|
2005 年 6 月 9 日 星期四 【晴】
【一口二十蚊】
今日又係返工啦, 好靜, 唔忙
同d同事們吹下水又一day!
秋玲今日黎德福Godiva返工
既然係咁, 無奶油唔去R幾粒朱古力食卦....kaka~~
今日係咁多, 拜~
>>June 12, 2005 at 12:55:59 AM GMT+8
2005 年 6 月 8 日 星期三 【晴】
【處處吻】
今日難得唔駛返工
所以出左葵芳剪頭髮
好似剪得短得滯....不過無緊要啦!!
d頭髮長得咁快, 到月尾去飲既時候咪型仔晒囉!! kaka~~~
「你小心 一吻便顛倒眾生 一吻便救一個人
給你拯救的體温 總會再捐給某人
一吻便偷一個心 一吻便殺一個人
一寸吻感一吋金 一秒崎嶇的旅行...
你為何未曾盡興?」
>>June 12, 2005 at 12:24:40 AM GMT+8
2005 年 6 月 7 日 星期二 【晴】
【西客】
注意: 此日記含有不良成份, 敬請留意!
成日都會有d麻煩既人黎鋪頭
試完一大輪野之後, 一樣都唔買
開頭都會覺得好討厭
不過後來覺得, 作為消費者
梗係要鍾意先買ga la
所以而家對呢d人都無咩感覺
但係今日d客, 個個都好似食左屎咁
攪到我火都黎埋, 燥到爆!
西客一:
有個先生黎買褲, 其實都已經試岩晒
但就係要改褲長, 不過佢試完又唔出黎俾我度
佢著住自己條超低腰牛仔褲叫我幫佢度
度得35吋長, 咁根本就唔準ga ma....
咁就好聲好氣叫佢不如再換多一次出黎幫佢度啦
個仆街又唔肯, 仲要發我脾四
勁不屑咁講左句「唔駛喇!!」就走左...
痴lun線ga都!!! 我幫你話改35吋長無所謂wor!
係你吊腳之嘛....同埋到時你diu 9我咁點計呀??
都short ga條仆街....
西客二:
有個女人又係帶個仔黎買西裝
試左件貨場既, 個size岩, 但佢話件衫有問題wor
咁就拎過第二件俾佢啦
搵左勁耐, 搵得勁辛苦先搵到第二件出黎
佢又話有問題, 仲要掛晒兩件係度同我講:
「左邊呢件呢, 兩邊膊頭唔平均, 又有一邊手吊袖
右邊呢件呢, 個膊位車得唔靚, 下邊呢度又爆線...」
呢個時候已經俾佢攪到燥燥地
但我都抑制住自己個情緒先...我同佢講:
「阿小姐, 我地機數顯示就得兩件
而家兩件都擺晒係度喇
既然你覺得兩件都咁有問題
我只能夠幫你check其他分店la...」
佢又話唔駛, 要趕住著, 咁揀過第二個款啦
試左兩條褲, 又同我講:
「呢條31腰闊咁多既?? 頭先條31腰都唔係咁闊ga?」
ok....我再拎條30腰佢試, 試完, 又講:
「呢條褲唔好睇既!! 個線口位走晒樣既??
唔好意思呀, 都係唔岩呀....」跟住就走左喇....
嘩...真係立即火起三丈!!! diu佢老味, 呢度豬二千ja
千零蚊一套西裝係咁上下啦下話....
你要咁靚唔lun去買套Giorgio Armani???!!!
試完唔買唔緊要wor!! 但駛唔駛咁樣彈呀?
d仆街都痴lun線ga....又要平又要靚
你自己車一套出黎啦...戇9....
西客三:
一男一女黎買野, 個男既要試恤衫
試完之後又同我講:
「豬二千d衫真係麻麻地ga ja!!!」
我心諗....仆你個街, 你唔lun即刻除返出黎即刻走??
佢講完呢句之後, 我就再無理過佢
由佢自己慢慢玩....
大佬呀, 九十九蚊件恤衫咋...你想要幾靚呀??
我真係好想同佢講, 隔離有間馬獅龍wor
你咪死過去買囉....一分錢一分貨啦係咪呀...
個仆街又樣衰....勁想兜巴煎9佢....
西客四:
十點鐘收工, 臨落閘之前有個小姐入左黎
點知原來係黎買suit......diu!!! 係咪咁唔識做呀??
係咪要阻住人收工呀仆街???
仲要左試右試, 好似全場俾佢包左咁慢慢試...
好彩最後我可以走先
到我去埋廁所返黎, 攪掂晒所有野走得
個陣係十點半......個小姐仲未買完....
嘩...真係唔lun該晒佢囉....
我都唔明d人...乜好意思ga咩???
返左四個半月工, 未試過有一日好似今日咁燥!!
呢班西客.....真係要每人摑兩巴!~
>>June 9, 2005 at 2:15:22 AM GMT+8
2005 年 6 月 6 日 星期一 【晴】
【香港先生】
Happy Birthday to Karmen
又大一歲了, 祝你越來越索溝死仔
仲要心想事成, 開開心心呀!~
今日繼續返工, 但已經再無d痴線既人黎搗亂喇...
夜晚收工同同事落旺角食野
食食下有個大隻佬走入黎吵吵鬧鬧
拎住幾張報紙係樹嘈喧巴閉
原來係無線香港先生其中一個入圍面試既人
個日份份報紙娛樂版都係講佢
又話佢有45吋胸呀, 又係健身教練呀...
佢仲聲稱宣萱見到佢都要同佢握手wor...
佢就懶係野咁係度晒, 問我地報紙個個係邊個黎...
仆你個街, 好勁咩....WTF....
真係當正自己贏左咁, 簡直係發神經......
我地食野個氣氛完全俾佢破壞晒...
佢唔覺得自己騎呢ga咩? 下??
>>June 9, 2005 at 1:27:43 AM GMT+8
2005 年 6 月 5 日 星期日 【晴】
【飛越瘋人院】
今日返工, 係同一個moment入面
竟然有兩個癲既一齊入左黎, 仲要一齊癲
我心諗....發生咩事情呀....
瘋癲個案一:
此女子名叫「撲蝶」, 德福每間鋪都會識佢
原因係佢周不時都會入d鋪頭發癲
之前已經試過入黎狂爆粗鬧人
全場望住佢, 但都唔知佢鬧緊邊個...
今次入黎, 又係度大大聲講野
雖然無講粗口, 不過說話聲浪非常之高
又係全場人都望住佢...
當佢行到埋黎既時候, 我望左佢一眼
發現原來佢並唔係講緊電話wor!!!
佢只係拎住包7 days紙巾擺係耳邊
當係電話咁講....真係WTF!!!
我同同事Sandy係度研究
佢呢部唔通係最新出既Nokia 1230??
講到呢度, 我都頂唔住走左入倉狂笑左一輪
之後先出返黎.....
瘋癲個案二:
有個中坑帶個仔黎買褲, 試岩左個腰圍
點知條褲唔夠長, 佢問有無一條43吋褲長既褲
咁就話佢聽無啦, 跟住佢就係度發難喇!
又話我地老細田生大把錢, 唔做大陸人生意
搵條43吋長既褲都無
之後女同事小竹即刻解釋啦
話佢聽腰圍同長度係fix死, 要大d既腰圍先有43吋長
個中坑大大聲講左一句: diu!! 你講呀??
跟住就繼續鬧喇...佢走既時候仲係嬲爆爆咁
但最過份既係佢走個陣, 竟然凸登掟舊垃圾係張檯度
我頂佢個肺....仲要我執左佢添.....
痴線ga...我地只係打份工jeh...
要鬧就搵田生啦!!!
所以話, 呢個世界真係多癲人!!!
但...係咪德福特別多??
>>June 9, 2005 at 1:16:56 AM GMT+8
2005 年 6 月 4 日 星期六 【颱風】
【非常兼職】
今朝返早, 返工之前同Tammy食左個麥當當早餐
不過未食lunch已經好鬼肚餓
是第四期發育吧...
太過份太過份!!!
下個禮拜個更表出左, 我又做了一個full time!!!
有無攪錯呀....痴孖gun的!!!
但呢一刻我已經別無選擇了....嗚嗚~~~~
成日隻眼都好痛
放工嗱嗱聲返屋企休息休息!!
阿蓋大面, 太對不起了!!
我們的唱K行動又要順延一個禮拜喇!!!!
>>June 4, 2005 at 11:18:53 PM GMT+8
2005 年 6 月 3 日 星期五 【乍寒還暖】
【夢遊】
又係返工, 都無咩特別事發生
只係成個下晝超靜. 悶到全公司一齊大掃除
爭在未拎個烏蠅拍出黎拍烏蠅.....
今日又超時工作!!
放十點半竟然十一點先走得...
本來想返黃大仙
但唔知做咩自自然然地行左去淘大搭巴士返左沙田...
一切都係迷迷糊糊的....
>>June 4, 2005 at 11:11:01 PM GMT+8
2005 年 6 月 2 日 星期四 【晴】
【洗底】
今日又係返早, 時間都係好快就過
放工仲幫手做埋full time d野...點解我會咁好人既??
夜晚同紀瑤食飯, 之後睇戲
睇左套韓國戲《抱擁這分鐘》
之前睇《假如愛有天意》、《忘不了》、《早熟》等等
去到d感動位, 都只係眼濕濕
但係今次我竟然真係滴得出眼淚....
噢!! 原來我都係一個好感性既人啊!!
女主角孫藝珍又靚到爆....總之就好睇啦~
過埋今次, 我應該可以脫離「成日睇廢戲」既行列喇!!
>>June 3, 2005 at 2:11:30 AM GMT+8
2005 年 6 月 1 日 星期三 【晴】
【數字遊戲】
今日同就黎飛去美國迪士尼既淑君farewell
淑君+Edison+Connie+阿蓋+肥仔+河妖上左大笪屋企反
夜晚就係樓下紫荊大酒樓食飯!!
又有一段時間見唔到呢個好朋友了
但有個咁難得既機會去見識
係絕對值得支持的!!
三個月, 很快就過去吧....
Sem B既GPA出左了!
個結果同我想像之中有少少出入啦
好既又估唔到咁好, 差既亦估唔到咁差
雖然GPA跌左0.5有多
不過我都係好想係度話俾大家聽
我有三科拎A- ga!!
所以, 都總算尚可接受啦....
Yeah~~ Spanish有A-!!~~
>>June 3, 2005 at 1:57:03 AM GMT+8
2005 年 5 月 31 日 星期二 【晴】
【另100問】
今日返早, 不過都無咩特別, 無野好講...
01.) 人地通常點叫你? 黃彥生, 彥生, Eddie, 生生
02.) 一日會訓幾多個鐘? 好難講, 好想訓多d, 不過而家好難喇...
03.) 星期日，鍾意留o係屋企訓覺抑或出街玩? 留o係屋企訓覺
04.) 你鍾意黃偉文多d抑或林夕多d？當然係Wyman呀!
05.) 聽歌，比較注意歌詞抑或旋律？ 兩樣都好重要ga wor....但個人注重歌詞多d
06.) 用一首歌去形容你自己而家o既心情? 不如睡一睡
07.) 你而家有冇拍拖呀? 無~
08.) 你男/女朋友告白先抑或你告白先？答唔到
09.) 你鍾意你男/女朋友多d抑或佢鍾意你多d？都係答唔到~..
10.) 你覺得自己靚唔靚？正常人一個
11.) 你係自戀抑或自卑? 自戀
12.) 你鍾意天長地久多d抑或曾經擁有多d？曾經擁有
13.) 做錯o野時，你怕道歉嗎？ 如果真係自己錯, 都會ga!
14.) 係咪成日都唔交功課？ 唔係, 點hea做都會交既!
15.) 你覺得抄功課係錯事嗎？ 絕對唔覺, 覺就唔會由細抄到大啦!
16.) 你最討厭o既老師係邊個？ 劉百樂既歐陽智慧同蔡玉嫦, 兩個都係pork街!
17.) 係咪成日遲到？ 一時時啦, 唔係成日
18.) 係咪成日都覺得自己黑仔？er...都唔係既~
19.) 有冇一個搞到你喊既朋友？ 應該就無, 好耐無喊過啦
20.) 做朋友，你認為乜野係最重要？ 有heart, 唔計較!
21.) 會唔會接受朋友對你o既批評？ 善意既絕對會!
22.) 如果你最好既朋友講左個好大既大話呃你，你會唔會原諒佢? 睇下係咩事啦, 個大話有幾大啦, 同埋我接唔接受到佢既解釋啦...
23.) 試過俾人搔擾未？ 性騷擾就有
24.) 你覺得乜o野係最令你煩擾？無錢!!! 交功課!!!
25.) 講一個你認為最有效o既減壓方法？ 訓十六個鐘!
26.) 會考你拎幾多分？ 14
27.) 覺得自己能幹嗎？不太, 不過覺得自己有d小聰明, d野會好快上手
28.) 喜歡依賴抑或靠自己? 可以靠自己當然係靠自己啦~
29.) 有冇成日拎住部數碼相機影相？ 以前就有, 而家無lu
30.) 鍾意俾人影抑或自己玩自拍？兩樣都麻麻地
31.) 你部數碼相機係乜o野型號？Kodak
32.) 點解你會買呢部數碼相機? 唔記得喇, 兩年幾前既事
33.) 你用緊邊部手提電話？GX32
34.) 有冇諗住換？ 無! 因為我到而家都覺得佢好靚仔~
35.) 近排做過乜野，令你覺得最[[nor]]？ 咪個次係九龍灣地鐵站俾人check身份證囉!!
36.) 做完一件好[[nor]]事之後,,你要用幾耐去忘記呢件事？三兩日一定要啦...
37.) 有冇邊種外語..你係比較擅長? 普通話卦....
38.) 你信唔信[[星座]]？ 不太啦, 性格個d都還可以, 運程個d就一定唔信
39.) 你覺得自己似唔似你o個個星座？ ok啦
40.) 你覺得蔡依林有冇特登扮濱崎步？ 無研究過
41.) 你有冇發過明星夢？ 無
42.) 你覺得自己有乜本錢去做明星？ 完全無啦
43.) 鍾唔鍾意唱K？ 梗鍾意啦
44.) 最鍾意唱邊個歌星既歌？ 好多都ok wor
45.) 鍾意幾多個人一齊去唱K呀？三幾個啦
46.) 鍾意Neway多D抑或加州紅多D? Neway, 不過Neway好似貴d
47.) 點樣會令你覺得一個女仔係[[姣婆]]? 嗲, 懶靚, 成日露肉個d囉
48.) 如上，點樣會令你覺得一個男仔係扮型？ 懶cool, 懶醒
49.) 邊個明星係令你覺得佢係[[姣婆]]？ 容祖兒, 鄭希怡
50.) 有邊個明星係令你覺得佢係扮型？謝霆鋒, 余文樂
51.) 最鍾意o既牌子? 無咩特別喜好, 不過幾喜歡LV
52.) 比較鍾意咩季節？ 冬天
53.) 最鍾意o既動物？ 長先既狗
54.) 最鍾意o既商場？ 新城市
55.) 最鍾意o既明星？ 陳慧琳, 張柏芝
56.) 最鍾意o既顏色？ 黑, 白, 綠
57.) 最鍾意o既電視節目？ 有郭可盈既電視劇
58.) 最鍾意o既雜誌？ 牛奶
59.) 最鍾意o既人？ 屋企人
60.) 最鍾意o既球隊？ 皇馬
61.) 你妒忌心強唔強？ 不太啦
62.) 容忍到你o既情人一腳踏兩船嗎？ 有邊個會容忍到?
63.) 講出你o既座右銘？ 豈能盡如人意, 但求無愧於心
64.) 最常講o既粗口？ 痴lun線
65.) 講出你而家最想買o既o野? Levis牛仔褲
66.) 你鍾意地鐵多D抑或巴士多D？ 地鐵, 因為快
67.) 你普通巴士多D抑或空調巴士多D？ 咪玩啦...梗係空調啦!
68.) 你對ROAD SHOW有乜感覺？ 有時d節目都幾好睇!
69.) 你有最多邊隻牌子既衫？ 無咩特別牌子, 靚就會買
70.) 最多邊隻牌子既鞋？ converse
71.) 你用邊隻牌子既護膚品？ 無用
72.) 你用邊隻牌子既牙膏? 沙田就高露潔, 黃大仙就黑人
73.) 你用邊隻牌子既洗頭水? 潘婷
74.) 你用邊隻牌子既沐浴露？ 強生
75.) 你用邊隻牌子既M巾？ 無M, 唔駛用
76.) 你最肯花錢o係邊一方面？ 以前係CD, 而家係衫
77.) 而家面前係一個你好憎既人，唔該講句說話寸下佢？ 無聊~
78.) 而家面前係你既夢中情人，唔該講句說話「霖」下佢？ 無聊~
79.) 邊句說話會即時令你嬲爆？ er...好似無咩wor....
80.) 兒時夢想同現時理想，相差大嗎？ 都幾大
81.) 有生以來，你做過乜o野令自己最內疚？ 唔夠孝順
82.) 你信唔信有外星人？ 都信既
83.) 你覺得地球人叻d抑或外星人叻d？ 唔知, 無了解過外星人既世界
84.) 你鍾意董建華多d抑或曾蔭權多d？曾蔭權
85.) 你係香港人嗎？ 當然係啦, 香港出世仲唔係香港人?
86.) 你喜歡香港嗎? 勁鍾意
87.) 為左香港o既下一代，你會唔會聽曾司長講，生三個？ 絕對唔會~
88.) 你想你o既婚禮點樣舉行？ 無諗過
89.) 你想去邊個地方度蜜月？ 西班牙
90.) 你試過「愛到要生要死」的感覺未？ 未
91.) 你試過O係條街上面嘔到七彩未？ 未
92.) 你討唔討厭狐狸精？ 未遇過, 無咩感覺
93.) 你試過遇上狐狸精未？ 岩岩答左未~
94.) 講出一個折磨狐狸精O既方法？ 先姦後殺再姦再殺
95.) 對上一次O係條街上面仆親係幾時件事？ 無印象~
96.) 你覺得O係條街仆親瘀D抑或俾人O係條街勁大聲響你全朵瘀D？ 係街仆親瘀好多
97.) 你係男或女？ 男
98.) 你係邊個生肖？ 豬
99.) 你係邊個星座？ 金牛
100.) 呢個問卷係咪好好玩呢？ 唔係
>>June 1, 2005 at 12:19:08 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【一口二十蚊】
【處處吻】
【西客】
【飛越瘋人院】