2003 年 10 月 18 日 星期六 【晴】

今日超正，本來以為要返學，點知唔洗返，呢個係第一正．．．
第二正就係今日踢波，我地果對係咁入人波，又打得幾有teamwork，呢個係第二正．．．
仲唔止添，我仲要入左兩球波，實在太好喇，雖然入波係人地交得靚我先入到，但對於我這個甚小入波的人來說已經是非常開心，呢個係第三正．．．
以為今日正完啦，誰不知有人約我食飯喎，果個都算係幾重要既人來架，佢約我食飯實在太開心喇，雖然只係食左陣野，時間短左d，但都已十分開心喇，哈，呢個係第四正．．．
嘻，唔知今晚會唔會仲有D正野呢，嘻，希望有啦！！！

>>October 18, 2003 at 6:08:19 PM GMT+8

2003 年 10 月 17 日 星期五 【晴】

今日想呀想，一直想著d野，一直想著有可能但未發生既野，整到成個人傻下傻下咁，不過發下夢都係好事來既，就算去邊都想著，有時諗諗下仲會自己響度笑添，哈哈．．．我想大家都有咁既經歷掛！
今日起左身，執左屋企小小，食下野．．．冇乜野做，之後諗起要睇下小五的習作，就去左商務，順便買餸，本來想叫個人一齊去，不過佢又搵唔到．．．返到屋企，洗完碗，都冇乜野做，就上吓網，不過都冇乜野做，我愈來愈發覺，上網係非常悶既事．．．
食完飯之後，發覺媽咪好似唔係幾開心．．．呀！！希望佢冇事啦！hehe

>>October 17, 2003 at 10:13:26 PM GMT+8

2003 年 10 月 16 日 星期四 【晴】

今日返完學又去左打網球，不過好快就走左，之後同兩個同學仔去左睇衫，因為觀塘原來有adidas既倉，嘩，真係正呀，在那裡買野幾乎係半價再要低呀，尤其d鞋，真係正呀，原價六百蚊的一對鞋可以賣到二百蚊，你話正唔正呀，仲要齊碼喎，我諗我將來的日子都會有時去果到買衫，正！！！但係返去時有d唔開心既事，算啦，事不關己，己不勞心！都係唔好搞到自己好，不過呢個人我以後都唔好再幫！
七點半去左團契，係阿穎沁叫我去既，哈，聽佢講聖經時差點訓著，不過我都已經盡量用心聽嫁喇，去完團契之後，阿穎沁問我食左野未我先發覺自己未食野，哈，不過我都唔肚餓(都唔知點解)．．．十點幾先返到屋企，整錄影機的時候想起阿蕊，之後就打左俾佢傾左陣，真係唔係幾好意思，因為我一路聽就一路傾，都不太留心，實在非常抱歉，又加上自己眼訓．．．不過同佢傾電話都幾好既．．．嘻嘻！
搞極都搞唔好部機，唉，之後仲要俾阿媽話我整唔好部機唔孝順，因為佢睇唔到錄影帶，都唔知係好笑定係唔開心，原來我整唔好部機係唔孝順既表現，哈，真係都唔知呢個咩世界呀，咁講野既人都有既
仲有今日agent打來話搵到補習俾我呀，勁開心呀..................

>>October 17, 2003 at 7:53:26 PM GMT+8

2003 年 10 月 15 日 星期三 【颳風】

各位朋友仔，對不起呀，因為呢兩日呢，有一日就阿爸叫左我地出去食飯，有日就太眼訓，即係尋日，我放學返到屋企，食完飯就即刻訓著左，都好似未夠８：００呀，大家可想我係幾眼訓呀．．．果日同阿爸食飯好開心，因為好耐未試過一家人食飯喇．．．
今日最尾果堂真係生不如死呀，因為播返presentation 既帶，呀！見到自己係差不多最差，唉，仲俾阿Miss Chik 話我點點點．．．算啦，下次努力，同埋我以後做野都係認真小小，都係唔做太特出既野喇．．．之後夜晚去左杏花村食雪糕，之後傾左好多阿rice既野，同george,阿so同阿偉既經驗，真係獲益不少，啟發到少少野，所以大家唔好以往為自己做既傻仔野人地唔會做，因此唔好太介意自己的過去
今日做左見都係我幾小做既野，哈，太難為情了，我不打算公開，不過希望得啦，但係我又未必可以成日抽時間出來做呢d野，希望要求唔好太高啦，

>>October 15, 2003 at 10:34:13 PM GMT+8

2003 年 10 月 12 日 星期日 【晴】

呢兩日本身係返工，點知我阿爸話未得住，所以由最辛苦的兩日變成最舒服的兩日，實在太好了，搞到呢兩日鬼死咁好訓，不過我都有做功課！！！今日去左強哥仔會所瞥波，買埋野去佢屋企食，打埋機添，返來睇夏雪(日劇來的），之後訓著左，今晚食雞煲，超正，食左三大碗飯，聽日好似開始凍，最好食呢d野，大家朋友仔著多d衫啦！！！！！！！！！

>>October 12, 2003 at 10:10:06 PM GMT+8

2003 年 10 月 10 日 星期五 【晴】

今日訓到十點幾，做左唔知乜野，就同阿媽去飲茶，之後都係響屋企，冇乜野做，睇下戲，上下網，不過想起聽日要返工，就不禁覺得慘，算啦．．．鬼叫你窮呀頂硬上啦

>>October 10, 2003 at 6:44:22 PM GMT+8

2003 年 10 月 9 日 星期四 【晴】

今日放學去左打網球，哈，我都估唔到我咁勁，一學就識，不過識就識，第日打落都未必打得叻，所以我係唔會驕傲既，之後返到粉嶺，約左曾健食野，點知碧嘉都響到，去左"賤人莊"食野，返到屋企，見到有新既小型CD機，砌好之後就不知覺訓左．．．都好似未到九點，我實在係太累了．．．

>>October 10, 2003 at 6:40:35 PM GMT+8

2003 年 10 月 8 日 星期三 【晴】

唔知大家有冇經常搭車企住都訓得著呢，其實今日都唔係第一日喇，我已經好內之前訓練到企住在地鉄或火車sleep喇，各位唔洗驚訝，呢d就係香港人的特色，香港------就是一個令你連休息時間都差不多冇既地方，今天放學，就係一個好好既例子，我居然企住響到訓都可以"鐘"得到醒，各位朋友仔，我希望你地唔會好似我咁，連訓都冇得好訓啦．．．
講返今日個presentation，係衰左既，好彩唔計分姐，其實我今朝已經背好哂，不過太緊張，又有人影響我喎，都係果個Cristy，佢．．．我都未講，佢就好似笑定先，搞到我腦海一片空白，唉，好彩我啖定，亦因為太淡定，我都好似唔係好知我背左咩，就這樣衰左喇.....

>>October 8, 2003 at 11:29:59 PM GMT+8

2003 年 10 月 7 日 星期二 【晴】

今日都唔太特別，都係返學放學，不過夜晚就慘喇，呢排和記個network真係唔知做咩，成日上唔到網，咁岩聽日要present喎，諗住返來上網搵返仲未搵既data啦，點鬼知上極都上唔到網，搞搞下部電腦就訓著左喇，不過我十點幾訓醒起身都仲未連到線（佢一上唔到網就自動連線），唉，真係大獲，之後到十一點幾先上到，搞到我想背書都背唔到，搵資料搵到三點幾，第二朝又要七點起身喎，真係．．．．．．唉

>>October 8, 2003 at 11:12:04 PM GMT+8

2003 年 10 月 6 日 星期一 【晴】

各位朋友仔，真係唔好意思，我都唔想上唔到網，我已盡力保救，星期日就冇去邊，成日在屋企，哈，果日係我呢幾個月以來第一次訓到十一點幾，我諗係好事來既，今天返完學約左沁沁去高山劇場聽歌仔，同佢食左餐飯，都幾開心，不過都好貴，哈~~~~之後返到屋企樓下仲開心，因為今天卓小朋友寄左信俾我，我高興得立即寫返信俾佢，佢都過得幾辛苦，同我差不多，唉，以後的星期六日都要去沙田返樓面（返十一放十一點)，大家同學仔，有人性既就唔該鼓勵下我啦，同埋唔好話我唔成日出來聚下喇，大家都知道，生活逼人，呢d野我都唔想，有時間既我當然會搵你地啦（首選當然是HTA帝國國民啦）

>>October 7, 2003 at 1:26:53 AM GMT+8