2005 年 9 月 7 日 星期三 【晴】

最近我的心情不是太好，很多很多的事情和煩惱，一個又一個埋藏了很久的心結，我感到十分迷惘和失落，我發覺我的將來越來越不可掌握，我身邊的朋友升學的升學，工作的工作，原來我十分不了解自己，連自己想要什麼，想追求什麼，自己是個怎樣的人也不太清楚。自從我上了大學之後我看到很多虛偽的人，朋友的定義變得糢糊，世界上只有灰色而沒有黑與白，人為了生存是否必須要這樣？成人世界裏面是否都必須戴上面具才能保護自己？我願意放開我現在所擁有的一切，回到我小時候的快樂童年。我對engine已經不再感興趣，對住一堆又一堆的死物，很冷很冷，我嘗試重新去探索我的出路，無耐過去了時間已經不可挽回。我應該怎麼做呢？當你發現我在神不守舍，心不在言的時候，朋友，請原諒我的無禮，也許我不太懂得用說話去表達自己的想法，但希望你們會重視我這個朋友。我實在感到很疲累，給我一點空間吧，我很想找個安靜的地方好好的想一想，休息一下。

>>September 8, 2005 at 12:31:23 AM GMT+8

2005 年 9 月 6 日 星期二 【晴】

今日係丫文係生日，係度再同你講聲生日快樂，今天晚上可以大吃大喝一番實在太好了，係五高露台看夜景真的很舒服，如果可以什麼也不管一直在看風景你說有多好，食下食下係有心同有意下大家開始講起愛情話題來，而當中我們有兩位（Ａ君，Ｂ君）都在平推平就，欲佢還迎既情況下都說出了各自的愛情，當然我不是其中的什麼什麼君。我不是一個喜歡把自己的愛情故事跟身邊的朋友分享的人，但我不介意別人找我問意見。或許有一天我會改變過來，但在這一刻我只相信沒有旁人的愛情世界才是最美麗的。

>>September 7, 2005 at 11:46:08 PM GMT+8

2005 年 9 月 4 日 星期日 【暴雨】

今天自己一個人搬宿，感覺同往年有點不同，其實不是沒有人幫我搬宿，只不過近日心情不是太好，我希望可以自己一個人靜靜。
今年我選擇了同洋鬼子一齊住，在我下這個決定之前我曾想過好一會兒：洋鬼子會不會很難相處？是不是紅鬚綠眼？溝通會唔會有問題呢？但是為了練好英文預備下年的IELTS考試，這是我唯一的選擇。
晚上我終於見到洋鬼子了，他很有禮貌，喜歡花花草草，跟我很夾得來，我們一起看我在銀川時候的相片和今年在花展中拍的照片。他亦跟我分享了他在sweden（不懂得打瑞Ｘ）時候的生活照，如果將來有機會我一定要到sweden去旅遊見識下。

>>September 7, 2005 at 11:46:37 PM GMT+8

2005 年 9 月 3 日 星期六 【乍雨乍晴】

破日大凶不宜諸吉事

>>September 4, 2005 at 8:31:31 PM GMT+8

2005 年 9 月 2 日 星期五 【驟雨】

為左慶祝我最後一個暑假既結束，我約左account姐姐放工一齊去行街，而今晚個主題就係妙街啦。
Account姐姐話好耐都未撘過小輪，於是我就走去灣仔等佢放工啦。傾下傾下佢話係會展有個叫設計狼既東西，裏面有好多新奇緊張，一次過滿足晒三個願望既東西。設計狼果然名不虛傳，大部份的東西都係由本地設計師設計出來的。其中最令我印像深刻的是一個時鐘toke，佢係由一個底座同一支棍仔組成，棍仔既一端fix左係個座上要，左右左右發下發咁，而個時間就由發下發下果Ｄ餘影顯示出來，咁有創意既野當然唔會平啦，所以我只係ready-only。
我地撘船去到尖沙咀，去左星光行既面蔵食日本野，Ｄ壽司勁頹，wasabi成舊泥膠咁，真係平野無好。食完個面之後我地去左間扭蛋鋪頭度睇蛋，我地扭左兩個tony火車系列既小型扭蛋模型，好靚好好玩，多謝晒account姐姐。
我地沿住nathan road行行下，望到九龍公園裏面有花燈（展覽），入到去見到Ｄ燈籠魚勁頹，個孔雀開屏好似小時候Ｄ鋪頭開張既大花牌咁。因為實在太唔好睇，我地於是繼續往妙街去。
去到妙街，有好多好多好似淚人街Ｄ檔仔，一條直路成兩三個街口都係。我一路行一路睇，原來有好多我係西安買既野呢度都有得賣，好似鼻煙壺，紅星大綠帽，毛主席袋，韓國小公仔咁。唉，真係……。除左檔檔外，仲有Ｄ國叔，二叔咁係度唱大戲，Ｄ後生開撘羅檔同Ｄ雀仔占卜阿伯爭生意，另外還有好多賣石頭手練的，神神怪怪的，四仔的，雙妹嘜花露水廣告紙等。等閑得我帶隻鬼仔同房去行下先。

>>September 4, 2005 at 8:28:35 PM GMT+8

2005 年 9 月 1 日 星期四 【晴】

我好鍾意同大晴公仔傾計，個種無拘無束既感覺實在很舒服，大晴公仔係一個好開朗好活潑既姐姐，多謝你前排從英國寄比我既postcard(雖然有Ｄ似廣告傳單　=P )。從你口中知道ＡＭ從美國回來了，唔知到佢幾時先讀完博士呢？到時ＡＭ都可能變做ＰＭ了 @_@。其實想當年我亦懷住一腔熱誠打算係大學努力讀書，希望可以繼續升讀碩士博士，無耐現實與理想往往是兩個連在一起的對立面，一次又一次既失望使我的心沈下去，甚至變得厭惡。又到了開學的日子了，過埋今年我就要出來找工作了，其實我對工作是有一點抗拒，早出晚歸既生活到底為了什麼？我的未來，我的生命是否為了工作而活，為工作而亡？我是否應該為我另一個夢想而奮斗？算吧，不如我地一齊來為我們最後的一個暑假高歌吧：

學生哥　好溫功課　咪淨係掛住踢波
最弊肥佬左無陰功咯　同學亦愛莫能助
（肥佬左無陰功咯　同學亦愛莫能助）

學生哥　咪書咯　咪日夜掛住拍拖
顧住十幾科　科科喎　面懵懵一肚火
（十幾科　科科喎　面懵懵一肚火）

＊螞蟻亦要搵野食　唔做事確係無益
少壯就要多努力　來日望自食其力＊

學生哥　要思己過　唔係第日悔恨更多
人之初　應知錯　唔自立會捱餓
（人之初　應知錯　唔自立會捱餓）

重唱＊

學生哥　一個個　我地日日記住隻歌
人多多　RE ME RE DOH　齊合力喝伴同和
（拿啦啦　齊合力唱聚同和）

>>September 1, 2005 at 4:49:42 PM GMT+8

2005 年 8 月 31 日 星期三 【晴】

話晒我都係半個哎唷engine仔，點都係要拈下同engine有關既野，於是就走左去圖書館睇下有乜書岩使。行下行下不如先去商務印Ｘ館睇下書先啦，其實我一直都想買本英文“長腿叔叔”黎睇，但係因為時間關係到而家都未買。係商務入面找左一輪終於找到本英文版，攞上手輕漂漂，得本磚頭四分一咁厚都要賣八十蚊。我記得之前見過另一個出版社既“長腿叔叔”都係四十幾蚊之ma。所以我打消買書既念頭，得閑再去其他書店找找。
係圖書館入面有意無意間走左去雜誌架度，睇見原來有“中國國家理雜誌”外借，於是我拎左兩本關於朝鮮半島同沙塵暴。係屋企睇左幾頁關於原子彈既介紹，以下係一些核武資料：
１. 全球核武庫總量約為36800枚核彈頭.(美國7600,俄羅斯8331,中國402)
２. 一千克鈾或鈽的完全裂變相當於兩萬噸TNT的能量.
３. 核大戰一旦爆發,大約有20天的核冬天出現,煙塵阻隔了陽光,大地變得嚴酷,動物死於饑餓和寒冷.
４. 有50枚裝有核彈頭散佈在全世界的海底.,是可怕的定時炸彈.
記得不久前有個叫豬成虎既中國軍方將領話如果美國攻打中國，中國預備犧牲西安以東的中國城市。我特然想起一段歌詞：
Oh lord, it’s that nothing more anybody can do.
Oh lord, there must be something you can say.

>>August 31, 2005 at 9:48:59 AM GMT+8

2005 年 8 月 30 日 星期二 【乍暖還寒】

本日休市，明日請早。

>>August 30, 2005 at 6:12:29 PM GMT+8

2005 年 8 月 29 日 星期一 【陰晴不定】

今日係八月二十九日黑色星期一，亦都係我地xianian落黎香港成個月第三次聚會。我懷住輕鬆愉快既心情由屋企出發，諗住過天橋到對面馬路撘車出旺角，說時遲那時快，剛巧有架去旺角既巴士黎到 ^o^，我見仲有一段路先追到架巴士，於是就放過佢啦。去到巴士站，我排第一。點知黎親架架巴士都係去荃灣，他媽媽的老小子，一等就等左二十分鐘，諗住都應該趕得切，點知禍不單行，去到長沙灣既時候堵車了，堵左成個鐘先去到旺角，bluesheet(藍紙？哈哈 =P)。之後細Ｋ打比我話佢地去左O海城開餐，當時我心諗：死la，點去呢？前一排仲同account姐姐講旺角好似有個叫咩咩城好耐冇去過，點知今日就要去啦。我記得個咩咩城好似好近旺角，但我又實在唔記得點樣行過去，“如果有架的士係收西安個價錢就好啦”，係唔知撘咩巴士，小巴既情況下我做左一個聰明既做法 @_@：撘地下鐵話咁快就到。但係又有一個新既問題：我應該坐荃灣線去荔景站再轉東涌線還是坐荃灣線過海去中環再過海轉東涌線去呢？情況就好似係中大圖書館去科學館咁，應該經聯合去新亞落ＭＭＷ還是撘校巴去火車站再由火車站搭校巴上去科學館。最後我選擇了後者。結果我用了兩個半小時由屯門去旺角既O海城。 =o=!
P.S. 係搭巴士去旺角架車上，因為人太多，排龍尾既人有Ｄ要硬企。有個年輕都算貌美既姐姐仔居然同個阿叔搭起訕來(唔知邊個搭先呢？)，等到有座坐既時候個姐姐仔仲同佢排排坐添！！個阿叔真係….佢應該讓個位俾個姐姐仔坐ma，佢唔讓不旦只仲嘈住姐姐仔訓唔到，他媽媽的小白臉丫。

>>August 30, 2005 at 6:11:45 PM GMT+8

2005 年 8 月 28 日 星期日 【晴】

今日同屋企人去行街街，其實我唔係好想去 -_-，因為屯門實在沒有什麼地方好玩，周圍都差唔多，麥lawlaw，左loadload，批沙克，吉吉島，千乜店呢度都有。Account姐姐話出街食，咁唔去都唔得啦（無理由同肚仔過唔去丫 =[ )。於是乎我地去左daddy返s 食法蘭西饅頭餐，食緊野無無聊聊咁就四圍望下，見到隔離台個女仔幫佢娘親買餐，又幫佢沖奶茶。另一邊廂，係我後面有一個坐輪椅上了年紀的女人姐姐，當佢地食完mum mum走既時候，佢個女慢慢推佢離開間餐廳。一直以來我都覺得女人是偉大的，女人能夠為愛可以付出一切，甚至自己的一生幸褔，這些都是我不斷觀察以來所得到得的結論。今天所看到的只是其中的一些事例而矣。

>>August 29, 2005 at 2:29:15 PM GMT+8