2006 年 9 月 4 日 星期一 【晴】

今日我又返學la~
返學o個陣勁慘呀~><
落超級大雨呀~
成身濕晒呀~
有遮都冇用~

返學o個陣撞到vicky同呀蕉呀~
呵呵~!!

今日落雨~
所以就唔駛落去早會la~
happy!

跟住miss就收下回條呀~
之類la~

小息之後就選左班會同派左書簿~

走o個陣最慘呀~
我地要拎住d簿~
"羅"埋把遮~
返屋企~
超重呀~
返到屋企~
放底d書~
我發覺自己隻手冇晒力呀~><
咁我咪訓覺lo~
呀哥佢地又不停煩我~
咁我就搵張被遮住自己~
響度喊~
我都唔知做乜喊架~
但係就係好想喊~
咁咪喊lo~

訓醒la~
大約1點左右~
就食砵仔糕同排飽~
我呢排做左砵仔糕同排飽迷呀~
唔知係咪叫"食迷"呢~?
呵呵~

之後就玩電腦la~
因為聽日就正式返學la~
我驚以後會冇得玩~
所以今日就要玩la~

玩yahoo桌球呀~
識左好多人~

跟住就執書包~
唔知做乜執左好耐....
執左成個鐘~= =

跟住就食飯la~
yeah~

聽日有mus堂~
開心~!!

>>September 4, 2006 at 8:35:19 PM GMT+8

2006 年 9 月 2 日 星期六 【晴】

今日我又係十點起身呀~
我起身o個陣~
家姐就已經執緊野la~
因為佢今日要搬野去hall~
佢執野自己張書桌時~
佢發現左一隻死蚊呀~
佢話可能係佢d野壓死左隻蚊呀~= =
因為佢d野十年都唔執一次~
所以壓死蚊都唔知..........

之後呀~
我要幫家姐搬d野去貨車度呀~
架貨車係佢同佢朋友一齊租ge~
超慘呀~
d野好重呀~
我行得好慢呀~
又落雨喎~
好辛苦呀~><

返到屋企都冇乜做lu~

>>September 3, 2006 at 11:32:43 PM GMT+8

2006 年 9 月 1 日 星期五 【晴】

今日係九月一日~
開學ge大大日子~
呵呵~
不過好眼訓呀~zzz

今日都几開心呀~
我今日又係撞到呀馬喎~
不過就撞唔到呀蕉~
因為佢早過我地~~

返到學校之後~
過一陣就排隊la~
好開心呀~
我個班主任係miss lo呀~~
佢超好人呀~
佢就本來唔教d/e班~
但係就話唔知咩咩~
所以要做我地班主任~
好似話係要考個唔知咩驗麻~
就要知道d/e班d人呀~咁la~!!
呵~

但係d班就慘d~
係唔知乜太~
聽蕉講佢好嚴~

miss lo話唔會調位住呀~
不過几時調就唔知la~
我諗應該冇咁快~
因為我地連座位表都寫左la~
我同一齊呀馬坐~
係坐好前架~
係第一個位呀~!!!

我地連排隊都未排位呀~
miss lo話星期一自己排~
佢幫我地睇下高矮~

今日呀~
話要選科表麻~
miss lo要我是但揀個做呀~><
咁我問呀馬做邊個好~
呀馬話做Home e好呀~
咁我就做Home e科長~
係冇乜野做架~
呵呵~
呀馬都做左music科長呀~

呀錢同唔知邊個就做左班長~

之後小息la~
之後就去禮堂la~

我地去到禮堂la~
miss wong就要合唱團出去呀~
其實之前叫過~
但係我同呀馬冇出去~
呵~

之後我地全部人就要練歌la~
有d歌都几難聽下~
呵........

今日係向載載做司儀呀~
佢好勁呀~
要為佢拍手~
拍拍拍拍拍.............

開學禮差唔多完la~
校長就"羅"住佢個筆袋~
講pencil講左十几分鐘~~
我冇聽呀~= =
我超眼訓呀~~~
都唔知佢做乜講咁多野......

我發覺校長個筆袋我都有個呀~
係牛仔布~
爆炸狗~~
校長用個咁ge筆袋~
好無奈.......
呀馬同我講:校長個筆袋咁熟口面ge??
我就話:梗係la~我都有個麻~
呵呵~!!!

之後校長介紹左d新老師呀~
有個係毛毛sir呀~
好耐冇見la~
唔知佢講野係咪仲成日走音呢~~??
呵~!!

之後sir sir話開學禮完la~
d form one就"羅"晒書包la~
sir sir就好"鱷"咁叫佢地放低書包~
我記得我form one時同上年form one都係咁架~
今年都係咁喎~
唔知係咪小學時好快就"羅"書包呢!!?
其實sir sir唔駛咁"鱷"la~
咁人地唔知中學唔可以咁快"羅"書包麻~
不知者不罪..........

之後返到屋企la~
我玩左一陣電腦就訓覺la~
冇睇到呀笨呀占同無頭東宮呀~><

>>September 2, 2006 at 1:53:54 PM GMT+8

2006 年 8 月 31 日 星期四 【晴】

今日我好開心~
因為我部電腦壞左好耐~
今日先整返好咋~
趕得到開學前玩電腦~

我今日好悶呀~
所以就幫媽咪做下家務la~
我有摺衫la~
刨下節瓜皮la~
切節瓜~
仲有洗節瓜~
好乖呀!!

仲有呀~
今日賴sir打黎~
問我做唔做cyc幹事~
我梗係做la~
呀蕉都做左架~
呵呵~!!

聽日開學la~
好緊張呀~
唔知邊個係我班主任呢~~?

>>August 31, 2006 at 9:53:54 PM GMT+8

2006 年 8 月 24 日 星期四 【晴】

又寫多篇la~
我今日修改左去camp o個几日ge日記~
不過好少ge姐~

今次呢~
我就要講下對每個組員ge感覺~
我想寫底晒去camp ge每一件事~
因為我知道我會唔記得~
我好驚我會唔記得呢几日ge野呀~
我唔想唔記得......

我就順次序咁講la~
第一個係呀sam~
我好少同佢講野~
好似冇咁tim呀~=.=""
不過佢係個好人~
而且好搞笑~
其實我地組冇佢就會几辛苦架~
因為呀叻中途出左camp~
呀樑又唔係成日玩~
so我地只有佢呢個男仔咋~
好多謝佢~
佢響TTT比我ge感覺同去camp時ge感覺好唔同~
TTT時係個帶領我地~
但camp時係同我一樣係組員~

第二個係呀朱~
呀朱佢係個大好人呀~
佢好得意~
又好有領導才能~
得閒就會同我傾下計~
夜行時~
佢見我係"咩"斜"咩"袋~
就幫我"羅"水~
佢仲要幫其他一"羅"水"tim架~
真係好辛苦呀~
佢對個個人都係咁好~
個個人都係對佢咁好~
我都好多謝佢~

第三個係amy~
amy都係個好人呀~
佢好偉大tim~
佢響夜行時~
不停咁話:"有石呀~""落斜la~~"咁~
我覺得佢真係好辛苦呀~
又要行山~又要大叫~
我諗真係几口乾~!!
其實係佢主動同我一齊玩架~
佢對人又係咁好~
會好主動幫人~
我都要thx佢呀!!!

第四個係tiffany~
tiffany當然都係個好人la~
我同tiffany同蔓思一齊行時~
我有時會有野做停底~
佢都會轉頭等我~
而且去沖涼呀~
都會叫埋我去~
真係好好人~
仲有有野食都會請我食~
好好人呀~
唔該晒佢呀~

第五個係蔓思~
蔓思佢又係好好人架~
佢有時都會幫下我呀~
同我傾下計呀咁~
其實form1時已經識佢~
但係之前就同佢地唔熟ge~
經過今次camp~
我地熟左好多呀~
我成日都話玩games時~
人地抬起佢係好舒服~
好搞笑~!
好多謝佢比左我地咁多快樂~!!

第六個係我la~
冇乜野講喎.....
開心自己自信左la~呵~!!

第七個係vicky~
vicky係響合唱團識ge~
之前都覺得佢好好人架la~~
今次camp之後覺得佢更加好人呀~
呢几日我都成日同佢一齊架~
搭車都同佢坐~
佢好好人架~
我搭車訓著都係佢叫我起身架~
我分組都係同佢一組咋~
好多謝佢肯同我一組呀~

第八個係呀燕~
我覺得呀燕除左好好人之外~
仲係好主動同好冷靜ge~
而且係好聰明~
響玩games時佢成日都比左好多好有用ge意見ge~
佢對人好好~
成日都會幫我架~
仲成日同我傾計~
我好鐘意玩佢d頭髮架~
佢d頭髮好長架~
雖然佢d頭髮唔係真髮~
係駁ge~
但係真係好好玩呀~
我都係第一次見到d人駁髮咋~
佢又唔介意我玩喎~
好多謝佢呀~
令我地d games玩得咁順利~!!

第九個係呀樑~
呀樑係好好人架la~
其實之前響cyc都見過佢~
我都認得佢ge~
但係就唔識佢la~
開頭我都同佢唔熟~
唔知几時先同佢熟~
佢講中左我個弱點~
就係冇自信~
但係佢令我對自己有返多d自信~
真係好多謝佢教左我咁多野~
佢做leader做得好好呀~!!!

最後呢~就係呀叻la~(其實我唔太清楚佢個名點寫~只係同音~!)
呀叻都係好好人~(其實成組都係好人....)
不過就真係好少同佢講野la~
佢好聰明~
識好多好多野~
我從佢身上識到好多知識~
因為我偷聽佢同呀燕講d野~
不過唔係咩秘密呀~
只係d常識~~
佢走o個陣真係好唔捨得佢架~
好想喊~
好想多謝佢教左我咁多知識~!!

好la~我冇可能寫埋賴sir架麻~
咁就寫完la~
好開心呀~!!

>>August 24, 2006 at 11:10:52 PM GMT+8

2006 年 8 月 24 日 星期四 【晴】

發現尋日仲有games未講,
今日講返

呢個game係我地成組企晒響圍住燒烤爐ge chair上
然後要蒙眼~
要順住生日日期排位~
但唔可以出聲
仲有要響chair上行ge~
d chair好窄架
好易跌架
咁我地就寫自己ge生日落人地隻手

之後都係相同玩法~
但係就係座號la~
仲有要減chair呀~
好難~
但係都可以玩到!!

我響d個camp玩左好多睇落好難ge games~
但係其實只要成組組員合作ge話~
都唔係好難架咋~
所以要團結~
團結真係好重要呀~
唔係ge話~
呢個camp都搞唔到la~!!

好開心今次參加左呢個camp~
因為我學到好多野~
識到好多朋友~
仲有多左一個美好ge回憶~
好開心~!!

>>August 24, 2006 at 12:54:36 PM GMT+8

2006 年 8 月 23 日 星期三 【晴】

今日係我出camp ge大大日子~
心情有d矛盾
好開心可以返屋企
唔開心離開營地~同d朋友
同佢地一齊咁多日~
都有d唔捨得~

今日我6點就7點先起身呀~
遲左d~
但係冇所謂la~
我地食完早晨之後~
我地組就要掃營地d葉la~
都几好玩架~

之後呀樑叫我地上去執行李~
因為就黎出camp la~
要去西貢市中心~

我地去到西貢市中心~
放底d行李響西貢鄧兆x~
就要開始賣旗la~

今次賣旗賣得好開心呀~
唔知y 呢~
我好比心机咁呀~
不過都係賣左好少~><
不過唔緊要la~
我有盡力就得la~
多一蚊得一蚊la麻~
我賣到隻腳好累~
因為之前我都痛痛地架la~
不過冇乜理佢~
依家仲企咁耐~
真係好辛苦~
不過為慈善麻~
辛苦少少都唔介意架~!!

之後呀燕就同我講夠鐘la~
要走la~
咁我就同佢同呀江(另一組架~)一齊走la~
上到去就坐底la~
因為好累.....

呀樑話見到我好賣力呀~
我認架~
今次係我最賣力ge一次賣旗~
希望以後都可以咁la~
之後佢問我有冇買到旗~
我先發覺自己冇買到旗呀~
我次次賣旗都會買旗架~
今次冇買到呀~
好傷心呀~
咁都會唔記得~

之後就放食飯~
我同vicky,蔓思同tiffany一齊食
我地去左間食物唔係特別好食ge餐廳食~
vicky佢地就好介意~
話好少汁同d飯太軟~
雖然我都覺~(除少汁外~)
但係我覺得都冇乜所謂ge~
因為有得食已經好好架la~

食完野之後我地就返去運動場la~
又要玩game la~
就係要畫一幅畫~
然後去叫一間商店貼呢張畫響佢間鋪~
仲有要比一樣紀念品~
仲有要答問題tim~

我地係想叫寵物店ge
so畫左d動物~
好開心呀~
呀燕話我寫d英文字令~(其實唔係好令~呢個唔係我自卑呀~而係我d字只係整齊~唔係令~!!)
so要我寫"welcome"~
佢話尋日我寫個"thx"好令喎........
但係我尋日好似d字好樣衰架喎~
好采我今次寫得都覺得ok~
雖然唔係好令~
但整齊都ok la~
呵~!!

我地就叫左一間鋪ge老闆幫我地~
佢雖然好唔願意咁~
但最後都肯ge~
之後佢"級"左個印比我地~

之後我地就好努力咁答晒d問題~
我地係第一組返到運動場架~
勁勁~~~

之後三組返到之後~
我地就要上車la~
因為要返屯門la~
我竟然有d唔捨得呀~
之前我係好唔想去呢個camp~
因為好污"做"
但係我真係好唔捨得呀.......

不過几唔捨得都好la~
我都係要搭車架la~
我上到車就同vicky,蔓思同tiffany食下零食la~
之後我就訓著左la~
呵~
好采vicky響市中心叫醒我咋~
之後去到屯天就返屋企la~

返到屋企我即刻沖涼呀~
舒服~!~
響屋企始終都係最舒服ge~
但係我仍然我掛住去camp ge o個几日~><

＊修：2006-08-24

>>August 24, 2006 at 10:26:09 PM GMT+8

2006 年 8 月 22 日 星期二 【晴】

依家講返第二日去camp la~
我7:15左右就起身la~
要同d組員去整早餐~
其實所謂ge整早晨都冇乜野做~
只係要煎火腿咋~
仲要唔係我煎~
我只係擺下d食具咋~

我地搽麵包黎食架~
好好味呀~>v<

係la~呀樑係我地ge leader~
佢冇乜玩架~

之後呀~~
就成班人一齊玩games la~
玩左一陣就分返組la~
我地玩左好多games呀~
不過我唔記得邊d games係上午玩~
邊d games係下午玩~
所以我先講lunch~
再一次過講晒d games

講左lunch先la~
我地又係食"波仔"la~
不過呢個係殘廢餐~
每組ge1,2號係廢右手
3,4號係盲
5,6號(我呀~)係廢雙手
7,8號係健全
9號+9號打後係廢左手~

好慘呀~
我要呀燕同vicky餵我食呀~
好似好阻住佢地咁呀~
好唔好意思呀~
不過佢地就唔介意~
我發現左呀朱係素食者黎架~

我食飯時~(vicky餵緊我架~)
呀樑走黎問我點樣~
我就問佢:"邊個提議食殘廢餐架?"
佢話:"我lo"
我就問:"咁邊個話5,6號要雙手殘廢架?"
佢又話:"我lo"
我就話佢自己係9號~
就編8號以後廢左手~
有右手食飯~
又唔駛餵人食飯~
佢就話係抽籤喎~
都唔知真定架~

食完lunch~
呀叻同呀yee(另一組ge)要出camp la~
我地唱紅日~
佢地就好感動~
呀叻仲喊左呀~
o個時其實我都好感動~
好想喊~
但係又好似好怪喎~
呀叻話都唔知几時先可以再見返我地~
我諗可能我地都唔會再見la~
就算見到都認唔出~
但係其他同佢friend ge~
就可能會見到ge~
之後佢地就走la~
好唔捨得~
雖然同佢地好似冇乜講過野~
但係我知佢地係好人黎架~
我都唔想佢地走ge~

好la~咁我就講下d games la~~
唔係順次序架~

第一個~
要用鼻"定"下吊到好高ge膠紙la~
係要踩住兩個人ge膊頭上去~
有好多人扶住架~
唔會跌架~
好安全~
所以我上時都好放心!!
其實都几好玩架~

第二個~
要訓響d線上~
我地先整好d線先la~
每個人都會"羅"住d線ge~
人地就拉住條繩~
咁訓響線上ge人就會被提起la~
佢地拉得好緊~
包保唔會跌~
都係好安全架~
上o個個人就好舒服~
但係"羅"線d人就好慘la~
我隻手都搞到好痛~><
因為呀sam la~呀樑都好重呀~><
特別係呀樑....
不過就好開心~

第三個~
係要將一d水運去另一個水樽la~
呢個game我地可算係失敗ge~
我地唔可以"掂"裝水ge水樽~
要用四條線同兩條橡根去"羅"佢出個格到~
咁先可以"羅"個水樽~
之後又要將佢入面d水倒入去一個空樽~
但係要響格外倒~
又要用頭先d材料呀~
但係我地倒"寫"左呀~
咁呀樑就幫我地再裝水~
雖然我地係諗到個好好ge方法~
但係就倒"咩"左...
仲有超左時呀~
有d唔開心~

第四個~
係用腳抬高盆水~
呢個好搞笑~
我地試時倒"寫"左d水~
成地濕晒呀~
到真時就ok la~
我地係要抬盆水至一米高左右~
我地個個都要坐到地下~
仲要幫隔離除鞋先可以放底盆水.....
放底之後~
呀樑走過黎用水"佩"落呀sam到呀~
我響呀sam隔離~
所以都濕左~
個地又污"做"
成對襪都好黑.......
雖然唔鐘意咁污"做"~
但係呢個games係几好玩架~

第五個~
青蜓點水~
係最易架~
係打"質"個身~
個個扶住你~
你就去執"磁跟"
都係好好玩架~~
呢個game係響男仔房玩架~
原來男仔房好整齊~
唔似我地女仔房咁亂~
好多女仔都係咁講呀~
有d慚愧tim~
男仔仲整齊過女仔.....

第六個~
係蜘蛛網~
要抬成個人串過個蜘蛛網架~
我係第二個比人抬架~
好舒服架~~
amy好叻呀~
佢將呀燕成個人抱起呀~
叻叻!!

最後一個係最好玩架~
係每兩個人一組la~
每組有一支鐵棒~
兩個人一人一邊咁"羅"住支鐵棒~
之後就一組一組咁打橫排~
鐵棒同地下ge距離大約一米la~
我地要踩上鐵棒~
要行過每一支鐵棒架~
一人一次~
行上去就好好玩la~
因為唔會跌架~
會扶住人地ge膊頭~
好安全~
不過"羅:鐵棒ge人就慘la~
因為一個人踩上去真係好重架~
我隻腳因為咁而傷左~
好采巧琪幫下我咋~
不過之後又冇乜事喎~
好神奇~

之後就煮野食la~
我地要用"石"紙包住d食物~
放響燒烤爐上煨~
但係我地開頭唔係煨~
係燒~
搞到有d雞翼燒焦左~
呵~
好采之後識煨咋~

都几好味架~
原來d金菇同秀珍菇唔加調味料~
煨完就食~
真係好好味架~
雖然係好淡呀~
但係勝在原汁原味~
正呀~!!!

食完之後就係玩camp fire la~
我地就跳下舞la~
好好玩呀~>v<
之後呀清就派10張便條紙比我地la~
叫我地寫比一d自己欣賞ge人呀~
我就寫左比自己ge組員同少少其他人la~
我係好比心机寫架~!!
我收到十張呀~
雖然好少~
但係好開心~>v<~!!
因為好多人都話我有自信左喎~

呀樑寫左好多野比我呀~
係最長ge~
好似有89個字~
佢d字好樣衰~
好似d幼稚園d人寫d字~~(唔係我講先架~)
佢其實之前都講過架la~
佢話見到我就令佢諗返起以前ge佢~
因為佢話我好似以前ge佢~
係對自己好冇信心ge~
不過其實經過呢次ge camp~
我知道左要對自己有信心~!!!
除左佢之外~
呀朱同呀詩都有叫我有自信d~~!!
我覺得我響呢次camp~
學到ge~
就係自信心~
我都算係比以前會講出自己ge意見~
好多人都話我進步左呀~
好開心~>v<

今次我好開心可以識到呀樑~
因為佢教左我好多野~
而且佢係個好好ge人呀~
希望以後都會係朋友la~~

我亦都希望會同到我響今次camp識到ge人繼續成為朋友~
因為個個都好好好好人呀~>v<

呢日我好早就沖完涼la~
但係因為同呀燕la~粟米la~蔓思la~同tiffany傾計同食野~
所以成2:00先訓呀~
呵呵~

＊修：2006-08-24

>>August 24, 2006 at 10:18:21 PM GMT+8

2006 年 8 月 21 日 星期一 【晴】

各位好呀~
我去完camp la~
好開心呀~
好想再去camp呀~>v<
我講返第一日先la~

我地返到學校玩下game先ge~
仲有要講下camp d野la~
仲有要買"送"呀~!!
因為我地要自己煮第二日ge早餐+晚餐+第三日ge晚餐~

我地係分左三組ge~
唔係自己分架~
我o個組叫"team新地"
有一號榴槤味-----呀sam
二號咖啡味------呀朱
三號曲奇味-----amy
四號....唔記得----tiffany
五號芒果味-----蔓思
六號朱古力味-----呀晴(我)
七號薄荷味-----vicky
八號士多啤梨味------呀燕
九號海洋清新味(止汗劑???)-----呀樑
同十號臭狐味(呢個...............)------呀叻
好搞笑~^^

我地本來2:30就搭車架la~
但係因為架車爆車輪!!
所以就遲左d上車la~

去到營地la~
個營地比我ge第一個感覺係---貧窮地方ge學校
因為好似呀~
又爛爛地咁~

之後我地就上女仔房la~
個樓梯好cute架~
係旋轉形架~
不過就太細級同好窄la~
好難行~

上到房la~
雖然唔係好令~
但係有冷氣~
好舒服!!!!

我揀左上格床呀~
因為我平時係訓上格床ge~
我地一放底野~
就要"羅"水樽落去la~
因為有野做~

呢個係我地第一個響營地玩ge game~
係要你用假錢買d材料la~
係以拍賣ge形式ge~
我地就買左雞皮紙+粗膠紙+報紙+細膠袋
我地係要用呢d材料整一個容器出黎~
然後裝d水落去la~
之後"羅"住佢行去沙灘~
要行20分鐘呀~
我地個容器本來都ok ge~
但係之後d膠紙唔得la~
就開始有水出左黎~
期間呀sam對拖鞋爛左呀~
咁佢就唔著鞋la~
好無奈~~
不過好采~
我地去到沙灘仲有水~
咁我地就win左la~
呵

個沙灘好令架~
我真係冇諗過香港會有一個咁令ge沙灘呀~
個沙灘得七個人左右響度玩~
冇垃圾架~
d水好清~
真係水清沙幼呀~
之後我地都除左對拖鞋玩~
好好玩架~

好快就黃昏la~
咁我地就返營地la~
清理下d沙呀~
咁我地就食飯la~
係食"波仔"呀~
味道都ok ge~
不過有一半飯係凍ge~
所以唔係好飽~

之後我地食完飯過多陣就要夜行la~
係一組組出發ge~
我地係最後一組~
賴sir 成為左我地組ge人呀~
係11號香蕉味~

本來行都ok架~
因為係行馬路~
但係之後就慘la~
要行d好難行ge路~
如果未行過係唔會知有几難行呀~
有好多好多石~
好似冇平路咁架~
又要上斜~
落斜~
好辛苦架~
之後我地撞到第二組~
咁我地又一齊行la~
之後又再撞到第一組喎~
呵~!!
原來我地行得咁快架喎~~!!
之後我地要行海邊呀~
d石好多沙~
同好濕呀~
好難行呀~><
我都跌左次~
之後最難行係有好多好多草ge~
d草好"吉"~
條路又細~
仲有d草遮住晒條路~
睇唔到路呀~
好采前面d人會同我地講:"有石呀~"咁~
好似係amy同巧琪呀~
佢地真係好偉大呀~
佢地行得咁累~
仲要咁大叫~
好感謝佢地~
不過之後巧琪整親隻腳呀~~
佢好可憐呀~
行得好辛苦~
呀叻今日好似係行左先ge~
o個陣佢冇著長褲~
"吉"死佢.........

o個日佢同呀燕傾計~
佢地講陳亦希呀~
黑洞同maths之類o個d~
我好有興趣~
所以就一真聽la~
我發覺呀叻好叻呀~~
同呀燕好有好奇心呀~
希望我可以好似呀叻咁叻同好似呀燕咁咁有求知慾~

行左三個鐘la~
有人話見到光喎~
點知行多成個鐘都未到~
之後又話見到光~
點知行左半個鐘都係未到ge~
跟住有人話仲有半個鐘路~
不過唔講好過講~
比自己知道仲有半個鐘要行~
都几辛苦~

再行左一個鐘la~(d人都呃人ge~又話半個鐘~)
就行到出馬路la~
好快就行返營地la~
我地一返到去就去裝水飲~
因為我地唔夠水飲~
仲有飲橙汁呀~
我行到條腰同腳好累呀.........

跟住就沖涼la~
又要排隊~
好慘~!!
我地其實係8:20左右出發ge~
行左五個鐘la~
行到1點几~
沖完涼都2:30之後la~
又要等頭髮乾........
之後等唔到就訓la~
3點左右先訓呀~
我一訓落床就訓得著la~勁勁~

＊修：2006-08-24

>>August 24, 2006 at 10:02:21 PM GMT+8

2006 年 8 月 20 日 星期日 【晴】

今日好早起身呀~
因為約左蕉去買書~
我今日仲買左個筆袋同索袋tim~
開心~

之後再到屋企la~
家姐整左砵仔糕呀~
好味道!!

之後呀哥同姐同爸去買手机~
係for呀哥ge~
都ok令呀~

听日去camp la~
要星期四先寫日記呀~
因為星期三先返~

係la~
我轉左msn:[email protected]
可以add我架~

我睇"美女廚房"lu~

>>August 20, 2006 at 9:46:32 PM GMT+8