2005 年 1 月 24 日 星期一 【陰晴不定】

好耐冇打日記lu....><
因為e幾日都好忙呀..成日都要做功課

今日我好早就起左身啦~因為要帶波返學校打
所以7點多就返到學校lu...^^今日射波ok準啦
可能因為慢慢熟返掛..唔知呢??

今日d堂好悶...琴日又訓得唔好喎
搞到自己冇乜心機...><

放學就照舊咁留係學校打波...不過好慘呀~我為左救一球搞到
整川左條褲...灰爆~
..................................................................................................................
To:蕃薯

希望快樂會快d回去妳身邊...祝福妳
..................................................................................................................
to:妹妹

多謝妳今日請我飲野..第日我請返妳啦^^

>>January 24, 2005 at 6:34:31 PM GMT+8

2005 年 1 月 20 日 星期四 【乍雨乍晴】

好慘呀..我又凍親啦><
個阿爸日日夜晚訓教果時..都搶晒我d被喎...真係唔想同佢一齊訓呀><
唉~..最衰我張床比阿媽訓左啦...都唔知仲要凍親幾多次

今日成日係學校都好辛苦...唉...唔想講啦

>>January 20, 2005 at 8:36:53 PM GMT+8

2005 年 1 月 18 日 星期二 【颳風】

開心呀~今日我終於可以起到身啦~雖然冇以前咁早不過都好好啦^^
返到學校都可以打好耐波...hee...猩猩今日打波好勁呀成日都入...今日最威佢啦~~
而我當然就係努力練緊準繩度啦...

學校方面呢...因為今日係星期二呀..所以又要見果個什麼什麼周sir啦~
唉~佢都傻嫁..做人都唔識執生既...人地下面要排隊嫁嘛點會真係咁準時上到黎喎...
正因為咁呀..邱褲又同佢嘈啦...最後衰既當然又係邱褲.......
到左美術堂...見到個臭(江)喎~^^大家知邊個啦....然後一班敢言既人任又發起
一d唔順氣既聲音啦^^..阿臭江當然又捉邱褲去傾下計啦....鬼叫佢成日串佢咩~
算啦~邱褲都算為3b討厭臭江既人出氣...多謝晒呀

最後兩堂lu...本來我係要同全班一齊落去睇個展覽嫁~好彩我去左幫br佢地做野咋^^
因為我對個展覽冇乜興趣...其實br叫左我.裕.威.豪.溫去嫁~去幫手做個活動既評審
個活動叫24動起來..唔知有冇人聽過呢??個活動請左1a.1b.1c共44人參加...做完仲
有野飲係咪好好先..呵呵...

放學打左陣籃球就返左屋企啦><..喉嚨好辛苦呀.....
所以搞完d野就沖涼.沖完就訓下一陣啦...訓完喉嚨仲辛苦...灰

>>January 18, 2005 at 10:03:49 PM GMT+8

2005 年 1 月 17 日 星期一 【颳風】

yeah~今日又返學lu...呵呵
成日放假搞到我個人都悶晒...好彩今日係星期一咋^^

唉~今日一早起身...就已經唔開心啦><
本來我係負責帶波返學校打嫁..點知我個鍾係夜晚壞左喎...灰
搞到我成7點半先起身><..本來應該6點起身嫁!!!~
因為肥鵬佢地7點就返到學校嫁啦...點知今日搞到佢地咁早返學校都冇得打波
sorry呀...一定冇下次~~最後我750先返到學校...一返到去當然比佢地話啦><

今日講左經共.物理同世史既分..一個字啦...差...經共同世史都唔合格><
唉~都唔知點算...f3喇成績仲係咁差...真係唔想自己咁懶呀~
唔知聽日會講咩科既分呢??希望合格啦^^

放學就打左一陣籃球...唉..唔知點解
射波又屎左啦...成日唔入><....一定要練多d呀
打好籃球讀好d書...唔係點養老婆呀^^



>>January 17, 2005 at 8:33:08 PM GMT+8

2005 年 1 月 16 日 星期日 【颳風】

懶懶豬又黎打日記lu^^

今日我又係11點幾先起身..呵呵~因為我張床太舒服喇...搞到我都唔願起身
好彩我個呀哥拉我起身咋...=.=原來佢要用計數機所以問我放左係邊喎~仲
以為佢知我想起身添><...都係算~我知佢冇咁好人..呵呵

今日既天氣比琴日暖左..^^真係好呀....起左身一陣又要煮麵食啦
唔知點解次次放假都只係食麵...灰~食完麵...個妹打電話比我..話下面有野睇喎
叫我去睇...咁我咪去囉~唔知係我遲定咩事..去到等左好耐都唔見佢...唉
比人放飛機><..就因為咁..雖有自己行下街啦~~行左到3點幾..阿哥打電話比我呀~
佢話:(傻仔...你係咪有m記d現金卷呀?我想食m記呀..未食lunch~~~~thx)心諗...張現金卷
好似係我嫁喎...不過算啦反正我都冇用..咁就買左個餐比佢食><咁就冇左20蚊lu...

返到屋企...呀媽叫我同佢出街交電話費=.=算..反正未換3就同妳出下啦^^
交完電話費..我地咪去行下街囉...行下買d野行下買d野..呵呵..咁我就多左2條褲啦^^
好快就到左5點lu..係時候返屋企食飯~........新年真係好呀....



>>January 16, 2005 at 6:49:52 PM GMT+8

2005 年 1 月 15 日 星期六 【乍雨乍晴】

今日好凍呀><...因為咁凍所以我成11點幾先身呀
做左隻懶懶豬添^^呵呵...

下午約左裕佢地黎我屋企做功課..咁就當然唔係學校果d功課啦
d功課係jpc嫁..我地已經遲左好耐交啦...嗚嗚
我地本來約左230去到我屋企嫁..點知個阿生230先係天水圍既屋企出黎....
仲要撞正塞車添><搞到佢4點先去到我屋企呀...做下下又到5點lu
我就要食飯...而佢又要去唱k喎..所以今日就咁完左啦

其他都冇乜特別野...因為今日係星期六嘛

←送給我愛的人

>>January 15, 2005 at 8:15:45 PM GMT+8

2005 年 1 月 13 日 星期四 【乍雨乍晴】

岩岩睇完(皆大歡喜)..見到洪白嵐唔想起以前既事~
突然再次想起她~.....

............................................................................................
^^今日終於考晒試喇...輕鬆~
不過今次我d成績又退步左啦><灰
努力呀~小丑!!!

天文台話聽日會比今日凍呀...
小心身體~



>>January 13, 2005 at 9:39:57 PM GMT+8

2005 年 1 月 12 日 星期三 【微冷】

今日唔駛返學.留左係屋企....勁睇男兒當入樽(睇到眼累=.=)
下午諗住去左剪頭髮.當然係之前要洗下個頭啦..因為個頭好亂呀><..
洗完就出發去剪頭髮lu~~灰..去到竟然要等....都唔知點解放假都咁多人嫁
等左一陣..終於到我^^過左一陣我又變返以前個傻仔啦^^呵呵
返到屋企..例牌~一技箭飛左去沖涼......沖沖下~突然諗返起好多好耐之前
既事...有開心有唔開心~沖完涼..e種心情令我決定自己出去行下~一路行經過
好多地方..每個地方都對我有唔同既感覺~但最想去既地方始終都冇去到...
唔知果道有冇變到呢??行耐左總算慢慢回復返平常既我^^...
今日係1月12日~唔經唔覺就快又一年喇...時間~好似過得好快...
嗯~仲記得前年既事^^我係咪應該開心呢??

種種事令我難忘..種種事令我深刻..



>>January 12, 2005 at 9:12:58 PM GMT+8

2005 年 1 月 11 日 星期二 【微冷】

累~岩岩去完探晴晴..因為佢入左醫院呀...好似話咩十字咩帶c烈喎^^
入到痛屋...灰...醫生話佢下午出左院....白行~~~
好彩沂打左電話比佢..然後佢身附重傷行落黎警宿...睇到佢都辛苦><
傾左一陣計..7點多佢要返屋企lu..咁我地都返屋企啦^^

講返一早先^^...今日同左蕃薯&abc去警宿食早餐~~哇..有個是應勁同我地傾計..越傾越.....><
唔知點講啦~~笑死(哈哈)...食完我就返屋企啦...點知~~(電話響:喂~秦金輝呀..威呀..miss lam叫你宜家返學校考口試..因為已經有好多人考晒)...=o=我張通告寫(1230-1330)灰...點解咁早嫁~
好彩..已經返左屋企咋..唔係就慘豬豬啦^^

考完就同左裕一齊去銘屋企玩^^佢有ps2呀..超好玩..我地勁玩真三國(仲成日用個
粉棍..hee..)..到左5點就出返上水去醫院啦^^

考埋星期四就考晒喇..大家加油呀

多謝~裸體教我整圖呀↑

>>January 12, 2005 at 9:12:47 PM GMT+8

2005 年 1 月 10 日 星期一 【晴】

今日開始我會寫返日記啦~我都好耐冇上過自己既留言板lu
唔理啦~now寫返先^^

2005年 01 月 10 日 【 微冷 】
今日仲係考緊試..不過今日考英文呀~自己一向英文唔掂所以有d驚><
哇..一起身好凍凍呀~help me!!!!
本來我想早d起身溫書書嫁..不過你地都知啦天氣咁凍~我既計劃當然失敗左啦^^
搞到我720先起身><又溫唔到lu...只好一路行返學一路溫啦....

好快又到830喇..開始考英文~慣常咁坐返我自己個位...不過我一坐就發覺好凍!
唉..搞到我又開始流鼻水啦=.=...用下用下成包紙巾就咁用完lu><
好彩岩岩考完英文..唔係就慘慘豬啦^^結果有d唔係好識..唔知合唔合格呢?希望ok啦.....

經共就冇乜其他事發生...流鼻水都好左好多^^

放學又撞到蕃薯佢地成班人啦..結果又係比佢地捉住要我講88...下次都係講左先走好d^^

到左夜晚730喇...雞包叫狙我去跑步..ok啦..我咪去囉~反正悶
=.=跑左一陣...佢胃痛...原來佢岩岩先食完飯...然後就出左黎跑步..唔怪得知啦
唉..最後唔夠30分鐘就返左屋企玩icq lu....

期待明天...^^

>>January 10, 2005 at 9:41:26 PM GMT+8