2007 年 4 月 20 日 星期五 【微冷】

今日SDD又放假 ! 故態復萌 又11點幾12點先起身

因為早一晚冇食飯 有D肚餓 因為琴日中午飲茶 所以唔可以食飯

不過今日既中午都係飲茶 XDDD 同媽咪+家姐

1點半先出門口 ! 見仲有排到未到我地 就去左7-11打算買雜誌

不過都係買唔到 ! lucky ! 唔洗sai錢 ! 今日又食到好飽 3條友食左90蚊

食完本來諗住去大中買返mp3個耳筒 不過媽咪叫家姐返屋企溫書

搞到冇人陪我去 ! 冇辦法之下唯有冇得買 /___\

返到屋企縫返好件衫就用電腦 ! 因為d哩士甩哂出黎

用電腦都係趕住cut電話既bg同mp3鈴聲 ! 夜晚又冇食飯

之後睇溏心風暴 ! 因為下集林峯就會出場 ! 要睇劇情 !

點知今集佢都有得出 ! 係同鍾嘉欣既合照 XDDDDD"

下回預告都有佢 ! 真係等得太耐 !!! 不過下集聽聞佢出得個幾分鐘

唉 .... 今日1:30先訓 ! 因為12:30 要睇MUSIC STATION

今集有arashi XDDD" nino 真係好可愛 ! hollywood巨星 !

>>April 21, 2007 at 2:47:05 PM GMT+8

2007 年 4 月 19 日 星期四 【炎熱】

今日係第2屆樂在舞中 ! 6點幾起身 賴左一陣床

7點幾出門口 同meow soyee yuki 去新街市來個早餐

好耐冇食過魚旦粉 ! 杯朱古力真係好好飲 唔知點解講講下講做手術個d

真係好得人驚 @@ 我唔想有病 身體健康丫唔該 我好怕痛

返學校上課室鎖住個袋 之後落去排隊 就上hall坐

f.1真係好無聊 -__- f.2有一班幾好 不過個條友真係太勁

起勢咁"鑿" cho !? 我話佢做嘜鑿得咁勁個時唔知點解全場靜哂 -__-

搞到我個句超響 超nor -__- 今日幫人睇有冇裙底睇都俾人鬧 @@

hahahahaha 原來我以前係好好人 @@ 終於有人讚我好人係應該高興

但係而家成日鬧人 !? f.2跳緊個陣到 f.3 落hall底

落到hall底 soyee就話我知播緊 NEWS首 sayaendo 聽到之後已經完全失控

chauskwan可能以為我痴左線 XDDD" 聽到yamap唱個度興奮到要跳下跳下

hahahaha 係hall底完全係睇唔到 ! 靠個screen點會好睇 !?

一d興趣都冇 ! 其實我地班既啦啦隊唔洗包尾 hahahahhahaa

因為有d班就咁叫完個班名再拍手就算 ! 我d已經好有創意 ! 全靠alan

"3b舞王alex yu 唱歌跳舞唔會輸" XDDD 其實唔會有人明我地講嘜

我地班跳個陣我都冇睇 -___- 因為我要楂機拍片 ! 之後仲俾人話我手震

真係狂我咁努力 ! 今日meow又偷影到智能 靠係欄杆真係超型囉

f.4真係勁好多 =] 好睇 ! 今日留意f.4 d 人 都見唔返唔記得左既1B同學

真係奇怪 ! 咁多人走左 -___- !? 12點幾就完左 !

上返課室 ! 智能死都唔俾人放 ! 明明唔洗跳舞個d一早就可以走

仲係到懶惡 真係好笑 跟本唔會有人驚佢囉唔該 !

真係好鍾意B班 ! 因為大大聲講粗口都唔會有人理 上堂呀flow個d都超free

希望第日都可以係呢d班 ! 放左之後同 meow gered cmh yuki去明星飲茶

yuki明明應承左聽日出去囉 之後又話冇應承過 ! 我聽日就del佢

我唔會記得有佢呢個人 -____- 得gered同CMH應承我去 ! 點搞 !?

唔通3丁友去咩 -3- 點成事 要齊人d先好 又要下星期 下星期會賣哂架嘛

我一定要買到今期seventeen架 ! 有太多野睇 ! 有yamap 有NEWS

仲要超多惠梨香 又有得睇衫 ! 真係超抵 ! 一定要買到架

我要鄙視d打機既人 -__- 難得聽日SDD 好少學校放 一定可以唱好耐 -3-

真係泄哂 ! 1點半開始飲 2點幾就食哂野 ! 吹水吹到4點幾

又係留到俾人趕走 XDDDD" 唔收1,2毫子 ! 收啦 有種你咪找1,2毫俾我

齊頭俾1蚊我囉 痴線 ! 今日終於賠返支NDS筆俾cmh =]

良心會過意得去d ! 返到屋企睇狐忍 又睇到好火 可唔可以咪搞到卡卡西太廢 !?

明明係勁 真係唔鋸 ! 因為冇林峯 我琴日冇睇溏心風暴

>>April 19, 2007 at 9:44:32 PM GMT+8

2007 年 4 月 18 日 星期三 【晴】

日記係下面個篇 !

而家想講講 一公升的淚sp ! 一開始就係亞湖演講

佢提到亞也咁上下 ! 因為亞也係個條屎忽澤尻做 ! 所以我唔想理

睇返佢一公升的淚既造型 只想講 ! 個澤尻係呢套日劇入面靚太多

不過賤人始終係賤人 憎佢就係憎佢 ! 等左幾分鐘 ! 大約7到 !?

亮終於出場 ! 一回頭真係俾佢shock到 XDDDD" 好靚仔 好型 XDDDD

就黎痴線 ! haahahahaa 係sp更加靚 ! 著醫生袍真係好靚 XDD

hahhaahhaaaa 憂鬱個陣真係電死人 XD 不過都係鍾意笑

亮chan笑得好可愛 XDDDDDD 啊 !!!! 會令我回返轉頭睇多幾次

係呢度都係叫返佢遙斗 ! 呢個名真係好好聽 =] 個姓都係 ! 好鍾意呢個發音

Aso 係瑞樹提返亞也之後 遙斗一定好低落 ! 但係一諗返起係屎忽澤尻

真係剎風景 /____\ 不過都係好慘 一播返3月9日呢首歌 即刻打冷震

sp一 開始就發現到遙斗既性格唔同左 好似好孤僻 對醫生呢份工作都冇熱誠

係因為亞也死左 !? 我唔會俾佢因為澤尻而唔開心 !

sp入面藤木直人做既水野醫生冇so 靚仔好多

ma 我就先忘記亞也係澤尻 -__- 如果唔係佢 我都會好鍾意亞也

我都想亞也同遙斗會有結局 雖然亞也點都係死

係遙斗同亞也媽媽傾計既時候 遙斗好似想喊 個段真係睇到有d眼淚

呢個係第一個感人位 "即使到現在 也想和亞也說話 有時 真的很想聽聽她的聲音"

遙斗真係好掛住亞也

當佢收左亞湖畫個幅全家幅既時候 望住亞也好感觸咁

專一既人真係好 仲要係亮 XDDD

仲記亞也個妹理加 ! 細個既時候好可愛 ! 不過大個左就唔好

可以用醜樣來形容 佢都入左東高 亦成為個佢個班歌唱比賽?表演既指揮

歌曲都係3月9日 但比起以前亞也個班 明顯上係唱得差好多

係呢首歌襯托下 遙斗對佢而家既病人瑞樹講返亞也既事

亦都開始回想以前既片段 ! 因為係抽返一公升的淚既部份

所以最近先睇完既 唔適宜太快睇sp 如果唔係可能會悶

係回憶個陣見返遙斗以為既髮型 真係好薯 XDDDD 不過係亮既就變得好可愛

有一次亞也約左松山研一做既學長 但係個學長跟本唔會去

當時落緊雨 亞也都係度等 遙斗趕到去 用遮幫亞也擋雨

但係自己就企係遮外面 ! 好鍾意個個位 遙斗真係好得人鍾意

雖然只係回想 但係好多位都好感動 ! 見到亞也喊

突然諗起亂世佳人入面胡杏兒個7樣 喊到我想昇巴佢 真係想KO佢

我話啊.. 遙斗真係好溫柔 =] 大概只有佢同亞也既家人

先願意慢慢咁陪亞也行路 其他人就算係佢身邊行 心理面都會暗地覺得麻煩

我啊 好似就只會講遙斗 XDDD MA 亮係我lover嘛

"你們真狡猾啊 在她面前裝成好人 對她那麼關切 無論她毫多少次 [對不起]
都回答她 [沒關係] ! 她不在的時候你們就說這些 [真的很困擾]! 你們真的很狡猾
不願意的話一開始就不要對她那麼熱情 ! 覺得為難 麻煩 覺得累了 就在她面前說出來啊
這樣的話她一定會明白 ! 會考慮不需要麻煩大家來幫助她的辦法 "


同學講既野亞也全部都聽到 佢走左之後遙斗追出去個下真係超型 !

其實班上既同學真係好自私! 我認為遙斗真係講得好岩

其實等5-10分鐘有咩問題 !? 人地有既真係絕症 唔只係身體殘障

啊 同學唔知佢係絕症 ... 不過我始終係覺得等一陣係冇問題

最卑鄙既係 連佢最好既朋友都係咁講 如果真係好朋友

為佢早d起身又有咩咁難 !? 唔通有病就唔係朋友 ! 好似真係只有遙斗會體諒亞也

之後遙斗揹亞也落樓梯 真係好好 ! 真係好溫柔 XDDDDD

遙斗推住亞也係初次見面既地方之後跪係佢後面喊 真係會喊死人

仲有一次佢同亞也去完水族館 返去既時候遇到大雨

事後亞也父母因為太擔心 所以大聲咁話佢

遙斗真係好內疚 ! 一直低住頭 其實佢都好擔心 ..

"我和aso kun 也已經是兩個不同世界的人了"

就算表面幾堅強 其實亞也都係好軟弱 其實可能個陣時

佢已經鍾意遙斗 係鍾意左好耐 當然遙斗既心意俾亞也更明顯

"以前的事得不知道 可是現在我有信心 100%正確地說出我的心情
我 只要是你說的 不管多慢 我都會認真聽 無論多慢 我都會跟你一起走
現在的我 也許不太可靠 但總有一天 我會成為對你有用的
即使不能像從前那樣 我也要將這種心情傳達給你
我不認為我們是兩個世界的人 ..
我 或許 喜歡你 "


呢段說話 遙斗已經係後d時間先講 過左一段日子

佢係個段時間一定諗左好耐 亞也既回答只係一句"謝謝"

其實或者咁樣冇結局會比較好 !? 如果一齊既話就冇得做落去

始終都係慘

"你的未來會是無限蔓延的 而我是不同的 我剩下的未來
要想盡辦法地活下去 就這樣 就只是這樣
這樣的天壤之別是怎樣都無法改變的
說實話 和你在一起 我很累 我太羨慕你了
感歎自己的生命可悲 因而覺得生活越來越悲慘
這樣的話 我就沒有勇氣活下去了 謝謝你為我所做的一切
也謝謝你 說喜歡這樣的我 我什麼也無法回報你 對不起
我們 還是不要再見了 "


亞也寫左一封咁既信俾遙斗 遙斗一路睇一路流眼淚

當然亞也寫既都唔係真心話 佢自己都喊 佢都問父母同醫生

"我 ... 可以結婚嗎?" 最傷心既 始終係佢既父母

"命運這樣的字眼 真的讓人無法接受"
"我要認同現在的自己 然後活下去"

亞也媽媽說:: "亞也 你一直活在麻生的心裡哦 今後也是"



時間返返去現實 遙斗又喊 真係好慘 !
一句到尾 最喜歡錦戶 亮 ! 笑顏最高 !


"好幸福 我依然活著"

>>April 18, 2007 at 11:00:41 PM GMT+8

2007 年 4 月 18 日 星期三 【晴】

仆街 打左一大篇日記就打完同我hand機

唔會再打返出黎囉

今日lunch之後 cmh請食超人吹波膠 ! 真係幾好味

吹左好大個波出黎之後俾人話核突 /___\ 係犀利囉唔該

之後couble 中文作文 ! 作完之後既時間同跟住既sp堂

同akingwa lamclong loksn 幾個係度傾返以前既事

個年1B旅行真係好火 但係而家諗返真係得啖笑 -__-

係咁諗返有咩同學 ! 逐個no.數 ! 但係都有好多諗唔起 !

返到屋企諗住可以睇返班相 點知學校個網已經del左 /__\

真係失望 ! 好想記返起 ! 不過幾個以前既同學一齊坐返都好好笑

alan既口號真係好正 ! 智能余子彈 3B殺手'簡'

放學返到屋企睇第一集求婚大作戰 ! yamap個髮型真係好靚 =\/=

好鍾意 ! 真係好可愛 ! 真係有d 彰既影子 ! 健會係頭2個我最鍾意既角色 !

我係指yamap做既角色 ! 真係好可愛 ! masami 著婚紗真係好靚

不過回到過去後既中間分界真係唔多掂 !

呢套既劇情同我想像有d出入 ! 我以為係一次過回到過去

點知係一幅幅相咁改變過去 ! 不過唔知遲d會唔會變 !??

>>April 18, 2007 at 10:53:08 PM GMT+8

2007 年 4 月 18 日 星期三 【晴】

一陣打返 一公升的淚sp

下面係今日

>>April 18, 2007 at 6:28:58 PM GMT+8

2007 年 4 月 17 日 星期二 【乍寒還暖】

因為太 shock ! 想以打今日既第2次 -___-

俾咩shock !? 就係kok打黎話我知林峰下星期一先會出

ohhhhh ! 真係接受唔到 ! 所以而家9點8我都未出去睇溏心風暴 /___\

同埋而家夜晚先落雨 -__- 佢到底知唔知我鍾意落雨 !?


唉 力不從心 世事總係不如人意 我已經半放棄 因為唔會有回報



-------------


又返黎打 ! 因為俾kok呃左 ! 岩岩 岩岩林峰出左一個short !

>>April 17, 2007 at 10:07:59 PM GMT+8

2007 年 4 月 17 日 星期二 【微冷】

琴晚因為睇11點個套光影流傳 !? 應該個名係咁

今日講仲俾soyee笑我講錯左光影流情 ! 因為講香港以前既士多個類既野

講得好有興趣 睇完好想食吹波膠 ! 明明冇講維他奶

但係好想飲支裝個隻 XDD 1點幾醒左一次 6點幾又醒一次

真係唔好訓 -___- 又係唔想起身既一日 ! 真係唔明點解要返學

本來打算唔著冷衫 ! 但係岩岩著返夏季總係要悉應一次

不過都係未得住 -__- 今早又有得食奶皇包 ! 真係好

搭12先出門口 之後先發現今日原來係cycle assembly

今次開始要企 /__\ 真係討厭 今日好似特別多人分享咁既樣

返課室拎埋野就浮去 double eng ! 今日個人短講

不過我假期前講左lu ! 所以唔洗煩 ! 幾條友係度吹水 ! 話咁快就過左2堂

recess之後就maths 星期4就樂在舞中 -___- 所以今堂去鏡房train

一半跳舞一半啦啦隊 都唔知要啦啦d咩 淨係知我地個啦啦隊死梗

之後pth堂 黃健又n年都唔黎 ! 佢11點10終於黎 ! 不過都唔係較書

自修咁既樣 今堂調左去同yuki坐 ! lunch 同 kok 食餃貼大王

d麵真係幾好味 ! 明明聽到對面d人叫排骨擔擔麵 !

但係人地拎到黎又話自己係叫豬排 d人真係唔要得 /__\

返到去hea到打鐘 今日同lam c l 同loksn 講返1B個年佢生日幾條友去游水

原來其中3個人都仲記得 @@ 真係好好笑 =\/=

我竟然可以仲記得佢生日係6月 ! 其實只不過係因為大家1樣 XDD"

I.S 俾chan sin mei 問問題 ! 真係唔識 -__- 話用潛望鏡睇野係唔係會細d

但係好多人都識答 ! 多得佢地提水 ! 不過以前我都俾人冼過好多獲

真係驚驚地 XDDD 下堂係中文oral 今堂小組討論 !

俾一篇野我地 再問科技發展對人類係好定衰 !

今堂係個實習阿sir 真係同智能有得揮 XDDD 好似好賤咁

同chingyim討論真係sai氣 ! 佢渠係得個2個字 ! 方便 !

咩都唔講 ! 討論似係鬧交 -__- 個阿sir話我有skill @@

hahhaaa 話我有d用詞 ! 我講過行屍走肉 =\/= 又話我好參與個討論

不過講觀點要態度正經d !? 大約係咁既意思 !

因為討論既關係所以遲左2個字先落堂 ! 之後CL test !

差d就識哂 -___- 仲有個臨尾先記得點做 ! 所以有2part冇分 -__-

返屋企又係睇狐忍 =] 就黎追得上更新 ! 而家淨係想睇卡卡西

因為都知道佐助一定有得出 -___- ! 求神今日林峰一定要出 !

>>April 17, 2007 at 7:16:04 PM GMT+8

2007 年 4 月 16 日 星期一 【酷熱】

今日終於返學 /___\ 講返琴日先 ! 好好彩咁搵返個校章 ~ lucky !

搵到想發火 ! 夜晚做功課都不太趕 ! 10點到開始溫geog

11點幾訓教 一路睇香港奧斯卡一路溫 ! 有朝偉睇點可以錯過 !?

雖然只係班獎 但係都要睇 =] 下次一定到佢拎 XDDDD

12點返入房 但其實係睇雜誌 ! 12點半訓 今朝真係唔想起身

但係都冇辨法 因為點都要起 叮饅頭仔食 叮到抽乾哂D水

好似乾啃咁 -__- 今日都係第一日著夏季 返學真係好熱

但係已經算好 24-28度 ! ASSEMBLY 都開始係籃球場 好熱

上樓梯又排得後 想熱死人 !? 上去個陣好驚 -__- 怕條裙唔夠長

今晚又要改 ! 咪阻住我等林峰出場 ! RP 都唔知係度做嘜

自己做自己野 !? double中文 做tsa 好快過 ! 作文 成日覺得自己作得好似幾好

但係派返黎次次都好低分 真係失望死 ! recess 因為要等人還工衣

留係課室 ! 順便俾埋隻2nd attrack gered 之後 DT 我真係好憎個部鋸機

而家真係食哂屎 ! 舊木超樣衰 返到課室soyee請食home e d野食

好好味 XDDD" thank you ! lunch with kayi&kok 食魚腐麵

返到課室俾人搶功課抄 唔係借俾你囉唔該 俾你抄仲話人d答案廢

IS 堂整潛望鏡 ! 係黃色色紙 ! so good ! 好靚 XDDDD"

之後eng 都唔知做嘜 ! 無聊 ! geog test ! mc 得個2/8 -__-

不過係咁上下 又唔係點溫 ! 都係fill in the blanks 好 ! 簡單得多

有12/13 個條capital明明識 -__- 但係越諗越多寫左protential -__-

放學同kok放 ! 佢陪我行廣福橋個邊 ! 我陪佢行去明星個邊 XDDDDDD"

原來佢都有"樓" 日本學校個部機 ! 佢係跳箱 ! 好羨慕我個紅色書包 XDDDDD

返到屋企4點幾 ! 都好早 ! 今晚又要忙

>>April 16, 2007 at 5:50:52 PM GMT+8

2007 年 4 月 15 日 星期日 【酷熱】

今日最後一日假 好慘 好似只係放左3,4日咁11點起身

今日完全係要趕功課 ! 唔夠時間 ! 直至12點只係做左eng ers report

最麻煩就係個film report 囉 唔想做 又唔知要寫幾多字

wb我已經放棄 ! 要做5個ch. 佢都弱智

今日既lunch 係饅頭仔4個 ! 食完就換衫 ! 1點去到大埔墟m記

問meow借左 eng 同 maths tsa 既ans 抄 ! 抄都抄左粒半鐘去

真係好多 ! 又要作文 ! eng 真係超煩 ! 爆多功課 !

抄完之後食左個朱古力新地 ! 之後做中文bk report

超舊用日劇 XDDD 我先唔會用書 -__- 上學期係想要變成灰姑娘

今次係欺詐獵人 =] 寫完一張原稿紙都未夠字數 但係又冇紙多

所以我地就走lu 5點到啦 ! 之後返到屋企就唔想做 -__-

但係仲有好多野未做 ! 仲要溫geog ! shit ! 返到去就試下著夏季裙

又要放裙 ! 我邊有時間 !? 仲發現我d校章唔鬼見哂 又要搵

著住對鞋真係想死 ! 著夏季真係超肥爆肥 放假都唔知係好定唔好

今晚又唔洗訓

>>April 15, 2007 at 6:27:30 PM GMT+8

2007 年 4 月 14 日 星期六 【晴】

最後2日假期 /__\ 真係失落 係仲未做過功課 ! 又要臨尾先黎做

真係想死 係超多功課 ! 仲要geog test .. ohhhh 我已經絕望

今日11點半起身 ! 我d身理時鐘又死哂

成日都2點幾先訓得著覺 ! 中午個餐食全發買既叉燒同雞翼

真係超好味 ! 食完之後睇左一陣狐忍 就換衫

同媽咪家姐出西9龍 ! 搭火車再地鐵 ! 先去搵鏡叔叔拎返d野

之後去行街 ! 行左d 批精品 同衫既街 ! 超想買野

最近俾個d mario 系列既野迷住左 XDDD 特別係條恐龍同磨菇 !

之後行西9龍中心 ! 超耐冇行過 細個成日同MAY姨佢地行

去明將食自助餐壽司 ! 46一個人超抵 ! 今日買左個日式既碗

差D又買左銀包 -__- 真係危險 ! 最近讓左俾家姐買

今日又買左碟 XDDDD 關8的男道 ! 聽日全力做功課同睇漫畫 XD

>>April 14, 2007 at 8:59:55 PM GMT+8