2003 年 3 月 12 日 星期三 【晴】

文章標題: 生命中沒有不可能

--------------------------------------------------------------------------------

在自然界當中，有一種十分有趣的動物，叫做大黃蜂。曾經有許多生物學家、物理學家、社會行為學家，聯合起來研究這一種生物。

根據生物學的觀點，所有會飛的動物，其條件必然是體態輕盈、翅膀十分寬大的；而大黃蜂這種生物，卻正好跟這個理論反其道而行。大黃蜂的身軀十分笨重、而翅膀卻是出奇的短小。依照生物學的理論來說，大黃蜂是絕對飛不起來的。

而物理學家的論調則是，大黃蜂身體與翅膀比例的這種設計，從流體力學的觀點，同樣是絕對沒有飛行的可能。簡單地說，大黃蜂這種生物，根本是不可能飛得起來的。

可是，在大自然中，只要是正常的大黃蜂，卻沒有一隻是不能飛的；甚至於，牠飛行的速度，並不比其他能飛的動物來得差。這種現象，彷彿是大自然正在和科學家們開一個很大的玩笑。

最後，社會行為學家找到了這個問題的解答。答案很簡單，那就是,大黃蜂根本不懂「生物學」與「流體力學」。每一隻大黃蜂在牠成熟之後，就很清楚地知道，牠一定要飛起來去覓食，否則就必定會活活餓死！這正是大黃蜂之所以能夠飛得那麼好的奧祕。

我們不妨從另外一個角度來設想，如果大黃蜂能夠接受教育，學會了生物學的基本概念，而且也了解了流體力學。根據這些學問，大黃蜂很清楚的知道，自己身體與翅膀的設計，完全不適合用來飛行。那麼，這隻學會告訴自己「不可能」會飛的大黃蜂，你想，牠還能夠飛得起來嗎？

或許，在過去的歲月當中，有許多人在無意間，灌輸了你許多「不可能」的思想，但請你把這些種種的「不可能」完全拋開；再一次明確地告訴自己，生命中，是永遠充滿希望與值得期待的！

***************
一個幾好的story
thanks dodo^^
我好鍾意的詞語都係晒入面
唔知你地搵唔搵到
知唔知道呢?

>>March 12, 2003 at 9:26:12 PM GMT+8

2003 年 3 月 12 日 星期三 【晴】

今日無咩特別
不過塊面好羞
可能呢排d天氣成日轉
搞到d皮膚差晒
我又食好多熱氣野
成面都出晒粒粒
好醜樣呀我><
唔開心tim

*******************
睇完你地d留言
我諗我都無咩野
tomcatt
你所講ge野都有可能性ge
不過幸福係自己爭取
唔係要夾硬將d感情推來推去
咁樣,邊會有幸福呢?
你又點睇?

突然有d感慨
就係
時間真係過得好快
我就快18lu
一年過得真係好快
兩年都係
三年都可以
以前希望時間可以快d過
人有時真係好矛盾

********************
應tomcatt的要求
我問o個個同學借o左篇文來喇
內容:

<<給愛麗絲的一封信>>

親愛的愛麗絲:

我們大家也很久沒有見了,從你失蹤後,我也不再看見你消息,你只留下一個地址,沒有留下給他們,
令他們無法找你,大家也很擔心你,例如有小明, 小林,小張,小王,小無,小李等人都很掛念你,還有小
豬同學,他說他暗戀你很久,他說不見了你,心如刀割,心急如焚,他說有時想你想到快要死了,小豬同
學每天也以淚洗面,涕流淚下,他媽也十分擔心小豬,害怕他會做出一些傻究,害怕他會墮樓,割血脈,
喝一些清潔濟,藥物等來殘害身心,他媽也差一點兒害怕得要死。大家也希望小豬能回復自信,不
再這樣下去,重新做人。

現在有兩個辦法來解決小豬同學的問題。一,你回來,接受小豬同學的一番情意。二,不要理會小
豬的感受,待仔自生自滅,不要再煩憂我們。這兩種也是好辦法,不過第一種你則需要極大的勇氣吧!

說完小豬說你爸媽好嗎?你爸媽已經報了驚,他說不見了女兒,也和小豬一樣,終日以淚洗面,心急如
焚。我沒有把地址說給你爸媽聽。大家也知道警訊的失蹤人口看見你的相片,說一名失蹤人口愛
麗絲,身高大約1.50至1.60米,廣東話,中國藉,失蹤前身穿背心和短褲,在二千年一月二十日失蹤。
所以你不要再穿背心各短褲,出入要小心有警察,以免被拘捕。我也不想你發生事,我會有空來探
訪你啊。請記要鎖好門窗,你也要多留在家中,不要外出,但外出也一定要掛墨鏡,不要令人認得你
是失蹤人口----愛麗絲,我每次來也會打電話給你的。我每次也會用神秘人來稱呼我,出入小心。

神秘人上
30-1-03

*************************
佢真係有天份寫笑話


>>March 12, 2003 at 4:03:09 PM GMT+8

2003 年 3 月 11 日 星期二 【晴】

哈哈
今日好凍呀
就係咁就過o左一日喇

尋日同ivy傾o左好多野
佢詰我瘦o左
唔係呀.........?
咁樣同我講我會好hurt ga喎
我已經好努力咁增肥中
不過張貼紙cad影得佢好肥
我好瘦咁囉....哈哈
我地個名仲調轉o左
我叫boss......hehe^^

***************
soso係要多d去我板先得ga
你咁ga~~~
我唔制><

****************
今日係學校幫老師登分
我見到有一個人fail
我一睇個heading就忍唔住笑
哈哈
因為個個都係寫給"親人"<---用咩名都得,的一封信
佢就係寫,給愛麗絲的一封信
個愛麗絲係佢封信入面
係一個失蹤少女
仲要係佢朋友
同學仔佢就以神秘人自稱
佢仲教個愛瓏絲點樣逃避警方拘捕
笑死我
真係好想問佢借o黎copy
我都叫好多同學睇佢封信
好多都笑到停唔到
老師都問佢作o左d咩出o黎
老師都一路鬧一路笑
hehehe~~~^^

*********************
我學會做人唔好咁少器
要百毒不侵
放馬過來~~!!
hirono
多謝你係我留言板留言
我無事ga喇

>>March 11, 2003 at 5:41:08 PM GMT+8

2003 年 3 月 10 日 星期一 【晴】

尋晚好唔開心,聽(睇)到一d說話,個心就好唔舒服,好想喊><我自問唔係一件物件,亦都唔係樣衰到無人要,d人駛唔駛不斷將我推俾人呀?一d責任感都無,都唔知佢咩心態....以前係咁,依家又係咁,都唔駛見我啦..咩都無晒啦,為咩要咁做!?你唔知我諗咩,我唔怪你,始終都分開o左咁耐,你都唔知我發生過咩事,但你都唔好係到亂嗡廿四,講者無心,聽者有耳‧我覺得我依家無權向你發脾氣,因為我唔係你d咩人,但有時真係嬲到想打你兩巴等你醒下,你當我係咩呀?見一個鍾意一個呀?哼.....你覺得係朋友講下笑,我覺得無問題,因為我都當你係朋友。但唔該你講野要經大腦,有時真係有d過火,唔好不斷講完又講,依件事,我真係無人可以訴.....但我會記得忘記,希望"你"唔會睇到

**************
今日好開心,同ivy行街,好耐無見佢,同佢傾計好開心,佢雖然有d大癲大肺,不過佢真係我好好朋友,今日同佢行o左首飾鋪,影貼紙相,食野,想買一件一樣ge衫,一人一件ga,不過睇唔o岩....遲d可能一齊釘耳,整油離子,去shopping.....大家都好開心咁過o左一日,唔知幾時先有得見lu....



>>March 11, 2003 at 12:50:23 PM GMT+8

2003 年 3 月 9 日 星期日 【晴】

今日訓到成11點先起身
因為都幾夜先訓
哈哈
好係懶訓豬呀嘛

今日都無咩特別
不過我學識點樣炸豬扒
一向我都識
不過唔太識得將咖哩豬扒整得好味
今次學晒
掂呀~~~~~~~~!^^

*******************
依家次次講親那個人
我就會好似發o左狂咁
好抗拒佢
yi....打冷震>o<

********************
一件好奇怪的事
點解我聽唔到我bg music><
其他人就聽到
不過真係好好聽ga~!!

**********************
明日可能同ivy chan去行街
好開心hehe^^


>>March 9, 2003 at 10:40:09 PM GMT+8

2003 年 3 月 8 日 星期六 【晴】

頭先我同哥哥傾完半個鐘的電話
仲係用cell phone
其實都幾surprise佢會打俾我
但係我就傾得好開心
次次傾完都會係咁
不過佢就好似有d累咁囉
有好多野做
同我say埋sorry tim
不過我覺得只要佢有心
打個電話俾我已經好足夠
佢仲同我講下個星期五又有open day去
今次係king's 的
不過佢唔得閒
如果我要去
就要自己去.....
都唔知去唔去好
仲有
今日同佢傾o左好多野
我都明白o左一d野
要識得諗d....^^
thanks gor gor


>>March 8, 2003 at 11:50:21 PM GMT+8

2003 年 3 月 8 日 星期六 【晴】

今日到依一刻為止
我都唔太有心情
唔知咩事呢
忽然覺好似有d傻
成朝都唔知做咩咁
又同人講埋D幼稚問題
哈哈......
有無聽過抱抱呢首歌喇
今日講D野都係咁啦
等咩丫........
傻瓜.....
好想自己出去行下TIM
唉........
成眼紅根都唔知為咩
都怪自己咁夜訓
去訓覺好過

*******************
今日轉O左歌
係HISMET
意思好似係kiss me/fate咁解
真係幾好聽


>>March 8, 2003 at 2:06:13 PM GMT+8

2003 年 3 月 7 日 星期五 【晴】

今日下午唔駛上堂
所以好早就放學
同o左d同學去食lunch
不過特登走上藍田食
覺得自己有d傻
哈哈
係翁翁介紹ge
食泰粉
第一次食
hehe^^
不過好辣呀~~~~
食到眼水又出晒鼻水都出埋
所以都無咩點食
不過佢地就話幾好食
=_=

*********************
食完唔夠一個鐘
我地就去o左打羽毛波
一早就book o左ga喇
唔知係唔係未消化
所以搞到個胃好痛
今日都只係打o左一個鐘
不過已經好好好tired
隻手無晒知覺咁
所以今日煮飯時
明明要落sault
但係一提起隻手
就自然咁dum返低
差d整到成地都係
^^"
不過都真係幾好玩ge

*********************
hirono
o個個人係掂到我jei
唔係摸我^^"
所以唔駛搞到咁大件事^^
多謝關心呀

**********************
明日佢地ge bbq 去唔成lu
因為當中有人鬧交
而另一班人的踩單車行動
我又唔係太想去
所以都係唔去好
星期六就梗係做d自己鍾意ge事ga啦
係唔係?

***********************
近來好鍾意bond的music
好正,好型
^^
,

>>March 7, 2003 at 9:50:50 PM GMT+8

2003 年 3 月 6 日 星期四 【晴】

近日唔知做咩
咩都無變
但係胃口就變o左好多
上個星期開始
日日都無咁食
由朝食到晚
放學後
一層藍罐cookie就俾我食晒
o個隻仲係中size
咁多牛油
真係利害呀
直到今日,依然都係咁呀
依家個小肚腩真係......><
多o左4吋有多呀!!!
唔止呀
尋日煮飯
又好想食spicy d ge野
所以我又煮咖哩
又煮晒d spicy野
連菜都係!
所以今日就成面粒粒
皮膚勁差~
d咁ge胃.....真奇怪

************************
今日我居然俾我好憎o個個男同學掂到
!!!o.............>o<
佢掂到我隻手呀!!仲有背脊!!
救命!!!!
仲成日望住晒,又叫我個名
愈來愈討厭呀!!!!
唔想再講佢
哼!!!!

**************************
我依個餅主
真係成日食餅ga喇

>>March 6, 2003 at 3:26:49 PM GMT+8

2003 年 3 月 4 日 星期二 【晴】

終於溫完書喇
依家可以online
係唔係好乖呢?
明日要測倉頡啦,仲有op
希望有好成績啦
今日test的ie好似唔錯
幾好幾好

*******************
今日無咩特別
不過我見到o個個男男學係到摺野
仲要係心心
嘩.....
之後d人話係送俾我
yi呀.....好彩佢聽唔到咋.....

*****************
無咩野寫tim
丫.....係呀
我申請o左個新留言板
得閒去下啦
http://hk852.to/靜靜留言板/
不過原來我唔提
就無人留意我info ga喇
都唔知有轉tim
唉.....
不過多謝soso同hirono囉
咁好去留言....
rono又最乖
係第一個去我牛言板ga
我依個餅主都好開心呀

哈哈
佢近日用個好speical ge方法同我打招呼
好鍾意
hehe^^


>>March 4, 2003 at 9:33:42 PM GMT+8