interview有相當豐富既經驗，一齊問題應答如流~~亦都睇得出公司有請我既意圖，因為

做得太出喇，由我以前既工作範疇，到呢個空缺要做d乜，甚至公司既背景、乜乜物物呀都話哂我知，簡

直同尋日interview果間野差十萬幾千皮...不過我都估唔到，佢直頭問我之前有無interview呀，會唔會

有機會去其他公司工作咁...到最後，直頭問我可以幾時返工，就o係果日返工...幸好我一早估到你地急

住請人o者(10點打o黎叫我上晝in喎，太低估我d攻心計level喇﹗哈﹗)仲要五日半長短週呀~~簡直係爽

﹗正﹗如果人事方面ok既話，我都希望可以o係度做至少兩年呀﹗始終我都要向理想進發架嘛﹗(由於距

離拉近左，已經唔會叫夢想喇﹗)

- 今日無功輔班，因為兩邊合埋搞左一個party~~好開心

- 往教會途中遇見映柔和她的媽咪，由於佢媽咪趕時間返工，我就拖住靚女返到教會喇﹗(唔好太羨慕我

喎﹗哈)

- 總括來說，party氣氛好好，大家都好投入，玩得好開心

- 感謝主，雖然走的路時時也會讓我埋怨，但當中讓我學習、思考的有很多很多，而且也因為如此有不

少的反思及體會﹗但...始終走得很困難喔﹗

- 發覺自己的脾氣變差了﹗真的要好好的重新學習忍耐...要曉得忍辱負重，不要衝動﹗

>>December 10, 2005 at 3:33:17 AM GMT+8

2005 年 12 月 9 日 星期五 【乍暖還寒】

一段與整合有關的思考...
「生命與日記的整合」 －


發現生命和日記
與拼圖也有相似之處
當一部份拼出來後
以為事實就是這樣
後來發現是錯的...而且會影響以後的結果

那麼...有些人會選擇放棄
又或是明知是錯誤卻仍繼續
另外有些人會選擇將這些拼圖拆毀再作整合
所以...我的生命和日記
也正處於整合階段
日記怎樣整合？
解釋...甚難...甚難...
但較簡單的整合方法是有的
就是用point form嘛﹗(遲些對生命的整合可能也是如此﹗=.=")

今天乘公車往荃灣interview
於車內突然想到乘坐交通工具的文化背後
有不少事很值得參考
就好像...

地鐵就像是這個時代下
代表人盲目去跟隨社會節奏的工具
但...在非繁忙的時間
便是一個展現人生百態的小小舞台

"小巴"是大部份節奏很急促的人所選擇的工具
我在推測
這些乘客不盡是很趕時間
只是不想浪費時間在交通上
就像不守交通規則過馬路的途人一樣
這些人到了目的地
也似是危險過馬路的人
到了對岸便慢條斯理的行
原來急...只是急在過路的過程
並不是急在最終目的...
這就是香港社會急促節奏
所演變成的交通文化

其實"大巴"也不是完全代表優閒
繁忙時間內
車廂裡總有人是被迫站起來
甚至逼到只需轉一個小彎
便會互相碰撞及踐踏別人的一雙鞋子
但除了路線的相對繁忙時間
其餘的時間...
可以是享受安靜或休息片刻
甚至是思考、做(抄)功課的好時候(這個需要較好的體質)
雖然乘車所花的時間較長
但對時間表而言卻起了不俗的整合功能
只是...願意乘坐的人又有多少呢？

>>December 10, 2005 at 2:30:12 AM GMT+8

2005 年 12 月 8 日 星期四 【陰晴不定】

又是一天的過去了
又是沒工作的一天...

- 今晚原來去紅磡果邊問friend借野，但係佢唔舒服...請左假返屋企休息，所以cancel

- 原來我有唔少冬天衫收埋左未拎出o黎，因為將要interview，所以就順便搵搵...唉...有排執

- ...去了葵興interview，就是個多月前in過既一間公司，上到去等果位非常忙既負責人o黎；佢o黎到，就問「你係唔係以前o黎過IN架」，之後問我係唔係仲未有野做，然後話o岩o岩請左個人，但係唔知佢工作表現如何，如果係既...可能會搵我o黎做...之後就叫我寫低個名同聯絡電話就閃...=.="

- 因為極度無癮，去左打機，打完機更加無癮...

- 仲諗住返到屋企可以靜靜地整下私人事務，點知原來阿媽已經返左屋企，無奈﹗

- 睇新聞，有兩單...係同中學生有關...都係有人死，大埔有對高材生情侶唔知為乜由高處跳樓死左， 鰂魚涌又有男生懷疑被舊同事因"爭女"問題被刺死；嘩﹗駛唔駛咁呀？如果係為感情既話，我咪應該 一早死左去？如果係因為生活窮困、無人支持、成日出現不如意事既話，咁我都要諗諗喇﹗但係就算 係點，起碼都有身邊既情人貼身做精神支柱丫﹗點解仲要做d咁既決定？咁根本就係害埋身邊既另一半 ，另一邊仲蠢﹗如果本身係你既，發生咩事都唔會打甩你地；如果已經唔係你既，對情敵起殺機甚至 落手殺人，只會令你同心上人距離更加遠，甚至俾心上人同埋其他重視唔重視既人睇你唔起...好似我 同阿Roy咁，中學果時都試過兩次同一時間鐘意同一個女仔啦﹗但係因為咁，反而令我地可以成為難得 既知己，其實珍貴既友情可以係咁磨練返o黎...兩件事發展到咁...好可惜囉﹗

- 係唔係因為香港人太急功近利呢？為左快D去到目的地，連保障自己安全既交通規則都唔去遵守；有D 人甚至只係因為唔想等所以過(不過有D燈O係某D時間應該係唔會轉...不過其實唔多...通常O係夜 晚...同埋人少既燈位)，做人處事都係咁...將短視當成係理所當然，頭先我O係路途中腦海裡面無啦 啦飄過D野「一係就離開香港，一係就離開世界﹗(不過呢個諗法都算幾短視，所以要消滅佢)」雖然係好灰既時候先會諗到既野，但係我諗一定會有呢個念頭既人，其實呢個諗法可能比起唔少人已經算係積極架喇...真係可悲﹗

>>December 9, 2005 at 3:55:17 AM GMT+8

2005 年 12 月 4 日 星期日 【微冷】

崇拜完左就練平安夜d野
拉左阿平一齊練﹗
但練之前同阿哥傾左幾耐下
問埋d我成日諗既野...真係...﹗

練完平安夜d野
就練後幾個主日既詩歌
練到無乜氣...
(但仲有精神玩G2)

然後吃飯
原本想呢個星期睇戲...唉
同阿平、阿恩睇電視
周星馳D舊片真係好搞笑...

UM~~
依家話哂都叫做有3部DC...
其實唔好講其他人
就連自己間中都會問
駛唔駛咁多部呀？
不過照定位o黎講...
似乎有相當既必要囉

Pentax MX - Function時當DV用，其餘時間當長炮(10倍光學嘛)
Ricoh R2 - Function時既副機，平日(日光下)或室外(夠光時)既Snap機，私影及私影搜查既第二副機，及後補movie機，有時當埋相簿用...
Canon G2 - Function時既主、副機(視乎手拎或remote mode)，任何時間下既Snap機，私影既副機及私影搜查既主機

係唔係好有系統呢？=.="


(唉﹗都依家都唔知...今日結婚果個係唔係當年補習社既同學仔呀﹗唔知仲可以點查...)

>>December 5, 2005 at 1:55:34 AM GMT+8

2005 年 11 月 29 日 星期二 【晴】

唔知點解
很累喔﹗

不想將自己困在屋內
但...剩下的錢不多
怕不夠用...

慘喇﹗
咩都諗唔到
個腦實哂...

星期四返工喇...
呢份temp job只做7、8日
應該有得續既..
都好...勉勉強強的話
都可以撐得到...
鬼叫自己衰咩
咁迷攝影...
又咁唔願意繼續做office文員仔咯
簡直係抵死啦﹗哈

(呢一刻真係組織唔到d乜呀...=.=")

>>November 29, 2005 at 1:52:23 PM GMT+8

2005 年 11 月 27 日 星期日 【晴】

梓珊說過會帶她由ive借來的畢業袍用來拍照
所以今天便在靈工堂崇拜
崇拜完了
由於有感恩蛋糕
便吃過後才拍照

拍照、吃飯後
便歸家睡睡
然後便往青衣城集合...
往浩文在音樂學校的畢業演出

途中往"光雅"買東西的時候
發生了一段小插曲...
當我放下兩包魔術貼於counter
拿錢出來準備付款之際
前面有一對父子
那兒子應該被爸爸遮住了視線
竟然說：「阿媽﹗乜妳要買呢d野咩？」
若果大家想像力好的話
應該看得出這個就是dead air位喇﹗
但這個dead air只係維持左秒幾
佢阿媽就o係佢既左手邊出現...
總之...我...
無端端俾人叫做阿媽囉...

到青衣城
諗住用利器"界"魔術貼
利器未搵到
手指頭就爆開左...=.="
唉...乜天氣咁乾燥呀﹗

等齊人出發喇﹗
嘩﹗好晏...(比預期中)

去到鑽石山等小巴
可以想像到一行13人o係等車同搭緊車既時候
會有幾安靜啦﹗
o係等車果時
我地咁多人"猜"
輸左既一陣要上台獻花給浩文
結果嘛﹗有人出$出橋兼出力囉﹗恭喜哂﹗
(但最終係無左呢件事架喎﹗)

到音樂學校
有人果時仲o係天水圍...大家一齊滴汗囉﹗

表演完
我地唔等浩文就影相
um~~都係唔好
點都要叫佢過o黎"拃"機幫我地影大合照架嘛...~.~"

之後我地分左三部小巴落荷里活吃dinn
我同幾個殿後...
落車見到坐第一班車既素卿e佢地...
之後我就問...
「噫﹗得咁少人一齊食飯咋...」
但係呢個問題好快就演變成
「我個女去左邊呀？」
好搞笑...唔知點解佢地坐果部車
明明比我地前，又係一條直斜路加一條小直路o者
點解會比第三部慢成幾分鐘既？(其實路程好短咋嘛)

>>December 5, 2005 at 1:56:24 AM GMT+8

2005 年 11 月 26 日 星期六 【晴】

明明說好要早點出門口
唉...咁晏
即係呢...
一係就團契遲到
一係就...行PIA行得一陣啦...

結果我選擇了前者=.="

今天旦旦沒來
幸好她不在
我才可以真正專心將精神放在試相機的事上
埋尾先是但影影Image girl

總括來說
大部份的廠商的service也很好
唯獨minolta...
竟然說公司說明不准客人用自己的卡試機
竟然咁大排...
銷售已經差架啦
仲玩埋咁高"鬥"呀？
真係抵你提早接起收埋呀﹗
(消息指minolta業績大幅下滑，因而將會cut左菲林機同細機種的DC的銷售線 － 即係停產)

8時半才返到教會團契
今天很少人回來
週會是談談近況(吹水)...

>>November 30, 2005 at 4:08:31 PM GMT+8

2005 年 11 月 25 日 星期五 【晴】

PIA(Photo Imaging Asia)
今年終於舉辦了﹗(其實應該早幾年就開始舉辦啦﹗)
無論如何~~
有這麼多相機讓人任試
只是$20.00
豈有不去之理呢﹗

但結果我連一部機也沒試過耶﹗
因為image girl..當中
有一個舊朋友
真的很久沒見和沒交談過了
算是為了當初一個似乎是微不足道的承諾吧
拍下她的相...接近二百張耶...真是...
中間跟她交談過
或者真是太久沒見了
有很重的陌生感覺
唉...事實上真的不知道
"HIM"何解會說妳有158cm高呢？
我想妳頂多高我契妹一點點兒...

然後左拍拍、右拍拍
是啊﹗還要趕往腓力堂看管一班小朋友..
連會場的一部相機也沒試過
真可惜啊﹗

由於時間關係
dinner = M記 + 上車吃
怎知...上到車
不要說窗口位
連座位也沒剩一個
哈...結果要站著吃...
很厲害喔
下車前連餐飲也喝完=.="

原來今日激少小朋友來喔﹗
只有四人
而且功輔班嘛...
好像也沒進行過...
也好...很舒服的一天

>>November 30, 2005 at 1:39:26 AM GMT+8

2005 年 11 月 24 日 星期四 【乍暖還寒】

最近的生活很枯燥
沒甚麼如意或不如意事發生
...很像正在逃避現實
又好像不是

已經有了"目標"
"目標"是需要很有恆心毅力才行
然而沒有支持
我已經想像得到這段路有多難走了

但既然決定了
再難行也總要行的
要蓋過一些冷言冷語
反駁只會適得其反
最好拿點成績出來
有目共睹的話
誰也不會再多說吧﹗

看來我想有的支持
至少要有點成績才可以要求得到...是嗎？

>>November 25, 2005 at 1:38:53 AM GMT+8