2005 年 5 月 3 日 星期二 【晴】

我已經唔知可以講咩了............但, 我沒有後悔!


摘自梁望峰小說「夜的孩子 」:

既然我是真的喜歡妳，我不怕說。我不告訴妳，我永遠不能結識妳；告訴了妳，起碼也有一半機會得到妳的歡心。

過去的人和事，說是忘記了，其實根本沒有「忘記」這回事，只是有新發生的事，新遇到的人，新的記憶慢慢蓋上舊的回憶––就像傷口慢慢癒合––埋住了故人舊事，但那是忘嗎？除非可以把那一截舊記憶完完全全搬離腦袋中，否則，當走回某一個老地方，遇見某一個人，什至碰到某一件微不足道的小物件時，舊的回憶，舊傷口，那些事和人，不必刻意記起又會頑固地回來。避不開，也躲不了。

>>May 3, 2005 at 11:58:42 AM GMT+8

2005 年 5 月 2 日 星期一 【晴】

因為你



昨晚, 訓唔到..........又是整晚都想你..........

唔知 , 你又是點呢?

今日整日都好唔開心.......又溫唔到書了.......

我從未想過原來中史是如此難讀的...............

如果我依家去會考真是唔知會點.......

我對住本書......但是腦中想起的只有我和你的對話........

我為自己的唐突而自責,

又為你的拒絕而失落.........

如果你告訴我只是不喜歡我........

我仍會放棄一切的自尊去令你接受我.........

但是, 你已經有你的另一半了............

我可以點做?依句說話我問左自己千百次......

但是........我都唔知答案.....

我只是想見到你, 又想聽到你的聲音而已...........

竟是如此困難?

為什麼我獲得的只有苦惱與傷心?

我記得以前Theresa同我地講過........當你唔開心或者失意的時候.....

你就需要用音樂去抒懷你的心情.......

果時我仲好天真咁答佢.......

唔開心.........訓一場覺咪得lor...........

但是..........依家我發現........我根本訓唔到.......

我拿起已經封塵的結他........我雖然很多指法都忘記了.....

但是........我依然好想玩.........

我記得以前我跟人學結他的時候, 只是因為覺得好"型".........

但是......因為自己三分鐘熱度就放棄了......

但是依家我真是好想玩番.........



其實........我都是因為你而選擇去逃避而已...........

>>May 2, 2005 at 5:28:28 PM GMT+8

2005 年 5 月 1 日 星期日 【晴】

前路


如果我行前一步,你會唔會跟住我行依條路?

我怕, 當我這樣做的時候, 你不單會原地停留........

甚至......你會因為害怕而退後一步.......

我好怕........因為, 路很黑, 我看不到前路.......

我需要你陪我行........可以嗎?

----------------------------------------------------------------------------------------------------------------------------
今日, 我整日都係家中, 雖然對住本中史書 ............

但係......我完全溫唔到........我整日都猶疑緊應唔應該打比你.......

晚夜, 我整晚在家中的天台走來走去......

我個心好驚..........但係, 我都努力去平服自己.......

我對自己講, 我需要的是一個答案......

雖然 , 會是絕望的答案.......我明知是如此......

但係, 我都努力幻想事實不是這樣........................

終於, 我鼓起平生最大的勇氣打左比你.....

我的聲音沒有抖震.......我很奇怪自己可以這樣..........

最起碼.......我告訴了你........我是喜歡你的...........

雖然, 這只是一個你和我都知道的事實.....

然後, 你告訴了我答案........

原來......不是我的想像........

其實, 你早有另一個人陪你走你的路........我知道........

依個人唔是我.........我還能妄想什麼?

我已經唔知可以再講什麼..............除左對唔住之外.........

我很想和你說點什麼......但係, 我已經無地自容.......

對唔住.......我令你受到困擾..........

一分零兩秒的對話.........

我傻傻咁留在家中的天台.........我好想哭.......

我已經好耐沒有咁的感覺.......

我唔想自己從來沒有在你的生命中出現過...........

我唔甘心..........我接受唔到事實是咁.........

我什麼也做不到...........

我真係鍾意你的...........藍

我到底可以點做?
----------------------------------------------------------------------------------------------------------------------------

>>May 1, 2005 at 11:34:58 PM GMT+8

2005 年 4 月 30 日 星期六 【晴】

會考~~1

28/4

電腦卷一 加電腦卷二.........

考完之後都唔知自己考成點, 簡單 d 來說, 就是好似識又好似唔識........

29/4

英文卷一加英文卷二

卷一做的時候好有信心.........仲好興奮, 寫左成300 字有多........@.@

我以為寫得愈多愈高分..........唔知..........唉!

一開始仲諗住靠卷一拉分.........

卷二: 佢出得好淺........但係我唔識........=.="

咁風風就問我: 你要點樣先識?

我就答: 其實...........佢點出我都唔識架la........=.="

30/4

英文卷三, 我拿左兩部收音機.........原來去到試場真是好清.......

聽得好清楚.......份卷仲要好淺............part B 只是不停咁COPY........

我相信英文會合格的~~

不過都是靠MISS KONG 地獄式的訓練~~

真是好多謝佢..........

之後, 考中史............我相信我拿不到A 的.......
最好都應該只是B, 不過.........咁點面對江東父老.............

發覺, 自己很沒用.......我目標是考17, 18 分.....
但我相信自己都是只是拿14分左右(分分鐘沒有.....@.@)........

不獨是成績...........很多事都一樣.......




我又逃避了..........

>>April 30, 2005 at 1:48:50 PM GMT+8

2005 年 4 月 26 日 星期二 【晴】

決定


深夜, 訓唔著.......腦中想起的只有她........

凌晨, 8點未到就起床, 幾乎沒有訓過.........

即使快要會考, 我都沒有好好休息, 好好溫書.......

我想任性一次, 做一件傻傻的事...........

我, 真的很想你

希望你明白..........

我可能很傻, 但我是認真的............

最起碼, 我希望你知道...........




我愛你



天父啊.........請賜給我勇氣...........


等我............

等我考完會考..........

等我..................



相信我............

>>April 26, 2005 at 4:12:03 PM GMT+8

2005 年 4 月 25 日 星期一 【晴】

怕!


想記錄今日的事....所以, 破戒打了今日的日記........

一如以往......返去英文補課..........但不同的是, 我又見到佢.....

正面撞到正, 由互相見到, 到互相愕然, 然後互相避開大家的目光.......

再要像若無其事地走開.....我知道她知道的........

就是這樣! 大家明白, 卻扮成不明白.........為何?

不熟?.....還是, 是我一廂情源的妄想?

很小的一件事, 我看得很大....

因為, 有她.........我就是喜歡她!

走的時候, 又看到她.......我又故意走開, 去還書..........

我做什麼? jeses! 我不喜歡怕的感覺.......我怕的是什麼?

我為什麼要避, 為什麼要走?

好多次......好多次都是咁.........點解?

補課的時候,同表妹講計, 同肥俊食下午茶的時候, 我都心不在焉.....

所以, 打了表妹個頭好多下........其實, 我是沒有意識地打的......

我知道自己好無聊.......平時我是唔會咁的...........

但係.......我真是好唔開心~!!

點解佢要見到依家的我..........一個咁不堪的我~!?

我避, 是因為我不完美?

我真是唔想避落去...............!!!

既然你唔會鍾意我...

點解又要比我見到你~~!?

諷刺的是, 我又很想見到你.......

即使, 我知道自己是在沉迷一種自虐的遊戲~!!~~

我知道我會安慰自己.......然後, 重複又重複.......

然後, 回復本來面目........再傷心過........再自責過............

對唔住~~!!~~因為, 我就是一個咁的人~~!!

我希望時間可以改變我~~如果可以的話..........

>>April 25, 2005 at 5:22:41 PM GMT+8

2005 年 4 月 18 日 星期一 【晴】

等我啊


由於會考只剩十天左右........所以要努力讀書......

暫時唔玩電腦住, 都唔會打日記......

在18/5才會寫返日記........今次我好認真, 希望我做到la......

你地要為我做見證啊~~!!~~~



i will be back!!!!

---------------------------------------------------------------------------------------------------------------------------

備戰倒數日記:第11日

>>April 18, 2005 at 9:03:57 AM GMT+8

2005 年 4 月 17 日 星期日 【晴】

不想讀, 也要讀!!!


很不想讀書, 除了因為自己懶散外.......

也不想打擊自己的自信, 自尊...........

做了三年的中史mc .........錯了十幾條.........事實擺在眼前.......

不能欺騙自己, 只能拿c 左右..........深感實力不止如此.........

唯有彼此努力衝刺.........

----------------------------------------------------------------------------------------------------------------------------
深深思念一個人的時候
我們不知不覺地活在世界的中心
即使堅信彼此的幸福將永遠留存
也無法阻擋摯愛一秒秒地流逝
每個人心中
都會有一段
與生命同在的生會愛戀
誰可磨滅
而思念至深時
我們將不自覺的
活在世界的中心 呼喚愛情...

誰能磨滅內心的思憶?
神要我們愛人........卻不給我們愛人的機會...........

也讓所愛的人離我而去...........
----------------------------------------------------------------------------------------------------------------------------
備戰倒數日記:第12日

>>April 17, 2005 at 4:20:59 PM GMT+8

2005 年 4 月 16 日 星期六 【晴】

感召


今日受阿星的感召,去了教會,

昨日我4點幾先訓, 所以起得好辛苦,

去了便以利會.......

返了團契, 第一次返團契, 感覺就是小組的多人版........

提摩太團契, 識的有阿星, 龍, 林小姐, 同埋阿發.................

開始的時候, 自我介紹.........不過d 人講完d 名, 我都大部分唔記得......

不過, 可能因為唔熟la............感覺依組的交流不足........

總感覺, 心靈缺少了什麼...........


陳慧琳 /林保怡 - 不配相擁

女:無止境 愛與苦水乳交融 再去等只怕窮一生 如夢似空終不配相擁
男:情翻湧 銘銘中跟你相逢 兩訣依戀長埋心中 情淚化不開天意作弄
合:人在結束的一刻最清醒
男:你跟我緣份已定
女:讓這
合:一秒鐘
男:永遠溫馨
女:浮生中 最愛的一瞥驚鴻
合:留百世 傳頌這真愛動地天驚

合;留下最終只得一抹身影
男:看清愛和恨有命
女:墮進
合:煙雨中
男:永遠不醒
女:塵海中 看眾生歌舞昇平 愛意好比尋雲捉影 情掠過 可否一醉不醒
男:人海中 那個可一世癡情 地老天荒如何相傾 還是要此生膽戰心驚
合:人在結束的一刻最清醒 你跟我緣份已定 讓這 一秒鐘
女:永遠溫馨
男:來 來讓我們漫遊仙境
女:未到的結局
合:看不清


---------------------------------------------------------------------------------------------------------------------------

備戰倒數日記:第13日

>>April 16, 2005 at 10:59:45 PM GMT+8

2005 年 4 月 15 日 星期五 【晴】

珍惜-感動


最後一天, 今日氣氛很好啊~~

在班主任堂, 我地計劃左比何老師一個驚喜.......

雖然佢都知架la......不過 , 當我地逐個逐個送花比佢..........

佢都真是好感動.......哭左出來, 很開心啊......

之後, 我地又逐個送花比每個老師, 我是中文科長, 就送花比miss 胡了........

今日每一堂都是影相同簽名了........我沒有相機, 就用左阿星部相機去影相了.........

你記得send 相比我啊...........~~~!!!~~~

同好多人影左相, 等下一次機會可能是謝師宴了..............

電腦堂, 我地踼電腦盃............出左一身汗, 都幾舒服.....

下午, 拿了件form 1 的P.E. 衫返學..........找了很好人簽名......

自己果班都差不多個個簽晒了.........又另外找了其他班的人簽比我..........

成件衫都密密麻麻............哈哈~~~

文學堂, 我地特地玩下吳公子, 玲姐要我地躲在後面座位的底下, 嚇下佢.....

我心想:D 咁唔高明的手法點玩到佢..........點知, 原來真係玩到佢........

哈哈~~笑得我好辛苦........我地又買了禮物比吳公子, 睇佢個樣都好開心架LA`~~

吳公子, 你是咪好感動呢?

放學, 一齊影相了.........之後"靚靚展淇"提議我地在學校玩水鎗..........

我地買左水鎗........就玩LA.........哈, 展淇姐~~你射我, 真是唔識個死字點寫.......

同阿輝一齊一面射佢一面追佢.........搞到佢是咁話:"唔制啊......唔准射我啊....~~"

好得意.......不過佢找左成次郎保護之後就沒有得玩了......

我地轉移目標, 射穎琦, 寶兒, CIDDY...........哈哈, 我地射遍天下無敵手..........

之後, 玩左好耐, 就走了..........

7:00點, 我地在百佳等, bbq, 途中, 我看到...............

冷酷的臉..........為什麼, 你不開心嗎?

世事總是出人意料............以為絕對不可能的事卻發生了........

你不可能有準備而來.............

我心情有些沉重, 一直回憶, 試圖找到什麼..........

可惜, 根本什麼都沒有........我靜靜地燒野食.................不想再說什麼.....

我地又去了吹水........傾下心事.......

有些事情, 別人和自己看的有可能不同.........

你可能覺得佢有問題......但自己看不出, 感覺不同就是了.........

畢竟, 大家所感受的, 所面對的都不同.................

傾到4:00幾...........就回家去了訓了.........

----------------------------------------------------------------------------------------------------------------------------

備戰倒數日記:第14日

>>April 16, 2005 at 1:31:20 PM GMT+8