2008 年 3 月 21 日 星期五 【晴】

今日返工,,有個 net fd 甘岩經過我公司附近,,
過左黎搵我,,,
哈,,佢見到我..面都紅晒,,,我個下好想笑,,
佢個樣都 ok 架,,斯斯文文個 d 啦,,(不過唔係我鍾意個 d)
我自己個人喜好係鍾意好似亞華個一類,,,比較孩子臉...^^

傾左一支煙多小小閎時間,,,就走左喇,.,

有時,,,佢可能諗多左 d 野啦,,我知我貪玩,,,
但,,,有 d 野我已經冇得再玩喇,,,
佢返左工之後,,,起勢甘 send 野過黎比我,,
唉,,佢都知我就黎做人老婆啦,,仲諗甘多做咩呀,,
或者,,佢係一個唔想負責任既男人啦...

>>March 22, 2008 at 8:54:17 PM GMT+8

2008 年 3 月 19 日 星期三 【晴】

今日十點已經起左身..
同亞然一齊出左去金都搵余慶,,,
之後去左佢介紹個間禮服舖買衫,,,(下個月要影婚紗相)
諗住順便搵埋 helen 傾化妝既野,,,不過佢唔係度,,,
之後去左和民食野,,,
行左金魚街買野比隻狗,.,,又大出血喇,,,
到左四點幾,,我地過返九龍灣 emax 買野,,,
入面有一層係買寵物用品既野....
我地兩個好似唔使錢甘,,,見到岩就買...
今個月唯有慳 d 啦..,

到左6 點,,約左兩個表妹一齊返彩雲食飯.,,,
食完野,,我地落左樓下既<兒童遊戲機中心>玩,,,
兩個表妹,,,我同亞然,,,四個人玩得好開心,,好投入...
玩到人地收工先捨得走,,

之後一齊去左 mcdonald 食雪糕,,,不過我冇份食,,(氣管唔好)
食完野,,就送左佢地返屋企,,

>>March 20, 2008 at 8:58:57 PM GMT+8

2008 年 3 月 13 日 星期四 【晴】

w,,,,,
你真係好冇用,,,完全唔識諗...
唉,,,呢 d 就係我唔選擇你既原因...

>>March 13, 2008 at 2:00:45 PM GMT+8

2008 年 3 月 12 日 星期三 【晴】

今日同亞然一齊放假,,
一起身,,就出左油麻地拎特區護照,,之後同亞然屋企人一齊去食 lunch,,,
食完 lunch,,帶左 隻狗狗去 睇 vet,,佢而家隻眼有 d事,,,遲 d 要做手術,,,
睇完 vet,,返左樂富,,,亞然就同佢老豆去左整車,,
我就係屋企玩狗,,傾電話,,,

到左九點幾,,約左亞邦夫婦同亞 7 ,一齊去左食日本野,,

>>March 14, 2008 at 7:31:27 PM GMT+8

2008 年 3 月 2 日 星期日 【晴】

ZOE,,,
我隻狗叫亞 Q,,
呢個名係亞然既老豆改架,,
佢話隻狗隻眼有個 Q 字,,,我地就唔覺囉,,,
得佢一個人先睇到,,,佢係甘話隻狗有,,,我地話冇,,,佢又好大反應...
咪由得佢囉,,

隻狗而家四個半月大,,
岩岩拎佢返黎個排,,好辛苦,,,照顧佢幾日,,已經輕左五磅,,,
可能我特別對 D動物緊張啦,,,,搞到自己精神有 D緊張...

而且對住佢屋企人,,,幾麻煩,,,
對隻狗緊張 D ,,又比人話使唔使甘緊張呀,,
對隻狗冇甘緊張,,,又比人話我唔理,,,
真係左右做人難,,,

有時候,,真係為左佢地而好唔開心,,
好似岩岩甘,,,亞然話今晚約左朋友出去食飯,,
佢 D 朋友叫我地早 D 出,,我同亞然講,,,我要返屋企幫 D 乖乖換左野先出門口,,,
佢問埋晒一 D 無謂既問題,,,佢問我唔使換唔得咩,,,又叫我打返屋企叫 MUMMY 幫我換,,,
佢明知仲要故問,,,,我屋企人肯比我放佢地三個係屋企,,
我已經一直好感激佢地,,,佢地又再一次包容我,,,
唔通我仲將佢地既野,,,留返比我屋企人做呀,,,

邊個迫成我甘架????咪係佢屋企人囉,,,
我結左婚,,,如果我 D 乖乖仲健在既話,,,,
我日日都係甘做,,,

我帶佢地返彩雲,,,全部都係佢屋企人搞成架,,
我日日放工都要返彩雲換野,,之後再過十一點搭車去樂富,,,
之後返樂富整狗飯比隻狗食,,,幫佢洗衫,,洗籠...換暖水袋,,,執屎執尿,,,拖地吸塵..
第二朝 7 點起身等佢開大,,幫佢執屎,,擦身,,,
之後到十一點,,又再起身整野比佢食,,,
搞店晒隻狗,,自己先做自己野,,十二點五,,,就要出門口返工,,

做得好,,好似係應該架,,,做錯左,,就係甘比人話,,,
今日睇新聞,,,見到一個聾既女教師自殺既事,,,
個一刻,,我諗,,,如果我係選舉性對住某 D 人聾,,,都未必唔係一件唔好既事喇,,,

>>March 2, 2008 at 7:36:54 PM GMT+8

2008 年 3 月 2 日 星期日 【晴】

岩岩收到十月影既結婚相...
睇返原來個時塊面都幾肥下,,,
黎緊四月再影,,,,我諗我要再努力減下肥..

>>March 2, 2008 at 7:15:05 PM GMT+8

2008 年 2 月 25 日 星期一 【晴】

呢排又凍左喇,,,大家注意身體呀,,
今日買左個暖風機比隻狗狗,,,因為我驚佢再凍到,,,

>>February 25, 2008 at 8:16:22 PM GMT+8

2008 年 2 月 25 日 星期一 【晴】

zoe,,,
我比條 link你呀,,你可以上去睇下
http://hk.myblog.yahoo.com/berylam1217/gallery
不過佢而家大隻左好多喇,

個日我最終都冇去呀,因為我帶左隻狗去睇醫生呀,,,
佢早排病左,,有 d 咳,,,
不過而家好返喇,,^^

>>February 25, 2008 at 8:14:54 PM GMT+8

2008 年 2 月 15 日 星期五 【晴】

今日係我同亞然放大假既第一天,,
一起身,,同佢亞爸,亞媽出左去食野,,
食完野帶左 QQ 女去睇醫生,,
醫生話佢條氣管有問題,,睇左成 $700..
不過最緊要佢冇事啦,,

返到屋企,,即刻比佢食藥,,佢完全冇反抗,,
我估佢以為呢 D 係食物,,,
之後同佢玩左一陣,,差唔多又要食飯喇,,,

今晚要節衣縮食喇,,因為今日用多左錢,,,
所以就係就係屋企煮雞粥,,,牛丸,,,蘿白糕,,

到左十二點,,,我地就返彩雲...
因為我地聽日同我 DADDY,MUMMY返大陸玩兩日..
不過我玩得唔係甘放心,,可能我擔心隻狗啦..

返到彩雲...亞然又話好肚餓,,要食 MCDONALD..
真係比佢吹到啤一聲,,,佢今日好似食極都唔飽甘,,

大約一點..返到屋企,,
我即刻同我 D 寶貝換木康,,
呢期我日日都係亞然個邊住...
不過我都有日日返屋企同佢地換木康...
我呢排為左照顧隻狗狗,,,冷落左佢地好多日,,,冇時間陪佢地玩,,

>>February 21, 2008 at 9:04:08 PM GMT+8

2008 年 2 月 9 日 星期六 【晴】

今朝一早起左身,,約左狗晶去拜車公,,,
一齊去轉下運..
我地兩個一見面,,大家都好似痴痴呆呆甘..
唔知係咪大家都唔係甘夠訓,,
我地唔係甘識去搭車,,,好彩最後都去到目的地,,
一到步,,,冇我想像之中甘多人,,
拜完神後,,我地就去買風車,,
之後就去左沙田新城市,,,行左一陣就去左食 lunch,,
食完 lunch ,,大家就各自修行,,
佢去搵 bonnie,,我就返彩雲,,
因為今日係我 daddy 生日,,,成日親戚係我屋企打麻雀同打機,,

我同兩個表妹就係 mummy 間房玩 nds,,,
個一刻,,我諗返以前八年前,,,,佢地兩個係我屋企住既日子.,
我地成日三個係房入面玩,,,但而家,,個個都長大喇,,,
我既大表妹唔知係咪近得我多啦,,佢既性格真係有 d 似我以前,,,^^
所以佢做好多唔岩既野,,我都會包庇佢,,,

到左7 點,,,我地五個後輩一齊落左街玩,,,
去左一個兒童樂園既地方,,大家都玩我好開心甘,,,
之後亞哥同佢女朋友上左黎搵我地,,
佢地兩個同表妹,,表弟,,有 d 代溝,,,
但我仲未有,,,我仲好似玩得激過佢地,,
唔怪得我成日比人話我 d 嗜好似十幾歲啦,,

玩左個幾鍾,,,我地買左層層疊去酒樓玩,,,
玩左幾舖就開飯喇...

最後祝 daddy 身體健康.

>>February 14, 2008 at 1:49:34 PM GMT+8