2008 年 12 月 16 日 星期二 【晴】


感人的宣傳短片

請一同參與《地球一小時2009》
在2009年3月28日晚上8時30分
關燈一小時
齊心響應支持熄燈
讓社會關注氣候變化危機

「熄燈，無法即時改變氣候變化等問題，
但卻是一種象徵，
明確宣示大家願意坐言而行，
做好節能減排和對抗光滋擾，
讓東方之珠不致成為低效能的大燈泡。」

-------------------------------------------------------
心情好點了
走出黑洞的
還是要靠自己

>>December 16, 2008 at 12:53:07 PM GMT+8

2008 年 12 月 15 日 星期一 【颳風】

感到很對不起我的朋友...
我也不想唔開心的...
但真的控制不了.....
很對不起...
我知道我很煩厭...

今日狀態很差
個人完全運作不了...

不想與身邊的人說話...
甚麼也不想做...
很害怕說每一句說話...
很害怕與人親密...
每做一個動作...行為...每說一句說話
也很害怕...

世界在笑,在如常運作...
上班的上班...上學的上學...
自己卻感到好像從世界中抽離了...
好像只剩下我孤單一人...
不知在做甚麼....

有嘗試主動找朋友...
不過拿起電話...按下了電話號碼後...
卻還是放棄了...
沒有動力和勇氣按下撥出鍵...
最終只是關上電話....
很矛盾的是...
渴望別人的關心,但很害怕得到關心....

根本無心機做任何事情...
聽書聽不明也聽不入耳...
連吃飯、坐車、甚至起床的動力也沒有.....
很想很想哭...
全身也發軟..

很辛苦.....

>>December 15, 2008 at 3:05:44 PM GMT+8

2008 年 12 月 14 日 星期日 【晴】

讀書、工作、賺錢、進修、玩、行街、買野、扮靚
讀書、工作、賺錢、進修、玩、行街、買野、扮靚
讀書、工作、賺錢、進修、玩、行街、買野、扮靚

生存實在很無聊....
找不到意義....

很想去一個地方...去避世


發覺自己只有做多錯多、講多錯多...
也發覺人之人之間的相處實在太複雜...
我根本無能力去應付...

我咁蠢...
根本都無任何作為....

我不會再輕易相信人...
不會再隨便與人交心...
情感都會收在心裡...
也會少點說話...
不會輕易將心底裡的感受都坦誠對所有人說....
並少些用真誠去愛身邊的人、關心人...
因為原來,這個世界...
你怎樣待人,別人不會同樣的待你
而原來,人善只會被人欺
原來...做人要"有個勢"...
無勢...別人會以為你好好欺負....會"食住你"...
我不想受傷害了
要保護自己.....

我覺得自己一向都是真誠待人的人...
好希望與每一個人做到朋友...
好坦誠和每一個人相處...
但是...
原來真誠、坦誠和善良只會換來傷害....

近來實在感到做人有太多的錯折...
同學、舊朋友、同事....
甚至父母...

原來...
世上根本無一個人
可以永遠給自己信賴...
任何人都可以口說支持你....但卻會隨時離開你...

人心複雜...
情願做一個孤島...

只有一兩位可信賴的朋友
就足夠...

很想死....

>>December 14, 2008 at 2:43:59 PM GMT+8

2008 年 12 月 13 日 星期六 【晴】

點解從小到大
都要不停被身邊的人取笑
被身邊的人話
不斷聽到很直接的說話
不斷被人傷害自尊心
還要抵毀我的人格

好嬲
好down...

「你係咪真係咁蠢呀？！」
「你好無用！」
「你做咩都唔得！」
「你話你有咩用丫？」

由細到大
身邊都有好多哩d說話
父母講、親人講、同學講、同事講

聽得多
我已經覺得自己真係一個好蠢既人
做咩都唔叻
又好易做錯野
一d好簡單既工作
我都會做錯
而且人地講野,要幾次我先load到
個人好鈍好蠢

我覺得我再生存響世上都無意義
根本做咩都注定失敗
我真係想唔到有咩工作適合我做

我真係好蠢！
好無用！

>>December 13, 2008 at 11:58:04 PM GMT+8

2008 年 12 月 12 日 星期五 【晴】

平日用開果部電腦宣告死亡
唯有用番哩部荒廢左既舊機
而且喇喇臨裝番個9方用
雖然哩部舊電腦係慢d
不過都總好過無電腦用
------------------------------------------------------------
前晚無野做
夜媽媽自己響房睇左套懸疑電影《X-File》
又殺人又血...
睇到我好緊張
成個人情緒高漲...

之後出廳
見到媽咪睇緊《我和尋回犬的10個約會》
本來決心唔睇的...因為好怕睇d狗既戲....
因為我知道我一定會喊的
而且唔鐘意睇喊既戲....
但點知坐坐下又忍唔住...繼續睇落去
一睇就睇哂全套戲...

結果一如所料......
唉,兩母女一齊睇戲,睇到喊到對眼腫哂...

哩套戲...
要養過狗的人先會有共鳴
無養過狗的人,未必會感受到當中的傷心

睇完之後
更加更加更加珍惜同bell bell相處的日子

就係咁樣
一晚睇左兩齣戲
第一套戲係緊張、又驚、又恐怖...
第二套...就喊到死死下...又傷心...又淚流滿面...
一晚之間
情緒極度起伏...又喊又笑又驚
個人情緒極度平衡不到
搞到訓都訓唔到
一上床合埋眼就浮起戲中既畫面...
------------------------------------------------------------
尋日
參加了這個
《香港商務旅遊發展--機遇與挑戰研討會暨研究發佈記者招待會》
有謝偉俊來講野...
不過佢來講得果5分鐘野


聽完哩個研究發佈會
真係好大得著
起碼對香港目前旅遊業發展景況清楚多點
而且
講真 未聽哩個演講時
我真係未聽過"商務旅遊"哩樣野
所以 我沒有後悔參加這些talk
如果我唔參與 放假日我都係無所事事 響屋企hea
所以 何不好好把握機會
一有機會就出去聽多d、睇多d、接觸多d
為自己不斷不斷增值 =)

有無用都好
聽左先算
越來越鐘意參與這些知識型的活動^^
-------------------------------------------------------------
近來好想好想砌puzzle
但日本、外國果d都好貴
實在唔捨得幾百蚊買一盒砌圖玩
咁,,尋日響花園街俾我見到盒砌圖
雖然質地+顏色都差d
不過$20咋
買黎玩下都抵啦
睇下自己有無耐力砌得成先
如果成功+我表現理想既
到時先再買盒貴野來砌 =p

盒Puzzle係我同濃濃小姐既dream house！
真係dream 的居住環境呀....
我地2個會一齊砌掂佢!
砌完就當住左,達成左夢想架啦


1000塊,,真係未砌過咁多塊...haha
砌Puzzle,目的就係要訓練自己既毅力
好!我要搞掂你!
--------------------------------------------------------------------
旺角新世紀廣場既聖誕樹好靚好靚.....
最鐘意紫色或者白色既聖誕樹^^
christmas tree


朗豪坊


>>December 12, 2008 at 11:02:48 PM GMT+8

2008 年 12 月 12 日 星期五 【微冷】

my home computer was died....
no longer alive....

very sad...

how can I live without computer...

can't do homework....can't check e-mail...
can't writing online diary...
can't go to facebook....
can't upload the photos...
can't go to my friend's xanga...

OH, damn!!!

someone buy me a new computer? =(

fortunately and thanks god that....
there is another computer in my home
however it is really very very very old...
and the speed is even more slowly than a 54K one...
and there has no "9 fon" installed in it...so...
I can't type Chinese...
I need to install all of the softwares which I used to use and need to use....

very frustrated...
"lossing thing"....I HATE this feeling!!

I want to buy a new PC ....If I had money =[

>>December 12, 2008 at 5:36:02 PM GMT+8

2008 年 12 月 10 日 星期三 【晴】

行百佳買野飲
俾我見到支咁既野
支野叫做"活益比菲多"
不單只它的名稱
連味道同外表都同益力多一樣
但就咁大支
而且都係$8.5
飲到飽都得
唔洗好似益力多咁,就住就住飲...


中國大陸抄襲 (or模仿)的功夫真係好厲害
不過
飲既時候
我都會擔心....它的製造過程
會否有咩致癌、有毒物質
不過算啦
飲一支應該唔會死
--------------------------------------------------------------------------------------
行通利琴行
睇下近來有咩好歌劇或者音樂會聽

下年香港又有CAT上演呀
5月尾的...
應該係趕畢業功課時期
不過,我好想好想好想去睇呀
好！一於自己一個人走去睇 =]

---------------------------------------------------------------------------------------
其實
就算目前為止
我每一日都係咁樣
不過 無人會知道
亦都無人會知道我的辛苦
同人講又唔知點講

總之
都係咁低落

我都覺得自己好煩
所以 我情願關心我的朋友
我都唔想再理會我自己
因為我feel到我的情況好難有改善
--------------------------------------------------------------------------------------
今日番學其實好down
成堂lecture都專心唔到
好眼訓
最衰自己成日半夜都唔願訓覺
整慣哂自己 唔到一點都唔關燈上床訓
搞到上堂無精神
頭又成日痛
好像變成一隻遊魂野鬼

加上即使我好專心
都好似聽極都聽唔明鬼佬tutor講野
唔明又唔敢開口問佢
原因就係怕講英文!
原來我d英文真係好屎......
聽又唔得,講又唔得
真係好灰

好懶......
唉......好唔開心

我諗我要迫自己專心d
因為好怕真係有科目唔合格
要俾幾千蚊retake不合格的科目
最怕就係會畢唔到業
唉....咁果8萬蚊......
唉......
好灰........

點解我咁懶散
成日得個講字
但實際係咪真係咁努力呢....?
真係得自己知...
愧對自己
愧對自己的學費
愧對自己的青春時間...
-----------------------------------------------------------------------

今日又好頭暈
總係形住我個腦係發生左咩事...

>>December 10, 2008 at 5:44:35 PM GMT+8

2008 年 12 月 9 日 星期二 【晴】

原來
休閒的日子也頗無聊

想去行山,米埔,濕地,無人離島,動植物公園,出海
想去做動物義工,探動物,同動物玩
想去影相
想去聽一場歌劇
想去看一場藝術展
想去旅遊

總是
很想做一些自己又喜歡、又享受
且又有意義的事情

還有
很想做一些脫離現實的事情

是甚麼？
誰會知

生活
很悶...
--------------------------------------------------------------------------------------
花占餅

小時候的零食
到現在還很喜歡

很靚的 =]



--------------------------------------------------------------------------------------
If you look in my heart you'd see it
I'm trying to be something better
If you look in my heart you'd feel it
I've got to keep moving on
If you look in my heart you'd know it
I'm just trying to make my world better
If you look in my heart you'd see it
I got to do it alone

My lovely little world
--------------------------------------------------------------------------------------


誰說動物沒有人性？
誰說動物只有獸性？

牠們的行為
有時比人類還要有人性...

>>December 9, 2008 at 6:43:19 PM GMT+8

2008 年 12 月 8 日 星期一 【晴】

一個人在Page One逗留了一小時
真的好享受逛書店

有些事情
還是獨個兒做比較好
例如逛書店…

有關九型人格的書有很多
不過今天
我看到一本寫得不錯的
我覺得它寫得較全面

看了很久四號仔的特質
十分貼切
就像感到有人明白自己一樣
------------------------------------------------
今日坐火車
有兩個女人...2個人霸佔3個座位！
好黑人憎呀
帶幾十個行李箱上火車,阻住d公共空間,有礙市容都算啦
仲要2個人霸3個位
明知有咁多人企響度想坐
都唔拿開d行李讓俾人坐,霸住d位
已經有好多人bear住佢地啦
但佢地都理得人死
繼續大聲講大聲笑
仲bear番人轉頭！
咩世界呀....

個女人仲好核突,講野講到響度un un腳
加上一身好俗氣的名牌打扮
一睇就知係大陸人
佢地既無公德、自私的行為
我真係好睇唔過眼！
搞到我好興！

上次仲衰
我一入火車...
就見到3,4個大陸人蹲在地上睇報紙
真係阻礙通道
人地講唔講借借,佢地仲惡番人轉頭！
人地踢開佢又唔係,鬧佢又顯得自己無品
所以...都係唔出聲為妙,
係佢地自己樣衰姐...
我睇到都真係好興！

之所以點解我可以咁歧視d大陸人
無計.....佢地既行為真係...10有9個都係咁！

其實我對事物的包容性都已經算大....
但我真係接受唔到無公德心的人
---------------------------------------------------------
我又唔知做咩事
點解情緒可以咁低落...
今日真係好唔掂
好唔舒服...

最慘係...
之前趕功課時
一心以為做完功課一定一身輕
一定有好開心的感覺
但 宜家交哂功課啦
但都無開心既
係咩感覺都無...
剩係覺得生活好悶...好悶...

死啦...
好似好耐都無感受過「開心」了...

就算有...
都只係好短暫....維持幾分鐘....最多幾個鐘...
之後又down過
---------------------------------------------------
我部電腦應該就來又瓜柴
幾個月就黎同我玩一次野....
哩部電腦已經洗過好多次機
亦都俾人維修過好多次...
但都成日同我玩野...
我已經對佢心灰意冷...
已經對佢無哂希望...
佢要離開我都無辦法....

宜家都唔知佢幾時隨時會死
每次開電腦都好驚....

如果我有錢就好
可以買番部新電腦
唔洗貴,唔洗好先進,唔洗好多功能,
夠用,簡簡單單就可以
不過........唉
$$$$$$$$$$$$$$$$$$$$$$$$$$$
=[ =[ =[ =[

>>December 8, 2008 at 6:11:38 PM GMT+8

2008 年 12 月 7 日 星期日 【颳風】

聖誕節
最喜歡的
就是見到很可愛的薑餅人

很喜歡它的簡單外表構造
而且可愛溫暖的笑容

在APM的b+ab的window
有好多薑餅人做model
會戴頸巾、戴帽的
很鐘意呀 =]






------------------------------------------------------------------------------------------------------


10 years of Westlife@ Live at Croke Park Stadium

Coldplay解散
可惜...

Westlife不要解散呀!


不過
美好的東西,都好像難以有永恆

>>December 8, 2008 at 1:07:24 AM GMT+8