| 日記 | 日記主簡介 |
||||||||||
2005 年 11 月 4 日 星期五 【晴】 一朝早...七點wake up 跟dad 車返倉... 到十一點幾開始感到有"救命"o既感覺...後悔...點解朝早唔飲定杯coffee... 食lunch...飲左杯...諗住下晏繼續努力...殊不知...brenda n celia 打o黎話睇戲...嘩...真係好吸引呀... 因為...未上之前就已經想睇...所以...最後...決定出去...但係就打亂晒今日o既計劃囉... 三點五十分開場...但係我就三點十分先係錦田出發... 問elsa 會唔會趕唔到呀...佢就話"來回四次都得啦..."...haha... 去到荃灣西...點知唔識路行過去囉...不過...正所謂"路在口邊"...問左3個人之後...終於去到... 去到o個時...celia n brenda o岩o岩買緊飛...真係時間o岩o岩好呀...haha... 入埸...睇戲... 齣戲就麻麻地啦...個故事比較簡單...d 角色o既設計都ok 得意...(擺隻咸蛋係眼度...haha...) 但係就做完左都唔係好知囉... 之後...一齊返tai po...因為要放狗... 落車之後...買左串燒豬頸肉...好味...又買左碗仔翅, 魚蛋... 返到去就放狗...返番上去之後... celia 幫我搞掂左隻panda 啦...(yeah...又多樣野擺啦...lalala...) 我就去左整野食...佢地係我間房度唔知做咩囉... 係廚房叫極都冇人應...真係吹漲...我都係想問下整幾多野姐...駛唔駛咁呀... 又唔話我知食幾多野喎...搞到最後話好飽兼食剩野... 其實...真係忟囉...叫你...你又唔應...又唔知你地係度做緊咩... 又驚煮多左野浪費食物...唉... 之後食生果...唉...真係批埋皮比你切啦...brenda...自己唔係唔識切...而係唔想切... 煮埋比你地食...碗又我洗埋...仲想點呀...我唔係阿四囉... 家姐返埋o黎... 玩遊戲..."四級豬"...輸左落去樓下買野飲... 本來玩七級...自己提議玩四級...點知係自己輸...真係自作自受囉... 唉...其實...自己都唔知自己輸左... 之後...打麻雀...玩多陣...12點先送佢地落去搭車...開門之後...仔仔又跟住出門口... 算啦...諗住比佢一齊去啦...點知落到去之後...佢周圍走喎...唯有抱住佢啦... 不過...佢真係好重呀...但係...又好得意喎...haha.... >>November 13, 2005 at 1:23:18 AM GMT+8 2005 年 11 月 1 日 星期二 【晴】 遠離頹廢o既日子... 立下目標... 重拾書本...重拾工作... 努力...加油... >>November 2, 2005 at 2:25:01 AM GMT+8 2005 年 10 月 31 日 星期一 【晴】 搭巴士o既時候...竟然撞到jackie wor...我地真係有緣啦...lala... 食完野...自己係荃灣行左陣...買左本2006年o既schedule book... 個樣都唔差ga...同埋又唔係貴喎...hehe... >>November 3, 2005 at 1:01:48 AM GMT+8 2005 年 10 月 29 日 星期六 【晴】 約埋michelle, polly, ck, ling 去玩塔羅牌... 本來去之前都仲係心大心細...唔知玩唔玩... 點知...原來polly 已經預埋我...book 埋位... 咁都好...決定左去就唔使再諗"去唔去 or 去左又問唔問呢"...d 問題啦嘛... o個間係causeway bay...個名係"mama's home kitchen"... 係真係"一家人"一齊搞...一齊做...分工合作... 媽媽主要負責飲品, 食物...個女主要負責同d 客占塔羅牌... o個度個環境又幾舒服喎...夠"光猛"...d 野飲都ok... 價錢都唔係貴...六十八蚊包一杯飲品 n 一副牌...(即同一topic 問三題問題) 首先問o既michelle, 之後有polly, 再之後有ck...佢地都係問"愛情"... 而ling 就係問"事業"...最後o既我係問"前程"... 其他人o既...我就唔多事啦... 而我自己呢...就覺得都幾準...可能...係咁o岩講中左自己心諗過o既野... 其實...問完3條問題之後...覺得佢答o既野...雖然好似有少少九唔搭八... 但係...又好似幾準喎... 問完之後...其實令到自己有好多反思...諗返好多野...諗返d 自己一直都唔想正視o既問題... 好似解開左d 心結...好似將自己由一個個圈圈入面解脫左咁... 玩完之後...去左"清亭"食越南野... 記得好耐之前都有同過city 朋友去過... 今次去...仲多人過上次囉... 要係門口落單...仲勁過食快餐囉...真係想坐多陣都唔好意思呀... 同ling 係寵物店見到隻好靚o既貓貓...不過勁貴囉...萬二蚊囉...傻ga... 行左陣...去左發記食糖水...嗯嗯...幾好味喎...hehe... 唔之係唔係之前o個晚真係太夜訓啦...(差不成四點半先有得訓呀...救命...) 成日都好似好攰咁...勁想訓覺囉... 不過...一食野...又冇事啦喎...hahah.... >>May 27, 2006 at 4:14:59 PM GMT+8 2005 年 10 月 29 日 星期六 【晴】 感覺...都幾準喎...可能...係咁o岩講中左自己心諗過o既野... 其實...問完3條問題之後...覺得佢答o既野...雖然好似有少少九唔搭八... 但係...又好似幾準喎... 問完之後...其實令到自己有好多反思... 諗返好多野...諗返d 自己一直都唔想正視o既問題... 好似解開左d 心結...好似將自己由一個個圈圈入面解脫左咁... 唔想再鑽牛角尖喇... 一開牌...我都未問問題...佢就已經講左好多野...仲要係好準囉... "後悔" 其實...真係有d後悔...後悔...當初點解會揀ac...係唔係真係揀錯呢?? 佢就連我點解當初揀ac 都知...主要原因就係..."餓唔駛人呀嘛..." 但係...唔掂就係唔掂...唔係人地話你ok...自己就ok...ok 唔ok 只有自己試過先至會知... 就算"將勤補拙"...但係...係對o個樣野冇talent...就係冇...無論點樣努力...係冇就係冇... 等於"拉牛上樹"...最後...都只會係白做... 依家...我清清楚楚知道...ac 唔o岩我... 跟住就開始問問題啦.... 第一條 適合做咩類型o既工作?? 由於我個人本身對數字唔係咁敏感...(其實...自己好早已經知...但係...就係唔想承認呢個事實...) 所以...ac 真係唔係咁o岩我... 反而...有關HRM 方面o既野可能會適合我多d... 第二條 三年內會唔會搵到合適o既工?? 答案係...唔會囉... 因為...有太多因素o既影響...顧慮得太多野... 所以...做唔到自己想做o既野... 第三條 自己做生意會唔會好d ?? 答案...都係唔會囉... 因為...自己人際關係唔係做得咁好... 所以...就算係...到時都唔會有太多o既支持... 玩完之後...發現左自己原來問題都幾多...同埋都幾大... 佢就比左d suggestion n advice 我.... "情緒化" 要公私分明...唔好將自己o既私人問題...私人情緒...帶入工作... 其實..."情緒化"...係一個自己非常唔想正視o既問題... 其實...一路都好清楚自己有呢個問題...成日都會大悲大喜... 有時會好想大叫一番...好想"喊餐飽"...成日都會諗埋d 好唔開心o既野...會有一d 好悲觀o既想法... 可能...有d 朋友都係仲未發現...因為...自己一路都係掩飾緊...希望人地會唔知... 但係...有時真係會忍唔住...忍唔住表現左出o黎... 而最唔想o既係...自己將情緒發洩係別人身上... 因為...冇人需要為自己o既情緒負責任...開心唔開心...都係在於自己... 但係...自己有時又真係控制唔到...(我諗...唔少朋友都試過比我當出氣袋...) 諗返起以前讀ive...搞系會...都試過同樣情況... 真係真真切切咁感受過"情緒"帶比自己o既問題... 同埋...情感(家庭)...一路都影響著我o既路...同決定...例如...讀咩科...做咩工... 但係...依家已經可可以預計到...幫爸爸手...只會另到自己更唔開心... 所以...我諗...將來都係唔幫爸爸手多... 好唔想將"公司"o既野帶埋返屋企...到時只會"家嘈屋閉"... 好唔想將"家庭" 同"事業" 混為一談...因為...到時唔係一個人o既問題...而係變左一個家庭問題... "人際關係" 其實...唔只"知識改變命運"...性格亦都可以改變命運... 改變性格...改善人際關係...拓展人際網絡...都係要做o既野... 但係...可能因為我太在意別人o既目光...同埋自卑o既關係... 令到自己係認識新朋友 or 接觸陌生人o既時候都會怯怯地... 自卑...係因為自己不足...所以自卑...解決o既方法就係將自己o既不足補足... 所以...我要改變自己o既性格...增進自己o既知識...做個充滿自信o既人... 以前...我唔會玩呢d 野...但係...今次去左玩... 係呢個咁迷茫o既時刻去玩... 其實...係唔係個天比緊機會我呢... 比緊機會我去更加認識自己...比緊機會我可以諗清楚自己想點呢... 無論係點...玩完今次之後... 覺得認識自己多左...啟發左我o既思考...唔會再鑽牛角尖... 唔會再因為其他人而去強迫自己做一d 跟本唔適合自己做o既野... 希望...真係可以做到啦... >>November 3, 2005 at 2:22:19 AM GMT+8 2005 年 10 月 28 日 星期五 【晴】 星期三先約...星期五就去...yeah...約得快...去得快...唔駛"左就右就"... 其實...去街好驚同d fd 出去要"左約右約"...一係就即興...一係就預先約定唔好改o黎改去... 所以...同celia 約定左"兩個人都照去"... 之後...brenda 去...vicky 又去...kwan 都去...雖然...人唔係多...不過...咁都唔差呀... 約左兩點半係荃灣...celia 早到左...brenda 同佢行左陣千色店... 我就唔好意思...遲到左少少... 係A1 買左三個"芝麻波波"...之後上去搵佢地...又話最高o個層喎...好彩途中撞到你地姐... 如果唔係咪"搵餐朦"...haha... brenda 生"倒刺"..."幫你咬左佢喇..."...haha... 見到有扭蛋機...扭左廿蚊...點知兩隻都係貓貓囉...真係...頂...同一個款唔同色囉... meet 埋vicky...就出發啦... 去燒烤場...唔駛自己買野食...yeah... 唔駛拎...又唔駛諗...真係兩個人去都得呀...haha... 不過...d 野食就好似唔係咁新鮮囉... 如果多人去燒...都係自己買野食開心d... 去到only 燒野食...咩都好似冇做過... 諗左學踩單車...點知只係得d 小朋友單車... 落沙灘...又冇落到...放風箏...又冇放到... 掛住燒野食...燒燒燒...燒左好多舊叉燒...haha... 燒下野食...傾o下偈...映o下相...好快...咁就九點幾喇... BBQ完...又即興去唱K 喎... 唔知會唱到幾點...不過...知道實唔會早... 所以...考慮一番之後...決定打電話向媽媽如實告知...因為...唔想屋企人擔心呀嘛... "媽媽永遠是最好的" 呢句說話真係冇講錯...同媽媽爭取到一點先返屋企... 不過...我知道自己唔會真係一點走囉...真係...辜負左媽媽對又o既信任...嗚嗚... 落番mong kok 之後...vicky 返屋企...chris 話佢收工過o黎... 去到...開頭比間細房我地...真係好細囉... 之後chris o黎埋...就換左間大小小o既...真係好好多囉... 之後...又係唱唱唱唱唱.... 唱到兩點幾...知道時間冇多啦... 就都幾冇品咁將自己想唱o既歌插晒上去...(佢地唱通宵姐...但係我唔得呀嘛...) 差不多三點先走...唉...真係愈來愈唔乖啦...cinderella 就o黎現形啦...haha... 三點半返到屋企...差d 比貓仔出賣左我... 一開門...佢係媽媽間房度係咁吠...好彩冇人比佢嘈醒...如果唔係就"大煲"囉... 沖埋涼...訓覺...累呀.... >>November 3, 2005 at 12:59:48 AM GMT+8 2005 年 10 月 26 日 星期三 【晴】 約埋celia 去candy's home... 上佢屋企之前...陪左candy n bb 去醫院覆診...之後再去埋健康院book 時間... 嘩...醫院 n 健康院都好近candy's home... 可以唔駛搭的士...行路都去到呀...都真係幾方便囉...haha...(不過...有大有細...就緊係搭的士啦...) 去到醫院...見到個登記護士個名..."呆左囉..."...居然同我同名喎... 不過...candy 都係因為呢個名...先可以肯定到自己冇去錯地方囉...haha... 之後...就陪左candy 係入面等...等完醫生...又要等報告...都唔知等左幾耐... 難為celia 同個賓賓係出面等左咁耐... celia 仲要餓左個肚等囉...都係我唔好啦...如果唔係我阻止左佢買bread 食...就唔使餓肚仔啦... 搞掂晒之後... lunch去左"大家樂"買上candy 度食... 食完坐左陣...又返番去健康院見醫生... 之後...brenda o黎啦...由我呢一個超級路痴去接佢...好彩...都冇點蕩失路...haha... 中途買左d野...(平時唔係我買開ga嘛...咪揀耐左囉...) 又買左塊鏡仔...上面印有Eeyore n pooh...(勉為其難咁帶埋pooh 返屋企啦...haha...) 上返去...又係坐下...傾下...又食下薑醋... 嘩...唔知係唔係我地變態呢...bb 喊...我地居然係度錄佢音囉...haha... 可能係我地太嘈啦...嘈親bb... 搞到bb 扭計仔...辛苦左candy 氹返bb... fu o黎埋就去買餸番去煮飯... 返到去都係主要由brenda 同fu 煮... 我冇出手呀...唔想燒左candy 個廚房呀嘛...haha... 有煎雞翼, 金菇炒煮雜丸, 炒菜心 n 蒸桂花魚... 味道又唔差喎...hahaha... 打攪左candy 成日之後...十點幾撤退... 搭車o既時候...諗返起...勁驚惹左d 傷風比bb 呀... 我病就事小呀...bb 病就事大啦...bb 辛苦...媽媽又辛苦...希望冇啦...lalaa... 今日...終於見到bb 真面目喇... 好醜怪呀...(老人家話...唔好讚d 小朋友...如果唔係會"小器"喎...) bb 要乖乖地...唔好要candy 媽媽咁辛苦呀...hehe.... candy: 今日幫唔到你手...仲要搞到你手忙腳亂tim...真係唔好意思呀... >>October 28, 2005 at 3:05:53 AM GMT+8 2005 年 10 月 22 日 星期六 【晴】 又可以見寶寶同panpan 啦...yeah... 好掛住佢地呀...因為...已經成兩個禮拜冇見... 有d想接返佢地返屋企住tim... 同panpan 剪左d毛毛... 不過...剪得好辛苦囉...panpan成日想走...我又係咁"乞嚏, 乞嚏..."喎... 唉...又冇口罩...又冇吸塵機喎... 搞到剪完之後d 毛毛都仲係周圍咁飛...不停咁飛...救命呀... 搞到唔舒服左好耐囉... 最重要係...panpan 都仲未剪完...有d 毛都仲係太長...想再幫佢剪短d囉... 睇o黎都係..."革命尚未成功,同志仍雖努力"... 問題解決了嗎?!如果真係係解決左...點解仲係好似悶悶不樂咁ga lei... >>October 24, 2005 at 2:36:09 AM GMT+8 2005 年 10 月 20 日 星期四 【晴】 約左brenda 去睇戲... 又係你自己話六點前到sha tin...咁得咪五點半出門口囉... 去到六點...fit晒... 去到brenda 已經買埋飛...勁喎...仲有得平tim...good... 睇八點...食左野先... 去左味千食...唉...發覺自己真係唔至少少"論盡"...而係好"論盡"囉... 居然開五香粉個陣...唔小心跌左個蓋落碗麵度... 咁可以點...咪又係照食囉... 因為...深信換過碗...情況只會更糟糕... 食完仲有時間...行左陣 去左 trendyland 行左陣...有人買左塊鏡仔...有pooh 係後面... 之後...去左商務睇野... 發現左隻highlight pen 幾得...highlight錯左都有得改番...hehe... 跟住係citysuper 行左陣...見到o的野食...又忍唔住啦...睇到流口水呀... 最後...係A1買左o的麵包入去食...食多brenda 一個"包仔"咁多啦...haha... 入到去等開場... brenda 好醒呀...揀左個好位...左右兩邊都冇人坐...yeah... 都知齣戲淨係圍繞飛機...冇其他場景... 不過...都ok 呀...但係唔多覺有高潮囉... 我諗...如果我係o個個媽媽... 可能...好早已經放棄左... 信人地講o既野...信自己個女真係去左.... 高凶三萬尺(Flight Plan) 剛受喪夫之痛貝嘉莉帶同女兒貝祖麗乘搭其親自設計的飛機， 預備將丈夫的遺體運回美國安葬。 航程中貝嘉莉倦極入睡，但當她一覺醒來，惡夢隨即宣告展開！ 她的女兒竟在完全密封的機艙裡神秘失蹤，連帶所有隨身物品亦一併消失！ 最離奇的是，航機上400多名乘客及所有機組人員， 竟然異口同聲表示，從未見過小女孩登機， 眾人更懷疑貝嘉莉患有妄想症！ 對整架飛機構造瞭如指掌的貝嘉莉，決定靠自己尋回女兒，誓要拆解所有疑團！ 到底整件事是一項精心策劃的陰謀，還是另有難以想像的內情？ >>October 23, 2005 at 7:38:06 PM GMT+8 2005 年 10 月 18 日 星期二 【晴】 約左celia o黎游水... 搬左之後...第一次約人返自己屋企玩...開心呀... 不過...就要執左屋先囉... 因為...實在係太混亂... 雖然...執左佢地都好似唔係好覺... 不過...真係比執之前好又好多ga la...haha.... 執執o下...brenda 又話o黎喎...仲帶埋個大妹bobo o黎tim...yeah...多d人...開心d嘛...hehe... 五點幾...去左火車站接celia... 嘩...今次celia 勁左呀...見到貓仔n仔仔都冇驚到"跑呀跑呀跑"...淡定左好多呀...haha... 之後...同佢地熟落左之後...仲同佢地玩tim...hehe... 佢地係唔係好乖呢...^^ 之後...放狗之餘...去埋接brenda n bobo... 嘩...好耐都冇試過帶住d 狗行到咁遠啦...由新峰行到落運頭塘... celia 又要帶住d 狗狗跑喎...haha...都未試過咁快呀...haha... meet 埋brenda n bobo...又行返上去... 上到去...搞掂晒d 狗狗之後...終於可以去游水啦...lalala.... 八點半先落去...得返一個鐘... 落水之後...cool...唔郁o既話真係會凍親囉... so...唔理佢地...自己游返陣先... 唔知係唔係冇做熱身...游自由腳...游到隻腳有少少抽筋囉... 游完之後...落返大埔墟...去左苑記食最愛o既雲吞麵...仲要再加杯凍檸水...正呀... 之後...再去埋阿宇表哥度食串燒...真係食食食食食... 真係做幾多運動都冇用囉...haha.... >>October 28, 2005 at 3:07:37 AM GMT+8
|
|
得閒打下日記啦人氣: 14531
Design & Scripting by ShowHappy.Net